၁၉၉၁တုန်းက ငါ့ကို မွေးခဲ့တယ်

၁၉၉၁တုန်းက ငါ့ကို မွေးခဲ့တယ်
........................................

ငါ့ကို မွေးထဲက
ဆိုးဆေးတွေ ပိုနေလို့တဲ့
တစ်ကိုယ်လုံးကို ဆိုးပေးခဲ့ကြ။

ဂွမ်းတွေ ပိုနေလို့တဲ့
ငါးနားနှစ်ဖက်ကို ပိတ်ပေးခဲ့ကြ။

တိပ်တွေပိုနေလို့တဲ့
ငါ့ပါးစပ်နဲ့ မျက်လုံးတွေကို ကပ်ပေးခဲ့ကြ။

ကြောက်ရွံမှုဟာ ငယ်ဘ၀ဆိုရင်
မယုံကြည်မှုဟာ ယနေ့အချိန်ပေါ့။

ငါရဲ့ အလင်းရောင်ဟာ
ကိုယ့်အားကိုယ်ကိုး အိမ်တွင်းဖြစ် ဖယောင်းတိုင်။

ငါ စားသောက်ခဲ့ရတာက
မတရားမှု ကိုယ်စီ။

ငါ ၀တ်နေရတာက
ငါ့တဘို့ စိတ်ဓါတ်။

ငါ ဒီနေ့အထိ ရပ်ခဲ့တဲ့ မြေက
ငါပိုင်တယ်ဆိုတဲ့ အမည်ခံ မြေ။

ငါ ငယ်ငယ်တုန်းက
လူငယ်ပီပီ
တစ်ခါတရံ သူရဲကောင်းမျှော်ခဲ့တယ်
သူရဲကောင်းက အမြဲတမ်းတိုက်ပွဲရှုံးခဲ့တယ်။

လူငယ်ပီပီ
သူရဲကောင်းဖြစ်ချင်ခဲ့တယ်
သူရဲကောင်းဖြစ်ချင်တာနဲ့ပဲ ငါတိုက်ပွဲရှုံးခဲ့တယ်။

ခေတ်တစ်ခုရဲ့ ကမ်းပါးတွေပေါ်မှာ
ငါ့သူငယ်ချင်းတွေ ပြိုကျကုန်တာ ငါကြည့်ခဲ့ရ။
ငါ ယုံကြည်သမျှတွေကိုလည်း
ငါ့နိုင်ငံက တိုက်စားကုန်တာ ငါကြည့်ခဲ့ရ။
ပေါင်မုန့်မရှိရင် ကိတ်မုန့်စား ဆိုတဲ့ မေရီဟာ
ရန်ကုန်မှာများ ကြီးပြင်းခဲ့လေသလား ။

ငါဟာ အော်ပြောရတဲ့ ခေတ်မှာ ကြီးပြင်းခဲ့ပေမယ့်
ဈေးမြင့်လှတဲ့ ဖုန်းဘေလ်အတွက် ခဏခဏ တန်းစီဖူး။
ငါ့ မှာ ဟန်ဆောင်လိုစိတ် နည်းသေးတဲ့အရွယ်မှာ
နေပူကြီးထဲမှာ မင်္ဂလာပါ ဘဘ လို့ ခဏခဏအော်ခဲ့ရဖူး။
ငါ ဘာမှ မသိခဲ့ပေမယ့်
ကြက်ဆူပင်တွေ ခဏခဏ စိုက်ခဲ့ရဖူး။
ဒီလိုနဲ့ မဆိုင်တာတွေနဲ့ အသက်ရှင်ဖို့ ထမင်းစားခဲ့ရတယ်။

ငါဖတ်ရဖူးတဲ့ သတင်းစာတိုင်းမှာ လမ်းတွေ ပြင်တာပါတယ်
ငါသွားခဲ့ရတဲ့ လမ်းတိုင်းမှာ အပေါက်အပြဲတွေပါတယ်။

ငါကြည့်ခဲ့ရဖူးတဲ့ ရုပ်ရှင်တိုင်းမှာ ပြီးပြည့်စုံခြင်းတွေ ပါတယ်
ငါနေထိုင်နေရတဲ့ ပါတ်ဝန်းကျင်မှာ မပြည့်စုံမှုတွေပါတယ်။

၈နာရီမှာလာတဲ့ သတင်းကားတိုင်းမှာ မီးတွေ ထိန်ထိန်လင်းလို့
ငါ စာကြည့်တိုင်း အလှည့်ကျ ရာရှင်မီးကလည်း ထိန်ထိန်လင်းလို့။

အမျိုးသားယဉ်ကျေးမှုဆိုတဲ့ ကိုယ်ဝန်လွယ်ပြီး
၁၉၉၁ မှာ သူတို့ငါ့ကို မွေးခဲ့တယ်။
ယဉ်ကျေးတဲ့ လူ့အဖွဲ့အစည်းဆိုတဲ့ ကိုယ်ဝန်လွယ်ပြီး
၁၉၉၁မှာ သူတို့ငါ့ကို မွေးခဲ့တယ်။
အမျိုးသားရေးကို ဘယ်တော့မှ သစ္စာမဖေါက်ဆိုတဲ့ ကိုယ်ဝန်လွယ်ပီး
၁၉၉၁ မှာ သူတို့ ငါ့ကို မွေးခဲ့တယ်။

မွေးထဲက အသေလေး မွေးခဲ့တယ်။

.................
မောင်မြတ်သူ