နအဖ၏ထိုးစစ်ကို ပြောက်ကျားစနစ်ဖြင့် ကေအန်ယူ တွန်းလှန်သွားမည်

NEJ/ ၂၂ ဒီဇင်ဘာ ၂၀၀၇

ကေအန်ယူ ဒေသများအတွင်း နအဖနှင့် ဒီကေဘီအေပူးတွဲပြီး ထိုးစစ်ဆင်နေမှုများအား ခုခံတိုက်ဖျက်သွားကာ ပြည်တွင်းပြည်ပ နှစ်ရပ်စလုံးနှင့်ပူးပေါင်း၍ တွေ့ဆုံဆွေးနွေးရေး တံခါးပွင့်လာစေရန် ကြိုးစားသွားမည်ဟု ကရင်အမျိုးသားအစည်းအရုံး (ကေအန်ယူ)၏ တတိယအကြိမ် ဗဟိုကော်မတီအစည်းအဝေးမှ ဆုံးဖြတ်ချက်ချမှတ်လိုက်သည်။

ယမန်နေ့က ပြီးဆုံးသွားသည့် ဗဟိုကော်မတီအစည်းအဝေးအား ကေအန်ယူအခြေခံဒေသ တနေရာတွင် ယခုလ (၁၇) ရက်မှ စတင်ပြုလုပ်ခဲ့ပြီး KNU ခေါင်းဆောင်များ၊ တပ်မဟာအသီးသီးမှ တပ်မဟာမှူးများ၊ ခရိုင်ဥက္ကဌများနှင့် သက်ဆိုင်ရာတာဝန်ရှိသူများ စုံညီစွာတက်ရောက်ကြသည်။

ကေအန်ယူအထွေထွေအတွင်းရေးမှူး ပဒိုမန်းရှာလားဖန်းက “လက်ရှိနိုင်ငံရေးအခြေအနေကို ပြန်သုံးသပ်တဲ့အခါမှာ ကျနော်တို့ပြည်သူတွေ၊ ရဲဘော်တွေဟာ စိတ်ဓာတ်မကျသွားဘူး။ နအဖရဲ့ထိုးစစ်တွေကို ဆက်ပြီးတော့ တိုက်ပွဲဝင်မယ်။ျနော်တို့အနေနဲ့ ပြည်တွင်းမှာရှိတဲ့ တိုင်းသားလူမျိုးစုတွေ၊ ပြည်သူတွေ၊ ကျန်တဲ့နိုင်ငံရေးပါတီအဖွဲ့အစည်းတွေနဲ့လက်တွဲပြီး ကြိုးပမ်းသွားမယ်လို့ ဆုံးဖြတ်ချက်ရှိပါတယ်” ဟု ပြောသည်။

နအဖစစ်အစိုးရက ဒီကေဘီအေနှင့်ပူးတွဲပြီး အာရှလမ်းမဖောက်လုပ်ရန်အတွက် ကရင်အမျိုးသား အစည်းအရုံး တပ်မဟာ(၆) နယ်မြေအား (၃) လနှင့် အပြုတ်တိုက်မည်ဟု ကြွေးကြော်ထားကြောင်း သိရသည်။

ယင်းကိစ္စနှင့်ပတ်သက်၍ ကရင်အမျိုးသားကာကွယ်ရေးတပ်ဖွဲ့ (KNDO)၏ စစ်ဦးစီးချုပ် ဗိုလ်မှူးချုပ် မန်းကျော်ဖေ က “ဒီနှစ်အောက်တိုဘာလကစပြီး ဒီကေဘီအေနဲ့နအဖ ပူးပေါင်းတပ်ဖွဲ့တွေဟာ တပ်မဟာ (၆) နယ်မြေကို အပြုတ်တိုက်မယ်လို့ ကြုံးဝါးထားတယ်။ ကျနော်တို့ကိုလာတိုက်ဖို့ သူတို့အနေနဲ့ လူသူလက်နက် နယ်မြေအနေအထားကျွမ်းကျင်ဖို့ ဘယ်လိုမှမဖြစ်နိုင်ဘူး။ ကျနော်တို့ဒေသမှာ ဘယ်နေရာမှာ ဘာရှိလဲဆိုတဲ့ အားသာချက်နဲ့ ခံစစ်ရှင်ပြောက်ကျားစနစ်ကို အသုံးပြုပြီး တွန်းလှန်သွားမှာဖြစ်တယ်။ နိုင်ငံရေး ပြဿနာတွေကို နိုင်ငံရေးနည်းနဲ့မဖြေရှင်းဘဲ အပြုတ် တိုက်ရေးလမ်းစဉ်ဆိုတာကိုပဲကိုင်စွဲပြီး ဖြေရှင်းမယ်ဆိုတဲ့နည်းကတော့ ဘယ်လိုမှမဖြစ်နိုင်ဘူး” ဟုပြောသည်။

အစည်းအဝေးတက်ရောက်လာသူ တပ်မဟာ (၁) ဒေသ သထုံခရိုင်ဥက္ကဌ ပဒိုအောင်ရွှေ ကလည်း သထုံခရိုင်အတွင်း နအဖစစ်တပ်၏ လူ့အခွင့်အရေးချိုးဖောက်မှုများကို တင်ပြသည်။

၎င်းက “ပြီးခဲ့တဲ့ နိုဝင်ဘာလကနေစပြီးတော့ နအဖတပ်ရင်း (၇) ရင်း၊ ဗျူဟာ နှစ်ဗျူဟာ ကျနော် တို့ခရိုင်ထဲကိုရောက်နေပြီး ရိက္ခာသယ်ဖို့ လမ်းတွေဖောက်တယ်၊ လမ်းတွေ ပြင်တယ်။ တရွာကို လူ (၃၀) နှုန်းနဲ့ လမ်းတွေဖောက်ခိုင်း မြေတွေသည်ခိုင်းတယ်။ ကိုယ့်စရိတ်ကိုယ်စားပြီး သွားလုပ် ပေးရတယ်။ ကြိုးဝိုင်းရွာ မြစ်ကျိုးရွာနဲ့ အဲဒီအနီးအနားကရွာတွေ အားလုံးသွားပြီးတော့ အလုပ် လုပ်ပေးရတယ်။ အခုအချိန်က စပါးရိတ်သိမ်းချိန်ဆိုတော့ ရွာသားတွေ အတော်ဒုက္ခရောက်ကြတယ်။ အတင်းအဓမ္မခိုင်းတယ်၊ စစ်တပ်က ရိက္ခာတွေ တောင်းတယ်” ဟု ပြောသည်။

သထုံခရိုင်အတွင်း နိုဝင်ဘာလမှစ၍ နအဖစစ်တပ်က စစ်သုံးလမ်းများ ဖောက်လုပ်လျက်ရှိရာ ကျိုက်ကော်မှ ပိန္နဲတော၊ လေးကေ၊ ကျသောင်းဆိပ်ရွာအထိဖြစ်ပြီး တံတားထိုးရမည်ဆိုပါက လိုအပ်သည့် သစ်ဝါးများအား ဒေသခံရွာသားများက ရှာဖွေပေးနေရသည်ဟု ပဒို အောင်ရွှေက ပြောသည်။

KNU ဒေသများအတွင်း ထိုးစစ်ဆင်နေသည့် နအဖတပ်ရင်းပေါင်း (၁၈၇) ရင်း ရှိကြောင်း သိရသည်။