အမည်မဲ့ ခံစားမှုများနဲ့
နာရီများ ၀ါးစားသောက်
တံခါးပေါက်တွေ ဖွင့်ခဲ့တယ်။
လှုပ်ရှား လှုပ်ရှား
ကလေးများရဲ့ ငိုသံ ရယ်သံ
ပန်းခြံထဲက
စစ်တောင်းကမ်းယံထဲက
ချောင်းရေဆန်တိုးတဲ့ မနက်
ချောင်းရေပြန်ချိုးတဲ့ ညနေ
ငိုလွယ် ရယ်လွယ် သေချာမှုတွေထဲက
ချည်ထွေးတစ
အခုတော့ တသသ
ရစ်ပစ်နှောင်ထွေး ခဏ ခဏ။
စာအုပ်၊ ကျောက်တံ၊ လွယ်အိပ်
မြက်သိပ်ကွင်းပြင်၊ ရေတင်အိုင်ထဲ
ခုန်ခွဲပြေးလွှားတဲ့ ရိုးသားဘ၀
စိတ်ဆိုးရင် ဖိုက်တင်ချ
ခဏ ပြန်ခေါ်တဲ့
ဘ၀ သေးသေးလေးမှာ
စဉ်းစားစရာ အကြွေးတင်ခဲ့တာ
အခုအချိန်ထိ တခါခါ
ခံစားစရာ အမည်မဲ့
တိမ်တိုက်ဖွဲ့မိုး ညိုးလျ ညိုးလျ။
တံခါး ခေါက်တတ်တဲ့ လက်
အခု မနက်
ဘာကို နှုတ်ဆက်မယ် ?
ဘာ ခရီး ဆက်မယ်?
ကွယ်...
မသေမချာ
သံစဉ် မညီမညာ
ဒူရိယာ တလက်ထဲက
ဂန္တ၀င်ဂီတ
မထွက်လာတာ
ဘာကြောင့်
ဘာကြောင့်။
မြစ်ကြီးတစင်းဘေး
ကလေးဘ၀မှာ
ရေမှာ ပေါ်တဲ့သောင်
လှိုင်းသံ အောင်တဲ့ည
ရေကျ ရေတက်
လှိုင်းတက် လှိုင်းဆုတ်၊ လှိုင်းပုတ် ဗျိုင်းပျံ
ကာရန် ဆန်ခဲ့သေးတယ်။
မတိကျမှု
တိကျမှု
ရေသေဆန်ဆန် ခုဘ၀ထဲက
ဝဲသြဂ ရေပွက်ခဏမှာ
မီးစထွန်း ကျွန်းကွာလှမ်း
ဂွတ်ဟုတ်အငူကို လွမ်းခဲ့သေးတယ်။
တိတ်ဆိတ်လွန်းစွ
ညများရဲ့
ရင်ခုန်သံ ညံတဖွဲ့ကို
အမှောင်မဲ့မဲ့ မမဲ့မဲ့
လှိုင်းဖြတ်သွားခဲ့ရင်ပဲ
ပျော်ရွှင်လွန်းစွ။
ဒါပေမယ့်
အသံအက်ရှ၊ မှန်နက်စတွေ
ကွဲရှနစ်ဝင်၊ နှင်းထုပြင်မှာ
ညဟာတုန်ခါ
ကဗျာတွေလည်း အမြုံသာသာ
လူ့စိတ်တွေ တုန်ခါဖို့ နေနေသာသာ
ဆုတံဆိပ်တွေမှာ
ဖုန်မခါနိုင်သေးဘူး။
<နေလုံးအရိပ်၊ လမ်းပြပုလိပ်>
ခြေသံတွေ သိပ်သည်း
ချွေးတွေ ပိတ်ရွှဲ
ပြေးလွှားဆွဲရုန်း၊ ကာဗွန်တုန်းကြားမှာ
ဒါဟာ...
လှိုင်းပုတ်သံသာ မဟုတ်
ဗျိုင်းအုပ်ပျံတာ မဟုတ်။
ရေတင်မြက်ခင်း မဟုတ်
ရေငင်လက်တွင်း မဟုတ်
ရွှေကျင်တွင်း
ငွေကျင်တွင်း နက်ချုပ်ချုပ်မှာ
ရှုပ်ထွေးလာတာလည်း သိနေတယ်။
ခင်ဗျားဟာ..
ကျွန်တော်ဟာ...
လေးသင်္ချေ ကမ္ဘာတသိန်းမှာ
ဘာမှ ဖြစ်လာမှာ မဟုတ်ပေမယ့်
၅၅၀ ထက်ပွေတဲ့
နိပါတ်တွေနဲ့
ဖြစ်ရပ်တွေ ထိရှခဲ့ပြီ။
ပျော်ရွှင်ခြင်း
လှိုက်လှဲပျော်ရွှင်ခြင်း
ပူဆွေးခြင်း
နင့်နဲ ပူဆွေးခြင်း
ပြည့်စုံခြင်း
အတိပြည့်စုံခြင်း
ဆုံးရှုံးခြင်း
လုံးဝ ဆုံးရှုံးခြင်းထဲက
"အမည်မဲ့" တကြောင်းသာ
ကောင်းစွာ ဘာသာပြန်တတ်တယ်။
ယောဟန်အောင်
စက်တင်ဘာ ၁၄၊ ၁၉၈၆။
Wednesday, February 29, 2012
မိမိကိုယ်ကို ဘာသာပြန်ခြင်း
ဆူးလေလမ်း
ခိုတအုပ်
ပိုက်ကွန်တခုကို
ရုပ်လိုက် ဖြန့်လိုက်။
မီးအနီ
ကားရှည်တတန်း
လမ်းပေါ်မှာ
ဆုတ်လိုက် တုန့်လိုက်။
လမ်းပေါ်မှာ
သွားသွား စားစား
စကားများသူများ
တအား။
မြင့်မြင့်မားမား
ထုထည်လွင့်လျား
ဆေးသားအသစ်နဲ့
ခေတ်တိုက်တာများ။
ထူးထူးခြားခြား
သစ်သီးပုတ်သိုးကြားက
မှိုများကိုလည်း တွေ့ခဲ့တယ်။
"ဖြစ်မယ်မဟုတ်လား ... ကိုယ့်လူ"
ယောဟန်အောင်
ဇူလိုင် ၆၊ ၁၉၈၆။
Monday, February 27, 2012
မာန
ဦးဏှောက်တခုကို
ကုတ်ခြစ် ဆုတ်ဖြဲပစ်ခံရ။
ကျားမျက်လုံးလိုပ
ဒေါသတံခါးဝဟာ၊ အရာရာကြောင့်
ဆောင့်ကြောင့် ထိုင်နေခဲ့တယ်။
<ခဲတံ၊ စာအုပ်၊ စာသင်ခန်း>
သေးနုတ်သော စာတတန်းဟာ
ဘ၀ကို
ဘာသာပြန်သော မှတ်တမ်းလား။
မြူမှုန်များရဲ့ အာကာသ
မသိကြသူများဟာ
ပုရွတ်ဆိတ်များကို
အထင်သေးလိုသေး
ဘာတွေ ရေးထားမှန်းမသိတဲ့
စာတမ်း၏ ကောင်းကင်မှာ
သူတို့ လမ်းမရှာတတ်ဘူး မဟုတ်လား။
ခေါင်းကို ထုနှက်ထားတဲ့
စာရွက်ဟာ
လေမှာ မပျံနိုင်ဘူး
ဒူးထောက်ခဲ့ရတယ်။
လောင်ကျွမ်းဆွေးမြေ့နေတဲ့
ဦးဏှောက် အငွေ့တွေဟာ
ဂန္တ၀င် တေးရှည်ထဲက
စာသားပါဒလို
ရသကိုယ်ထည်နဲ့
ဘယ်တော့ ပျိုရွယ်မှာပါ့။
ယောဟန်အောင်
ဇူလိုင် ၁၊ ၁၉၈၆။
စိတ်ဓာတ်ပျက်ပြား (၁)
ရာစုနှစ်များရဲ့
အုတ်ချပ်များနဲ့
ဖွဲ့တည်ထားပြီး
ဂုဏ်ပုဒ်နာမ ဟိန်းထဟီး။
စာအုပ်များ
အထူကြီး၊ အကြီးကြီး။
လူများ
မျက်စိကြီး၊ နားကြီး
စကားလုံးများ ပညာရင့်သီး။
၎င်းတို့အနီးမှာ
ဦးဏှောက်သေးသေး အိမ်မြောင်ငါ။
ယောဟန်အောင်
သြဂုတ် ၃၀၊ ၁၉၈၆။
စိတ်ဓာတ်ပျက်ပြား (၂)
အသက်ငင်နေတဲ့ နွေရဲ့
တိမ်တမ
ကြမ်းကြမ်းရမ်းရမ်း
လှုပ်ချပြီးတဲ့ညမှာ
တောင်ပံ ခတ်လာသံများ
ကြားရဲ့လား ....
ကြားကြရဲ့လား..
နားထဲမှာ။
တိတ်ဆိတ်မှုထဲမှာ
စူးရှစွာ
မှောင်နက်မှုထဲမှာ
တောက်လက်စွာ
အုပ်ဖွဲ့ပျံသန်းလာတာ
ဘယ်ညာ ဘယ်ညာ။
စိုထိုင်းအေးစက်
ညမျက်နှာစာ။
ဖီးနစ်ငှက် ပမာ
ခရီးသစ်ယတြာအတွက်
အကြံထက်သူ
<ဖလံ ပလူများဟာ>
မီးထဲမှာ
နစ်နေတာ
ပြာတဖြစ်လဲ ငါ။
ယောဟန်အောင်
ဇူလိုင် ၄၊ ၁၉၈၆။
ရှင်သန်ခြင်း ပဋိပက္ခ
မနက်ခင်း
ကြယ်နူးဖွယ် အတောတစနဲ့
အားတင်းနိုးထ
ညနေ
မျောက်မင်း အူသံရှည်နဲ့
ရှင်သန်ခြင်း ဝေဒနာ ကမ္ဘေကမ္ဘာ။
နိုးထခြင်းနဲ့အတူ
မြူတွေဆိုင်း
လောဘ ဒေါသ မောဟစည်းဝိုင်း
ပွေ့ဖက်ဝိုင်းက
ရှင်သန်ခြင်း အသိတစ
အပ်နဖားဝ။
သက်ပြင်းများ
မှုတ်ထုတ်ကြ
ခြေလှမ်းရှေ့မှ အရိပ်များ
ဖြတ်သွား ဖိနင်း
သဘာဝရဲ့ ကြည်နူးခြင်း
သုတိသာယာ ပန်းတခင်း
ငန်းတို့ပျော်ရာ နတ်ရေတွင်း
အလျဉ်းမကြည့်ကြ
ပြူတင်း မလှစ်မဟ
ငါ့ဘို့ ငါဘို့ ငါဘို့
ရှေ့သို့ တိုးသွားကြ။
ရသ သဘာဝ
ရုပ်ပစ္စည်း ပမာဏနဲ့
ဘ၀အတွင်း
ရှင်သန်ခြင်း ပဋိပက္ခ
ညှိလို့မရ။
ယောဟန်အောင်
ဧပြီ ၁၄၊ ၁၉၈၆။
ညီမလေးရေ နမိတ်မရှိ နမာမရှိ
သိပ်တော့ အဓိပ္ပါယ်မရှိပါဘူး
အတွေးတွေ မူးဝေတဲ့အခါ
ပြေလိုပြေညား
ဘူတာလေးနား
ကိုယ်သွားထိုင်တတ်တယ်။
ညက
လေးလေးလံလံ အိပ်မက်လို့
လိပ်ပြာထွက်ပေါက် မရှိ
ညောင်းချိနေတဲ့ ဦးဏှောက်တွေနဲ့
တံတားပေါ်လျှောက်လာ
အမှိုက်တွေ မျောတာကြည့်လို့
ပျို့အန်ချင်လာတယ်။
ရထားလမ်းဆုံးတွေ
အမိုးခုံးထဲသို့ တိုးဝင်သွားတယ်
ပြီးဆုံးခြင်းတရားဆိုတာ
မရှိဘူး မဟုတ်လား။
ကြေးနန်းတိုင်များပေါ်မှာ
အုပ်ကြွပ်နီပြားပေါ်မှာ
ငှက်ငယ်များ
အတောင်ပံပြန့်ကားလို့
အဝေးသို့ ပျံမသွား
အသိုက်ဖွဲ့ထားကြတယ်။
ကောင်းကင်ကျကျမှာ
သက်ပြင်းစတွေ ရောဖျော်လို့
မျဉ်းပြိုင်ပေါ်ထိုင်ရင်း
ညီမလေး သတင်းကြားချင်တယ်။
တွေ့မြင်နေရတာတော့
ရထားစက်ခေါင်း အပျက်များ
သူတောင်းစား မိသားစု
အဓိပ္ပါယ်မဲ့ လမ်းပျက်တခုပဲပေါ့။
အညိုအမဲစွဲ
ကောင်းကင်ကြီးအောက်
တယောက်ထဲ လမ်းလျှောက်ပြန်ခဲ့တယ်။
<ညီမလေးရေ>
လက်ပမ်းကျသူအတွက်
အိပ်မက်ဆိုးချည်းပဲလေ။
ချမ်းလိုက်ပုံများ
ဆောင်းညတွေရဲ့ ငှက်ဖျားပုံမျိုး
သွေးဥတွေ တိုးဝှေ့ ပိတ်သိပ်လို့
တိတ်ဆိတ်စေးပျစ်
သစ်ရွက်ပေါ် ရေကျသံကြားရတယ်။
<ကိုယ်ပန်းခူးနေရက်က>
တပေါက်
နှစ်ပေါက်
ညည့်ကို အပေါက်ဖောက်လို့
တိမ်တို့ လမ်းလျှောက်လာ
ပြာနှမ်းနှမ်း ခါကျ
ကိုယ့်ကို အရူးအမူး နမ်းကြတယ်။
ပန်းတွေ ပွေ့ပိုက်လို့
ပြေးလိုက် မောလိုက်
တွေ့လိုက် ဝေးလိုက်။
မင်းအ၀တ်အစားတွေ
ငွေသားပြိုးပြက်
အိပ်မက်ဆန်လှ
လှတယ်.. သိပ်လှတယ်
ချစ်သူရေ
ရောက်တော့မယ်ကွယ်။
ကိုယ်ပေးတဲ့ပန်းတွေ
အလို နီရဲလို့
ရီနေတဲ့ ညီမလေး အသံထဲလည်း
သွေးစတွေရွှဲ
မှုန်ဝါးဝါး အိပ်မက်ထဲမှာပေါ့။
အတွေးတွေ လေးလံလို့
ကိုယ်အသံကျယ်ကျယ် မပြုရဲဘူး။
မနက်ဖြန်ကူးတဲ့အခါ
ပဲ့တင်ပြန်လာမှာ စိုးနေတယ်။
ဘာများပါလိမ့်ကွယ် ?
ယောဟန်အောင်
ဇူလိုင် ၂၅၊ ၁၉၈၇။
အနာတရ
မင်းကိုငါ
ချစ်နေတုန်းပါပဲ ဆိုတာ
ငါသိနေပါတယ်
အနာတရပေါ့။
ညနေက
သူငယ်ချင်းတွေနဲ့
ပျင်းတွဲ့မှု ဆေးကြောစရာ
ပခုံးတွေခါချ ယာယီ
ဇွန် ကော်ဖီဆိုင်မှာ ထိုင်ခဲ့ကြတယ်
လာခဲ့ကြ အတိတ်တွေဖွင့်ဟ
ကျွမ်းကျင်မှု၊ မကျွမ်းကျင်မှု
အမှိုက်စနများ
ဘ၀ကို ပွန်းစားခဲ့ကြ။
ပြန်လာခဲ့ရ
ညနေမှောင်ရီ
မပီမသ
မပီ.. မသရာက ပီ...သ
ဖော်မပြတတ်အောင်
အမှတ်ရလာတယ်။
လမ်းမပေါ်က၊ ညနေလူခင်းထဲ
ကိုယ်တယောက်ထဲ
ရပ်စဲငြိမ်သက်
ဘယ်သူ့ကို ရန်ဖက်ဖြစ်မလဲ
ဘယ်သူ့ကို ပြန်ဆက်ချစ်မလဲ
မရှိတော့လေ။
ကုက္ကိုပင်တန်း၊ မိုးငွေ့သန်းယှက်
လေဖျာယှက်ဝှေ့
တံတားငယ်အောက်မှာ
ဗွက်ရေတွေ တရွေ့ရွေ့
နေ့ည မကွဲမပြား
ပိတ်စေ့ထူသည်း မိုးသားကြားမှာ
မိုးဖွားကျလာ
မကြာခင်
သည်းထန်လာတော့မယ်။
ဓာတ်ကြိုးတွေထက်
စွန်ပျက်ကြိုးစ၊ လှုပ်ကြွခါယမ်း
လမ်းပေါ်ကားများ၊ မှန်တံခါးချ
လူတွေ သုတ်ခြေတင်ရ
သီချင်းနွေးနွေး
ကော်ဖီဆိုင်ကလေးများလည်း
ကျဲတောက်ဖျော့လျှ
အိမ်တွေထဲက မီးစများက
ငွေ့ထပူနွေးစေပေမယ့်
မိတ်ဆွေမဆန်တဲ့
ခြံတံခါးများက
"လုံခြုံရာ ဘ၀တဲ့"
ရစေရဲ့။
အလျှင်မလို
ကိုယ် ဖြည်းဖြည်းပဲလျှောက်
ခြောက်လှန့်ကိုင်းလှုပ်၊ ကုက္ကိုပင်အုပ်
ရေစက်တွေ ခေါင်းပေါ်ဖြုတ်ချ
သစ်ရွက်တွေချာလည် ပြုတ်ကျ
အသံတွေလည်း ကြားရ
မော့မကြည့်လည်း သိရတယ်။
သစ်ရွက်တွေ စိမ်း ၀ါ
ပန်းတွေဖြာပွင့်၊ ကြွေလွင့်
နေကြမှာ
ဒါဟာ ဒုက္ခပဲလား။
မှုန်ဝါး မြင့်လွန်းကြတယ်။
ဆံစတွေထက်၊ မိုးစက်တွေ
လေနဲ့ ဆက်ပက်၊ ရွှဲစက်စို
ကိုယ်လုံးအေးမြ
ဆံစတွေက စီးကျ
နှာဖျားတွေက စီးကျ
ရင်ပတ်တွေက စီးကျတယ်
မြောင်းတွေ နီရဲသွားကြတယ်။
ကိုယ့်အခန်းထဲရောက်တော့
ဝတ်စုံခြောက်လည်း
ဖွာလံကျဲနေတဲ့
အလွမ်းတွေပဲ
<တညလုံး>
တမျက်စီး လှည်းထုတ်နေမိတယ်။
ယောဟန်အောင်
ဇူလိုင် ၁၄၊ ၁၉၈၇။
ညနေ
အဝေးမှာ
အပြာရောင်သန်း
လူသူကင်းမဲ့
တကယ့်အလွမ်းနဲ့
ညနေဖွဲ့ကို ငေးရပ်ကြည့်မော။
တိမ်တိုက်တွေမှာ
ကောင်မလေးတယောက်
ပြေးလျှောက်လာ
မဟုတ်သေးပါဘူး။
နှစ်သစ်ကူးတနေ့က အိမ်မက်မှာ
အပြာရယ် အနီရယ် တောက်တောက်ပပ
လိုက်ဖက်လိုက်ကြလေကွယ်။
ပုဂ္ဂိုလ်စွဲ တွေ့ချင်နေမှုတခုပဲ၊
ဒါ... အချစ်
စွပ်စွဲသမုတ်
ငါတို့ ဟုတ်လိုက်ကြရအောင်
တကယ်ဖြစ်ဖြစ် ဟုတ်လိုက်ကြရအောင်
အရောင်တွေဟာ ရွှံ့ရေလို အရောရော
ခွဲလို့မရ
ငါတို့ကျောတွေ ဘာလို့ ကိန်းခမ်းကြီးနေကြတာလဲ
အိပ်လိုက်ကြ
ဒါ... ပန်းမွေ့ယာ
ဒါမှမဟုတ် ဆူးမွေ့ယာ
တသသ နာကျဉ်နေမှာပဲပေါ့။
ငါ သတ္တိရှိပါတယ်။
ယောဟန်အောင်
ရက်စွဲ.. မမှတ်မိ။
ည
အသုဘ ချပြီးစအိမ်လို
ညရဲ့ကိုယ်ထဲ အသံမဲ့။
ပိုးကောင်ငယ်များ အသံ
စက္ကန့်တံလို လှုပ်လှုပ်
မိုးတိမ် ပုတ်စပ်စပ်
မလတ်မဆတ် လ နဲ့
ကြယ်တို့ရဲ့ ဖတ်စာမဲ့။
ကိုယ်ဟာ
ရှားပါးစာအုပ် ပိုင်သလိုမျိုး
ဗန်ဂိုးရဲ့ မိတ်ဆွေတယောက်လိုမျိုး
အလဟဿ တန်ခိုးတွေနဲ့
ဘ၀င်တမျိုး ခပ်ထွေထွေ
အဆင်မပြေမှု မှန်သမျှအတွက်
ဆင်ခြေတွေ ရှိလျှက်ပဲ။
အူပေါက်နေတဲ့ ချည်တထွေးမှာ
အစကို ရှာရင်းရှုပ်ထွေး
ကိုယ့်ကိုမွေးတာ (၂၂) နှစ် ရှိပါပြီ။
ချည်မျှင် အပုံထဲက ကိုယ့်ဖက် ဆွဲချင်ရာဆွဲ
'နေပျော်ခြင်း' အင်္ကျီပွပွထဲ
ချေးညှော်တွေ မဲလာတယ်။
မီးတိုင်ငယ်တချို့
မစို့မပို့ အနီမှိုင်းမှိုင်း
မှောင်ရိပ်မညီ မျက်ခင်းတပိုင်း
ခြင်တွေ လှိုင်းထနေတာပဲ။
ဘုရားရှိခိုးသံကြားတယ်။
ခပ်ရေးရေး
လူငယ်တယောက်ရဲ့ အတွေးဟာ
ပြဿနာနည်းနည်း
အလွမ်းများများ
ဖျားနာခြင်း၊ နလံထခြင်း
ဘ၀ရှင်းတမ်းဟာ
အကြွေးတွေချည်း ထွက်မလာသလို
ဦးဏှောက်ဆိုတာ
လော့ဂရစ်သမ် နည်းနည်းပဲပါတယ်။
ငါ့ကို ဘယ်သူအိပ်မက် မက်မလဲ
ငါ ခုန်ဝင်လာခဲ့မှာပဲ
ဘာမှမရှိ ညထဲမှာ
ဘာမှမဖြစ် ကုန်ဆုံးဖို့
ကိုယ်တို့ရှင်သန်နေတာပဲလား
< ညတို့ တအားရှည် စကားမမြည် နည်းလွန်း>
ခုတင်တလုံးထက်
အသက်ရှူသိပ်မ၀
အိမ်တလုံးအထဲမှာ ကိုယ်နားခို နေရပေမယ့်
ကိုယ်...
အိုးမဲ့အိမ်မဲ့ ဖြစ်နေ။
ယောဟန်အောင်
သြဂုတ် ၂၉၊ ၁၉၈၇။
နံနက်
ပျင်းနေတာနဲ့
ထမလာသေးပဲ
အိပ်ယာထဲမှာ
နေမြဲနေ့များ၊ မသွားချင်သေး
သွေးအေးအေး အတွေးတွေနဲ့
ရှေးရှေးက
၃-နှစ်လောက် စကားပြောခဲ့ကြ။
သုည၊ သုည တွေ ဆက်ထုံးရင်း
ကြိုးတစင်း ရှည်ရှည်လာ
ကိုယ့်ဘာသာ ရစ်ပတ်ရှုပ်ထွေး
ပိုးအိမ် အထုပ်ကလေးမှာ တင်းတင်း
ရာသီ ပြင်းထန်ထန်။
အိုးသံ၊ ခွက်သံနဲ့
ခေါင်းတိုင်တို့ ရှင်သန်လာကြ။
ရွှေရောင်ပိုးသား၊ ကြိုးမျှင်ကြားမှာ
လှုပ်ရှား ဖုန်မှုန့်တွေ
အတွေးတွေ ပေပေတေတေ နိုင်ပုံမျိုး
အကောင်အထည်
နယ်သတ်မျဉ်းမရှိ။
သူတို့ ဘာတွေ ချက်ပြုတ်နေကြတာလဲ။
ရုံး၊ ကျောင်း၊ ဆေးရုံ၊ သုဿာန်
ဘတ်စကားနဲ့ မြို့ပတ်ရထား
ငှက်များပျံဝဲ
စက်ဝိုင်းထဲ တပတ်လှည့်မိကြ
လှည့်ခံရ
လှည့်ခဲ့ကြ
သူတို့ ဘာတွေချက်ပြုတ်နေကြတာလဲ။
ဘ၀ဆိုတာ
အစဗလာ၊ အဆုံးဗလာ အိပ်ယာခင်း
ထမင်းလုံးတစ္ဆေခြောက်
သိဒ္ဓိပေါက်လိုပေါက်
ပိုက်ဆံ ကောက်ရချင်ရ
အဆုံးကျတော့ ဘာမှ မရှိ။
ငါ့အခန်းမှာ
တခုခု ဖြစ်လာမှာကို
ကြိုမျှော်နေမိတယ်။
တံခါးခေါက်သံ
သော့ဖွင့်သံ
အချစ်
ဒါမှမဟုတ်
နိဗ္ဗာန်
စကားလုံးတခုရဲ့ ဗဟိုမှာ
ရှင်သန်ဖို့
အို.... တိတ်ဆိတ်လို့ပဲ။
ယောဟန်အောင်
ဖေဖေါ်ဝါရီ ၁၈၊ ၁၉၈၈။
တောင်သူကုန်းလမ်း
သူမတို့အိမ်နဲ့
ကျနော်တို့အိမ်
ဆက်ထားတဲ့ လမ်းကလေးဟာ
စုံထောက်ဝတ္ထု ဖြစ်လာတယ်။
ညနေတိုင်း
ရာဇ၀င်ရေးခဲ့တယ်။
ဧရာဝတီ ဖြစ်လာအောင်
ယန်စီ ဖြစ်လာအောင်
သူမ ချစ်လာအောင်ပေါ့။
ချစ်သူဆီသွားတဲ့ ခြေလှမ်းများဟာ
ဆံပင်ညှပ်ထားတဲ့ ညနေပါပဲ။
ရေချိုးရင်းက လေချွန်တယ်
ဝတ္တရားမြွေ အရေခွံလဲလို့
ဖိနပ်အမဲ နှစ်ဖက်ဟာ
ကောင်းကင်မှာ လျှောက်ရ။
အသေးဖွဲတွေသာ
များများလာလေ
သူမဟာ ဖွဲ့နွဲ့နေခဲ့ရဲ့။
အခုတော့
ညနေသီချင်း၊ တုန်ခါပျက်ယွင်း
ရေဒီယို သီချင်းသံကြားက
သူမအိမ်မှာ
ကိုယ်နားခိုချင်ပါတယ်။
ခွင့်မရ
ခြံတံခါးများ၊ ပိတ်ထားခဲ့ကြ။
မှောင်နေတဲ့ လမ်းကလေးပေါ်မှာ
ကိုယ့်အတွေးများက
ဓာတ်တိုင်တွေ ဖြစ်တယ်။
လင်းနို့တွေက၊ မျှော်လင့်ခြင်းစ
ပြင်သဖာချုပ်
ကောင်းကင်ကို အုပ်မိုးနေ။
သူမက
ဘိန်းဖြူလို ပြုံးတယ်။
နွားနို့လို ပြုံးတယ်။
အဲသည်လိုနဲ့ပဲ
ဓူဝံကြယ်ပဲ၊ တကယ်မြင်ရ
နက်ဖြန်ထပ်သွားရတော့မယ်။
သူမတို့ အိမ်ဝင်း
ပြူတင်းတံခါးလည်း
'ဂျိန်း' ကနဲ ပိတ်ရော..
တလောကလုံး မှောင်ကျသွားတယ်။
ယောဟန်အောင်
ဇွန် ၃၀၊ ၁၉၈၇။
ဆရာမလေး
နေ့ချင်းပြန် မကောင်းတဲ့ ကျောင်းကလေး
ရန်ကုန်-ပဲခူး ကားလမ်းဘေးမှာ။
အမြန်ယာဉ်တို့ ဈေးကြီး
ခရီးကြုံ
ကုန်တင်
မြေသယ်
ကားကျောပြင် ကျယ်ကျယ်မှာ
တခါတလေ
နှင်းဝေေ၀
တခါတလေ
ဖုန်ပေပေ
တခါတလေ
ခြေထောက်မမီ
တခါတလေ
အချိန်မမီ
တခါတလေ
အသိဖွဲ့
တခါတလေ
ရိသဲ့သဲ့
အနန္တ ဂိုဏ်းဝင်တဲ့
အနစ်နာတွေတဲ့
ပီပြင်စွာ မိတ်ဆွေဖြစ်ခဲ့ပြီ။
အနွေးထည်ထူထူ
သနပ်ခါးထူထူ
< သူမ>
ဘယ်တော့မှ ကျူရှင်မပြဘူး။
ယောဟန်အောင်
ဇန်န၀ါရီ ၄၊ ၁၉၈၇။
စာမေးပွဲ
ခါးခါးသက်သက်
ကံတရား ဆိုတာတွေ
မြိုလျှက် ပြီးပြီလေ။
ကျနော်ဟာ
ပိုင်းခြေပဲ၊ ပိုင်းဝေမဟုတ်။
တချို့က ကြံအသားရတယ်
တချို့က စုတ်ပြီးသား ၀ါးဖတ်ရတယ်။
ကျေးဇူးစား ကျေးဇူးခံတွေက
မျဉ်းတကြောင်းသားလိုက်ကြတယ်။
အမှန်တရားဆိုတာ
ကိုယ့်ဖက်ကိုယ် ဆင်ခြေပေးတာပဲ
ပဉ္စလက်နည်းနည်း
မျက်နှာနာစရာ များများ
များ
အား--
ကျနော်ဟာ ချောက်ထဲကျသွားမှာပဲ။
ယောဟန်အောင်
သြဂုတ် ၂၆၊ ၁၉၈၇။
ဈေး
ပျားတွေလိုပါပဲ။
အဆိပ်ပြင်းပြင်း
တ၀ီဝီ ပျံသန်းရင်း
အလင်းရောင် နည်းနည်း
ဆိုင်ကလေးထဲ
တနေ့လုံး ထိုင်နေရတာပဲ။
ရေစွက်စွက်
ဗွက်တွေက စိုလိုက်ခြောက်လိုက်
အမှိုက်များ ကျုံးလိုက် လောင်းလိုက်
ရေမြောင်းများ ဆို့လိုက် ပွင့်လိုက်
နေသာလိုက် နေမှိန်လိုက်
ခေါင်းကိုက်စရာ။
ဈေးသိမ်းသေတ္တာထဲမှာ
ကိုယ်ချင်းစာတရားထားပြီး
ခေါင်းပေါ်က တန်းများမှာ
လောဘ၊ ဒေါသ၊ မောဟတွေ လှန်းထား
အရောင်းအ၀ယ် မပါးကြဘူးနော်။
သူမဆီပို့တဲ့ မေတ္တာစာ တစောင်ဟာ
ကုန်ထုပ်စက္ကူ အနံ့လှောင်လှောင်ထဲမှာ
ပုန်းအောင်း ညောင်းချိ။
စကားသံ အချို့နဲ့
အသည်းနှလုံးတို့
ငွေစော် ပျို့ပျို့နံလာတယ်။
အချစ်ဆိုတာ ဟောသည် သေတ္တာလေးပဲတဲ့။
ယောဟန်အောင်
စက်တင်ဘာ ၁၊ ၁၉၈၇။
ကွမ်းယာဆိုင်
ပေါင်ဒါ ဖို့ထားသလိုပဲပေါ့
မှိုနံ့၊ ဖရိုဖရဲ၊ အရောင်ဖျော့ ကြော်ညာများ
ဆေးမွှေး အာမွှေးတို့ စွန်းထင်း။
ပျင်းပျင်းရိရိ
ရာသီမသိ၊ ပန်းမသိဘူး
ကြေးအိုးများ အညှိတက်ခဲ့ပေါ့။
ချိုချဉ်ယိုစုံ
ဈေးခုံ ခန်းဆီးနောက်မှာ
တောက်ပတလှည့်၊ မှိန်တလှည့်
လင်းတလှည့်၊ မှောင်တလှည့်
ပဟေဠိဆန်ဆန်
အကျယ်ချုပ် ခံရသူပဲ။
ဘက်ထရီနဲ့ မီးသီးနီည
မျက်နက်ချယ်သ မျက်လုံးများက
မှိုင်းပြ မှုန်ပြာ
အပြင်မှာ
ဟင်းစားရှာ ထွက်သူတချို့
သူ့ကို စကားတို့ထိ၊ အသားတို့ထိ။
ပွဲတော်ညလမ်း
ဖြတ်သန်းသွားကြ
ပြည့်ဝ လ လင်း
ပွဲခင်းဆီက မြည်သံတွေကြား
သူမရဲ့ ၁၆ နှစ် နှလုံးသား
တချက် တချက် ခုန်ထွက်လာတယ်
တအားပဲ။
ယောဟန်အောင်
သြဂုတ်လ ၃၀၊ ၁၉၈၇။
မေ့ဆေး
မိုးသည်းသည်းကျ
စိမ့်အေးမြ။
ခြံဝင်းတံခါး ပိတ်ထားကြတဲ့
အလင်းအိမ်အတွင်းမှာ
TV မှာ အာဘော်သတင်းတွေ ကြည့်ရင်း
မျက်တောင်စင်းကြ။
ရေအား တိုက်ချမရ
မြောင်းဝတစ်ဆို့နေတဲ့
အမှိုက်တချို့ကို
ဝိုင်းဝန်းဖယ်ရှားဖို့တော့
မေ့လျော့နေကြတယ်။
ယောဟန်အောင်
ဇူလိုင် ၃၊ ၁၉၈၇။
သွေးအားနည်းသူ
စိတ်ထဲ တအုံနွေးနွေး
ခြေရာတွေ ညစ်ထေးနေတဲ့
ကိုယ့်ဦးထုပ်ကလေးကို
အမြဲတမ်း ဖုံသုတ်ပေးနေမိတယ်
တွေဝေလျှက် ရှိတုန်းပါပဲ။
အိပ်မက်တွေဟာ မျက်နှာကျက်ပဲ
နေ့တွေရဲ့ အကျိတ်အခဲတွေကို
ဖုန်းကွယ်ဖြေဖျောက်လို့
ထို့နောက် ...
ပင့်ကူများ
အနံ့သိုးများ
အိပ်မက်ထဲ
စိတ်မချမ်းမြေ့စရာ တရွတ်ဆွဲ
ပင်စင်စား တယောက်လိုပဲ
ငြီးငွေ့။
< < ကျနော့်ရင်ပတ်ကို ကြည့်တာ မကြိုက်ဘူး
ကျနော့် ခြေထောက်ကို ကြည့်တာ မကြိုက်ဘူး
ကျနော့်ကို အထင်သေးမှာ ကြောက်ရဲ့ > >
လမ်းပေါ် လျှောက်သွားတိုင်း
အသုဘ ကားတစီးလိုပဲ ခံစားရ။
ဘ၀ဟာ
ဓာတ်လှေခါးတခုလို မလွယ်ကူ
ချစ်သူကို ထမ်းပိုးနိုင်ရေးဟာ
လေးလွန်းတဲ့ ၀န်ပဲ။
ငါရဲ့ သိမ်ငယ်ခြင်းနဲ့
ပြင်းပြင်းထန်ထန် ပင်ပန်း
သူငယ်ချင်းတယောက် အခန်းထဲ
ပစ္စည်းပျောက်ရှတဲ့ ညက
အခွံ ကွဲအက်ကြေမွ
ခရုတကောင် မြင်ကြရပုံများ။
အချို့က
အလ္လာပ သလ္လာပတွေက
ဒူးရင်းသီးအခွံတွေ ဖြစ်လာတယ်
ယင်ကောင်ဖြစ်လာတယ်
အောက်ခံ ဘောင်းဘီဖြစ်လာတယ်။
ကိုယ့်ဦးထုပ်ငယ် မလုံတဲ့
သိမ်ငယ်ခြင်း ၀တ်ရုံထဲက
ညက အိပ်မက်မှာ
အဖေဟာ
တင့်ကားတစီး ၀ယ်ပေးတယ်။
ယောဟန်အောင်
ဇွန် ၂၅၊ ၁၉၈၇။
အမည်မဲ့.....
မိန့်ခွန်းတွေက
ခေါင်းကိုက်ဖျားနာစေကြတယ်
စကားတွေဟာ
ကူးစက်ရောဂါ ပိုးတွေပါပဲကွယ်။
နံရံတွေမှာ
နားတွေ မရှိဘူး
ထွေးခံတွေပဲရှိတယ်။
ထွေးခံတွေက အသံချဲ့စက်တွေ ဖြစ်လာ
တံထွေးတွေသာ လွင့်စင်လာကြပေါ့။
မင်းနဲ့ ကိုယ်ကြားမှာ
ပရိတ်ချည်နဲ့ ချုပ်ထားမရတဲ့
ပါးစပ်များစွာ ရှိကြတယ်၊
သူတို့ဟာ နံနက်တိုင်း သွားတိုက်ကြတယ်
စကားလုံးများကတော့ ညစ်ထေး
ခွေးအူသံလောက်ပါပဲ။
လုံခြုံမှု မရှိတဲ့
အိမ်သာတံခါးများရဲ့
ပုတ်အဲ့နံစော် စကားများ
ဝါးစားမိပြီလား ချစ်သူ
ကိုယ့်ကို အပြစ်ယူခဲ့တယ်
ဆင်ခြေဆင်လက်များဟာ
ပဉ္စလက် အတတ်တွေပဲမို့
မယုံလို့လည်း နေနိုင်တယ်
ယုံလို့လည်း သေနိုင်တယ်။
< ၀မ်းနည်းစရာပေါ့ >
ယုတ္တိနည်းကျ
ဘာသာဗေဒ ပညာကုန်
ရင်ခုန်သံ ဆက်သွယ်နည်းနဲ့
တို့နှစ်ဦးရဲ့ ခရီးကြား
စကားများ ရှားပါးလှပေါ့။
ယောဟန်အောင်
ဇွန် ၂၁၊ ၁၉၈၇။
ငယ်မူ
တလောက ရန်ကုန် အိမ်ပြန်ရောက်တော့ အဖေ၊ အမေတွေက သိမ်းထားတဲ့
ဒိုင်ယာရီအဟောင်း၊ ရေးထားတဲ့ကဗျာတို အဟောင်းတွေ ပြန်ထုတ်ပေးတယ်။
ရည်းစားစာအဟောင်းတွေလည်း ပါတာပေါ့။ အဲသည်တော့ အဟောင်းတွေလည်း အစုတ် (အဲလေ..
အသစ်) ဖြစ်ရပြန်တယ်။ သူတို့က ပြီးခဲ့တဲ့ ၂၄-နှစ်မှာ ကျနော်ရေးထားတဲ့
ကဗျာတို၊ စာတိုတွေကို တခုတ်တရ သိမ်းထားပေးထားတာကိုလည်း ၀မ်းသာမိတယ်။
အဲဒီကဗျာတွေကိုလည်း ဖြည်းဖြည်းချင်းရိုက်ပြီး ပြန်တင် ပေးမယ်လို့ စိတ်ကူး
ပါတယ်။
တခုတောင်းပန်ချင်တာကတော့ အခုစာတွေ၊ ကဗျာတွေက လွန်ခဲ့တဲ့
၂၄-နှစ် ငယ်နုစဉ်က ရေးထားတာ ဖြစ်ပါတယ်။ ပျိုမြစ် တက်ကြွမှုကို
မြင်ရနိုင်သလို၊ ကျနော့်ရဲ့ မရင့်ကျက်မှုကိုလည်း မြင်ရမှာပါ။
အမှားအယွင်းတွေလည်း ရှိနိုင်ပါတယ်။ စုတုပြု ကာလဖြစ်တာကိုး ခင်ဗျ။ အဲသည်ကာလက
ဆရာမောင်သာနိုးရဲ့ ထင်းရှုးပင်ရိပ်၊ ဘောင်းဘီဝတ်မိုးတိမ်၊ အဲဒီထဲက မှ
ပြင်သစ် ကဗျာဆရာ အာသာရမ်းဘိုး ရဲ့ ကဗျာတွေကို ကျနော် စွဲစွဲ လမ်းလမ်း ရှိခဲ့ဖူးပါတယ်။ အဲသည် အရိပ်အငွေ့တွေလည်း လွှမ်းမိုးနေ မှာ မလွဲပါဘူး။ သည်းခံဖတ်ကြပါဗျာ။
ယောဟန်အောင်
(၂၀၁၂)
.... ..... ......
ဂျူတီကုတ် တထည်ကြားက
ပုန်းရှိုးတွားတက်လာခဲ့ရ
ဘ၀
အသားမသေ၊ အနေမကျ
အော်..
အယူတိမ်း နတ်စိမ်း သူ့ဘ၀။
ဆူပူကြ
အားကိုးကြ
လက်ညှိုးထိုးကြ
ရှူးတိုက်ပေးကြ
ပဋိပက္ခတွေကြားမှာ
တခါတခါ
ဝါးပြီးသားပီကေလို
ဟိုမှာ တွယ်ညိ
သည်မှာဆုပ်ဖမ်း
အိပ်မက်တွေကို ထမ်းထားရင်း
သူ့သီချင်းသံ ပျက်ခဲ့
သူ့လက်တွေ ညောင်းညာနေခဲ့
သူ့ရင်မှာ ကိုးရာမဲ့။
ကြယ်ရောင်အလင်းမှာ
မှန်းရင်းလျှောက်၊ လျှောက်ရင်းလဲ
အသည်းမှာ အတွင်းကြေ
ဖြေဆေး မသိ မရှိ။
သူ့ညတွေမှာ
စာအုပ်တွေလှန် မင်တံကိုက်ရင်း ခြင်ရိုက်ရင်း
မျက်တောင်စင်းကျလာတဲ့အခါ
ပိတ်သေတ္တာထဲဝင်
စာလုံးတွေ လွင့်စင်ဖွာကျ
ည အဓိပ္ပါယ်သေးသိမ်ခဲ့ရ။
သူ့ညတွေမှာ
မနက်ဖြန်ကို သယ်လာရင်း
ပျင်းရိစွာ
စာအုပ်ကို အဖုံးမကျန်မြိုချ
ဝမ်းဗိုက်က ရွှဲလာ
မျက်လုံးများက ပြူးလာ
ခေါင်းမှာဝေရီ
ခေါင်းအုံးဆီမှာ အေးစက်လို့
မနက်နေထွက်တော့
ကိုယ်လက်နာတာ အဖတ်တင်တယ်။
<< ငါဟာ ဉာဏ်နည်းပါးလှပါပေါ့
ဖျော့တော့သွေးအား
ပါမွှား အင်းဆက်တကောင်ပါကွယ်၊
ငါဟာ
ပိုးဟပ်လို
ခြင်တကောင်လို
ပုရစ်တကောင်လို
ဘာဆိုဘာမှ အသုံးမကျ
ငါဟာ
ဉာဏ်နည်းလွန်းလှပါရဲ့>>
သူ့နေ့တွေမှာ
အိပ်ငိုက်နေရင်း၊ ပူအိုက်နေရင်း
အနှိမ်ခံ အသားတွေက ဖျဉ်းစပ်
မျက်စိတွေက ခုတ်ဖြတ်
ပါးစပ်မှာ ဟာသချည်းမို့
သူ့သည်းခံ ရယ်မောသံထဲ
သွေးစက်များရဲ။
သူ့နေ့တွေမှာ
မုတ်ဆိတ်ရှည်တာ၊ ခြေညောင်းတာ
ဒုက္ခတွေ ထပ်လောင်းလာ
အကြွေးတွေ ထပ်ဆောင်းကာ
တရာသီမှာ
ဘယ်လိုခံစားနိုင်တာပဲ အခါခါတွေးခဲ့
သူဟာ ဖျားနာနေလျှက်နဲ့ပေါ့။
ခြေလှမ်းများ.... လေး ကန်... လျှက်...က
ဂျူတီကုတ်များထဲ ထုပ်ပိုးခံရ
ဗုဒ္ဓပွင့်ချိန်ကာလကို
သူမျှော်ဆ
ကြာ လှ ချည် လား ကွယ်။
ယောဟန်အောင်
ဇွန် ၁၅၊ ၁၉၈၇။
ယောဟန်အောင်၊ မေမေနဲ့..လွမ်းခဲ့ရတဲ့ကဗျာများ
၂၄ နှစ်ကြာပြီးတဲ့အခါ သူ့ရင်ခွင်ထဲ သူ့ကဗျာတွေ ပြန်ရောက်လာခဲ့တယ်။ သူ့မေမေဟာ သူ့ကဗျာတွေကို သူ့ ငယ်စဉ်ခလေးဘဝလေးကို သိမ်းဆည်းပျိုးထောင်ခဲ့သလိုမျိုး သေချာ သိမ်းဆည်းခဲ့ပေးတယ်။ မွေးရာပါ ကဗျာဇအတိုင်း သူ့ကဗျာတွေဟာ သူ့ရင်ခွင်မှာ အသစ်တဖန် လှိုင်းထလို့လာပြန်တယ်။ ဒါတွေကို မဖတ်ဖူးသေးတဲ့ ကျနော်တို့ ကဗျာသမား အားလုံး ဖတ်ရအောင် ကျနော် ဒီ ဆုံဆည်းရာမှာ တင်သွားပေးပါမယ်။ ယောဟန်အောင်ဟာ မြန်မာမော်ဒန်ကဗျာလောကမှာ မေ့ပစ်ထားလို့ မရတဲ့ ကလောင်တစ်ခု ဖြစ်တယ်။ တစ်ခု ကြိုတင်အသိပေးချင်တာက ကျနော်တို့ သူ့ကဗျာဟောင်းတွေကို ဖတ်တဲ့အခါ နိုင်ငံရေးတွေကို ခဏဘေးထားပြီး ကဗျာသက်သက် ခံစားကြည့်ကြရအောင်ဗျာ....။
သုအိုင်စံ
Saturday, February 25, 2012
အိမ်မက်ထဲကရတဲ့ကဗျာ
အိမ်မက်ထဲမှာ ကဗျာရေးနေတာ လန့်နိုးလာတော့ အဲဒါကို
အမိအရ လိုက်ဖမ်းရေးတာ ပြောင်မြောက်တဲ့ကဗျာ တစ်ပုဒ် ဖြစ်သွားရော၊ အင်္ဂလိပ်လိုရော
မြန်မာလိုရော အပြီးပဲ။
(ညွှတ်အား)
လွတ်ထွက်မသွားခင်
တချိန်လုံး
ညွှတ်ထားရတယ်
ညွှတ်အား။
တချို့မျှားဟာ
နိဗ္ဗာန်ရောက်ကြောင်း တရားကို ထိမှန်တယ်
တချို့မျှားဟာ
ငရဲပြည် တည့်တည့် စိုက်ဆင်းတယ်
တချို့မျှားဟာ
နောင်ဘဝအမှောင်နက်နက်ထဲ စူးနစ်တယ်
တချို့မျှားဟာ
ဘာအတွက်မှ ဘယ်အရာကိုမှ မပတ်သက်ဘူး
ညွှတ်အားဟာ တစ်ဘဝလုံး ကြာ
ညွှတ်အားဟာ တစ်ဘဝလုံး နာ
ညွှတ်အားဟာ ခဏသုံး အရာ
ဘုရားသခင် ဘယ်လောက် ပျင်း ပျင်း
အနည်းဆုံး တစ်ချက်တော့ ပစ်ခွင်းတယ်
လေးနဲ့မျှား
ဘယ်ကိုသွားမလဲ ဟေ့ရောင်???
သုအိုင်စံ
(FORCE OF THE LOADED BEING)
Loaded bow of life
Loaded life
Loaded life for a life
Loaded life to fight
Loaded with no choice
Loaded arrow of life
Some arrows hit the door of heaven
Some arrows hit the gate of hell
Some arrows hit the heart of next life
Some arrows hit the black hole of meaninglessness
Moment-force in life
Forever-force in life
Moment-of-forever-force in life
No matter how lazy God is,
He at least makes one shot
Bow And Arrow
Where would you like to go???
A'karikz Yannaing
THE SECOND SECOND
Wednesday, February 22, 2012
ကေအိုင်အေ တပ်မဟာ(၄)နယ်မြေ ရှမ်းပြည်(မြောက်)တွင် တိုက်ပွဲဖြစ်
ဖေဖေါ်ဝါရီ(၂၂) ၂၀၁၂ ခုနှစ်
ရှမ်းပြည်အခြေစိုက် ကေအိုင်အေ တပ်မဟာ(၄)နယ်မြေ ပန်ဆပ် နှင့် ပန်ကုတ် လမ်းဆုံတွင် ဖေဖေါ်ဝါရီ(၂၁)ရက်က မြန်မာအစိုးရတပ် ခလရ(၁၂၃)တပ်ဖွဲ့ နှင့် ကေအိုင်အေ တပ်ရင်း(၃၈)မှ မျိုးချစ်တပ်ဖွဲ့ ဝင် တို့ တိုက်ပွဲဖြစ်ပွားခဲ့ကြောင်းသိရသည်။ တိုက်ပွဲတွင် မြန်မာစစ်တပ်ဘက်မှ (၅)ဦး ထက်မနည်း ထိခိုက်သေဆုံးကြောင်း ထပ်မံသိရသည်။
အလားတူ ဖေဖေါ်ဝါရီ(၁၉)ရက်က ရှမ်းမြောက်အခြေစိုက် ကေအိုင်အေ တပ်မဟာ(၄)နယ်မြေ လွယ်ယ်ိန်းတောင် ပေါ်တွင် နေရာယူထားသော မြန်မာအစိုးရ လက်အောက်ခံ ပန်ဆေးပြည်သူ့ စစ် တပ်ဖွဲ့ ဝင်များနှင့် ကေအိုင်အေ တပ်ရင်း(၈)မှ မျိုးချစ်တပ်ဖွဲ့ ဝင်တို့ တိုက်ပွဲဖြစ်ပွားခဲ့သေးကြောင်းသိရသည်။တိုက်ပွဲအသေးစိတ်သတင်းအားမသိရသေးပါ ။
Source ( Kachinnet )
Monday, February 20, 2012
မြန်မာအစိုးရတပ် စစ်ရေးပြင်ဆင်မှုများ အရှိန်မြှင့်၍လုပ်ဆောင်လာနေ
ဖေဖေါ်ဝါရီ(၂၀) ၂၀၁၂ ခုနှစ်
ကချင်လွတ်မြောက်ရေးတပ်မတော် ကေအိုင်အေ ဌာနချုပ်အား သိမ်းပိုက်နိုင်ရန် ရည်ရွယ်၍ မြန်မာအစိုးရတပ်များ ယခုရက်ပိုင်းအတွင်း စစ်ရေးလှုပ်ရှားမှုများ နှင့် လိုင်ဇာမြို့ အနီးသို့  စစ်အင်အားအလုံးအရင်း တိတ်တဆိတ်ပို့ ဆောင်နေမှုများကို အရှိန်မြှင့်ကာ တိုး၍ လုပ်ဆောင်လာနေကြောင်း သိရှိရသည်။
ထို့ အပြင် ဌာနချုပ် လိုင်ဇာမြို့ အနီးရှိ လဂျားယန်ကျေးရွာတွင် စခန်းထိုင်ထားသော မြန်မာစစ်တပ်များသည်လည်း ကတုတ်ကျင်းများ ထပ်မံတူးဖော်ခြင်းပြုပြင်ခြင်း နှင့် စစ်ရေးပြင်ဆင်မှုများကို တိုး၍လုပ်ဆောင်လာနေကြောင်း မျက်မြင်တွေ့ ရှိသူများက ပြောသည်။ မြန်မာစစ်တပ်ဘက်မှ ယခုကဲ့သို့ စစ်ရေးပြင်ဆင်မှုများ ပြုလုပ်လာနေသောကြောင့် ကချင်လွတ်မြောက်ရေးတပ်မတော် KIA မှလည်း ၂၄ နာရီ စစ်ရေးသတိ အသင့်အနေအထားဖြင့် စောင့်ကြည့်နေကြောင်း သိရသည်။ Source ( Jinghpaw Kasa)
ကချင်ဒေသတွင် တိုက်ပွဲများဆက်တိုက်ပြန်လည်ဖြစ်ပွား
ဖေဖေါ်ဝါရီ (၂၀) ၂၀၁၂ ခုနှစ်
ကချင်ပြည်နယ် မြစ်ကြီးနား -ဗန်းမော် လမ်းပိုင်း ဒေါ့ဖုန်းယန်မြို့ နယ်ခွဲအတွင်းရှိ ပန်ဆိုင်းကျေးရွာအနီးတွင် ဖေဖေါ်ဝါရီ(၁၉)ရက် မနက်ပိုင်းက ကေအိုင်အေ တပ်ဖွဲ့ ဝင်များနှင့် မြန်မာအစိုးရတပ် ခလရ(၁၄၂)တပ်ဖွဲ့ တို့ တိုက်ပွဲပြင်းထန်စွာဖြစ်ပွားခဲ့ကြောင်းသိရှိရသည်။ တိုက်ပွဲတွင် မြန်မာအစိုးရတပ်ဘက်မှ (၁၄)ဦးခန့် ကျဆုံးကြောင်းထပ်မံသိရသည် ။
အလားတူ ဖေဖေါ်ဝါရီ(၁၉)ရက် မနေ့ က ကေအိုင်အေ တပ်မဟာ(၅)နယ်မြေ မုန်လိုင်းချောင်း အထက်ဘက်ရှိ ရှမ်းတိုင်းရင်းသား အများစုနေထိုင်ရာ တင်းဂျမ်န်ကျေးရွာ( Tingjang ) အနီးတွင် ကေအိုင်အေ တပ်မဟာ(၅)လက်အောက်ခံ မျိုးချစ်တပ်ဖွဲ့ ဝင်များ နှင့် အဆိုပါကျေးရွာအနီးတွင် တပ်စွဲထားသော မြန်မာအစိုးရတပ်ဖွဲ့ တို့  တိုက်ပွဲပြင်းထန်စွာဖြစ်ပွားခဲ့ကြောင်းသိရှိရသည်။ တိုက်ပွဲတွင်း နှစ်ဖက်ထိခိုက်မှုများအား မသိရသေးပါ ။ Source ( Jinghpaw Kasa)
Dots On Circle
Heavy loaded pain in life
Keep fighting! Keep facing!
Heavy loaded trains at night
Keep arriving! Keep departing!
So many colors in eyes-sight
All based on black and white!
So many cultures in human-life
All based on dead and alive!
Where did we come from?
Why are we running?
Where are we going?
Traveling dots on the circle!!!
A'karikz Yannaing
THE SECOND SECOND
Saturday, February 18, 2012
Wednesday, February 15, 2012
ကမ္ဘာဣိတ္တိယ
သူမရဲ့ဆန္ဒတွေကို ဖြည့်တင်းရင
တစ်စင်းပြီးတစင်း
ကြွေဆင်းသွားတဲ့ နေ တွေ
တစ်လုံးပြီးတစ်လုံး
ကျဆုံးသွားတဲ့ လ တွေ
မိုးကုတ်စက်ဝိုင်း တစ်ခုရဲ့
အနားသတ်စက်ဝန်း တစ်ခုအောက်မှ
သေ။
နှစ်ရောင်စပ်ချုပ်ထားတဲ့
ဖက်ရှင် ရိုးရိုးလေးကို ဝတ်
မချွတ် မဖွတ် မလျှော်
လွှတ်တော်လည်းမခေါ်ပဲ
ပါးတစ်ဖက်စီကို
တစ်ယောက် တစ်လှည့်စီအတွက် ဝေခြမ်း
တစ်ယောက် တစ်လှည့်စီရဲ့ အနမ်း
တစ်ယောက် တစ်ဖက်စီ နမ်းစုပ်ခံ
နှစ်ယောက်စီရဲ့ နှလုံးသားတွေကို
ဆွဲစားထားတဲ့သူမ
ဆွဲအားက သိပ်သန်။
ရင်ခွင်မှာ
အဆင်ပကာသနတွေနဲ့ လန်းစိမ်းညို့
အစဉ်ထာဝရ နန်းသိမ်းမြို့များစွာနဲ့
ခေတ်အဆက်ဆက် မေတ္တာတရားကို
အဖြစ်အပျက်နဲ့ သစ္စာမြဲထားတယ်။
လောကထဲက
လောဘများစွာကို
ဒေါသမထားပဲ စောင့်ရှောက်တယ်။
ဘာသာခြားတွေကို
သဒ္ဒါတရားနဲ့ ထိန်းကွပ်တယ်။
လူမျိုးခြားတွေအတွက်
မတူမျိုးပွားရေးမူ ရှိတယ်။
သေနတ်တစ်လက်နဲ့
ဘဝပျက်ခဲ့တဲ့စစ်ကို ဖေးမတယ်။
ငြိမ်းချမ်းရေးတစ်ခက် မဖူးသေးပေမဲ့
သိန်းသန်းကုဋေ အသက်ကြွေတွေအတွက်
စိတ်မပျက်ဘူး
ဆက်တူးတယ်။
အဲဒီသူမဟာ
အမှောင်ထဲမှာ တစ်ယောက်နဲ့ အိပ်
အလင်းထဲမှာ တစ်ယောက်နဲ့ တွဲ
အသဲကလည်း ရဲ လွန်းတယ်
အချွဲကလည်း ကဲ လွန်းတယ်။
မာယာက လှတာလား
သမာသမတ် ကျတာလား
သဘာဝ ကျတာလား
ရည်းစားနှစ်ယောက်နဲ့ သူမ
စကြဝဠာထဲမှာ နေကြတယ်။ ။
သုအိုင်စံ
၁၉၉၅
BALANCE
I won't take over your whole world
I won't let you invade mine at all
I don't hate you whenever I rise or fall
We all are alike here to survive
We all want to guide our own rights
We all like to obey our own choice
You might want the thing that I want
You might hunt the fray that I hunt
Let's build some space that empty and blank
Let's drink before the strong beer goes flat
Let's think before the wrong answers go ahead
But we must have to use each others' respect
My mind can read your intrinsic value
Your eyes can see my organic view
We should realize more than we knew
Even if you have to cooperate in my geo-politic,
Even if I have to participate in your eco-politic,
The balance must be the right balance
Would you trust or would you doubt
We all are on the balance driven spinning earth!
A'karikz Yannaing
THE SECOND SECOND
2007
Monday, February 13, 2012
Sunday, February 12, 2012
WRONG TEXTBOOK
Why did Great Wall become?
Because of-
Hate, fear and selfish demands.
Great wall never went down
Because of no more conflict and strong.
Why did Berlin Wall become?
Because of-
Hate, fear and selfish demands.
Why did Gaza Wall become?
Because of-
Hate, fear and selfish demands.
Berlin Wall broke down (because of you)
Gaza Wall built up (because of you)
You never learned (because of you)
Man, when are you going to learn?
And remaking history the same one?
There is your brand new born son
With empty head and ready to learn.
What is your gift to him?
Make sure not the same shit to begin.
Never too late to rightfully learn.
Build the right wall in this precious land.
Change the book and turn the page.
A brave new son
In a brave new land
With a fair demands!!!
A'karikz Yannaing
THE SECOND SECOND
13.02.2012
ဒီကဗျာအား လွပ်လပ်ရေးဖခင် ဗိုလ်ချုပ်အောင်ဆန်း မွေးနေ့တွင် ရေးမိသဖြင့် ပျော်ရပါသည်။
ကျဆုံးလေပြီးသော လွပ်လပ်ရေးဖခင် ဗိုလ်ချုပ်အောင်ဆန်းအား ဒီကဗျာဖြင့် လေးလေးနက်နက်
အလေးပြုပါသည်။ ဖခင်ဗိုလ်ချုပ် ရောက်လေရာဘဝ ရောက်လေရာဘုံမှာ
ကောင်းမှုကောင်းကျိုး သတ္တိရဲရင့်ပြောင်မြောက်ပြီး ဂုဏ်သိက္ခာ
မြင့်မားထွဋ်မြတ်စွာ ဆထက်တံပိုး ထမ်းရွက် ပျော်ရွှင်နိုင်ပါစေ။ Happy
Birthday Bo Gyoke Aung San!!! Long Live Bo Gyoke Aung San!!!
သုအိုင်စံ
၁၃.၀၂.၂၀၁၂
Saturday, February 11, 2012
မြန်မာအစိုးရရဲ့ လျှို့ဝှက် စီမံကိန်း ( ဘာတေးလ် လစ်တနာ၊ ၁၁-၂ -၂၀၁၂ )
အေးရှတိုင်းမှာ ၂၀၁၂ ခုနှစ် ဖေဖော်ဝါရီလ ၉ ရက်နေ့ကဖော်ပြခဲ့တဲ့ ဆောင်းပါးကိုဘာသာပြန်ထား တာဖြစ် ပါတယ်။
မြန်မာ နိုင်ငံရဲ့ လက်ရှိ အစိုးရနဲ့ အရင်အစိုးရတို့ရဲ့ အလွန်ဆိုးဝါးတဲ့ လူ့အခွင့်အရေး ချိုးဖောက်မှု မှတ်တမ်းတွေ အပေါ်မှာ နိုင်ငံတကာက ဝေဖန်ပြစ်တင်တာတွေ ရပ်တန့်သွားပြီး ခုချိန်မှာ မြန်မာအစိုးရအတွက် နိုင်ငံတကာ မိတ်ဆွေတွေ တိုးပွားနေပါတယ်။
အမေရိကန် အစိုးရနဲ့ ဥရောပ သမဂ္ဂ အတွင်းက ရန်သူဟောင်းတွေကလည်း အခု အခါ စီးပွားရေးပိတ်ဆို့မှုတွေ ရုပ်သိမ်းသူက ရုပ်သိမ်းကြ သလို၊ တချို့ကလည်း ရုပ်သိမ်းဖို့ ပြင်နေကြပြီ။ နိုင်ငံပေါင်းစုံ ဖြန့်ကျက်လုပ်ကိုင်နေကြတဲ့ ကုမ္ပဏီကြီးတွေကလည်း အာရှမှာ နောက်ဆုံး ရင်းနှီးမြုပ်နှံရာ မြန်မာစားကျက်မြေကြီးထဲကို ခြေစုံပစ်ဝင်လိုက်ဖို့ရာ ခြေလှမ်းတပြင်ပြင်ဖြစ်နေပြီ။
သမ္မတ သိန်းစိန်ရဲ့ ဒီမိုကရေစီ ပြုပြင်ပြောင်းလဲရေး ခြေလှမ်းတွေဆိုတာနဲ့ အမျိုးသားပြန်လည်သင့်မြတ်ရေး ဆိုတာကို အနောက်ကမ္ဘာ တခုလုံးက ကန့်ကွက်သူ မရှိသလောက်နီးနီး ချီးမွမ်းသြဘာပေးနေကြတယ်။ ဒါပေမဲ့ တကယ်တန်းဘာတွေ ပြောင်းပါသလဲ။
အဲဒီအပြောင်းအလဲဆိုတဲ့ အပြောတွေရဲ့ နောက်ကွယ်မှာ ဘာတွေ ရှိနေသလဲ။
-ဗုဒ္ဓဘာသာ ဘုန်းတော်ကြီးတွေ ဦးဆောင်တဲ့ ၂၀၀၇ ခုနှစ် ဆန္ဒပြပွဲတွေ အပေါ်မှာ ရက်ရက်စက်စက် နှိမ်နင်းဖြိုခွဲခဲ့တာ တွေ၊
၂၀၀၈ ခုနှစ် -အစောပိုင်းတုန်းက ဖြစ်ပွားခဲ့တဲ့ နာဂစ် ဘေးဆိုးကာလကြီးရဲ့ အစပိုင်းမှာ အကြင်နာကင်းမဲ့ ရက်စက်တဲ့ တုန့်ပြန်ပုံတွေ၊
-ဒီလူသတ်မုန်တိုင်းကြီး ဖြစ်ပြီးကာစမှာပဲ အခြေခံဥပဒေသစ်နဲ့ ပတ်သက်တဲ့ အတုအယောင် ဆန္ဒခံယူပွဲကြီးကျင်းပခဲ့လို့ အများက ဝိုင်းဝန်း ရှုတ်ချ ပြစ်တင်ခံရတာတွေ၊
၂၀၁၀ နိုဝင်ဘာမှာ လုပ်တဲ့ အထွေထွေရွေးကောက်ပွဲမှာ ပြောင်ပြောင်တင်းတင်း မဲခိုး မဲညစ်ပြီး စစ်တပ်ကျောထောက်နောက်ခံ ကြံ့ဖွံ့တွေက မဲတွေ သိမ်းကြုံးလုယူသွားတာတွေကို မကြာသေးခင်ကာလကလေးမှာပဲ နိုင်ငံတကာ အသိုင်း အဝိုင်းက ဝိုင်းဝန်းရှုတ်ချအပြစ်တင်ခဲ့ကြပါသေးတယ်။
အခုခေတ်စားနေတဲ့ သီအိုရီ တခုအရ အစိုးရအဖွဲ့အတွင်းမှာ ခေါင်းမာသူတွေနဲ့ ပြုပြင်ပြောင်းလဲလိုသူတွေ အာဏာလွန်ဆွဲနေကြတယ်လို့ ဆိုပါတယ်။
ခုလောလောဆယ်အထိတော့ ပြုပြင်လိုသူတွေက အသာစီးရနေသေးတယ်လို့လည်း ဆိုကြလေရဲ့။
အနောက်နိုင်ငံ တော်တော် များများက ဘာပဲလုပ်လုပ် သူတို့ လုပ်တဲ့ အလုပ်တိုင်းဟာ ပြုပြင်လိုသူတွေကို ထောက်ခံအားပေးရာ ရောက်ဖို့ နဲ့ လောလောဆယ် ဖြစ်ပေါ်နေတဲ့ ပြုပြင်ပြောင်းလဲမှုတွေ နောက်ပြန်ဆုတ်မသွားဖို့ ဆိုတဲ့ အချက် အပေါ်မှာ ပေါ်လစီချ ဆောင်ရွက်နေ ကြတာက လည်း အထင်အရှားပါပဲ။
ဥရောပ သမဂ္ဂနဲ့ အမေရိကန်ပြည်ထောင်စုတို့ဟာ ဒီသဘောထားကို လူသိရှင်ကြားထုတ်ဖော် ပြောဆိုခဲ့ပါတယ်။
အီးယူ ဥရောပ သမဂ္ဂ ဥက္ကဌ ဟားမန်း ဗန် ရွန်းပါ က ဘရပ်ဆဲလ် ထိပ်သီး အစည်းအဝေးမှာ ကြေညာ ပြောဆိုခဲ့ရာမှာ “ မြန်မာအစိုးရရဲ့ အရေးပါတဲ့ ပြုပြင်ပြောင်း လဲမှုတွေကို ကြိုဆိုပါတယ်။ အစိုးရအနေနဲ့ ပြုပြင်ပြောင်းလဲရေး လမ်းကြောင်းအတိုင်း ဆက်သွားမယ်ဆိုတဲ့ သန္နိဌာန်ထားရှိဖို့ကိုလည်း တိုက်တွန်းအားပေးပါတယ်” လို့ ပြောခဲ့ပါတယ်။
အဲသလို သူမပြောခင် တရက်အကြိုမှာ အမေရိကန် နိုင်ငံခြားရေး ဝန်ကြီးဌာနကလည်း လာမယ့် ရွေးကောက်ပွဲမှာ အတိုက်အခံ ခေါင်းဆောင် ဒေါ်အောင်ဆန်းစုကြည်ကို ပါခွင့်ပေးတာ အပါအဝင် မြန်မာနိုင်ငံရဲ့ လောလောဆယ်လုပ်တဲ့ အပြောင်းအလဲတွေကို “အားပေး” ပါတယ်လို့ ပြောခဲ့ပါတယ်။
တချို့လူတွေကတော့ အစိုးရခေါင်းဆောင်တွေကြားက အကွဲအပြဲဆိုတာတွေဟာ ပြည်တွင်း အတိုက်အခံတွေ ငြိမ်နေအောင်၊ အနောက်နိုင်ငံ တွေဆီက အရင် ဝေဖန်သူဟောင်းတွေရဲ့ အသံတွေ တိတ်ပြီး နိုင်ငံခြားမိတ်ဆွေတွေတိုးလာအောင် သူတို့ စစ်ဗိုလ် အချင်းချင်း ကြားမှာ လူဆိုး လူကောင်းအုပ်စုခွဲပြီး ဇာတ်တိုက်ကပြနေကြတာလို့ သံသယဝင်ကြပါတယ်။
တချို့ကတော့လည်း သိန်းစိန် အစိုးရဟာ သူတို့ စစ်အာဏာရှင် အသိုင်းအဝိုင်းအတွင်းမှာတောင် သူ့ခြေလှမ်းကို ကြိုမခန့်မှန်း နိုင်လောက် အောင် ဝှက်ဖဲတွေကို ခုချိန်အထိ ပါးပါးနပ်နပ် ကိုင်တွယ်ပြီး ကစားနေတယ်လို့ မြင်ကြပါတယ်။
မြန်မာ့ နိုင်ငံရေး ဖြစ်ပေါ်တိုးတက်မှုကို ဆယ်စုနှစ်တွေနဲ့ ချီပြီး လေ့လာသူ မြန်မာတယောက်ကတော့ “တကယ်တန်း အာဏာရှိတာက စစ်တပ်ဗျ။ ဒီမိုကရေစီအစိုးရ ကိုယ်စားလှယ်တွေမှာ ဘာအာဏာ မှ ရှိတာမဟုတ်ဘူး” လို့ ပြောပါတယ်။
စနစ်တကျ အကွက်ချထားတဲ့ အစီအမံ
မြန်မာအစိုးရရဲ့ ပေါ်လစီ အပြောင်းအလဲနဲ့ ဘာ့ကြောင့် အနောက်နိုင်ငံတွေက ဒီလောက်ထောက်ခံနေကြသလဲဆိုတာကို နားလည် နိုင်ဖို့ဆိုရင် ၂၀၀၀ ခုလွန်အစောပိုင်းကာလတွေကို ပြန်ပြောင်းကြည့်ရှုဖို့ လိုပါလိမ့်မယ်။
အဲဒီအချိန်တုံးက နိုင်ငံတကာရဲ့ အပြစ်တင်မှု၊ ဖိအားပေးမှုတွေရှိနေပြီး အုပ်စိုးသူ စစ်အစိုးရဟာ စည်းကမ်းပြည့်ဝသော ဒီမိုကရေစီသို့ ချီတက် ရာ လမ်းပြမြေပုံ ခုနစ်ချက်ဆိုတာကို ၂၀၀၃ ခု သြဂုတ်လမှာ ကြေညာခဲ့ပါတယ်။
အဲဒီ လမ်းပြမြေပုံအရ အခြေခံဥပဒေသစ်ရေးဆွဲ၊ ရွေးကောက်ပွဲကျင်းပ၊ ပြီးရင် လွှတ်တော် ခေါ်ယူပြီး ခေတ်မီဖွံ့ဖြိုးသော ဒီမိုကရေစီ နိုင်ငံတော်ကြီး တည်ဆောက်မယ်လို့ ဆိုပါတယ်။
လမ်းပြမြေပုံကို ပြည်သူသိအောင် ကြေညာခဲ့ပါတယ်။ တချိန်တည်းမှာပဲ လျှို့ဝှက် မဟာစီမံကိန်းတရပ်ကို တပြိုင်တည်း ရေးဆွဲခဲ့ပါတယ်။
အဲဒီစီမံကိန်းမှာ အမေရိကန် အပါအဝင် နိုင်ငံတကာအသိုင်းအဝိုင်းကို ဘယ်လိုဆက်ဆံမယ်ဆိုတဲ့ နည်းလမ်းတွေနဲ့ အတိုက်အခံကို ဘယ်လို ဟန့်တားမယ်ဆိုတာတွေ ထည့်သွင်းရေးဆွဲထားပါတယ်။
ဒီအက်စ်အေရဲ့ သုတေသန အရာရှိတယောက်ဖြစ်တဲ့ ဗိုလ်မှူးအောင်ကျော်လှ ရေးသားတယ်ဆိုတဲ့ အဲဒီလျှို့ဝျက် စီမံကိန်းကို ၂၀၀၄ ခုနှစ်မှာ ရေးသားပြီးစီးခဲ့ပါတယ်။ ဗိုလ်မှူးအောင်ကျော်လှဆိုတာ ဘယ်သူလဲဆိုတာတော့ သေသေချာချာ မသိရပါဘူး။
မြန်မာဘာသာနဲ့ ရေးတဲ့ အဲဒီစာတမ်းမှာ မဟာစီမံကိန်းရဲ့ နောက်ကွယ်က သေနင်္ဂဗျူဟာကို သုံးသပ်ဖော်ပြထားပါတယ်။
အောင်ကျော်လှဆိုတာဟာ တကယ်ရှိတဲ့လူတယောက်လား၊ နာမည်ဝှက်လားဆိုတာ သေသေချာချာ မသိရပေမဲ့ နာမည်ဝှက်လို့ ယူဆ စရာရှိပါတယ်။
စာမျက်နှာ ၃၄၆ မျက်နှာရှိပြီး မြန်မာ အမေရိကန် ဆက်ဆံရေး လေ့လာချက် လို့ နာမည်ပေးထားတဲ့ အဲဒီစာတမ်းမှာ အဓိကဆွေးနွေး ထားတာကတော့ မြန်မာရဲ့ တရုတ်နဲ့ သံတမန်ရေးရာ မဟာမိတ်ဖွဲ့ထားတဲ့ အနေအထားနဲ့ စီးပွားရေး မီခိုအားထားနေရတဲ့ အခြေအနေဟာ တိုင်းပြည်ရဲ့ လွတ်လပ်ရေးကို ခြိမ်းခြောက်ခံ နေရတဲ့ အရေးပေါ် အခြေအနေကို ဖြစ်ပေါ် စေတယ်လို့ ဆိုပါတယ်။
ဒီစာတမ်းရဲ့ အကြံပြုချက်အရ၊ လမ်းပြမြေပုံခုနစ်ချက်ကို အကောင်အထည်ဖော်၊ အစိုးရတရပ်ကို ရွေးကောက်တင်မြှောက်ခြင်းအားဖြင့် ပြင်ပ ကမ္ဘာက လက်ခံနိုင်လောက်တဲ့ ပုံစံဖြစ်လာအောင်လုပ်တဲ့နည်းလမ်းကျင့်သုံးပြီး အနောက်အုပ်စုနဲ့ မြန်မာရဲ့ ဆက်ဆံရေးကို ပုံမှန်ပြန်ဖြစ် အောင်လုပ်ရမယ်လို့ ဆိုပါတယ်။ မြန်မာနိုင်ငံကို စစ်အစိုးရပုံစံနဲ့ အုပ်ချုပ်နေသေးသမျှမှာ အနောက်ကမ္ဘာနဲ့ ဆက်ဆံရေး ပုံမှန် မဖြစ်နိုင်ဘူးလို့ သူတို့အတွင်းစည်းမှာတွေးခေါ်ယူဆတာကတော့ ထင်ရှားလှပါတယ်။
ဒါ့အပြင် မဟာစီမံကိန်းစာတမ်းမှာ အောင်ကျော်လှ အကြံပေးထားတာက လူ့အခွင့်အရေး ပြဿနာကို အနောက်နိုင်ငံတွေက စိုးရိမ်ပူပန် တာမှန်ပေမဲ့ အမေရိကန်ဟာ သူတို့ရဲ့ သေနင်္ဂဗျူဟာ အတွက် အရေးပါတဲ့ အကျိုးစီးပွားတွေကြောင့် သူတို့မူကို ပြင်ဖို့ ဆန္ဒရှိလိမ့်မယ်လို့ ဆိုထားပါတယ်။
သေနင်္ဂဗျူဟာကျတဲ့ အကျိုးစီးပွားဆိုတာ ဘာတွေလဲဆိုတဲ့ အချက်ကိုတော့ အတိအကျ ပြောပြ မထားပါဘူး။
ဒါပေမဲ့ သူတွေးခေါ်ပုံဟာ အမေရိကန် တရုတ်အားပြိုင်မှုကို အခြေခံပြီး အမေရိကန်နဲ့ ဘုံအကျိုးတူ အခြေခံကိုရှာဖွေတွေ့ရှိနိုင်မယ်လို့ တွေးတာ ထင်ရှားပါတယ်။
အမေရိကန်ဟာ သေနင်္ဂဗျူဟာအရ အရေးပါတဲ့ အကျိုးစီးပွားတွေနဲ့ သက်ဆိုင်လာရင် ဒီမိုကရေစီနဲ့ ဆန့်ကျင်နေသော် ငြားလည်း သူ့မူဝါဒကို ပြုပြင် အလျော့ပေး တတ်ကြောင်းကို အောင်ကျော်လှက ဗီယက်နမ်နဲ့ အာဏာရှင် ဆူဟာတို လက်ထက် အင်ဒိုနီးရှား ဥပမာတွေနဲ့ ထောက်ပြပြောဆိုပါတယ်။
တကယ်လို့ အမေရိကန်နဲ့ ဆက်ဆံရေး ကောင်းမွန်အောင်လုပ်နိုင်ရင် မြန်မာအနေနဲ့ သေလုမျောပါး လိုအပ်နေတဲ့ ကမ္ဘာ့ဘဏ်၊ နိုင်ငံတကာ ငွေကြေးရန်ပုံငွေ အဖွဲ့ IMF ၊ နဲ့ နိုင်ငံတကာ ဘဏ္ဍာရေး အဖွဲ့အစည်းတွေဆီက ငွေကြေးအကူအညီကို ရနိုင်မယ်လို့ အဲဒီ မဟာစီမံကိန်းက ဖော်ပြပါတယ်။
ဒါဆိုရင် မြန်မာဟာ တရုတ်အပါအဝင် အိမ်နီးချင်းနိုင်ငံတွေရဲ့ စေတနာနဲ့ ကုန်သွယ်ရေး အပေါ်မှာ မီခိုနေ ရတဲ့ ဒေသတွင်းနိုင်ငံတနိုင်ငံ အဆင့်ကနေ ကျော်လွန်ပြီး ဂလိုဘယ်လိုက်ဇေးရှင်းခေတ်ထဲကို ဝင်ရောက်နိုင်လိမ့်မယ်လို့ အကြံပြုထားပါတယ်။
မြန်မာဟာ အနောက်နိုင်ငံတွေရဲ့ ယုံကြည်မှုရအောင် တရုတ်နဲ့ မဟာမိတ်ဖွဲ့ထားတဲ့ ဆက်ဆံရေးကို မလျော့ချခင်မှာ ပေါ်ပေါက်လာနိုင်တဲ့ ပြဿနာတွေကိုလည်း မဟာစီမံကိန်းမှာ ပြည့်ပြည့်စုံစုံဖော်ပြထားပါတယ်။
အဲဒီစီမံကိန်းကို ရေးဆွဲနေစဉ်ကာလဟာ ဒေါ်အောင်ဆန်းစုကြည်ကို ဖမ်းဆီးထားတဲ့ကာလဖြစ်ပြီး အဲဒီစာတမ်းထဲမှာ ဒေါ်အောင်ဆန်း စုကြည်ဟာ သော့ချက်ဖြစ်တယ်လို့ ရေးထား ပါတယ်။
သူ့ကို ဖမ်းထားတဲ့ အချိန်တွေမှာ နိုင်ငံရေးဖိအားတွေ ပိုမိုလာပြီး သူ့ကို လွှတ်ပေးထားရင် ဖိအားတွေလျော့သွားတယ်လို့လည်း သုံးသပ် ထားပါတယ်။
စုကြည်ကို လွှတ်ပေးခြင်းဟာ အနောက်နိုင်ငံတွေနဲ့ ဆက်ဆံရေးကို တိုးတက်စေလိမ့်မယ်လို့ အစီရင်ခံစာမှာ ရေးထား သလို သူ့ရဲ့ အဆုံးစွန်ရည်မှန်းချက်အဖြစ် ရှင်းရှင်းလင်းလင်းရေးသားထားတာကတော့ အတိုက်အခံအင်အားစုကို ဖြိုခွဲရေးပဲ ဖြစ်ပါတယ်။
တချိန်တည်းမှာပဲ အနောက်နိုင်ငံတွေရဲ့ ပိတ်ဆို့ရေး ကို ဆန့်ကျင်တဲ့ အနောက်တိုင်း ပညာရှင်တွေကိုလည်း နာမည်နဲ့ တကွဖော်ပြပါတယ်။
စိတ်ဝင်စားစရာကောင်းတဲ့ အကြံပြုချက်ကတော့ သြဇာရှိတဲ့ အမေရိကန် ကွန်ဂရက်စ် အမတ်တွေရဲ့ နောက်ခံ အချက်အလက်တွေနဲ့ ပတ်သက်ပြီး ခင်မင်ရင်းနှီးသော အိန္ဒိယ သံတမန်များကအကူအညီ ပေးပါလိမ့်မယ်လို့ ဆိုထားတဲ့ အချက် ဖြစ်ပါတယ်။
စာတမ်းမှာ အဆုံးသတ်ကောက်ချက်ချထားတာကတော့ အစိုးရဟာ မီဒီယာတွေနဲ့ ပြည်ပရောက် အတိုက်အခံတွေ ဖွဲ့ထားတဲ့ အစိုးရမဟုတ်တဲ့ အဖွဲ့အစည်းတွေကို ယှဉ်နိုင်မှာ မဟုတ်ပေမဲ့ အမေရိကန် နိုင်ငံရေးသမားတွေနဲ့ လွှတ်တော်အမတ်တွေကို မြန်မာနိုင်ငံလာဖို့ ဖိတ်ကြားလိုက်ရင် နိုင်ငံတကာရဲ့ အမြင်ကို အစိုးရဘက်ပါလာအောင် တဖြည်းဖြည်း ပြောင်းလဲနိုင်ပါလိမ့်မယ်လို့ ဆိုထားပါတယ်။
ပြီးခဲ့တဲ့ နှစ်တွေ အတွင်းမှာ အမေရိကန် အများအပြားဟာ မြန်မာနိုင်ငံထဲကို ရောက်လာကြပြီး ပြန်သွားတဲ့ အခါ အရင်က ထက်ဝေဖန်တဲ့ အသံတွေ တဖြည်းဖြည်းပျော့လာခဲ့ပါတယ်။
နောက်ဆုံးမှာတော့ မြန်မာအစိုးရဟာ အမေရိကန်နဲ့ ထိတွေ့ဆက် ဆံရေးမှာ အပေးအယူအပြန်အလှန်ဆိုတဲ့ အခြေအနေမဟုတ်ဘဲ အသာစီး ရတဲ့ အခြေအနေဖြစ်အောင် အောင်အောင်မြင်မြင် လုပ်ဆောင် နိုင်ခဲ့ပါတယ်။
တရုတ်ကြောက်ရောဂါ
အောင်ကျော်လှရဲ့ ဒီစာတမ်းဟာ တရုတ်နဲ့ နီးနီးစပ်စပ် ဆက်ဆံနေရတဲ့ အပေါ် စစ်အစိုးရရဲ့ မနှစ်သက်မှုကို ပထမဆုံး ရှင်းရှင်းလင်းလင်း ဖော်ပြတဲ့ လက္ခဏာရပ်ဖြစ်ပါတယ်။
တရုတ်နဲ့ နီးစပ်လာတာဟာ ၁၉၈၈ ခုနှစ် ဒီမိုကရေစီ တောင်းဆိုတဲ့ လူထု လှုပ်ရှားမှုကြီး ကို သတ်ဖြတ်နှိမ်နင်းမှုနဲ့ တခြား လူ့အခွင့်အရေး ချိုးဖောက်မှုတွေ ကြောင့် အနောက်နိုင်ငံတွေက မြန်မာနဲ့ ဆက်ဆံရေးကို လျော့ချလိုက်တာ ကလည်း အကြောင်းတကြောင်းအနေနဲ့ တစိတ်တဒေသအားဖြင့် ပါဝင်ပါတယ်။ တရုတ်နဲ့ ဆက်ဆံရေး ပိုပြီး ဆိုးလာတာကိုတော့ ၂၀၁၀ ခုနှစ်အတွင်း စစ်တပ်အတွင်းမှာပဲ ဖြန့်ဝေ ဖတ်ရှုတဲ့ အစီရင်ခံစာတွေကို ဖတ်ကြည့်ရင် ပိုပေါ်လွင်လာပါတယ်။
အဲဒီကာလအထိ တရုတ်ကို အားကိုးထိုက်တဲ့ မိတ်ဆွေလို့ ချီးမွမ်းပြောဆိုမှုတွေ ဆက်ရှိနေသေးပေမဲ့ သစ်တော သယံဇာတတွေကို မတော်မတ ရား ရယူမှု၊ မူးယစ်မှောင်ခိုကုန်သွယ်ရေးကို ဆိုးဝါးစေမှု အပါအဝင် မြန်မာနိုင်ငံမှာ ဖြစ်နေတဲ့ ဆိုးဆိုးဝါးဝါး ကိစ္စအများစုမှာ တရုတ်ဟာ ဇစ်မြစ် အကြောင်းတရားဖြစ်သလားဆိုတာကို တဖြည်းဖြည်း သုံးသပ်စပြုလာတယ်။ မြန်မာနိုင်ငံမှာ အဓိက မူးယစ်ဆေးဝါး ကုန်သွယ်ရေး လုပ်တဲ့ လက်နက်ကိုင် တပ်ဖွဲ့ဖြစ်တဲ့ ဝပြည်သွေးစည်းညီညွတ်ရေးတပ်မတော် (UWSA) နဲ့ တရုပ်ကြား ရင်းရင်းနှီးနှီး ဆက်သွယ် ပတ်သက်နေတာ ကိုလည်း နေပြည်တော်အစိုးရ အာဏာပိုင်တွေ အနေနဲ့ သတိမပြုမိစရာ အကြောင်းမရှိဘူး။
အဲဒီ့နောက် ၂၀၁၁ ခုနှစ် စက်တင်ဘာလမှာတော့ မြန်မာနိုင်ငံမြောက်ပိုင်းမှာ ဆောင်ရွက်နေတဲ့ ဒေါ်လာ သန်း ၃၆၀၀ တန် တရုတ်ဖက်စပ် မြစ်ဆုံ စီမံကိန်းကို သိန်းစိန်အစိုးရက ဆိုင်းငံ့လိုက်ကြောင်း ဆုံးဖြတ်ချက် ထွက်ပေါ်လာပါတော့တယ်။
အမေရိကန် ပြည်ထောင်စုဘက်က ကြည့်တော့လည်း နေပြည်တော်အစိုးရက အမေရိကန်ပြည်ထောင်စုနဲ့ ထိတွေ့ ပူးပေါင်းလိုကြောင်း ပြသတဲ့ အချိန်မှာ မြန်မာကို တရုတ်နဲ့ ခွဲခွာအောင် အားပေးအားမြှောက်ပြုလုပ်ပေးရေးဟာ အဓိကဦးစားပေး ဖြစ်လာတယ်။
ဒါ့အပြင် သူတို့ အတွက် စိတ်အနှောက်အယှက်ဖြစ်စေတဲ့ မြောက်ကိုရီးယားနဲ့ မြန်မာအကြား စစ်ရေး ဆက်စပ်မှုကို ပျက်ပြယ်အောင် လုပ်ဖို့လည်း အမေရိကန်အစိုးရ အနေနဲ့ စိတ်အားထက်သန်တယ်။
ပြီးခဲ့တဲ့ ဒီဇင်ဘာလမှာ နိုင်ငံခြားရေးဝန်ကြီး ဟီလာရီကလင်တန် မြန်မာနိုင်ငံကို လာတော့ အမေရိကန်ရဲ့ အဓိက လုပ်ငန်းစဉ်တွေထဲမှာ မြောက်ကိုရီးယားအရေးဟာ ထိပ်ပိုင်းကပါလာတာဟာ ဘာမှ အံ့သြစရာမရှိဘူး။
ပြုပြင်ပြောင်းလဲရေး လိုလားပါတယ်ဆိုတဲ့ သိန်းစိန် သမ္မတဖြစ်လာပြီးနောက်၊ အစိုးရ အရာရှိတွေက သူတို့နဲ့ မြောက်ကိုရီးယားအကြား စစ်ဘက်ဆိုင်ရာ ပူးပေါင်းဆောင်ရွက်မှု မရှိပါဘူးလို့ ကြေညာပြီးနောက်၊ ၂၀၁၁ ခုနှစ် မေလ၊ ဇွန်လတွေမှာတောင် မြောက်ကိုရီးယားက နေ မြန်မာနိုင်ငံကို သင်္ဘောနဲ့ လက်နက်တင်ပို့ဖို့ အကြိမ်ကြိမ်ကြိုးစားခဲ့တဲ့ မှတ်တမ်းတွေရှိခဲ့ပါတယ်။
မေလ ၂၆ ရက်မှာ မြန်မာနိုင်ငံအတွက် မြောက်ကိုရီးယားက မစ်ဇိုင်းလက်နက် အစိတ်အပိုင်းတွေနဲ့ စစ်လက်နက်တွေ သယ်ဆောင်လာ တယ်လို့ သံသယရှိဖွယ်ဖြစ်တဲ့ M/V Light မြောက်ကိုရီးယား ကုန်တင်သင်္ဘောကို အမေရိကန် ရေတပ်ပိုင် USS McCampbell လေယာဉ်တင် သင်္ဘောက တွေ့ခဲ့တယ်။
အမေရိကန် သင်္ဘောက မြောက်ကိုရီးယာ သင်္ဘောဆီချဉ်းကပ်ပြီး သင်္ဘောပေါ်တက်ရောက် စစ်ဆေးခွင့်တောင်းပေမဲ့ မြောက်ကိုရီးယား ဘက်က ငြင်းခဲ့တယ်။
နောက်ထပ် ရက် အနည်းအငယ်အကြာ စင်္ကာပူနိုင်ငံအနီး ရှန်ဟိုင်းတောင်ဘက် ပင်လယ်ပြင် ထဲမှာတော့ နှစ်ဘက် ရင်ဆိုင် အချင်းများ ခဲ့ကြတယ်။
နောက်ဆုံးမှာတော့ အမေရိကန် ကင်းထောက်လေယာဉ်တွေနဲ့ ဆက်သွယ်ရေး ဂြိုဟ်တုက လမ်းတလျောက် တောက်လျောက် စောင့်ကြပ် လိုက်ပါလာတဲ့ အတွက် မြောက်ကိုရီးယား သင်္ဘော မြောက်ကိုရီးယားကို ပြန်လှည့်သွားခဲ့တယ်။
အဲဒီအဖြစ်အပျက်နောက်ပိုင်း နေပြည်တော် မြန်မာအစိုးရအနေနဲ့ နိုင်ငံတကာဘဏ္ဍာရေး အဖွဲ့အစည်းတွေဆီကနေ ငွေကြေးအကူအညီ ရယူနိုင်အောင် အမေရိကန်ဘက်က ပိတ်ဆို့ အရေးယူမှုတချို့ကို လျော့ပေါ့ပေးဖို့ မက်လုံးပေးခဲ့ပြီး မြောက်ကိုရီးယား လက်နက်သင်္ဘော မြန်မာနိုင်ငံကိုလာရောက်ဖို့ နောက်ထပ်ကြိုးစားတာမျိုးလည်း မကြားရတော့ပါဘူး။
မြန်မာအစိုးရအနေနဲ့ တရုတ်ကနေခွဲခွာချင်တဲ့ ဆန္ဒကို အမေရိကန်က ကောင်းကောင်း အမြတ်ထုတ် အသုံးချခဲ့တယ်ဆိုတာ သံသယ ဝင်စရာမရှိပါဘူး။
“အမေရိကန်ပြည်ထောင်စုဘက်က ကြိုးစား ဆောင်ရွက်နေတာကတော့ မြန်မာနိုင်ငံကို လစ်ဘရယ် အသွင်ပြောင်းချင်တဲ့ အင်အားစုတွေကို ထောက်ခံအားပေးကြောင်း ပြသဖို့ပါပဲ” လို့ ထိုင်းနိုင်ငံ ချူလာလောင်ကွန်း တက္ကသိုလ်မှာ အခုအခါ အလုပ်လုပ်နေတဲ့ အမေရိကန် သံတမန် ဟောင်း ရောဘတ် ဖစ် ကပြောပါတယ်။
မကြာခင်မှာ မြန်မာနဲ့ သံတမန်ဆက်သွယ်ရေး မြှင့်တင်တဲ့ အနေနဲ့ အမေရိကန် အစိုးရဟာ မြန်မာနိုင်ငံကို သံအမတ်ခန့်အပ် ပါတော့မယ်။
ပြီးခဲ့တဲ့ ဖေဖော်ဝါရီလ ၇ ရက်ထုတ် အမေရိကန် နယူးယောက်တိုင်း သတင်းစာမှာ အမေရိကန် ဗဟိုထောက်လှမ်းရေးအဖွဲ့ စီအိုင်အေရဲ့ ညွှန်ကြားရေးမှူး ဒေးဗစ် ပက်ထရီးရပ်စ် ဒီနှစ်ထဲမှာ မြန်မာနိုင်ငံကို သွားမယ်လို့ အမေရိကန် အစိုးရ အရာရှိတွေကို ကိုးကားပြီး ရေးသားခဲ့ ပါတယ်။
စီအိုင်အေဟာ ဖွံ့ဖြိုးဆဲနိုင်ငံတွေရဲ့ လစ်ဘရယ်တန်ဖိုးတွေကို မြှင့်တင်ပေးသူ ထောက်ခံအားပေးသူ အနေနဲ့ လူသိများတဲ့ အဖွဲ့အစည်းမျိုး လုံးဝ မဟုတ်ပါဘူး။
စီအိုင်အေရဲ့ ဦးစားပေးလုပ်ငန်းဟာ အမေရိကန် အတွက် မြန်မာရဲ့ သေနင်္ဂဗျူဟာ အရ အရေးပါတဲ့ ကိစ္စလိုဟာမျိုးကို ဆောင်ရွက်ဖို့ပါ။
ဒီနေရာမှာ အန္တရာယ်ရှိလာနိုင်တဲ့ အချက်ကို လွန်ခဲ့တဲ့ (၇) နှစ်ကတည်းက အောင်ကျော်လှက ရေးခဲ့ပါတယ်။ မြန်မာဟာ အမေရိကန်နဲ့ အပြန်အလှန်ဆက်ဆံရေး တိုးမြှင့်လာရင် တရုတ်ဟာ မြန်မာရဲ့ သွေးစည်းခိုင်မာမှုနဲ့ လွတ်လပ်ရေးကို တနည်းနည်းနဲ့ ခြိမ်းခြောက်လာ နိုင်တယ် ဆိုတာပါပဲ။
ဒါ့ကြောင့် အားမျှအောင်ချင့်ချိန်ဆောင်ရွက်ဖို့လိုအပ်တယ်လို့ အောင်ကျော်လှက ပြောပါတယ်။
ဒါပေမဲ့ ဘယ်လို အားမျှအောင်လုပ်မလဲဆိုတာကိုတော့ သူ့ရဲ့ မဟာစီမံကိန်းမှာ ထည့်သွင်းရေးသားမထားပါဘူး။
ကောင်းကောင်းပြင်ဆင်ထားတဲ့ လမ်းကြောင်း
မြန်မာရဲ့ ပေါ်လစီသစ်တွေဟာ ရေရှည် အလုပ်ဖြစ်ပါ့မလားဆိုတာတော့ သံသယဝင်စရာ အကြောင်းတွေရှိပါတယ်။
မြန်မာနိုင်ငံက စစ်အစိုးရဝင်စားတဲ့ အရပ်သားအစိုးရထဲမှာ လူကောင်း၊ လူဆိုး အုပ်စုကွဲပြားနေတယ်ဆိုတဲ့ ဝတ်စုံပြည့် ကပြနေတဲ့ ဇာတ်လမ်းကို နိုင်ငံ တကာက ယုံကြည်ပုံရပေမဲ့ ပြည်တွင်းပြည်ပက အဓိက အတိုက်အခံအင်အားစုတွေကတော့ ဒီလောက် အညှာ လွယ်လွယ်နဲ့ ယုံကြည် ကြပုံမရပါဘူး။
မြန်မာနိုင်ငံမှာ လောလောဆယ် အရပ်သား အသွင်ပြောင်းထားတဲ့ လူကောင်းတွေထဲက တယောက်ပါဆိုတဲ့ မီးရထားဝန်ကြီး ဗိုလ်ချုပ်ဟောင်း အောင်မင်းဟာ မြန်မာနိုင်ငံနဲ့ ထိုင်းနိုင်ငံကြား ခေါက်တုံ့ ခေါက်ပြန်သွားပြီး ထင်ရှားတဲ့ အဝေးရောက် အတိုက်အခံတွေနဲ့ တွေ့ဆုံနေပါတယ်။
သူနဲ့ လတ်တလော တွေ့ဆုံကြရသူတွေကတော့ သူ့ရဲ့ ရည်ရွယ်ချက်တွေ စစ်အစိုးရ တင်းမာ အုပ်စုလူဆိုးတွေဆီက ပြောကြတယ်လို့ သူဆိုတဲ့ ညှိနှိုင်းလိုစိတ်မရှိတဲ့ လက္ခဏာတွေဆိုတာ နဲ့ ပတ်သက်ပြီး သံသယ ကြီးကြီးဝင်နေကြပါတယ်။
အောင်မင်းဟာ ၁၉၈၃ ခုနှစ်တုန်းက ရာထူးဖြုတ်ချခံခဲ့ရတဲ့ စစ်ထောက်လှမ်းရေး မျက်မှန်တင်ဦးရဲ့ တပည့်ဆိုတာကို သူတို့ သတိပြုမိကြ ပါတယ်။
မျက်မှန်တင်ဦးကို အကျင့်ပျက်ခြစားမှုတွေ အကြောင်းပြပြီး ရာထူးက ဖယ်ရှားခဲ့ပေမယ့် သူဟာ အရင် စစ်အာဏာရှင် ဗိုလ်ချုပ်ကြီး နေဝင်းရဲ့ ခေါင်းဆောင်မှုကို ခြိမ်းခြောက်တဲ့ စင်ပြိုင်ထောင်တဲ့ လုပ်ရပ်တွေကြောင့်သာ ဖယ်ရှားခံခဲ့ရတာက ပိုဖြစ်ဖို့ များပါတယ်။
၁၉၈၃ ခုနှစ်တုန်းက Far Eastern Economic Review မှာ အင်္ဂလိပ်သတင်းစာဆရာ ရော့ဒ်နီ တပ်စကာ က တင်ဦးနဲ့ သူ့ထောက်လှမ်းရေး တွေ အကြောင်းကို အခုလို ရေးသားခဲ့ဖူးပါတယ်။
“သူတို့ဟာ တခြား အမြင်ကျဉ်းတဲ့၊ တရားသေဆန်တဲ့ မြန်မာခေါင်းဆောင်တွေထက် နိုင်ငံတကာ အကြောင်းပိုသိသူတွေ ဖြစ်ပါတယ်။
သူတို့ဟာ လက်ရှိ စစ်အစိုးရရဲ့ တင်းကြပ်တဲ့ ကန့်သတ်ချက်တွေအောက်မှာ ရှိနေပုံရပေမဲ့ သူတို့ကို နိုင်ငံခြား သွားခွင့်ပေးထားတယ်။
နိုင်ငံခြား သားတွေနဲ့ လွတ်လွတ်လပ်လပ် စကားပြောခွင့်ပေးထားတယ်” လို့ ဆိုပါတယ်။
ဒါပေမဲ့ သူတို့ဟာလည်း သူတို့ရဲ့ ရန်သူတွေ၊ ပြိုင်ဘက်တွေ အပေါ်မှာ အင်မတန်အညှာတာကင်းရက်စက်ပြီး အလွန်ပါးနပ်လိမ္မာသူတွေ အဖြစ် လူသိများပါတယ်။
မျက်မှန်တင်ဦးကိုယ်တိုင်ဟာ စပိန်နိုင်ငံ ပစိဖိတ်ကျွန်းစုတွေထဲက ကျွန်းတကျွန်းမှာ အမေရိကန် စီအိုင်အေ သင်တန်းကို တက်ရောက်ခဲ့သူ တယောက်ဖြစ်ပါတယ်။
အောင်မင်းဟာ ၁၉၈၃ ရှင်းလင်းပွဲမှာ တနည်းတဖုံကျန်ရစ်ခဲ့ပြီး ၁၉၉၂ ခုနှစ်မှာ မြန်မာ စစ်ထောက်လှမ်းရေး ၂၁ တပ်ဖွဲ့ကို ရွှေ့ပြောင်း ခဲ့ပါတယ်။
၂၀၀၀ ခုနှစ်မှာ အမှတ် ၆၆ ခြေမြန်တပ်ရင်းကိုရောက်ခဲ့ပြီး၊ ၂၀၀၁ ခုနှစ်မှာ မြန်မာစစ်တပ်ရဲ့ တောင်ပိုင်းတိုင်းမှူးအဖြစ် ရာထူးတိုးမြှင့် ခံရပါတယ်။
၂၀၀၃ ခုနှစ်မှာတော့ အရင် ဗိုလ်ချုပ်သန်းရွှေစစ်အစိုးရ လက်ထက်မှာ မီးရထားဝန်ကြီး ဖြစ်လာပါတယ်။
ဒီနေ့ အဖြစ်အပျက်တွေကို ဆက်စပ်ကြည့်ရင် မဟာစီမံကိန်းမှာ ရေးသားထားတဲ့ စစ်အာဏာ သက်ဆိုးရှည်ရေး အစီအစဉ်မှာ ကာလရှည်ကြာ ပြဿနာဖြစ်ခဲ့တဲ့ တိုင်းရင်းသားအရေးဟာ အဓိက ပြဿနာ ဖြစ်ပါလိမ့်မယ်။
စစ်အစိုးရ လက်ရှိ အာဏာလွန်ဆွဲပွဲ
ဒီနှစ်ထဲမှာ တရုတ်နိုင်ငံ အနောက်တောင်ပိုင်းက ရွှေလီမြို့မှာ ကချင်သူပုန်နဲ့ တွေ့ဆုံဆွေးနွေးခဲ့သူပါ။
သူဟာ အရင် စက်မှုဝန်ကြီးဟောင်းဖြစ်ပြီး၊ ၂၀၀၃ ခုနှစ်မှာ စုကြည်နဲ့ အပေါင်းအပါတွေကို အုပ်စုဖွဲ့တိုက်ခိုက်ခဲ့လို့ စုကြည်ထောက်ခံသူ အများအပြား သေဆုံးဒဏ်ရာရခဲ့ကြတဲ့ ဒီပဲယင်း အရေးအခင်းကို နောက်ကွယ်က စီစဉ်ခဲ့သူတွေထဲက တယောက်လို့ ထင်မြင်ယူဆ ခံရသူဖြစ်ပါတယ်။
လူကောင်းအောင်မင်းဟာ ရွှေလီဆွေးနွေးပွဲကို မတက်ခဲ့ပါဘူး။
ဒါပေမဲ့ သုံးသပ်သူတချို့ကတော့ နောက်ပိုင်းမှာ ဆွေးနွေးပွဲ ပျက်ပြားမယ့် အခြေအနေရောက်လာရင် အပျော့လိုင်းချဉ်းကပ်ပုံစံနဲ့ အောင်မင်းက ဝင်ရောက်ကယ်တင်လိမ့်မယ်လို့ ထင်မြင်နေကြပါတယ်။
အခုလို လူသိများထင်ရှားတဲ့ ပုဂ္ဂိုလ်တွေက အသေအချာပြင်ဆင်ထားတဲ့ ဆွေးနွေးရေး နည်းလမ်းတွေနဲ့ဆောင်ရွက်နေတာတွေကို ပုန်ကန်သူ တိုင်းရင်းသားတွေဘက်က လက်ခံလက်မခံဆိုတာကတော့ စောင့်ကြည့်ရဦးမှာပါ။
ဖက်ဒရယ်မူကို အစိုးရဘက်က ထည့်တောင် မစဉ်းစားဘဲ တောက်လျောက် တသမတ်တည်း ငြင်းဆန်နေတဲ့ အချက်ဟာလည်း လက်နက်ကိုင် အဖွဲ့တွေနဲ့ သဘောတူညီ ချက်ကို တာရှည် တည်တန့်ဖို့ မဖြစ်နိုင်တဲ့ အချက်ဖြစ်ပါတယ်။
၂၀၀၈ အခြေခံဥပဒေဟာလည်း စစ်တပ်ကို အဓိကထားပြီး ဗဟိုကချုပ်ကိုင်တဲ့ အစိုးရပုံသဏ္ဍန်ကို အခြေခံရေးသားထားပါတယ်။
ဒါ့ကြောင့် လတ်တလော ပြောနေကြတဲ့ “ပြုပြင်ပြောင်းလဲရေး” ဆိုတာနဲ့ ပတ်သက်ပြီး အပျော်လွန်နေတဲ့ ကာလဟာ သိပ်ရှည်ကြာမယ် မထင်ပါဘူး။
စစ်တပ်ကို လွှတ်တော်ထဲမှာ တရားမဝင် ဗီတိုအာဏာတွေ အလွန်အကျွံပေးထားတဲ့ လက်ရှိ အခြေခံဥပဒေကို ဖျက်ရင်ဖျက်၊ ဒါမှမဟုတ် အများအပြားကို ပြင်ရင်ပြင်၊ အဲသလိုမှ မဟုတ်ရင် တိုင်းရင်းသားပြဿနာဟာ ဖြေရှင်းလို့ရမှာ မဟုတ်ပါဘူး။
ဒါ့အပြင် မြန်မာနိုင်ငံဟာ အမေရိကန်နဲ့ တရုတ်တို့ ယှဉ်ပြိုင်ကြရာ နယ်မြေတခုသာဖြစ်လာခဲ့ရင်တော့ မြန်မာနိုင်ငံဟာ ရှေ့ လျှောက်သေချာပေါက် ပိုပြီး ဒုက္ခရောက်မှာပါ။
မဟာစီမံကိန်းမှာ အောင်ကျော်လှသတိပေးခဲ့တဲ့ တရုတ် အမေရိကန် ပြဿနာဟာ အခုလက်တွေ့ ပေါ်ပေါက်နေပါပြီ။
မူရင်းဆောင်းပါးကို ဖတ်ရှုရန်။
http://www.atimes.com/atimes/Southeast_Asia/NB10Ae01.html
ဘာတေးလ် လစ်တနာ
မျှဝေပေးပို့သူ။။ --ကိုဂျွန်
မက်စရာအိမ်မက်လည်း မရှိဘူး
ကန္တာရမှာ စက်ပျက်ကြာခဲ့ ယဉ်တစ်စင်းလို
ရှုခင်းသာမှာ လီဗာတစ်ဆုံးနင်းရတယ်။
နောက်ကျနေပြီ အသိကညှင်း
ဘိန်းစား ဘိန်းပြတ်သလို
ကဗျာ ငတ်ခဲ့ပါတယ်။
အမြတ်တနိုးနဲ့
မစားရက်မသောက်ရက်ခဲ့သမျှ
လက်တစ်ကမ်းဖွင့်ပြ တစ်ချက်နမ်းခွင့်မရ
ဒဏ်ချိုချို ဘ၀တိုတို သွားရည်ယို ငေးကောင်းတုန်း
ပဉ္စလက် ဆရာလက်ကြားက ဖော့တုံးလို
ဖျောက်ပြမှကို သိနေလည်း
ကြည့်နေရတာပါပဲ( မသက်မသာကြည့်နေရတာပါပဲ)။
ဟော... ယကွင်းကွဲကြီး ချမ်းခနဲခုတ်လိုက်ပေါ့
မျက်လှည့်ပွဲပြီးတော့မယ်
ပြန်စရာ အိမ်မရှိဘူး
မက်စရာ အိပ်မက်မရှိဘူး
အိတ်ထဲလက်နှိုက်တော့
မနေ့ည နောက်ဆုံးရထားလက်မှတ်
အထက်တန်း အိပ်ခန်းတွဲနှစ်စောင်။
မင်းကိုနိုင်
Friday, February 10, 2012
သော့
တချို့ကောင်တွေရေးတဲ့အခါ
ဘောပင်ထဲက
မှင်တွေ ထွက်ကျလာတယ်။
တချို့ကောင်တွေရေးတဲ့အခါ
ဘောပင်ထဲက
စကားလုံးတွေ ထွက်ကျလာတယ်။
တချို့ကောင်တွေရေးတဲ့အခါ
ဘောပင်ထဲက
ဘာမှ ထွက်ကျမလာဘူး။
ဦးနှောက်ဟာ ဘာလဲ။
နှဖားကြိုးထိုးထားတဲ့
သမ္မာကျမ်းစာ ဖြစ်တယ်
ဒါမှမဟုတ်
နှဖားကြိုးထိုးထားတဲ့
ပိဋကတ် ၃ပုံ ဖြစ်တယ်
ဒါမှမဟုတ်
နှဖားကြိုးထိုးထားတဲ့
ကိုရမ်တစ်အုပ်ဖြစ်တယ်
ဒါမှမဟုတ်
နှဖားကြိုးထိုးထားတဲ့
အပြာကာမစာအုပ် ဖြစ်တယ်။
သော့ဟာ အမောင်းခံတယ်၊
အသိသော့ ကို ကြည့်ဆော့နေတုန်း....
စာရွက်တွေပေါ်မှာ ရွာပျက်နေတဲ့ကောင်ဟာ "လူ" ပေါ့ကွာ။ ။
သုအိုင်စံ
Thursday, February 9, 2012
ABSDFနှင့် အစိုးရ ပဏာမ ငြိမ်းချမ်းရေးတွေ့ဆုံဆွေးနွေး ထုတ်ပြန်ကြေညာချက်
မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ကျောင်းသားတပ်မတော်) ကိုယ်စားလှယ်အဖွဲ့နှင့်
ပြည်ထောင်စုအဆင့် ငြိမ်းချမ်းရေး ဆွေးနွေးရေးအဖွဲ့တို့၏
ပဏာမတွေ့ဆုံမှုနှင့် ပါတ်သက်၍ ထုတ်ပြန်ကြေညာချက်
၁။ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ကျောင်းသားတပ်မတော်) ကိုယ်စားလှယ်အဖွဲ့နှင့် ပြည်ထောင်စုအဆင့် ငြိမ်းချမ်းရေးဆွေးနွေးရေးအဖွဲ့၊ အဖွဲ့ဝင် သီရိပျံချီ ဦးစောခင်စိုး ဦးဆောင်သော ကိုယ်စားလှယ်အဖွဲ့တို့သည် ပြည်တွင်းငြိမ်း ချမ်းရေး၊ ဒီမိုကရေစီ ဖော်ဆောင်နိုင်ရေးတို့ကို ဦးတည်ရှေးရှု၍ ဖေဖေါ်ဝါရီလ (၉) ရက်နေ့တွင် တွေ့ဆုံဆွေးနွေးခဲ့ကြပါသည်။
၂။ နှစ်ဖက်ကိုယ်စားလှယ်များအနေဖြင့် ယခုတွေ့ဆုံမှုအား ပဏာမ တွေ့ဆုံဆွေးနွေးပွဲဟုသတ်မှတ်ပြီး နိုင်ငံရေးပြဿနာများကို နိုင်ငံရေးနည်းလမ်းဖြင့် ဖြေရှင်းဆောင်ရွက်သွားနိုင်ရေးအတွက် ငြိမ်းချမ်းရေး စားပွဲတွင် တန်းတူညီတူ တွေ့ဆုံဆွေးနွေးမှုအဆင့်ဆင့်ကို ဆက်လက်ပြုလုပ်သွားကြမည် ဖြစ်ပါသည်။
၃။ ဆက်လက် တွေ့ဆုံဆွေးနွေးမည့် အကြောင်းအရာများကို ပြည်သူတရပ်လုံးသိရှိစေရန် ထုတ်ပြန်သွားမည် ဖြစ်ပါသည်။
ရက်စွဲ။ ။ ၂၀၁၂ ခုနှစ် ဇန်န၀ါရီလ (၉) ရက်
Tuesday, February 7, 2012
ကျောင်းသားတပ်မတော်ဟာ ဒီမိုကရေစီ အရေးတော်ပုံကြီးရဲ့ ၀မ်းကြာတိုက်ထဲက နာနာကျင်ကျင် မွေးခဲ့ရတဲ့ ရတနာများစွာထဲက သားကောင်းရတနာတပါးပါ။
Monday, February 6, 2012
အိုးဝေသံကျူး၊ ခွပ်ဒေါင်းမြူးစေ
လူထုစိန်ဝင်း
၂၅.၁.၂၀၁၂ နေ့ခင်းက မင်းကိုနိုင်ရောက်လာပြီး နှုတ်ဆက်ပါတယ်။ သူနဲ့အတူ သူ့ရဲဘော်နှစ်ယောက် ပါလာတယ်။ ဂျာနယ်တွေ မပြတ်ဖတ်နေရလို့ ပြင်ပအခြေအနေတွေ သိသင့်တာ မှန်သမျှသိထားတာ တွေ့ရလို့ ၀မ်းသာရတယ်။ အထူးသဖြင့် ကျန်းကျန်းမာမာနဲ့ လူလုံးမပျက် ပြန်ရောက်လာတာ တွေ့ရလို့ ပိုပြီးဝမ်းသာရတယ်။
တစ်လေသံတည်းထွက်
အတော်ကြာကြာ စကားစမြည်ပြောပြီးတဲ့အခါက ဆုံးမစကားတွေ ကြားပါရစေဦးလို့ ပြောလာတယ်။ ပြောစရာမလိုပါဘူး။ ထောင်ထဲမှာ အကြာကြီးနေပြီး ဒုက္ခမျိုးစုံ ကြုံတွေ့ခဲ့ကြမှာ ဖြစ်ပေမယ့် ပြည်သူတွေကြားမှာနေပြီး၊ ပြည်သူတွေအတွက် နိုင်ငံရေး ဆက်လုပ်မယ် ဆိုတဲ့ ရပ်တည်ချက်ကတော့ တစ်ဆံချည်လောက်တောင် ရွေ့လျားမသွားခဲ့ဘူး။ သရက်ထောင်က လွတ်တဲ့သူရော၊ တောင်ကြီးထောင်က လွတ်တဲ့သူရော၊ ကလေး၊ခနီး္တ စတဲ့ ထောင်တွေကလွတ်တဲ့သူရော၊ တိုင်ပင်မနေရဘဲနဲ့ တစ်ခွန်းတည်းသော စကားကို တညီတညွတ်တည်း ပြောကြတယ်။ ပါတီမထောင်ဘူး၊ ရွေးကောက်ပွဲ မ၀င်ဘူး၊ ဒီမိုကရေစီ အရေးဆောင်ရွက်သူ အားလုံးနဲ့ လက်တွဲ လုပ်ကိုင်သွားမယ်တဲ့။
အမြော်အမြင်ရှိတဲ့စကား
လိမ္မာလိုက်ကြတာ။ လူငယ်တွေ ဖြစ်ပေမယ့် ပုဂ္ဂိုလ်ရေး ခံစားချက်တွေနဲ့ အာလဘတတွေ ရှေ့တန်းမတင်ဘူး။ ပြည်သူတွေ စိတ်ချမ်းသာ၊ကိုယ်ချမ်းသာနဲ့ အကြောက်တရားအားလုံးက ကင်းဝေးတဲ့ဘ၀မျိုးနေနိုင်ဖို့အတွက် လုပ်ဆောင်နေသူမှန်သမျှနဲ့ ပူးပေါင်းဆောင်ရွက်မယ်တဲ့။ ပြည်သူအားလုံးချစ်ကြတဲ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကိုလည်း အရင်ကအတိုင်း ဆက်လက်ထောက်ခံပြီး ဘေးက၀န်းရံသွားမယ်တဲ့။ ဘယ်လောက်အမြော်အမြင်ရှိတဲ့ စကားလဲ။ ၀န်းရံတယ်ဆိုတဲ့ စကားကို တမင်ရွေးပြီး ပြောလိုက်တာကိုက သူတို့ရဲ့ ကိုယ်ပိုင်အရည်အသွေးကို ဖော်ပြနေတာဖြစ်တယ်။
မငြိုငြင်နဲ့ မစော်ကားနဲ့
လိမ္မာပြီးသားတွေမို့ အထွေအထူး ဆုံးမစကားပြောစရာမရှိပါဘူး ပြောပေမယ့် သူတို့က သိပ်ပြောစေချင်နေတာကြောင့် စကားနှစ်ခွန်း ပြောလိုက်တယ်။ ပထမ တစ်ခွန်းက ပြည်သူကို အမြဲဦးထိပ်ထားပါ။ ဘယ်တော့မှ မငြိုငြင်နဲ့ ဘယ်တော့မှ ကိုယ်နှုတ်၊နှလုံးနဲ့ စော်ကားသလို မပြုမိစေနဲ့ ဆိုတဲ့ စကားဖြစ်တယ်။ ဘာကြောင့်ဒီ စကားပြောရသလဲဆိုတော့ ပြည်သူလူထုက သူတို့ချစ်တဲ့ သူတွေဆိုရင် သိပ်ကို မြင်ချင်တွေ့ချင်ကြတာ။ အပြင်ထွက်လာတာကိုတွေ့ရင် ပြေးပြီး နှုတ်ဆက်ချင်တယ်။ လက်ကလေးကိုထိရထိရ ထိချင်တယ်။ စကားပြောသံလေးတစ်ခွန်းဖြစ်ဖြစ် ကြားချင်တယ်။ လူတွေသိပ်များပြီး လမ်းပိတ်နေရင် စိတ်ထဲမှာငြိုငြင်လာတတ်တယ်။ ငြိုငြင်တော့ ကိုယ်၊နှုတ်၊ အမူအရာပြောင်းသွားတယ်။ ဒီအချိန်မှာ ကိုယ့်ဘေးကလိုက်ပါလာတဲ့ “အနားပြာ” တွေကလူတွေကို တွန်းထုတ်ဖယ်ရှားပြီး မာမာကျောကျောနဲ့ မောင်းမဲတာမျိုးလုပ်လေ့ရှိတယ်။
အိုးဝေသံကျူးပါစေ
လူတွေဝိုင်းအုံလာတာကချစ်လို့ပါ။ မုန်းတဲ့သူဆို မျက်စောင်းတောင်ထိုး မကြည့်ဘူး။ ဒါကိုမောက်မောက်မာမာနဲ့ တွန်းထုတ်ဖယ်ရှားလုပ်တာက ပြည်သူကို စော်ကားတဲ့ သဘောသက်ရောက်တယ်။ အဲဒီလို “စွမ်းအားရှင်” မျိုးတွေကို ဘယ်သွားသွားခေါ်မသွားပါနဲ့လို့ ပြောလိုက်တယ်။ ဒုတိယစကားကတော့ မင်းကိုနိုင် သရက်ထောင်က လွတ်လာတော့ မြို့လူထုက ခွပ်ဒေါင်းအလံတလူလူလွှင့်ပြီး ကြိုဆိုကြတယ်။ အဓိပ္ပါယ် အများကြီးရှိတယ်။ ခွပ်ဒေါင်းအလံ မိုးယံမှာလွင့်ပျံနေပါစေ။ မြေမှာချပြီး နင်းချေမပစ်ပါနဲ့။ သူများနောက်ကနောက်မြီးဆွဲလုပ်ပြီး မလိုက်ပါနဲ့ဆိုတဲ့ ရည်ရွယ်ချက်တွေပါလိမ့်မယ်လို့ ယူဆတယ်။ ဒါကြောင့် ခွပ်ဒေါင်းကို သူ့နေရာမှန်မှာပဲ လွင့်ပျံပြီးအိုးဝေသံကျူးရင့်ပါစေဆိုတဲ့ စကားပြောလိုက်ပါတယ်။
ရှေ့တန်းကဦးဆောင်
ခွပ်ဒေါင်းဆိုတာ မြန်မာ့သမိုင်းမှာ ရှေ့တန်းကဦးဆောင်ပါဝင်ခဲ့တာဖြစ်တယ်။တို့ဗမာအစည်းအရုံး ခေတ်မှာလည်း ခွပ်ဒေါင်းကိုယ်စားပြုတဲ့ သခင်အောင်ဆန်းတို့ သခင်ဗဟိန်းတို့ ဦးဆောင်ကဏ္ဍက ပါဝင်ခဲ့တယ်။ ဖဆပလခေတ်မှာလည်း ခွပ်ဒေါင်းကိုယ်စားပြု ခေါင်းဆောင်တွေ ရှေ့တန်းက ပါခဲ့တယ်။ ဂျပန်တော်လှန်ရေးမှာလည်း ရှေ့တန်းကပဲ။ လွတ်လပ်ရေးတိုက်ပွဲ အဆင့်ဆင့်မှာ ခွပ်ဒေါင်းအလံဟာ ရှေ့တန်းကငွါးငွါးစွင့်စွင့် ပါဝင်ခဲ့တာချည်းဖြစ်တယ်။ လက်ရှိဖြစ်ပေါ်နေတဲ့ ဒီမိုကရေစီပြုပြင်ပြောင်းလဲရေး ဖြစ်စဉ်ကြီးကို စတင်ခဲ့တာလည်း ခွပ်ဒေါင်းကိုယ်စားပြု လူငယ်တွေပဲ ဖြစ်ကြတယ်။
နားခွက်ကမီးတောက်ပြီးသား
ဒီအစဉ်အလာကို ဆက်လက်ထိန်းသိမ်းဖို့က ၈၈မျိုးဆက်တွေမှာ တာဝန်ရှိတယ်။ ဒါကြောင့် ဒုတိယစကားကို ပြောလိုက်တာဖြစ်တယ်။ တစ်ဦးတစ်ယောက်၊ ဒါမှမဟုတ် တစ်သင်းတစ်ဖွဲ့ရဲ့ နောက်ကလိုက်ပါပြီိး နောက်မြီးဆွဲ လုပ်ရင်ခွပ်ဒေါင်းရဲ့ သမိုင်းကို ရိုက်ချိုးပစ်လိုက်သလိုဖြစ်သွားလိမ့်မယ်။ “တို့ခေတ်ကျမှညံ့ကြတော့မှာလား” လို့ အပြစ်တင်စရာဖြစ်သွားလိမ်မယ်။ ပြောမယ့်သာပြောတာပါ သူတို့ လူငယ်တွေက ချက်ဆိုနားခွက်ကမီးတောက်ပြီးသားတွေပါ။ နှစ်ဆယ့်တစ်ရာစု လူငယ်တွေမဟုတ်လား။
မေးခွန်းမမေးရဲဘူး
အခုအချိန်မှာ ပြည်သူလူထုအတွက် အဓိက လိုအပ်နေတာက သူတို့အရေးကိစ္စမှန်သမျှကို ရှေ့ကမားမားမတ်မတ်ရပ်ပြီး ပြောဆိုလုပ်ကိုင်ပေးမယ့်သူဖြစ်တယ်။ နှစ်ပေါင်းငါးဆယ်လုံးလုံး တစ်သွေးတစ်သံ တစ်မိန့် အာဏာရှင်စနစ် အုပ်ချုပ်ရေးအောက်မှာ နေခဲ့ကြရလေတော့ ပြည်သူတွေဟာ အရပ်ထဲက ဆယ်အိမ်ခေါင်းမင်း ပြောသမျှ နာခံကြရတယ်။ ထည့်ဆိုသမျှ ထည့်ကြရတယ်။ လုပ်ဆိုသမျှ လုပ်ကြရတယ်။ ဘာကြောင့်လဲ ဘာဖြစ်လို့လဲဆိုတဲ့ မေးခွန်းမျိုးပြန်မမေးရဲကြဘူး။ ဒါကြောင့် သူတို့ရှေ့ကရပ်ပြီး သူတို့ကိုယ်စား ပြောပေး လုပ်ပေးမယ့်သူကို လိုချင်ကြတယ်။
မြစ်ဆုံရေကာတာ သာဓက
နိုင်ငံရေးပါတီတွေ ရှိနေပြီးသား မဟုတ်လားလို့ မေးစရာရှိတယ်။ နိုင်ငံရေးပါတီဆိုတာက အခါခပ်သိမ်းအားကိုးလို့ မရဘူး။ ဘာကြောင့်လဲဆိုတော့ သူတို့ပါတီတွေအတွက် လုပ်ဆောင်ရတဲ့ တာဝန်တွေက တစ်ဖက်ရှိသေးတယ်။ ပြီးတော့ နိုင်ငံရေး ကစားရတာတွေလည်းရှိတယ်။ မှန်တိုင်း မပြောနိုင်ဘဲ ဒစ်ပလိုမေစီ ကျင့်သုံးရတာတွေရှိတယ်။ မချစ်ပေမယ့် အောင့်ကာနမ်းရတာတွေရှိတယ်။ မနမ်းပေမယ့် ပင့်သက်ရှူပြရတာတွေရှိတယ်။ ထင်ရှားတဲ့သာဓကပြရရင် မြစ်ဆုံရေကာတာကိစ္စကိုကြည့်။ ဘယ်ပါတီ ဘယ်အဖွဲ့အစည်းကမှ စမပြောကြဘူး။ သူတို့နဲ့မဆိုင်သလိုဘဲ နေကြတယ်။ မနေနိုင်တဲ့ စာနယ်ဇင်းတွေနဲ့ သဘာဝပတ်ဝန်းကျင်ထိန်းသိမ်းသမားတွေက ၀င်ပြီးပြောကြ၊ ဆိုကြ၊ ရေးသားကြတွေ လုပ်တော့မှ အစိုးရက အရေးယူ ဆောင်ရွက်ခဲ့တာဖြစ်တယ်။
တိုင်တွန်းစကား
အဲဒီနောက် မီးရထားခတွေ ဆယ်ဆတက်၊ မီတာခတွေတက်၊ ရေခွန်မီးခွန်တွေတက်ဆိုတဲ့ ကိစ္စတွေရှိလာတာကိုလည်း ဘယ်ပါတီ အဖွဲ့အစည်းကမှ ၀င်မပြောကြဘူး။ တိုင်းရင်းသားဒေသတွေမှာ စစ်ပွဲတွေပြင်းပြင်းထန်ထန် ဖြစ်လာတဲ့အတွက် အရပ်သူအရပ်သားတွေ မြေဇာပင်ဖြစ်နေကြရတာတွေကိုလည်း မသိသလိုဘဲ နေကြတယ်။ အဲဒါတွေကို ပြည်သူလူထုက အားမလို အားမရဖြစ်ကြတယ်။ ဒီလိုအချိန်မှာ ၈၈တွေ လွတ်လာပြီး ပါတီမထောင်ဘူး၊ ရွေးကောက်ပွဲမ၀င်ဘူး၊ ပြည်သူတွေကြားမှာနေပြီး ပြည်သူတွေအတွက် နိုင်ငံရေးလုပ်မယ်လို့ ပြောကြတော့ သိပ်ပြီးအားရ၀မ်းသာဖြစ်ကြတယ်။ ပြည်သူတွေရဲ့ မျှော်လင့်ချက်တွေကို ဖြည့်ဆည်းပေးနိုင်ကြပါစေလို့ တိုင်တွန်းစကား ဆိုလိုက်ရပါတယ်။
လူထုစိန်ဝင်း
၂၅.၀၁.၂၀၁၂
မေမေဖတ်ဖို့
မေမေ
ကျနော့်တို့ကို အိမ်ပြန်ခွင့် မပေးပါနဲ့။
ကျနော်တို့ တည်ဆောက်နေတယ်
ပျော်ရွှင်စွာ စိုက်ပျိုးနေကြတယ်
ဒါကြောင့်
ကျနော်တို့ရဲ့တောင်တန်းတွေကို ပြုစုနေကြတာ ဖြစ်တယ်။
မေမေ
ကျနော်တို့ရဲ့ မနက်ဖန်တို့အတွက် ပေါက်ကွဲမှုက လှပတယ်
ကျနော်တို့မှာ ယုံကြည်ချက်ရှိတယ်
ဒါကြောင့်
အမြဲတမ်း တိုးတက်မှုကို မောင်းနှင်နေကြတာ ဖြစ်တယ်။
ကျနော်တို့က
အမှန်တရားကိုလည်း မြတ်နိုးတယ်
ချစ်ခြင်းမေတ္တာကိုလည်း ယုံကြည်တယ်
ကိုယ်ကျင့်တရားကိုလည်း ကိုးကွယ်တယ်
တရားမျှတမှုကိုလည်း ဦးညွှတ်တယ်
ဒါကြောင့်
ကျနော်တို့ စီးဆင်းနေကြတာ ဖြစ်တယ်။
မေမေ
နားလည်ပေးနိုင်ရင်
ကျနော်တို့ အချစ်အကြောင်း နည်းနည်းပြောမယ်
ဒါပေမယ့်
အဓိပ္ပာယ်မဲ့တဲ့ စကားလုံးတွေနဲ့တော့
ကျနော်တို့ရဲ့သမိုင်းကို ဘယ်တော့မှ မညစ်နွမ်းစေရဘူး
ဒါကြောင့်
ကျနော်တို့ ဖြူစင်နေကြတာ ဖြစ်တယ်။
မေမေ
ကျနော်တို့ဟာလူငယ်
ကျနော်တို့ဟာ ကျောင်းသား
ကျနော်တို့ ဟာ လွတ်လပ်တယ်
ဒါကြောင့်
ကျနော်တို့ တန်းတူ ရည်တူ တွေးခေါ်နေတာ ဖြစ်တယ်။
ဒါကြောင့်မို့ပါ
ဒါကြောင့်မို့ပါ မေမေရယ် …
ကျနော်တို့ကို အိမ်ပြန်ခွင့်မပေးပါနဲ့။
ဒါပေမယ့် .. မေမေ
မေမေ့ကိုတော့ အရမ်းလွမ်းတယ်။
note - (ကျနော်က ကျနော်တို့ရဲ့ အမေ့ (ဒေါ်အောင်ဆန်းစုကြည်)ကို အရမ်းလွမ်းနေရတာ ဖြစ်တယ်ဗျ ။
ကျနော်ကို အိပ်မက်ထဲမှာ အိမ်ပြန်လာခဲ့ဖို့ မှာကြားတော့ ၀မ်းနဲတာ ၀မ်းသာတာ ခံစားလိုက်ရတာ။
ဒီခံစားမှုမှာ ဒီကဗျာကို ရေးတယ်။)
Saturday, February 4, 2012
Mono Born, Stereo Tunes, Solo Silence
Fallen seed is to grow a new life
Fallen tree is to go to the other side
Forest of human being
Is it always green
One was born to play loud
One has gone to be faded out
Music of life
Is it always nice
The tree proudly sings in mono-music
The forest loudly sings in stereo-graphic
Forest-melody is all about unity and harmonic
The notes can't exist alone
Music starts from a single tones
Connect yourself into march
Collapse yourself into apart
Carry your breaths to the last
Bury your best in the past
Mausoleums are made of many memories
But coffins are only designed for one
What a life is a single none
How it fights is with many guns
When it ends is absolutely one!!!
A'karikz Yannaing
THE SECOND SECOND
ကေအိုင်အေ တပ်မဟာ(၂) (၃) နယ်မြေတို့ တွင် တိုက်ပွဲဖြစ်ပွား
ဖေဖော်ဝါရီ (၄) ၂၀၁၂ ခုနှစ်
ကချင်လွတ်မြောက်ရေးတပ်မတော် ကေအိုင်အေ တပ်မဟာ(၃)နယ်မြေ ကောင်းဂျာကျေးရွာ(Kawng Ja )အနီးတွင် ဖေဖေါ်ဝါရီ(၃)ရက် မနေ့ က အဆိုပါဒေသတွင် စစ်ရေးလှုပ်ရှားနေသော မြန်မာအစိုးရတပ် တပ်မ(၉၉)လက်အောက်ခံတပ်ဖွဲ့ များနှင့် ကေအိုင်အေ တပ်ရင်း(၁၂)တပ်ဖွဲ့ ဝင် တို့ တိုက်ပွဲဖြစ်ပွားခဲ့ကြောင်းသိရှိရသည်။
အလားတူ ဖေဖေါ်ဝါရီ(၃)ရက် တစ်ရက်ထဲတွင် ကေအိုင်အေ တပ်မဟာ(၂) လက်အောက်ခံ တပ်ရင်း(၅)နယ်မြေ အင်လုံရှလခ( N lung Shala Hka) ဒေသတွင် မြန်မာအစိုးရတပ် ခလရ(၁၄၁)တပ်ဖွဲ့ နှင့် ကေအိုင်အေ တပ်ရင်း(၅)တပ်ဖွဲ့ ဝင် တို့ တိုက်ပွဲဖြစ်ပွားခဲ့ကြောင်းသိရသည်။ တိုက်ပွဲတွင်း နှစ်ဖက်ထိခိုက်ကျဆုံးမှုများအား မသိရှိရသေးပါ။
Source ( Kachinnet)
