၁၅ ရက် သြဂုတ်လ ၂၀၁၂ ခုနှစ်

တရုတ်နိုင်ငံ မြောက်ကိုရီးယားနဲ့ ကုန်သွယ်ရေး တိုးမြှင့်မည်

မြောက်ကိုရီးယားနိုင်ငံရဲ့ အဓိက မဟာမိတ်ဖြစ်တဲ့ တရုတ်နိုင်ငံကို မြောက်ကိုးရီးယားကာကွယ်ရေး NDC ကော်မရှင်ရဲ့ ဒုဥက္ကဌ Jang Sung Taek သွားရောက်ပြီး နှစ်နိုင်ငံ စီးပွားရေး ပူးပေါင်းဆောင်ရွက်မယ့် ကိစ္စရပ်တွေကို ဆွေးနွေးမှာဖြစ်ပါတယ်။ ဂျမ်ဆောင်သိုက်ဟာ လက်ရှိမြောက်ကိုရီးယားခေါင်းဆောင် ကင်ဂျုံအွမ်ရဲ့ ဦးလေး တော်စပ်သူဖြစ်ပြီး မြောက်ကိုးရီးယား နိုင်ငံရဲ့ စီးပွားရေးဆိုင်ရာ ကိစ္စရပ်တွေကို ဦးဆောင်နေသူပါ။

သူဟာ ဒီကနေ့ တရုတ်နိုင်ငံကို သွားရောက်မှာဖြစ်ပြီး နှစ်နိုင်ငံကြား စီးပွားရေး အထူးဇုံတွေနဲ့ ပူးတွဲ လုပ်ဆောင်ဖို့ တရုတ်နိုင်ငံရဲ့ အကြီးတန်း အရာရှိတွေနဲ့ ဆွေးနွေးဖို့ရှိတယ်လို့ မြောက်ကိုးရီးယား အစိုးရသတင်းမှာ ဖော်ပြပါတယ်။ ကင်ကျုံအွမ်းဟာ မနှစ်က နှစ်ကုန်ပိုင်း သူ့ဖခင်ဆုံးသွားပြီးတဲ့နောက် ဖခင်ရဲ့ အရိုက်အရာဆက်ခံခဲ့ချိန်ကစပြီး မြောက်ကိုရီးယားနိုင်ငံရဲ့ စီးပွားရေးတိုးတက်လာစေဖို့ ငယ်ရွယ်တဲ့ စီးပွားရေးပညာရှင်တွေကို ရာထူးကြီးတွေပေးပြီး လုပ်ဆောင်စေခဲ့တာပါ။ ကိုရီးယားကျွန်းဆွယ်မြောက်ပိုင်းက ရာဆန် နဲ့ ယာလာမြစ်ထဲက ဟွမ်ဂါပြုံ ကျွန်းဆွယ်တွေမှာ တရုတ်နဲ့ မြောက်ကိုးရီးယား နှစ်နိုင်ငံ ပူးတွဲပြီး အထူးစီးပွားရေးဇုံတွေနဲ့ ဖွံ့ဖြိုးလာအောင် လုပ်ဆောင်နေကြတာဖြစ်ပါတယ်။



ကချင်ပြည်နယ် စုံစမ်းတွေ့ရှိမှု လူ့အခွင့်အရေးကော်မရှင် ထုတ်ပြန်

မြန်မာနိုင်ငံ အမျိုးသားလူ့အခွင့်အရေး ကော်မရှင်က ကချင်ပြည်နယ်အတွင်းမှာ သွားရောက် လေ့လာ တွေ့ရှိချက်တွေနဲ့ ပတ်သက်လို့ သြဂုတ်လ ၁၄ ရက်နေ့ မှာ ကြေညာချက် ထုတ်ပြန်ပြီးတော့ အကြံပြုချက်တချို့လည်း ထည့်သွင်း ဖော်ပြထားပါတယ်။ ဒါပေမယ့်  ကချင် လွှတ်မြောက်ရေးအဖွဲ့ ကေအိုင်အို ကတော့ ဒီအဖွဲ့ဟာ အစိုးရက ခန့်ထားတဲ့အဖွဲ့ဖြစ်တဲ့အတွက် အဖြစ်မှန်တွေကို သမာသမတ် ကျကျ ထုတ်ဖော်ပြောဆိုခြင်း မရှိဘူးလို့ ထောက်ပြ ဝေဖန်လိုက်ပါတယ်။ အပြည့်အစုံကိုတော့ ဘန်ကောက်ရုံးကနေ ဆက်သွယ် စုံစမ်းထားတဲ့ ကိုဇော်ဝင်းလှိုင်က ပြောပြပါမယ်ရှင်။

ဟုတ်ကဲ့ပါ။ မြန်မာနိုင်ငံ အမျိုးသားလူ့အခွင့်အရေးကော်မရှင်က အတွင်းရေးမှူး ဦးစစ်မြိုင် ဦးဆောင်တဲ့ ကိုယ်စားလှယ်အဖွဲ့ဝင် ၂ ဦး ဇူလိုင်လ ၂၃ ရက်ကနေ ၂၇ ရက်နေ့အထိ ကချင်ပြည်နယ် မြစ်ကြီးနားမြို့နဲ့ ၀ိုင်းမော်မြို့တို့မှာ ရှိတဲ့ ဒုက္ခသည်စခန်းတွေကို သွားရောက်လေ့လာခဲ့ပြီးတော့ သြဂုတ်လ ၁၄ ရက်စွဲနဲ့ ကြေညာချက် ထုတ်ပြန်လိုက်တာပါ။ သူတို့အနေနဲ့ အဲဒီမှာ ရှိနေတဲ့ ဒုက္ခသည်တွေရဲ့စားဝတ်နေရေး အခြေအနေတွေနဲ့ လူ့အခွင့်အရေး ချိုးဖောက်မှုတွေနဲ့ ဆိုင်တဲ့ တိုင်ကြားချက်တွေကို ကာယကံရှင်တွေနဲ့ တွေ့ဆုံ မေးမြန်းခဲ့တယ်လို့ကော်မရှင် အတွင်းရေးမှူး ဦးစစ်မြိုင်က ဗွီအိုအေကို ပြောပြပါတယ်။ သူတို့အနေနဲ့ အစိုးရဖက်ကရော၊ ကေအိုင်အိုဖက်ကပါ  နှစ်ဘက်စလုံးက လူ့အခွင့်အရေး ချိုးဖောက်မှုတွေ ရှိတယ်ဆိုတာကို စုံစမ်း တွေ့ရှိခဲ့တယ်လို့ ပြောပါတယ်။

“ကျွန်တော်ပြောချင်တာကတော့ ဒီလက်နက်ကိုင် ပဋိပက္ခ ဖြစ်တဲ့နေရာတွေဟာကမ္ဘာ ရဲ့ မည်သည့်နိုင်ငံ မည်သည့်နေရာမှာမဆို လက်နတ်ကိုင် ပဋိပက္ခဖြစ်တဲ့နေရာတွေမှာကတော့ လူ့အခွင့်အရေး ချိုးဖောက်ခံရမူတွေ ရှိတယ်လို့ ကျွန်တော်တို့ရဲ့ လေ့လာမှုတွေအရ သိရပါတယ်။ ထိုနည်းအတူပဲ ကချင်ပြည်နယ်အတွင်းဖြစ်တဲ့ လက်နက်ကိုင် ပဋိပက္ခမှာလည်း ကျေးရွာလူထုအပေါ်မှာ လူ့အခွင့်အရေး ချိုးဖောက်မူတွေရှိတယ် ဆိုတာ ကျွန်တော်တို့ ဒီတခေါက် သက်သေတွေ စစ်ဆေး ထွက်ဆိုချက် အရသိရပါတယ်။ ဒါ နှစ်ဘက်လုံးပါပဲ။ အတင်းအဓမ္မ ခေါ်ဆောင်ခြင်း၊ ပေါ်တာခေါ်ခြင်း နောက် အနိုင်ကျင့်ခြင်း၊ညှင်းပမ်း နှိပ်စက်ခြင်း ဆိုတဲ့ ဒီလိုအချက်အလက်တွေကို ကျွန်တော်တို့ တွေ့ရှိခဲ့ပါတယ်။ ဒါ့ကြောင့် ကျွန်တော်တို့ ဒီမှာဖော်ပြပြီးတော့ပန်ကြားခြင်း ဖြစ်ပါတယ်။”

ဒါပေမယ့် ကော်မရှင်ရဲ့ ဒီထုတ်ပြန်ချက်ဟာ များသောအားဖြင့် အဖြစ်မှန်တွေနဲ့ ကွာဟနေပြီး အကြံပြုချက်၊ တင်ပြချက်တွေဟာလည်း အစိုးရဖက်က လိုက်ပြောပေးသလိုဖြစ်နေတယ်လို့ ကေအိုင်အို ကချင်လွှတ်မြောက်ရေး အဖွဲ့ရဲ့ပြောခွင့်ရပုဂ္ဂိုလ် ဦးလာနန်က ထောက်ပြ ပြောဆိုပါတယ်။

“သူတို့ကတော့ ဒီတပ်ကနေ ဖွဲ့စည်းထားတဲ့ ကော်မရှင် အဖွဲ့ ဆိုတော့ အစိုးရအကြိုက်ပဲ သူပြောတယ်ဆိုတာ သိသာပါတယ်။ ကြားကနေ နေဆိုပြီး သူ ပြောဖို့ ကတော့ မမြင်ဘူးလေ။ ပြီးတော့ သူ အဲ့ဒီ့မှာ ပြောသွားတဲ့ ထုတ်ပြန်ချက်မှာလည်း ကြည့်တဲ့အခါမှာ အစိုးရဘက်က လုပ်ဆောင်မူတွေ အားလုံးကို အကောင်းအနေနဲ့ပဲ ဖော်ပြထားတာတွေ့ရတယ်။ ဒုက္ခသည်စခန်းကနေ ဖမ်းဆီးခံရတဲ့ ပုဂ္ဂိုလ်တွေလည်းရှိတယ်။ ရွာတွေကနေ အိမ်ထဲမှာ လာပြီးတော့ ဆွဲသွားတဲ့ ဖမ်းသွားတဲ့ သူတွေလည်းရှိတယ်။ သူတို့ကို ဖမ်းသွားတဲ့အခါမှာလည်း ဥပဒေအရ လုပ်ပါတယ်ဆိုတဲ့ အနေနဲ့  သူကလက်ခံတဲ့သဘော တွေ့ရတယ်။ တကယ်ပဲ၂၄နာရီထက် ကျော်ပြီး ဖမ်းဆီးထားခွင့်ရှိတယ် မရှိဘူး ဆိုတဲ့ကိစ္စကိုတော့ မဖော်ပြဘဲနဲ့ မသင်္ကာတဲ့ ပုဂ္ဂိုလ်တစ်ယောက်ကို တစ်လကျော်ကျော် နှစ်လကျော်ကျော် ဖမ်းဆီးနှိပ်စက်တာမျိုး လုပ်တာတွေကို ဖော်ပြထားတာမျိုး မတွေ့ရဘူး။ လုပ်တဲ့လုပ်ငန်းတွေ အားလုံးဟာ သူ့ရဲ့ တည်ဆဲ ဥပဒေနဲ့ လုပ်တဲ့ကိစ္စဖြစ်တဲ့ အတွက်ကြောင့် လက်ခံတယ်ဆိုတဲ့ အနေနဲ့ ဖော်ပြထားတာ တွေ့ရတယ်။”

ဒီလို ဝေဖန် ပြောဆိုမှုတွေဟာ တယောက်နဲ့တယောက် အယူအဆချင်း၊ ခံယူချက်ခြင်း မတူတဲ့ အတွက် အခုလို ပြောဆိုတာမျိုး ဖြစ်မယ်လို့ ဦးစစ်မြိုင်က ပြောပါတယ်။

“မဟုတ်ဘူး။ အဲ့တာကတော့လေ သူတို့ခံစားတတ်တာလည်း ဆိုင်ပါလိမ့်မယ်။ တချို့ ကလည်း ခပ်ပြင်းပြင်းရှရှလေးကို ခံစားလိုက်ရမှ ခံတွင်းတွေ့တာရှိပါတယ်။ တချို့လည်း ပျော့ပျော့ပြောင်းပြောင်း ငြင်ငြင်သာသာမျိုးကို ခံစားရတာမျိုးကို နှစ်သက်တာမျိုးလည်း ရှိပါတယ်။ အဲ့တော့ ကျွန်တော်တို့ ရခိုင်သွားတဲ့ ခရီးစဉ်မှာရော အခုရော ကျွန်တော်တို့ နှစ်ဘက်စလုံးကို မျှပြောပါတယ်။ မျှပြောတယ်ဆိုတာ တကယ်လည်း ပြောစရာ အကြောင်းတွေ ရှိလို့ ကျွန်တော်တို့ ပြောပါတယ်။ ဒါပေမယ့်လို့ ဘာတွေဖြစ်တယ် ဆိုတာကတော့ ဖော်ပြဖို့ မသင့်ဘူး။ ဒီလို ဆိုပါတော့ နှစ်ဘက်ဘာတွေ ဖြစ်ခဲ့လည်းဆိုတာ ဖော်ပြလိုက်မယ် ဆိုလို့ရှိရင် နှစ်ဘက်ကို သွေးထိုးသလိုဖြစ်ပြီးတော့ ပြည်သူလူထုရဲ့ စိုးရိမ်မူတွေ ပိုပြီးတော့ ကြီးထွားစေမယ်လို့ ယုံကြည်ပါတယ်။ ဒါကြောင့် ကျနော်တို့ ပြောသင့် သလောက်ပဲပြောပြီးတော့ နှစ်ဘက်ကို ချပြီးတော့ မျှပြောပြီးတော့ ကျွန်တော်တို့ တိုက်တွန်းတဲ့သဘောပဲ တင်ပြခြင်း ဖြစ်ပါတယ်ဗျာ”

သူတို့အနေနဲ့ လုံခြုံရေးအရ စိတ်ချရမှု မရှိတဲ့ နယ်ခြားဒေသတွေကိုတော့ မသွားနိုင်ခဲ့ဘူး ဆိုတဲ့ အချက်ကိုတော့ ဦးစစ်မြိုင်က ၀န်ခံ ပြောဆိုပါတယ်။

“ကျွန်တော်တို့က သွားတော့လည်း နယ်မြေအရ လုံခြုံရေးအရ ကန့်သတ်ချက်တွေက ရှိပါတယ်။ ရှိတော့ ကျွန်တော်တို့ သွားနိုင်တာက မြစ်ကြီးနား၊ ၀ိုင်းမော်၊ ဗန်းမော်ပဲ ဖြစ်ပါတယ်။ ဆိုတော့ လုံခြုံရေးရှိတဲ့ မြို့တွေပဲ ကျွန်တော်တို့က သွားလို့ရတယ်။ ဟိုနယ်စပ်မှာရှိတဲ့ စခန်းတွေကတော့ ကျနော်တို့ က သွားဖို့လာဖို့ ဘယ်လိုမှကို အခြေအနေမပေးပါဘူး။ လုံခြုံရေးအရ လမ်းကြောင်းလည်း ဝေးလည်းဝေးတယ်။ အခုရိက္ခာမလောက်ဘူးဆိုတာ ကျွန်တော် သိထားတာကတော့ အဲ့ဒီနယ်စပ်တလျှောက်မှာရှိတဲ့ စခမ်းတွေပေါ့လေစောင့်ရှောက်ရေးစခန်းတွေလို့ ကျနော်တို့က သိရပါတယ်"

မြန်မာနိုင်ငံ အမျိုးသားလူ့အခွင့်အရေးကော်မရှင် အတွင်းရေးမှူး ဦးစစ်မြိုင် ပြောပြခဲ့တာပါ။ ကချင်ပြည်နယ်အတွင်းမှာ ဖြစ်နေတဲ့ ပဋိပက္ခတွေကြောင့် နေရပ်စွန့်ခွာ ထွက်ပြေးပြီး ဒုက္ခသည် စခန်းတွေမှာ ခိုလှုံနေကြသူတွေ နေရပ်ပြန်နိုင်ရေး၊ သူတို့ဘ၀ ရေရှည် ရပ်တည်ရေးနဲ့ အထူးသဖြင့်တော့ကလေးငယ်တွေ ကျောင်းပညာ ဆက်မသင်နိုင်တဲ့ ကိစ္စ တွေနဲ့ပတ်သက်လို့ အခုဆိုနှစ်နဲ့ချီ ကြာလာနေပြီဖြစ်တဲ့အတွက် ဝေဖန် ပြောဆိုနေကြတာ ဖြစ်ပါတယ်။

ဒီအတောအတွင်း တရုတ်နိုင်ငံထဲကို ရောက်ရှိနေကြတဲ့ ကချင်ဒုက္ခသည်တွေကို မြန်မာနိုင်ငံထဲကို ပြန်နိုင်အောင် စီစဉ်ဖို့ တရုတ်အစိုးရက ကချင် လွတ်မြောက်ရေး အဖွဲ့ကို တိုက်တွန်းနေတာကြောင့် ကေအိုင်အိုကရွှေ့ပြောင်းပေးဖို့ စတင်ပြင်ဆင် နေပေမယ့် ဒုက္ခသည်တွေကတော့ပြောင်းရွှေ့လိုကြတဲ့ ဆန္ဒမရှိကြဘဲ ဖြစ်နေတာပါ။ မြန်မာအစိုးရနဲ့ ကေအိုင်အိုအကြား ငြိမ်းချမ်းရေး ဆွေးနွေးမှုတွေ ဆက်လက်ပြုလုပ်နိုင်ဖို့ ဇူလိုင်လ ၁၇ ရက်နေ့မှာ ကေအိုင်အေဖက်က စာရေး အကြောင်းကြား ထားပေမယ့် အခုချိန်ထိတော့ အစိုးရဖက်က အကြောင်းပြန်ကြားတာမရှိသေးတဲ့အပြင် တိုက်ပွဲတွေလည်း နေ့စဉ်လိုလို ဆက်လက် ဖြစ်ပွားနေတယ်လို့ဦးလာနန်က ပြောပါတယ်ခင်ဗျား။



ရခိုင်ပြည်နယ် တင်းမာမှု ဖြေရှင်းရေး ဗြိတိန်ကူညီ
 
ရခိုင်ပြည်နယ်အတွင်းမှာ ဖြစ်ပွားခဲ့တဲ့ အကြမ်းဖက်မှုတွေနဲ့ပတ်သက်လို့ သီးခြားလွတ်လပ်တဲ့ စုံစမ်းစစ်ဆေးမှုတွေ လုပ်ဆောင်ဖို့ ဗြိတိန် နိုင်ငံခြားရေးဝန်ကြီး William Hague က မြန်မာအာဏာပိုင်တွေကို တိုက်တွန်းလိုက်ပါတယ်။

ရခိုင်ပြည်နယ်အရေးကိစ္စမှာ သီးခြားလွတ်လပ်တဲ့ စုံစမ်းမှုတွေလုပ်ပြီးတော့ တာဝန်ရှိသူတွေကို ဖော်ထုတ် အရေးယူဖို့၊ လူမျိုးရေးအခြေခံအပေါ်မှာ မတရားဖမ်းဆီးခံရသူတွေ ပြန်လွှတ်ပေးဖို့ စတဲ့ မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေးကိုယ်စားလှယ် မစ္စတာကင်တာနားရဲ့ တောင်းဆိုချက်အပေါ် သူ့အနေနဲ့ အပြည့်အ၀ထောက်ခံပြီးတော့ လူ့အခွင့်အရေး အသိအမှတ်ပြု လေးစားတဲ့ ကိုင်တွယ်ဖြေရှင်းမှုမျိုး လုပ်ဆောင်ဖို့လည်း နိုင်ငံခြားရေးဝန်ကြီး Hague က မြန်မာအာဏာပိုင်တွေကို တိုက်တွန်းပါတယ်။

မြန်မာနိုင်ငံတွင်းမှာ အပြောင်းအလဲတွေ ပြုပြင်မှုတွေ ပေါ်ထွန်းလာချိန်မှာ၊ အခုလိုမျိုး ရခိုင်ပြည်နယ် အတွင်းဖြစ်ခဲ့တဲ့ အကြမ်းဖက်မှုတွေဟာ စိုးရိမ်စရာဖြစ်မိတယ်လို့လည်း ဆိုပါတယ်။ ပြဿနာတွေ ပြေလည်အောင်လို့ ထိန်းထိန်း သိမ်းသိမ်းလုပ်ဆောင်ကြဖို့လည်း အဲဒီမှာ ရှိတဲ့ လူမှုအသိုင်းအ၀ိုင်းတွေကို တိုက်တွန်းတဲ့ အကြောင်းလည်းဖော်ပြထားပါတယ်။

မြန်မာနိုင်ငံမှာ ပြုပြင်ပြောင်းလဲမှုတွေနဲ့ နိုင်ငံရေးတိုးတက်မှုတွေကြောင့် နိုင်ငံတကာက အထူးသဖြင့် အနောက်နိုင်ငံတွေက အာရုံစိုက် ချီးကျူးမှုခံနေရချိန်မှာပဲ အခုလိုမျိုး ရခိုင်ပြည်နယ်တွင်းမှာ လူမျိုးရေး အကြမ်းဖက်မှုတွေဖြစ်လာတဲ့နောက် အနောက်နိုင်ငံတွေနဲ့ ကုလသမဂ္ဂရဲ့ စိုးရိမ်မှုတွေ ထွက်ပေါ်လာခဲ့တာဖြစ်ပါတယ်ရှင်။

နိုင်ငံ ထိပ်ပိုင်းခေါင်းဆောင်များနှင့် တွေ့ဆုံပြီး RNDP ပါတီတွင်းရှင်းလင်း

နေမျိုး | အင်္ဂါနေ့၊ သြဂုတ်လ ၁၄ ရက် ၂၀၁၂ ခုနှစ် ၁၈ နာရီ ၀၀ မိနစ်

နယူးဒေလီ (မဇ္ဈိမ) ။       ။ သမ္မတ ဦးသိန်းစိန် အပါအဝင် ထိပ်တန်း အာဏာပိုင်များနှင့် တွေ့ဆုံ ဆွေးနွေးခဲ့သည် များကို ရခိုင်တိုင်းရင်းသား တိုးတက်ရေးပါတီ RNDP ခေါင်းဆောင်များက အင်္ဂါနေ့တွင် ပါတီတွင်း အရေးပေါ် အစည်းအဝေး ခေါ်ယူ၍ ချပြဆွေးနွေးခဲ့ကြောင်း သိရသည်။

သြဂုတ်လ ၈ ရက်နေ့က သမ္မတ ဦးသိန်းစိန်၊ ကာကွယ်ရေးဝန်ကြီး ဗိုလ်ချုပ်လှမင်း၊ နယ်စပ်ရေးရာဝန်ကြီး ဗိုလ်ချုပ် သိန်းဌေးတို့အပြင် ရွေးကောက်ပွဲကော်မရှင် ဥက္ကဋ္ဌ ဦးတင်အေး တို့နှင့် RNDP ခေါင်းဆောင်များ ဖြစ်ကြသည့်ဒေါက်တာအေးမောင်၊ ဦးဘရှင်၊ ဦးထွန်းအောင်ကျော်နှင့် ဦးဖေသန်းတို့ တွေ့ဆုံဆွေးနွေးခဲ့ကြသည်များကို ပါတီတွင်းပြန်လည် ဆွေးနွေးကြခြင်း ဖြစ်ကြောင်း စစ်တွေမြို့နယ် RNDP အတွင်းရေးမှူး ဦးအောင်မြကျော် က ပြောသည်။

“အဓိကကတော့ ကျနော်တို့ရဲ့ ပါတီတွင်း ဆွေးနွေးမှုတွေပါပဲ။ အကြမ်းဖျဉ်း ပြောမယ်ဆို သမ္မတနဲ့ တွေ့တာတွေနဲ့ ပါတ်သက်ပြီး အကုန်လုံး ခြုံငုံပြီး ကျနော်တို့ပါတီနဲ့ ပါတ်သက်တဲ့ မြို့နယ်တိုင်း၊ မြို့နယ်တိုင်းက စည်းရုံးရေးမှူးတွေကိုခေါ်ပြီး လိုအပ်တဲ့ဟာတွေ အစည်းအဝေးထိုင်တဲ့ သဘောပါပဲ။ ပြီးရင် ဥက္ကဋ္ဌတို့ အတွင်းရေးမှူး တို့ရဲ့ ညွှန်ကြားချက်ပေးတဲ့ သဘောပါ” ဟု မဇ္ဈိမကို ပြောသည်။

စစ်တွေမြို့ ပါတီရုံးတွင် ပြုလုပ်ခဲ့သည့် အဆိုပါ အစည်းအဝေးသို့ RNDP ဗဟို ခေါင်းဆောင်များအပြင် ရခိုင်ပြည်နယ်၊ မြို့နယ်ခေါင်းဆောင် ၄၀ ကျော် တက်ရောက်ခဲ့ကြောင်း သိရသည်။

ရခိုင်ပြည်နယ်တွင် လတ်တလော ဖြစ်ပွားနေသည့် ပဋိပက္ခများ ရပ်တန့်စေရန်နှင့် ရခိုင် လူထုအား စည်းရုံးဖြောင်းဖြရန် သမ္မတ ဦးသိန်းစိန် က RNDP နှင့် ရခိုင်ဒီမိုကရေစီအဖွဲ့ချုပ် (ALD) တို့ကို သြဂုတ်လ ၈ ရက်နေ့က တွေ့ဆုံခဲ့သည်။ ထိုတွေ့ဆုံမှုအတွင်း ဗိုလ်ချုပ်ကြီး လှမင်းက ရခိုင်ပြည်နယ် ပြဿနာတွင် RNDP ပါဝင်ပတ်သက်မှုများရှိသည် ဟု စွပ်စွဲ ပြောဆိုမှုများ ရှိခဲ့ကြောင်း သိရသည်။

ပါတီတွင်း ပြန်လည်ဆွေးနွေးချက်များကို သတင်းထုတ်ပြန်သွားမည် မဟုတ်ကြောင်းလည်း ဦးအောင်မြကျော် က ပြောသည်။

ရခိုင်ပြည်နယ် ပြန်လည်တည်ငြိမ်ရေးအတွက် “plan (အစီအမံ)ချမယ့်အပိုင်းက အစိုးရနဲ့ အများကြီး သက်ဆိုင်မှာပါ။ ကျနော်တို့ပါတီကတော့ follow လိုက်ပေးရမှာပါ” ဟု ၎င်းက ဆိုသည်။

လူမျိုးရေး အဓိကရုဏ်များကြောင့် RNDP ပါတီဝင်များအား ဖမ်းဆီး အရေးယူခံထားရမှု မရှိဘဲ ဇွန်လ ၃ ရက်နေ့က စစ်တွေမြို့ ဈေးခွန်အရေးအခင်းတွင် အမှတ် ၁ ရဲစခန်းအား လူအုတ်ဖြင့် ဝိုင်းမှုကြောင့် အရေးယူခံရသူများထဲတွင်မူ ၎င်းတို့ ပါတီဝင်အချို့ ပါဝင်သည်ဟု ဦးအောင်မြတ်ကျော် က ပြောဆိုသွားသည်။


အစိုးရငြိမ်းချမ်းရေး လုပ်ငန်းစဉ် အပေါ် ENC ရဲ့အမြင်

တိုင်းရင်းသား လက်နက်ကိုင်တွေနဲ့ ငြိမ်းချမ်းရေး ယူဖို့ နီးပြီလား။
မြန်မာဒုတိယ သမ္မတ ဒေါက်တာစိုင်းမောက်ခမ်း ဥက္ကဌ အဖြစ် ဆောင်ရွက်တဲ့ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်း ကော်မတီက တနင်္ဂနွေနေ့က နေပြည်တော် မှာ ကော်မတီရဲ့ ပထမဆုံး အကြိမ် အစည်းအဝေး ကို ကျင်းပခဲ့ရာမှာ ဒုသမ္မတက ငြိမ်းချမ်းရေး လုပ်ငန်းစဉ် တွေကို ချပြခဲ့ပါတယ်။
တိုင်းပြည် ဖွံ့ဖြိုး တိုးတက် ရေး အတွက် တိုင်းရင်းသား လက်နက်ကိုင် တွေနဲ့ ငြိမ်းချမ်းရေး မဖြစ်မနေ ယူမယ်၊ အဲဒီလို လုပ်ဆောင်ရာမှာ ပြည်နယ်အဆင့်၊ ပြည်ထောင်စု အဆင့်၊ ပြည်ထောင်စု လွှတ်တော်အဆင့် ၃ ဆင့် လုပ်ဆောင်မယ်လို့ ဒုတိယ သမ္မတက ပြောကြောင်း အစိုးရ မီဒီယာ တွေမှာ ဖော်ပြထားပါတယ်။
ဒါပေမယ့် လက်ရှိ အပစ်အခတ် ရပ်ရေး အခြေအနေဟာ ထိလွယ် ရှလွယ် ဖြစ်ပြီး အခြေအနေ နောက်ပြန် ဆုတ်နိုင်သေးကြောင်းလည်း ပြောထားတဲ့အတွက် လက်ရှိ အခြေအနေတွေ၊ အစိုးရရဲ့ ငြိမ်းချမ်းရေး လုပ်ငန်းစဉ် တွေနဲ့ ပတ်သက်လို့ ထိုင်းအခြေစိုက် တိုင်းရင်းသား လူမျိုးများ ကောင်စီ ENC ဒုဥက္ကဌ ဆလိုင်း လျံမုန်းက သူတို့ ဘက်ကလည်း ၂၀၁၁ စက်တင်ဘာလမှာ အပစ်အခတ် ရပ်ဆဲရေး၊ ပြည်ထောင်စု အဆင့် အဓိပ္ပါယ် ပြည့်ဝတဲ့ နိုင်ငံရေး တွေ့ဆုံ ဆွေးနွေး အဖြေရှာ ရေး၊ ဒုတိယ ပင်လုံညီလာခံ ခေါ်ယူပြီး ပြည်ထောင်စု သဘော တူညီချက် စာချုပ် အသစ်တဖန် လက်မှတ် ရေးထိုးပြီး ငြိမ်းချမ်းရေး အတွက် အဖြေရှာဖို့ အဆင့် ၃ ဆင့်နဲ့ သွားဖို့ ကို တင်ပြခဲ့ဖူး တဲ့ အကြောင်း ပြောပါတယ်။
အခု အစိုးရရဲ့ အဆင့် ၃ ဆင့်နဲ့တော့ တူတာ လည်းရှိသလို၊ အသေးစိတ်ပိုင်းမှာ မတူညီတာတွေ ရှိတဲ့အကြောင်းကိုလည်း ပြောပြပါတယ်။ တွေ့ဆုံ ဆွေးနွေး ပြီး နိုင်ငံရေး အဖြေရှာတာမျိုး မဟုတ်ဘဲ တွေ့ဆုံ ဆွေးနွေးပြီး နိုင်ငံရေး လက်နက် ချခိုင်းသလို ဖြစ်နေတဲ့ အကြောင်း တွေကိုလည်း ပြောပါတယ်။
လက်ရှိ တိုင်းပြည်ရဲ့ ပြဿနာက နိုင်ငံရေး ပြဿနာ ဖြစ်နေတဲ့ အကြောင်းနဲ့ ၁၉၄၇ ပင်လုံ သဘောတူညီချက် လိုမျိုး သဘောတူညီချက်မျိုး ရရှိနိုင်ဖို့ လိုအပ်ကြောင်းနဲ့ ဒီလို ပုံစံနဲ့ ပြည်ထောင်စုကို ဆက်လည် တည်ဆောက်သွား နိုင်မှာ ဖြစ်ကြောင်း ပြောကြား သွားပါတယ်။


ဆီးရီးယားဝန်ကြီးချုပ်ဟောင်းက သမ္မတအာဆတ်ကို ရှုတ်ချ

ဆီးရီးယား အစိုးရဟာ စိတ်ဓာတ်ရေးရာ အရ ပြိုကျနေပြီလို့ ပြောကြား
ဆီးရီးယား အစိုးရကို အာခံပြီး သူပုန်တွေနဲ့ ပူပေါင်းသွားတဲ့ ဆီးရီးယား ဝန်ကြီးချုပ် ရိရတ်ဒ်ဟစ်ဂျပ်ဟာ ပထမဆုံး အကြိမ်အဖြစ် ဂျော်ဒန်ရုပ်မြင်သံကြား တခုမှာ ထွက်ပေါ် လာပြီး သမ္မတ အာဆတ်ကို ပြစ်တင် ရှုတ်ချ ပြောကြား သွားပါတယ်။
ဂျော်ဒန် မြို့တော် အမန်းကနေ ရုပ်သံတခုရဲ့ တိုက်ရိုက် ထုတ်လွှင့်ချက်မှာ မစ္စတာ ဟစ်ဂျပ်က ဆီးရီးယား အစိုးရဟာ စိတ်ဓာတ်ရေးရာ အရ ပြိုကျနေပြီ ဖြစ်ပြီး၊ စီးပွားရေး နဲ့ စက်မက် ရေးရာမှာလည်း အလားတူ ပြိုဆင်း နေပြီ ဖြစ်တယ်လို့ ပြောကြားသွားပါတယ်။
အစိုးရအနေနဲ့ နိုင်ငံရဲ့ ၃၀ ရာခိုင်နှုန်းလောက်ကိုသာ ထိန်းချုပ် ထားနိုင်တော့ တာ ဖြစ်တယ်လို့ သူကပြောပါတယ်။
ဆီးရီးယား တပ်မတော်သားတွေ အနေနဲ့လည်း အီဂျစ်နဲ့ တူရကီမှာလို ပြည်သူ့ဖက်က ရပ်တည်ဖို့ကို သူက ပန်ကြားသွားပါတယ်။
နောက်ပြီး သူ့အနေနဲ့ ဦးဆောင် ဦးရွက်မှုတွေ မလုပ်ချင်ဘဲ သူပုန်တွေရဲ့ အရေးမှာ စစ်သား တဦး အနေနဲ့ သာ တာဝန် ထမ်းဆောင် လိုတယ်လို့ ပြောကြားသွားပါတယ်။
မစ္စတာ ဟစ်ဂျပ်ဟာ ဆီးရီးယားအစိုးရကနေ ဘက်ပြောင်းလာတဲ့ အဆင့်မြင့်ဆုံး အရာရှိတဦး ဖြစ်ပါတယ်။


ဟင်္သာတ လယ်သမားတွေ ဆန္ဒပြ

ရေလွှဲတွေ ပိတ်ပြီး ငါးဖမ်းတာတွေ၊ မဆင်မခြင် ရေဖေါက် ချတာတွေကြောင့် စပါးခင်းတွေ ရေမြုပ်
ဧရာဝတီတိုင်း ဟင်္သာတမြို့နယ်မှာရှိတဲ့ ကျေးရွာ ၆အုပ်စုက လယ်သမားတွေဟာ အင်းလုပ်ငန်း လုပ်ကိုင်သူတွေကြောင့် သူတို့ရဲ့ စိုက်ပြီးသား လယ်ဧက သုံးထောင်ကျော် ရေနစ်မြုပ်ကုန် တာကို အရေးယူပေးဖို့ ဟင်္သာတမြို့ပေါ် အုပ်ချုပ်ရေးမှူးတွေဆီကို တက်ပြီး ဆန္ဒ ထုတ်ဖေါ်ခဲ့ကြပါတယ်။
ဟင်္သတာမြို့နယ်မှာ ခုလတ်တလော ရေနစ်မြုပ်နေတဲ့ တံတားဦး၊ ကြည်တော်ကုန်း၊ မရမ်းခြုံ၊ ကျောင်းကွင်းနဲ့ ဆိပ်ကြီးစတဲ့ ကျေးရွာအုပ်စု ၆ခုမှာရှိတဲ့ ရွာပေါင်း ၂၀ ကျော်က တောင်သူ ကိုယ်စားလှယ် ၄၀ ကျော်ဟာ အင်းသူကြီးတွေရဲ့ ရေလွှဲတွေကို ပိတ်ပြီး ငါးဖမ်းတာတွေ၊ မဆင်မခြင် ရေဖေါက် ချတာတွေကြောင့် စိုက်ထားပျိုးထားတဲ့ စပါးခင်းတွေ ရေမြုပ် ပျက်စီး ကုန်ရတယ် ဆိုပြီး အရေးယူပေးဖို့ ဟင်္သာတ အုပ်ချုပ်ရေးမှူးရုံးကို အင်္ဂါနေ့ မနက်က ချီတက် တောင်းဆို ကြတာ ဖြစ်ပါတယ်။
လယ်တွေစပြီး ရေမြုပ် ကတည်းက အာဏာပိုင်တွေဆီကို အကြောင်းကြားပေမယ့် တစုံတရာ အရေးယူပေးတာ မရှိတာကြောင့် ခွင့်ပြုချက် တောင်းခံ မနေဘဲ အခုလို အုပ်စုနဲ့ ဟင်္သာတ အုပ်ချုပ် ရေးမှုးဆီကို တက်ပြီး အရေးဆိုရတာလို့ တံတားဦး ရွာက လယ်သမားတဦးက ဘီဘီစီကို ပြောပါတယ်။
အာဏာပိုင်တွေ ဘက်ကတော့ မြို့ထဲလှည့်လည် ဆန္ဒပြမှု မဖြစ်အောင် လယ်သမား ကိုယ်စားလှယ်တွေနဲ့ ခေါ်ယူညှိနိုင်း ခဲ့လို့ အဆင်ပြေမယ့် အကြောင်း လယ်သမားတွေ အရေး ကူညီ ပေးနေတဲ့ ဟင်္သာတမြို့ခံ ဦးကျော်လွင်က ပြောပါတယ်။
စိုက်ပျိုးပြီးသား လယ်တဧက ရေနစ်မြုပ်ပြီ ဆိုရင် ပျိုးဖိုးနဲ့ စိုက်စရိတ်ပေါင်း ကျပ် ၄ သောင်းလောက် ဆုံးရှုံးပြီး နောက်ပြန်စိုက်ဖို့ ကလည်း အချိန် နောက်ကျ သွားတတ်တာကြောင့် သက်ဆိုင်ရာဘက်က အမြန် အရေးယူ ဆောင်ရွက် ပေးလိမ့်မယ်လို့ လယ်သမားတွေက မျှော်လင့်နေကြပါတယ်။
သူတို့ မျှော်လင့်တဲ့အတိုင်း ဖြစ်မလာရင်တော့ အားလုံး ဒုက္ခရောက်တော့မှာမို့ ရွာမှာရှိတဲ့ လယ်သမား အားလုံး မြို့ပေါ်ကို နောက်တကြိမ် တက်ပြီး ဆန္ဒပြရုံက လွဲလို့ တခြား နည်းလမ်း မရှိတော့ဘူးလို့ ဒေသခံ တောင်သူတွေက ဘီဘီစီကို ပြောကြပါတယ်။


ဒုတိယ သမ္မတ ဘယ်သူ ဖြစ်မလဲ

အနားယူ သွားတဲ့ ဒုတိယ သမ္မတဟောင်း ဦးတင် အောင်မြင့်ဦး
ဒုတိယ သမ္မတ အသစ် နာမည်ကို ဗုဒ္ဓဟူးနေ့မှာ အတည်ပြု ကြေညာမှာ ဖြစ်ပါတယ်။
ဗုဒ္ဓဟူးနေ့မှာ အတည်ပြုမှာ ဖြစ်ကြောင်းကို ပြည်ထောင်စု လွှတ်တော်ရဲ့ အစီအစဉ်ထဲမှာ ထည့်သွင်း ဖော်ပြခဲ့တာကြောင့် လွှတ်တော်ကိုယ်စားလှယ်တွေ သိရတာ ဖြစ်ပါတယ်။
စစ်တပ် ကိုယ်စား လှယ်တွေ အနေနဲ့ ဘယ်သူ့ကို ရွေးချယ် ထားကြောင်း ကိုတော့ လွှတ်တော် ကိုယ်စားလှယ် တွေလည်း မသိကြ သေးသလို ဒုတိယ သမ္မတ အမည် အတည် မပြုနိုင်ဘဲ ကြန့်ကြာ နေတာ ဟာ ဘာ့ကြောင့် ဆိုတာလည်း တိတိကျကျ မသိကြ ပါဘူး။
စစ်တပ်ကိုယ်စားလှယ် တွေက ရွေးကောက် တင်မြှောက်ထားတဲ့ ဒုတိယ သမ္မတ ဦးတင်အောင်မြင့်ဦးက ကျန်းမာရေး အကြောင်းပြချက်နဲ့ ရာထူးက နှုတ်ထွက် အနားယူ သွားကြောင်း ကြေညာ ပြီးနောက်မှာ စစ်တပ် ကိုယ်စားလှယ်တွေက ဒုတိယသမ္မတ အသစ် ရွေးကောက်ဖို့ ဖြစ်လာပါတယ်။
ဒါပေမဲ့ ဒုတိယ သမ္မတ အသစ်ကို အချိန်မီ မတင်မြှောက် နိုင်ခဲ့ပါဘူး။
ဘာ့ကြောင့် အချိန်မီ မတင်မြှောက် နိုင်သလဲ ဆိုတာကိုလည်း လွှတ်တော် အမတ်တွေကို ရှင်းမပြခဲ့ပါဘူး။
ဒုတိယ သမ္မတ နေရာကို ရန်ကုန် တိုင်းဒေသကြီး ဝန်ကြီးချုပ် ဦးမြင့်ဆွေကို စစ်တပ် ကိုယ်စားလှယ် တွေက ရွေးချယ်ကြောင်းနဲ့ ဦးမြင့်ဆွေဟာ ဒုတိယ သမ္မတ အရည်အချင်း မပြည့်မီလို့ အတည် မပြုနိုင်ဘဲ ကြန့်ကြာ ခဲ့ရတယ်လို့ သတင်းတွေ ထွက်ပေါ်ခဲ့ ပေမဲ့ ပြည်သူ့ လွှတ်တော် ကိုယ်စားလှယ် ဦးခိုင်မောင်ရည်ကတော့ ဒီအကြောင်းတွေကို သမ္မတ အရည်အချင်း စိစစ် ရေး အဖွဲ့က သူတို့ကို ဘာမှ ရှင်းမပြခဲ့ဘူးလို့ ဆိုပါတယ်။
ဗုဒ္ဓဟူးနေ့မှာ ဒုတိယ သမ္မတ အဖြစ် တင်မြှောက်ခံရမယ့်သူဟာ ရေတပ် ဦးစီးချုပ် ဒုတိယ ဗိုလ်ချုပ်ကြီး ဉာဏ်ထွန်း ဖြစ်ကြောင်း သတင်းတွေ ထွက်ပေါ်နေပေမယ့် ဦးခိုင်မောင်ရည်ကတော့ ဒါကိုလည်း အတည် မပြု နိုင်ဘူးလို့ ဆိုပါတယ်။


အခြေခံဥပဒေခုံရုံး ဥက္ကဌနဲ့အဖွဲ့ဝင်တွေ ထွက်ပေးရေး တောင်းဆို

ပြည်သူ့ လွှတ်တော် ကိုယ်စားလှယ် ၃၀၁ ဦးက လက်မှတ် ရေးထိုးပြီး တောင်းဆိုလိုက်တာပါ
မြန်မာနိုင်ငံတော် ဖွဲ့စည်းပုံ အခြေခံဥပဒေခုံရုံး ဥက္ကဌနဲ့ အဖွဲ့ဝင်တွေ ရာထူးက ထွက်ပေးဖို့ ပြည်သူ့ လွှတ်တော် ကိုယ်စားလှယ် ၃၀၁ ဦးက လက်မှတ် ရေးထိုးပြီး သမ္မတထံ စာရေးသား တောင်းဆို လိုက်ပါတယ်။
လွှတ်တော်အသီးသီးကနေ ဖွဲ့စည်းထားတဲ့ လွှတ်တော် ရေးရာ ကော်မတီတွေနဲ့ ကော်မရှင် အဖွဲ့တွေကို နိုင်ငံတော် ဖွဲ့စည်းပုံ အခြေခံ ဥပဒေဆိုင်ရာ ခုံရုံးက ပြည်ထောင်စု အဆင့် အဖွဲ့အစည်း အဖြစ် မသတ်မှတ်ပေးတာကြောင့် လွှတ်တော်ကိုယ်စားလှယ်တွေက အခုလို စာရေးသားပြီး ပြည်သူ့ လွှတ်တော် ဥက္ကဌကနေ တဆင့် သမ္မတထံ တောင်းဆိုလိုက်တာ ဖြစ်ပါတယ်။
အခြေခံ ဥပဒေဆိုင်ရာ ခုံရုံးရဲ့ အကြောင်းပြချက် ကတော့ ဒီကော်မတီ အဖွဲ့တွေကို ပြည်ထောင်စု အဆင့် သတ်မှတ်ရေးဟာ ဖွဲ့စည်းပုံ အခြေခံ ဥပေဒပါ ပြဌာန်းချက်တွေနဲ့ မညီညွတ်ဘူးလို့ ဆိုပါတယ်။
ပြည်သူ့လွှတ်တော် ဥက္ကဌ သူရဦးရွေမန်းဆီ သြဂုတ်လ ၈ ရက်နေ့က တင်ပြခဲ့တဲ့ ဒီကိစ္စကို လွှတ်တော် ဥက္ကဌက ၁၄ ရက်နေ့ အင်္ဂါနေ့မှာ လွှတ်တော်မှာ ပြန်လည် ရှင်းလင်းပြီး၊ သမ္မတက ဆောင်ရွက်ပေးတဲ့ အချိန်အထိ စောင့်ဆိုင်းဖို့ ပြောကြားခဲ့ပါတယ်။
အုပ်ချုပ်ရေး အာဏာနဲ့ တရားစီရင်ရေး အာဏာကို ထိန်းညှိနိုင်ဖို့ အတွက် ဒီလွှတ်တော် ရေးရာ ကော်မတီ အဖွဲ့တွေကို ပြည်ထောင်စု အဆင့် သတ်မှတ်ရေးဟာ အထူး အရေးကြီး ကြောင်း အမျိုးသား ဒီမိုကရေစီ အဖွဲ့ချုပ် ပြည်သူ့လွှတ်တော် ကိုယ်စားလှယ် ဦးဖြိုးမင်းသိန်းက ဘီဘီစီကို ပြောပါတယ်။
နောက်ပြီး ဒါဟာ နိုင်ငံတကာ လုပ်ထုံး လုပ်နည်းတွေနဲ့လည်း ကိုက်ညီတယ်လို့ ဦးဖြိုးမင်းသိန်းက ပြောပါတယ်။
အခုလို ရေးရာ ကော်မတီတွေကို ပြည်ထောင်စု အဆင့် မသတ်မှတ်တာဟာ လွှတ်တော်ရဲ့ အဆင့်ကို အုပ်ချုပ်ရေးပိုင်းက လျှော့ချဖို့အတွက် ကြိုးပမ်းတယ်လို့ ယူဆကြောင်း သူက ဆက်ပြောပါတယ်။
ကိုးကား - Myanmar Journal Facebook