အပေါက်ရှိမှ လေဝင်မယ်
လေဝင်မှ ရှင်သန်နိုင်မယ်
ငါ့ကိုယ်က ပုလင်းအတွင်းနံရံမှာ အမြဲကပ်ပြီး အကျဉ်းကျနေတယ်
ငါ့စိတ်က ပုလင်းအပြင်နံရံမှာ ခဏကပ်ပြီး လျှောက်သွားနေတယ်
ဗဟုသုတဟာ မြင်နေရခြင်းပဲ
ဒီပုလင်းနဲ့တူတဲ့ ဟိုပုလင်းကို မြင်နေရတယ်
ဟိုပုလင်းနဲ့တူတဲ့ တခြားပုလင်းကို မြင်နေရတယ်
ကောင်းကင်ငေးရင်း
သူတို့မှာ ပုလင်းမရှိဘူးလား
ရေအောက်မှာ
ငါးကြီးက ငါးငယ်ကို ပြေးမြိုလိုက်လိုက်တဲ့အခါ
သူ့ပုလင်းဟာ ဘယ်ရောက်နေပါသလဲ
ဗဟုသုတက ငါ့ကို သတ်တယ်
လှောင်အိမ်က ငါ့ကို စောင့်ရှောက်တယ်
ငါဟာ အမြဲ ထွက်ဖို့ ကြိုးစားနေတဲ့ကောင်ပါ
ထောင်အရိပ်ဟာ လွပ်လပ်လိုစိတ်နဲ့ မဲမှောင်တယ်
လူ့အခွင့်အရေးဆိုတာ
လေဝင်ပေါက်ဖြစ်တယ်
အဲဒါကို လူထွက်ချင်လို့မရဘူး
ကမ္ဘာကို သစ်တောတွေခွာပြီး
နေပူထဲပစ်ထားကြည့်ပါလား
ပြာခဲကြီးဖြစ်သွားမယ်လို့ တွေးမိလား
ဘဝဟာ
ပုလင်းအပြည့်ရရင် တော်ပြီမဟုတ်လား
လျှံထွက်ချင်စိတ်များကို လျှော့ခဲ့ပါ
ပုလင်းအပြင်က
အာကာသတိုက်ပွဲတွေ သိပ်ကြည့်လို့ကောင်းတာပဲလား
ပုလင်းအထဲက
အမှိုက်များကို ရှင်းလိုက်ရင်လည်း လှလာနိုင်ပေတယ်
အရက်ဟာအရက်ဖြစ်ဖို့
ပုလင်းထဲထည့်ထားရတယ် လူတို့ရေ
သိပ်ပြီးပေမရှည်ချင်နဲ့
ကိုယ့်ချည်မျှင်က ကိုယ့်ကိုပြန်ချုပ်နှောင်ခဲ့တာကို ဖြည်လှည့်ပါ။ ။
သုအိုင်စံ
၂၄-၀၅-၂၀၁၃
0 comments:
Post a Comment