NEJ/ ၁ ဖေဖော်ဝါရီ ၂၀၀၈
ပြီးခဲ့သည့် သြဂုတ်နှင့် စက်တင်ဘာလက ဆန္ဒပြသည့် ရဟန်းသံဃာနှင့် ပြည်သူတို့ကို ဖမ်းဆီး ချုပ်နှောင်ရာတွင် အာဏာပိုင်များအနေဖြင့် တရားဥပဒေနှင့်အညီ ဆောင်ရွက်ခြင်းမရှိဟု အမျိုး သားဒီမိုကရေစီအဖွဲ့ချုပ် (အန်အယ်လ်ဒီ) က ကြေညာသည်။
ဖမ်းဆီးခံရသူများကို (၂၄) နာရီထက် ကျော်လွန်ချုပ်နှောင်ခြင်း၊ အကျဉ်းထောင်များ၌ ရာဇ၀တ် ပြစ်ဒဏ် ကျခံနေရသူများနှင့်အတူထားခြင်း၊ မကွေးတိုင်း အန်အယ်လ်ဒီအဖွဲ့ဝင် (၂) ဦးကို လက်ထိပ်ခတ် ဖမ်းဆီးခြင်း၊ ဖမ်းဆီးခံရသူအချို့အား တရားရုံးထုတ်ပြီး အင်းစိန်ထောင်သို့ ပြန်ဝင်ရာတွင် ကိုယ်အင်္ဂါအနာတရဖြစ်အောင် ရှာဖွေခြင်းနှင့် အကျဉ်းသားတုိ့အတွက် လုံလောက်သည့် ကျန်းမာရေး စောင့်ရှောက်မှု မရရှိခြင်းတို့သည် ဥပဒေနှင့် ညီညွတ်မှုမရှိဟု ယမန်နေ့ထုတ် အန်အယ်လ်ဒီ ကြေညာချက်၌ ထောက်ပြသည်။
စွမ်းအားရှင်နှင့် ကြံ့ဖွံ့အဖွဲ့ဝင်များက ဥပဒေအရ ဖမ်းဆီးပိုင်ခွင့်မရှိဘဲ ရဟန်းရှင်လူပြည်သူတို့ကို ဖမ်းဆီးခြင်းသည်လည်း အပြည်ပြည်ဆိုင်ရာ လူ့အခွင့်အရေးကြေညာစာတမ်းပါ “မည်သူမျှ ဥပဒေ အရ မဟုတ်သော ဖမ်းဆီးချုပ်နှောင်ခြင်းမခံစေရ” ဆိုသည့်အချက်နှင့် ကိုက်ညီမှုမရှိဟု အန်အယ်လ် ဒီက ပြောသည်။
“အာဏာပိုင်များနှင့် ၎င်းတို့၏ ကျောထောက်နောက်ခံ ပြုထားသော အဖွဲ့များက အကြမ်းဖက်သည့် နည်းလမ်းများဖြစ်သော ရက်စက်စွာရိုက်နှက်ခြင်း၊ ထိုးကြိတ်ခြင်း၊ ကန်ကျောက်ခြင်း၊ မျက်ရည်ယိုဗုံးခွဲခြင်း၊ သေနတ်ဖြင့် ပစ်ခတ်ခြင်းတို့ဖြင့် မလိုအပ်ဘဲ အလွန်အကျွံ အင်အားသုံး၍ ရန်သူသဖွယ် နှိမ်နင်းခဲ့ကြသည်” ဟု အန်အယ်လ်ဒီ ကြေညာချက်၌ ရေးသားထားသည်။
စက်တင်ဘာအရေးအခင်းကာလအတွင် လူပေါင်း (၃) ထောင်ကျော်ကို ထိန်းသိမ်းခဲ့ပြီး (၂) ထောင်ကျော်ကို ပြန်လွှတ်ပေးခဲ့ကြောင်းနှင့် သေဆုံးသူ (၁၅) ဦးရှိကြောင်း နအဖစစ်အစိုးရပိုင် သတင်းစာများ၌ ဖော်ပြသည်။ လူ့အခွင့်အရေး လေ့လာစောင့်ကြည့်ရေးအဖွဲ့ကမူ သေဆုံးသူ (၁၀၀) ခန့် ရှိနိုင်သည်ဟု ခန့်မှန်းသည်။
မြန်မာနိုင်ငံ၌ တရားဥပဒေစိုးမိုးရေး ပေါ်ပေါက်စေရန် တည်ဆဲဥပဒေနှင့်အညီ ဆောင်ရွက်ပေးရန်နှင့် မြန်မာနိုင်ငံက လက်မှတ်ရေးထိုးထားသည့် အပြည်ပြည်ဆိုင်ရာ လူ့အခွင့်အရေး ကြေညာစာတမ်းကို လေးစားလိုက်နာရန် နအဖစစ်အစိုးအာဏာပိုင်များကို အန်အယ်လ်ဒီက တိုက်တွန်းသည်။ ။
10 months ago
0 comments:
Post a Comment