Friday, February 22, 2013

Schizophrenia


ပထမကမ္ဘာစစ်ရဲ့ စစ်ကျန်တပ်သားလေးဟာ
ပထမကမ္ဘာစစ်ရဲ့ စစ်ကျန်ကျည်ဆံကြောင့်
ဒုတိယကမ္ဘာစစ်ထဲမှာ ရှောသွားတယ်။

တတိယကမ္ဘာစစ်မှာတော့
ပထမကမ္ဘာစစ်က စစ်သားတွေလည်း တစ်ယောက်မှ မရှိတော့ဘူး
ပထမကမ္ဘာစစ်က လက်နက်တွေလည်း တစ်ခုမှ မရှိတော့ဘူး
ပထမကမ္ဘာစစ်က အမုန်းတွေပဲ သီးသန့်ကျန်တော့တယ်....

သူု့တမျိုးတည်း နေလို့မရတဲ့ အမုန်းဟာ ရန်သူရှာတော့တာပဲ၊

နောက်ဆုံးတော့ မှန်ထဲမှာ သူ့ကိုယ်သူ ပြန်မြင်သွားခဲ့တယ်လေ
ကျမ်းစာတွေထဲက ဝါကျတွေဟာ တစ်ခုနဲ့တစ်ခု ဒဿနနဲ့ ပစ်သတ်တော့တာပဲ
ကမ္ဘာဟာ ဘုရားမှိုင်းနဲ့ တအားမိုင်းခွဲခံလိုက်ရတယ်။  ။

သုအိုင်စံ
၂၁-၀၂-၁၃

0 comments: