ဆူနာမီအရေးပေါ်ကြေငြာချက်နှင့် ဆူနာမီလှိုင်း ဖြစ်ပေါ်နိုင်မှု မိနစ်အလိုက် သတင်းများ

7:20 PM ဆူနာမီအန္တရာယ် စိုးရိမ်စရာ အခြေအနေ မရှိနှိုင်တော့ ဦးထွန်းလွင် ခန့်မှန်းပြောဆို

မှန်းဆချက် အချိန်များ (ကွင်းထဲက အချိန်က မြန်မာစံတော်ချိန်ဖြစ်ပါတယ်)

CHEDUBA_ISLAND 18.9N 93.4E 1149Z 11 APR (ည ၆း၁၉)
CHEDUBA_ISLAND 18.9N 93.4E 1149Z 11 APR (ည ၆း၁၉)
PYINKAYAING 15.9N 94.3E 1150Z 11 APR (ည ၆း၂၀)
... SITTWE 20.0N 92.9E 1226Z 11 APR (ည ၆း၅၆)
MERGUI 12.8N 98.4E 1316Z 11 APR (ည ၇း၄၆)
YANGON 16.5N 96.4E 1507Z 11 APR (ည၉နာရီ၃၇)

ဆူနာမီဝင်မယ့်အချိန်

----------------------
7:20 PM

ရခိုင်ပြည်နယ် သံတွဲမြို့နယ်ရှိ ငပလီကမ်းခြေတွင် ယခု ည ၇ နာရီအထိ လာရောက်လည်ပတ်သူများဖြင့် အေးချမ်းစွာရှိနေကြောင်းနှင့် ဆူနာမီနှင့် ပတ်သက်၍ ထူးခြားမှုမရှိကြောင်း ငပလီကမ်းခြေတွင် အပန်းဖြေနေသူ တစ်ဦးက ပြောပါသည်။

7:01 PM

စစ်တွေမြို့အတွင်း ဆူနာမီနှင့် ပတ်သက်ပြီး သတိပေးချက်များကို လိုက်လံ ကြေငြာလျက် ရှိနေကြောင်း သိရသည်။ ထို့အပြင် စစ်တွေ ကမ်းရိုးတန်း တလျှောက်တွင် ကမ်းဝေးငါးဖမ်းလှေများ ပြန်လည် ၀င်ရောက်လျက် ရှိနေပြီး ကမ်းနီး ငါးဖမ်းလှေများမှာ ၀င်ရောက်လာခြင်း မရှိသေးဟု သိရပါသည်။

6:52 PM

အင်ဒိုနီးရှားနိုင်ငံ အာချေးပြည်နယ်၊ မြို့တော် Meulaboh မြို့၏ ကမ်းလွန် ပင်လယ်ပြင်တွင် ရေလှိုင်းအမြင့်ပေ တစ်မီတာ(၃ဒသမ၃) ခန့်သာ မြင့်တက်မှု ရှိခဲ့ကြောင်းသိရသည်။ Meulaboh မြို့သည် ၂၀၀၄ ခုနှစ်က ဆူနာမီဒဏ် ခံခဲ့ရသည့် မြို့ဖြစ်ပြီး ယခု ငလျင် လှုပ်ခတ်ရာ နေရာနှင့် အနီးစပ်ဆုံးတွင် ရှိသော နေရာ တစ်နေရာလည်း ဖြစ်ပါသည်။

6:44 PM

နောက်ဆုံးသိရှိရသော သတင်းများအရ မြန်မာ့ ကမ်းရိုးတန်းဒေသသို့ ဆူနာမီ သက်ရောက်နိုင်ခြေမရှိတော့ကြောင်း၊ အန္တရယ်ကင်းကြောင်း သတင်းကို ည ၈ နာရီ သတင်းတွင် တရားဝင် ထုတ်ပြန်သွားမည် ဖြစ်ကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာနမှ တာဝန်ရှိသူမှ ညနေ ၆နာရီ ၃၆ မိနစ်တွင် ပြောကြားခဲ့ပါသည်။

6:29 PM

ချောင်းသာကမ်းခြေသို့ ရောက်ရှိနေသော ခရီးသွားများ ဆူနာမီ သတိပေးချက်ကြောင့် ကမ်းခြေမှ ပြန်လည် ထွက်ခွာနေကြပြီဖြစ်ကြောင်းနှင့် အချို့သည် ပုသိမ်မြို့သို့ ရောက်ရှိနေပြီဖြစ်ကြောင်း သိရှိရသည်။

6:22 PM

ထိုင်နိုင်ငံ အက်ဒမင် ကမ်းခြေသို့ ဆူနာမီလှိုင်းအသေးစာ ရိုက်ခတ်ခဲ့ကြောင်းနှင့် အဆိုပါ လှိုင်းသည် ၁၀ စင်တီမီတာ လေးလက်မခန့် ရှိခဲ့ကြောင့်း ထိုင်း အမ်ျိုးသား သဘာဝဘေးအန္တရယ်စောင့်ကြည့်ရေးဌာနမှ ပြောကြောင်း AFP သတင်းဌာနတွင် ဖေါ်ပြထားပါသည်။

6:14 PM

အင်ဒိုနီးရှားနိုင်ငံ Sumatra ကျွန်းပတ်ဝန်းကျင်တွင် ငလျှင်လှုပ်ခတ်မှုကြောင့် ဆူနာမီ ဖြစ်ပေါ်နိုင်မှုမှာ နည်းပါးကြောင်း ဗြိတိန်ဘူမိဗေဒလေ့လာရေးအဖွဲ့(BGS)မှ ထုတ်ပြန်ခဲ့ပါသည်။

6:10 PM

မြန်မာ့ကမ်းရိုးတန်းသို့ ဆူနာမီ သက်ရောက်နိုင်ချေနှင့် ပတ်သက်၍ ယနေ့ည ၇နာရီအထိ စောင့်ကြည့်ရန် လိုအပ်ပြီး ည ၇နာရီ အထိ ထူးခြားမှု မရှိပါက ဆူနာမီ သက်ရောက်မှု မဖြစ်နိုင်တော့သဖြင့် စိတ်ချနိုင်ကြောင်း မိုးလေ၀သပညာရှင် ဒေါက်တာထွန်းလွင်မှ ပြောကြားခဲ့သည်။

5:53 PM

ယနေ့ ညနေ ၆နာရီ ၁၅ မိနစ် နောက်ပိုင်း ဆူနာမီရိုက်ခတ်မှု မရှိပါက မြန်မာနိုင်ငံသို့ ဆူနာမီ သက်ရောက်မှု ဖြစ်နိုင်ချေမရှိကြောင်း မိုးလေ၀သနှင့် ဇလဗေဒ ညွှန်ကြားမှူဦးစီးဌာနမှ တာဝန်ရှိသူ တစ်ဦး ပြောပါသည်။

4:10 PM

အင်ဒိုနီးရှားနိုင်ငံ Sumatra ကျွန်းပတ်ဝန်းကျင်တွင် ငလျှင်လှုပ်ခတ်မှုကြောင့် ဆူနာမီလှိုင်း ဖြစ်ပေါ်ခဲ့သည် ဆိုပါက မြန်မာနိုင်ငံ မြစ်ဝကျွန်းပေါ် ကမ်းရိုးတန်းနှင့် ရခိုင် ကမ်းရိုးတန်း ဒေသများသို့ ယခုအချိန်မှ စတင်ပြီး နောက်ထပ် နှစ်နာရီအတွင်း ရောက်ရှိလာနိုင် သဖြင့် ဆူနာမီ သဘာဝဘေးဆိုင်ရာ အဖွဲ့အစည်းများ အနေဖြင့် ကြိုတင် ပြင်ဆင်မှုများ ပြုလုပ်ထားရန် နိုင်ငံပိုင် မီဒီယာများမှ ထုတ်လွှင့်လျက်ရှိပါသည်။

လှုပ်ခတ်ခဲ့သည့် ငလျင်ကြောင့် အင်ဒိုနီးရှား၊ အိန္ဒိယ၊ သိရိလင်္ကာ၊ သြစတေးလျ၊ မြန်မာ၊ ထိုင်း၊ မော်ဒိုက်၊ မလေးရှား၊ ပါကစ္စတန်၊ ဆိုမာလီယား၊ အိုမန်၊ အီရန်၊ ဘင်္ဂလားဒေ့်၊ ကင်ညာ၊ တောင်အာဖရီကနှင့် စင်ကာပူ တို့သည် ဆူနာမီ သက်ရောက်မှုများ ဖြစ်နိုင်ကြောင်း ဟာဝိုင်ရီ အခြေစိုက် ပစိဖိတ်ဆူနာမီ သတိပေးချက် ဌာနမှ သတင်းထုတ်ပြန်ခဲ့သည်။

4:00 PM

ကမ္ဘာအေး မြေငလျင်စခန်းမှ တိုင်းထွာချက်အရ ကမ္ဘာအေးမြေငလျင် စခန်း၏ တောင်ဘက် မိုင် ၁၀၀၀ ကျော်ခန့် အကွာ အင်ဒိုနီးရှားနိုင်ငံ Sumatra ကျွန်းပတ်ဝန်းကျင်၌ ယနေ့မွန်းလွဲပိုင်းတွင် လှုပ်ခတ်ခဲ့သော အင်အား ၈ ဒသမ ၉ ရစ်ခ်ျတာစကေး ပမာဏရှိ ငလျင်ကြောင့် မြန်မာနိုင်ငံအတွင်းရှိ ရခိုင်ပြည်နယ် စစ်တွေ၊ ကျောက်ဖြူ၊ ရန်ကုန်တိုင်း၊ မန္တလေးတိုင်းနှင့် ဧရာဝတီတိုင်းများ အတွင်း ငလျင်လှုပ်ခတ်မှုလှိုင်း သက်ရောက်မှု ရှိခဲ့ကြောင်း သိရပါသည်။

3:30 PM

မြန်မာစံတော်ချိန် ယနေ့ မွန်းလွဲ ၃ နာရီကျော်တွင် အင်ဒိုနီးရှာနိုင်ငံ Sumatra ကျွန်းပတ်ဝန်းကျင်၌ လှုပ်ခတ်ခဲ့သော အင်အား ၈ ဒသမ ၉ ရစ်ချစတာစကေး ပမာဏရှိ ငလျင်တစ်ခု ကြောင့် မြန်မာနိုင်ငံအပါဝင် ဒေသတွင်းနိုင်ငံများ၌ ငလျင်လှုပ်ခတ်မှုကို ခံစားခဲ့ကြရကြောင်း သိရှိရသည်။

3:20 PM

ယနေ့ မွန်းလွဲ ၃ နာရီ ၁၅ မိနစ် အချိန်ခန့်တွင် ရန်ကုန်မြို့နှင့် အနီးတ၀ှိုက်တွင် ငလျင်လှုပ်မှု ဖြစ်ပေါ်ခဲ့ကြောင်း သိရသည်။ မန္တလေးမြို့တွင်လည်း တပြိုင်နက်တည်း လှုပ်ခတ်ခဲ့ကြောင်း မိုးလေ၀သနှင့် ဇလဗေဒ ဦးစီးဌာနမှ အတည်ပြု ပြောဆိုခဲ့သည်။ လက်ရှိအချိန်တွင် လှုပ်ခတ်ခဲ့သည့် အတိုင်းအတာကို တိုင်းတာနေဆဲ ဖြစ်ပြီး ဆက်လက် ထုတ်ပြန်မည်ဟု သိရပါသည်။

(ကိုးကား - အလဲဗင်းမီဒီယာနှင့် အင်တာနက် သတင်းများ)