ရန်ကုန်ဆန္ဒပြသူအင်အားတိုး
မြန်မာစံတော်ချိန် ၁၅း၃၀ (သတင်းလွှင့်တင်ချိန်)
ရန်ကုန်ဆန္ဒပြသူ အင်အား ၁ သောင်းခန့် ရှိသွားပြီ ဖြစ်သည်။ စစ်တပ် နောက်ခံထားသော လုံထိန်းများက ဒုတ်များနှင့် အတင်းလိုက်ရိုက်၍ ဆန္ဒပြသူများ ကြွေးကျော်သံများ အော်ဟစ်ရင်း ထွက်ပြေးလိုက်၊ ပြန်စုလိုက် ဖြစ်နေသည်။ စစ်တပ်ကတော့ မီတာ ၅ဝ ခန့် အကွာတွင် ဆန္ဒပြသူများနှင့် ဖြိုခွင်းသူများ ခြားလျှက်ရှိနေသည်။ လက်ခုတ်တီးသံများ ဆူညံစွာ ပေါ်ထွက်နေပြီး စစ်တပ်ကလည်း ပစ်ခတ်ရန် အသင့်လုပ်နသည်။
စံပြရုပ်ရှင်ဘက်တွင် ဆန္ဒပြနေသူများကို ပစ်ခတ်မှု ဖြစ်ပွားခဲ့သည်။ ဒဏ်ရာရသူများလည်း ရှိနေပြီး အရေအတွက် မသိရသေးပေ။
မြန်မာစံတော်ချိန် ၁၅း၂၀ (သတင်းလွှင့်တင်ချိန်)
ရန်ကုန် ဆန္ဒပြသူများကို ရိုက်နှက်မှုများ လုပ်နေရာ နေအိမ်ရှေ့တွင် ရပ်ကြည့်နေသူများပါ အရိုက်ခံနေရသည်။
“အခု လောလောဆယ် ဖြစ်နေတာ မဂိုလမ်းရှိ ၂၉ လမ်းမှာရှိတဲ့ ဆံပင်ညပ်ဆိုင်ထဲထိ ဝင်ပြီး ဝင်ဆွဲတာ ဖမ်းတယ်။ ရိုက်နေတယ်။ ဘေးကနေ ကြည့်တဲ့ လူတွေကို ပါဖမ်းပြီး ရိုက်နေတာ။ လမ်းထဲမှာ ဖြစ်နေတဲ့ လူကအစ လုပ်နေတာ။ ကိုယ့်အိမ်မှာ ရပ်နေတဲ့ လူတွေတောင် လိုက်ဖမ်းနေတာ” ဟု မျက်မြင်သက်သေ တဦးက ပြောသည်။
ရန်ကုန်တိုင်းအတွင်း မြို့နယ်များ အခြေအနေ
မြန်မာစံတော်ချိန် နေ့လည် ၁ နာရီ ၄၅ မိနစ် (သတင်းရယူချိန်)
လှိုင်မြို့နယ်
လှိုင်မြို့နယ် ၈ ရပ်ကွက်က ကျောင်းကို ယမန်နေ့ညတုန်းက အာဏာပိုင်တွေက ဝင်ရောက် စီးနင်းရန် ရောက်လာချိန် ရပ်ကွက်သူ၊ ရပ်ကွက်သားများက ညာသံ ပေးလိုက်၍ ပြန်လည် ဆုတ်ခွါသွားခဲ့သည်။
စမ်းချောင်းမြို့နယ်
စမ်းချောင်းမြို့နယ် အန်အယ်ဒီ စည်းရုံးရေး ဥက္ကဌ ဦးသက်ဝေကို အာဏာပိုင်များက ယမန်နေ့ညက ဖမ်းဆီးသွားသည်။
လှည်းကူး
လှည်းကူးမြို့တွင် ယနေ့နံနက်တွင် နံပါတ် ဖျက်ထားသည့် ဒိုင်နာကား ၆ စီးနှင့် အရပ်ဝတ်လူများ ရန်ကုန် မြို့ထဲသွား။
ကြည့်မြင်တိုင်
ကြည့်မြင်တိုင် စံပြဆေးရုံတွင် သေနတ်ဒဏ်ရာ ရထားသူ ၂ ဦးနှင့် သေဆုံးကလေးငယ် တဦးရှိရာ ကလေးငယ်၏ ရုပ်အလောင်းကို မိဘက တောင်းသော်လည်း ခဝတ ဥက္ကဌ လက်မှတ်ပါမှ ပြန်ပေးမည်ဟု ဆေးရုံက ပြောသည်။
မြန်မာစံတော်ချိန် ၁၅း၀၀ (သတင်းလွှင့်တင်ချိန်)
မန္တလေးတိုင်း အမျိုးသား ဒီမိုကရေစီ အဖွဲ့ချုပ် ဦးကိုကြီး အိမ်ကို ထောက်လှမ်းရေးများက ဝိုင်းထားသည်။
ရန်ကုန်လုံခြုံရေး
မြန်မာစံတော်ချိန် ၁၄း၄၅ (သတင်းလွှင့်တင်ချိန်)
ရန်ကုန်မြို့ ဆန္ဒပြသူ နှစ်ထောင်ကျော်သည် ယခုအခါတွင် မဂိုလမ်းတွင် ရောက်ရှိနေပြီး “ပြည်သူ့ဆန္ဒ အောင်ရမည်။” ကြွေးကျော်သံများ အော်ဟစ်ကာ ဆန္ဒပြလျှက် ရှိပြီး စစ်တပ်က လိုက်လံ ဝိုင်းဖမ်းနေသည်။
အခြေအနေ ကတော့ လိုက်ဖမ်းလိုက်၊ ထွက်ပြေးလိုက်၊ ပြန်စုလိုက် ဖြစ်နေသည်။
“မပစ်သေးဘူး၊ ဖမ်းတယ်။ ဝိုင်းတယ်။ ထွက်ပြေးတယ်။ အဲဒီ အဖွဲ့က အခု သိမ်ကြီးဈေးဘက်မှာ စုတယ်။ စုပြီး ဆန္ဒပြတယ်၊ ကြွေးကျော်သံတွေ ကျော်နေတယ်။ တပ်က ဘေးက ပတ်ပတ်လည် ဝိုင်းထားတယ်။ အင်အား ၁ ထောင်ကျော် ရှိတယ်။ ဒါပေမဲ့ ရပ်ကြည့်တဲ့ အင်အားက အများကြီးပဲ။” ဟု မျက်မြင်သက်သေ တဦးက မဇ္ဈိမ သို့ ပြောသည်။
ရေနံချောင်း ဆန္ဒပြ
(မြန်မာ စံတော်ချိန် ၂းဝဝ)
မကွေးတိုင်း ရေနံချောင်း မြို့နယ်တွင် သံဃာတော်နှင့် လူထု တသောင်းကျော်က မေတ္တာသုတ်ရွတ် ကြွေးကျော်သံများ တိုင်ကာ လမ်းလျှောက် ဆန္ဒပြသည်။
ရေနံချောင်း မြို့နယ် သံဃာတော် အပါး ၁၅ဝ ခန့်နှင့် တသောင်းကျော် ရှိသော ပြည်သူလူထုများက မြစောညီနောင် ဘုရား၌ ယနေ့ ၁နာရီခန့်လောက်က စတင် ဆန္ဒပြကြခြင်း ဖြစ်သည်။
“အရင်နေ့တွေ မဝတ ရုံးဘက်ကို တက်လေ အခုတော့ မတက်ဘူးတဲ့။ ရွှေဂုံတိုင်ကနေ ဗိုလ်ချုပ်လမ်းအတိုင်း ပြန်ဆင်းလာမယ်လို့ ပြောတယ်။” ဟု ဒေသခံ တဦးက ပြောသည်။
ပြည်သူများက “ကုန်ဈေးနှုန်းများ ကျဆင်းရေး၊ တွေ့ဆုံ ဆွေးနွေးရေး၊ နိုင်ငံရေး အကျဉ်းသားများ လွတ်မြောက်ရေး” စသည့် ကြွေးကျော်သံများ အော်ဟစ် သွားကြသည်။
မြန်မာစံတော်ချိန် ၁၄း၀၀ (သတင်းလွှင့်တင်ချိန်)
ရန်ကုန်မြို့ လမ်း ၄ဝ အနီးတွင် လမ်းသွားလမ်းလာများကို ရှာဖွေ စစ်ဆေးရေးများ လုပ်လျှက် ရှိသည်။
မိုးကုတ်ဆန္ဒပြ
(မြန်မာစံတော်ချိန် ၁၂း၅ဝ)
ဆန္ဒပြမှု အကြီးအကျယ် အစောပိုင်းက ပြုလုပ်ခဲ့သော မိုးကုတ်မြို့တွင် ယနေ့တွင် စစ်ကားနှင့်ရဲ ပူးပေါင်းထားသော ထရပ်ကား ၁၁ စီးက မြို့လယ် လမ်းမများပေါ်တွင် လှည့်ပတ်နေသည်။ ယခင် တပ်စွဲထားသော စစ်တပ် မဟုတ်ဘဲ တပ်အသစ်များ ချထားခဲ့ခြင်း ဖြစ်ပြီး ရဲများလည်း တိုးချထားသည်။
ယမန်နေ့က မိုးကုတ်မြို့တွင် သံဃာတော်များနှင့် ပြည်သူလူထု ၈ ထောင်ကျော်က လမ်းလျှောက် ဆန္ဒပြခြင်း ပြုလုပ်ခဲ့ကြသည်။
မိုးကုတ် ဖောင်တော်ဦးကျောင်းမှ နေ့လည် ၂ နာရီခွဲခန့်တွင် ထွက်ပြီး မြို့တွင်း လှည့်လည်ကာ “လူအချင်းချင်း နှိပ်စက်ခြင်း ကင်းဝေးကြပါစေ။” “မေတ္တာစွမ်း ကမ္ဘာလွှမ်း ငြိမ်းအေးကြပါစေ။” “ပြည်သူဆန္ဒ ပြည့်ဝပါစေ” ရွတ်ဆိုကာ လမ်းလျှောက် ဆန္ဒပြခဲ့ကြခြင်း ဖြစ်သည်။
ဖောင်တော်ဦး၊ ရုပ်ရှင်ရုံလမ်း၊ အောင်ချမ်းသာလမ်း၊ ရွှေဂုံသာ၊ ပိတ်စွယ်၊ အောင်ချမ်းသာတို့သို့ လှည့်လည်ခဲ့ကြသည်။
အောင်ချမ်းသာ ကျောင်းရှေ့တွင် လုံခြုံရေးများနှင့် ထိပ်တိုက် ရင်ဆိုင်မှု ဖြစ်ပွားခါနီး အခြေအနေ ရောက်ရှိခဲ့သော်လည်း ဆန္ဒပြသူများက ရှောင်ကွင်းကာ လူစုခွဲခဲ့သည်။
မြန်မာစံတော်ချိန် ၁၃း၃၅ (သတင်းလွှင့်တင်ချိန်)
တပ်မဟာ ၆၆ မှ တပ်သားများ၊ လုံထိန်းများ၊ ရဲအပါအဝင် လုံခြုံရေး အင်အား ၅ဝဝ ခန့် ဆူးလေတွင် တပ်စွဲထားသည်။
နံပါတ်ဖြုတ်ထားသော ဒိုင်နာကား အစီး ၂ဝ ခန့်ကိုလည်း ရပ်ထားရာ ဆန္ဒပြသူများကို ဖမ်းဆီး တင်ဆောင်ရန် ကြိုတင် ပြင်ဆင်မှုဟု ဆိုသည်။
လည်စီးအနီပတ် ရဲများလည်း ကိုက် ၁ဝဝ ခန့် အကွာတိုင်းတွင်ရှိနေသည်။
“သူတို့က အေးဆေးတဲ့ ပုံစံရှိတယ်။ လက်နက်တော့ အပြည့်ဘဲ ထိုင်နေတဲ့ သူကထိုင် ရပ်နေတဲ့ လူက ရပ်နေကြတာပေါ့နော်။ မနေ့က အခြေအနေကို ကြည့်ပြီး ဒီနေ့ သိပ်ပြီး မရှိတဲ့ ပုံစံရှိတယ်ဗျာ” ဟု အကဲခတ် လေ့လာနေသူ တဦးက ပြောသည်။
ရွှေတိဂုံဘုရား အရှေ့ဘက်မုဉ်တွင် လုံခြုံရေးအယောက် ၂ဝ ခန့် ရှိသည်။ ပစ်ခတ်၍ သေကြေမှု ဖြစ်ပွားခဲ့ပြီး သင်္ကန်းကျွန်း၊ တောင်ဥက္ကလာ မြို့နယ်များမှ ရန်ကုန်မြို့တွင်းသို့လာရာ လမ်းမကြီးတခု ဖြစ်သော တာမွေ ကျိုက္ကဆံလမ်းကိုတော့ ပိတ်ထားလိုက်သည်။
ရန်ကုန်မြို့ထဲတွင် လူအသွားအလာ ပုံမှန်နီးပါး အခြေအနေ ဖြစ်သည်။
မုံရွာဆန္ဒပြပွဲကို အကြမ်းဖက်ဖြိုခွဲဖို့ ပြင်ဆင်နေ
မြန်မာစံတော်ချိန် နေ့လည် ၁၂ နာရီ (သတင်းရယူချိန်)
စစ်ကိုင်းတိုင်း မုံရွာမြို့တွင် လူထု လှုပ်ရှားမှုများ ထပ်မံ ဖြစ်ပွားလာပါက အကြမ်းဖက် ဖြိုခွဲရန်အတွက် အာဏာပိုင်များက တရပ်ကွက်လျှင် ၁ဝ ခန့်ကို ငွေကြေးပေး၍ ရုံးကြီးရပ်ကွက်တွင် တည်ရှိသည့် မြို့တော်ခန်းမ (မြို့နယ် ရဲစခန်းနှင့် ကပ်ရက်) သို့ ညအိပ်ခိုင်းကာ အင်အား စုဆောင်း နေသည်။
ဒေသခံတဦးက … “ရပ်ကွက်ကနေ မီးသတ်ကနေဆိုရင် ၃ ယောက်၊ စွမ်းအားရှင်က ၃ ယောက်၊ ကြံ့ဖွံ့ ၃ ယောက် မပို့မနေရ ပို့ရတယ်တဲ့။ တယောက်ကို ၁၅ဝဝ ပေးပြီး ခေါ်တာတဲ့။ ဘာလုပ်ရလဲဆိုတော့ ဘာမှတော့ မလုပ်ရဘူး။ မြို့တော်ခန်းမထဲမှာ ညဆို သွားအိပ်နေပြီး မနက်ဆိုရင် ပြန်လာရတာပဲတဲ့။ ဘာမှတော့ မပြောသေးဘူးလေ သူတို့ကို။ လောလောဆယ်တော့ အရန်သင့် ပြင်ထား၊ အဆင်သင့် လုပ်ထားပြီး တခုခုဖြစ်တဲ့အခါ ထချခိုင်းလိမ့်မယ်လို့ သုံးသပ်ကြတယ်ဗျ။
တချို့ ရပ်ကွက် လူကြီးတွေကလည်း စိတ်ညစ်နေတယ်လေ။ ပေးတဲ့ ပိုက်ဆံကလည်း ရပ်ကွက်က ပေးရတာဆိုတော့။ သူတို့လည်း အတော်ဒုက္ခရောက်တယ်။ ရန်ပုံငွေက အရင်တုန်းကပေါ့ဗျာ ရေကြီးတော့ ရေဘေးဒုက္ခအတွက် ဆိုပြီး ကောက်ထားတာ။ တအိမ်ကို ၅ဝဝ ဆိုရင် ၅ဝဝ ထည့်ထားတဲ့ ငွေတွေပေါ့။ လူခေါ်တာကတော့ ၃ ရက်လောက်ပဲ ရှိပါသေးတယ်။ ထမင်းလည်း ကျွေးထားတယ်။ အိပ်ယာလိပ်တွေ ယူစရာ မလိုဘူးဗျ။ သွားတဲ့ သူတွေကလည်းဗျာ အရပ်သမားတွေ များပါတယ်။ နည်းနည်း သက်ဆိုးမရှည်တဲ့ သူတွေ များတယ်။
ပြီးတော့ မြို့တော်ခန်းမမှာပဲ ညတိုင်းကိုလေ ရယက ဥက္ကဌတွေကို အစည်းအဝေး ခေါ်တယ်ဗျ။ ရယက ဥက္ကဌတွေ၊ စာရေးတွေ သွားရတယ်။ မသွားရင် လစာ ဖြတ်မယ်တဲ့။ တယောက်ကို လစာ ဘယ်လောက် ပေးထားတယ် ဆိုတာတော့ မသိဘူးဗျ။ တပတ်လောက် ရှိပြီ။ ဗိုလ်မှူးကြီး မြင့်နိုင်တဲ့ဗျ၊ တပ်ရင်း ၅ဝ ချင်းပြည်နယ်ဘက်က ကန့်ဂေါတပ်ပါ” ဟု ပြောသည်။ (မုံရွာမြို့တွင် ရပ်ကွက်ပေါင်း ၃ဝ နီးပါး ရှိသည်ဟု သိရသည်။)
စစ်တပ်၏ ကျိုက္ကဆံလမ်း လူသတ်မှု
မြန်မာစံတော်ချိန် ၁၂း၀၀ (သတင်းလွှင့်တင်ချိန်)
သတင်းဌာနများတွင် မပါဝင်သွား၍ ပြည်တွင်းမှ ပေးပို့လာသော “စက်တင်ဘာလ ၂၇ ရက်နေ့ လူသတ်မှု” ဟူသော စာတစောင်တွင် ကျိုက္ကဆံလမ်း အထက ၃ ကျောင်းအနီးတွင် ထိုနေ့ ညနေ ၃ာနရီခန့်က ဆန္ဒပြသူများ အသတ်ခံလိုက်ရသည်။ ဆန္ဒပြသူများက မြောက်ဘက်သို့ ချီတက်သွားရာ ဆူပါဝမ်း ဆူပါမားကက် အနီးတွင် စစ်တပ်က လမ်းဆုံကို ပိတ်ဆို့လိက်သည်။ ဆန္ဒပြသူများက တောင်ဘက်သို့ ပြန်လှည့်ရာ စစ်တပ်က တာမွေ လမ်းဆုံတွင် ပိတ်ဆို့လိုက်သည်။ နှစ်ဖက်ညှပ် ပိတ်ဆို့ ပြီးနောက် အရှေ့ဆုံးမှ အလံကိုင် သုံးယောက်ကို ပစ်သတ် လိုက်တော့သည်။ ထို့နောက် လမ်းနှစ်ဖက်တွင် ကြည့်ရှုနေကြသော လူအုပ်ကြီးထဲသို့ ပစ်ထဲ့လိုက်ပြန်ရာ လူများစွာ သေဆုံးကြရပြန်သည်ဟု ပါရှိသည်။
မဇ္ဈိမ
0 comments:
Post a Comment