လက်ရှိစစ်အုပ်စု၏ ဖိနှိပ်သတ်ဖြတ်မှုသည် ကရင့်သမိုင်းတွင် အပြင်းထန်ဆုံးဖြစ်

နေသွင်-မဇ္ဈိမသတင်းဌာန၊ ဇန်န၀ါရီလ ၈ ရက် ၂၀၀၈ ခုနှစ်

လက်ရှိ စစ်အုပ်စု ကြီးစိုးချိန်အတွင်း ဖိနှိပ်သတ်ဖြတ်မှုများသည် ကရင့်သမိုင်းတွင် အပြင်းထန်ဆုံး ဖြစ်ကြောင်း ယနေ့ ထုတ်ပြန်သော ကရင်အမျိုးသား အစည်းအရုံး (KNU) ၏ ကရင်နှစ်သစ်ကူး သဝဏ်လွှာတွင် ဖော်ပြထားသည်။

ကရင် အမျိုးသားများ အချင်းချင်း စည်းလုံးညီညွတ်ရေးကို အသားပေး ဖော်ပြထားသော သဝဏ်လွှာတွင် ၂ဝဝ၇ ခုနှစ်အတွင်း နအဖစစ်အုပ်စုသည် KNU နှင့် ကရင်ပြည်သူများကို အပြင်းအထန် စစ်ဆင်ခဲ့ကာ ယခုအခါ KNU အနေဖြင့် တပ်ရင်း ၁၈၇ ရင်းဖြင့် ဆက်လက် စစ်ဆင်နေဆဲ ဖြစ်ကြောင်းနှင့် ၂ဝဝ၇ ခုနှစ်တွင် ကရင် အမျိုးသားများသည် ရောက်ရာအရပ်မှ ကရင့် တော်လှန်ရေးကို အဖက်ဖက်မှ ထောက်ခံအားပေး ကူညီခဲ့သည့်အတွက် ကရင့်တော်လှန်ရေးကို များစွာ အထောက်အကူဖြစ်ကြောင်း ဖော်ပြထားသည်။

KNU ပြန်ကြားရေးဌာနမှ ထုတ်ပြန်ထားသော စာရင်းများအရ ၂ဝဝ၇ ခုနှစ်အတွင်း KNU က တဖက်၊ ဒီကေဘီအေတပ်နှင့် နအဖ စစ်သားတပ်များကတဖက် ထိပ်တိုက်တွေ့မှုပေါင်း ၁၃၉၁ ကြိမ်ရှိခဲ့ပြီး စစ်ဆင်လာသည့် ရန်သူများဘက်မှ ၆၁၃ ဦး သေဆုံးကာ ၁၃၈၈ ဦး ဒဏ်ရာရှိခဲ့သည်ဟု ဆိုသည်။ KNU ဘက်ကလည်း ၁၆ ဦးသေဆုံးခဲ့ပြီး ၂၁ ဦး ဒဏ်ရာရရှိခဲ့သည်ဟု ဆက်ပြောထားသည်။

ယနေ့သည် ကရင်အမျိုးသား ပြက္ခဒိန်တွင် ၂၇၄၆ ခုနှစ်ကုန်ပြီး ၂၇၄၇ ခုနှစ်သို့ ကူးပြောင်းသော နှစ်သစ် ဖြစ်သဖြင့် KNU တပ်ရင်းအသီးသီးတွင် နှစ်သစ်ကူး အထိမ်းအမှတ် အခမ်းအနားများ ကျင်းပနေကြသည်ဟု KNU ပြန်ကြားရေးဌာနမှ ဗိုလ်မှူးလှငွေက မဇ္ဈိမကို ပြောသည်။

အဆိုပါ အခမ်းအနားများသို့ ပေးပို့သော KNU ဥက္ကဌ စောဘသင်စိန်၏ နှစ်သစ်ကူးမိန့်ခွန်းတွင် ကရင်အမျိုးသားများ လက်ရှိ ရင်ဆိုင် ဖြတ်သန်းနေရသော လက်တွေ့ ဖြစ်ရပ်များသည် အတိတ်က ကြားဖူးနားဝ အတိတ်ပုံရိပ်များ မဟုတ်ကြောင်းနှင့် ယခုဘဝမျိုးဖြင့် ဆက်သွားလျှင် ‘ကရင်တမျိုးလုံး အရှင်လတ်လတ် ပျောက်ကွယ်နိုင်ကြောင်း’ သတိပေးပြောဆိုထားသည်။

ပဒိုစောဘသင်စိန်က “ကိုယ့်လူမျိုးကို ဖြိုခွဲတဲ့ လုပ်ရပ်မှန်သမျှ မလုပ်မိအောင် ရှောင်ကြဉ်ကြပါ။ ကျွန်ုပ်တို့ကို လွတ်မြောက်ရာ အရပ်သို့ ပို့ဆောင်ပေးနိုင်တာဟာ အမျိုးသား စည်းလုံးညီညွတ်ရေးပဲ ဖြစ်တယ်” ဟု သူ့မိန့်ခွန်းတွင် ပြောဆိုသည်။

သည့်အပြင် ကရင်အမျိုးသားများကြားတွင် မတူကွဲပြားသော သက်ဝင် ယုံကြည်မှုများ ရှိသော်လည်း ဘာသာကြီးငယ်မရွေး တန်းတူရည်တူ ဘာသာရေး လွတ်လပ်ခွင့် အပြည့်အဝ ရှိမည်ဖြစ်ပြီး ဘာသာယုံကြည်မှုအပေါ် အခြေခံပြီး အချင်းချင်း မသင့်မတင့်၊ မညီမညွတ် ဖြစ်မှုများသည် တဖက်နှင့်တဖက်ကြား တံတိုင်းပမာ ဟန့်တားပိုင်းခြားမှုများ လုံးဝ မရှိသင့်ဟု သူက ဆက်ပြောထားသည်။

နယ်စပ်ရောက် ကရင်အသိုင်းအဝိုင်း အနေဖြင့် ထိုင်းဘုရင်မင်းမြတ်၏ အမဖြစ်သူ ကွယ်လွန်သဖြင့် ထိုင်းတနိုင်လုံး ဝမ်းနည်းပူဆွေးနေချိန်နှင့် တိုက်ဆိုင်နေသဖြင့် ယခုနှစ် ကရင် နှစ်သစ်ကူး ပွဲတော်တွင် ပျော်ပွဲရွှင်ပွဲများ ကျင်းပခွင့်မရဘဲ ရှိနေသည်။

ကရင်အမျိုးသား အစည်းအရုံး (KNU) သည် ကရင့်ကံကြမ္မာကို ကရင်ဖန်တီးနိုင်ရေးအတွက် ၁၉၄၇ ခုနှစ် ဖေဖော်ဝါရီလ ၅ ရက်နေ့တွင် စတင် တည်ထောင်ခဲ့ကာ ယခုထိ နှစ်ပေါင်း ၆ဝ နီးပါး လက်နက်ကိုင် တိုက်ပွဲဝင်နေသော အဖွဲ့အစည်းကြီး ဖြစ်သည်။