◄ ငြိမ်းချမ်းရေးဆွေးနွေးပွဲ ►

◄ ငြိမ်းချမ်းရေးဆွေးနွေးပွဲ ►

ကျည်ကာကားကြီး စီးပြီးမှတော့
အလောင်းတွေထ လက်ခုပ်တီးမှာ
ဘာကြောက်နေဦးမလဲ။
အနီရောင်စားပွဲခင်း၊ အနီရောင်လက်သုတ်ပုဝါ အစ
အနီရောင်ကတ္တီပါကောဇော၊ အနီရောင်ကတ္တီပါထိုင်ခုံ အလယ်
အနီရောင် ဆော့စ်ချဉ် အဆုံး ဘာမှ မသုံးနဲ့။
အိတ်ကပ်ထဲ မင်နီဘောပင်တစ်ချောင်းထောင်ထည့်လာရင်တောင်
အထဲမ၀င်ခင် လွှင့်ပစ်ခဲ့
သွေးညှီနံ့တွေ ထောင်းထောင်းထမယ်။
လက်မှတ်တွေထိုးကြ၊
ပြီးရင် စာရွက်ပေါ်မှာ နေရာလွတ်တွေ အများကြီးကျန်ဦးမှာ အသေအချာ
ဇွန်လနဲ့မသက်ဆိုင်တဲ့ကလေးလေးတွေကိုယ်စား
ဝလုံးတွေ တစ်ဝကြီးရေးခဲ့စမ်းပါ။
ကမ္ဘာမြေကြီးမှာ အပေးအယူရှိလား
လူတွေကို အောက်ထဲမြုပ်မှ
သယံဇာတတွေ ပြန်အန်ထုတ်ပေးမှာ
မြေပေါ်မြေအောက်အလဲအထပ်ပွဲမှာ ဘယ်သူရှုံးလဲ၊ ဘယ်သူမြတ်လဲ။
စားပွဲအောက်က သူချိန်ကိုယ်ချိန်ပြောင်းဝများ ခွပ်ခနဲ ထိခတ်မိတော့
ခွက်ချင်းတိုက်သံနဲ့ ရောချလိုက်ကြ၊
ကတိလေးတစ်လုံးအတွက် အဲယားကွန်းခန်းထဲ
ချွေးတွေ ဘူးသီးလုံးလောက်ကျပြ
ငှက်ဖျားပိုးဦးနှောက်ထဲဝင်တော့မလို လူနာများ
အခုမှ လှမ်းမြင်ကြ၊
သူ့ကိုယ်ပိုင်ဝတ်စုံနဲ့ ကိုယ့်ကိုယ်ပိုင်ဝတ်စုံများ လဲဝတ်ကြ၊
ပြီးတာနဲ့ သူဖြဲကိုယ်ဖြဲ အမြန်ဆွဲဖြဲပြီး
ပတ်တီးစတွေအဖြစ် စည်းပေးလိုက်ကြ၊
လက်ဆွဲနှုတ်ဆက်နေတဲ့ လက်နှစ်ဖက်ကြား
လက်ပစ်ဗုံးတစ်လုံးလောက် စနက်တံဆွဲဖြုတ်ပြီး
ဖိခိုင်းထားလိုက်ချင်တယ်။
ဒါမှ လက်တွဲမဖြုတ်ရဲတော့မှာ၊ ဘယ်သူမှ၊ ဘယ်တော့မှ။

ဟိန်း

1.6.13