ဗိုလ်ချုပ်တွေ ဗိုက်ဖောင်းနေချိန် အစိုးရငွေပြတ်နေ

မဇ္ဈိမသတင်းဌာန၊ ဧပြီ ၂၅ ရက် ၂၀၀၈

ချင်းမိုင်။ ။ မြန်မာနိုင်ငံ၏ ထိပ်တန်း ဗိုလ်ချုပ်ကြီးများ လာဘ်ငွေများနှင့် စီးပွားရေး ပွပေါက်များမှ ဝင်ငွေ ကောင်းနေချိန်တွင် မြန်မာနိုင်ငံ အစိုးရမှာ ကြွေးမြီ အကြပ်အတည်းနှင့် ကြုံနေရသည်။

ထိပ်တန်း ဗိုလ်ချုပ်ကြီးများသည် ယင်းတို့၏ ကိုယ်ကျိုးစီးပွါးကို အစိုးရ၏ အကျိုးစီးပွားထက် ထိပ်တန်း တင်လေ့ရှိကြောင်း ခွဲခြမ်းစိတ်ဖြာ သုံးသပ်သူများနှင့် အကြားအမြင် များသူများက တညီတညာတည်း ပြောနေကြသည်။ ယင်းလုပ်ရပ်များကြောင့် ပြည်တွင်းစီးပွါးရေး အခြေအနေမှာ ကြွေးမြီများ ပြန်လည် ပေးဆပ်နိုင်သည့် အခြေအနေ မရှိတော့ဘဲ၊ နိုင်ငံတော်အတွက် အရေးတကြီး လိုအပ်နေသည့် အခြေခံ အဆောက်အအုံ တည်ဆောက်ရေး စီမံကိန်းများအတွက်လည်း ငွေမရှိ၍ ရပ်နားထားရသည်။

“အစိုးရက ဒေဝါလီ ခံရတော့မယ်။ ဗိုလ်ချုပ်ကြီးတွေကတော့ ငွေတွေ အပြည့်နဲ့ဘဲ” ဟု ရန်ကုန်အခြေစိုက် နိုင်ငံတကာ အစိုးရမဟုတ်သော အဖွဲ့အစည်းတခု၏ နိုင်ငံခြားသား ဝန်ထမ်းတဦးက အခြေအနေကို ခပ်ပြတ်ပြတ် ပြောကြားသွားခဲ့ပါသည်။

သူ၏ ပြောဆိုချက်အရ အစိုးရသည် ယင်း၏ ဘဏ္ဍာရေးနှစ် ကုန်ဆုံးချိန်ကို အစဉ်အလာ ဖြစ်သည့် မတ်လကုန်မှ ယခုအခါ ဇွန်လကုန်အထိ တရားမဝင် ရှေ့တိုး သတ်မှတ်နေသည်ဟု ဆိုသည်။ ယင်းလုပ်ရပ်သည် ပုဂ္ဂလိက ကဏ္ဍနှင့် ကြွေးမြီများ ရှင်းလင်းရန် ကိစ္စကို ရှောင်ရှားနိုင်ရေးအတွက် ကြိုးပန်းချက် ဖြစ်ပုံရသည်။ ခါတိုင်းနှစ်များတွင် မိမိတို့ရရန် ရှိသည့်ငွေများကို ဘဏ္ဍာရေးနှစ် မကုန်မီ ရရှိရေးအတွက် ကြိုတင် တင်ပြရန် ပုဂ္ဂလိက စီးပွားရေး လုပ်ငန်းရှင်များသို့ နှိုးဆော်စာများ ပို့လေ့ရှိသော်လည်း ယခုနှစ်တွင် ဤသို့ ပို့ခြင်းမရှိဟုလည်း သိရသည်။

အစိုးရထံမှ မိမိတို့ရရန်ရှိသည့် ဘီလ်များငွေရရန် ပုဂ္ဂလိက လုပ်ငန်းရှင်များ စိုးရိမ်တကြီး စောင့်ဆိုင်း နေကြရသည်။

ဂျပန်နိုင်ငံမှ တာယာများ အများဆုံး တင်သွင်းနေသည့် သွင်းကုန် လုပ်ငန်းရှင်တဦးသည် အစိုးရထံမှ ရရန်ငွေကြေး ဒေါ်လာသန်း ၁ဝဝ ကျော် ရှိနေသည်။

ထို့ပြင် ဆောက်လုပ်ရေး ကုမ္ပဏီကြီး တခုကလည်း သူတို့ ဆောက်လုပ်ခဲ့သော ပြည်သူပိုင်ကဏ္ဍ ပရောဂျက်များအတွက် ယခုအထိ ငွေနောက်ထပ် မရသေးဟု ဆိုသည်။ ထိုပရောဂျက်များမှာ တက္ကသိုလ်များ ဆောက်လုပ်ခြင်း ကဲ့သို့သော စီမံကိန်းများ ဖြစ်သည်။

နိုင်ငံတဝှမ်း တည်ဆောက် အကောင်အထည် ဖေါ်လျက်ရှိသည့် အခြေခံ အဆောက်အအုံ တည်ဆောက်ရေး စီမံကိန်းများကို ကြည့်လျှင် အစိုးရ၏ ဘဏ္ဍာရေး အကြပ်အတည်းကို သိသာစွာ မြင်နိုင်သည်။

နေပြည်တော် မန္တလေး ကားလမ်းဖေါက်လုပ်ရေး လုပ်ငန်းကို ရပ်ဆိုင်းလိုက်ခြင်းသည် ၂ဝ၁ဝ ခုနှစ်တွင် ပြုလုပ်မည့် အထွေထွေ ရွေးကောက်ပွဲများ မတိုင်ခင် ဘဏ္ဍာရေးရရန် ပိုင်ခွင့်များကို စုဆောင်းထားရန် အစိုးရက လိုအပ်နေခြင်းနှင့် သက်ဆိုင်နေပုံရကြောင်း ထိုင်းနိုင်ငံအခြေစိုက် လေ့လာသုံးသပ်သူ ဦးဝင်းမင်းက ပြောသည်။

ဤအဆုံးမသတ်ရသေးသော လမ်းဖေါက်လုပ်ရေး လုပ်ငန်းသည် ရွေးကောက်ပွဲအပြီး တက်လာမည့် အစိုးရ၏ ခေါင်းပေါ်သို့ ရောက်လာမည်ဟု ယူဆရသည်။

လျှပ်စစ်စွမ်းအား ထုတ်လုပ်ရေး ပရောဂျက်များတွင် အစိုးရက အသုံးစရိတ်များ လျှော့ချလာခြင်းကို ကြည့်ပြီး ဤဖြစ်ပေါ်နေသည့် ယေဘူယျ လမ်းကြောင်းကို ရန်ကုန်အခြေစိုက် မြန်မာ စာနယ်ဇင်းသမား တဦးကလည်း သဘောတူသည်။ မြန်မာအစိုးရသည် အစိုးရပိုင် ပစ္စည်းအားလုံးကို မကြာမီ ပုဂ္ဂလိကသို့ ရောင်းထုတ်ရန် ရည်ရွယ်ပုံရသည်ဟု သူက ပြောသည်။

အစိုးရ၏ စီးပွားရေး ဤသို့ ချွတ်ခြုံကျနေသော်လည်း ဗိုလ်ချုပ်ကြီးများ၏ ငွေတိုက်ကြီးများမှာမူ ဓနဥစ္စာများ ဆက်လက် တိုးပွါးနေဆဲ ဖြစ်သည်။

အစိုးရက ဒေဝါလီခံရရန် ပိုမို နီးကပ်လာနေချိန်တွင် စစ်အစိုးရ ဘဏ္ဍာရေး အကျိုးစီးပွါးများ၏ အဓိက ရေသောက်မြစ် ဖြစ်သော မြန်မာ့စီးပွါးရေး ဦးပိုင်လီမိတက် (UMEHL) မှာမူ ဝင်ငွေများ ဆက်လက် တိုးပွါးနေဆဲ ဖြစ်သည်။ သို့သော် ဤဦးပိုင်၏ ဝင်ငွေများ အစိုးရ အသုံးစရိတ်ထဲ ရောက်ရှိသွားရေးမှာမူ အလားအလာ အလွန်နည်းပါးသည်။

ဦးပိုင်၏ ငွေရှာပုံမှာ မထူးခြားဟု မဆိုနိုင်။ တိုယိုတာ လင်ခရူဆာ ကားသစ်တစီး အရောင်းအဝယ် ဖြစ်ရုံနှင့် ဦးပိုင်အတွက် အမေရိကန်ဒေါ်လာ ၃၈ဝဝဝဝ ခန့် ရနိုင်သည်။