အောက်တိုဘာ ၄ ရက် ၂၀၀၇။ AFP/HT
ရန်ကုန် ဆန္ဒပြပွဲတွင် ပစ်သတ်ခံခဲ့ရသော ဂျပန် ဓာတ်ပုံသတင်းထောက် ခန်းဂျီး နာဂါအိ၏ ရုပ်ကလာပ်ကို ယနေ့ ဂျပန်နိုင်ငံသို့ လေယာဉ်ဖြင့် ပြန်လည်သယ်ဆောင်သွားသည်။
နာဂါအိ၏ ကုမ္ပဏီက နာဂါအိ နောက်ဆုံး ရိုက်ကူးသွားခဲ့သော ဗီဒီယိုမှတ်တမ်းကို ပြန်ရရန် ကြိုးစားနေသည်။ အ၀တ်နီနှင့် ရစ်ပတ်၍ ပန်းစည်းတင်ထားသော နာဂါအိ၏ ခေါင်းတလားကို တိုကျိုအခြေစိုက် အေပီအက်ဖ် သတင်းဌာန အကြီးအကဲ တိုယူ ရာမာဂျီနှင့်အတူ နာရီတာ လေဆိပ်သို့ ရောက်ရှိလာသည်။
“သူ ရိုက်ခဲ့တဲ့ ဗီဒီယိုခွေကို သူ့အသက်အတွက် ပြန်ပေးဆပ်မှုအနေနဲ့ ကျနော် ပြန်လိုချင်တယ်”ဟု ယာမာဂျိ့ သတင်းထောက်များကို လေဆိပ်တွင် ပြောကြားသည်။ “အခု ကျနော်တို့ရဲ့ အကြီးဆုံး ကိစ္စက အဲဒီမှာ ဘာတွေပါလဲဆိုတာနဲ့ သူ့ရဲ့ နောက်ဆုံးနေ့မှာ လူတွေကို သူ ဘာပြောချင်ခဲ့တာလဲဆိုတာ အတည်ပြု ထုတ်ပြန်ဖို့ပါ”ဟု ဆိုသည်။
အသက် ၄၀ အရွယ် ၀ါရင့် ဓာတ်ပုံသတင်းထောက်သည် ပစ်သတ်ခံရချိန်က ဆိုနီ ကင်မရာကို သုံးစွဲခဲ့သည်ဟု ယုံကြည်သော်လည်း ရိုက်ကူးပြီး မှတ်တမ်းများကို ပြန်သိမ်းထားရန် သူ အသုံးပြုခဲ့သည့် ကန်နွန် ကင်မရာ တလုံးကိုသာ မြန်မာစစ်အစိုးရက ပြန်ပေးခဲ့ သည်။ မြန်မာစစ်အစိုးရက နာဂါအိသည် မတော်တဆ မှားယွင်းပစ်ခတ်ခံရခြင်း ဖြစ်ကြောင်း ပြောဆိုခဲ့သည်။
ထိုင်းလေကြောင်းပိုင် လေယာဉ်ဖြင့် ရန်ကုန်မှ ဘန်ကောက်သို့ သယ်ဆောင်လာသော နာဂါအိ၏ အလောင်းကို ခွဲစိတ်စစ်ဆေးရန် တိုကျိုဆေးရုံသို့ ပို့ဆောင်ပြီး အသက် ၈၂ နှစ်နှင့် ၇၅ နှစ်အရွယ် ဂီလာန မိဘနှစ်ပါးလည်း လာရောက် ကြည့်ရှုမည်ြ့ဖစ်သည်။
တိုကျို မြန်မာသံရုံးရှေ့တွင် ဂျပန်နိုင်ငံသားများနှင့် ဂျပန် ဘုန်းတော်ကြီးများ ရက်ဆက် ကန့်ကွက်ဆန္ဒပြလျက် ရှိသည်။
မြန်မာစစ်အစိုးရ၏ အဓိက အလှူရှင် နိုင်ငံတခု ဖြစ်သည့် ဂျပန်နိုင်ငံမှ ဓာတ်ပုံသတင်းထောက်ကို ပစ်သတ်မိခြင်းသည် မြန်မာစစ်အစိုးရအတွက် စိတ်ကသိကအောက် ဖြစ်စရာ အမှားတခု ဖြစ်သည်။
3 months ago
0 comments:
Post a Comment