ယုံကြည်ချက်ကို တံခွန်ထူလို့
တိုင်းပြည်နဲ့ ပြည်သူအတွက်
တော်လှန်ရေး ခရီးထွက်ခဲ့တယ်။
ငါမောင်းနှင်လာတဲ့ ဒီရထားကို
တက်လာသူတွေ ရှိနေသလို
ဆင်းသွားသူတွေလဲ ရှိနေခဲ့။
ရောင်နီဆိုတာ
ပျို့ အန်ကျလာဖို့
လက်တကမ်းမှာရှိလို့နေပြီ။
ဒါပေမယ့်လို့
ခံယူချက်ဆိုတဲ့ လက်နက်ကို
မောင်းဖြုတ်ပစ်လိုက်ဖို့ဆိုတာ မဖြစ်နိုင်သေးတဲ့အရာ။
ဦးတည်ချက်ကို ရင်မှာပိုက်ရင်း
ခလုတ်ကသင်းဆိုတာတွေ ဖြတ်ဖို့ 
မင်းဆီကအင်အားတချို့ လိုတယ်ချစ်သူ။
နားလည်မှုဆိုတဲ့ အပြုံးတချက်က
ငါ့ခရီးအတွက် အသက်ဆက်ပေးရာ
အကြင်နာ ကမ္ဘာလေးရယ်ပါ။
ပေးဆပ်ခဲ့တဲ့ အချိန်တွေအားလုံးနဲ့
သိတ်ချစ်တတ်တဲ့ အချစ်ဆုံးအတွက်
ယူခဲ့မယ်..ဒီမိုကရေစီပန်းတခက်။
ထူးသျှား
0 comments:
Post a Comment