ဘာမှမဟုတ်တဲ့ ဆောင်းအကြောင်း

နှင်းမကျတဲ့
ဆောင်းညအကြောင်းဟာ
ကဗျာ ကောင်းကောင်း မဆန်ဘူးကွယ်။

အရင်နှစ်က
ဆောင်းရဲ့ညတွေ၊ နှင်းခါးခြွေချ
ကြေမွမှန်ကွဲ၊ စူးကွဲထုံကျဉ်
လွမ်းချင်စရာ ကောင်းတဲ့
ဆောင်းဖွဲ့ပေါ့။

နှင်းမှုန်မှုန်မှာ
အလင်းတုန်ယီ
တယောက်တနယ် အဝေးဆီမှာ
ဆောင်းခိုရာသီ
နှင်းဆီမွှေးလည်း တသိတရ
တုန်ယင်အေးလည်း သတိတရ
စိတ်ဓာတ်တက်ကြွပြီး
ဆီးနှင်းကိုခွဲ
ပျံပဲသွားချင်တော့တယ်။

ဒီနှစ်ဆောင်းအကြောင်း
လွမ်းစရာ မကောင်းဖူးကွယ်။

မှန်တံခါးထက်
စိုလက်နှင်းပွင့်၊ သင်းပွင့်ချယ်ရီ
ရိုမန်တစ် နှင်းဆီတွေလည်း
ထုံအီယစ် မနေဘူး။

နှင်းမှုန်ဝေစဉ်
တုန်ယင်လေငွေ့ကြားမှာ
လှပ်... လှပ်သွားတဲ့
အချစ်ဖွဲ့ ကဗျာစာအုပ်ဟာလည်း
<ပျင်းရိဖွယ်ပဲမို့>
ဆုတ်ဖြဲခဲ့။

နှင်းသဲသဲမှာ
နိမ့်နိမ့် ၀ဲပျံတဲ့၊ ပျံလွှားငှက်များရဲ့
လှုပ်လဲ့ လှုပ်လီ
ဓာတ်ကြိုးများဆီ
<စိတ်ဝင်စားမည် ပြုရင်း>
ဟော...
ပျင်းရိလာပေရော... ချစ်သူ။

စာတစောင်အားဖြင့်
ကူပါ ညီပါ
ကူညီပါ။
သတင်းတစ၊ ကြားပါရစေ။

မြင်တွေ့နေရခြင်းအတွက်
ကိုယ်ထွက်ဆိုမယ့် သီချင်းသစ်ဟာ
< မင်း၊ ကိုယ်၊ အချစ် ခေတ်တခေတ်ရဲ့ ရက်ရာဇာ>
ဘာများ ဖြစ်ဦးမလဲကွယ်။
အဲသည်အခါ...

ကိုယ့်အပြုံးလဲ
စူးရဲတောက်ပ
ဖဲချပ် မျက်နှာပြုံးကို ခွာချ
ကလေးလိုပ။

ကိုယ့်လက်များလည်း
ကြောပြိုင်းထလို့
နာတာရှည် ပိုလီယိုဘ၀
မဟုတ်ကြပြီ။

ကိုယ့်အသံလည်း
မာန်ထန်ကြွ
လေဖြတ်နေသည်က
လျှက်ပြက်ကပြီ။

ချစ်သူ
ကူညီပါကွယ်။
မှန်ဆောင်ခန်းထဲ၊ မျက်ရည်ဝဲလာ
“ စိတ်ခြူးကြာညောင်၊
x x x
ကြာညောင် x x x ”
တေးသံတွေတောင်မှ
ကွဲရှမှန်စ၊ သွေးအံကျလာ
ဘ၀မှာ နာကျဉ်ရတုန်းလားကွယ်။

တဖြည်းဖြည်းနဲ့၊ သွေးအားဖျော့လျပြီး
ငိုညည်းတတ်သူ
လှောင်အိမ်ထဲက ငှက်ဖြူမလေးရေ
နေ၀င်ပြီ
နေထွက်ပြီ
လင်းပြီ -- မှောင်ပြီထက်
ရက်များစွာဟာ
ထူးခြားပါသေးရဲ့လားကွယ်။

နှင်းမကျတဲ့
ခု ဆောင်းညတွေ
လွမ်းပွေစရာ မကောင်းပေမယ့်
<လောလာဆယ်> အပြောင်းအလဲ အဖြစ်
ချစ်နေရဦးမှာပေါ့။

ယောဟန်အောင်
ဇန်န၀ါရီ ၂၆၊ ၁၉၈၇။