၉၅ /၂၀၀၀ တက္ကသိုလ်နေ့ရက်များအမှတ်တရ

နီလွင်သွေး(ဒဿနိက)

ချစ်ခြင်းမေတ္တာနဲ့သီဖွဲ့ရာ
ရာဇ၀င်အထပ်ထပ်
မြင့်မြတ်ခမ်းနားသော
ကံ့ကော်တောလို့ပဲဆိုဆို
မြကျွန်းညိုလို့ပဲခေါ်ခေါ်
ကျနော်တို့ရဲ့အမိတက္ကသိုလ်က
မပြောင်းလဲသောအလှတရားအောက်မှာ
မဖေါက်မပြန်ရှိနေလိမ့်မပေါ့ ။

ခြောက်နှစ်တာ
ပညာဆီးပူးရင်း
ကံ့ကော်လွမ်းချင်းထဲမှာ
အိပ်မက်တွေနဲ့စီးမျောခဲ့ ။

ပဲခူးဆောင်
ကျောင်းသားခေါင်းဆောင်ကိုအောင်ဆန်း
အဓိပတိလမ်းမနဘေး
သမဂ္ဂမျက်ခင်းပြင်အစပ်က
အရောင်ခပ်မှိုင်းမှိုင်း ဗိုလ်အောင်ကျော်အုပ်ဂူ
အဲဒီရာဇ၀င်ထူထူထဲမှာ
နယူတန်ရဲ့ နိယာမတရားကို
ရှာဖွေရင်း
မြစ်ကျဉ်းမှာအကြိမ်ကြိမ်ဆန်တက်ခဲ့ဖူးတယ် ။

မျိုးနိုင်နဲ့ဆုံခဲ့
ခင်မောင်ဝင်းနဲ့ဆုံခဲ
စောအောင်ထူးလင်းနဲ့ဆုံခဲ့
ကိုဌေးအောင်းနဲ့ဆုံခဲ့
တင်မောင်ထွန်းနဲ့ဆုံခဲ့
မြင့်ထွန်းသိန်းနဲ့ဆုံခဲ့
ဖြူဖွေးနဲ့ဆုံခဲ့
မိုးစက်နဲ့ဆုံခဲ့
ယုံကြည်ချက်ကို
အသက်နဲ့ရင်းပြီးပုံခဲ့ကြသူတွေနဲ့
အဲဒီမြကျွန်းညိုမှာဆုံခဲ့ကြတယ်။

အဲဒီမှာ
ဒဿနတွေကိုဆွေးနွေးခဲ့
ကျောင်းသားအရေးဆွေးနွေးခဲ့
အနုပညာတွေသွေးခဲ့
ကဗျာတွေရေးခဲ့
ကျောင်းသားဘ၀ကိုရေးခဲ့
ကိုအောင်ဆန်းကိုအားကျခဲ့

ဗိုလ်အောင်ကျော်ကိုလွမ်းတခဲ့
ကျောင်းသားသူပုန်ထခဲ့
ဘယ်တော့မှမေ့မရတဲ့ကာလများ
အလွမ်းတွေနဲ့မကြာခဏဖျားတယ် ။

အဓိပတိလမ်မနဲ့ဘွဲနှင်းသဘင်
သစ်ပုတ်ပင်နဲ့ခုံတမ်းပြာ
ရေတမာတန်းနဲ့ဂျပ်ဆင်
ရေပြင်အင်းလျှားနဲတံတားဖြူ
သစ္စာကြီးသူတို့စံနန်း
ဝေးတဲ့အခါတိုင်းပိုလွမ်းတယ် ။

ပဲခူးဆောင်
တောင်ငူ ရာမည
စစ်ကိုင်း ပင်းယ
အင်းဝ သထုံ
ဒဂုံ ရွှေဘို
မန္တလေးဆောင်နဲ့မြရာပင်အိုရိပ်
လိပ်ပြာလွင့်မိ ။

ဝိဇာဆောင်စားသောက်တန်းနဲ့
မြကျွန်းသာကဖီး
အရီးမြအသုတ်ဆိုင်
တောင်ငူဆောင်စားသောက်တန်းနဲ့
ဦးချစ်ကဖီး
အာစီနဲ့အားကစားခမ်းမ
ကံ့ကော်တန်းနဲ့စာကြည့်တိုက်
ရေတမာတန်းနဲ့ခုံတန်းပြာ
တသက်တာမေ့မရတဲ့နေ့ရက်များ ။

အင်းလျှား ရတနာ
မာလာ သိရိ
တသက်တာတွယ်ငြိခဲ့ ။

ကျနော်တို့ခေတ် အမိတက္ကသိုလ်လျှင်
အစဉ်အလာအတိုင်း
သမိုင်းတွင်ခဲ့
ချစ်ခင်ခဲ့
ငြိမ်းချမ်းခဲ့
လှပခဲ့
ဒေါင်းခွပ်ခဲ့
ချွန်မြခဲ့
တွန်ကခဲ့
လွမ်းတခဲ့
မဆုံးနိုင်တဲ့အလှတရား ။ ။

(အမျိုးသားခေါင်းဆောင်ကြီးဗိုလ်ချုပ်အောင်ဆန်းနဲ့ခေတ်အဆက်ဆက်က အိမ်မက်တွေထုဆစ်ခဲ့ကြသော အမိတက္ကသိုလ်မှသူရဲကောင်းများသို့)

နီလွင်သွေး(ဒဿနိက)

ဖေဖေါ်ဝါရီ ။ ၁၃ ။ ၂၀၁၁
တနင်္ဂနွေနေ့ ။