သတင်းစာ

ဝါးတစ်ပင်အဖြစ်နဲ့
သစ်ပင်တွေနဲ့လုံးထွေးလုယက်ရှင်သန်ခဲ့ရ
ရိုးဖြတ်တစ်ငုတ်အဖြစ်နဲ့
အညွန့်ဖြတ်စွန့်ပစ်ခံအထီးကျန်နေပူဒဏ်ခံရ
စက္ကူဖြစ်လာရပြန်တော့လည်း
နိုင်ရာဝန်လေးထမ်းမှလူဖြစ်ကျိုးနပ်မှာမို့
သူတို့ငါ့ကိုတာဝန်ပေးကြပြီ။

အဘိဓာန်တွေ ကျမ်းစာအုပ်တွေလို
အသိပညာတွေသိုလှောင်ပြီးမခမ်းနားနိုင်ပေမဲ့
တစ်ခါသုံးကော်ဖီမှုန့်တစ်ထုပ်လို
မနက်လင်းပြီဆိုသူတို့ငါ့ကိုဖောက်သောက်ကြတယ်။

ရေးပစ်ဘောပင်တစ်ချောင်းလို
ဟိုလှန်ဒီလှန်လုပ်ပြီးငါ့ကိုအမှိုက်တောင်းထဲပစ်ထဲ့တဲ့လူကတစ်မျိုး
ခပ်ကောင်းကောင်းကဗျာတစ်ပုဒ်လို
ငါ့ကိုဂရုစိုက်သေချာဖတ်သိမ်းဆည်းတတ်တဲ့လူကတစ်မျိုး
အဲဒီနှစ်မျိုးပဲရှိတဲ့ဒီလောကမှာ
သမိုင်းကိုငါမလေ့လာခဲ့ပါဘူး
ငါကိုယ်တိုင်ဟာသမိုင်းဖြစ်ခဲ့တယ်။

နောင်နှစ်များစွာမှာ
လိုအပ်လို့ငါ့ကိုပြန်ရှာတဲ့အခါမှာ
ငါအသက်ပြန်ဝင်လာဦးမှာပါ
အခြေခံအားဖြင့်တော့
ငါ့သက်တမ်းက ၂၄နာရီ
ဒါပေမဲ့
ကမ္ဘာနဲ့ချီတဲ့တန်ဖိုးတွေနဲ့
ငါကသာမာန်လူစက္ကူလေးတစ်ရွက်ပဲ။ ။

သုအိုင်စံ