မီးပြတ်နေတဲ့ နဂါးငွေ့တန်းများ

ဗိုလ်ချုပ်အဆင့် ရာထူးပြုတ်သွားသည့်  ရဲဘော် စိတ်အားငယ်သလို
နဂိုအလုပ်နှင့် သာယာဖူးသည့် လူ့ အဓိပ္ပါယ်များကို ဘာမှ မလုပ်ကိုင်ချင်တော့ဘူး
ကိုယ်တိုင်စားမဲ့ အသက်ရှူထမင်းဗူးလေးတောင် မချက်တတ်တဲ့ခေါင်းဆောင်သည်
ဤဘဝမှာ လူကောင်းသူကောင်းနဲ့ တူအောင် ပြုလုပ်ရ ပြုနေရခက်ပြီ
စုချည်ထားတဲ့ ရယ်သံတွေကို နားမထောင်ပေမဲ့၊ နံဘေးနားမှာ
တအားဟောင်နေတဲ့ခွေးများနဲ့ စစ်သင်တန်းမှာ အတူတက်ခဲ့ရစဉ်
အသစ် ရွှင်လန်းစွာ လူနှင့်တူရေးအတွက်၊ သူ့အမြင်နဲ့
ထူပြစ်ဆူထွေးတဲ့ လူ့ဘဝင်ကို ငှက်ဖျားဆေး အတင်းပေး ကုသတိုက်ခဲ့
အဆင်းပြေး အနှေးဆု ရလိုက်တဲ့ မာရသွန် ခြေအစုံဟာ
နေအကုန်မှာ အိပ်တန်းတက်စရာမရှိတဲ့ မဟာရွှေငှက်မျိုးဂျစ်ပစီတွေရဲ့
ကြာရှည်ပျက်သိုး ညစ်ညှီနေတဲ့ လေဝတ်ရုံလွှာ ယူနီဖောင်းကိုထုတ်ခါ
လူသည်ခေါင်းကိုကုတ်ကာ၊ အတွေးအခေါ်အပုတ်အသိုးကိုပဲ ညစာလုပ်ရင်း အသာ ဆေးလိပ်ဖွာနေလျှက်
ဘယ်အလုပ်မျိုးမဆိုလည်း လစာထုတ်ပျင်းစွာ မေးအိပ်လာပေမဲ့ မျက်တွင်းသားချိုင့်နက် ဟောက်ပက်အိပ်ပျက်
အသက်ခင်းထားလိုက်တဲ့ ဂယောက်ဂယက်စိတ်ရဲ့ ချည်တိုင်များကို
စ တုန်းမှာ အခြေခိုင်သွားအောင် စိုက်ပျိုးတော့ ချက်ချင်းခိုင်မာရန်  အတူတည့်စွာ ဖွဲ့စည်းအား မဲ့တယ်
ဘဝအဆုံးဟာ ခွေယိုင်သွားအောင် ရိုက်ချိုးတော့ ပျက်ယွင်းယိုင်လာရန် အကူမဲ့စွာ ပျက်စီးသွားခဲ့တယ်
နေ့ဘဝဟာ နေဦးခေါင်းအရှိန်အဟုန် တိုးထွက်ရတော့ အပြေးသွက်လန်းဆန်းတောက်ပ တစ်ကောင်တစ်ခုရဲ့အားနဲ့ချီ
နေ့အလှဟာ နေကူးပြောင်းအချိန်ကုန် ကျိုးပျက်ကျတော့ သွေးပျက်ခမ်းနွမ်းခြောက်ရ အမှောင်ထုရဲ့အားသွက်ပြီ
ထိုထို ဤဤ ရသရဲ့ အရေးအသား တောင့်တင်းကြွယ်ဝသော မူလအဖွဲ့အနွဲ့စကားဟာ ငါတို့မပိုင်ခဲ့ဘူး
ထိုထို ဤဤ ဒဿနရဲ့ အတွေးအား ဖြောင့်စင်းသွယ်လျသော ယူဆအတွက်အချက်များမှာ ငါတို့မခိုင်ခဲ့ဘူး
ထိုထို ဤဤ အနတ္တရဲ့ အမေးများကြောင့် ငြင်းပယ်ချသော အတူတကွအချက်အလက်များစွာ ငါတို့မနိုင်ခဲ့ဘူး
အနှေးထွက်မရတဲ့ ငါတို့ပြိုင်ခဲ့ဖူးသော နေ့မှာတော့ အလင်းကွယ်စွာ ထာဝရဆန်ဆန် နောက်ဆုံးဆုနဲ့ ဘိတ်ရှုံးထွက်
ပြေးတက်မရတဲ့ ငါတို့ပြိုင်ခဲ့ဖူးသော ညမှာတော့ အမှောင်မဲ့စွာ မကြာခဏမှန်မှန် ပျောက်ဆုံးမှုနဲ့ ဆိတ်သုန်းခဲ့
အတိတ်သုံးထားတဲ့ အနာဂတ်ယာဉ်ဟာ အကြမ်းမောင်းထားတဲ့ အချိန်တခုရဲ့ ပြေးနှုန်းယိုင် ဆောင့်အားနဲ့
ဆိတ်သုန်းသွားမဲ့ ကမ္ဘာပတ်စဉ်မှာ လမ်းကြောင်းမှားတဲ့ အရှိန်တစ်ခုနဲ့ အဝေးဆုံးတိုင် ရောက်သွားတဲ့ ဆွဲအားဟာ
တရွေ့ရွေ့ မှိန်--မှိန် စွာ ကွဲ--ကွဲသွားကာနေတဲ့ သုံညတို့ရဲ့ ငရဲဆိုက် သီအိုရီပဲ
တကွေ့ကွေ့ တိမ်--တိမ် ကာ နဲ--နဲသွားရှာလေတဲ့ အမှန်အစတို့ရဲ့ အတွဲလိုက် မယ်လိုဒီလို တိတ်ဆိတ်သံသာ
ကြိတ်မှိတ်ခံလာရလေသော ဒီဘဝရှိ ပျော်ကျအသံဝင်သွားတဲ့ ပြီးဆုံးသွားမှုများရဲ့ နောက်ကျန်ကွေ့များဟာ
ဖိတ်--ဖိတ်လျှံကာကျနေသော ဂီတ၏ မတော်တဆသံစဉ်များရဲ့ တီးလုံးများပြုစားတဲ့ ရောက်ရန်နေ့များစွာအထိ
လူ့ ရင်ဗလာရှိ အော်ငတ် ကခုန်ကာ ကျူးရင့်နေတဲ့ ဝိညာဉ်ဟာ ပေါက်ကွဲပွင့်ထွက်တယ်
အနုပညာ၏ မှော်နတ်တုန်ခါပူးလွင့်လျှက် အသိအမြင်ဟာ ချောက်ထဲနစ်လျှက်မျောပြီ--တစ်ခုတစ်စတို့စီ
တစ်ယောက်တည်းဖြစ်ခဲ့သော ဤ လူ့ဘဝတို့သည်..............။    ။

သုအိုင်စံ
၁၅-၀၈-၂၀၁၃