ဆုံဆည်းရာ၊ ၃ ရက် ဒီဇင်ဘာ ၂၀၁၁
ဒေါ်အောင်ဆန်းစုကြည်သည် ၂၀၁၅ ခုနှစ်၊ ဖေဖော်ဝါရီလတွင် နှစ် ၁၀၀ ပြည့်အထိမ်းအမှတ်အဖြစ် ဗိုလ်ချုပ်အောင်ဆန်းအထ္ထုပ္ပတိ ရုပ်ရှင်ကားကြီးတစ်ကားကို ရိုက်ကူးဖန်တီးနိုင်ရန် နိုင်ငံကျော် သရုပ်ဆောင်များ၊ ဒါရိုက်တာများအပါအ၀င် အနုပညာရှင် ၁၀၀ ကျော်နှင့်ယနေ့ ညနေ ၃ နာရီတွင် သူမ၏နေအိမ်တွင် တွေ့ဆုံဆွေးနွေး ခဲ့သည်။
ဒေါ်အောင်ဆန်းစုကြည်က ဗိုလ်ချုပ်အထ္ထုပ္ပတိ ရိုက်ကူးရာတွင် ဗိုလ်ချုပ်အောင်ဆန်း၏ အသက် ၁၈ နှစ်မှ ၃၂ နှစ်အတွင်း ဘ၀ဖြတ်သန်းမှုများနှင့် လွတ်လပ်ရေး အတွက်ကြိုးပမ်းမှုများကို ရိုက်ကူးစေလိုကြောင်း ပြောကြားခဲ့ကာ အနုပညာရှင်များကို ဗိုလ်ချုပ်နေရာတွင် မည်သူ့ကို သရုပ်ဆောင် စေလျှင်ကောင်းမည်လည်းဟု မေးမြန်းအကြံတောင်းခဲ့ကြောင်း သိရသည်။ မြန်မာပြည်လွတ်လပ်ရေးရသည့် အလံတင် အခမ်းအနား မြင်ကွင်းဖြင့် ရုပ်ရှင်ကို စတင်စေလိုကြောင်း လည်း ပြောကြားခဲ့သည်ဟု ဆွေးနွေးပွဲသို့ သွားရောက်ခဲ့သော ဒါရိုက်တာရီဇော်က ပြောကြားသည်။
ဒေါ်အောင်ဆန်းစုကြည်က ရုပ်ရှင်ဇာတ်ကားကို ၂၀၁၅ ဖေဖော်ဝါရီအမီ ရုံတင်ပြသနိုင်လျှင် ကောင်းမည်ဟု ပြောကြားခဲ့ပြီး ပြည်တွင်းနှင့် နိုင်ငံတကာကိုပါ ပြသရန် စိတ်ကူးရှိကြောင်း ပြောကြားခဲ့သည်။ ထိုဆွေးနွေးပွဲသို့ အနုပညာရှင်များထဲမှ ဦးအောင်လွင်၊ မောင်မိုးသူ၊ ဇင်ဝိုင်း၊ ချိုပြုံး၊ ရန်အောင်၊ ရဲအောင်၊ ဇာဂနာ၊ ငှက်ပြောကြော်၊ ကုသိုလ်၊ ကင်းကောင်၊ သီးလေးသီး၊ ဝေလုကျော်၊ မင်းမော်ကွန်း၊ နိုင်နိုင်း၊ နေတိုး၊ ၀ိုင်း၊ သူထူးစံ၊ ညီနန္ဒ၊ နေဆန်း၊ ပြေတီဦး၊ လူမင်း၊ ရဲတိုက်၊ ဖိုးသောကြာ၊ ဒါရိုက်တာဝိုင်း၊ မောင်မျိုးမင်း (ရင်တွင်းဖြစ်)၊ လွင်မိုး၊ ထွန်းအိန္ဒြာဗို၊ အိန္ဒြာကျော်ဇင်၊ ချစ်သုဝေ၊ ဖွေးဖွေး၊ မိုးဟေကို စသည့် နာမည်ကျော် သရုပ်ဆောင်များ လာရောက်ခဲ့ကြောင်းသိရသည်။
(source: 7 daynews ဓါတ်ပုံ Facebook အင်တာနက်စာမျက်နှာမှ...)
0 comments:
Post a Comment