လှိုင်းရိုင်းမဲလ်တယ်လ်
ဒီပွဲကိုကျင်းပရတာဖြစ်တယ်။
သမိုင်းစာအုပ်ထဲမှာ
ကိုယ့်ဝါကျကိုယ်ရှာမတွေ့ရင်
ပထ၀ီစာအုပ်ထဲမှာလည်း
ကိုယ့်မြေပုံကိုယ်ရှာမတွေ့နိုင်ဘူး။
ကမ်းတွေအကုန်ပြို
သဘောင်္တွေအကုန်မှောက်စေတော့ရယ်လို့
လှိုင်းတွေပေါက်ကရတီးခတ်နေတာမဟုတ်ဘူး
ဒုတ်တွေဓါးတွေပဲစားလာခဲ့ရတဲ့နှလုံးသားက
ဘယ်လိုပဲတီးခတ်တီးခတ်
ဒီဂီတပဲရတယ်မဟုတ်လား။
ဘ၀ကိုရွက်လွှင့်ရှာဖွေနေသူများ
ကိုယ်ခံအားကောင်းကြ
ဒုက္ခအချင်းချင်းဖျော်ဖြေကြ
ဒဏ်ရာအချင်းချင်းကုသကြ
လှိုင်းဂီတကိုကျော်ဖြတ်မယ်။
မြေပြင် ရေပြင် ဝေဟင် ကောင်းကင်
ဒါ စကြ၀ဠာဖွဲ့စည်းပုံပြင်တဲ့ပွဲပေါ့
အမှန်တရားတွေပဲဇကာတင်ကျန်လိမ့်မယ်။
မိတ်ဆွေတို့...
ခြေပြတ်လက်ပြတ်အနာဂတ်များကို
မထားရစ်ခဲ့ကြနဲ့
ကျုပ်တို့မိုင်းကျုပ်တို့ရိပ်သိမ်းသွားရမယ်။
ပင်လယ်ရဲ့အကိုးအကားအရ
သမိုင်းလေးကိုင်းကိုတင်
လှိုင်းရိုင်းဂီတနဲ့ပစ်ခတ်
ဟောဒီခေတ်စနစ်ဆိုးကြီးကိုသတ်ကြမယ်။ ။
သုအိုင်စံ
1 comments:
မြန်မာ့လွပ်လပ်ရေးသမိုင်းမှာ တိုက်ပွဲဝင်ခဲ့တဲ့ကောင်တွေအတွက် ထိုက်တန်တဲ့ တိုင်းပြည်ရှိတယ်...တိုက်ပွဲမှာ မပါခဲ့တဲ့ကောင်တွေအတွက် တိုင်းပြည်မရှိဘူး....ဒါပဲ...။ ။
Post a Comment