Tuesday, November 16, 2010

ယနေ့ သတင်း (၁၆ ရက် နိုဝင်ဘာလ ၂၀၁၀)

ဆုံဆည်းရာ၊ ၁၆ ရက် နိုဝင်ဘာလ ၂၀၁၀

မြ၀တီ
- ဒီကေဘီအေ နာယက မြိုင်ကြီးငူ ဆရာတော် ဦးသုဇန အား နအဖ မှ ယနေ့ နေပြည်တော်သို့ ပင့်ဆောင်ထားကြောင်း သိရှိရသည်။ ကရင်ပြည်နယ် ကော့ကရိတ်မြို့နယ် ဝေါလေဒေသမှာ ဖြစ်ပွားတဲ့ နအဖ နဲ့ ဒီကေဘီအေ တိုက်ပွဲများကြောင့် တပ်ခရိုင် ဖုတ်ဖရတ်မြို့နယ် ထဲသို့ စစ်ပြေး ဒုက္ခသည် ၅၀၀ ကျော် ရောက်ရှိနေကြောင်း သိရှိရသည်။

ဘုရားသုံးဆူဒေသ

- ဘုရားသုံးဆူဒေသမှာ နအဖ စစ်တပ်များနဲ့ ဒီကေဘီအေ တို့ တိုက်ပွဲများ ဒီကနေ့ ငြိမ်သက်သွားပြီလို့ သိရှိရပါတယ်။ ဘုရားသုံးဆူမြို့ကနေ ဒီကေဘီအေများ ဆုတ်ခွာသွားတယ်လို့ သိရှိရပါတယ်။ တိမ်းရှောင်နေသော စစ်ပြေးဒုက္ခသည်တွေလည်း နေရပ်သို့ ပြန်လည် ၀င်ရောက်နေပြီလို့ သိရှိရပါတယ်။

SSA ဆိုင်ရာ သတင်းများ

- နိုဝင်ဘာ ၇ ရက် ရွေးကောက်ပွဲသည် စစ်အစိုးရကျောထောက်နောက်ခံပြု ကြံ့ခိုင်ရေးနှင့် ရွေးကောက်ပွဲ ကော်မရှင်များ ပြည်သူလူထုအား အတင်းအဓမ္မမဲပေးခိုင်းခြင်း၊ မသမာ မဲလိမ်၊ မဲခိုးခြင်း၊ ကြိုတင်မဲ ကောက် ယူခြင်း၊ ရွာသူကြီးများအား ကိုယ်စားမဲပေးစေခြင်း၊ အကြောင်းပြချက်အမျိုးမျိုးသုံး၍ ရွေးကောက်ပွဲကျင်းပ ရက်နီးမှ မဲရုံပြောင်းရွှေ့ခြင်း၊ အာဏာသုံး၍ ပြိုင်ဖက်ပါတီအပေါ် ပြသနာရှာအပြစ်ပုံချခြင်း တို့ကြောင့် ရွေးကောက်ပွဲ ရလဒ်မှလုံးဝ လက်မခံကြောင်းပြတ်သား စွာဆန့်ကျင်ကြောင်း နိုဝင်ဘာ ၁၁ ရက်စွဲဖြင့် ၂၀၁၀ ရွေး ကောက်ပွဲအပေါ် သျှမ်းပြည်တပ်မတော်၏ သဘောထားထုတ်ပြန်ကြေငြာချက် တစောင် ထုတ်ပြန်ခဲ့သည်။

- အာဏာရစစ်အုပ်စုချုပ်နှောင်ခြင်းမှ လွတ်မြောက်လာသည့် ဒေါ်အောင်ဆန်းစုကြည်အား တိုင်းရင်းသားခေါင်း ဆောင်များ မျှော်လင့်ထားသည့်အတိုင်း လွတ်လပ်စွာ နိုင်ငံရေးမလှုပ်ရှားနိုင်မည်ကို စိုးရိမ်ကြောင်း ဒုတိယဗိုလ်ချုပ်ကြီးယွတ်စစ် က ပြောကြားလိုက်ပါသည်။

- သျှမ်းပြည်တပ်မတော်ခေါင်းဆောင် ဒုဗိုလ်ချုပ်ကြီးယွက်စစ် က ပင်လုံကို မပြန်သွားသရွေ့ ယမ်းငွေ့ ဝေနေဦးမည်ဟု ပြောကြားလိုက်သည်။ ယခုလ ၇ ရက်က တိုးတက်သော ဗုဒ္ဒဘာသာ ကရင်အမျိုးသားတပ်မတော် DKBA နဲ့ နအဖ စစ်တပ်အကြား တိုက်ပွဲဖြစ်ပွါးခဲ့ပြီးနောက်ပိုင်း နိုဝင်ဘာ ၉ ရက် ရက်စွဲနဲ့ သျှမ်းပြည်ပြန်လည်ထူထောင်ရေးကောင်စီ/ သျှမ်း ပြည်တပ်မတော်က သဘောထားထုတ်ပြန် ကြေငြာချက်တစောင် ထုတ်ပြန်ခဲ့ပါတယ်။ ကြေငြာချက်ထဲမှာ DKBA က နအဖ အစိုးရကို ရွပ်ရွပ်ချွံချွံ ပြန်လည် တိုက်ခိုက်လိုက်တဲ့စိတ်ဓါတ်ကို အထူးလေးစာဂုဏ်ယူမိကြောင်း တိုင်းရင်းသား လက်နက်ကိုင်တပ်ဖွဲ့တွေနဲ့ အပစ်ရပ်တပ်ဖွဲ့တွေအတွက် စံနမူနာထား အတုယူသင့်ကြောင်း RCSS/SSA ဗဟိုဦးစီးကော်မတီက အဓိကထား ဖော်ပြထားကြောင်း သိရှိရပါတယ်။ (ကိုးကား - သျှမ်းသံတော်ဆင့်)

ဗွီဒီယို
ဒေါ်ဆောင်ဆန်းစုကြည် လွှတ်မြောက်သည့် သတင်းကို မြန်မာ ရုပ်မြင်သံကြားတွင် နိုဝင်ဘာလ ၁၃ ရက်နေ့က ဖော်ပြသည့် သတင်း ဗွီဒီယိုဖိုင် တင်ပေးလိုက်ပါတယ်။

1 comments:

boshi said...

Every child wants a zhu zhu petshamster and we have all of them in stock as well as all the Zhu Zhu accesories for this most wished for of toys. They are also know as Go Go Pets or Go Go Hamsters in the UK and Europe. Enjoy your zhu zhu pets everyone. Sixth,
Pillow Pets is durability, machine washable, no batteries, friends for life and most important children like them.