၈၈ မျိုးဆက် ကျောင်းသားခေါင်းဆောင်များကို အင်းစိန် သီးသန့်ထောင်မှ ထောင်မကြီးသို့ပြောင်းပြီး သာမန်ရာဇ၀တ် သားများနှင့်တွဲထား

[VOA SOURCE]

ကိုမင်းကိုနိုင်အပါအ၀င် ဖမ်းဆီးထိန်းသိမ်းခံထားရတဲ့ ၈၈ မျိုးဆက် ကျောင်းသားခေါင်းဆောင်တွေကို အင်းစိန်ထောင်မကြီးကို
အာဏာပိုင်တွေက ရွှေ့ပြောင်းလိုက်တယ်လို့ ၈၈ မျိုးဆက်ကျောင်းသား သတင်းရပ်ကွက်က ပြောပါတယ်။ ကျောင်းသားခေါင်းဆောင်တွေကိုလည်း သီးခြားခွဲထားလိုက်တယ်လို့ ပြောပါ တယ်။ အသေးစိတ်ကို ကိုသိန်းထိုက်ဦးက ဆက်ပြီးတင်ပြပေးထားပါတယ်။

၈၈ မျိုးဆက်ကျောင်းသားခေါင်းဆောင်တွေကို ညက အရင် သီးသန့်ထောင်တွေကနေ အင်းစိန်ထောင်မကြီးကို ပြောင်းလိုက်တယ်လို့ ထောင်ဝင်စာသွားတွေ့တဲ့ မိသားစု သတင်းရပ်ကွက်ကို ကိုးကားပြီး ၈၈မျိုးဆက်ကျောင်းသားခေါင်းဆောင်တဦးဖြစ်တဲ့ မနီလာသိန်းက ပြောပါတယ်။ ကျောင်းသားခေါင်းဆောင်တွေကို အခြားရာဇ၀တ်သား တွေနဲ့တွဲပြီး ချုပ်နှောင်ထားတာဖြစ်တဲ့အပြင် ကျန်းမာရေးအတွက်လည်း စိုးရိမ်ရတဲ့ အနေအထားမှာရှိတယ်လို့ အခုလိုပြောပါတယ်။

“မနေ့ညက မိုးချုပ်မှာ ကိုမင်းကိုနိုင်၊ ကိုကိုကြီး၊ ကိုဂျင်မီ၊ ကိုမြအေး၊ ကိုမားကီး၊ ကိုခင်ကျော်၊ ကိုမင်းမင်းတို့ကို သီးသန့်တိုက်ကနေ ထောင်မကြီးကို ပြောင်းရွှေ့သွားတယ်လို့ သိရပါတယ်။ ဒီနေ့ ကိုမင်းကိုနိုင်နဲ့ ကိုမြအေးတုိ့အိမ်ကနေ ထောင်ဝင်စာ သွားတွေ့တဲ့အခါမှာ ကိုမြအေးကို ကြိုးသမား criminal တယောက်နဲ့ထားတယ်လို့ သိရပါတယ်။ ကိုမင်းကိုနိုင်ကို ကိုးကန့် criminal တယောက်နဲ့ထားတယ်လို့ သိရပါတယ်။ အခန်းက အရမ်းကျဉ်းပြီး လမ်းလျှောက်လို့တောင်မရဘူးလို့ သိရတယ်။ ပြီးတော့ အရှေ့မှာ အခန်းတွေရှိတဲ့အတွက် လေ၀င်လေထွက်လည်းမရဘူးလို့ သိရပါတယ်။ အဲတော့ အားလုံးရဲ့ ကျန်းမာရေးအတွက် အထူးစိုးရိမ်စရာတွေ ဖြစ်နေပါတယ်” မနီလာသိန်းပြောပြသွားတာပါ။

ဒီလို ကျောင်းသားခေါင်းဆောင်တွေကို ထောင်မကြီးကို ပြောင်းပို့လိုက်တဲ့အတွက် စစ်အစိုးရ အာဏာပိုင်တွေဘက်က တရားစွဲဆိုပြီး ရုံးတင်စစ်ဆေးဖို့ ခြေလှမ်းပြင်တာများလားဆိုတဲ့ ခန့်မှန်းချက်တွေလည်း ရန်ကုန် နိုင်ငံရေးအသိုင်းအ၀ိုင်းကြားမှာ ရှိနေပါတယ်။

မနီလာသိန်းကတော့ လောလောဆယ် အကျဉ်းထောင်ထဲမှာ နေနေရတဲ့ ၈၈ မျိုးဆက်ကျောင်းသားခေါင်းဆောင်တွေရဲ့ ကျန်းမာရေးအတွက် စစ်အစိုးရမှာ တာဝန်ရှိပြီး အခုလို ဖမ်းဆီးထားတာဟာ လူ့အခွင့်အရေးချိုးဖောက်တာလို့ ပြောဆိုပါတယ်။

“ကျမတို့နိုင်ငံမှာ အခုဖမ်းဆီးထားတဲ့လူတွေဟာ အပြစ်မဲ့ အဖမ်းခံထားရတဲ့လူတွေ ဖြစ်ပါတယ်။ အကြမ်းဖက်သမားတွေလည်း မဟုတ်ပါဘူး။ ငြိမ်းချမ်းစွာ ဆန္ဒပြုတဲ့သူတွေဖြစ်ပါတယ်။ အဲဒီလူတွေကို အခု လူ့အခွင့်အရေးချိုးဖောက်ခံရပြီး လူသားချင်း စာနာမှုကင်းမဲ့စွာနဲ့ ဒီလိုမျိုးပြုလုပ်နေခြင်းဟာ တရားမဲ့ပြုလုပ်နေခြင်းဖြစ်ပါတယ်။ အဲဒီအတွက် အခုဖမ်းဆီးထားတဲ့လူတွေရဲ့ ကျန်းမာရေးဟာ အထူးစိုးရိမ်စရာ ဖြစ်နေပါတယ်။ ကိုမြအေးဆိုရင် နှလုံးရောဂါရှိပါတယ်။ ကိုမင်းကိုနိုင်မှာလည်း ရောဂါရှိပါတယ်။ အဲတော့ အားလုံးရဲ့ကျန်းမာရေးအတွက် အခုဆိုရင် အထူးစိုးရိမ်စရာကောင်းပါတယ်။ နေရတဲ့အခန်းကလည်း အရမ်းကျဉ်းပြီး ကိုယ့်ရဲ့ရဲဘော်ရဲဘက်တွေနဲ့ အတူမထားဘဲ တခြားသူများနဲ့ အတူထားခြင်းဟာ သူတို့အနေနဲ့ ခြိမ်းခြောက်မှု၊ နှိပ်ကွပ်မှုတမျိုး ဖြစ်ပါတယ်”

ကိုမင်းကိုနိုင်အပါအ၀င် ဖမ်းဆီးထိန်းသိမ်းခံထားရတဲ့ ၈၈ မျိုးဆက်ကျောင်းသားခေါင်းဆောင်တွေကို အင်းစိန်ထောင်မကြီးကို လွှဲပြောင်းလိုက်တယ်ဆိုတဲ့ သတင်းနဲ့ ပတ်သက်ပြီး မနီလာသိန်း ပြောပြသွားတာပါ။

၈၈ မျိုးဆက် ကျောင်းသားခေါင်းဆောင်များကို သာမန် ရာဇ၀တ်သားများနှင့် တွဲထားသည့်အပေါ် တုံ့ပြန်ပြောဆိုချက်
[VOA SOURCE]

ကိုမင်းကိုနိုင်အပါအ၀င် ဖမ်းဆီးထိန်းသိမ်းခံထားရတဲ့ ၈၈ မျိုးဆက်ကျောင်းသားခေါင်းဆောင်တွေကို အင်းစိန်သီးသန့်ထောင်ထဲကနေ ရာဇ၀တ်မှုကျူးလွန်သူတွေကိုထားတဲ့ ထောင်မကြီးကို အာဏာပိုင်တွေက ရွှေ့ပြောင်းလိုက်တယ်လို့ ထောင်ဝင်စာသွားတွေ့တဲ့ မိသားစုဝင်တွေက ပြောကြပါတယ်။ ဒီအကြောင်းနဲ့ပတ်သက်ပြီး တုံ့ပြန် ပြောဆိုချက်တွေကို ကိုကျော်အောင်လွင်က ဆက်သွယ်မေးမြန်းတင်ပြထားပါတယ်။

ဖမ်းဆီးခံထားရတဲ့ ၈၈ မျိုးဆက်ကျောင်းသားခေါင်းဆောင်တွေကို ထောင်မကြီးအဆောင်တွေကို ပြောင်းရွှေ့လိုက်တဲ့အပေါ် အာရှလူ့အခွင့်အရေးကော်မရှင် (AHRC)က ဦးမင်းလွင်ဦးအနေနဲ့ ဥပဒေကြောင်းအရ ဘယ်လိုများ ပြောစရာရှိပါသလဲ။

“အခုလို ကျောင်းသားခေါင်းဆောင်တွေကို သာမန်ရာဇ၀တ်သားတွေနဲ့ ရောထားတာက ဒီကျောင်းသားခေါင်းဆောင်တွေကို စိတ်ပိုင်းဆိုင်ရာ နှိပ်စက်ညှဉ်းပန်းသလိုလည်း ဖြစ်တယ်၊ ပြီးတော့ သူတို့ရဲ့ဂုဏ်သိက္ခာပိုင်းကျဆင်းအောင် အခုလိုထားတယ်လို့ ကျနော်တို့ယူဆပါတယ်”

ဒီလိုထောင်ပြောင်းတာဟာ သူတို့အပေါ်မှာ ဥပဒေအရ စီရင်ချက်တခုချလိုက်လို့ ပြောင်းတာရော မဖြစ်နိုင်ဘူးလား။

“မဖြစ်နိုင်ပါဘူး။ ဒီလိုပြောင်းလိုက်ခြင်းအားဖြင့် သူတို့ကို အခုဆို ၃ လကျော် ဖမ်းဆီး ထိန်းသိမ်းထားတယ်၊ ဘာဥပဒေ၊ ဘာပုဒ်မနဲ့ အရေးယူထားတယ်ဆိုတာကို သူတို့ ကိုယ်တိုင်က ဖွင့်ပြောထားတာ မရှိသေးဘူး။ အဲဒီဥစ္စာက ဥပဒေနဲ့မညီပါဘူး။ နောက်တခါ ဖမ်းဆီးထိန်းသိမ်းထားစဉ်ကာလမှာလည်း အကျဉ်းသားတွေရဲ့ အခွင့်အရေးအရ ရှေ့နေရှေ့ရပ်တွေနဲ့ တိုင်ပင်ဆွေးနွေးခွင့်ရှိရမယ်၊ မိသားစုနဲ့ ပုံမှန်ဆက်သွယ်ခွင့်ရှိရမယ်။ အဲဒီလိုအခွင့်အရေးတွေလည်း ကျောင်းသားခေါင်းဆောင်တွေ ကာလတော်တော်ကြာကြာ ဆုံးရှုံးခဲ့ရတာဖြစ်တယ်။

“ဒီလိုမျိုး ဖမ်းဆီးထိန်းသိမ်းတဲ့ကိစ္စတွေမှာလည်း ဥပမာဆိုရင် အရေးပေါ်စီမံမှု ဥပဒေ ပုဒ်မ ၅(ည) နဲ့ အရေးယူမလား၊ နိုင်ငံတော်ပုန်ကန်မှုနဲ့ အရေးယူမလား၊ အမျိုးသား ညီလာခံကို ထိခိုက်ပျက်ပြားအောင်လုပ်တဲ့ ဥပဒေနဲ့ အရေးယူမလား၊ အဲဒီလို
သက်ဆိုင်ရာဥပဒေနဲ့ ပေါ်ပေါက်ရင် ပေါ်ပေါက်သလို အရေးယူ၊ စွပ်စွဲခံရတဲ့သူတွေကလည်း ရှေ့နေရှေ့ရပ်နဲ့ ငှားရမ်းထုချေပိုင်ခွင့် စတာတွေကို သူတို့ပေးရမှာဖြစ်တယ်။ အခု အဲဒါတွေကိုလည်း ကျောင်းသားခေါင်းဆောင် တော်တော်များများက ရရှိထား
ခြင်း မရှိသေးဘူး” အာရှလူ့အခွင့်အရေးကော်မရှင် (AHRC) က ရှေ့နေ ဦးမင်းလွင်ဦး ရှင်းပြသွားတာပါ။

နိုင်ငံရေးအကျဉ်းသားဘ၀နဲ့ ၁၅ နှစ် ထောင်ထဲမှာနေခဲ့ရဘူးတဲ့ လူ့ဘောင်သစ်ပါတီ ဒု-ဥက္ကဋ္ဌ ကိုယဉ်ထွေးကိုလည်း ဒီကိစ္စနဲ့ပတ်သက်ပြီး မေးမြန်းခဲ့ပါသေးတယ်။ သူ့ရဲ့ အတွေ့အကြုံတွေကို အခြေခံပြီး အခုလိုရှင်းပြထားပါတယ်။

“အဲလိုထားတယ်ဆိုတာ ၈၈ နောက်ပိုင်းမှာ ထားလေ့ထားထရှိပါတယ်။ ထူးခြားမှုက ထွေထွေထူးထူးတော့ မရှိပါဘူး။ ဒါပေမယ့် သီးခြားနေရတဲ့အခါမှာ တိုက်ထဲမှာနေရတာရှိတယ်၊ ကိုယ့်ဘာသာ နိုင်ငံရေးအကျဉ်းသားတွေပဲ သတ်သတ်ရှိတဲ့ တိုက်ထဲမှာ
နေရတယ်။ ဒါပေမယ့် တိုက်ထဲမှာ အခွင့်အရေး ဘယ်လိုရသလဲဆိုတဲ့အပေါ် မူတည်တယ်။ တိုက်ထဲမှာနေရပြီးတော့ တနေ့မှ နာရီဝက်လောက်ဆင်းရတယ်ဆိုရင် အဲဒီမှာ နေရတာ မကောင်းဘူး။ တနေ့ကို သုံးနာရီ လေးနာရီလောက် ဆင်းရတယ်ဆိုရင်
တော့ တိုက်ထဲမှာနေရတဲ့ဟာက ကောင်းတယ်။

“အဆောင်မှာကျတော့ ရိုးရိုးအကျဉ်းသားတွေနဲ့ အများကြီးစုပြီး နေရတဲ့အခါကျတော့ ထောင်ပုံစံအတိုင်းသွားနေတယ်၊ သွားတဲ့အခါ မိုးလင်းတာနဲ့ ထောင်ဖွင့်မယ်၊ ညနေ ကျရင် ထောင်ပိတ်မယ်။ ဆိုတော့ တနေကုန်တော့ အဆောင်ဝင်းအပြင်မှာ နေလို့ရ တယ်။ နေထိုင်မှုပုံစံမှာ သာမန်အကျဉ်းသားနဲ့ ရောနေတဲ့အတွက် သီးသန့်မဖြစ်သလို အခြေအနေရှိတယ်။ ကျန်းမာရေးအရလည်း ရောဂါတွေဘာတွေ ကူးနိုင်တယ်။ စားရေးသောက်ရေးကတော့ တိုက်ထဲမှာပဲနေနေ၊ အဆောင်မှာပဲနေနေ ဘယ်အကျဉ်းသားနဲ့ပဲနေနေ ပုံစံကတော့ အတူတူပဲ။ ဒါပဲစားရတာပဲ”

သီးသန့်ဆောင်ကနေပြီး ရာဇ၀တ်မှုကျူးလွန်တဲ့လူတွေနဲ့ ရောထားတယ်ဆိုတာ သူတို့ကို ရာဇ၀တ်မှုကျူးလွန်သူအဖြစ် သတ်မှတ်တာပါလား။ အဲဒီအဓိပ္ပာယ် သက်ရောက်သွားလား။

“သီးသန့်ဆောင်ဆိုတာ နိုင်ငံရေးအကျဉ်းသားတွေထားတဲ့ သီးသန့်ဆောင်လို့ ခေါ်တာ မဟုတ်ပါဘူး။ ထောင်မကြီးရဲ့အပြင်ဘက်မှာ ထောင်လေးသေးသေးလေးတခုလို သီးခြားဖြစ်နေတဲ့အတွက် သီးသန့်ထောင်လို့ခေါ်တာ။ ရာဇ၀တ်အကျဉ်းသားတွေနဲ့ အတူတူထားတယ်ဆိုတဲ့နေရာမှာလည်း ၁၉၇၄ ခုနှစ် ဥပဒေအရ အခုနောက်ပိုင်းမှာ သူတို့က နိုင်ငံရေးအကျဉ်းသားမရှိတော့ဘူးဆိုပြီး တလျှောက်လုံး သူတို့ ဒီတိုင်းပဲ စွဲကိုင်ထားတယ်။

“အဲတော့ ထောင်ထဲမှာရောက်နေတဲ့ အကျဉ်းသားတွေဟာ ယေဘုယျ စားရေး သောက်ရေး နေရေး ထိုင်ရေး အားလုံး တပြေးညီပဲ ဖြစ်တယ်ဆိုတာမျိုး သူတို့ပြောတဲ့ အတွက်ကြောင့် ထောင်ထဲမှာတော့ ကျနော်တို့က နိုင်ငံရေးအကျဉ်းသားဆိုပြီး ထူးထူးခြားခြား အခွင့်အရေးပိုရတာ ဘာတခုမှမရှိပါဘူး။ ကိုယ်ကသာ ကိုယ့်ကိုယ်ကို နိုင်ငံ ရေးလှုပ်ရှားမှုကြောင့် နိုင်ငံရေးအကျဉ်းသားလို့ သတ်မှတ်ထားတာ။ အာဏာပိုင်တွေက တလျှောက်လုံး ငြင်းပယ်ထားတာပဲ”

အခုလိုမျိုး ပြောင်းရွှေ့လိုက်တဲ့အတွက် ကျောင်းသားခေါင်းဆောင်တွေအနေနဲ့ ဘယ်လိုထိခိုက်နစ်နာမှုတွေ ရှိပါသလဲ။

“အဓိက စိုးရိမ်စရာအကောင်းဆုံးအချက်ကတော့ ကျန်းမာရေးပါပဲ။ တခြားလူတွေမှာ ရှိတဲ့ရောဂါ သူတို့ကို ကူးစက်လာနိုင်တယ်။ သူတို့ကျန်းမာရေး ချို့ယွင်းလာရင်လည်း ကျန်တဲ့လူတွေလိုပဲ ရောထွေးကုသမှုတွေ ခံရနိုင်တယ်။ ဒါက အဲလိုပဲ ဖြစ်လေ့ဖြစ်ထ ရှိပါတယ်။ နောက် စိတ်ပိုင်းဆိုင်ရာမှာလည်း ထောင်အာဏာပိုင်တွေဆိုတာက သာမန် အကျဉ်းသားတွေအပေါ်မှာ အင်မတန်ကို အနိုင်ကျင့်တယ်။ ကိုယ့်မျက်စိရှေ့မှာ အဲလို အနိုင်ကျင့်စော်ကားတာတွေ ပုံစံမျိုးစုံနဲ့ တွေ့နေရရင် ကိုယ်လည်း စိတ်မချမ်းသာဘူး။ တခါ ကိုယ်က ၀င်ပြီး ပြောမိဆိုမိရင်လည်း ပြဿနာတွေ ထူပြောနိုင်တယ်။ ဒါကြောင့် ဒီ သာမန်အကျဉ်းသားတွေကြားမှာ ထားတာကတော့ ကောင်းဖို့ထက် ဆိုးဖို့က များပါတယ်”

ကိုယဉ်ထွေးတို့ အကျဉ်းကျခံခဲ့တုန်းကရော အခု ကျောင်းသားခေါင်းဆောင်တွေလိုမျိုး ရာဇ၀တ်မှုကျူးလွန်တဲ့လူတွေနဲ့ အတူတူနေခဲ့ရတာ ရှိပါသလား။

“ကျနော့်အနေနဲ့တော့ မရှိခဲ့ပါဘူး။ ကျနော်က တိုက်ထဲမှာချည်းပဲ တလျှောက်လုံး နေခဲ့ ရတော့၊ ထောင်ပြောင်းတော့လည်း တိုက်ထဲမှာပဲနေရတယ်။ အင်းစိန်မှာတုန်းကလည်း တိုက်ထဲမှာပဲနေရတယ်။ ဒါကြောင့် တလျှောက်လုံး ကျနော် နိုင်ငံရေးအကျဉ်းသားတွေ နဲ့ပဲ အတူတူနေရပါတယ်”

နိုင်ငံရေးအကျဉ်းသားဘ၀နဲ့ ၁၅ နှစ်ကြာ ထောင်ထဲမှာနေခဲ့ရတဲ့ လူ့ဘောင်သစ်ပါတီ ဒု-ဥက္ကဋ္ဌ ကိုယဉ်ထွေး ရှင်းပြခဲ့တာ ဖြစ်ပါတယ်။