Monday, June 3, 2013

သွေး

ပုရွတ်ဆိတ်အုံလို တော်လှန်သူများအတွက်
ရေကာတာကျိုးသလို ကျည်ဆံတွေ။

တော်လှန်သူ မိဘများရဲ့ သေပွဲဝင်မှုကို
ဆာလောင်နေတဲ့ ကလေးတွေ
အစိမ်းလိုက်မြင်ခဲ့ရ။
တော်လှန်သူ အစ်ကိုများရဲ့ လမ်းခုလတ်ကျဆုံးမှုကို
မွတ်သိပ်နေတဲ့ ညီငယ်တွေ
အစိမ်းလိုက် ကြေကွဲရ။
ကမ္ဘာကြီးပြသမျှရုပ်ရှင်တွေထဲ
ဘယ်တော့မှ မေ့မသွားတော့မယ့် အခန်းပါပဲတဲ့။

တော်လှန်သူတွေဟာ
လေယာဉ်ပျံကို ခဲနဲ့ထုတာမဟုတ်
လမင်းကို မျော့ကွင်းနဲ့ပစ်ခဲ့တာမဟုတ်။

ဝံပုလွေ မျက်လုံးနီကို
မျက်ရည်စို့တတ်ဖို့ သင်ကြားတာ

သမိုင်းမဖြစ်သေးတဲ့ လှည်းဘီးကို
ကူ၍ တွန်းခဲ့တာသာ ဖြစ်တယ်။

ကမ္ဘာမှာ
သမိုင်းရဲ့ မျက်လုံးဟာ ဘယ်တော့မှ မကွယ်
သမိုင်းရဲ့ နားတွေဟာ ဘယ်တော့မှ မကန်း
သမိုင်းရဲ့ စာမျက်နှာတွေဟာ ဘယ်တော့မှ မပျက်စီးပါ။

တစ်နေ့မှာ
သမိုင်းရဲ့ အမှန်တရားဟာ
သင်္ချိုင်းထဲက လူသေကောင်ကုန်းထသလို ထလာမှာ
မှားနေတဲ့ ကုပ်ပိုးတွေ သတိထား။ ။

လင်းခါး
၃-၆-၂၀၁၃
တော်လှန်ရေးများသို့

0 comments: