ငါလွတ်လပ်နေတယ်

အောင်နိုင်ဦး

ငါထံမှာ နံရံနဲ့ သံတိုင်တွေမရှိဘူး ၊
လက်မှတ်ထိုးထားတဲ့စာချုပ်တွေမရှိဘူး ၊

ငါ့ကဗျာတွေမှာ ငွေရောင်လွှမ်းတဲ့
စိစစ်ရေးအမှတ်တံဆိပ်နဲ့
မင်နီတားတဲ့သတိပေးအမှတ်တံဆိပ်တွေမရှိဘူး။

ငါ့အဖို့
အသက်ရှင်နေမှုအတွက်
ထောက်ခံစာတွေ မလိုတော့။

ငါ့နေ့ရက်တွေမှာ
လုပ်သားနဲ့မြန်မာအသံကို နားထောင်နေစရာမလိုတော၊့
သတင်းစာရှင်းလင်းပွဲတွေဆိုတာ
နအဖတို့ရဲ့ ပြက်လုံးတွေပေါ့။

မျက်ရည်
ကျည်ဆံနဲ့ သွေးစတွေစွန်းထင်းတဲ့
ပြက္ခဒိန်ဟောင်းတွေအတွက် ပူဆွေးမနေတော့ဘူး။

ငါထံမှာ
သေနတ်တလက်တလေရှိမယ်
ကျည်ဆံတွေရှိမယ်
ငါ့အတူနေ ရဲဘော်တွေရှိလိမ့်မယ်၊
ငါအခုသွားနေတာ
စစ်မြေပြင်တခုဆီကိုပေါ့။

အဲဒီမှာ
နူးညံ့ရာ ဘာတခုမှမရှိဘူး၊
ဖက်တွယ်ရာဘာမှမရှိဘူး၊
အောင်ပွဲ (ဒါမှမဟုတ်လည်း)
နောက်ထပ်ပြင်းထန်တဲ့ တိုက်ပွဲတခုပဲ ရှိလိမ့်မယ်။

ငါတို့ဟာ
တော်လှန်ရေးရဲ့
အစိတ်အပိုင်းအတွက်ရှင်သန်ထမြောက်လာကြတာ၊
ယုံကြည်မှုကို အမြင့်ဆုံးလွှင့်ထူလို့လေ။

ငါအဖို့
အနာဂတ်မှာ
ကျိန်စာတွေမရှိဘူး၊
မာရှယ်လော ကာဖျူးနဲ့ စစ်ဖိနပ်သံတွေမရှိဘူး၊
အတင်းအဖျင်းလို လေးလံ
အခမ်းအနားလို ဖိစီးတဲ့ ၀န်ထုတ်ဝန်ပိုးတွေ မရှိဘူး၊
ပြဌာန်းစာအုပ်တွေဟာ ငါ ရွံ့မုန်းစရာတွေပဲပေါ့။

ငါ့အဖို့
ချစ်ခြင်းမေတ္တာ
ဂုဏ်သိက္ခာနဲ့
ဒူးထောက်အညံ့ခံခြင်း၊
ဒါတွေက ဆံပင်ဖြူတချောင်းထက် ပိုလေးလံရဲ့။

ရှေ့မှာ တောင်တွေလေ
မြင့်မြင့်မားမား
ကြမ်းကြမ်းတမ်းတမ်း
အညှာတာမဲ့ မိုးလေနဲ့
အရာအားလုံးဟာ ဖြတ်တမ်းဖို့ အတွက်ပဲ၊
မျှော်လင့်ခြင်းတွေကို
ယူနီဖောင်တစုံ ၀တ်ဆင်လို့ပေါ့။

ငါ့ကိုယ်မှာ
တောင်ပံတပ်မထားပေမယ့်
နှောင်းကြိုးတွေမရှိတော့လို့ ငါလွတ်လပ်နေတယ်။

ငါ့ အဆောက်အအုံသစ်မှာ
ဘယ်လိုမုသားနဲ့ ဘယ်လို အဂတိကိုမှ
ကျူးလွန်စရာ မလိုလို့ပဲ။ ။

ဆုံဆည်းရာကဗျာ