၂ဝဝ၈ ခုနှစ်ကို တွေ့ဆုံဆွေးနွေး အဖြေရှာရေးနှစ် သတ်မှတ်ရန် အဖွဲ့ချုပ် တောင်းဆို

မဇ္ဈိမသတင်းဌာန၊ ဇန်န၀ါရီလ ၄ ရက် ၂၀၀၈ ခုနှစ်

နအဖ စစ်ခေါင်းဆောင်များ အနေဖြင့် အကျဉ်းကျခံ ရဟန်းသံဃာများ၊ ဒေါ်အောင်ဆန်းစုကြည်နှင့် တိုင်းရင်းသား ခေါင်းဆောင်များ၊ နိုင်ငံရေး အကျဉ်းသားများ အားလုံးကို အမြန်ဆုံး လွှတ်ပေးပြီး ၂ဝဝ၈ ခုနှစ်ကို တွေ့ဆုံဆွေးနွေး အဖြေရှာရေးနှစ်အဖြစ် အကောင်အထည်ဖော်ရန် အမျိုးသား ဒီမိုကရေစီ အဖွဲ့ချုပ်က ယနေ့ ကျရောက်သည့် လွတ်လပ်ရေးနေ့တွင် တောင်းဆိုလိုက်သည်။

တိုင်းပြည်၏ ပြဿနာကို ဖြေရှင်းပေးနိုင်မည့် တခုတည်းသော နည်းလမ်းဖြစ်သည့် စစ်မှန်သော တွေ့ဆုံ ဆွေးနွေးရေးကို အစဉ် တောင်းဆိုလာခဲ့သည့် အန်အယ်ဒီက ယခုလို ‘၂ဝဝ၈ ခုနှစ်ကို တွေ့ဆုံဆွေးနွေး အဖြေရှာရေးနှစ်’ အဖြစ် သတ်မှတ်ရန်အတွက် ယနေ့ ကျရောက်သည့် လွတ်လပ်ရေးနေ့ အခမ်းအနားတွင် ကြေညာချက် ထုတ်ပြန်ကာ ထူးခြားစွာ တောင်းဆိုလိုက်ခြင်း ဖြစ်သည်။

နှစ် ၆ဝ ပြည့်မြောက်လာပြီဖြစ်သည့် မြန်မာ့လွတ်လပ်ရေးနေ့ အခမ်းအနားကို ယနေ့နံနက်တွင် အန်အယ်ဒီ ရုံးချုပ်တွင် ကျင်းပခဲ့ရာ ဝါရင့် နိုင်ငံရေးသမားများ၊ အဖွဲ့ချုပ်ဝင်များ လူဦးရေ ၆ဝဝ ခန့် တက်ရောက်ခဲ့သည်။

“မြို့ပေါ်ရော၊ နယ်ကရော ၆ဝဝ လောက် တက်ပါတယ်။ ကျနော်တို့ ဒီနေ့ အခမ်းအနားမှာ သခင်အောင်ဆန်းရဲ့ အတ္ထုပတ္တိအကျဉ်း၊ မိန့်ခွန်း ကောက်နုတ်ချက်တွေရယ်၊ ရှားပါး ဓာတ်ပုံတွေကို စာမျက်နှာ ၁ဝ မျက်နှာပါတဲ့ စာအုပ်ငယ် တအုပ် ထုတ်ပါတယ်။ နောက်ပြီး အဖွဲ့ချုပ်လူငယ်တွေ ရေးထားတဲ့ သတင်းစာပုံစံ သတင်းလွှာကို နံရံကပ်အဖြစ် လုပ်ပါတယ်” ဟု အဖွဲ့ချုပ် ပြန်ကြားရေးတာဝန်ခံ ဦးဉာဏ်ဝင်းက ပြောသည်။

ယနေ့ အခမ်းအနားတွင် ထုတ်ဝေသည့် အဖွဲ့ချုပ်၏ ထုတ်ပြန်ကြေညာချက်တွင် ဗိုလ်ချူပ်အောင်ဆန်း၏ လွတ်လပ်ရေး ကြိုးပမ်းမှု သမိုင်းကို ရှင်းလင်းတင်ပြထားသည့် အကြောင်းအရာများ၊ ဒုတိယဥက္ကဌ ဦးတင်ဦးနုင့် အထွေထွေ အတွင်းရေးမှူး ဒေါ်အောင်ဆန်းစုကြည်တို့ကို အမြန်ဆုံး လွတ်ပေးရေး၊ ၂ဝဝ၈ ခုနှစ်ကို တွေ့ဆုံဆွေးနွေး အဖြေရှာရေးနှစ်အဖြစ် အကောင်အထည်ဖော်ရေး၊ ရှမ်းတိုင်းရင်းသားများ ဒီမိုကရေစီ အဖွဲ့ချူပ်ဥက္ကဌ ဦခွန်ထွန်းဦး အပါအဝင် တိုင်းရင်းသား ခေါင်းဆောင်များကို လွတ်ပေးရေး၊ ၈၈ ကျောင်းသားခေါင်းဆောင်များ၊ ရဟန်းသံဃာများ၊ နိုင်ငံရေး အကျဉ်းသားများကို ချွင်းချက်မရှိ အမြန်ဆုံး လွတ်ပေးရေးစသည့် တောင်းဆိုချက်များကို ရေးသားဖော်ပြ တောင်းဆိုထားသည်။

အလားတူ လွတ်လပ်ရေးနေ့ အထိမ်းအမှတ်အဖြစ် အိန္ဒိယနိုင်ငံရောက် မြန်မာ့ဒီမိုကရေစီ အင်အားစုများနှင့် မလေးရှားရောက် မြန်မာများကလည်း လွတ်လပ်ရေးနေ့ အခမ်းအနားများကို ကျင်းပခဲ့ကြသည်။

အိန္ဒိယတွင် ကျင်းပသည့် လွတ်လပ်ရေးနေ့ အခမ်းအနားတွင် အမျိုးသမီးများအဖွဲ့ချုပ် (မြန်မာနိုင်ငံ) က နအဖ သည် ပြည်တွင်းရှိ ဒုက္ခအပေါင်းကို ငြိမ်းချမ်းစွာ ဖြေရှင်းပေးနိုင်မည့် တခုတည်းသော နည်းလမ်းဖြစ်သည့် တွေ့ဆုံ ဆွေးနွေးရေးကို လျစ်လျူရှူနေဆဲဖြစ်ပြီး နိုင်ငံတကာအသိုင်းအဝိုင်းက သတိပေးနေသည့်ကြားမှပင် ပြည်သူလူထု၏ ဆန္ဒများကို ဖော်ထုတ်ပေးသူများ၊ လူ့အခွင့်အရေး လှုပ်ရှားသူများ၊ နိုင်ငံရေးသမားများကို ဖမ်းဆီးနေခြင်းကို ကြေညာချက်ထုတ်ပြန်ကာ ကန့်ကွက်ခဲ့ကြသည်။

ထို့အပြင် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများကို နအဖ က ပြန်လွှတ်ပေးရေးအပါအဝင် စစ်အစိုးရ အာဏာပိုင်များ၏ လိုက်လံဖမ်းဆီးကြောင့် ရှောင်တိမ်းနေရင်း ရင်သွေးငယ်များနှင့် ဝေးကွာနေရသည့် မိခင်များ၊ အကျဉ်းထောင်တွင်း ချုပ်နှောင်ခံနေရသည့် မိခင်များ၊ အကျဉ်းကျခံ အမျိုးသမီး လူ့အခွင့်အရေး လှုပ်ရှားသူများကို မိသားစုနှင့် ပြန်လည် ပေါင်းစည်းစေရေးအတွက် ကုလသမဂ္ဂ အမျိုးသမီးများ အကြမ်းဖက်မှုဆိုင်ရာ အထူးအရာရှိကို မြန်မာနိုင်ငံသို့ စေလွှတ်ကာ စုံစမ်းစစ်ဆေးမှုများ လုပ်ဆောင်စေရန် ကုလသမဂ္ဂအထွေထွေ အတွင်းရေးမှူးချုပ် မစ္စတာ ဘန်ကီမွန်းကို တောင်းဆိုထားသည်။

မလေးရှားနိုင်ငံရောက် မြန်မာများကလည်း မလေးရှားနိုင်ငံ ကွာလာလမ်ပူမြို့ရှိ တရုတ်တန်းခန်းမ Chinese Assembly Hall တွင် လွတ်လပ်ရေးနေ့ အထိမ်းအမှတ် တရားပွဲတရပ်ကို ကျင်းပရာ ဗုဒ္ဓဘာသာဝင် မြန်မာနိုင်ငံသား ၃ဝဝ ခန့် တက်ရောက်ခဲ့ကြသည်။

နေ့လည် ၁ နာရီမှ ညနေ ၄ နာရီအထိ ကျင်းပသော လွတ်လပ်ရေး တရားပွဲတွင် ပီနန်ဆရာတော်နှင့် သီရိလင်္ကာ နိုင်ငံရောက် ကျောင်းသားသံဃာ ရဟန်းတော်များအဖွဲ့၏ ဒုဥက္ကဌ အရှင် အဂ္ဂဝံသက တို့က ကြွရောက်လာကာ လွတ်လပ်ရေးတရားများ ချီးမြှင့်သည်။

အရှင် အဂ္ဂဝံသက “ဗိုလ်ချုပ်အောင်ဆန်းတို့ ရခဲ့တဲ့ လွတ်လပ်ရေးခေတ်ကို ကောင်းကောင်း မမှတ်မိတဲ့အတွက် အကြောင်းစုံကို ဦးဇင်း ခံစားလို့ မရဘူး။ ဒါပေမဲ့ လတ်တလော အခြေအနေအရ ဦးဇင်းတို့ ကြီးပြင်းလာရတဲ့ အခြေအနေ အခုက စစ်အစိုးရ လက်အောက်မှာ ကြီးပြင်းလာရတဲ့အတွက် ဒါဟာ လွတ်လပ်ရေးရဖို့ အားလုံးက ကြိုးစားရအုံးမယ်ဆိုတဲ့ ခံစားချက်ကိုပဲ ဦးဇင်း ခံစားရတယ်” ဟု ပြောသည်။

တရားပွဲကို တက်ရောက်လာသူ ပီနန် ဆရာတော်ကလည်း “လွတ်လပ်ရေး ရပြီးတဲ့နောက်က စပြီးတော့ သူများတွေကို မမှီခိုဘဲ ကိုယ့်ဖာသာကိုယ် အေးအေးချမ်းချမ်း စားရေးသောက်ရေး၊ ပညာရေး၊ စီးပွားရေး လုပ်နိုင်အောင် ဆိုပြီးတော့ မြန်မာခေါင်းဆောင်တွေက လုပ်သွားခဲ့တာကို ဘာမှ ခံစားရတာ မရှိခဲ့ဘူး။ ဒါဟာ အနိုင်ကျင့် ခံရသလို ဖြစ်နေတယ်။ အဲဒါကြောင့် လွတ်လပ်ရေး မရတဲ့ လူတွေအားလုံး နားလည်ဖို့ လိုတာက အနိုင်ကျင့် ခံထားရတာတွေသည် လူတိုင်းမှာ တာဝန်ရှိတယ်။ ဒို့တတွေက ပြန်ပြီးတော့ ကာကွယ် စောင့်ရှောက်ကြဖို့ လိုတယ်။ စောင့်ရှောက်တဲ့ အခါမှာလဲ မညီညွတ်ရင် ကာကွယ်လို့ မရဘူး။ ညီညွတ်ဖို့ လိုတယ်လို့ ဘုန်းကြီး ပြောချင်ပါတယ်” ဟု မိန့်ကြားခဲ့သည်။