ဂမ်ဘာရီနှင့် ဒေါ်အောင်ဆန်းစုကြည် တွေ့ဆုံ
မြန်မာစံတော်ချိန် ၁၅း၄၀ (သတင်းလွှင့်တင်ချိန်)
ကုလသမဂ္ဂ အထူးကိုယ်စားလှယ် အီဗရာဟင် ဂမ်ဘာရီသည် နေအိမ် အကျယ်ချုပ် ကျခံနေရသော ဒီမိုကရေစီ ခေါင်းဆောင် ဒေါ်အောင်ဆန်း စုကြည်ကို ယနေ့ နေ့လယ်က ရန်ကုန်မြို့တွင် တွေ့ဆုံခဲ့သည်။
မစ္စတာ ဂမ်ဘာရီသည် နိုဘယ်လ် ငြိမ်းချမ်းရေး ဆုရှင်နှင့် မိနစ် ၂ဝ ခန့်ကြာ အစိုးရ ဧည့်ဂေဟာတွင် တွေ့ဆုံခဲ့ခြင်း ဖြစ်သည်။
ကြပ်ပြေး နေပြည်တော်မှ ပြန်လာသော ကုလ ကိုယ်စားလှယ် ခေါင်းဆောင်သော ၃ ဦးပါ အဖွဲ့သည် နအဖ အကြီးအကဲ ဗိုလ်ချုပ်မှူးကြီး သန်းရွှေ နှင့် တွေ့ဆုံအပြီး အပြန်တွင် ဒေါ်စုနှင့် တွေ့ဆုံ ဆွေးနွေးခြင်း ဖြစ်သည်။
ဘန်ကောက်မှာလည်း ဆန္ဒပြ
မြန်မာစံတော်ချိန် ၁၅း၁၀ (သတင်းလွှင့်တင်ချိန်)
ထိုင်းနိုင်ငံ ဘန်ကောက်မြို့တွင် ရွှေ့ပြောင်း အလုပ်သမား ၁ဝဝဝ ခန့်က မြန်မာသံရုံး ရှေ့တွင် ယနေ့ နံနက် ၉နာရီခွဲလောက်က ကန့်ကွက် ဆန္ဒပြခဲ့ကြသည်။
“ဒီမိုကရေစီရရှိရေး၊ ကျောင်းသား ခေါ်ဆောင်များ ပြန်လွတ်ပေးရေးနှင့် ဒေါ်အောင်ဆန်းစုကြည် နှင့် နိုင်ငံရေး အကျဉ်းသားများ ပြန်လွှတ်ပေးရေး၊ သံဃာတော်များကို သတ်သည့် နအဖ စစ်အစိုးရ အလိုမရှိ” စသည့် ကြွေးကျော်သံများ အော်ဟစ် ဆန္ဒပြခဲ့ကြခြင်း ဖြစ်သည်။
လူတိုင်း ခေါင်းဆောင်ပါဟု တပ်ပေါင်းစု ဆရာတော် ဦးဂမ္မီရ ပြော
မြန်မာစံတော်ချိန် ၁၅း၀၀ (သတင်းလွှင့်တင်ချိန်)
ပြည်သူလူထု အနေဖြင့် ကိုယ့်ဘာသာကိုယ် ဦးဆောင် ဆန္ဒပြချိန်တန်ပြီ ဖြစ်ကြောင်း စစ်အစိုးရက အပူတပြင်း လိုက်လံ ရှာဖွေနေသော သံဃာ့ တပ်ပေါင်းစုမှ ဦးဆောင်သူ တဦးဖြစ်သူ ဆရာတော် ဦးဂမ္မီရ က ပြေးလွှားနေရင်းက မဇ္ဈိမ ကို ပြောပြသည်။
“လူထုအနေနဲ့ ခေါင်းဆောင်တွေကို မမျှော်နဲ့တော့၊ ကိုယ့်ကိုကိုယ် ခေါင်းဆောင်အဖြစ် ဖော်ထုတ်ပါ၊ ကိုယ့်ကိုကိုယ် ဗဟိုပြုပါ၊ ကိုယ့်ကိုကိုယ် ဦးဆောင်ဖို့ အရေးကြီးတယ်။ သံဃာတော်တွေက ရှေ့မှာ အများကြီး လုပ်ဆောင်သွားပြီးပြီ။ အဖမ်းဆီး ခံရတာတွေ၊ ထောင်ထဲ ရောက်နေတာတွေ၊ စစ်ကြောရေးမှာ ရောက်နေတာတွေ၊ ပြီးတော့ ပျံလွန်တော်မူ သွားကြပြီးပြီ” ဟု ဆရာတော်က ပြောသည်။
“(ဘုန်းကြီးကျောင်းရှေ့မှာ လက်နက် တကားကားနဲ့၊ ယူနီဖောင်း တကားကားနဲ့၊ အဲသလို လုပ်တာဟာ သူတို့ရုပ်လုံးကို နိုင်ငံတကာပေါ်တယ်။ အာဏာရှင်တောင် မကတော့ဘူး အကြမ်းဖက်သမား အဖြစ် ကမ္ဘာက သိတယ်။” ဟု သူက ထပ်ပြောသည်။
“ကျောင်းအပြင်ဘက်မှာ လုပ်လို့ မရရင်၊ ကျောင်းအတွင်းမှာ လုပ်လို့ရတာ ရှိပါတယ်။”
စင်္ကာပူအမတ်များ မြန်မာစစ်အစိုးရကို ရှုတ်ချ
မြန်မာနိုင်ငံတွင်း စစ်အစိုးရက ဆန္ဒပြသူများကို သတ်ဖြတ်မှုများကို ကန့်ကွက်သောအားဖြင့် စင်္ကာပူ အတိုက်အခံ ပါလီမန်အမတ် ၁၁ ဦးက မြန်မာသံရုံး ရှေ့တွင် ဆန္ဒပြကြသည်။
အနီရောင်စတစ်ကာပါသော အင်္ကျီများ၊ လက်ပတ်များ ဝတ်ဆင်ပြီး Free Burma, Right to protect, Stop Killing စသည့်စာသားများ ဆိုင်းဘုတ်များတွင် ရေးသားထားပြီး ဒေါ်အောင်ဆန်းစုကြည် ဓာတ်ပုံများ ကိုင်ဆောင်ထားသော ဆန္ဒပြကြခြင်း ဖြစ်သည်။
ကယားပြည်နယ်မှာ ဆုတောင်းပွဲများလုပ်
မြန်မာစံတော်ချိန် ၁၄း၁၅ (သတင်းလွှင့်တင်ချိန်)
ကယားပြည်နယ် ဒီမောဆိုနှင့် ဖရူးဆိုး မြို့နယ်များတွင်လည်း ဘာသာအလိုက် စုပေါင်း ဝတ်ပြု ဆုတောင်းပွဲများ လုပ်ကာ မြန်မာနိုင်ငံ အခြားဒေသများတွင် ပြုလုပ်သည့် ဆန္ဒပြသူများနှင့် တသားတည်း ရှိကြောင်း ပြသနေကြသည်ဟု ကရင်နီး တိုင်းရင်းသား အဖွဲ့တခု၏ အပြောအရ သိရသည်။
တချိန်တည်းမှာပင် ယခင်က အခြေအနေများ၌ မရှိခဲ့သော စွမ်းအားရှင်များကို တရွာလျှင် (၂ဝ) ဦးနှင့်အထက် စီဖြင့် ဖွဲ့စည်းရန် မြို့နယ် မဝတရုံးများမှ အမိန့် စာထုတ်ပြန်ထားကြောင်း ကရင်နီ အမျိုးသား လူငယ် အစည်းအရုံး၏ ထုတ်ပြန်ချက်တွင် ဖော်ပြထားသည်။
နအဖကလည်း ကုလ အထူးကိုယ်စားလှယ် မစ္စတာဂမ်ဘာရီ မြန်မာပြည်သို့ လာရောက်ခိုက် မြို့ပြနှင့် အလှမ်းဝေးရာ နယ်များတွင် တန်ပြန်သပိတ်များ ဆင်နွဲရန် စီစဉ်ထားရာ ယနေ့ နံနက်တွင် လွိုင်ကော်မြို့ ကျောက်တိုင်ကွင်းအတွင်း ပြုလုပ်ရန် စီစဉ်ထားသော ညီလာခံ ထောက်ခံပွဲနှင့် ဆန္ဒပြမှုများကို ရှုတ်ချပွဲ အိမ်ခြေ ၅ဝ အထက်ရှိသော ကျေးရွာများသည် လူ ၃ဝ ဦး၊ အိမ်ခြေ ၅ဝ အောက်ရှိသော ကျေးရွာတိုင်းကို လူ ၂၅ ဦး မပျက်မကွက် တက်ရောက်ရန် အမိန့် ထုတ်ထားသည်။
မန္တလေး ဆန္ဒပြဦးမည်
မြန်မာစံတော်ချိန် ၁၄း၀၅ (သတင်းလွှင့်တင်ချိန်)
လုံခြုံရေးများက ဘုန်းကြီးကျောင်းများကို ပိတ်ထားပြီး သံဃာတော်များကို ခရီးစားရိတ် ပေးပြီး နေရပ်ရင်း ပြန်ခိုင်းလိုက်မှု၊ မစ္စတာ ဂမ်ဘာရီ ခရီးစဉ် အခြေအနေ စောင့်ကြည့်မှုများကြောင့် မန္တလေးမြို့အတွင်း သံဃာတော်များ ဆန္ဒပြမှု ကျဆင်းသွားသည်ဟု သိရသည်။
သို့သော် ယနေ့ ညနေတွင် ပြည်သူလူထုက ငြိမ်းချမ်းစွာ ဆန္ဒပြမှု ပြုလုပ်မည်ဟု စုံစမ်းသိရှိရသည်။
လုံခြုံရေးများ ရှိနေသော်လည်း အသင့် အနေအထား မဟုတ်တော့ဘဲ သက်တောင့်သက်သာ ထိုင်နေကြသည်ကိုပင် တွေ့ရသည်။
လမ်းအများလည်း ပြန်လည်ပွင့်သွားပြီး လူအများ ပြန်လည် သွားလာနေကြသည်။
တပ်မ ၉၉ က အောင်မြေသာစံဘက်မှ ဘုန်းကြီးကျောင်းများကို စောင့်ကြည့် ထိန်းထားပြီး တပ်မ ၃၃ က ချမ်းအေးသာဇံနှင့် မဟာအောင်မြေ ဘက်တို့တွင် တပ်စွဲထားသည်။
“နာမည်ရှိတဲ့ လူတွေကို လိုက်ဖမ်းနေတာ၊ စောင့်ကြည့်နေတာတွေ လုပ်နေတာ” ဟု ဒေသခံတဦးက ပြောသည်။
“ဂမ်ဘာရီ ရဲ့ အခြေအနေကို စောင့်ကြည့်နေတာလည်း ပါတယ်” ဟု သူက ပြောသည်။
ရန်ကုန်မှာ ပိတ်ဆို့မှုလုပ်
မြန်မာစံတော်ချိန် ၁၃း၄၀ (သတင်းလွှင့်တင်ချိန်)
ရန်ကုန်မြို့တွင် ဆန္ဒပြရန် တာစူမှုများ လုပ်နေသလို စစ်အစိုးရကလည်း ပိတ်ဆို့မှုများ လိုက်လုပ်လျှက် ရှိရာ ပြည်လမ်းမကြီးပေါ်ရှိ လမ်းစွယ်များ အားလုံးကို ရဲများ၊ လုံထိန်းများက ပိတ်ဆို့ထားပြီး ယာဉ်အသွားအလာ ဖြတ်တောက်ထားသည်။
ရန်ကုန်မြို့တွင် မိုးများလည်း ရွာသွန်းနေသည်။
မဇ္ဈိမ သတင်းဌာန
10 months ago
1 comments:
Thank you for helping. FREE Burma!!!
Bush slammed the UN and the rulers of Myanmar in his UN speech last week. The only country that has any influence over Myanmar is China, and they can't and won't push too hard. There is too much Oil & Gas there that they need.
The UN must do something, but they never use military force to fight.
That is a huge problem.
Illegal drug and ruby fortunes are a BIG part of this too.
absurd thought -
God of the Universe wants
complete narco states
criminals in power
loving the corrupt drug war
absurd thought -
God of the Universe says
shoot peaceful protesters
calling for democracy
which you must never allow
absurd thought -
God of the Universe thinks
keep trying communism
you can never KILL too much
pursuing Utopia...
http://free-burma.org/
http://absurdthoughtsaboutgod.blogspot.com/
:)
.
Post a Comment