ဒိုင်လူကြီးမင်း တွမ်

အောင်မော်ဦး

(၁)

သူ့ဖောက်သည်များကိုလည်း သူ့နည်းတူ ကံကောင်းကြပါစေတော့ဟူသည့် ရည်ရွယ်ချက်ဖြင့်သူ၏ လဘက်ရည်ဆိုင်ကလေးကို “ကံကောင်းခြင်း ကဖေး” ဟု အမည်ပေးလိုက်သည်။ ဖွင့်စက ယောင်နနဖြင့် အစီအစဉ်တကျ မလုပ်တတ်သော်ငြား နောက်ပိုင်း၌မူ ကောင်တာတွင်ထိုင်၍ ဖောက်သည်တိုင်းအား တဦးချင်းအရဖြစ်စေ၊ အဖွဲ့လိုက်အရဖြစ်စေ ခွဲခြားမှတ်သားရသည်ကို ကြည်နူးဖွယ် ဝတ္တရားတခုအဖြစ် နိုင်နိုင်နင်းနင်း လုပ်လာကိုင်လာနိုင်ခဲ့သည်။

ထိုထိုဤဤသော ဖောက်သည်ဖောက်သကများထဲမှ ကိုတတ်ပကြီးသည် အမာခံဖောက်သည်ကြီး တဦးဟုဆို၍လည်း ရနိုင်သလို၊ ကျေးဇူးရှင်တပိုင်းဟုဆိုလျှင်လည်း မမှားတန်ရာ။ သူသည် ဗဟု သုတလည်းကြွယ်ဝ၍ နှံ့နှံ့စပ်စပ်လည်း ရှိလှသူတဦးဖြစ်ပေရာ စကားပြောကောင်း၍ ပြောသမျှ သည်လည်း မှတ်သားစရာများချည်းဟု ဆိုရပေမည်။

ပရိသတ်များအနေဖြင့်လည်း သူပြောသမျှနားထောင်ရသည်မှာ တခါတည်းနှင့် ကိစ္စပြီးသည်။ ကိုယ့် ဘာသာဆိုလျှင် လနှင့်ချီ၍ ရှာဖွေဖတ်ရှုမှတ်သားနေရမည့် အကြောင်းအရာများအား လဘက်ရည်ဆိုင် တထိုင်စာမျှနှင့် ကွက်ကွက်ကွင်းကွင်း သိခွင့်ရလိုက်နိုင်သဖြင့် တန်ဖိုးကြီးလှသည်။

ကိုတတ်ပကြီးက သုံးကြိမ်ထိုင်တတ်သဖြင့် နံနက်ပိုင်း၌ မမီခဲ့လျှင် နေ့လည်ပိုင်း၌ လာလိုက်ရုံပင်။ နေ့လည်ပိုင်းပါ လွတ်သွားခဲ့သည် ဆိုစေဦးတော့ ညနေပိုင်း၌ လာဖြစ်အောင် လာလိုက်ရုံပင်။ သို့ဆိုလျှင် ထိုနေ့အတွက် နေ့တွက်မကိုက်မည် (ဗဟုသုတ မဖူလုံရမည်) ကို ပူစရာမလိုတော့။

တခါတရံ၌ ကိုတတ်ပကြီးသည် စားပွဲထိုးကလေးများနှင့် အဖွဲ့ကျနေတတ်သည်။ နဂိုကတည်းက လေးစားရင်းအခံကလည်းရှိ၊ လူတွေ့လျှင် ဆရာခေါ်တတ်သည့် ဝသီကလည်း စွဲနေကြသူများ ဖြစ်သဖြင့် စားပွဲထိုးများကို စားပွဲထိုးနည်း လက်ချာပေးမိလျှင်တောင်မှ “ဆရာကောင်း တပည့်တွေပဲ ဆရာရယ်၊ ဆရာ့စကား မြေဝယ်မကျ ဖြစ်ရစေမပေါ့” ဟု ဆို၍ ကျိုးနွံစွာနာခံလေ့ ရှိတတ်ကြသည်။

သူ့ကြောင့် စီးပွားလမ်းဖြောင့်၍ ဝင်ငွေကောင်းလာသည့် ဆိုင်ရှင်လေးသည် သူ့ကို အခမဲ့ပင် သောက်ခွင့်ပေးချင်မိသော်ငြား နားလည်မှုလွဲ၍ မိတ်ပျက်မည်စိုးသဖြင့် ကမ်းလှမ်းမှုကို တိုက်ရိုက် မလုပ်ရဲ။ သူနှင့် လူရင်းဟု ယူဆရသူများထဲမှ စိတ်ချရသူတဦးနှင့် သွေးတိုးစမ်းသည့်သဘော စကားကြုံပါးကြည့်ရာ လက်ခံမည်ဟု တိုက်ရိုက်မပြောသော်ငြား လုံးလုံးမငြင်းသဖြင့် လိုရင်းသို့ ရောက်သွားတော့သည်။ ကိုတတ်ပကြီးက “ဘယ်လောက်ကျသလဲ” ဟု ဆိုလိုက်လျှင် ဆိုင်ရှင်လေးက “နောက်မှပဲ ပေါင်းရှင်းပါဆရာ” ဟု လှမ်းပြောလိုက်ရုံပင်။ ထိုအခါမျိုးများ၌ ကိုတတ်ပကြီး ကလည်း “အေး၊ အေး၊ သဟာဖြင့်လည်း ပေါင်းသာမှတ်ထားလိုက်ကွာ” ဟု ပြန်ပြောလေ့ရှိတတ်သည့် နားလည်မှုကလေးတခု သူတို့အကြား လက်သိပ်ထိုး တည်ဆောက်နိုင်ခဲ့ကြသည်။


(၂)

သူ့ကို တွေ့လျှင် ဆရာဟုခေါ်ကြသည့် စားပွဲထိုးလေးများ၊ သူပြောလျှင် မျက်လုံးအဝိုင်းသား၊ ပါးစပ် ဟောင်းလောင်းဖြင့် နားထောင်နေလေ့ရှိတတ်သည့် ပရိသတ်များ၊ သူနှင့်ပြန်လှန်ငြင်းခုန်ရမည်ထက် ရှိခိုး၍သာ တောင်းပန် လိုက်ချင်ကြတော့သည့် သူများ စသည်စသည်တို့အကြားတွင် မရည်ရွယ်ပါ ပဲလျက် ဆရာကြီးတဆူနှယ် ဖြစ်မှန်းမသိ ဖြစ်၍လာနေခြင်းက ဇာတ်လမ်းကို အစပြုခဲ့သည်ဟု ဆိုနိုင်မည်ထင်သည်။

သူ့တွင် အခြားအကျင့်တခုလည်း ရှိသေးသည်။ စာပေအနုပညာအကြောင်း ပြောသည်ဆိုပါစို့။ သူက “ကိုယ်က စာဖတ်နာခဲ့တာဆိုတော့”ဟူသည့် စကားလုံးလေးကို ခံခံ၍ပြောလေ့ရှိတတ်သည်။ ဆိုကြပါစို့။ ဆောက်လုပ်ရေး လုပ်ငန်းများဘက် စကားလမ်းသင့်သွားသည်ဆိုပါစို့။ သူက “ကိုယ်က ဆိုဒ်ထဲချည်း ကျင်လည်ခဲ့တာဆိုတော့” ဟူသည့် စကားလုံးလေးကို ခံခံ၍ပြောလေ့ရှိတတ်ပြန်သည်။ အစောပိုင်းကာလများ၌ သူရှိလျှင် ပွဲစည်သော်ငြား နောက်ပိုင်း၌မူ နေရာတကာပါ၍ နယ်ပယ်တကာ ဆရာလုပ်လာသဖြင့် “ဆရာ့ရဲ့ဆရာတောင်မှ ဆရာ့လောက် မဆရာပါဘူး ဆရာရယ်” ဟူသည့် စကားလုံးကိုပင် သူ့အတွက် မူပိုင်ခွင့် ပေးလိုက်ရတော့မည်လောဟု စဉ်းစားလာကြရသည်။

ထိုအချိန်မှစ၍ စကားသင့်ရာနယ်ပယ်တိုင်း၌ သူသိ၊ သူတတ်ချည်းလုပ်ကာ ငါ့စကားနွားရ ပြော တော့သည်။ တဖြည်းဖြည်းနှင့် ဆရာလုပ်ရာ နယ်ပယ်ကို ကျယ်သည်ထက်ကျယ်အောင် ချဲ့ထွင်၍ လာလေရာ စာပေနယ်ကိုပင် ချမ်းသာမပေးတော့။ ဘယ်သူ့ ကဗျာကဖြင့် ဘယ်လို၊ ဘယ်သူ့ဆောင်းပါးကဖြင့် ဘယ့်နှယ့်၊ ဘယ်သူ့ဝတ္ထုကဖြင့် ဘယ်သို့၊ ဘယ်သူ့အက်ဆေးကဖြင့် ဘယ်ပုံ စသဖြင့် သမားကိုင်ကြိမ်လုံးနှင့် တဘုန်းဘုန်းရိုက်တော့သည်။

ဆိုကြပါစို့။ သုံးကြောင်းစပ်ကဗျာလေးတပုဒ်ကို တလုံးချင်း၊ တပါဒချင်း၊ တဝဏ္ဏချင်း သရုပ်ခွဲ၍ အမနာပ ခုတ်ထစ် လှီးဖြတ်နေပုံမှာ အဝေးကကြည့်လျှင် အမဲဖျက်နေသည်နှင့်ပင် တူသေးတော့သည်။ အကယ်၍ သူပြောသမျှသာ အသံသွင်းယူထားပါက သုံးကြောင်းမျှသော ကဗျာလေးသည်ပင် စီ (၆ဝ) သုံးခွေစာမက ရှိလေမည်လား မပြောတတ်။

(၃)

သို့သော်ငြား လူတိုင်းသည် သူ့အတွေ့အကြုံနှင့်သူ၊ သူ့ကျွမ်းကျင်ရာနှင့်သူ၊ သူ့နယ်ပယ်နှင့်သူ ခေသူများမဟုတ်ကြသဖြင့် (သူထင်သလို အချဉ်မဟုတ်ကြ၍လည်း ဖြစ်နိုင်ပါသည်) သူအချိုးပြောင်း၍ ဆရာကြီးဂိုက်ဖမ်းနေခြင်းကို သတိပြုမိလာကြသည်။ ကံဆိုးသူတို့သည် နေရာတိုင်း၌ ရှိစမြဲဖြစ်သဖြင့် မရှောင်လျှင်လွတ်နိုင်သော်ငြား ရှောင်ကာမှ တည့်တည့်ကြီး တိုးကြရသည့်အခါ များတွင်မတော့ “ကိစ္စလေးရှိလို့ဗျာ၊ ချိန်းထားတာလေး လွဲသွားမှာစိုးလို့ဗျာ” ဟု ကြည့်ကောင်းအောင် ပြော၍ နောက်ကျသည့်ခြေထောက် သစ္စာဖောက်ဟူသည့်မူဖြင့် တချိုးတည်း လစ်ကြ တော့သည်။

တနေ့ထက်တနေ့ ရောင်းအားကျသည်ထက်ကျလာနေသည့်ကိစ္စကို သည်အတိုင်း ဆက်လွှတ် ထားမည်ဆိုပါက စီးပွားရေးတင်မက အိမ်ထောင်ရေးပါ ထိခိုက်လာတော့မည့် မိုးသားများ အုံ့ဆိုင်း လာနေသည်ကို စားပွဲထိုးလေးများ၏ မျက်နှာတွင် ရိုးတိုးရိပ်တိတ် တွေ့လာနေရသည်မှာ စိတ်မချမ်း မြေ့ဘွယ်ပင်။

“တော် မပြောရဲရင် ကျုပ်ပြောချေမယ်” ဟု ရာဇသံပေးနေသည့် အိမ်ရှင်မ၏ နောက်ဆုံးကြေညာ ချက်ကို ကြားနာပြီးချိန်၌မတော့ လဘက်ရည်ဆိုင်ရှင်လေးခမျာ တတ်သမျှမှတ်သမျှ နည်းလမ်းကြီး ငယ်များကို ရှာကြံ အသုံးပြုရတော့သည်။ အမာခံဖောက်သည်များထံသို့ ပါဆယ်ပို့သည့်နည်းလမ်းကို စမ်း၍သုံးကြည့်သော်လည်း ထင်သလောက် အလုပ်မဖြစ်။ လဘက်ရည်သမားဟူသည် လဘက်ရည် ချည်းသက်သက်ထက် ဆိုင်၌ထိုင်၍ သောက်ရသည့် အရသာကို တွဲ၍ကြိုက်ကြသည်ဟုဆိုလျှင် အလို တူသူ များခြိမ့်မည်ထင်သည်။

ကျကျနနခင်းကျင်းထားသည့် မဟော်ဂနီရောင် လက်လက်ထနေသည့် စားပွဲခုံကြီးများထက် ဗန်ဒါ ပင်ပျိုကလေးများအောက် ကျိုးတို့ကျဲတဲ ခင်းကျင်းထားသည့် ခနော်နီခနော်နဲ့ ခုံပုကလေးများ၌ ဒူးချင်းထိလုမတတ် ထိုင်၍သောက်ရသည့်အရသာကို ပို၍ ခံတွင်းတွေ့ကြမည်ဟုဆိုလျှင် “ဟုတ်ပါ့ ဗျား” ဟု သဘောတူကြရန် ၀န်မလေးဟုထင်မိသည်။

(၄)

တနေ့သားမတော့ ကျောင်းနေဖက် ငယ်သူငယ်ချင်းတဦးက အကြံတခုပေးသည်။ “ကလေးတွေ ငြိမ်အောင် ဗွီဒီိယိုဂိမ်း ဝယ်ပေးထားလိုက်ရင် ပြီးတာပဲမဟုတ်လား သူငယ်ချင်းရ။ ခုလည်း ဒီလူ့ ပါးစပ်ငြိမ်သွားအောင် ဘလော့တွေဘက် လမ်းညွှန်ပေးလိုက်ပါလား” ဟု ဆိုသည်။ “ဘာတုန်းဗျ၊ 'ဘလော့'ဆိုတာ။ ဟာ စီးပွားရေးလုပ်နေပြီး ဒါလေးတောင် မသိဘူးလားကွာ။ အွန်လိုင်းမှာ ခေတ် စားနေတာ ကြာပါပကောလား။

ဘယ်လိုပြောရမလဲ။ တို့ကျောင်းတုန်းက အော်တိုစာအုပ်ကလေးတွေ ရေးကြသားကြပါရောလား။ အေး ဘလော့က အဲဒါမျိုး ခပ်ဆင်ဆင်ကွ။ အွန်လိုင်း အော်တိုလို့ပဲ ဆိုပါစို့ကွာ။ ကိုယ့်ခံစားချက်၊ ကိုယ့်အမြင်၊ ကိုယ့်အယူအဆ စသဖြင့် ခံစားမိရာရေးပြီး အွန်လိုင်းပေါ်တင်ထားနိုင်တော့ ကိုယ်နဲ့ နီးစပ်တဲ့သူတွေတင်မက ကိုယ်နဲ့မသိတဲ့ အနယ်နယ်အရပ်ရပ်က သူတွေလည်း ဖတ်လို့ရတာပေါ့။ မယုံရင်ကြည့်နေ။ ဒီလူ အဲဒီ ဘလော့တွေဘက်ရောက်သွားရင် မင်းဆိုင်ဘက် ယောင်လို့တောင် ခြေဦးလှည့်တော့မှာမဟုတ်ဘူး။ ဂိမ်းအသစ်ရတဲ့ကလေးလို ငြိမ်ကျသွားလိမ့်မယ်ဟု ပြောသည်။

နောက်ပိုင်းရက်များ၌ လူဝင်မစဲ တသဲသဲဖြင့် စည်နေကားနေသည့် လဘက်ရည်ဆိုင်လေးကို မြင်ရုံ မျှဖြင့် ဤစကားမှန်ကြောင်း သက်သေထူစရာပင်မလိုတော့။ ဟိုဘက်ဝိုင်း၌ ဘောလုံးဝါသနာအိုးများ ပရီးမီးယားလိဂ်အကြောင်း ပြောနေကြမည်ဆိုလျှင် သည်ဘက်ဝိုင်း၌ သုံးရက်တကား ဗွီစီဒီများ အကြောင်း ပြောနေကြမည်။ ဟိုဘက်ဝိုင်း၌ နိုင်ငံရေးသမားများ ဆွေးနွေးနေကြမည်ဆိုလျှင် သည်ဘက်ဝိုင်း၌ ကုန်သည်ပွဲစားများ ပေသီးကိုယ်စီဖြင့်တွက်ချက်နေကြမည်။ ဟိုဘက်ဝိုင်း၌ စာရေးစာချီများ ပျင်းရိပျင်းတွဲထိုင်နေကြမည်ဆိုလျှင် သည်ဘက်ဝိုင်း၌ ကဗျာသမား စာသမားများ
ဝေဖန် စောကြောနေကြမည်။ အချို့ကာရာအိုကေဆိုချင်ဆိုနေမည်။ ဤသို့ဤနှယ် ခေတ်ကာလ တခုကို ခင်းကျင်းထားသည့် လဘက်ရည်ဆိုင်ကလေးထဲ၌ ကာလထွက်ကုန်တခုဖြစ်သည့် ဘလော့ ဂါများ၏ စားပွဲဝိုင်းတဝိုင်းကိုပါ ထည့်ခင်းလိုက်မှသာလျှင် ကံကောင်းခြင်း ကဖေးလေးသည်လည်း ခေတ်ပြိုင်အာရုံခံစားမှုတို့နှင့် ထင်ဟပ်နေလိမ့်မည်ထင်သည်။

(၅)

ကိုတတ်ပကြီးတယောက် အွန်လိုင်းပေါ်တက်၍ ဘလော့တကာလှည့်ဖတ်ရသည်ကို သဘော အခွေ့ကြီးခွေ့နေသည်။ ယဉ်ကျေးမှုသစ်တခုနှင့် လွယ်လင့်တကူ အသားတကျဖြစ်နိုင်စွမ်းသည့် သူ့ကိုယ်သူလည်း ဂုဏ်ယူနေမိသည်။ လောလောဆယ်၌ အော်တိုစာအုပ်ကလေးများအဖြစ်သာ သတ်မှတ်နိုင်သေးသည့် ဘလော့များအား မီဒီယာစာရင်း ဝင်မဝင်ဟူသည်ကိုမူ နောင်တချိန် အငြင်း ပွားရမည့် ကိစ္စတခုအဖြစ်ပင် (မှတ်မှတ်ရရ) တေးထားလိုက်သေးသည်။

ဘလော့များ၏ အားသာချက်တခု (သူအကြိုက်ဆုံးအချက်တခုဟုပြောလျှင် ပိုမှန်ပါသည်) ကို အမှတ်မထင် သွားတွေ့သည်။ ဝက်ဆိုက်ကြီးများ၊ အွန်လိုင်းမဂ္ဂဇင်းကြီးများသို့ သွားရောက် လည်ပတ်ရသည်မှာ စကားပြောဖော်မရှိသည့် ခရီးရှည်ကြီးတခုကို ရထားအိုကြီးစီး၍ ပျင်းရိပျင်းတွဲ သွားနေရသည်နှင့် တူလှသည်။ ဖတ်ရုံ၊ မှတ်ရုံမှလွဲ၍ ဘာထင်မြင်ချက်မျှ ပေး၍လည်းမရ။ မိမိနှင့် အမြင်မတူလျှင်တောင်မှ လက်ပိုက်ကြည့်နေရုံမှတပါး မပြောသာ၊ မ၀ံ့သာ။

ယခုမူ ဘလော့များကို သွားရောက်လည်ပတ်ရသည်မှာ ပရိသတ်အားကောင်းသည့် ဟောပြောပွဲ တခုကို သွားရသည်နှင့် တူလှသည်။ သူအကြိုက်ဆုံးမှာ 'ကွန်းမင့်' ရေးရခြင်းဖြစ်သည်။ သူနှင့် အလိုက်ဆုံးကဏ္ဍဟုပြောလျှင် ပိုမှန်ပေမည်။ အရင်ကဆိုလျှင် သူပြောသမျှကို လဘက်ရည်ဆိုင် ကလေးထဲ၌ ရှိသူလောက်သာ ကြားနိုင်ကြမည်ဖြစ်သော်ငြား ယခုမူ သူပြောသမျှကို အွန်လိုင်းပေါ်၌ ရှိသူတိုင်းပါ သိနိုင်ကြတော့မည်ဖြစ်သဖြင့် ဟန်ရေးတပြင်ပြင် ရှိချေတော့သည်။

တလျှောက်လုံး လူတကာကို ဆရာလုပ်လာခဲ့သည့်နည်းတူ ဘလော့ဂါများကိုလည်း ဆရာလုပ်ရန် လက်မနှေးတော့။ ဟိုလူ့မာန်လိုက်၊ သည်လူ့မဲလိုက်။ ဟိုလူ့ဟိန်းလိုက်၊ သည်လူ့ဟောက်လိုက်။ ဟိုလူ့ဟန့်လိုက်၊ သည်လူ့တားလိုက်နှင့် ဆရာကြီစွမ်းပြနေတော့သည့် သူ့ပုံကို ကြည့်ရသည်မှာ ဘလော့ဖတ်နေသည်နှင့်ပင်မတူ၊ တိုင်းခန်းလှည့်လည်၍ ကြည့်ရှုစစ်ဆေးနေသည့် ဌာနလက်ကိုင်မရှိ ဝန်ကြီးတဦးနှင့်ပင် တူနေသေးတော့သည်။

(၆)

လဘက်ရည်ဆိုင်ရှင်လေးသည် သူ့ဖောက်သည်များ ပြောနေဆိုနေကြသည်ကို ပြုံး၍ကြည့်နေမိသည်။ “သူ့ ကွန်းမင့်တွေက စာဖတ်သူတယောက်ရဲ့ကွန်းမင့်မျိုးမဟုတ်ဘူးဗျ။ ဒါဖြင့် ဝေဖန်ရေး ဆရာတဦးရဲ့ ကွန်းမင့်တွေများလား ဆိုပြန်တော့လည်း အဲဒီလိုက မဟုတ်ပြန်ဘူး” ဟု ပြောသည်ကို အခြားတဦးက “အေးဗျ၊ ကျုပ်တို့က ဝေဖန်တာကိုတော့ ကြိုဆိုပါတယ်ဗျာ။ ဒါပေမယ့် ဒီလို ဆရာလုပ်တာမျိုးကိုတော့ ကန်တော့ဆွမ်းပါဗျို့လို့ပဲ ပြောရမှာပေါ့ဗျာ” ဟု ဆိုသည်။

“ဟုတ်တယ်ဗျ။ ကျုပ်တို့ဘာသာ ကျုပ်တို့ခံစားရတာလေးတွေရေးထားတာကို သူကဖတ်မှာလား။ ဒါမှမဟုတ် သူဖတ်ချင်တာကို ကျုပ်တို့က ရေးပေးကြရမှာလားဗျ။ ခုဟာက စာလေးတပုဒ်၊ ကဗျာ လေးတပုဒ် ဆိုပါစို့ဗျာ။ ဖတ်ကောင်းကောင်းနဲ့ ဖတ်နေတုန်း ဗြုန်းဆို သူ့ကွန်းမင့်ကြီးက ပေါ်လာတဲ့ အခါကျတော့ စောစောက ဖီလင်လေး ပျောက်သွားရော။ ဒီလူက ဘယ်ဟာမှ ချမ်းသာမပေးတော့ ကောင်းမယ်ကြံကာရှိသေး မီးပျက်ပြန်ဆိုတာမျိုး ဖြစ်ရပြန်တာမို့ ဘလော့ဖတ်ရတာ အာရုံနောက် တယ်ဗျာ” ဟု ဆိုသည်။

ဗွီဒီယိုဂိမ်းကစားသည့်ကလေးများအနေနှင့် သူတို့ကစားသည့်ဂိမ်းများအကြောင်းကို ယခုလိုမျိုး ဝိုင်းဖွဲ့ဆွေးနွေးကြသည်ဟူ၍တော့ မမြင်မိဘူး။ သို့သော် ဘလော့ဂါများတသိုက် ဘလော့များ အကြောင်း ဆွေးနွေးနေကြသည့် စကားအသွားအလာကို ကြည့်ရသည်မှာ လူတယောက်က သူတို့ ရေးသမျှကို ဆရာကြီးဂိုက်ဖမ်း၍ အပေါ်လေနှင့် ဝင်ဝင်ပြီး တွင်ကျယ်နေခြင်းကို အခံရခက်နေကြ ခြင်းဟု နားလည်မိသည်။

သူတို့ပြောပုံဆိုပုံကိုထောက်လျှင် လူတွင်ကျယ်လုပ်နေသူကို မည်သူမည်ဝါဟု သိကြပုံမရ။ သူ့အနေ နှင့်မူ ဆိုင်ဘက်မရောက်တာကြာပြီဖြစ်သည့် ကိုတတ်ပကြီးများ ဖြစ်လေမည်လားဟု တွေးမိလိုက် သေးသော်ငြား ကံသေကံမ မပြောရဲလှ။ သြော် ပျောက်ချက်သားကောင်းနေသည့် သူ့ဖောက်သည် ဟောင်းကြီးတယောက် ဆိုင်မှာလာ ဒုက္ခမပေးဘဲ အွန်လိုင်းပေါ်တက်၍ ဘလော့ဂါများကို ဒုက္ခပေး နေပြန်ပါရော့လားဟု တွေးမိ၍ ပြုံးလိုက်မိသေးသည်။

(၇)

တိုက်ဆိုင်မှုပဲဆိုဆို၊ ဘုရားသခင်၏ အလိုတော်အရပဲဆိုဆို အရေးအကြောင်းဆိုလျှင် ကူညီမည့်သူ ကားပေါ်လာစမြဲ ဆိုသည့်အတိုင်း စောင်မမည့်သူကား ပေါ်လာခဲ့ချေပြီ။ တဘက်ဝိုင်းမှ ဘောလုံးဝါသနာအိုးတယောက်၏ လှမ်းပြောလိုက်သံကို ကြားလိုက်ရသည်။

“နောင်ကြီးတို့။ ခင်ဗျားတို့ စကားအသွားအလာကိုကြည့်ရတာ ဒိုင်ညစ်တဲ့ပွဲနဲ့တိုးနေကြပုံမျိုးဗျ။ ဆိုင်မဆိုင်တော့ မသိဘူးပေါ့ဗျာ။ ကျနော်ကလည်း ကျနော်နားလည်တဲ့ ဥပမာပဲပေးတတ်တာဆိုတော့ ဘောလုံးပွဲနဲ့ပဲ ဥပမာပေးရတော့မပေါ့။ ဒါမျိုးက များသောအားဖြင့် ကမ္ဘာ့ဖလားပွဲလို နိုင်ငံစုံက ကစားသမားတွေစုံတဲ့ပွဲမျိုးတွေမှာ တွေ့ရတတ်တယ်ဗျ။

ဒီလိုဗျ။ တချို့ဒိုင်လူကြီးတွေက နိုင်ငံတကာအတွေ့အကြုံအားနည်းတယ်ဗျ။ ကိုယ့်အိမ်ကွင်းလေးမှာပဲ တွင်ကျယ်နေကြတဲ့ ဒိုင်မျိုးတွေပေါ့ဗျာ။ ဆိုတော့ကာ ဘယ်နိုင်ငံက ကစားသမားက ဘယ်လို ကစားတတ်တယ်၊ ဘယ်ကလပ်က ကစားသမားက ဘယ်လိုအားသန်တယ် စသဖြင့် သူတို့မသိဘူးဗျ။ သူတို့သိတာက ဒိုင်ဆိုတာ ပွဲထိန်းရမယ်ပေါ့ဗျာ။

ဆိုတော့ကာ နည်းနည်းလှုပ်လာပြီဆိုတာနဲ့ ဟိုလူ့အဝါကဒ်ပြလိုက်၊ သည်လူ့အနီကဒ်ပြလိုက်နဲ့ပေါ့။ ကျနော်တို့အခေါ်တော့ (အဝါကဒ်တွေ များလွန်းလို့) ဝါဆိုပွဲကြီးပေါ့ဗျာ။ တချို့ကစားသမားတွေက အတင်းဝင်အတင်းထွက်နဲ့ တွန်းတွန်းတိုက်တိုက် ကစားရတာကို အားသန်ကြတယ်ဗျ။ တချို့ ကစားသမားတွေကျတော့ လှည့်ပတ်မွှေနှောက်ပြီး လိမ်ခေါက် ကစားရတာကို ပိုအားသန်သဗျ။ အဲဒါကို ဒိုင်ကမသိတော့ နည်းနည်းလှုပ်တာနဲ့ကို ဝီစီမှုတ်လိုက်၊ အဝါကဒ် ထုတ်ပြလိုက် လုပ်နေတော့ ပွဲက အခွေထစ်နေတဲ့ ဗွီဒီယိုဇာတ်ကားလို ပြတ်တောင်းပြတ်တောင်းနဲ့ ကြည့်မကောင်း တော့ဘူး။

ဟိုဗျာ၊ ကမ္ဘာ့အကောင်းဆုံးဒိုင်လူကြီး ကိုလီနာဗျာ။ သိတယ်မှုတ်လား။ သူဆို ခြေတွေ့လို့ကတော့ သန်သလိုသာ ကစား။ ဒီအတိုင်းကို လွှတ်ပေးထားတာ။ တော်တော်တန်တန်ဆို (တခြားဒိုင်တွေလို ဝီစီမှုတ်နေဖို့၊ အဝါကဒ်ထုတ်နေဖို့ မလိုဘူး) တချက်စိုက်ကြည့်လိုက်တာနဲ့ကိုပဲ မဟုတ်တရုတ် လုပ်မယ့်ကစားသမားက မလုပ်ရဲတော့ဘူး။ ဒီနည်းနဲ့ ပွဲရှိန် မတန့်အောင် အစအဆုံးထိန်းသွားတာ ပညာသားပါမှပါပဲ။

ခု ခင်ဗျားတို့ဟာက ဘောလုံးလောကမဟုတ်ဘဲ စာပေလောကဖြစ်နေတော့ ခင်ဗျားတို့ပြောတဲ့လူက စာပေဒိုင်ပေါ့ဗျာ။ ဒါမှမဟုတ်လည်း ဘလော့ဂါလောကဖြစ်နေတော့ ဘလော့ဂါဒိုင်ပေါ့ဗျာ။ မှုတ်ဘူး လား။ ဒီလူသာ ကျနော်ပြောသလို ဒိုင်စိတ်ရှိရိုးမှန်ရင် ဒိုင်လောကထဲက ထူးခြားတဲ့ အဖြစ်အပျက် ကလေးတခုကိုလည်း သိထားသင့်သပေါ့ဗျာ။

ဘယ်ပွဲလဲဆိုတာတော့ မမှတ်မိတော့ဘူး။ အဲဒီပွဲမှာ ဒိုင်က အဝါကဒ်လျှောက်ပြတာ တကွင်းလုံးလည်း ဝါဆိုကုန်ပြီ။ ဒါနဲ့တင် အားမရသေးလို့ နှစ်ဝါတနီနဲ့ရော၊ တိုက်ရိုက်အနီနဲ့ပါ ထုတ်ပစ်လိုက်လို့ ဘောလုံးအသင်း နှစ်သင်းစလုံးရယ်၊ သူတို့ဒိုင်လူကြီး သုံးယောက်ရယ်ကို ထည့်ပေါင်းရင်တောင်မှ ကွင်းထဲမှာ (၂၂) ယောက် မပြည့်တော့ဘူး။ ပွဲက ကြည့်မကောင်းလွန်းတဲ့အခါကျတော့ ပရိသတ် ကလည်း ဒိုင်ကိုလှိမ့်အော်ကြတော့တာပေါ့။ အဲဒီတော့ ဒိုင်က ဘာလုပ်တယ် မှတ်သလဲ။ ပရိသတ်ကိုပါ အဝါကဒ် ထုတ်ပြတယ်ဗျို့။ ဒါမျိုးတခါမှမကြုံဘူးကြတော့ ပရိသတ်တွေလည်း ဝက်ဝက်ကွဲကြ တော့တာပေါ့။ စောစောက အော်ဟစ်ကြိမ်းမောင်းနေတဲ့ပရိသတ်က စိတ်ဆိုးပြေပြီး ဝိုင်းဟားကြ တော့တာပေါ့ဗျာ။ ဇာတ်လမ်းက ဒီတင်လားဆိုတော့ မဟုတ်သေးဘူး။ ငိုအားထက် ရယ်အားသန်ရတဲ့ အဖြစ်အပျက်တခုက ထပ်ဖြစ်ပြန်ပါရောလား။ ဘာဖြစ်ရမလဲဗျာ။ အဲဒီဒိုင်လူကြီးက သူ့ကိုယ်သူပါ အနီကဒ်ထုတ်ပြပြီး ကွင်းထဲက ထွက်သွားတော့တာကိုးဗျ။

ကျနော်လည်း သူများပြောတာသာ ကြားဖူးတာ၊ ကိုယ်တိုင်မြင်ဖူးတာမဟုတ်တော့ အဲဒါ တကယ်ပဲ လားဆိုတာ အာမတော့ မခံနိုင်ဘူးဗျို့။ တကယ်မဟုတ်ဘူးဆိုရင်လည်း ဘောလုံးလောကထဲက ဒဏ္ဍာရီတပုဒ်လို့သာ သဘောထားလိုက်ကြပါတော့ဗျာ”

(၈)

လဘက်ရည်ဆိုင်ရှင်ကလေးသည် အဆက်ပြတ်သွားသည့် စကားဝိုင်းနှစ်ခုကို ပေါင်းကူးပေးမည့် တံတားတစင်းကို ဟိုဟိုသည်သည် ရှာဖွေကြည့်နေမိသည်။ စောစောက ဘလော့ဂါဒိုင်ကိစ္စနှင့် ပတ်သက်၍ ဦးနှောက်ခြောက်နေကြသူများ အကြံရခက်နေချိန်၌ ပျော်ပျော်နေသေခဲဟု ခံယူထား ပုံရသည့် ဖောက်သည်တဦးက အရွှန်းဖောက်၍ ဝင်ပြောသည်။ “ဒီလူ့အတွက်နဲ့တော့များ တကူးတက စိတ်ညစ်ခံမနေကြပါနဲ့ဗျာ။ ဒီလူ့ကို တွမ်လို သဘောထားလိုက်ကြပေါ့။ တွမ်နဲ့ဂျယ်ရီကို ကြည့်ဖူးကြတယ် မှုတ်လား။ လူတိုင်းက ကြွက်ကလေး ဂျယ်ရီ့ကို နိုင်စေချင်ကြတာပဲလေ။

တခုတော့ရှိတာပေါ့ဗျာ။ ဂျယ်ရီကို အနိုင်ရစေချင်တဲ့စိတ်နဲ့ တွမ်ကို ဖယ်ရှားလိုက်တာမျိုးကတော့ ဘယ်ဖြစ်သင့်ပါ့ မလဲ။ ဆိုကြပါစို့။ တွမ်မပါဘဲ ဂျယ်ရီချည်းသက်သက် ရိုက်ထားတဲ့ ဇာတ်ကား တကားလောက် (စိတ်ကူးနဲ့ဖြစ်ဖြစ်) ကြည့်ကြည့်ပါလား။ အဲဒီကား ဘယ်မှာလာ ကြည့်ကောင်းပါ တော့မလဲ မှုတ်ဘူးလား။ ဆိုတော့ကာ ဂျယ်ရီအတွက် တွမ်ကတော့ ရှိကိုရှိပေးရမယ့် သဘောပေါ့။ ခုလည်း ခင်ဗျားတို့ ဘလော့ဂါတွေအတွက် တွမ်လိုကြောင်ကြီးတကောင် ရှိနေတယ်လို့ပဲ သဘော ထားလိုက်တော့ ပျော်စရာတောင်ကောင်းသေးတာပေါ့။ မှုတ်ဘူးလား” ဟူ၍ ဝင်ပြောသည်။

လဘက်ရည်ဆိုင်ရှင်လေးသည် သူမြင်တွေ့ကြားသိနေရသည်များထဲ၌ မျော၍ ကောင်တာ၌ ထိုင်နေ မိသည်လား၊ ဘလော့ဂါများစားပွဲ၌ ထိုင်နေမိသည်လားဟူသည်ကိုပင် မသဲကွဲတော့။ “ရှင်းမယ် ဆရာရေ၊ ဘယ်လောက်ကျလဲ” ဟူသည့် အသံကြားပါမှ သူ့အလုပ်သူ သတိရမိတော့သည်။ ။

ခေတ်ပြိုင် အင်တာနက်ဝက်ဘ်ဆိုက်မှ ကူးယူဖော်ပြသည်။