မောင်ချင့်ချိန်
ဗမာပြည်နိုင်ငံရေးအခြေအနေကိုလေ့လာကြည့်ရင် စစ်အာဏာရှင်တွေကို ထိပ်တိုက်ရင်ဆိုင် တွန်းလှန်တိုက်ပွဲဝင်မှုတွေနည်းပါးနေသလို ယူနီဖေါင်းချွတ်ပြထားတဲ့စစ်ဗိုလ်ချုပ်ဟောင်းတွေနဲ့ စစ်တပ်ရဲ့လက်ကိုင်ဒုတ်ကြံ့ဖွတ်တွေက စစ်အာဏာရှင်စနစ်ကိုသက်တမ်းတိုးဖို့ အစိုးရ သစ်အမည်ခံပြီး နိုင်ငံတကာအလယ်မှာဝင်ဆံ့အောင် တည်ဆောက်နေတာတွေ့နေရပါတယ် ။
သန်းရွှေနဲ့စစ်အုပ်စုကြီးစိုးချယ်လှယ်တဲ့ပုံသဏ္ဍာန်ကနေ အရပ်သားအစိုးရအဖြစ် သိန်းစိန်နဲ့စစ်ဗိုလ်ချုပ်တစုအရပ်ဝတ်လဲပြီး အတုအယောင် ရွေးကောက်ပွဲနဲ့လွှတ်တော်တရပ်ဖွဲ့စည်းခဲ့တဲ့ကစားကွက်ကို ဘယ်နိုင်ငံရေးပါတီအဖွဲ့အစည်းကမှ ထိထိရောက်ရောက်ဟန့်တားတိုက်ပွဲဝင် မှုမလုပ်နိုင်ခဲ့ပါဘူး၊ အစိုးရသစ်လို့ စစ်အုပ်စုလက်ခမောင်းခတ်ရပ်တည်နေချိန်မှာ လက်နက်ကိုင်အင်အားစုတွေအပိုင်းမှာသာ အပစ်အခတ် ရပ်စဲမှုပျက်တာ၊ နယ်ခြားစောင့်တပ်အဖြစ်ကနေ တော်လှန်ရေးတပ်အဖြစ်ပြန်ရပ်တည်တာ ၊ တိုင်းရင်းသားဒေသတွေမှာ တိုက်ပွဲတွေအရှိန် မြှင့်ပြီး မြို့တွင်းစစ်ဆင်ရေးထိုးဖေါက်ဆင်နွှဲတာတွေအထိရှိလာခဲ့ပေမဲ့ ပြည်တွင်းနိုင်ငံရေးအဖွဲ့တွေအနေနဲ့တော့ စစ်အုပ်စုကိုတွန်းလှန်ဖို့ ဘယ်လိုနိုင်ငံရေးလမ်းကြောင်းပုံသဏ္ဍာန်တည်ဆောက်တာကိုမှ မတွေ့ခဲ့ရပါဘူး ။
လူထုတိုက်ပွဲနဲ့ လက်နက်ကိုင်တိုက်ပွဲ ဟန်ချက်ညီပေါင်းစည်းနိုင်ဖို့လိုတယ်လို့ လက်နက်ကိုင်လမ်းစဉ်မှာလျှောက်လှမ်းနေသူတွေက ယုံ ကြည်ထားကြပေမဲ့ ပြည်တွင်းအင်အားစုတွေအနေနဲ့က လက်နက်ကိုင်လမ်းစဉ်ကို အကြမ်းဖက်လုပ်ငန်းတွေလို့သဘောထားနေတာတွေ့ရ ပါတယ် ၊ ဗုဒ္ဓဘာသာရာဇဝင်မှာ ဘုရားလောင်း ဝေသန္တရာမင်းကြီးဖြစ်စဉ်အခါက လှုလိုက်တဲ့သားနဲ့သမီးကို ပုဏ္ဏားယောင်ဆောင်ထားတဲ့ သကြားမင်းကရိုက်တော့ ဒေါသစိတ်ဖြစ်ပြီး ဓားထဆွဲတယ်လို့အထင်ကရပါရှိပါတယ် ၊ အဲဒီလို ဘုရားလောင်းတောင်မှ လှုပြီးသားရင် သွေးအတွက် လက်နက်နဲ့ဖြေရှင်းဖို့စိတ်ကူးမိသေးရင် ရင်သွေးတွေအသတ်ခံရ၊မိသားစုတွေတကွဲတပြားဖြစ်၊ဘဝတွေပျက်၊ကိုယ်လက်အင်္ဂါ တွေဆုံရှုံးဖြစ်ရတဲ့အထိ စစ်အုပ်စုရဲ့မတရားနှိပ်စက်အနိုင်ကျင့်မှုကိုခံနေရတဲ့ ပုထုဇဉ်လူသားတွေက လက်နက်နဲ့ခုခံတော်လှန်ဖို့ကြိုးစားကြ တာ သဘာဝကျတဲ့အကြောင်းအရာပဲမဟုတ်ပါလား၊လူထုတိုက်ပွဲတွေဆင်နွှဲတိုင်း စစ်တပ်နဲ့လုံထိန်းတွေက အကြမ်းဖက်ဖြိုခွဲတဲ့အချိန် တွေ့ ရာအုတ်ခဲနဲ့ ကောက်ထုတုန့်ပြန်ဖို့ကြိုးစားကြတာ ပြည်သူ့ဆန္ဒအစစ်အမှန်ဆိုတာ သတိထားမိကြဖို့လိုပါတယ်၊အဲဒီလို ပြည်သူတွေရဲ့ လက် တွေ့ဘဝနဲ့ဆန္ဒကိုမမြင်ပဲ ကိုယ်ထင်ရာကိုယ်ပြောနေသမျှ စစ်အုပ်စုကခေါင်းထောင်နေဦးမှာပါပဲ၊ မဟော်သဓာဇတ်တော်ထဲက သားတရား စီရင်ခန်းလို အမေရင်းမို့ သားလေးနာမှာစိုးလို့လွှတ်ပေးလိုက်တယ်ဆိုတာမျိုးက မဟော်သဓာလို ကြားဝင်စေ့စပ်ပေးမဲ့သူကိုမျှော်တဲ့ အတွေး အခေါ်မျိုးသာဖြစ်ပြီး ခုခေတ်မှာတော့ သားဘီလူးလက်ပါပြီး အစားခံလိုက်ရမှာပါ ၊ တစ်ကိုယ်လုံးပါပြီး အသက်သေမှာထက်စာရင် လက် တဘက်ပြုတ်သွားတာကတော်သေးတာမို့ ဘီလူးလက်အပါမခံပဲ မရ ရအောင်ပြန်စွဲမယ်ဆိုတဲ့ အတွေးမျိုးနဲ့ စစ်အုပ်စုလက်ထဲက ဗမာပြည်ကိုပြန်ဆွဲလုကြရမှာပါ ။
ငြိမ်းချမ်းရေးအတွက် တိုက်ပွဲရှိရမယ် ဆိုတဲ့သီချင်းလေးကိုကြားယောင်မိပါတယ် ၊ ငြိမ်းချမ်းစေချင်ပါတယ်လို့ လေလှိုင်းနဲ့ စာရွက်တွေပေါ် ကနေပြောနေပေမဲ့ တိုင်းရင်းသားဒေသတွေကို ထိုးစစ်ဆင်တိုက်ပွဲတွေဖန်တီးပြီး ပြည်သူပေါင်းများစွာကို စစ်ဘေးဒုက္ခသည်တွေအဖြစ် အိုးအိမ်မဲ့ နိုင်ငံမဲ့ဖြစ်စေတဲ့ စစ်အုပ်စုရဲ့တရားမဲ့လုပ်ရပ်တွေကို ဆန္ဒပြကန့်ကွက်မှုတွေလုပ်ဆောင်ဖို့ကိုတော့ ဘယ်ပါတီအဖွဲ့အစည်းကမှ ထိထိရောက်ရောက်လုပ်ဆောင်တာမတွေ့ရပါဘူး ။
ပြည်တွင်းနိုင်ငံရေးပါတီအဖွဲ့အစည်းတွေအနေနဲ့ ကိုယ့်အားကိုယ်ကိုးတိုက်ပွဲဖေါ်ဆောင်မှုမရှိပဲ နိုင်ငံတကာအကူအညီကိုအားထားမျှော်ကိုး နေယုံနဲ့ ဘယ်လိုတွေ့ဆုံဆွေးနွေးမှုမျိုးမှဖြစ်လာမှာ မဟုတ်ဘူးဆိုတာကို ဖြတ်သန်းခဲ့ပြီးတဲ့ ၂၃ နှစ်တာကာလကိုပြန်တွေးသတိမူသင့် ပါတယ် ၊ တိုက်ပွဲဖေါ်ဆောင်မှုမရှိရင် ကျွန်တော်တို့ရဲ့ ရဲဘော်ရဲဘက်နိုင်ငံရေးအကျဉ်းသားတွေ ပြန်လွတ်လာဖို့မဖြစ်နိုင်သေးသလို ပြည် တွင်းစစ်ကိုမီးရှိန်မြှင့်နေတဲ့ စစ်အုပ်စုရဲ့လုပ်ရပ်တွေကို လည်း ဘယ်လိုမှတာဆီးနိုင်မှာမဟုတ်ပါဘူး ။
စစ်အုပ်စုရဲ့ဖိနှိပ်မှုပုံစံအမျိုးမျိုးအောက်မှာရပ်တည်လုပ်ဆောင်နေကြရတဲ့ ပြည်တွင်းအင်အားစုတွေအနေနဲ့ ကိုယ်ဘာသာအမြင်ရှင်းဖို့အရေး ကြီးပါတယ် ၊ ပြည်သူတွေကကြောက်နေကြတာလား ၊ ဘယ်လိုတိုက်ပွဲဝင်ကြမယ်ဆိုတာ ဦးဆောင်လမ်းပြပေးမဲ့သူမရှိလို့ အချိန်စောင့်နေ ကြတာလားဆိုတာ အပြန်ပြန်အလှန်လှန်သုံးသပ်စဉ်းစားကြဖို့လိုပါတယ် ၊ တကယ်တမ်းမှာ အသက်ရှင်ပြီးဘဝတွေသေနေတဲ့ပြည်သူတွေ က တိုက်ပွဲဝင်ဖို့အသင့်ပါပဲ ၊ ရှစ်လေးလုံးအရေးတော်ပုံကြီးကိုပြန်ကြည့်ပါ ၊ စစ်တပ်ကအာဏာသိမ်းပြီး ၂၆ နှစ်လုံးလုံး တော်လှန်ရေးကောင် စီကနေ မြန်မာ့ဆိုရှယ်လစ်လမ်းစဉ်ပါတီ(မဆလ)ဆိုပြီး ကျည်ဆံမိုးရွာအုပ်ချုပ်မှုကို အံခဲခံနေခဲ့ကြရပေမဲ့ ကျောင်းသားတွေအသေခံပြီး ကိုယ်ကျိုးစွန့်ဦးဆောင်တော့ ပြည်သူတရပ်လုံးလိုက်ပါတိုက်ပွဲဝင်ခဲ့ကြပါတယ်၊ ၂၀၀၇ မှာလည်း ကိုမင်းကိုနိုင်နဲ့ ၈၈မျိုးဆက်ကျောင်းသား တွေ ၂၀၀၇ မျိုးဆက်ကျောင်းသားတွေက ပြည်သူကိုယုံကြည်မှုပေးနိုင်ခဲ့တယ် ၊ ထောင်ဒဏ် ၆၅ နှစ်တွေရင်းပြီး ပြည်သူကိုနှိုးဆွနိုင်ခဲ့တယ်၊ သံဃာတော်တွေပါ အသေခံဦးဆောင်ချိန်ကျတော့ (နိုင်ငံရေးပါတီကလူတွေသာ တွေဝေနေပြီး) ပြည်သူတွေက လိုက်ပါခဲ့ကြတာပါပဲ ။
သေနတ်ပြောင်း၊နံပါတ်တုတ်နဲ့အချုပ်ထောင်တွေကိုပြပြီးဟစ်အော်ကြိမ်းမောင်းနေတဲ့ စစ်အာဏာရှင်ရဲ့အမိန့်သံတွေကို ဥပဒေတွေအဖြစ် လိုက်နာရင်း တိုက်ပွဲလမ်းကြောင်းပျောက်နေတဲ့အဖြစ်ကြောင့် ပြည်သူတွေဝေဝါးနေရတာကို တိုက်ပွဲဝင်ရဲမှ ဖိနှိပ်ခံစစ်ကျွန်ဘဝက လွတ် မြောက်မှာဆိုတဲ့ယုံကြည်မှု ပြန်တည်ဆောက်ပေးနိုင်ဖို့လိုပါတယ် ၊ ခုချိန်မှာတော့ ပြည်သူတွေရဲ့ လေးစားအားကိုးမှုယုံကြည်မှုကိုရဖို့က တော့ ရှစ်လေးလုံးအရေးတော်ပုံကြီးမတိုင်မှီကလို ကျောင်းသားလှုပ်ရှားမှုတွေ ၊ ဦးအုန်းသန်းတို့ ကိုထင်ကျော်တို့လို အဖမ်းခံရမှာသိသိနဲ့ တကိုယ်တော်ရဲရဲရင့်ရင့်ဆန္ဒပြသူတွေ ၊ ကိုမင်းကိုနိုင်တို့လိုရှေ့ကထွက်ဦးဆောင်မဲ့ကျောင်းသားတွေ လိုနေတာပါပဲ ။
ရှစ်လေးလုံးအရေးတော်ပုံကြီးမတိုင်မှီက ခုလောက်နိုင်ငံရေးအသိတွေမရှိကြပဲ ကိုဖုန်းမော်နဲ့ကိုစိုးနိုင်တို့ပစ်သတ်ခံခဲ့ရတဲ့ RITကျောင်းဝန်း ကမတရားမှုကြောင့် ကျောင်းသားတိုက်ပွဲတွေ ပြန်လည်စတင်ခဲ့ပါတယ် ၊ အင်းလျားကန်ဘောင်ကတံတားဖြူကို တံတားနီလို့တင်စားခေါ်ရ လောက်အောင် သွေးတွေအိုင်ထွန်းနေတဲ့အထိအရိုက်ခံပြီး မတရားမှုကိုတုန့်ပြန် မကျေနပ်မှုတွေကိုပြခဲ့တဲ့ကျောင်းသားတွေကြောင့် တက္က သိုလ်ကျောင်းသားတွေသာမက အခြေခံပညာကျောင်းသားတွေပါ ကျောင်းသားတိုက်ပွဲထဲမှာပါဝင်လာကြသလို မြေနီကုန်းအရေးတော်ပုံနေ့ (အခြေခံပညာကျောင်းသားများနေ့)လို့ သတ်မှတ်ခေါ်ဆိုကြတဲ့ ဇွန်လ ၂၁ ရက်နေ့က လုံထိန်းတွေရဲ့နံပါတ်တုတ်နဲ့ရိုက်နှက်နှိမ်နှင်းမှုကို တက္ကသိုလ်ကျောင်းသားတွေနဲ့အတူ အခြေခံပညာကျောင်းသားတွေပါ ရဲရဲရင့်ရင့်ရင်ဆိုင်တုန့်ပြန်ခဲ့တာကြောင့် ပြည်သူတွေပါကျောင်းသား တိုက်ပွဲထဲပါဝင်လာခဲ့ကြပြီး သမိုင်းတွင်မဲ့လူထုအရေးတော်ပုံကြီးဖြစ်ခဲ့တဲ့သာဓကကိုပြန်တွေးကြည့်ရင် လက်ရှိအခြေအနေမှာ ပြည်သူတွေ ကြောက်နေကြလို့မဟုတ်ပဲ ဦးဆောင်မဲ့ကျောင်းသားလှုပ်ရှားမှုတွေကို စောင့်နေကြတာသာဖြစ်တယ်ဆိုတာ ထင်ရှားပါတယ် ။
ဖိရင်ကြွမယ် ထိရင်ချမယ် ၊ ကျောင်းသားဟာ လက်သည်းဆိတ်ရင် လက်ထိပ်ကနာတယ်ဆိုတဲ့အတွေးအခေါ်တွေ ကျောင်းသားတွေကြား ပြန်ရောက်အောင် အရင်လုပ်ကြရမယ်ထင်ပါတယ် ၊ တော်လှန်ရေးမျိုးဆက်ပြတ်သည်မရှိဆိုပေမဲ့ စစ်အုပ်စုရဲ့ အဆိုးရွားဆုံးနှိပ်ကွတ်နှိမ်နှင်း မှုတွေနဲ့ အာရုံလွှဲထားမှုတွေကြောင့် မျိုးဆက်ပေါ်ထွက်မှုကျဲနေတာမျိုးဖြစ်နေတာကို ချေဖျက်နိုင်အောင်ကြိုးစားကြပြီး ကျောင်းသား လှုပ်ရှားမှုတွေပေါ်ထွက်ရေးကနေ ကြံ့ဖွတ်လွှတ်တော်ဖျက်သိမ်းရေးထိ တည်ဆောက်ကြသင့်ပါတယ် ။
“အမိမြေလွတ်မြောက်ဖို့ အရိုးတွေတောင်လိုပုံမှရမယ်ဆိုရင်
ကျောင်းသားအရိုးတွေက အောက်ဆုံအလွှာကရှိရစေမယ်” ဆိုတာကိုယုံကြည်လျက်
ခေတ်အဆက်ဆက် တိုက်ပွဲဝင်ခဲ့ကြသော တိုက်ပွဲဝင်နေသောကျောင်းသားအပေါင်းအား ဦးညွတ်အလေးပြုပါသည်။
မောင်ချင့်ချိန်
10 months ago
0 comments:
Post a Comment