Monday, November 19, 2012

မြန်မာ-အမေရိကန် ချစ်ကြည်ရင်းနှီးမှု တိုးမြှင့်သွားမည်ဟု အိုဘားမားပြောဆိုမည်

၁၉ ရက် ၁၁ လ ၂၀၁၂
မြန်မာ-အမေရိကန် ချစ်ကြည်ရင်းနှီးမှု တိုးမြှင့်သွားမည်ဟု အိုဘားမားပြောဆိုမည် ရန်ကုန်၊ နိုဝင်ဘာ - ၁၉ မြန်မာနိုင်ငံတွင် တဖျတ်ဖျတ်နှင့်ဖြစ်ပေါ်နေသော တိုးတက်ဖြစ်ထွန်းမှုများကို ချီးမွမ်းဂုဏ်ပြုနိုင်ရေးအတွက် အမေရိကန်သမ္မတ အိုဘားမားက ခရီးစဉ်အတွင်း မိန့်ခွန်းပြောကြားမည်ဖြစ်ကြောင်း အိမ်ဖြူတော်ကသတင်းထုတ်ပြန်သည်။

"ယနေ့ ကျွန်တော့်အနေနဲ့ ပေးထားတဲ့ကျွန်တော့် ကတိစကားတည်စေဖို့လာရောက်ခဲ့တာဖြစ်ပြီး (အမေရိကန်ပြည်ထောင်စုနှင့်မြန်မာနှစ်နိုင်ငံ) ချစ်ကြည်ရင်းနှီးမှု တိုးမြှင့် နိုင်ရေးအတွက်လာရောက်ခဲ့ခြင်းလည်းဖြစ်ပါတယ်" ဟု အိုဘားမားက သမိုင်းဝင်မိန့်ခွန်းတွင် ထည့်သွင်းပြောဆိုမည်ဖြစ်ကြောင်း အိမ်ဖြူတော်မှရရှိသည့် မိန့်ခွန်းမူကြမ်းကို AFP သတင်းဌာနက ကိုးကားဖော်ပြသည်။ "ဒါပေမဲ့ ယခုလို အံ့သြစရာကောင်းတဲ့ (မြန်မာနိုင်ငံ) ခရီးစဉ်ဟာ ပဏာမအစပျိုးလိုက်ရုံပဲရှိပါတယ်၊ ရှေ့ဆက်သွားရမှာတွေအများကြီးရှိပါတယ်" ဟု အိုဘားမားက မိန့်ခွန်းတွင် ထည့်သွင်းပြောဆိုမည်ဖြစ်သည်။ ကိုးကား - The Voice

0 comments: