သွေးအားနည်းသူ

စိတ်ထဲ တအုံနွေးနွေး
ခြေရာတွေ ညစ်ထေးနေတဲ့
ကိုယ့်ဦးထုပ်ကလေးကို
အမြဲတမ်း ဖုံသုတ်ပေးနေမိတယ်
တွေဝေလျှက် ရှိတုန်းပါပဲ။

အိပ်မက်တွေဟာ မျက်နှာကျက်ပဲ
နေ့တွေရဲ့ အကျိတ်အခဲတွေကို
ဖုန်းကွယ်ဖြေဖျောက်လို့
ထို့နောက် ...
ပင့်ကူများ
အနံ့သိုးများ
အိပ်မက်ထဲ
စိတ်မချမ်းမြေ့စရာ တရွတ်ဆွဲ
ပင်စင်စား တယောက်လိုပဲ
ငြီးငွေ့။

< < ကျနော့်ရင်ပတ်ကို ကြည့်တာ မကြိုက်ဘူး
ကျနော့် ခြေထောက်ကို ကြည့်တာ မကြိုက်ဘူး
ကျနော့်ကို အထင်သေးမှာ ကြောက်ရဲ့ > >
လမ်းပေါ် လျှောက်သွားတိုင်း
အသုဘ ကားတစီးလိုပဲ ခံစားရ။

ဘ၀ဟာ
ဓာတ်လှေခါးတခုလို မလွယ်ကူ
ချစ်သူကို ထမ်းပိုးနိုင်ရေးဟာ
လေးလွန်းတဲ့ ၀န်ပဲ။

ငါရဲ့ သိမ်ငယ်ခြင်းနဲ့
ပြင်းပြင်းထန်ထန် ပင်ပန်း
သူငယ်ချင်းတယောက် အခန်းထဲ
ပစ္စည်းပျောက်ရှတဲ့ ညက
အခွံ ကွဲအက်ကြေမွ
ခရုတကောင် မြင်ကြရပုံများ။

အချို့က
အလ္လာပ သလ္လာပတွေက
ဒူးရင်းသီးအခွံတွေ ဖြစ်လာတယ်
ယင်ကောင်ဖြစ်လာတယ်
အောက်ခံ ဘောင်းဘီဖြစ်လာတယ်။

ကိုယ့်ဦးထုပ်ငယ် မလုံတဲ့
သိမ်ငယ်ခြင်း ၀တ်ရုံထဲက
ညက အိပ်မက်မှာ
အဖေဟာ
တင့်ကားတစီး ၀ယ်ပေးတယ်။

ယောဟန်အောင်
ဇွန် ၂၅၊ ၁၉၈၇။