Thursday, October 25, 2007

ဒု-ဗိုလ်ချုပ်ကြီး သိန်းစိန်ကို ၀န်ကြီးချုပ်အဖြစ်ခန့်အပ်/ ဆက်ဆံရေးဝန်ကြီး ဦးအောင်ကြည် ရာထူးတိုး

ခေတ်ပြိုင်-ပီတာအောင်/ ၂၅ အောက်တိုဘာ ၂၀၀၇

မကြာသေးခင်ကကွယ်လွန်သွားသည့် နအဖစစ်အစိုးရ ၀န်ကြီးချုပ် ဗိုလ်ချုပ်ကြီးစိုးဝင်း၏ နေရာတွင် ခေတ္တ ၀န်ကြီးချုပ် ဒု-ဗိုလ်ချုပ်ကြီး သိန်းစိန်ကို တရားဝင်ခန့်အပ်လိုက်ကြောင်း နအဖစစ်အစိုးရက ထုတ်ပြန်ကြေညာသည်။

ယမန်နေ့နေ့စွဲဖြင့် ထုတ်ပြန်သည့်ထိုအမ်ိန့်ကြေညာချက်ကို နအဖဥက္ကဋ္ဌ ဗိုလ်ချုပ်မှူးကြီးသန်းရွှေက ထုတ်ပြန်ခြင်းဖြစ်ပြီး ၀န်ကြီးချုပ်ခန့်ခြင်းနှင့် ပတ်သက်သည့် အသေးစိတ် အချက်အလက်များ ပါရှိခြင်းမရှိချေ။

ပြီးခဲ့သည့်မေလ ဗိုလ်ချုပ်ကြီးစိုးဝင်း စင်ကာပူနိုင်ငံ၌ ဆေးကုသမှုခံယူနေစဉ် ဒု-ဗိုလ်ချုပ်ကြီး သိန်းစိန်ကို ခေတ္တ၀န်ကြီးချုပ်အဖြစ် တာဝန်ပေးခဲ့ခြင်းဖြစ်သည်။ ဗိုလ်ချုပ်ကြီးစိုးဝင်းသည် ယခုလ (၁၂) ရက်၌ ကွယ်လွန် သွားပြီဖြစ်သည့်အတွက် ဒု-ဗိုလ်ချုပ်ကြီးသိန်းစိန်က ၀န်ကြီး ချုပ်ဖြစ်လာခြင်းဖြစ်သည်။

ဒု-ဗိုိလ်ချုပ်ကြီးသိန်းစိန်သည် ကာကွယ်ရေးတက္ကသိုလ် (ဒီအက်စ်အေ) အပတ်စဉ် (၉) ကျောင်းဆင်းဖြစ်ပြီး ရွှေတြိဂံတိုင်းမှူး၊ စစ်ရေးချုပ်၊ အတွင်းရေးမှူး (၂)၊ အတွင်းရေးမှူး (၁)နှင့် အမျိုးသားညီလာခံကျင်းပရေး ကော်မရှင်ဥက္ကဋ္ဌ တာဝန်များထမ်းဆောင်ခဲ့ပြီး ၁၉၈၈ ခု စစ်အစိုးရအာဏာသိမ်းပြီးနောက်ဖြစ်လာသည့် (၅) ယောက်မြောက် ၀န်ကြီးချုပ်ဖြစ်သည်။

ဒု- ဗိုလ်ချုပ်ကြီး သိန်းစိန်နေရာ၌ နအဖအဖွဲ့ဝင် ဒု-ဗိုလ်ချုပ်ကြီး သီဟသူရ တင်အောင်မြင့်ဦးကို အတွင်းရေးမှူး(၁) အဖြစ် ခန့်အပ်လိုက်ပြီး ဒေါ်အောင်ဆန်းစုကြည်နှင့် နအဖစစ်အစိုးရတို့ အကြား ဆက်ဆံရေးဝန်ကြီးအဖြစ် ခန့်အပ်ခံထားရသည့် အလုပ်သမားဝန်ကြီးဌာန ဒု-၀န်ကြီး ဦးအောင်ကြည်ကို ၀န်ကြီးအဖြစ် ရာထူးတိုး ပေးလိုက်ကြောင်းလည်း စစ်အစိုးရက ကြေညာ ထားသည်။

ထို့အပြင် ကာကွယ်ရေး၊ အမှတ် (၂) စက်မှု၊ ဆက်သွယ်ရေးစာတိုက်နှင့် ကြေးနန်းဝန်ကြီးဌာနများ အတွက် ဒု-၀န်ကြီးများအဖြစ် ဗိုလ်ချုပ်သိန်းဌေး၊ ဗိုလ်ချုပ်ကျော်စွာခိုင်နှင့် ဗိုလ်ချုပ် သိန်းထွန်းတိုိ့ကို ယမန်နေ့က ခန့်အပ်လိုက်သည်။

0 comments: