ယနေ့သတင်း (၁၆ ရက် ဇန်န၀ါရီလ ၂၀၁၁)

ဆုံဆည်းရာ၊ ၁၆ ရက် ဇန်န၀ါရီလ ၂၀၁၁

သတင်း
ညနေ (၆ နာရီ ၁၀ မိနစ်) ကောကရိတ်နှင့် သင်္ကန်းညီနောင်ကားလမ်းကြားရှိ ချောက်ကမ်းပါးနေရာတွင် နအဖ စစ်ကားအား ဒီကေဘီအေမှ ရှေ့ထွက်မိုင်းနှင့် ခြုံခိုတိုက်ခိုက်မှုတို့ကြောင့် နအဖ ဘက်မှ ထိခိုက်ဒဏ်ရာရမှုရှိကြောင်း သိရှိရသည်။

ညနေ (၆ နာရီ ၅ မိနစ်) ယနေ့ ဒီကေဘီအေ တပ်မှ ဗိုလ်မှူးကျော်သက် ဦးဆောင်သည့် လေးဒေးနေရာတွင် နအဖ ဘက်မှ လက်နက်ကြီးများနှင့် ပစ်ခတ်တိုက်ခိုက်ခဲ့ကြောင်း သိရှိရသည်။

ညနေ (၆ နာရီ ၂ မိနစ်) ယမန်နေ့ညနေ ၆ နာရီခွဲခန့်တွင် ထီးဖိုးသံရွာတွင် အခြေစိုက်နေသည့် နအဖ စစ်တပ်မှ ခမရ (၅၈၈) စစ်ကြောင်း (၂) ဗိုလ်မှူး သန်းထိုက်ဦး ဦးဆောင်တဲ့ စစ်ကြောင်းကို ဒီကေဘီအေ (၉၀၁) တပ်ခွဲ (၂) ဆရာထူးဂေဦးဆောင်သည့် အဖွဲ့မှ ၀င်ရောက်တိုက်ခိုက်ခဲ့ရာ နအဖ စစ်တပ်မှ တပ်ကြပ်ကြီးတဦး သေဆုံးပြီး တပ်သား ၂ ဦး ဒဏ်ရာရှိကြောင်း သိရှိရသည်။