Wednesday, May 29, 2013

တောင်တန်းတွေနဲ့ Performance ကဗျာ

တောင်တန်းတွေနဲ့ Performance ကဗျာ
**************************
တောင်ယာတဲကလေး
ဝါခြောက်နေတဲ့မြက်ရိုင်းတော
ဖျစ်ဖျစ်လောင်နေတဲ့တောမီး၊
တောင်ကုန်းဟာ
ကတုံးဆံတောက်နဲ့ကျိုးတိုးကျဲတဲပြုံးပြ
ခြောက်အက်အက်ရယ်သံနဲ့အတူ
မီးခိုးလုံးတွေမှုတ်ထုတ်လိုက်တယ်၊
ကဗျာဟာသံကုန်ဟစ်
ဒါပန်းချီကားတစ်ချပ်မဟုတ်ဘူး
မြူတွေနဲ့တောင်ခါးပန်း
မီးခိုးအူနေတဲ့တဲကလေးနဲ့တောကြက်ကလေးတွေ၊
ကဗျာဟာကြည့်ရင်းကြည့်ရင်းနဲ့မီးခိုးနင်သွား
တစ်ဖောင်းဖောင်းမြည်နေတဲ့
ဝါးဆစ်ပေါက်ကွဲသံတွေကြားမှာ
ကဗျာဟာထပ်အော်တယ်
တောမီးရှို့တာ
ဒါဟာငါမဟုတ်ဘူး၊
ဖောက်ပြန်သူရဲ့ဓားစာခံ
ဒါ...ဟာ...ငါ...မ...ဟုတ်...ဘူး၊
ကဗျာဟာ
တဖြည်းဖြည်း
တဖြည်းဖြည်း
အရှိန်လျှော့ပြီးပြကွက်ကိုရပ်လိုက်တယ်၊
တောင်တန်းတွေ...
မျှော်ကြည့်လိုက်ရင်ပဲ
ခြောက်သယောင်းနေတဲ့ကဗျာဟာ
မိုးသားကိုပုန်းခိုလို့
တွန့်လိမ်ခုန်ကြွ...။
ခင်ဘုန်းဝေဇော်

Posted by Anonymous at 8:34 PM

Labels:

0 comments:

Post a Comment

Subscribe to: Post Comments (Atom)