ဒေါ်အောင်ဆန်းစုကြည် ဓာတ်ပုံများဖြန့်ဝေ

ဧရာဝတီ၊ ဂျွန်လ ၄ ရက် ၂၀၀၉

ဒေါ်အောင်ဆန်းစုကြည် လွတ်မြောက်ရေး ဓာတ်ပုံဖြန့်ဝေခြင်း (Photo campaign) လှုပ်ရှုားမှုတရပ်ကို မိတ္ထီလာခရိုင် အတွင်း၌ အမျိုးသား ဒီမိုကရေစီအဖွဲ့ချုပ်မှ ဒေါ်အောင်ဆန်းစုကြည်ပုံ ပါဝင်သော ဓာတ်ပုံ ၁၀၀၀၀ခန့်ကို ဇွန်လ၂ရက်နေ့က စတင်၍ ဦးဆောင် ဖြန့်ဝေရာယခုအခါဓာတ်ပုံ ၃၀၀၀ခန့် ရှိပြီဖြစ်ကြောင်း သိရသည်၊

ဒေါ်အောင်ဆန်းစုကြည်နှင့် ပတ်သက်၍ ဖြန့်ဝေသော ဓာတ်ပုံ ၈မျိုး တွင် ဗိုလ်ချုပ်အောင်ဆန်းနှင့် ဒေါ်အောင်ဆန်း စုကြည် တို့ ယှဉ်တွဲရိုက်ကူးထားသော ဓာတ်ပုံမှာ အများဆုံး ဖြန့်ဝေရကြောင်း မိတ္ထီလာခရိုင် အမျိုးသား ဒီမိုကရေစီအဖွဲ့ချုပ်(NLD)မှ ဒေါ်အေးအေးမြင့် ကပြောသည်။

ဒေါ်အေးအေးမြင့်က“မြန်မာပြည်မှာသတင်းနဲံ့ စာနယ်ဇင်းလွတ်လပ်ခွင့်မရှိတော့ မီဒီယာတွေမှာ ဒေါ်အောင် ဆန်း စုကြည် ရဲ့ဓာတ်ပုံ ကိုသိပ်ဖော် ပြလေ့ မရှိဘူး၊ မမြင်ဘူးတဲ့သူတွေက အများကြီးပဲ၊ လာတောင်းတဲ့သူတွေ ကလည်း မနည်း ဘူး၊ ဒေါ်အောင်ဆန်းစုကြည်နဲ့ ပတ်သက်ပြီး ဖြန်ဝေတဲ့ဓာတ်ပုံ ၈မျိုးထဲမှာ ဖခင်ဖြစ်တဲ့ဗိုလ်ချုပ် အောင်ဆန်းနဲ ရိုက်ထားတဲ့ပုံက အဖြန့်ဝေရဆုံးပဲ” ဟု ဧရာဝတီသို့ပြောသည်။

ဒေါ်အောင်ဆန်းစုကြည်နှင့် ပတ်သက်သော ဓာတ်ပုံများကို အခမဲ့ ဖြန်ဝေသွားမည်ဖြစ်ပြီး အရွယ်အစားမှာ ၃ လက်မ x ၄ လက်မ ပတ်လည် ရှိကြောင်း လည်းသိရသည်။

“ကျမတိုရဲ့ရည်ရွယ်ချက်ကတော့ ဒေါ်အောင်ဆန်းစုကြည်ရဲ့ ဓာတ်ပုံကို ကျယ်ကျယ်ပြန့်ပြန့် လူထုလက်ထဲ အိမ်တိုင်းစေ့ ရောက်ရှိအောင်ဖြန့်ဝေသွားမှာဖြစ်တယ်၊ ဓာတ်ပုံကိုရယူကြတဲ့ပြည်သူတွေကို တောင်းဆိုချင်တာက ဓာတ်ပုံကို မိမိတို့ အိမ်ရဲ့ ဧည့်ခန်းမှာ မှန်ဘောင်သွင်း ချိတ်ဆွဲထားနိုင်ရင်ထားစေချင်တာပေါ့ အဲဒါမှအဆင် မပြေဘူး ဆိုရင် အိမ်မှာဓာတ်ပုံ ထည့်တဲ့ အယ်လ်ဘမ်ရဲ့ရှေ့ ဆုံးမှာ ထည့်သွင်းထားဖို့ဆော်သြထားတယ်၊ မိမိရဲ့ GSMဖုန်းထဲမှာ၊ ပိုက်ဆံအိတ်ထဲတွေမှာ လည်း ထည့်ထား စေချင်ပါတယ်”ဟု၎င်း ကဆက်ပြောသည်။

မိတ္ထီလာခရိုင်(NLD)အနေဖြင့် ဒေါ်အောင်ဆန်းစုကြည် လွတ်မြောက်ရေးအတွက် ငြိမ်းချမ်းစွာဖြင့် လူထု ပါဝင် ဆင်နွှဲ နိုင်သော လှုပ်ရှုားမှုအဖြစ် Photo Campagin ကိုရွေးချယ်ပြုလုပ်ခဲ့ခြင်းဖြစ်သည်။

ယင်းလှုပ်ရှားမှုကို စဉ်ဆက်မပြတ်လုပ်ဆောင် သွားမည် ဖြစ်ကြောင်း၊ မိတ္ထီလာ၊ သာစည်၊ ၀မ်းတွင်း၊ ကျောက်ပန်းတောင်း၊ ရေနံချောင်း၊ မြင်းခြံ၊ ညောင်ဦး၊ညောင်ရွှေ မြို့များကို ဖြန်ဝေပြီး ဖြစ်ကြောင်း၊ နောက်ပိုင်း မိုးကုတ် မန္တလေးကိုပါ ဆက်လက် ဖြန့်ဝေသွားရန်စီစဉ်နေပြီး မကြာမီရက်ပိုင်း အတွင်း ပဲခူး၊မကွေးတိုင်း များ လည်း ပါဝင်နိုင်မည်ဖြစ်ကြောင်း၊ သာစည်မြိုနယ် တွင်မှု ရဲများကလိုက်လံ သိမ်းဆည်းနေသည်ဟုကြားသိရကြောင်း ဒေါ်အေးအေးမြင့်က ပြောသည်။

၎င်းဓာတ်ပုံဖြန်ဝေသည့်လှုပ်ရှားမှုနှင့် ပတ်သက်၍ သံဃာ့တပ်ပေါင်းစုမှ ဦးဆောင်ဆရာတော်တပါးဖြစ်သူ ဦးအာစ္စရိယက ထောက်ခံခဲ့ပြီး သံဃာတော်များကလည်း ဒေါ်အောင်ဆန်းစုကြည် အတွက် တတ်အားသရွေ့ ဘုရားတွင် ဆုတောင်း မေတ္တာပို့သွားမည်ဖြစ်ကြောင်း ဧရာဝတီသို့ ပြောသည်။

Generation Wave အဖွဲ့အနေနှင့်လည်း မတ်လက ရန်ကုန်၊ပြည် ရှိလူစည်ကားရာနေရာများတွင် စာရွက်စာတမ်းများ ဖြန်ဝေခြင်း၊ မှုတ်ဆေးများဖြင့် လှုံ့ဆော်စာရေးသားခြင်းများ ပြုလုပ်ခဲ့ကြောင်း ရှေ့ဆက်၍လည်းပြည်သူ လူထုနှင့် ပူးပေါင်းကာ လုပ်ဆောင်သွားမည် ဖြစ်ကြောင်း အဖွဲ့ဝင်တဦးက ဧရာဝတီသို့ပြောသည်။