အခြေခံအဆောက်အဦးချို့တဲ့မှုနှင့် အတားအဆီးများကြောင့် ကူညီရေးလုပ်ငန်းများ နှောင့်နှေးရ

မဇ္ဈိမသတင်းဌာန၊ ၊ မေလ ၂၀ ရက် ၂၀၀၈

နယူးဒေလီ။ ။ မြန်မာနိုင်ငံ မြစ်ဝကျွန်းပေါ်ဒေသနှင့် ရန်ကုန်တိုင်းသို့ နာဂစ်ဆိုင်ကလုံးမုန်တိုင်း ဝင်ရောက်တိုက်ခတ်အပြီး ရက်သတ္တ ၂ ပတ် အကြာမှာပင် အကူအညီပေးရေး အေဂျင်စီများမှာ နဲနဲချင်းသာ ဝင်လာနေဆဲရှိပြီး အဆိုးဝါးဆုံးမုန်တိုင်းဒဏ် ခံလိုက်ရသောဒေသများသို့ အကူ အညီများ မရောက်သေးဘဲ ရှိနေသည်။

"သောက်ရေနဲ့အမိုးအကာ ဆိုတဲ့ အခြေခံလိုအပ်ချက်တွေကိုတောင်မရရှိသေးတဲ့ ဒုက္ခသည်တွေ အများကြီး ရှိနေပါသေးတယ်" ဟု နိုင်ငံတကာ ကြက်ခြေနီအဖွဲ့ (ICRC) ၏ ပြောရေးဆိုခွင့်ရှိသူ Craig Strathern က မဇ္ဈိမကိုပြောကြား သွားပါသည်။

အကူအညီများ မြန်မာနိုင်ငံသို့ ဆက်လက်ရောက်ရှိနေသော်လည်း သင့်တော်ကောင်းမွန်သော အခြေခံအဆောက်အဦးများ ချို့တဲ့မှု၊ ဆက်သွယ်ရေး ကွန်ရက်ချို့တဲ့မှုတို့နှင့် စစ်အစိုးရ၏ အတားအဆီး အကန့်အသတ်များကြောင့် ကူညီကယ်ဆယ်ရေးပစ္စည်းများ ဝေငှရေးမှာ နှောင့်နှေးကြန့်ကြာနေ ရသည်။

နေရာအတော်များများတွင် တံတားများကျိုးနေခြင်းကြောင့် သယ်ယူပို့ဆောင်ရေးမှာ လုံးဝမဖြစ်နိုင်ဘဲ ရှိသည်။ ထို့ကြောင့် မုန်တိုင်းဒဏ် အဆိုးဝါးဆုံးခံခဲ့ရသော မြစ်ဝကျွန်းပေါ်ဒေသတွင် ဆောင်ရွက်နေသော အကူအညီပေးရေး အေဂျင်စီများ၏ လုပ်ငန်းများကို ပိုမိုကြန့် ကြာစေသည်။

အရေးပေါ်အမိုးအကာများ ဖြစ်သည့် မိုးရေကာဖျင်များ၊ အိမ်အမိုးများ၊ ရေသယ်ရန်နှင့် သိုလှောင်ရန်ရေပုံးများ၊ စောင်များ၊ ခြင်ထောင်များနှင့် ဆေးဝါးများအပါအဝင် အကူအညီများကို လေယဉ် ၃ စီးစာ တင်ပို့ပေးခဲ့ပြီးဖြစ်ကြောင်း (ICRC) ကပြောပါသည်။ အလားတူပင် (IFRC) ကလည်း ယခုအထိ လေယဉ် ၁၇ ခေါက်စာ ကယ်ဆယ်ရေးပစ္စည်းများ ပေးပို့ပေးခဲ့ပြီး ဖြစ်သည်ဟု သိရသည်။

ကမ္ဘာ့ကုလသမဂ္ဂအဖွဲ့ကြီးက ဆိုင်ကလုံးမုန်တိုင်းဒဏ် ခံခဲ့ရသူပေါင်း ၂.၅ သန်းရှိ၍ သေဆုံးသူပေါင်း ၁ သိန်းကျော်သည်ဟု ခန့်မှန်းထားသည်။ သို့သော် အစိုးရကမူ သေဆုံးသူစာရင်းကို ၇ သောင်းကျော်သာ ရှိသည်ဟု ဖေါ်ပြထားသည်။

သူတို့ကြုံတွေ့ရသော အဓိကအခက်အခဲမှာ နိုင်ငံခြားအကူအညီပေးရေး လုပ်သားများအပေါ် မြန်မာအစိုးရ၏ ချုပ်ချယ်ကန့်သတ်မှုများ ဖြစ်သည် ဟု Strathern က ပြောပါသည်။

"ကျနော့်အနေနဲ့ ဧရာဝတီမြစ်ဝကျွန်းပေါ်ဒေသကို သွားဘို့မဖြစ်နိုင်ပါဘူး။ ဒါကြောင့် မြန်မာကြက်ခြေနီအဖွဲ့ကိုသာ အားကိုးပြီး သူတို့ပေးတဲ့အစီ ရင်ခံချက်တွေ အရသာလုပ်ငန်းများ လုပ်ဆောင်ရပါတယ်" ဟု Strathern ကပြောသွားပါသည်။

မည်သို့ပင်ဖြစ်စေ၊ ဤသို့အခက်အခဲများကြုံနေရလင့်ကစား (ICRC) သည် ယင်းတို့၏ဒေသခံ တွဲဖက်အဖွဲ့အစည်းဖြစ်သော မြန်မာကြက်ခြေနီ အဖွဲ့နှင့် နီးကပ်စွာ လက်တွဲဆောင်ရွက်လျက် ရှိသည်။ အိုင်စီအာစီက အနည်းဆုံး မိသားစု ၁ သိန်းထံသို့ အကူအညီနှင့်ကယ်ဆယ်ရေးပစ္စည်းများ ရောက်ရှိရန် ရည်မှန်းဆောင်ရွက်နေသည်။

အိုင်စီအာစီ၏ ရည်မှန်းချက်မှာ တိုင်းပြည်တွင်းသို့ရောက်ရှိလာသော အကူအညီများကို အကူအညီမရရှိသေးသည့် ဒေသများသို့ အရောက်ပို့ရန် ဖြစ်သည်ဟု Strathern က ပြောသွားပါသည်။

"အခြေခံကုန်ပစ္စည်းတွေကို အခုထိမရသေးတဲ့ ရသင့်ရထိုက်တဲ့လူတွေဆီ အရောက်ပို့ဘို့ဟာ ကျနော်တို့ရဲ့ဦးစားပေးလုပ်ငန်း ဖြစ်ပါတယ်။ လေယာဉ်နဲ့ပါလာတဲ့ ဒီပစ္စည်းတွေကို ချက်ချင်းဘဲလုပ်ငန်းများ ဆက်လက်ဆောင်ရွက်နိုင်ဘို့ ဆက်လက်ပေးပို့ပါတယ်" ဟု သူကဆက်လက် ပြောကြားသွားပါသည်။

ကမ္ဘာ့စားနပ်ရိက္ခာအစီအစဉ် (WFP) ကလည်း အရေးတကြီး အကူအညီအထောက်အပံ့ လိုအပ်နေသည့် ခန့်မှန်းခြေ မုန်တိုင်းဒုက္ခသည် ၇၅ဝဝဝဝ အနက် ၃၅ဝဝဝဝ ထံသို့ ကူညီကယ်ဆယ်ရေးပစ္စည်းများ အရောက်ပို့ရန် ရည်မှန်းထားသည်။ ယခုထိမူ လူ ၂၅ဝဝဝဝ ထံသို့ ကနဦး အကူအညီများ ပေးပို့နိုင်ခဲ့ပြီဟု သိရသည်။

"ကျနော်တို့လုပ်ငန်းတွေ တိုးတက်မှုရှိပါတယ်။ ဒါပေမဲ့ ဒုက္ခသည်သုံးပုံတပုံလောက်ကတော့ အကူအညီတွေ လိုနေတုံးဘဲလို့ ယုံကြည်ပါတယ်" ဟု ဘန်ကောက် (WFP) ရုံးပြောရေးဆိုခွင့်ရှိသူ Marcus Prior ကပြောကြားသွားပါသည်။

"ကျနော်တို့လုပ်စရာတွေ အများကြီးကျန်ပါသေးတယ်။ ဘာလို့လဲဆိုတော့ ဘာအကူအညီမှမရသေးတဲ့ ဒုက္ခသည်တွေအများကြီး ကျန်သေးတယ် လို့ ကျနော်တို့သိထားလို့ ဖြစ်ပါတယ်" ဟု သူကဆက်လက် ပြောကြားသွားပါသည်။

မြန်မာအစိုးရက ယခုထိ (WFP) ဝန်ထမ်း ၁၇ ဦးကိုမြန်မာအစိုးရက တိုင်းပြည်တွင်းသို့ ဝင်ရောက်ခွင့်ပေးခဲ့သော်လည်း သူတို့အများစုမှာ မြို့တော် ဟောင်း ရန်ကုန်မြို့အပြင်သို့ ထွက်ခွင့်မရဘဲ ရှိနေသည်။ ယခုလောလောဆယ်တွင် (WFP) ၏ ဒေသခံဝန်ထမ်း ၂၄ ဦးမှာဧရာဝတီတိုင်း မြစ်ဝ ကျွန်းပေါ်ဒေသတွင် လုပ်ငန်းများ ဆောင်ရွက်လျက်ရှိနေသည်။

"ကျနော်တို့နောက်ထပ်ဝန်ထမ်းတွေ ဒီဒေသကိုထပ်ပို့ဘို့ အစီအစဉ် ရှိပါတယ်။ လွန်ခဲ့တဲ့ရက်အနည်းငယ်အတွင်း ဆန်တန်ချိန် ၈၅ဝ နဲ့ ပဲတန်ချိန် ၁ဝ၅ဝ ရထားပြီးပါပြီ။ ဒါပေမဲ့ အဓိကအခက်အခဲက ဒီစားနပ်ရိက္ခာတွေကို ဧရာဝတီ မြစ်ဝကျွန်းပေါ်ဒေသဆီ မြန်နိုင်သလောက် မြန်မြန်ပို့ဘို့ပါဘဲ" ဟု Marcus Prior က ဖြည့်စွက် ပြောကြားသွားခဲ့ပါသည်။

တိုးတက်မှုသင်္ကေတအဖြစ် မှတ်ယူရမည့်ကိစ္စအနေနှင့် မြန်မာစစ်အစိုးရက ကုလသမဂ္ဂလူသားချင်း ကယ်ဆယ်စောင့်ရှောက်ရေးဌာန အကြီး အ ကဲ John Holmes ကို တနင်္ဂနွေနေ့က တိုင်းပြည်အတွင်းသို့ ဝင်ရောက်ခွင့်ပေးခဲ့သည်။ ထိုနေ့တချိန်တည်းမှာပင် စစ်အစိုးရ အကြီးအကဲသန်းရွှေ ကလည်း ရန်ကုန်တိုင်းအတွင်း ဆိုင်ကလုံးမုန်တိုင်းဒဏ် ခံခဲ့ရသော ဒေသများသို့ ပထမဆုံးအကြိမ်အဖြစ် သွားရောက်ကြည့်ရှုခဲ့သည်။