ထိုင်းအလုပ်သမားဥပဒေသစ်ကြောင့် မြန်မာအလုပ်သမားများ အကျပ်အတည်း ပိုမိုတွေ့နိုင်

ခေတ်ပြိုင်-ပီတာအောင်/ ၁၆ ဇွန် ၂၀၀၈

အသစ်ပြဋ္ဌာန်းလိုက်သည့် ထိုင်းအလုပ်သမားဥပဒေသည် ရွှေ့ပြောင်းအလုပ်သမားများအပေါ် အခက်အခဲ အကျပ်အတည်းများ ပိုမိုဖြစ်ပေါ်စေသဖြင့် ကန့်ကွက်ရှုတ်ချကြောင်းနှင့် ထိုဥပဒေကို ပယ်ဖျက်ပေးရန် ထိုင်းအစိုးရထံ တောင်းဆိုမည်ဟု ရွှေ့ပြောင်းအလုပ်သမားအရေး ဆောင်ရွက် နေသည့်အဖွဲ့များက ပြောသည်။

မြန်မာ၊ ထိုင်း၊ ကမ္ဘောဒီယားနှင့် လာအို စသည့် မဲခေါင်ဒေသတွင်းနိုင်ငံများမှ အလုပ်သမားအဖွဲ့ များက ထိုင်းနိုင်ငံ ဘန်ကောက်မြို့၌ ယမန်နေ့ကစ၍ (၂) ရက်ကြာ ဆွေးနွေးပွဲ ကျင်းပပြီးနောက် ၂၀၀၈ မတ်လတွင် အသစ်ပြဋ္ဌာန်းလိုက်သည့် ထိုင်းနိုင်ငံ၏ အလုပ်သမားကာကွယ်ရေး အက်ဥပဒေ ပါအချက်များကို ဆန့်ကျင်ကန့်ကွက်ရန် ဆုံးဖြတ်လိုက်ခြင်းဖြစ်သည်။

ဆွေးနွေးပွဲတက်ရောက်သူတဦးဖြစ်သည့် အခြေခံလူထု လူ့အခွင့်အရေးပညာပေးဌာန (GHRE) မှ ဒါရိုက်တာ ဦးထူးချစ်က “ဥပဒေအသစ်မှာ ဆိုးတာက အလုပ်သမားတွေ နေရပ်ပြန်ပို့ရင် ကုန်ကျတဲ့ စရိတ်ကို အလုပ်သမားအားလုံးဟာ သူတို့ရဲ့လစဉ်လုပ်အားခထဲက အဖြတ်ခံရမှာဖြစ်တယ်။ နောက် တခုက တရားမ၀င်အလုပ်သမားတွေ ရှိတဲ့နေရာကို အစိုးရအာဏာပိုင်တွေက အချိန်မရွေးဝင်ရောက်ဖမ်းဆီးပိုင်ခွင့်ရှိတယ်။ အရင်တုန်းက ဖမ်းဝရမ်းထုတ်ပြီးမှ ဖမ်းရမယ်ဆိုတာမျိုး ရှိနေ တာတောင် လက်လွတ်စပယ်ဖမ်းနေတာ။ အခုတရားဝင် သူတို့ မသင်္ကာသလို အချိန်မရွေး ဖမ်းလို့ရတယ်ဆိုတဲ့ဥပဒေကို ပြဋ္ဌာန်းထားတယ်။ နောက် တရားမ၀င်အလုပ်သမားရှိတဲ့နေရာကို သတင်းပေးတဲ့သူတွေကို ဖမ်းဆီးရမိတဲ့ ပစ္စည်းနဲ့ ငွေကြေးတွေရဲ့ (၂၀) ရာခိုင်နှုန်းပေးရမယ်ဆိုတဲ့ ဟာတွေဟာ ကျနော်တို့ ရွှေ့ပြောင်းအလုပ်သမားတွေ ထိုင်းနိုင်ငံမှာနေတာ ပိုပြီးတော့ ကျပ်သွား မယ်ဆိုတဲ့အနေအထားပဲ ” ဟု ပြောသည်။

ဥပဒေသစ်ကြောင့် အလုပ်သမားများ ပိုမိုငွေကုန်ကြေးကျများလာပြီး လက်ရှိ ထိုင်းနိုင်ငံ၌ ကုန်ဈေး နှုန်း၊ ဆီဈေးနှုန်းကြီးမြင့်နေမှုကြောင့် ရွှေ့ပြောင်းအလုပ်သမားတုိ့ စားဝတ်နေရေး ပိုမိုအခက်အခဲ ကြုံနိုင်ကြောင်း တဖက်ကလည်း အိမ်နီးချင်း မြန်မာနိုင်ငံ၌ စားဝတ်နေရေးကျပ်တည်းမှု၊ လူ့အခွင့် အရေးချိုးဖောက်မှုနှင့် ဆိုင်ကလုန်းမုန်တိုင်း သဘာဝဘေးအန္တရာယ်တို့ကြောင့် ထိုင်းနိုင်ငံသို့ အလုပ်သမားများ ပိုမိုဝင်ရောက်လာပြီး အလုပ်သမားပြဿနာ ပိုမိုကြီးထွားလာနိုင်သည်ဟု ဆွေးနွေးပွဲ၌ အန်ဂျီအိုများက သုံးသပ်သည်။

ဥပဒေသစ်ကို ပယ်ဖျက်ပေးရန် လာမည့် ဇွန် (၃၀) ရက်၌ ထိုင်းအလုပ်သမားဝန်ကြီးဌာနထံ အိပ်ဖွင့် ပေးစာပေး၍ တောင်းဆိုသွားမည်ဖြစ်ပြီး တချိန်တည်း၌ပင် နိုင်ငံတကာ လူ့အခွင့်အရေး အဖွဲ့များ နှင့် ကမ္ဘာ့အလုပ်သမားအဖွဲ့ထံ ကန့်ကွက်စာပေးပို့ရန် အစီအစဉ်ရှိကြောင်း သိရသည်။ ယခင်က လည်း အလားတူ တောင်းဆိုမှုများပြုလုပ်ခဲ့ဖူးသော်လည်း ထိုင်းအစိုးရက ကိုင်တွယ်ဖြေရှင်းပေးမှု တစုံတရာပြုလုပ်ခဲ့ခြင်းမရှိချေ။

“ကျနော်တို့ရဲ့ တောင်းဆိုမှုကြောင့် ထိုင်းအစိုးရအနေနဲ့ သူတို့ရဲ့ ဥပဒေကို မရုပ်သိမ်းပေမယ့် တချုို့ နေရာတွေမှာ လက်လွတ်စပယ် မလုပ်ရဲတာ တွေ့ရတယ်။ နိုင်ငံတကာဖိအားနဲ့ အဖွဲ့အစည်းတွေက တောင်းဆိုတယ်ဆိုရင် အလုပ်သမားတွေနဲ့ ပတ်သက်တဲ့အခွင့်အရေး တစုံတရာလေး ရနိုင်တယ် ဆိုတဲ့ မျှော်လင့်ချက်နဲ့ ကျနော်တို့က တောင်းဆိုရမှာပါ” ဟု ဦးထူးချစ်က ပြောသည်။

ဆွေးနွေးပွဲကို Mekong Migration Network နှင့် Action Network for Migrants အဖွဲ့ဝင် မဲခေါင်ဒေသတွင်းရှိ အန်ဂျီအိုများ တက်ရောက်ကြပြီး မဲဆောက်နှင့် မဟာချိုင်တို့မှ မြန်မာ အလုပ်မားကိုယ်စားလှယ်များလည်း တက်ရောက်ကြသည်။

ထိုင်းနိုင်ငံ၌ မြန်မာ၊ ကမ္ဘာဒီယားနှင့် လာအိုနိုင်ငံတို့မှ အလုပ်သမားပေါင်း သန်းနှင့်ချီ၍ တရား
ဝင်ရော၊ တရားမ၀င်နည်းလမ်းများဖြင့်ပါ လာရောက် အလုပ်လုပ်ကိုင်နေကြပြီး အများစုမှာ မြန်မာနိုင်ငံသားများဖြစ်သည်။ ။