ဆုံဆည်းရာ

ရှမ်းပြည်မြောက်ပိုင်း ကေအိုင်အေ တပ်မဟာ(၄)နယ်မြေတွင် တိုက်ပွဲဖြစ်ပွား

2012-01-29T16:39:00.001+07:00

ဇန်န၀ါရီ (၂၉)ရက် ၂၀၁၂

ရှမ်းပြည်အခြေစိုက် ကချင်လွတ်မြောက်ရေး တပ်မတော် ကေအိုင်အေ တပ်မဟာ (၄) နယ်မြေ မော်ဟန် (Maw Han(Nawng Chu) ဒသတွင် မြန်မာအစိုးရ စစ်တပ် ခလရ(၄၅) တပ်ဖွဲ့ နှင့် ကေအိုင်အေ တပ်ရင်း(၂၉) တပ်ဖွဲ့ ဝင် တို့  ဇန်န၀ါရီ(၂၈)ရက် မနက်(၇း၀၀) နာရီခန့် မှ (၈း၀၀) နာရီ အချိန်ခန့် ထိ တိုက်ပွဲဖြစ်ပွားခဲ့ကြောင်း သိရှိရသည်။

အလားတူ ကေအိုင်အေ တပ်မဟာ(၄)နယ်မြေ မန်မောင်(Man Mau) နှင့် မော်ရွှေ(Maw Swe) ကျေးရွာကြားတွင် ကေအိုင်အေ တပ်ရင်း(၈)မှတပ်ဖွဲ့ ဝင်များနှင့် မြန်မာအစိုးရတပ် ခမရ(၅၀၁)တပ်ဖွဲ့ တို့ ဇန်န၀ါရီ(၂၈)ရက် မွန်းလွဲ (၁း၃၀)နာရီခန့် အချိန်တွင် တိုက်ပွဲပြင်းထန်စွာဖြစ်ပွားခဲ့ကြောင်းသိရှိရသည်။ တိုက်ပွဲအတွင်း နှစ်ဖက်ထိခိုက်မှုအား မသိရှိရသေးပါ။

Source (Kachinnet)

ပခုံးထမ်းသူတွေအား တမ်းတခြင်း

2012-01-29T12:20:00.002+07:00

ကိုယ်နိုင်ငံထဲကိုက မွေပြွေးတွေများပေါ့

ကိုမွန်းအောင်ရဲ့ အိပ်မက်ရိုင်းလိုပဲ

နင့်နင့်သီးသီးပြောရရင်

အသီးသီး ချကြွေခံရ

အချင်းများကြနဲ့

အဖြစ်အပျက်တွေ သိပ်မကောင်းသေးဘူးဗျ။

ငါတို့ကလဲ တမျိုး တဘာသာ

ခက်လှချေရဲ့

ကိုယ်တိုင် .. စိုက်ပျိုးခဲ့တာ

ကျေနပ်မှုတွေနဲ့ အထီးကျန်

အမှားတွေနဲ့ အသားမကျစေနဲ့ပေါ့။

ကောင်မလေးရယ်

ဒီလိုပါပဲ .. ကိုယ်စီကျေနပ်စေပါတယ်

မင်းကို လွမ်းတာလဲ ပါတာပေါ့

တကယ့်ကို လွမ်းပါတယ်။

ဘယ်လိုပဲ ဖြစ်ဖြစ်ပါလေ

သူတို့လည်း (ငါ့လိုပဲ)

အမေများစွာနဲ့ မတွေ့ဖြစ်တာ ကြာပြီးကို။

ငါတို့လည်း …

ငါတို့ရဲ့ ဌာနေတိုင်းသားတွေ အတွက်

ငါတို့ရဲ့ ညီမလေးတွေအတွက်

ညီအကိုတော်တွေအတွက်

ကျောင်းနံရံတွေမှာ ဒေါင်းအလံစိုက်ဖို့ အချိန်တန်ပြီ။

God, I Doubt You In Advance!

2012-01-27T23:17:00.001+07:00

Let's be negatively kiss
In this born again conflicts

I was born on the front page of
long-lasting civil war older than my age
I hold my bullet and write my name
With the color reddish original pain
In the name of wrong description
In the game of long written
Undone duty on my innocent shoulder
Why do I have to be a problem-solver
Why do I have to be a problem-maker

Let's deceitfully speak
In this born again peace

The real answers are not there
The real gamblers are not fair
I am getting old in life and existence
I am getting bored of fight and conflicts
I am corrected by lies
I forward ahead by times
Why do I have to take the wise breathe
Why do I have to brake the high speed
Is this the true peace that I need

I wanna die in peace of mind
Those time never comes
Those sunshine never land

God, You never make it clear
You always create a fear
The fear within my future
That you yourself not even sure!!!

A'karikz Yannaing
THE SECOND SECOND

Aung San Suu Kyi - Annual Meeting 2012 - World Economic Forum

2012-01-27T15:38:00.001+07:00

2012-01-27T15:32:00.001+07:00

KNU Statement Regarding Negotiation Peace Talk With Burmese Gov. Burmese

KIA တပ်မဟာ(၄)နယ်မြေတွင် တိုက်ပွဲဖြစ်ပွား

2012-01-27T15:26:00.001+07:00

ဇန်န၀ါရီ(၂၇) ၂၀၁၂

ကချင်လွတ်မြောက်ရေးတပ်မတော် ကေအိုင်အေ တပ်မဟာ(၄)လက်အောက်ခံ တပ်ရင်း(၂၉)နယ်မြေ မော်ဟန်(Mawhan) နှင့် တာမိုးညဲ(Ta Mu Nye) ဒေသသို့  ကွတ်ခိုင်ဘက်မှ စစ်ကြောင်းထိုးတက်လာသော မြန်မာစစ်တပ် ခလရ(၂၉၀)တပ်ဖွဲ့ နှင့် ကေအိုင်အေ တပ်ရင်း(၂၉)တပ်ဖွဲ့ ဝင်တို့ ဇန်န၀ါရီ(၂၆) မနက်အစောပိုင်း(၁း၀၀)နာရီခန့် က တိုက်ပွဲပြင်းထန်စွာဖြစ်ပွားခဲ့ကြောင်းသိရသည်။ တိုက်ပွဲတွင်မြန်မာစစ်တပ်ဘက်မှ (၁၀)ဦးထက်မနည်း ကျဆုံးကြောင်းထပ်မံသိရှိရသည်။

Source ( Kachinnet)

ကမ္ဘာမကျေ...သင်ပုန်းမချေနိုင်တဲ့ကိစ္စတွေ ရာဇဝင်ထဲမှာ ရှိတယ်...ရဲဘော်တို့...

2012-01-27T02:40:00.002+07:00

(ရွှေဝါရောင်တော်လှန်ရေးကြီးအတွင်းမှာ ကျနော် ဒီကဗျာတပုဒ်ပဲ ရေးဖြစ်ခဲ့ပါတယ်...ကိုယ်နေထိုင်ရာမြို့မှာတော့ တခြား လုထုလှုံ့ဆော်ရေး ဝါဒဖြန့််ချီရေးတွေကို လက်တွေ့လုပ်နိုင်ခဲ့တယ်...အဲဒီတုန်းက ကျနော် ဒေါ်လာ ၂၀တန် USB တွေဝယ်တယ်..အဲဒီထဲကို အစိုးရက နှိမ်နင်းချေမှုန်းတဲ့ အရေးအခင်းထဲက အနိဌာရုံ ဘုန်းကြီးသေပုံတွေကို ထဲ့တယ်..ပြီးတော့ စာရေးပြီး ဒီကဗျာနဲ့အတူ ရေဒီယိုဌာနတွေ တီဗွီဌာနတွေဆီ ပို့တယ်။ ဒါတွေကို ကျနော်တဦးထဲ ဘယ်သူနဲ့မှ မပူးပေါင်းပဲ ကိုယ့်ငွေကိုယ်ထုတ်ပြီး တကိုယ်တော်လုပ်တယ်...ရလာဒ်အနေနဲ့ ဘာရလဲဆိုတော့ ဆန္ဒပြပွဲတွေမှာ လမ်းပေါ် လူများများ ပိုတက်လာတယ်...TRIPLE J လို့ခ်ါတဲ့ ရေဒီယို တခုနဲ့ ကျနော်ခိုင်မာတဲ့ ယုံကြည်မှုတခု တည်ဆောက်ဖြစ်သွားတယ်...နောင်တချိန် အင်္ဂလိပ်လို ကျနော့်ကဗျာစာအုပ် ထုတ်ဖြစ်တဲ့အခါ သူတို့နဲ့ပဲ ကျနော် လုပ်ဖြစ်သွားမှာ သေချာပါတယ်...အဲဒီလို ဖောက်ထွက်တည်ဆောက်ထားတယ်ဗျာ...ကမ္ဘာမကျေ...သင်ပုန်းမချေနိုင်တဲ့ကိစ္စတွေ ရာဇဝင်ထဲမှာ ရှိတယ်...ရဲဘော်တို့...။)

VIGOROUS TIDE IS RISING

The same old brand new national pain
Wild, weighty and wry,
I compress it hard into my tiny heavy heart
This march must march on!

The same old brand new state funeral
Desperate, hateful and horrific,
I hurtfully handle with my immature maturity
This struggle must take smarter strategies!

The same old brand new generational duty
Strong history, long journey and stronger unities
I seriously salute to those who sacrificed in reality
This revolution must gloriously win the exact victory!

Burma! Wake up! Advance up!
Nothing worse than religion's been raped
Nothing worse than intrinsic value's invaded
Shake your fists and keep against this dictatorship!

This conflict must positively end by the truth!
You are the truth!
You are the one!
You are absolute freedom!
To blow the old away and to store the freedom
Tempest of blood has strongly begun!!!

(During Saffron Revolution, Burma----2007!!!)

A'karikz Yannaing
THE SECOND SECOND

တရုတ်နယ်စပ်ရွာထဲ မြန်မာအစိုးရတပ်မှ လက်နက်ငယ်ဖြင့် ပစ်ခတ်

2012-01-24T15:55:00.001+07:00

KNG၊ ဇန်န၀ါရီ ၂၄ ရက် ၂၀၁၂

တရုတ်နှစ်သစ်ကူးအကြို ဇန်န၀ါရီ ၂၂ တနင်္ဂနွေနေ့ ညနေပိုင်းတွင် နယ်စပ် တရုတ်နိုင်ငံ လားယိန်းရွာနှင့် ၎င်းတွင် တရားမ၀င် ခိုလုံနေသော ကချင်စစ်ပြေးဒုက္ခသည်စခန်းများရှိရာ သို့ မြန်မာအစိုးရတပ်က လက်နက်ငယ်အကြိမ်ပေါင်းများစွာ ချိန်ရွယ်ပစ်ခတ်ခဲ့ကြောင်း ဒုက္ခသည်နှင့် ရွာသားများဆိုသည်။

မြန်မာနယ်စပ် လွယ်ဂျယ်မြို့ တပ်စခန်း နှစ်နေရာမှ မြန်မာစစ်သားများ၏ပစ်ခတ်မှုတွင် တရုတ်ရွာသားများနှင့် ကချင် ဒုက္ခသည်များ ထိခိုက်မှုမရှိသော်လည်း ကျည်ဆန်မှ လွတ်ရန် မြေပြင်ပေါ် ပြားပြားဝပ်နေရသည့် အခြေအနေရှိခဲ့သည်ဟု ရွာသားများဆိုသည်။ ယင်းပစ်ခတ်မှုသည် မြန်မာစံတော်ချိန် ညနေ ၇ နာရီခန့်တွင် ဖြစ်ပွားသည်ဟု ပြောသည်။

တရုတ်ပြည်သူများနှင့် စစ်ပြေးဒုက္ခသည်များအား စိုးရိမ်ထ်ိတ်လန့်မှုဖြစ်ပေါ်စေသည့် နယ်စပ်မြန်မာစစ်တပ်၏ ပစ်ခတ်မှုအား တရုတ်အာဏာပိုင်များက တစုံတရာ တုန့်ပြန်မှုမရှိသေးဟု လားယိန်းဒေသခံ တစ်ဦး ပြောသည်။

မြန်မာစစ်တပ်နှင့် ၎င်း၏မဟာမိတ် တိုးတက်သောကရင်ဗုဒ္ဓဘာသာတပ်မတော် (DKBA) တို့မှ ထိုင်းနိုင်ငံရှိ ဒုက္ခသည်စခန်းထဲသို့ လက်နယ်ငယ်များပစ်ခတ်လေ့ရှိသော်လည်း အလားတူပစ်ခတ်မှုများ တရုတ်နယ်စပ်၌ ပြီးခဲ့သည့်နှစ် KIO ကို ထိုးစစ်ကြီးပြုလုပ်လာသည်အထိ မရှိသလောက်နည်းပါးသည်။

မြန်မာအစိုးရနှင့် KIO တိုက်ပွဲဖြစ်လာ၍ လားယိန်းသို့ ဒုက္ခသည် ထောင်ဂဏန်း ထွက်ပြေးခိုလှုံနေရခြင်းဖြစ်သည်။ နှစ်ဖက် တွေ့ဆုံမှုများရှိသော်လည်း ငြိမ်းချမ်းရေးသဘောတူနိုင်ခြင်း မရရှိဘဲ ကချင်ပြည်နယ်နှင့် ရှမ်းပြည်နယ်မြောက်ပိုင်းတွင် နှစ်ဖက်တိုက်ပွဲများဆက်လက်ဖြစ်ပွားနေဆဲဖြစ်သည်။

တရုတ်နိုင်ငံသားတဦးကို တရုတ်နိုင်ငံထဲ မြန်မာအစိုးရတပ်က ရက်ရက်စက်စက် သတ်ဖြတ်

ယခုပစ်ခတ်မှုမတိုင်ခင် ဇန်န၀ါရီ ၁၂ ရက်က တရုတ်နိုင်ငံသားတစ်ဦးကို တရုတ်နိုင်ငံထဲ မြန်မာအစိုးရစစ်သားများ ၀င်ရောက်ပြီး ရက်ရက်စက်စက် သတ်ဖြတ်ခဲ့သည်။

သေဆုံးသူ လဖိုင်ဇော်လောန်သည် ဂျိန်းဖော(ကချင်)လူမျိုးဖြစ်၍ ၀မ်းဗိုက်နှင့် ဦးခေါင်း၌ အနီးကပ် ပစ်ခတ်ခံရကာ မျက်နှာတွင်လည်း သေနတ်ဒင်ဖြင့်ထုထောင်းခံရသည် ဟု ဆွေမျိုးများဆိုသည်။

တရုတ်အာဏာပိုင်များကလည်း အခင်းဖြစ်နေရာတွင် သွေးကွက်နှင့် ကျည်ခွံများတွေ့ရှိကြ၍ အသက် ၅၃ နှစ်ရှိ ထိုကချင်အမျိုးသားမှာ မြန်မာဘက် နယ်စပ်ဖြတ်ကျော်ခြင်းမရှိဘဲ တရုတ်နယ်မြေအတွင်း ဖမ်းဆီး သတ်ဖြတ် ခံရခြင်းဖြစ်သည်ဟု ဆက်ဆိုသည်။

အလောင်းကို အသတ်ခံရသည့်နေရာမှ အနည်းငယ်အကွာတွင် တွေ့ရှိ၍ မြန်မာတပ်က သွေးကွက်တွေ့ရှိရာတွင် မြေမြုပ်မိုင်းတစ်ခု၊ အလောင်းရှိရာအနီး နောက်ထပ်မြေမြုပ်မိုင်းတစ်ခု တပ်ဆင်သွားကြသည်ဟု မျက်မြင်များဆိုသည်။

သတ်ဖြတ်သည့်တပ်မှာ နယ်စပ် မုဘွမ် (Mu Bum) တောင်တွင် တပ်စွဲထားသော ၀ိုင်းမော်မြို့နယ် ရွှေညောင်ပင် နယ်မြေခံ ခမရ (၃၂၁) မှ စစ်သားများဖြစ်သည်ဟု ဆိုသည်။

ဒီဇင်ဘာ ၂၂ ရက်က အသတ်ခံရသူ ဇော်လောန်နေထိုင်သည့် လွယ်လုံးရွာသားများက တရုတ်နိုင်ငံထဲ ခိုးဝင်လာသည့် မြန်မာတပ်သားနှစ်ဦးကို ဖမ်းဆီး၍ တရုတ်အာဏာပိုင်များထံ အပ်နှံလိုက်ရာ ၎င်းအားတုန့်ပြန်သည့်အနေဖြင့် ယခုလို တရုတ်နိုင်ငံသားကို သတ်ဖြတ်လိုက်ခြင်းဖြစ်နိုင်သည်ဟု ဒေသခံများ ယူဆကြသည်။

မုဘွမ်စခန်းမှ မြန်မာစစ်သားများသည် ရိက္ခာပြတ်လပ်မှုကြောင့် တရုတ်နိုင်ငံထဲ ခိုးဝင်ကာ ဒေသခံများ၏ လယ်ကွက်များမှ အစားအစာများ ခိုးယူလေ့ရှိကြောင်း ဒေသခံများပြောသည်။

http://burmese.kachinnews.com/news/731-တရုတ်နယ်စပ်ရွာထဲ-မြန်မာအစိုးရတပ်မှ-လက်နက်ငယ်-ပစ်ခတ်.html

ရွှေလီမြို့တွေ့ဆုံပွဲပြီးနောက် မြန်မာအစိုးရက ကချင်ထိုးစစ် အရှိန်တိုးနိုင်

2012-01-24T11:01:00.001+07:00

KNG၊ ဇန်န၀ါရီလ ၂၄ ရက် ၂၀၁၂

ပြီးခဲ့သည့်အပတ် မြန်မာအစိုးရနှင့် ကချင်လွတ်မြောက်ရေးအဖွဲ့ (KIO) ကြား တရုတ်နိုင်ငံ ရွှေလီမြို့တွင် တွေ့ဆုံ ဆွေးနွေးအပြီး သဘောတူညီမှုအချို့ရခဲ့သော်လည်း အစိုးရထိုးစစ် ပိုပြီးပြင်းထန်လာနိုင်ကြောင်း စစ်ရေးသုံးသပ် သူများက ဆိုသည်။

လွန်ခဲ့သည့်နှစ် ဇန်နဝါရီလမှ ဒီဇင်ဘာလထိ ကချင်ပြည်နယ်နှင့် ရှမ်းပြည်နယ် မြောက်ပိုင်းတွင် ဖြစ်ပွားသောတိုက်ပွဲများတွင် အစိုးရတပ်က KIO အောက် ကချင်လွတ်မြောက်ရေးတပ်ဖွဲ့ (KIA)အား စစ်အင်အား အမြောက်အများနှင့် လက်နက်ကြီးများကို အဓိကထားပြီး တိုက်ခိုက်ခဲ့သည်ဟု ကချင်ပြည်နယ် KIO/KIA ဗဟိုဌာနချုပ် လိုင်ဇာမှ အရာရှိများပြောပါသည်။

ယခု ဖြစ်လာမည့် ထိုးစစ်တွင် အစိုးရတပ်မှ စစ်တိုက်လေယာဉ်များနှင့် တင့်ကားများ အသုံးပြုလာနိုင်ဖွယ် ရှိသည်ဟု မြန်မာ-တရုတ်နယ်စပ်မှ စစ်ရေးလေ့လာသူများပြောသည်။

တချိန်ထဲမှာ ယခု လဆန်းကတည်းက တရုတ်နယ်စပ်အနီး KIA ဗဟိုဌာနချုပ် လိုင်ဇာနှင့် အမာခံစခန်းများ အနီးတွင်လည်း ၁၀၅ မမ၊ ၁၂၀ မမ၊ ၁၅၅ မမ အမြှောက်များ စသည့် လက်နက်ကြိီးများ ပြန်လည်နေရာ ရွှေ့ပြောင်းချထားနေပြီး ရှေ့တန်းနယ်မြေများတွင် စစ်သားသစ်များကို ပြောင်းလဲနေရာချထားနေသည် ဟုလည်း KIA ရှေ့တန်းသတင်းရပ်ကွက်များ ဆိုသည်။

၁၉၉၄ ခုနှစ်နှင့် မတူဘဲ ယခုအချိန်မှာ မြန်မာအစိုးရနှင့် KIO ကြား အပစ်အခတ်ရပ်ဆိုင်းနိုင်ရန် အဓိက သဘောထားကွဲလွဲမှုတွေ ရှိနေပါသည်။ အဓိက အကြောင်းရင်းသည် မြန်မာအစိုးရက ယခင်အတိုင်း ”အပစ်ခတ်ရပ်ဆိုင်းရေးကို ပထမပြုလုပ်ပြီး ၎င်းနောက် တဆင့်ပြီး တဆင့် နိုင်ငံရေးဆွေးနွေးရေး” အစီအစဉ်ဖြစ်သည်။ သို့သော် ၎င်းအစီအစဉ်ဟောင်းအား KIO က လက်မခံဘဲ “နိုင်ငံရေးပြဿနာကို အရင်ဆုံးဖြေရှင်းပြီးမှ အပစ်ခတ်ရပ်ဆိုင်းရေးကို နောက်ဆုံးမှပြုလုပ်ရန်” အစိုးရသို့ နက်နက်နဲနဲ တင်ပြထားခြင်း ဖြစ်သည်။

ယခုအချိန် မြန်မာအစိုးရ စစ်အင်အားအမြောက်အများကို ရှမ်းပြည်မြောက်ပိုင်းတွင် ရခိုင်ပြည်နယ်မှ တရုတ်နိုင်ငံ ကူမင်းသို့ ရွှေသဘာဝဓါတ်ငွေ့နှင့် ရေနံပိုက်လိုင်းသွယ်တန်းမည့်လမ်းကြောင်း KIA တပ်ရင်း ၈ နယ်မြေနှင့် ကချင်ပြည်နယ်တွင် KIA ဗဟိုဌာနချုပ် လိုင်ဇာပတ်ဝန်းကျင်၊ မန်မော် (ဗန်းမော်)-လွယ်ဂျယ်လမ်း၊ မြစ်ကြီးနား-ကန်ပိုင်တီလမ်း၊ ဖားကန့်ကျောက်စိမ်းမှော်နှင့် ဟူးကောင်းချိုင့်ဝှမ်းဒေသများတွင် အဓိက ချထားပါသည်။

http://burmese.kachinnews.com/news/730-ရွှေလီမြို့တွေ့ဆုံပွဲပြီးနောက်-မြန်မာအစိုးရက-ကချင်ထိုးစစ်-အရှိန်တိုးနိုင်.html

သူပုန်အိုနှင့် သူ၏ ရန်ဖြစ်ဖော်ရန်ဖြစ်ဖက်အိုကြီးများ အတွက်

2012-01-24T06:11:00.001+07:00

Book-cover (the outer back) for THE SECOND SECOND

2012-01-24T02:17:00.003+07:00

A'karikz Yannaing

THE SECOND SECOND

An Apple-eater's Life Inside Apple

2012-01-20T01:56:00.000+07:00

The day's on, the night's off

Time is keep running.

The new's in, the old's out

Space is keep turning.

Eat this half, keep the other half

The earth is marching on.

Leave this half, lead the other half

The heart is working on.

Destroy yester-moments.

Occupy tomorrow-events.

Every now is a solo.

Every music is a mono.

One has gone.

The other was born.

Everything lives in apple.

What did Newton see?

Gravity won't let it free.

Black hole eats everything!!!

A'karikz Yannaing

THE SECOND SECOND

စစ်ပွဲကြီးတွေ ပြီးတဲ့ခါ

2012-01-20T00:53:00.000+07:00

ကောင်လေးရေ..
ဒီရွာကို ပြန်ရောက်သေးတယ်နော်..
နင့်ဗိုက်က အတော်ထွက်လာပေါ့

မြို့သားတရုတ်ပုံ ဖြူဖြူ ၀တုတ်တုန်နဲ့
အရင်လို ၀ါးခြမ်းဖျား ငှက်ဖျားရုပ် မဟုတ်တော့ဘူး။
အမိုး ပြောတယ်ဟုတ်
ငါတို့ တောင်ပေါ်ကလူတွေအတွက်တော့
ဒုက္ခ ခံမနေပါနဲ့..
သင့်ရာတော်ရာမှာ
'နင့်ဘ၀ နင်ကျောင်းတော့' ဆိုတာ။

ကောင်လေးရေ..
မင်းတို့ ကျောင်းသားသူပုန်တွေ အရင် ၃-ရက်လမ်းလျှောက်လာရတဲ့
ငါတို့ရွာ
အခု ဆိုင်ကယ်လမ်းပေါက်ပါပကော...
ဒါပေသိ .. တောတွေပြုန်းလာလို့
နေတော့ကျောကုန်းကော့အောင် ပူသနော့။

စစ်ပွဲကြီးတွေ ပြီးကတည်းက ဆိုပါတော့...
တို့ရွာမှာ ကုမ္ပဏီတွေ ရောက်လာ..
ရွှေတွေရှာ.. သစ်တွေခုတ်ကြ
မြစ်ကြီးလည်း ပိတ်ပစ်မယ် ပြောတာပ
သူတို့ သိမ်းသွားကြတဲ့ ငါ့ကွမ်းသီးခြံထဲလည်း
ရုံးတွေ၊ တန်းလျားတွေ၊ အလုပ်သမားတွေနဲ့ စည်စည်ပင်ပင်။

စစ်ပွဲကြီးက တို့ဖိုးခွား၊ တို့ ဖိုးဒိုမူတွေကို စားခဲ့တယ်။
စစ်ပွဲကြီးက ရွာတွေ၊ သစ်တောတွေကိုစားတယ်။
စစ်ပွဲကြီးက ငါတို့တောင်ယာ၊ ငါတို့ ဘုရားကျောင်းတွေကို စားတယ်။
စစ်ပွဲကြီးက ငါ့ယောက်ျားခြေတစ်ဖက်ကိုတောင် စားလိုက်သေး
စစ်ပွဲမီးတောက်ကြီးက တောင်တန်းတွေကိုပါ စားပစ်ခဲ့တာပေါ့။

ရွာဟောင်းတော့ကွယ် ... မှတ်မိစရာ ဘယ်ရှိမလဲ
လူတွေလည်းပြောင်း၊ အိမ်သစ်တွေလည်းပေါင်း
မီးစက်တဂျောင်းဂျောင်း မောင်းလို့ ဗီဒီယိုကြည့်ကြ
အရက် ဘီယာချောင်းစီးကြ
ကမ္ဘာ့ဘောပွဲကြီးကို လောင်းကြ
ချဲသမားတွေလည်း တယ် နေရာကျသကွဲ့။
အရင်တုန်းက အမိုးတို့ တောင်ယာခုတ်တော့
ရေဆုတ် တောပြုန်းတယ် နင်တို့ပဲပြောကြ
အခုစစ်ပွဲပြီးတော့မှ တောင်တွေက ကတုံးတွေချည်း
စီမံကိန်းကြီးတွေလည်း ရောက်လာတယ်
ပြောင်သလင်းခါအောင် တောတွေခုတ်
ငါတို့ စပါးနဲ့ငြုတ်စိုက်ခဲ့တဲ့နေရာမှာ
အခုတော့ ရာဘာနဲ့ ၀ါခင်းတွေချည်း
စက်မှုသီးနှံဆိုပြီး စိုက်ကြတာပ
တရုတ်ဆီက အတော်အ၀ယ်လိုက်ဆိုလား။

အရင်က သောက်ရေခပ်တဲ့ စမ်းတွေ
ချောက်သွားပြီလေ
မြစ်ရေတွေတောင် နောက်ကျိနေပါပေါ့
ငါတို့ဘ၀ကတော့ ပင်ပန်းတုန်း၊ ပင်ပန်းဆဲပါပဲ
တချို့လည်း ရှမ်းပြည်သွား
တချို့လည်း မြို့များမှာ အိမ်ဖော်လုပ်
တောပန်းအလှလေးတွေတောင်
ရွာကိုနှုတ်ဆက် ထွက်သွားကြတာကြာပေါ့။

အဖိုးကြီး၊ အဖွားကြီးနဲ့ ကလေးတွေပဲ များနေတဲ့ရွာ
မြို့က သူတို့ ပို့စာလည်းစား
ကလေးကလောင်လည်း ထိန်း
မိသားစု ကောက်သိမ်းပွဲတွေလည်း လွမ်းစရာဖြစ်ကုန်ပြီကွဲ့။

မင်းတို့ တပ်မှူးကျလို့
မြှုပ်ခဲ့တဲ့နေရာလား
အဲသည်မှာ မတွေ့လား
အခု ဘူဒိုဇာ ရပ်ထားတဲ့နေရာလေ....။

ယောဟန်အောင်
၂၀၁၂ ခုနှစ်၊ ဇန် ၁၉။

တိုက်ဆိုင်မှုရှိလျှင် မည်သည့်အဖွဲ့အစည်း၊ လူပုဂ္ဂိုလ်မှ မရည်ရွယ်ပါ။ စိတ်ကူးယဉ်ရေးဖွဲ့ထားသည့် စစ်ပွဲအကြောင်း ဖြစ်ပါသည်။

တောင်တန်းများ၏ ဧကရီ ... နဒီ အပျိုမ ... သို့

2012-01-20T00:18:00.001+07:00

ကမာပုလဲ

နှစ်ကာလများ၏
ဒုက္ခ ဧကရီ
နဒီအပျိုမရေ ...

မင့်ဆီကို လာရာလမ်းမှာ
ငါ့ခြေလှမ်းတွေ မင့်အတွက်
သူစိမ်းတရံ ဆန်နေလေမလားပဲ ...။

မင့်နှုတ်ခမ်းပေါ်
မ၀ံ့မရဲ ငါ ခြေစုံရပ်ရင်း
တခါက
တရင်းတနှီး အဖြစ်အပျက်တွေ
ပြန်လည် မြင်မက်တယ် ...။

မျက်နှာချိုသွေးလို့
မင်းဘ၀ရဲ့
ပြုမြဲဖြစ်သော စီးဆင်းခြင်း ရေအလျဉ်ကို
ငါထိုင်ငေးတယ် ...။

ငါ့ရင်ဟာ
အရင်လို ခုန်နေဆဲပါ
အလွမ်းတွေကလည်း
တချိန်ကလို သဝေမတိမ်း
ဒါကို
မင်းရဲ့ စိမ်းမြရှင်သန်
အနှိုင်းမဲ့ ချစ်ခြင်းမိုးမခပင်တွေက
အသိသက်သေ ...။

စိမ်းရီ ညိုမှောင် တောင်တန်းတွေရဲ့ကြားမှာ
ဥဒါန်း ဘယ်မကျေနိုင်တဲ့
သွေးပျက် နာကျည်းဘွယ် ရာဇ၀င်ရိုင်းကိုမှ
ရင်ထဲ ငုံကာ စီးဆင်းခဲ့ရတဲ့ ...

ဧကရီမ
ဒုက္ခမြစ်နဒီရေ
လပြည့်မင်းက
သူ့အသွေးအသားတွေကို ခုတ်ထစ်ပြရင်း
မင့်ရဲ့ ရွှေရင်အစုံပေါ်
အလင်းစတွေ မျှဝေနေတယ် ...

နှစ်ရှည်လများ
လွတ်မြောက်ရေး တိုက်ပွဲဝင်တေးတွေက
ငြိမ်းချမ်းရေး စစ်စစ်ကို
ဆောင်ယူလာတော့မယ်လား
လေညင်းရဲ့
အေးမြတဲ့ အထိအတွေ့
မင့် ကိုယ်ငွေ့မှာ ...
နှလုံးသားဆတ်ဆတ်နဲ့ ငါ ကြားတယ် ...။

ငါဟာ
ယုံကြည်ချက် အိမ်တိုင်
ခရီးသွား တယောက်ပါ ...

ငါ့ကို
မင့်ရင်သွေးလို
ကာကွယ်စောင့်ရှောက်ခဲ့တဲ့
နွေးထွေးလှိုက်လှဲ မေတ္တာညတွေကို
သွေးရိုးသားရိုး ငါ တပ်မက်ခဲ့
ခုတော့
ငါ ပြန်ဦးမယ်
ငါ့မှာ ခရီးဆက်ဖို့ ရှိနေပါသေးတယ်
နောက် တခေါက် ငါပြန်လာတဲ့အခါ
အလှဆုံး အပြုံးတွေနဲ့ ဆီးကြို

မင့်ရဲ့
မဟူရာ ကေသာထက်မှာတော့
အောင်ပွဲရဲ့ သရဖူ ...။ ။

ကမာပုလဲ
၁၉၊ ၁၊ ၂၀၁၁။

( ၂၀၁၂၊ ဇန်န၀ါရီလ ၁၀ - ၁၈ သူးမွဲ ... သောင်ရင်းမြစ် ဆောင်းညများသို့ )

အချစ်ချည်းသက်သက်

2012-01-19T20:23:00.001+07:00

မတ် ၂၇၊ ၂၀၀၉

အချစ်ရေ …
စီးကရက်မီးခိုးတွေမှာတောင်
မင်းစကားသံတွေက ဝဲလို့။ (၁)

ကိုယ့်မျက်ဝန်းထဲ
အလွမ်းတွေ ငွေ့ရည်ဖွဲ့
ချစ်သူရဲ့နှလုံးသားခြေဖမိုးပေါ်
နှစ်ကာလပုလဲတွေ ကြွေကျနေပုံများ
ကိုယ့်နှလုံးသားရဲ့ ဘာသာစကားပါ။ (၂)

ငွေ့ရည်ဖွဲ့ခြင်းမှာ …
ဒြပ်ထုအစိုင်အခဲတွေ ရှိကြတယ်
(ဒါပေမယ့် … ဒါဟာလည်း)
ချစ်ခြင်းရဲ့ သင်္ကေတ
မင်းမြင်ခွင့် ရစေချင်တယ်။ (၃)

အဲဒီ … ငွေ့ရည်တွေနဲ့
လောင်ကျွမ်းနေတဲ့ ကောင်ကြီး
ကဲ … ပြော
ဘယ်သွားမှာလဲ။ (၄)

ဒီအချစ်တွေအတွက်
မင်းရဲ့ရင်ခွင် တုန်ခါနေမလား
(ခွင့်လွှတ်ပါကွယ် …)
မီးတောင်တွေက
အချိန်အခါရောက်ရင် ပေါက်ကွဲတယ်
ကိုယ့်အချစ်မီးတောင် ပေါက်ကွဲပေါ့
အချစ်ချည်းသက်သက်။ (၅)

ကဲ …
ဘယ်သူတွေ ရိုးရိုးသားသားချစ်ဖူးလဲ
ငါတို့ရဲ့အပစ်ပယ်ခံအိပ်မက်တွေ
ရဲရဲရင့်ရင့် ပွင့်နေပုံ။ (၂)

အချစ်ရေ …
ခေတ်တွေနဲ့အတူ ငါစီးခဲ့
မြစ်ရေကြီးချိန်မို့လား
အလွမ်းတွေ ဗေဒါကြပ်ချိန်
အထီးကျန် နှစ်ပေါင်းတရာပေါ်
ငါ ရပ်လို့။ (၁)

အချစ်ရေ …
အပြင်မှာ မိုးတွေရွာနေတယ်
ငါရင်ထဲမှာလည်း
အလွမ်းတွေ ရွာနေပေါ့။ (၃)

ငါတို့ဘယ်အထိ နီးမှာလဲ
တေးသီချင်း တပုဒ်ကို
အခါခါ ဆိုသလိုမျိုး
အဲသလိုနဲ့
တဖြည်းဖြည်း ငါတို့ဝေးကြ
တမြေ့မြေ့ ငါတို့လွမ်းကြ။ (၄)

ဒီရေမြင့်ပေါ့
ကြည့်စမ်း
ခရာဆူးခြုံ
မျှော့နက်တွေ တွယ်ပါစေ
ငါ့နှလုံးသွေး
မင်း ဆယ်ယူလိုက်ပါကွယ်
အချစ်ချည်းသက်သက် ။ (၅)

(၁) သစ်ကောင်းအိမ်
(၂) ကမာပုလဲ
(၃) ညိုထက် (လမ်းသစ်ဦး)
(၄) ရိုးဆက်
(၅) ပွင့်သစ် (ကရိန်ကန်)
၃၁၊ ၇ ၊၂ဝဝ၆

…… သူငယ်ချင်း ရဲဘော်ကြီးဂုရု (သို့မဟုတ်) ပွင့်သစ် (ကရိန်ကန်) ….. သို့ …. အမှတ်တရ
ကျွန်တော့်အနေနဲ့ ဒီ ကဗျာလေးကို ထင်မှတ်မထားပဲနဲ့ မိုးမခရဲ့ Wordpress အီးမေးလ် စာမျက်နှာမှာ ပြန်လည် တွေ့ရှိလိုက်ရတယ်။ အဲဒီအချိန်မှာ အဲဒီကာလကို ရင်ခုန်မှုတွေနဲ့ ပြန်သတိရလိုက်တယ်။ လူ (၅)ယောက်နဲ့ ကဗျာတပုဒ်၊ ဇူလိုင်မိုးစက်များ၊ လွန်ခဲ့သော (၆)နှစ်ကာလ၊ ကိုခင်ဝမ်း အမှတ်တရ၊ သူစိမ်းဆန်နေတဲ့ ဒုတိယအိမ် ….. ။
ကိုမင်းကိုနိုင်တို့ အကျဉ်းထောင်ကနေ ပြန်လွတ်လာတယ်။ လွတ်မြောက်ရေးအတွက် တိုက်ပွဲဝင်ကျဆုံးခဲ့တဲ့ ဂုရုရေ ….. မင်းကို သိပ်သတိရနေမိတယ် ….

ABSDF အစိုးရ အကျိုးဆောင်အဖွဲ့နှင့် တွေ့ဆုံ

2012-01-19T15:38:00.001+07:00

ကေအိုင်စီ၊ ဇန်န၀ါရီ ၁၈ရက်၊ ၂၀၁၂

မြန်မာအစိုးရနှင့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ABSDF)တို့ အကြား ငြိမ်းချမ်းရေးဆိုင်ရာ လုပ်ငန်းစဉ်များ ဆွေးနွေးနိုင်ရန်အတွက် မြန်မာအစိုးရ ဘက်မှစေလွှတ်သည့် ငြိမ်းချမ်းရေးအကျိုးဆောင်အဖွဲ့သည် ယမန်နေ့က ထိုင်း -မြန်မာနယ်စပ်သို့ လာရောက်ခဲ့ကြသည်။

ပြည်ထောင်စုအဆင့်ငြိမ်းချမ်းရေး ဆွေးနွေးရေးအဖွဲ့ခေါင်းဆောင် တောင်သာမြို့နယ် ပြည်သူ့လွှတ်တော်ကိုယ်စားလှယ် ဦး အောင်သောင်း၏ တာဝန်ပေးချက်အရ ကရင်ပြည်နယ် ဥက္ကဌဟောင်းဖြစ်သူ ဗိုလ်မှူးကြီးစောခင်စိုး(ငြိမ်း) ဦိးဆောင်သည့် ငြိမ်း ချမ်းရေးအကျိုးတော်ဆောင်အဖွဲ့သည် ယမန်နေ့က ABSDF တာဝန်ရှိသူအချို့နှင့် လာရောက်တွေ့ဆုံခဲ့ခြင်း ဖြစ်သည်။

၎င်းတွေ့ဆုံဆွေးနွေးပွဲတွင် ABSDF အဖွဲ့၏ တာဝန်ရှိသူများက ငြိမ်းချမ်းရေးဆိုင်ရာ လုပ်ငန်းစဉ်များနှင့် ပတ်သက်သည့် အဖွဲ့၏ သဘောထားများကို ငြိမ်းချမ်းရေး အကျိုးတော်ဆောင်များမှတဆင့် ဦးအောင်သောင်းထံသို့ ပေးပို့ခဲ့သည်။
အဆိုပါအဖွဲ့၏ သဘောထားများတွင် အစိုးရ၏ကမ်းလှမ်းမှုကို အပြုသဘောဖြင့်လက်ခံပြီး စစ်မှန်သည့် တန်းတူညီတူ တွေ့ဆုံ ဆွေးနွေးမှုကို ကြိုဆိုသည်ဟုပါရှိကြောင်း သိရှိရသည်။

ငြိမ်းချမ်းရေးအကျိုးတော်ဆောင် ဦးစောခင်စိုးက ABSDF အဖွဲ့အနေနှင့် ငြိမ်းချမ်းရေးဆွေးနွေးမှုနှင့် ပတ်သက်၍ အချိန်မရွေး ဆွေးနွေးနိုင်ကြောင်း၊ ဆွေးနွေးမှုနှင့်ပတ်သက်၍ အစိုးရဘက်က အရံသင့်ရှိသည်ဟု ပြောသည်။

တရားဝင် ငြိမ်းချမ်းရေးဆွေးနွေးနိုင်ရန်အတွက် ဦးအောင်သောင်း ဦးဆောင်သည့် ပြည်ထောင်စုအဆင့် ငြိမ်းချမ်းရေး ဆွေးနွေး ရေးအဖွဲ့သည် ယခုလ ၁၀ရက်နေ့က ABSDF အဖွဲ့ ထံသို့ တရားဝင် စတင် ဆက်သွယ်ခဲ့သည်။

မြန်မာအစိုးရကိုယ်စားလှယ်အဖွဲ့နှင့် ငြိမ်းချမ်းရေးဆိုင်ရာ လုပ်ငန်းစဉ်များ ဆွေးနွေးနိုင်ရန်အတွက် ABSDF အဖွဲ့သည် ယခုရက် ပိုင်းအတွင်း ပြည်တွင်းငြိမ်းချမ်းရေးနှင့် အမျိုသားပြန်လည်သင့်မြတ်ရေးကော်မတီကို ဖွဲ့စည်းခဲ့သည်။

အဖွဲ့၏ ဒုဥက္ကဌ ကိုမျိုးဝင်းက “တန်းတူညီတူ ဆွေးနွေးရေးအတွက် ကမ်းလှမ်းမှုကို ကျနော်တို့ကြိုဆိုတယ်။ ဒီကမ်းလှမ်းမှုတွေ ကို ပြည်တွင်းပြည်ပမှာရှိတဲ့ အင်အားစုအားလုံးရဲ့အကြံဥာဏ်တွေကိုယူပြီးမှ ဒီကိစ္စကိုဆုံးဖြတ်မှာ ဖြစ်တယ်။”ဟု ကရင်သတင်း ဌာနသို့ ပြောသည်။

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦးကို ကရင်အမျိုးသားအစည်းအရုံး ထိန်းချုပ်ရာ ဖားအံခရိုင်ရှိ ကော့မူးရာမြို့နယ် ၀မ်ခါ့စခန်းတွင် ၁၉၈၈ခုနှစ်၊ နိုဝင်ဘာလ ၁ရက်နေ့တွင် စတင် ဖွဲ့စည်းခဲ့ပြီး ယနေ့အထိ လက်နက်ကိုင်ကာ တိုက်ပွဲဝင်လျှက်ရှိသည်။

အင်န်အယ်ဒီက နေပြည်တော်တွင် အောင်နိုင်ရေးအဖွဲ့ ဖွဲ့စည်း

2012-01-19T12:00:00.000+07:00

မြန်မာတိုင်း(မ်)၊ ဇန်န၀ါရီလ ၁၉ ရက် ၂၀၁၂

လာမည့် ဧပြီလ ၁ ရက်နေ့ ကျင်းပမည့် ကြားဖြတ်ရွေးကောက်ပွဲတွင် နေပြည်တော် သီရိလေးမြို့နယ်၌ လစ်လပ်နေသည့် ပြည်သူ့ လွှတ်တော်အမတ်လောင်း နေရာများတွင် ပါဝင်ယှဉ်ပြိုင်ရန် အမျိုးသားဒီမိုကရေစီအဖွဲ့ချုပ်က ယင်း လေးမြို့နယ်၌ ကြားဖြတ် အောင်နိုင်ရေးအဖွဲ့များကို ယခုလ ၁၇ ရက်က ဖွဲ့စည်းလိုက်ကြောင်း တာဝန်ရှိသူတစ်ဦးက ပြောသည်။

"ဇမ္ဗူသီရိ၊ ဥတ္တရသီရိ၊ ပုဗ္ဗသီရိနဲ့ ဒက္ခိ ဏသီရိမြို့တွေမှာ မြို့နယ်ရွေးကောက်ပွဲ အောင်နိုင်ငံရေးအဖွဲ့တွေကို အဖွဲ့ဝင် ၂၀ ၀န်းကျင်နဲ့ ဖွဲ့စည်းလိုက်ပါပြီ"ဟု ရမည်းသင်းခရိုင် အောင်နိုင်ရေးအဖွဲ့ဝင် ဦးမျိုး တေဇာမောင်က ပြောသည်။

အဆိုပါ သီရိလေးမြို့နယ်ရွေး ကောက်ပွဲအောင်နိုင်ရေးကို အဖွဲ့ဝင် ၂၂ ဦးပါ ရမည်းသင်းခရိုင်ရွေးကောက်ပွဲ အောင်နိုင်ရေးအဖွဲ့၏ ကြီးကြပ်မှု အောက်တွင် ထားရှိမည်ဖြစ်ကြောင်း ၎င်းက ပြောသည်။

၂၀၁၀ ပြည့်နှစ် ရွေးကောက်ပွဲတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီက မဲဆန္ဒနယ်တိုင်းတွင် အနိုင်ရရှိခဲ့သော နေပြည်တော် ကောင်စီနယ်မြေတွင် ၎င်းပါတီကြီးနှစ်ခုသာ အကြိတ်အနယ် ယှဉ်ပြိုင်ရဖွယ်ရှိကြောင်းလည်း ဒေသခံများက ပြောသည်။

မြန်မာအစိုးရက ကချင်ကို “အပြုတ်တိုက်ချေမှုန်းနေ” ဟု KIO ဆို

2012-01-19T09:56:00.003+07:00

ဇန်န၀ါရီ (၁၉)ရက် ၂၀၁၂

တရုတ်နိုင်ငံ ရွှေလီမြို့တွင် ဇန်န၀ါရီ ၁၈ ယနေ့ ပထမနေ့ ကျင်းပသည့် မြန်မာအစိုးရနှင့် ကချင်လွတ်မြောက်ရေးအဖွဲ့ (KIO) နှစ်ဖက်ကိုယ်စားလှယ်များ၏ ဆွေးနွေးပွဲတွင် အစိုးရက ကချင်ကို “အပြုတ်တိုက်ချေမှုန်းရေး စစ်ဆင်နေသည်” ဟု KIO က ဖော်ပြခဲ့သည်။

ရွှေလီမြို့တွင် ၂၀၁၁ ခုနှစ် နိုဝင်ဘာလ ၂၉ ရက်နေ့က ပထမအကြိမ်တွေ့ဆုံခဲ့ပြီး ယခု ဒုတိယအကြိမ်မြောက် တွေ့ဆုံခြင်းဖြစ်ကာ ထူးခြားချက်မှာ “ကချင်လူမျိုးစုများ၏ ကိုယ့်ကြမ္မာကိုယ်ဖန်တီးခွင့် ရရှိရေးကို နိုင်ငံရေးအရ ညှိနှိုင်းဆွေးနွေးနိုင်ရန်အတွက်” နှစ်ဖက်ကိုယ်စားလှယ်များ တွေ့ဆုံခြင်းဖြစ်သည်။

“ကချင်တိုင်းရင်းသားများနှင့် ကချင်ပြည်နယ်၏လိုအင်ဆန္ဒများကို ပင်လုံတွင်သဘောတူညီခဲ့ကြပြီးဖြစ်သော အမျိုးသားရေးတန်းတူမှုနှင့် တိုင်းရင်းသားများကိုယ့်ကြမ္မာကိုယ်ဖန်တီးခွင့်များအပေါ် အခြေခံသော နိုင်ငံရေးဆွေးနွေးမှုများ ပြုလုပ်သွားရန် လိုလားပါသည်။” ဟု အချက် ၆ ချက်ပါ KIO ၏ စာတမ်းကို ဦးအောင်သောင်း ခေါင်းဆောင်သည့် မြန်မာအစိုးရအဖွဲ့သို့ ပေးအပ်ခဲ့သည်။

“၂၀၁၁ ခုနှစ် ဇွန် ၉ ရက်နေ့တွင် စတင်ဖြစ်ပွားခဲ့သော တိုက်ပွဲများမှာ ပိုမိုကြီးမားလျက်ရှိပါသည်။ များပြားလှသည့်စစ်အင်အားအသုံးပြုမှုကြောင့် မလိုလားအပ်သောပြဿနာများ နေ့စဉ်ဖြစ်ပွားနေပြီး အပြုတ်တိုက်ချေမှုန်းရေးစစ်ပွဲအဆင့်သို့ ရောက်ရှိနေပြီဖြစ်ပါသည်” ဟု ဆက်လက်တင်ပြထားသည်။

ယခုအခါ ၈ လ ကြာ တိုက်ပွဲများကြောင့် ပြည်သူ ၆၀၀၀၀ ကျော် အိုးအိမ်စွန့်ခွာ ထွက်ပြေးခဲ့ကြရကြောင်း အကူအညီပေးသည့်အဖွဲ့အစည်းများပြောသည်။

မြောက်ပိုင်းတိုင်းစစ်ဌာနချုပ်လက်အောက်ခံ တပ်ရင်း ၅၀ ခန့်ရှိရာ KIO နှင့်စစ်ပွဲဖြစ်ပွားလာချိန် နောက်ထပ် တပ်ရင်း ၅၀ ခန့် ကချင်ပြည်နယ်သို့ရောက်ရှိလာသည်။

ထို့အပြင် ရွှေ ရေနံနှင့်သဘာဓါတ်ငွေ့စီမံကိန်းလမ်းကြောင်းပေါ်ရှိ ရှမ်းပြည်မြောက်ပိုင်းမှ KIA တပ်မဟာ ၄ ဌာနချုပ်နှင့် ၎င်းအောက် တပ်ရင်းများသည် ယခင်နှစ် စက်တင်ဘာလမှ အစိုးရ နယ်မြေခံတပ်ရင်းများအပြင် တပ်မ ၉၉ နှင့် ရင်ဆိုင်တိုက်ပွဲများဖြစ်ပွားကာ KIA တပ်စခန်းများ ဆုတ်ခွာပေးခဲ့ရသည်။

ဒီဇင်ဘာလ ၁၀ ရက်နေ့တွင် နိုင်ငံတော်သမ္မတဦးသိန်းစိန်က ၎င်း၏တပ်များကို ထိုးစစ်ဆင်ခြင်း မပြုလုပ်ရန်ညွှန်ကြား ထားသော်လည်း ထိုနေ့မှ ဇန်န၀ါရီလ ၁၆ ရက်နေ့အထိ တိုက်ပွဲပေါင်း ၁၆၀ ခန့်ရှိသည်ဟု KIO တွဲဖက် အထွေထွေအတွင်းရေးမှူး-၂ ဆလန်ကဘာ လာနန် က ကချင်သတင်းဌာနသို့ပြောသည်။

ပြည်ထောင်စုမှခွဲထွက်ရေး နိုင်ငံရေးလမ်းစဉ်ဖြင့် KIO သည် ၁၉၆၁ ခုနှစ်မှ နက်လက်ကိုင်တော်လှန်ရေး စတင်ခဲ့ သော်လည်း ၁၉၇၆ နောက်ပိုင်း ပင်လုံညီလာခံပေါ်အခြေခံကာ ပြည်ထောာင်စုအတွင်း ကချင်တိုင်းရင်းသားများ၏ နိုင်ငံရေး တန်းတူရေးနှင့် ကိုယ်ပိုင်ပြဋ္ဌာန်းခွင့် ရရှိရေးလမ်းစဉ်သို့ ပြောင်းလဲခဲ့သည်။

ကိုးကား... KNG

ဗကသများအဖွဲ့ ချုပ် ဗဟိုစည်းရုံးရေးကော်မတီ(ယာယီ) ဖွဲ့စည်း

2012-01-19T07:30:00.003+07:00

ABSDF လည်း ငြိမ်းချမ်းရေး ဆွေးနွေးရန် ဆန္ဒရှိ

2012-01-19T07:15:00.000+07:00

မဇ္ဈိမ၊ ဇန်နဝါရီလ ၁၈ ရက် ၂၀၁၂ ခုနှစ်

မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး ABSDF က မြန်မာအစိုးရ
နှင့် ငြိမ်းချမ်းရေး ဆွေးနွေးရန် ဆန္ဒရှိကြောင်း အင်္ဂါနေ့က အကြောင်းပြန်ကြားလိုက်ပြီဟု အဖွဲ့ပြောခွင့်ရသူ ဒုဥက္ကဋ္ဌ ဦးမျိုးဝင်း က ပြောသည်။

ပြည်ထောင်စု ငြိမ်းချမ်းရေး ဖော်ဆောင်ရေးအဖွဲ့ ခေါင်းဆောင် ဦးအောင်သောင်းကိုယ်စား ဒုဗိုလ်မှူးကြီးဟောင်း
စောခင်စိုး လက်မှတ်ထိုး၍ ကိုယ်တိုင် လာရောက်ပေးပို့သည့် ဇန်န၀ါရီ ၁၀ ရက်စွဲပါ ကမ်းလှမ်းစာကို အကြောင်းပြန် လိုက်ခြင်းဖြစ်သည်။

စောခင်စိုး၏ စာတွင် ငြိမ်းချမ်းရေးစားပွဲဝိုင်းတွင် ‘တန်းတူညီတူ’ ဆွေးနွေးမည်ဟု ဖော်ပြပါရှိပြီး မိမိတို့ဘက်မှ သဘောဆန္ဒကို ပြန်ကြားလိုက်ခြင်းဖြစ်ကြောင်း ဦးမျိုးဝင်း က မဇ္ဈိမကို ပြောသည်။

“နိုင်ငံရေးပြဿနာတွေကို တန်းတူညီတူ အဖြေရှာနိုင်ဖို့အတွက် ကျနော်တို့ဘက်ကလည်းပဲ ဆန္ဒရှိတယ်ဆိုတာကို အဓိကပါ။ တရားဝင်စာနဲ့တော့ မနေ့ကပဲ ကျနော်တို့ ဆက်သွယ်ရေး လမ်းကြောင်းကနေတဆင့် အကြောင်းပြန် လိုက်ပါပြီ” ဟု ပြောသည်။

ကျောင်းသားတပ်မတော် (ခေါ်) ABSDF အနေဖြင့် အမျိုးသားပြန်လည်သင့်မြတ်ရေး၊ ပြည်တွင်းငြိမ်းချမ်းရေး၊ စစ်မှန်သည့် ပြည်ထောင်စုတည်ဆောက်ရေး၊ ဒီမိုကရေစီနှင့် လူ့အခွင့်အရေး စသည့် နိုင်ငံရေး လုပ်ငန်းစဉ်များကို ကြိုးပမ်းနေခြင်း ဖြစ်ကြောင်း စာအတွင်း၌ ထည့်သွင်းဖော်ပြခဲ့သည်ဟု သိရသည်။

တွေ့ဆုံမည့် နေရာနှင့်ပတ်သက်၍မူ “ကျနော်တို့ရွေးချယ်မှုအတိုင်း သူတို့လက်ခံ ဆောင်ရွက်သွားမယ်လို့ သဘောထားကတော့ သူတို့ အကြမ်းမျဉ်း မိတ်ဆက်ပေးပါတယ်။ ဒီကိစ္စ တွေကို ကျနော်တို့ ဘာမှ မဆွေးနွေးရသေး ပါဘူး” ဟု ဦးမျိုးဝင်း က ပြောသည်။

ဦးသိန်းစိန် အစိုးရအနေနှင့် တိုင်းရင်းသား အဖွဲ့ ၅ ခုနှင့် အပစ်ရပ် သဘောတူညီမှုများ ရထားပြီးဖြစ်သော်လည်း တပြည်လုံးအတိုင်းအတာ အပစ်ရပ်ကာ နိုင်ငံရေးလုပ်ငန်းစဉ်များ ပါဝင်ရမည်ဟု အနှစ် ၂၀ ကျော် အတွေ့အကြုံကို အခြေခံ၍ သုံးသပ်ထားကြောင်း ဦးမျိုးဝင်းက ပြောသည်။

ABSDF ၏ တပ်ရင်း ၉ ရင်းအနက် အများစုမှာ မြန်မာအစိုးရနှင့် အပစ်ရပ် သဘောတူပြီးဖြစ်သည့် ကရင်အမျိုးသား အစည်းအရုံး KNU နယ်မြေအတွင်းနှင့် ကရင်နီ၊ မွန်၊ ကချင်နှင့် ရခိုင်ပြည်နယ်စပ်တို့တွင် အခြေခံ လှုပ်ရှားနေကြ
ခြင်း ဖြစ်သည်။

KNU နှင့် စစ်ရေးပူးပေါင်းလှုပ်ရှား ဆောင်ရွက်နိုင်ခြင်း မရှိဘဲ ဖြစ်လာနိုင်သည့်တိုင် နိုင်ငံရေးလုပ်ငန်းစဉ်များကိုမူ ဆက်လက်ဆောင် ရွက်နိုင်မည်ဟု KNU နှင့် နှစ် ၂၀ ကျော် ဆက်ဆံရေးအပေါ်အခြေခံ၍ ABSDF က ယုံကြည်သည်ဟု ဆိုသည်။

KNU အထွေထွေအတွင်းရေးမှူး နော်စီဖိုးရာစိန်ကမူ အစိုးရနှင့် အပစ်ရပ်ထားသော်လည်း နိုင်ငံရေး လုပ်ငန်းစဉ်များ
ဆွေးနွေးရန်ကျန်ရှိသေးသည်ဟု ပြောသည်။

“တပြည်လုံး အတိုင်းအတာ အပစ်ရပ်ရေးရမှ ပြေလည်မှာပေါ့လေ။ နိုင်ငံရေး ဆွေးနွေးစရာ အများကြီးရှိသေးတယ်။ (ABSDF နဲ့) လောလောဆယ် ပူးပေါင်းလှုပ်ရှားတာ ရှိသေးတာပေါ့။ မဟာမိတ်ကဏ္ဍမှာ ပြန်ဆွေးနွေးရမှာပေါ့” ဟု မဇ္ဈိမကို ပြောသည်။

ကြားဖြတ်ရွေးကောက်ပွဲဝင်ရန်မည့် အမျိုးသားဒီမိုကရေစီအဖွဲ့ချုပ် NLD သဘာပတိအဖွဲ့ဝင် ဦးဝင်းတင်က အစိုးရ
နှင့် ABSDF အကြား ငြိမ်းချမ်းရေး ဆွေးနွေးမည်ကို ကြိုဆိုလိုက်သည်။

ပြည်တွင်းငြိမ်းချမ်းရေးလုပ်ငန်းစဉ်တွင် ABSDF ၏ အခန်းကဏ္ဍသည် တိုင်းရင်းသားများနည်းတူ အရေးပါကြောင်း၊ သို့သော် အဖွဲ့အတွင်း အကျေအလည် သဘောတူရန် အရေးကြီးသည်ဟု သုံးသပ်သည်။

ထို့ပြင် မြန်မာ့တပ်မတော်၏ သဘောထားကိုလည်း သတိရှိရန် လိုသည်ဟု ထောက်ပြသည်။

“ဒီဇင်ဘာလ ၁၀ ရက်နေ့မှာ သမ္မတက ထိုးစစ်တွေရပ်ပါလို့ ကာကွယ်ရေးဦးစီးချုပ်ကို ညွှန်ကြားတယ်။ ထိုးစစ်တွေ က ထိုးနေတုန်းပဲ။ သုံးဘက် ရှိတယ်ဗျ။ လက်နက်ကိုင်အဖွဲ့အစည်းများ အကုန် အစုံ၊ တဘက်က အစိုးရ သူတို့ survival အရ၊ သူတို့လုပ်ငန်းတွေ အောင်မြင်ဖို့အရ ငြိမ်းချမ်းရေး လိုအပ်ပြီဆိုတာ သိတယ်။ တဘက်က အစိုးရ စကားတောင်မှ နားမထောင်ဘဲနဲ့ ဒီနေ့အထိ ထိုးစစ် တွေ လုပ်နေတဲ့ စစ်တပ်ရှိတယ်” ဟု ဦးဝင်းတင်က မဇ္ဈိမကို
ပြောသည်။

၁၉၈၈ ဒီမိုကရေစီအုံကြွမှုကြီးမှ ကျောင်းသားလူငယ်များဖြင့် ဖွဲ့စည်းခဲ့သည့် ABSDF အနေဖြင့် အစိုးရနှင့် ငြိမ်းချမ်းရေးဆွေးနွေးရန်အတွက် မိမိအဖွဲ့တွင်းနှင့် ပြည်တွင်း/ပြည်ပ ကျောင်းသားလူထု၏ သဘောထား အကြံဉာဏ်များ ရယူသွားရန် စီစဉ်နေကြောင်း သိရသည်။

မြစ်ကြီးနား- လိုင်ဇာကားလမ်းပိုင်းတွင် တိုက်ပွဲဖြစ်ပွား

2012-01-17T16:10:00.001+07:00

ဇန်န၀ါရီ(၁၇) ရက် ၂၀၁၂

ဇန်န၀ါရီ(၁၆)ရက် မနက်(၇း၀၀)နာရီမှ နေ့ လည်(၁၂း၀၀)နာရီအချိန်ခန့် ထိ မြစ်ကြီးနား-လိုင်ဇာကားလမ်းမပေါ်ရှိ ကန်ဒေါင်ယန်ကျေးရွာ(Gang Dau Yang) တွင် ရောက်ရှိနေသော မြန်မာအစိုးရစစ်တပ် ခမရ(၃၁၈)တပ်ဖွဲ့ နှင့် ဗိုလ်ကြီးဘရန်မိုင် ဦးဆောင်သော ကေအိုင်အေ မျိုးချစ်တပ်ဖွဲ့ ဝင်တို့ အဆိုပါ ကျေးရွာအနီးတွင် တိုက်ပွဲပြင်းထန်စွာဖြစ်ပွားခဲ့ကြောင်းသိရသည်။တိုက်ပွဲတွင် မြန်မာအစိုးရတပ် ဘက်မှ(၂)ဦးသေဆုံးပြီး(၂)ဦး ဒဏ်ရာရရှိသွားကြောင်းထပ်မံသိရှိရသည်။

အလားတူ ဇန်န၀ါရီ(၁၆)ရက် မနက်ပိုင်းမှ နေ့ လည်ချိန်ထိ မြစ်ကြီးနား-လိုင်ဇာလမ်းပိုင်း မလိချောင်းတံတား အထက်ဘက်တွင် စခန်းချနေသော မြန်မာအစိုးရတပ် ခလရ(၃၈၉)(၃၉၀)ပူးပေါင်းတပ်ဖွဲ့ တို့ အား ကေအိုင်အေ တပ်ရင်း(၂၅၅)တပ်ဖွဲ့ ဝင်များမှ ဆွဲမိုင်းဖြင့် လျှပ်တပြက် ၀င်ရောက်တိုက်ခိုက်ကာ တိုက်ပွဲဖြစ်ပွားခဲ့ကြောင်းသိရှိရသည်။

ထို့ အပြင် ဇန်န၀ါရီ(၁၆)ရက် ညနေပိုင်း(၅း၀၀)နာရီခန့် တွင် လွိုင်ဂျော်ဘွမ်(Loi Jaw bum) ဘက်သို့ စစ်ကြောင်းထိုးတက်လာသော မြန်မာအစိုးရတပ် ခမရ(၄၃၈)(၃၂၀)ပူးပေါင်းတပ်ဖွဲ့ နှင့်ကေအိုင်အေ တပ်ရင်း(၂၅)မျိုးချစ်တပ်ဖွဲ့ ဝင်များ တိုက်ပွဲပြင်းထန်စွာဖြစ်ပွားခဲ့ကြောင်းသိရသည်။ တိုက်ပွဲများအတွင်း ထိခိုက်ကျဆုံးမှုအား မသိရသေးပါ။
Source ( eedynews)

Aung San Suu Kyi Live Chat with Virginia Tech (with myanmar subtitles)

2012-01-16T12:52:00.000+07:00

မကဒတ ဥက္ကဌရဲဘော်သံခဲနှင့် ငြိမ်းချမ်းရေး ကမ်းလှမ်းသည့်ကိစ္စ (အင်တာဗျူး )

2012-01-16T08:43:00.007+07:00

ဆုံဆည်းရာ၊ ဇန်န၀ါရီလ (၁၅)ရက် ၂၀၁၂

RFA အသံလွှင့်ဌာနနှင့် မကဒတ ဥက္ကဌရဲဘော်သံခဲနှင့် ငြိမ်းချမ်းရေး စကားပြောဘို့ ကမ်းလှမ်းသည့်ကိစ္စ အင်တာဗျူး ပြန်လည် ဖော်ပြပေးလိုက်ပါတယ်။

မေး။ ဘယ်လို ကမ်းလှမ်းတယ်ဆိုတာကို ရှင်းပြပေးပါခင်ဗျ။
ဖြေ။ ဟုတ်ကဲ့-ပြည်တွင်း ငြမ်းချမ်းရေးဖော်ဆောင်ရေးအဖွဲ့၊ အဖွဲ့ခေါင်းဆောင် ဦးအောင်သောင်းနှင့် ဒုတိယအဖွဲ့ခေါင်းဆောင် ဦးသိန်းဇော်တို့ကနေပြီးတော့မှ ငြိမ်းချမ်းရေးဆွေးနွေးရန်အတွက် ရင်းနှီးခင်မင်စွာနဲ့ ဖိတ်ခေါ်အပ်ပါတယ်ဆိုပြီး ကျနော်တို့ဆီကို စာတစ်စောင်ရေက်လာပါတယ်။ အဲဒီစာတစ်စောင်နဲ့ပါတ်သက်ပြီး သူတို့ပြည်ထောင်စုငြိမ်းချမ်းရေးဖော်ဆောင်မှုအဖွဲ့က အဖွဲ့ဝင်တစ်ဦးဖြစ်တဲ့ ကရင်ပြည်နယ်အေးချမ်းသာယာရေးကောင်စီ ဥက္ကဌစောခင်စိုး ကနေပြီးတော့မှ အဖွဲ့ကိုယ်စား လက်မှတ်ထိုးပြီးတော့မှ ဖိတ်ခေါ်ထားတာဖြစ်ပါတယ်။ အဓိကပြောတဲ့ အကြောင်းအရာကတော့ ငြိမ်းချမ်းရေးဖော်ဆောင်ဘို့အတွက် ငြိမ်းချမ်းရေးဆွေးနွေးပွဲမှာ တန်းတူရည်တူ ဆွေးနွေးနိုင်ရန် သဘောထားချမှတ်ခြင်းနှင့် တွေ့ဆုံဆွေးနွေးနိုင်မယ့်ရက်ကို ပြန်ကြားပေးဘို့ ဖိတ်ခေါ်တာဖြစ်ပါတယ်။

မေး။ ABSDF ခေါင်းဆောင်ပိုင်းအနေနဲ့ အခုလို ကမ်းလှမ်းလာတဲ့အပေါ်မှာ ဘယ်လိုတုံ့ပြန်ဘို့ စဉ်းစားထာပါလဲ။
ဖြေ။ ABSDF ဗဟိုကော်မီတီအနေနဲ့ ယခုလို ပြည်ထောင်စုအဆင့် ငြိမ်းချမ်းရေး ကမ်းလှမ်းလာမှုကို ကျနော်တို့ အဖွဲ့အနေနဲ့ကြိုဆိုတယ်။ အထူးသဖြင့် ကျနော်တို့ အဖွဲ့အစည်းဟာ ကျနော်တို့နိုင်ငံမှာ ဒီမိုကရေစီနှင့် လူ့အခွင့်အရေး ထွန်းကားရေး၊ အမျိုးသား ပြန်လည်သင့်မြတ်ရေး၊ ပြည်တွင်းငြိမ်းချမ်းရေးနှင့် စစ်မှန်သည့် ဖက်ဒရယ်ပြည်ထောင်စု တည်ဆောက်ရေးအတွက် နိုင်ငံရေးအတွက် တန်းတူရည်တူဆွေးနွေးရေးတွေကို ရှိနိုင်ဘို့အတွက် အစဉ်တစိုက်တောင်းဆို တိုက်ပွဲဝင်ခဲ့တာဖြစ်တယ်။ ဒါပေမယ့် ဒီကြိုးပမ်းဆောင်ရွက်မှုတွေဟာ ကျနော်တို့ တဖွဲ့တည်းနဲ့ လုံလောက်နိုင်မှု မရှိဘူး။ ဒီဆွေးနွေးမှုတွေဟာ နိုင်ငံရေးအရ သက်ဝင်ရမယ်။ ငြိမ်းချမ်းရေးအတွက် ဖော်ဆောင်တဲ့နေရာမှာ သက်ဆိုင်တဲ့ တိုင်းရင်းသား လက်နက်ကိုင်တော်လှန်ရေး အဖွဲ့အစည်းတွေပါ အားလုံးပါဝင်နိုင်တဲ့ အခင်းအကျင်း လိုအပ်တယ်။ သို့သော်လည်းပဲ ပဏာမအနေနဲ့ တွေ့ဆုံဆွေးနွေးမှုတွေကို ကျနော်တို့ အနေနဲ့ကြိုဆိုတယ်။ စနစ်တကျ တုံ့ပြန်နိုင်ဘို့အတွက် ဗဟိုကော်မီတီထဲမှာ လိုက်နာရမယ်မူတွေ၊ ကျနော်တို့ဆွဲကိုင်ထားရမယ်မူတွေ၊ အပြုသဘောဆိုင်ရာ ဆွဲကိုင်ထားရမယ့်မူတွေကို ဆွေးနွေးနေဆဲဖြစ်ပါတယ်။

မေး။ အကျဉ်းထောင်တွေထဲမှာ ABSDF ရဲဘော်တွေ ဖမ်းဆီးခံထားရတာတွေ ရှိပါတယ်။ အဲဒီအချက်တွေကို ထည့်သွင်း စဉ်းစားတာတွေ ရှိလား။
ဖြေ။ ကျနော်တို့ သေသေချာချာကို ထည့်သွင်းစဉ်းစားရမယ့် အချက်တွေပါ။ ငြိမ်းချမ်းရေး ကမ်းလှမ်းချက်အပေါ်မှာ ဆွေးနွေးတဲ့အပေါ်မှာ တတိုင်းပြည်လုံးဆိုင်ကိစ္စတွေ ဆွေးနွေးကြမှာဖြစ်သလို တဆက်တည်းမှာလည်း ကျနော်တို့ အဖွဲ့အစည်းဆိုင်ရာ ကိစ္စတွေလည်း စဉ်းစားရမယ်လို့ ကျနော်တို့မြင်ပါတယ်။ အထူးသဖြင့်ကတော့ ကျနော်တို့ အဖွဲ့အစည်းအပေါ်မှာ မတရားအသင်းအဖြစ် ကြေညာထားတဲ့ ကိစ္စတွေ ရှိတယ်။ နောက်တခုကတော့ ကျနော်တို့ ရဲဘော်တွေဟာ နှစ်ရှည်ထောင်ဒါဏ်နဲ့ ဗမာပြည်ထောင်တွေထဲမှာ အကြောင်းအမျိုးမျိုး ကျပြီးတော့ မတရား ဖမ်းဆီခံထားရတဲ့သူတွေ၊ ABSDF တပ်ဖွဲ့ဝင်တွေ ရှိပါတယ်။ ဒီလူတွေဟာ နိုင်ငံရေးယုံကြည်ချက်ကြောင့်ပဲ အကျဉ်းကျထားတာဖြစ်တယ်။ သူတို့လွတ်မြောက်ရေးအတွက် တပြိုင်တည်း အဖြေရှာ၇လိမ့်မည်လို့ ထင်တယ်။

မေး။ ဘယ်လို အခြေအနေမျိုးမှာ ABSDF အနေနဲ့ အပစ်အခတ်ရပ်ဆဲဘို့ ရှိပါသလဲ။
ဖြေ။ ကျနော်တို့ လိုချင်တဲ့ နိုင်ငံရေး အခင်းအကျဉ်းကိုရောက်ဘို့ဆိုတာ အများကြီး လိုအပ်သေးတယ်လို့ ထင်ပါတယ်။ ဒီကိစ္စနဲ့ ပတ်သက်ပြီးတော့မှ ဒါဟာ- အာဏာရယူထားတဲ့ အစိုးရဘက်က ဖြစ်ပေါ်လာမယ် နိုင်ငံရေးပြသာနာတွေကို ဖြေရှင်းပြီးတော့ အားလုံးတွေ့ဆုံနိုင်တဲ့ အခင်းအကျင်းကို ယုံကြည်အောင် ဖန်းတီးပေးမလဲဆိုတဲ့အပေါ်မှာပဲ မူတည်ပါတယ်။

ပြင်သစ်နိုင်ငံအမြင့်ဆုံး ဂုဏ်ထူးဆောင်ဆု ပေးအပ်

2012-01-16T08:38:00.002+07:00

ပြင်သစ်နိုင်ငံအမြင့်ဆုံး ဂုဏ်ထူးဆောင်ဆုကို ပြင်သစ်နိုင်ငံခြားရေးဝန်ကြီး အာလန်ယွိပ် မှ ဒေါ်အောင်ဆန်းစုကြည်အား ပေးအပ်စဉ်

ကချင်ဒေသ အတွင်း တိုက်ပွဲများအဆက်မပြတ်နေ့ စဉ်ဖြစ်ပွား

2012-01-15T19:22:00.004+07:00

ဇန်န၀ါရီ (၁၅)ရက် ၂၀၁၂

ဇန်န၀ါရီ(၁၃)ရက်နေ့ မွန်းလွဲ(၂း၀၀)နာရီအချိန်ခန့်  ကေအိုင်အေ တပ်မဟာ(၂)နယ်မြေ လောက်အောင်ကောင်(Lawt Awng Kawng) ဘန်ဒေါင် (Ban Dang) ဒေသဘက်သို့ စစ်ကြောင်းထိုး တက်လာသော မြန်မာအစိုးရတပ် ခလရ(၁၄၁) ခမရ(၃၈၂) ပူးပေါင်းစစ်ကြောင်း အင်အားတစ်ရာကျော်ခန့် အား ကေအိုင်အေ တပ်ရင်း(၅)တပ်ဖွဲ့ ဝင်များမှ မုဒူပရမ်(Mu Du Prang) တွင် စောင့်ကြိုတိုက်ခိုက်ကာ တိုက်ပွဲပြင်းထန်စွာဖြစ်ပွားခဲ့ကြောင်းသိရသည်။ တိုက်ပွဲတွင် မြန်မာစစ်တပ်ဘက်မှ (၂)ဦးကျဆုံး(၃)ဦး ဒဏ်ရာရရှိသွားကြောင်းသိရသည်။

ဇန်န၀ါရီ(၁၄)ရက် နေ့ လည်(၁း၀၀)နာရီခန့် တွင် ကေအိုင်အေ တပ်မဟာ(၃) နယ်မြေဘက်တွင် ရောက်ရှိနေသော မြန်မာအစိုးရတပ် တပ်မ(၈၈) လက်အောက်ခံ တပ်ဖွဲ့ များသည် ကေအိုင်အေ တပ်ဖွဲ့ ဝင်များ ရောက်ရှိစခန်းချနေရာ ယိန်းဖန်ခက်( Ying Hpan Hkyet)ဒေသ ဘက်သို့  (၁၂၀)မမ လက်နက်ကြီးများဖြင့် အဆက်မပြတ်ပစ်ထည့်ကာ တိုက်ခိုက်နေကြောင်း သိရှိရသည်။ အဆိုပါဒေသ လွိုင်ယိမ်း(Loi Ying) သို့ ဗန်းမော်ဘက်မှတက်လာသော အစိုးရ စစ်ရဟတ်ယာဉ်တစ်စီး ၀င်ရောက်လာကာ အတန်ကြာလှည့်လည်ပျံသန်းနေပြီး လာလမ်းအတိုင်း ပြန်လှည့်သွားကြောင်း ထပ်မံ သိရှိရသည်။

ဇန်န၀ါရီ (၁၄)ရက် မနက်(၆း၀၀)နာရီအချိန်ခန့် ကေအိုင်အေ တပ်မဟာ(၂) နယ်မြေဘက်သို့ စစ်ကြောင်းထိုးကာ ရောက်ရှိနေသော မြန်မာအစိုးရတပ် ခလရ(၁၄) ခမရ(၃၈၂) ခမရ(၃၈၄) ပူးပေါင်း တပ်ဖွဲ့ အင်အား (၆၀)ခန့် အား ကေအိုင်အေ တပ်ရင်း(၅) ဆနိုက်ပါ တပ်ဖွဲ့ဝင်များမှ ခြုံခိုတိုက်ခိုက်ခဲ့ရာ မြန်မာစစ်တပ်ဘက်မှ (၁)ဦးသေ (၁)ဦး ဒဏ်ရာရရှိသွားကြောင်း သိရသည်။

ဇန်န၀ါရီ (၁၄)ရက် မနေ့ က ကေအိုင်အေ တပ်မဟာ(၅)နယ်မြေ ဒေါ့ဖုန်းယန်ဒေသ တွင် စခန်းထိုင် ထားသော မြန်မာအစိုးရတပ် ခလရ(၁၄၂)တပ်ရင်းတို့ သည် (၁၂၀)မမ လက်နက်ကြီးများကို အသုံးပြုကာ ကေအိုင်အေ တပ်ဖွဲ့ ဝင်များ ရှိနိုင်မည်ထင်သော ခလားတောင်(Hka La)နှင့် တိန်းယန်ဒေသ( Ting Yang) ဘက်သို့  လက်နက်ကြီးများဖြင့် အဆက်မပြတ် ပစ်ထည့်ကာ တိုက်ခိုက်နေကြောင်း သိရှိရသည်။

Source -
http://kachinnet.net/news/172-kia-dap-ba-ginra-ni-hta-gasat-poi-matut-manoi-byin-nga.html

တရုပ်နိုင်ငံသား ကချင်လူမျိုးတစ်ဦးအား မြန်မာစစ်တပ်မှပစ်ခတ်သတ်ဖြတ်

2012-01-15T11:53:00.006+07:00

ဇန်န၀ါရီ(၁၅)ရက် ၂၀၁၂

ဇန်န၀ါရီ(၁၂)ရက် ကြာသပတေးနေ့ ညနေပိုင်းအချိန်က လွယ်ဂျယ်မြို့ မုဘွမ် (Mu Bum)တွင် စခန်းထိုင်သော ရွှေညောင်ပင်တပ်ရင်း ခမရ (၃၂၁)မှ တပ်ဖွဲ့ဝင်များသည် တရုပ်နယ်စပ်ကို ဖြတ်ကျော်ဝင်ရောက်ကာ နယ်စပ်မှ တစ်မိုင်ခန့် ဝေးကွာသော နေရာတွင် တောင်ယာလုပ်ကိုင်နေသော တရုပ်ပြည် လွိုင်လုံကျေးရွာ (Loi Lung) တွင်နေထိုင်သော တရုပ်နိုင်ငံသား ကချင်မျိုးနွယ် ကချင်အမျိုးသား ဦးလဖိုင် ဇော်လွန်( Lahpai Zau Lawn) အသက် ( ၅၃) နှစ် အား မြန်မာစစ်သားများမှ သေနတ်ဖြင့် ပစ်သတ်ခဲ့ကြောင်း သိရသည်။ ဦးခေါင်းအား ရိုက်နှက်ထားသောကြောင့် ကြေမွနေပြီး ခန္စာကိုယ်ပေါ်တွင် သေနတ် ဒဏ်ရာ(၆)ချက် တွေ့ရှိရကြောင်း သိရသည်။

ဦးလဖိုင်ဇော်လွန် ၏ အလောင်းအား ရွာသားများမှ ဇန်န၀ါရီ (၁၄)ရက်နေ့မှ သွားရောက် ရှာဖွေတွေ့ရှိရပြီး သေနတ်ဖြင့် ပစ်သတ်ထားသောနေရာမှ ကိုက်(၃၀၀)ခန့် ဝေးသောနေရာတွင် ရှာဖွေမတွေ့နိုင်ရန် မြန်မာစစ်သားများမှ ၀ှက်ထားကြောင်းနှင့် အဆိုပါ အလောင်းအား ၀ှက်ထားသော နေရာတစ်ဝိုက် နင်းမိုင်း နှစ်လုံးကိုပါ ထောင်ထားကြောင်း သိရှိရသည်။ ပြန်လည်ရှာဖွေတွေ့ရှိရသော ရုပ်အလောင်းအား ဇန်န၀ါရီ (၁၄) မနေ့က ရွာသူရွာသားများမှ မြုပ်နှံသဂြိုလ်လိုက်ပြီဖြစ်ကြောင်း သိရှိရသည်။

(Jinghpaw Kasa)(ကချင်သတင်းဌာန မှ အင်္ဂလိပ်ဘာသာ သတင်း )
http://www.kachinnews.com/news/2210-burma-army-kills-chinese-civilian-in-yunnan.html...

မြစ်ကြီးနား-ဗန်းမော်လမ်းပိုင်းနှင့် KIA တပ်မဟာ(၂)(၃)တို့ တွင် တိုက်ပွဲဖြစ်ပွား

2012-01-14T10:53:00.003+07:00

ဇန်န၀ါရီ (၁၄)လ ၂၀၁၂ ခုနှစ်

ကချင်လွတ်မြောက်ရေးတပ်မတော် ကေအိုင်အေ တပ်မဟာ(၃)နယ်မြေ ယိန်းဖန်ခက်(Ying Hpan hkyet) မဒါဘွမ် (Mada Bum) နှင့် ဂေါ့ငူဘွမ် ( Gawk Ngu Bum)တို့ တွင် ကေအိုင်အေ တပ်ရင်း(၁) တပ်ရင်း(၁၆)တပ်ဖွဲ့ ဝင်များ နှင့် မြန်မာအစိုးရတပ် တပ်မ(၈၈) ၊ စခက အမှတ်(၂၁)ပူးပေါင်းတပ်ဖွဲ့ တို့  ဇန်န၀ါရီ(၁၃)ရက် မနက် (၈း၀၀)နာရီမှ (၁၁)နာရီ အချိန်ခန့် အထိ တိုက်ပွဲပြင်းထန်စွာဖြစ်ပွားခဲ့ကြောင်းသိရသည်။

အလားတူ ဇန်န၀ါရီ(၁၃) မနက်(၈း၀၀)နာရီ အချိန်ခန့်  မြစ်ကြီးနား -ဗန်းမော် ကားလမ်းပိုင်းရှိ ဂျာပူကျေးရွာ နှင့် မဒီးယန်ကျေုးရွာ အကြား ကေအိုင်အေ ပူးပေါင်းတပ်ဖွဲ့ ဝင်များ နှင့် မြန်မာအစိုးရတပ် ခမရ(၃၉၀)တပ်ဖွဲ့ တို့ တိုက်ပွဲဖြစ်ပွားခဲ့ကြေင်းသိရသည်။

ကေအိုင်အေ တပ်မဟာ(၂)နယ်မြေ မါကော့ပ်ဇွပ်(Makawk Zup) ဒေသ တွင် ကေအိုင်အေ တပ်ရင်း(၁၁)တပ်ဖွဲ့ ဝင်များနှင့် မြန်မာအစိုးရတပ် ခမရ(၃၈၂)(၃၈၅)တပ်ဖွဲ့ တို့  ဇန်န၀ါရီ(၁၃)ရက် ညနေ(၄း၀၀)နာရီ မှ (၅း၃၀)နာရီခန့် ထိ တိုက်ပွဲဖြစ်ပွားခဲ့ကြောင်းသိရသည်။

တိုက်ပွဲတွင်း နှစ်ဖက်ထိခိုက်ကျဆုံးမှုအား ထပ်မံစုံစမ်းနေဆဲဖြစ်ပါသည်။

Source ( Kachinnet)

ယနေ့ နိုင်ငံရေးအကျဉ်းသား လွှတ်ပေးသည့် စာရင်း

2012-01-13T09:31:00.058+07:00

ဆုံဆည်းရာ၊ ၁၃ ရက် ဇန်န၀ါရီလ ၂၀၁၂ (ပို့စ်တင်ချိန် မြန်မာစံတော်ချိန် ၉ နာရီ)

ဇန်န၀ါရီလ ၁၃ ရက် ၂၀၁၂ ခုနှစ် မြန်မာစံတော်ချိန် ၉ နာရီ ၃၀ မိနစ် အချိန်အထိ နိုင်ငံရေးအကျဉ်းသား လွှတ်ပေးတဲ့ စာရင်းကို အကျဉ်းထောင် အလိုက်ဖော်ပြထားပါတယ်။ ဆက်လက်ပြီးတော့လည်း နိုင်ငံရေးအကျဉ်းသား လွှတ်ပေးတဲ့ စာရင်းကို အချိန်နဲ့တပြေးညီ ဖော်ပြပါ့မယ်ခင်ဗျား....။

ကလေးထောင်
(၁) ဦးစိုင်းညွန့်လွင် (ရှမ်းအမျိုးသား ဒီမိုကရေစီအဖွဲ့ချုပ်)
(၂) ကိုမျိုးအောင်နိုင်၊
(၃) ဦးတင်ယု
(၄) ဦးကျော်အောင်၊
(၅) ဦးကျော်ကျော်
(၆) ကိုစိုးရာဇာဖြူ၊
(၇) ကိုဝေဖြိုး
(၈) ကိုမင်းမင်းထွန်း
(၉) ကိုနိုင်လင်း
(၁၀) ကိုဌေးအောင်
(၁၁) ကိုနေလင်းအောင်

ကော့သောင်းထောင်
(၁) ကိုပြုးံချို (၈၈ မျိုးဆက်)
(၂) ကိုမျိုးမင်း
(၃) ကိုဇော်မင်းလေး
(၄) ကိုအောင်မျိုးမင်းပိုင်

ကျောက်ဖြူထောင်
(၁) စိုင်းလှအောင် (ရှမ်းအမျိုးသား ဒီမိုကရေစီအဖွဲ့ချုပ်)
(၂) ကိုဝင်းမော် (ခ)မော်ကြီး
(၃) ရွှေမောင်(ခ)ဆံရှည်
(၄) ဖြိုးမောင်မောင်စိုး(ခ)ဖြိုးကြီး
(၅) ဇော်မင်း(ခ)ဘောင်းဘောင်း
(၆) အောင်ကျော်ကျော်(ခ)ဘောကြီး
(၇) မျိုးမင်း
(၈) ကရင်လေး
(၉) တင်အောင်စိုး(ခ) စိုးစိုး
(၁၀) ခင်မောင်အေး
(၁၁) စိုးညွန့် (စစ်ထောက်လှမ်းရေးဟောင်း)
(၁၂) မောင်မောင်နိုင် (စစ်ထောက်လှမ်းရေးဟောင်း)
(၁၃) ဝေထွန်းဦး (စစ်ထောက်လှမ်းရေးဟောင်း)

ကျိုင်းတုံထောင်
(၁)ကိုသိန်းဇော်
(၂) ကိုညီညီဇော်
(၃) ကိုညွန့်ဟန်

ကသာထောင်
(၁) မလှလှဝင်း

ဘားအံထောင်
(၁) နေဘုန်းလတ် (ခ) နေမျိုးကျော်
(၂) ညဏ်လင်း
(၃) သန့်စင်အောင်
(၄) ကျော်ကျော်နိုင်
(၅) နန္ဒစစ်အောင်
(၆) ပြည့်ဖြိုးအောင်
(၇) ဦးညီပု (၁၉၉၀ လွှတ်တော်ကိုယ်စားလှယ်)

တောင်ငူထောင်
(၁) ဦးခွန်ထွန်းဦး (ရှမ်းအမျိုးသား ဒီမိုကရေစီအဖွဲ့ချုပ်)
(၂) ဦးဇော်ဇော်မင်း (ကိုဒီငြိမ်းလင်း ဖခင်)
(၃) ဦးဝတုတ်
(၄) ဘီဘီဇီငြိမ်း
(၅) ဦးသန်းထိုက်အောင်
(၆) ကိုရဲကျော်သူ
(၇) ကိုမျိုးအောင်
(၈) ဖြိုးဇော်လတ်
(၉) ဒေါ်နော်လှ
(၁၀) ဒေါ်နော်ဆေး
(၁၁) ဦးဝင်းကို(NKD)
(၁၂) ဗိုလ်ကြီးထိန်ဝင်း (စစ်ထောက်လှမ်းရေးဟောင်း)
(၁၃) ဗိုလ်မှူးကျော်ကျော်ထွန်း (စစ်ထောက်လှမ်းရေးဟောင်း)
(၁၄) ဗိုလ်မှူးကြီးဝင်းမြင့် (စစ်ထောက်လှမ်းရေးဟောင်း)

တောင်ကြီးထောင်
(၁) ကိုဂျင်မီ (၈၈ မျိုးဆက် ကျောင်းသားခေါင်းဆောင်)
(၂) ကိုမြအေး (၈၈ မျိုးဆက် ကျောင်းသားခေါင်းဆောင်)
(၃) ကိုဇော်သက်ထွေး
(၄) ကိုကျော်ကိုကို
(၅) ကိုဇော်မင်းဦး
(၆) ကိုဇော်ဝင်း
(၇) ကိုအောင်ကျော်ကျော်
(၈) သူရစိုး
(၉) မန်းဇော်ထွေး
(၁၀) ကိုမောင်ကံ

လားရှိုးထောင်
(၁) ကိုမင်းဇေယျာ
(၂) ကိုမင်းဟန်
(၃) မဟန်နီဦး
(၄)ကိုဇာနည်အောင်
(၅)ကိုနိုင်ဦး(ခ) ဦးနန္ဒ၀ံသ(မြင်းခြံစွန်းလွန်း)
(၆) ဦးမြင့်နိုင်
(၇) ကိုအောင်သန်းမြင့်(ခ) မဂ္ဂင်ဆရာတော် ဥူးက္ကန္ဒက၊
(၈)ကိုငွေစိုးလင်း (ဒီဗွီဘီ သတင်းထောက်)
(၉) ကိုမင်းထွန်း
(၁၀)ကိုမြတ်လင်းထွဋ်

ဘူးသီးတောင်ထောင်
(၁) ကိုဌေးကြွယ် (၈၈ မျိုးဆက် ကျောင်းသားခေါင်းဆောင်)
(၂) ကိုစည်သူမောင်
(၃) ကိုသန့်စင်မျိုး
(၄) ကိုအောင်ဇော်ဦး
(၅) ကိုကျော်ဝင်းဆန်း
(၆) မောင်မောင်လတ်
(၇) ဦးပြည်ကျော်
(၈) ကျော်မင်း
(၉) ကိုဝဏ္ဏပံသ
(၁၀) ကိုထွန်းညို
(၁၁) စိုင်းထွန်းညွန့် (ရှမ်းအမျိုးသားဒီမိုကရေစီ အဖွဲ့ချုပ်)

စစ်တွေထောင်
(၁) ဒေါက်တာသက်လွင်
(၂) ကိုသန်းတင်(ခ)ကိုကြီးသန်း
(၃) ပြည့်ဖြိုးလှိုင်
(၄) အောင်အောင်ကျော်(ဧရာဝတီ)
(၅) ဇေယျာဦး(ဧရာဝတီ)
(၆) ဦးပုရစ်
(၇) ကျော်ဇင်ဝင်း
(၈) ဒေါပုံနေနေ

ပခုက္ကူထောင်
(၁) ကိုစိုင်းညီညီမိုး

မြစ်ကြီးနားထောင်
(၁) သီဟသက်ဇင်
(၂) ကျော်ဝင်း
(၃) ကြည်စိုး
(၄) ဇေယျာအောင်
(၅) မျိုးမင်းသန်း
(၆) ဦးဝီရသူ

မုံရွာထောင်
(၁) ဒီငြိမ်းလင်း
(၂) ဦးလှထွေး(ခ) ဦးဝိလာသက္က
(၃) လာရန်းကျွရ်
(၄) ကိုကိုနိုင်(ခ) စူးရှ
(၅) နိုဘယ်လ်အေး

မြောင်းမြထောင်
(၁) ဦးဂမ္ဘီရ
(၂) ကိုကံမြင့်
(၃) ကပ်လန်ခွ
(၄) စန္ဒာမင်း

မြင်းခြံထောင်
(၁) မသက်သက်အောင်

မြိတ်ထောင်
(၁) ကိုကျော်ကျော်ထွေး (ခ) မာကီး (၈၈ မျိုးဆက်ကျောင်းသား)
(၂) ကိုကျော်စွာဝင်း

မိုင်းဆတ်ထောင်
(၁) ကိုကိုကြီး (၈၈ မျိုးဆက် ကျောင်းသားခေါင်းဆောင်)
(၂) ကရင်လေး စောနေထူး

ရွှေဘိုထောင်
(၁) ကိုသက်ဇော်
(၂) မီးမီး (ခ) သင်းသင်းအေး

ဟင်္သာတထောင်
(၁) ကိုစည်သူဇေယျ
(၂) ကိုဟန်ဇော်ထွန်း
(၃) ဦးကိုကိုလေး
(၄) ဦးကေလာသ

ဗန်းမော်ထောင်
(၁) ဦးဘမြင့် (အန်အယ်ဒီ အလုံမြို့နယ်)
(၂) ဒေါ်မာမာဦး (၈၈ မျိုးဆက်)
(၃) ကိုကျော်စွာဋ္ဌေး
(၄) ဒေါက်တာဝင့်သူ
(၅) ကိုပဏ္ဍိတ်ထွန်း

ပုသိမ်ထောင်
(၁) ကိုဇော်လတ် (ဘီလူးကျွန်း)
(၂) ကိုသန်းထွဋ်အေး (တောင်ဥက္ကလာ)
(၃) ကမ်ခန့်ခွာ(ရန်ကုန်)
(၄) မခိုင်မာစိုး (ဖြူးမြို့)

ပြည်ထောင်
(၁) ဇာလီထွန်း
(၂) ဝေဖြိုး
(၃) ပြည့်ဖြိုးမောင်

ပူတာအိုထောင်
(၁) ဒေါ်ဝင်းမြမြ
(၂) ကိုအောင်သူ (၈၈ မျိုးဆက် ကျောင်းသားခေါင်းဆောင်)အပါအ၀င် နိုင်ငံရေးအကျဉ်းသား ၁၂ ယောက်

ပဲခူးထောင်
(၁) ကိုဖြူဖွေး (GW)

သရက်ထောင်
(၁) ကိုမင်းကိုနိုင် (၈၈ မျိုးဆက် ကျောင်းသားခေါင်းဆောင်)
(၂) မင်းခေါင်ထွဋ်
(၃) တင်ထွဋ်ပိုင်
(၄) မင်းသိန်းထွန်း
(၅) သူရအောင်
(၆) ကိုကိုလှိုင်
(၇) ဂျော်လီထွန်း
(၈) တော်မီထွန်း
- ၉ ဦးလွှတ်၊ ၉ ဦးကျန်

သံတွဲထောင်
(၁) ကိုသန်းနိုင် (မင်္ဂလာဒုံ အန်အယ်လ်ဒီ)

သာယာဝတီထောင်
(၁) မနီလာသိန်း
(၂) မကြည်ကြည်ဝါ
(၃) ဘိုဘို
(၄) ဦးရဲမြင့်
(၅) လွင်မိုးမြင့်
(၆) အောင်သန်း(ခေါ်)အောင်မိုး
(၇) ခင်လှိုင်(ခ)ဖိုးဆောင်း
(၈) ကျော်အောင်
(၉) ၀င်းထိုက်(ခ)ဦးရာဇဓမ္မ
(၁၀) ဆရာရဲ

အင်းစိန်ထောင်
(၁) ဦးခိုင်မောင်ရီ - ပြည်သူ့လွှတ်တော်ကိုယ်စားလှယ်( အလုံ )
(၂) မသန္တာ
(၃) ခင်ခင်နု
(၄) ဝေေ၀နု
(၅) မအေးချမ်း
(၆) ကိုထင်ကျော်
(၇) ဦးအောင်သိန်း (အန်အယ်လ်ဒီ လူမှုထောက်ကူ)
(၈) ဇွဲနေ၀င်း (အာဏာရှင် ဦးနေ၀င်းမြေး)
(၉) အေးနေ၀င်း (အာဏာရှင် ဦးနေ၀င်းမြေး)

အိုးဘိုထောင် (မန္တလေး)
(၁) ဆရာတော်ကြီး ဦးဇနိတ
(၂) ဆရာတော် ဦးသီဟ
(၃) ကျောက်သင်္ဘောမှ ဆရာတော် ဦးဆန်န္ဒိမာ
(၄) ရွှေပေါက်ပင်မှ ဆရာတော် ဦးခေမာ
(၅) ကိုလှမျိုးနောင် (၈၈မျိုးဆက်)
(၆) မတင်မာဆွေ
(၇) ကိုအောင်ကိုလွင်
(၈) ကိုမင်းသူ
(၉) ကိုဝင်းကြည်

အကျယ်ချုပ်
(၁) ဦးခင်ညွန့် (ဗိုလ်ချုပ်ကြီးဟောင်း)
(၂) ဦးမြင့်ဇော် (ဗိုလ်မှူးချုပ်ဟောင်း)

ငြိမ်းချမ်းရေးအတွက် ABSDF ကို အစိုးရကမ်းလှမ်း

2012-01-13T06:15:00.007+07:00

ဘီဘီစီ၊ ၁၂ ရက် ဇန်န၀ါရီလ ၂၀၁၂

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ကို ငြိမ်းချမ်းရေးဆွေးနွေးဖို့ အစိုးရဘက်က ကမ်းလှမ်းခဲ့တယ်လို့ ABSDF ဒုဥက္ကဌ ကိုမျိုးဝင်းက ဘီဘီစီကိုပြောပါတယ်။ အစိုးရဘက်ကနေ စာအား၊ နှုတ်အားဖြင့် ABSDF ကို ဆက်သွယ်ဆောင်ရွက်မှုတွေ ရှိနေပြီ ဆိုတာကို၊ ပြည်သူလူထု တရပ်လုံးကို အသိပေးလိုပါကြောင်း ကိုမျိုးဝင်းက ပြောပါ တယ်။ နိုင်ငံတကာမှာ လှုပ်ရှားနေတဲ့ လူငယ်ထု၊ ကျောင်းသားထု အားလုံးကို ကိုယ်စားပြု ဖော်ဆောင်နိုင်ဖို့ ပြင်ဆင်ဆောင်ရွက်နေတယ်လို့လည်း ပြောပါတယ်။

အခုလိုဆောင်ရွက်ရာမှာ ပြည်သူလူထုရဲ့ ဆန္ဒသဘောထားတွေဖြစ်တဲ့ နိုင်ငံရေး အကျဉ်းသားတွေ လွတ်မြောက်ရေးကိစ္စ၊ တပြည်လုံးအတိုင်းအတာနဲ့ အပစ်အခတ် ရပ်စဲ ရေးကိစ္စ၊ မတရားတဲ့ ဥပဒေတွေ ပြင်ဆင်နိုင်ရေးနဲ့ ပြည်သူလူထု လက်မခံနိုင်တဲ့ အခြေခံ ဥပဒေ ပြင်ဆင်ရေး ကိစ္စတို့ကို ဆောင်ရွက်မှာ ဖြစ်တယ်လို့ ဆိုပါတယ်။ KNU အပါအဝင် တိုင်းရင်းသား လက်နက်ကိုင်တွေနဲ့ အစိုးရအကြား အပစ်အခတ် ရပ်စဲရေးဟာလည်း နိုင်ငံရေး ပြဿနာကို တွေ့ဆုံဆွေးနွေး အဖြေရှာနိုင်ဖို့ အတွက် အစပြုတဲ့ ကြိုးပမ်းချက် တခုသာ ဖြစ်ကြောင်း သူကပြောပါတယ်။ အပစ်အခတ် ရပ်စဲရေး တခုတည်းနဲ့ နိုင်ငံရေး ပြဿနာတွေ ပြေလည်သွားမှာ မဟုတ်ကြောင်းနဲ့၊ တဖွဲ့ချင်း အပစ်အခတ်ရပ်စဲရေးကနေ တပြည်လုံး အတိုင်းအတာနဲ့ အပစ်ရပ်စဲဖို့အတွက် တိုင်းရင်းသားလက်နက်ကိုင် အဖွဲ့အားလုံးကလည်း ဆက်လက် ကြိုပမ်းလိမ့်မယ် လို့ မျှော်လင့်ကြောင်း သူကပြောပါတယ်။

KNU နဲ့ ABSDF တို့ဟာ နှစ်ပေါင်း ၂၃ နှစ်ကျော် အတူလက်တွဲ လှုပ်ရှားလာတာဖြစ်လို့၊ အခုလို KNU က အစိုးရနဲ့ အပစ်ရပ်ရေး သဘောတူလိုက်တာကြောင့် ABSDF အပေါ် ကြီးမားတဲ့ အကျိုးသက်ရောက်မှုတွေ မရှိနိုင်ဘူးလို့ ဆိုပါတယ်။

အကျဉ်းသား (၆၅၁)ဦး လွတ်မည်

2012-01-12T19:06:00.007+07:00

ဆုံဆည်းရာ၊ ဇန်န၀ါရီ ၁၂ ရက် ၂၀၁၂

မြန်မာနိုင်ငံ အကျဉ်းထောင်များတွင် အကျဉ်းကျခံနေရသော အကျဉ်းသား အကျဉ်းသူ (၆၅၁)ဦးကို ကျင့်ထုံးဥပဒေပုဒ်မ ၄၀၁ ပုဒ်မခွဲ(၁)အရ ဇန်န၀ါရီ (၁၃)ရက်နေ့ က စပြီး လွတ်ငြိမ်းချမ်းသာခွင့် ပေးလိုက်ကြောင်း မြန်မာ့ရုပ်မြင်သံကြား အစီအစဉ်က ယနေ့ ညနေ (၆)နာရီ သတင်းမှာ ကြေညာသွားတာ ဖြစ်ပါတယ်။ ပြစ်မှုဆိုင်ရာ ဥပဒေ ပုဒ်မ ( ၄၀၁ ) ဆိုသည်မှာ ကျန်ရှိပြစ်ဒဏ်များကို ဆိုင်းငံ့ ပြစ်ဒဏ်အဖြစ် သတ်မှတ်ထားခြင်းမျိုးဖြစ်ကြောင်း သိရပါတယ်။

နိုင်ငံတော်တည်ငြိမ်ရေးနဲ့ ထာဝရငြိမ်းချမ်းမှု ဖော်ဆောင်ရေးနှင့် အမျိုးသားပြန်လည် စည်းလုံးညီညွတ်ရေး နိုင်ငံရေးလုပ်ငန်းစဉ်များတွင် အားလုံးပါဝင်ခွင့်ရရှိစေရေးအတွက် လူသားချင်း စာနာထောက်ထားမှုကို အလေးပေးသောအားဖြင့် နိုင်ငံတော်သစ်တည်ဆောက်ရေးတွင် တဖက်တလမ်းမှ အထောက်အပံ့ဖြစ်စေသည့် နိုင်ငံ သားများအဖြစ်သို့ ပြုပြင်ပြောင်းလဲနိုင်စေရေးအတွက် လည်းကောင်းရည်ရွယ်ပြီး လွတ်ငြိမ်းချမ်းသာခွင့်ပေးတာလို့ ဆိုပါတယ်။ ထပ်မံရရှိသောသတင်းများအရ လွတ်ငြိမ်းချမ်းသာခွင့်ပေးလိုက်သော အကျဉ်းသား ၆၅၁ဦးတွင် နာမည်ကျော်နိုင်ငံရေး အကျဉ်းသားများအပါအ၀င် နိုင်ငံရေးအကျဉ်းသားများစွာပါဝင်ကြောင်းလည်း သိရသည်။

မြန်မာစစ်တပ် ရွာအတွင်းသို့ ရမ်းသန်းပစ်ခတ်မှုကြောင့် ရွာသားနှစ်ဦး ဒဏ်ရာရ

2012-01-12T17:38:00.002+07:00

ဇန်န၀ါရီလ (၁၂)ရက် ၂၀၁၂

ဇန်န၀ါရီ(၁၁)ရက်နေ့  မနေ့က မြန်မာအစိုးရ စစ်တပ် ခလရ(၃၈၈) တပ်ဖွဲ့ဝင်များသည် ဗန်းမော်မြို့ မှ စိန်လုံဒေသ သို့ စစ်ကားကြီး (၁၄)စီးပါ ယာဉ်တန်းဖြင့် ဗန်းမော်မြို့မှ ထွက်ခွာလာရာ လမ်းခုလပ် မိုးမောက်မြို့ကို ဖြတ်သန်းနေစဉ် အဆိုပါ ယာဉ်တန်းမှ ကားတစ်စီး၏ ကားတာယာ ပေါက်ကွဲမှုဖြစ်ပွားရာ ယာဉ်တန်းတွင် လိုက်ပါလာသော စစ်သားများမှာ ကေအိုင်အေ မိုင်းထောင်ဖောက်ခွဲ တိုက်ခိုက်သည် ထင်ပြီး လမ်းတစ်ဖက်တစ်ချက်ရှိ လူနေအိမ်များရှိရာသို့ လက်နက်ကြီးငယ်ဖြင့် ပရမ်းပတာပစ်ခတ်ခဲ့ရာ ရွာသားနှစ်ဦးဖြစ်သော မင်းမင်း (၃၆)နှစ် နှင့် ညီထွေး (၃၀)နှစ်တို့ ဒဏ်ရာပြင်းထန်စွာ ရရှိသွားကြောင်း သိရှိရသည်။

ကိုးကား...
http://kachinnet.net/news/169-myen-hpyen-ni-sinat-gap-ayai-dat, -nmawk-mung-mare-masha-lahkawng-hkalam-hkrum.html

ကချင်ပြည်နယ်ရှိ စစ်ပြေးဒုက္ခသည်များအတွက် ဗြိတိန်မှ ပေါင်နှစ်သန်းကူညီမည်

2012-01-12T17:12:00.001+07:00

ရန်ကုန်တိုင်းမ်(နန်းတင်ထွေး)
အတွဲ ၂၈ ၊ အမှတ် ၅၅၂ ( ၁၃ - ၁၉ ၊ ၁ ၊ ၂၀၁၂)

ကချင်ပြည်နယ်ရှိ စစ်ပြေးဒုက္ခသည်များ အတွက် ဗြိတိန်နိုင်ငံမှ ပေါင်နှစ်သန်း ကူညီထောက်ပံ့သွားရန် ဗြိတိန်နိုင်ငံခြားရေးဝန်ကြီးက ကတိပေးကြောင်း မြန်မာနိုင်ငံဆိုင်ရာ ဗြိတိန်နိုင်ငံနိုင်ငံတကာဖွံ့ဖြိုး တိုးတက်ရေးဌာန (DFID)ရုံးအကြီးအကဲ မစ္စတာပေါလ်ဝတ်တင် ဟမ်က ယခုလ ၁၀ ရက်နေ့က ပြောသည်။

"ကျွန်တော်တို့အနေနဲ့ ဒီအထောက်အပံ့တွေကို အစိုးရထိန်းချုပ်မှု အောက်မှာရှိတဲ့ ဒုက္ခသည်တွေအတွက်သာမက KIO ရဲ့ထိန်းချုပ်မှု အောက်မှာရှိတဲ့ ဒုက္ခသည်တွေအတွက်ပါ ပေးပို့သွားမှာပါ" ဟု ၎င်းက ပြောသည်။

"ရေရှည် ငြိမ်းချမ်းရေးတည်ဆောက်တဲ့ ကဏ္ဍမှာတော့ ကျွန်တော်တို့ အနေနဲ့ အစိုးရနှင့် KIO နှစ်ဖက်စလုံးမှာ အလုပ်လုပ်နေတဲ့ ပြည်တွင်း အဖွဲ့တွေကို ရန်ပုံငွေပေးအပ်သွားဖို့ များပါတယ်။ အဲဒီအဖွဲ့တွေဟာ နှစ်ဖက်စလုံးမှာ ယုံကြည်မှုတည်ဆောက်နိုင်တဲ့သူတွေ ဖြစ်ရမယ်"ဟု မစ္စတာဝတ်တင်ဟမ်မ်ကပြောသည်။

အကူအညီပေးမည့်အဖွဲ့များမှာ ရန်ပုံငွေများအား သုံးစွဲပြီးသလောက်နီးပါးဖြစ်နေခြင်းအပြင် ရာသီဥတုအခြေအနေကြောင့် အကူ အညီများအား အရေးတကြီးပေးပို့ရန် လိုအပ်သော်လည်း ဆက်လက်ဖြစ်ပွားနေသော တိုက်ပွဲမှာ ကြီးမားသောစိန်ခေါ်မှုတစ်ရပ် ဖြစ်ကြောင်းလည်း ၎င်းကပြောသည်။

"ဒါဟာအဲဒီဒေသမှာ အကူအညီပေး လုပ်ငန်းတွေလုပ်နေတဲ့ အဖွဲ့အစည်းတွေအတွက် အင်မတန်ကိုခက်ခဲတဲ့ အခြေအနေ တစ်ရပ်ပါ" ဟု မစ္စတာဝတ်တင်ဟမ်က ပြောသည်။

ထို့ပြင် အစိုးရက အထောက်အပံ့ပေး ရေးလုပ်ငန်းများအား အတားအဆီး မရှိခွင့်ပြုရန် လိုအပ်ကြောင်းလည်း ၎င်းက ပြောသည်။

ဒီဇင်ဘာလ ၁၀ ရက်နေ့တွင်အပစ် အခတ်ရပ်စဲရန် ကြေညာလိုက်ပြီးနောက် ကုလသမဂ္ဂအဖွဲ့အစည်းများအား KIO ထိန်းချုပ်ရာ လိုင်ဇာဒေသသို့ ပထမဆုံး သွားရောက်ခွင့် ပြုလိုက်ကြောင်း မစ္စတာ ၀တ်တင်ဟမ်က ပြောသည်။

"အဲဒါဟာ အစိုးရရဲ့ ပထမခြေလှမ်းပါ။ ကျွန်တော်တို့အနေနဲ့ ကြိုဆိုပါတယ်။ ဒါပေမယ့် အဲဒီမှာ အလုပ်လုပ်နေတဲ့အဖွဲ့တွေဆီကနေ ကျွန်တော်တို့ နားလည်ထားတာက ဒုက္ခသည်တွေ အများစုဟာ အကူအညီတွေမရသေးဘူး ဆိုတာပဲ"ဟု ပြောသည်။

ရန်ပုံငွေအများစုအား လူသားချင်း စာနာထောက်ထားမှု အထောက်အပံ့ များ အချိန်မီပေးရာတွင် သုံးစွဲသွားမည် ဖြစ်သော်လည်း ရန်ပုံငွေအချို့ကို ကချင် ပြည်နယ်နှင့် မြန်မာနိုင်ငံရှိအခြားသော ဒေသများတွင် ရေရှည်ငြိမ်းချမ်းရေး တည်ဆောက်ရန်အတွက် သုံးစွဲသွားမည် ဖြစ်ကြောင်းလည်း ၎င်းက ပြောသည်။

သို့သော်လည်း ယခုချိန်အထိ မည်သည့်အဖွဲ့အစည်းများအား ပေးအပ်သွားမည်ကိုမူ ဆုံးဖြတ်ချက်မချရသေးကြောင်း ၎င်းက ပြောသည်။

ဇန်န၀ါရီလ ၆ ရက်နေ့က ဗြိတိသျှ ကောင်စီတွင် ပြုလုပ်ခဲ့သော သတင်းစာ ရှင်းလင်းပွဲတွင် မစ္စတာဝီလျံဟေ့ဂ်က ကချင်ပြည်နယ်ရှိ ဒုက္ခသည်ပေါင်း ၁၃,၀၀၀ နှင့် ငြိမ်းချမ်းရေးတည်ဆောက်မှုအတွက် ထောက်ပံ့မှုများပေးသွားမည် ဟု ပြောကြားခဲ့သည်။်

မြ၀တီတွင် စက်မှုဇုန် တည်ဆောက်ခွင့်ရပြီ

2012-01-12T17:08:00.006+07:00

YGN၊ ဇန်န၀ါရီလ ၁၂ ရက် ၂၀၁၂

မြဝတီမြို့တွင် စက်မှုဇုန်တည်ဆောက်ခွင့် ပြုလိုက်ပြီဖြစ်ကြောင်း စက်မှုဝန်ကြီး ဦးစိုးသိန်းက ယနေ့ KNU ငြိမ်းချမ်းရေးသဘောတူ စာချုပ်လက်မှတ် ရေးထိုးပွဲတွင် ပြောကြားလိုက်သည်။ ကရင်ပြည်နယ်တွင် ငြိမ်းချမ်းရေးဆွေးနွေးပွဲများ ပြုလုပ်လျက်ရှိရာ ပထမဆုံးအနေဖြင့် ဘားအံမြို့နယ်တွင် စက်မှုဇုန်တည်ဆောက်ခွင့် ပြုခဲ့ပြီ ဖြစ်ကြောင်း ဇန်နဝါရီလ ၁၂ ရက်နေ့တွင် ဘားအံမြို့တွင်ပြုလုပ်သော KNU နှင့် ငြိမ်းချမ်းရေး သဘောတူ စာချုပ်လက်မှတ် ရေးထိုးပွဲ အပြီးတွင်ယင်းသို့ စက်မှုဇုန် တည်ဆောက် ခွင့်ပြုခဲ့ကြောင်း သိရသည်။

အဆိုပါ စက်မှုဇုန်စီမံကိန်းသည် ယခင်ကတည်းကပင် နိုင်ငံတော်အစိုးရက ဒေသခံများ အလုပ်အကိုင်ရရှိရေးနှင့် ဒေသဖွံ့ဖြိုးတိုးတက်ရေးအတွက် ထူထောင်ရန် စီစဉ်ထားသော စီမံကိန်းတစ်ခုဖြစ်ပြီး ယခုအခါ အချိန်တိုအတွင်း မြဝတီတွင် စက်မှုဇုန် တစ်ခုထူ ထောင်ပေးရန် ထပ်မံ ကတိပြုခဲ့ခြင်း ဖြစ်သည်။

အမေရိကန်ပြည်ထောင်စု၏ အကောင်းဆုံး နိုင်ငံရေးသိပ္ပံကျောင်း ၁၀ ကျောင်း

2012-01-12T16:39:00.002+07:00

ဦးတင်ညွန့်

ဒီခေတ်မှာ ဆရာဝန်၊ အင်ဂျင်နီယာ၊ ကွန်ပျူတာတွေ ခေတ်စားနေတော့ နိုင်ငံရေးဆိုတာကို မေ့ထားကြတာ များတယ်။ နိုင်ငံရေးကိုမေ့နေတော့ နိုင်ငံရေးသမားတွေ လုပ်ချင်တာလုပ် ခေါင်းငုံ့ခံရတယ်။ နိုင်ငံရေးကို သိစရာမလိုဘူးလို့ သဘောထားတော့ သူများပြောသမျှ အဟုတ်ထင်တတ်တယ်။ နိုင်ငံရေးကို ငါတို့နဲ့ မဆိုင် ပါဘူးလို့ထင်တော့ ကိုယ်တိုင်ခေါင်းဆောင်နိုင်တဲ့ အရည်အချင်းတွေ ပျောက်ကုန်ပြီး ဟိုလူ့နောက် လိုက်ရ နိုးနိုး၊ သည်လူ့နောက်လိုက်ရနိုးနိုး၊ ဟိုလူပြော ကောင်းနိုးနိုး၊ သည်လူပြော ကောင်းနိုးနိုးဖြစ်လာကြတယ်။ တိုင်းပြည်တစ်ပြည်မှာ ဆရာဝန်တွေ၊ အင်ဂျင်နီယာတွေ၊ အိုင်တီပညာရှင်တွေချည်း လိုအပ်တာမဟုတ်ပါ ဘူး၊ နိုင်ငံရေးသမားတွေ၊ နိုင်ငံရေးပညာရှင်တွေ၊ နိုင်ငံရေးဝေဖန်ဆန်းစစ်သူတွေ၊ နိုင်ငံရေးလေ့လာသူတွေ အများကြီး လိုပါတယ်။ အနာဂတ် ဒီမိုကရေစီနိုင်ငံတော်တည်ဆောက်ရာမှာ နိုင်ငံရေအကြောင်း ကောင်း ကောင်း သိသူတွေ လိုအပ်ပါတယ်။

ခေါင်းဆောင်ကောင်းဖြစ်ရေး၊ နိုင်ငံတော်တည်ဆောက်ပြုပြင်ရေးမှာ နိုင်ငံရေးအကြောင်းသိသူတွေ မွေးထုတ်ပေးဖို့လိုပါတယ်။ ဒါကြောင့် အမေရိကန်ပြည်ထောင်စုမှာ ပညာသွားရောက်သင်ကြားဖို့ အခွင့် အရေးလည်းရမယ်၊ နိုင်ငံရေးသိပ္ပံဘာသာရပ်ကိုလည်း စိတ်ပါဝင်စားတယ်၊ သင်ကြားလိုပါတယ်ဆိုတဲ့သူ တွေအတွက် အမေရိကန်မှာရှိတဲ့ နိုင်ငံရေးသိပ္ပံကျောင်းတွေကို ဖော်ပြလိုက်ပါတယ်။

Harvard University

တစ်နိုင်ငံလုံးက နိုင်ငံရေးသိပ္ပံဘာသာရပ်နဲ့ပတ်သက်ပြီး အကောင်းဆုံးသင်ကြားနိုင်တဲ့ကျောင်းလို့ သတ်မှတ်ထားကြပါတယ်။ ဟားဗတ်သင်ရိုးတွေမှာ သမိုင်းရေးဆိုင်ရာအမြင်နဲ့ ချဉ်းကပ်မှု၊ လူ့ဘောင်အဖွဲ့ အစည်းနဲ့ ယဉ်ကျေးမှုဆိုင်ရာအမြင်နဲ့ ချဉ်းကပ်မှု၊ ဒဿနိကဗေဒဆိုင်ရာ အတွေးအမြင်နဲ့ချဉ်းကပ်မှုဆိုပြီး နိုင်ငံရေးသိပ္ပံဘာသာရပ်ကို သင်ကြားပါတယ်။ ဒီနှစ်ပိုင်းတွေမှာ Government Department ဆိုတာ ထပ်ဖွင့်ပြီး နိုင်ငံရေးကို အရေအတွက်အရတိုင်းတာမှု၊ အပြုအမူအရတိုင်းတာမှု၊ အစဉ်အလာသဘောတရား အရတိုင်းတာမှုဆိုတာတွေကို ထပ်မံတိုးချဲ့ သင်ကြားပေးနေတယ်။ နိုင်ငံရေးကို သမိုင်းရေးအမြင်၊ ခေတ်ရေးအမြင်နှစ်ရပ် ပေါင်းစပ်သင်ကြားတာကြောင့် ဘွဲ့ရကျောင်းသားတစ်ယောက်အနေနဲ့ လုံလောက် တဲ့အခြေခံတွေ ပါသွားနိုင်ပါတယ်။ ဟားဗတ်မှာကျောင်းတက်သွားပြီး အမေရိကန်နိုင်ငံသမ္မတဖြစ်နေသူ ၇ ဦးလောက်ရှိပါတယ်။ ဟားဗတ်တက္ကသိုလ်ရဲ့ထူးခြားချက်တစ်ခုက ကမ္ဘာ့အကြီးဆုံး တက္ကသိုလ်စာကြည့် တိုက်ကြီးကို ထူထောင်ထားနိုင်တာပါ။ အဲဒီကျောင်းလောက် နိုင်ငံရေးနဲ့ပတ်သက်တဲ့ program တွေ၊ seminar တွေပေါတာလည်း မရှိပါဘူး။ နိုင်ငံရေးသိပ္ပံကိုသင်ရင်း ကျောင်းသားတွေဟာ လူတစ်ဦးချင်း လိုက် နာစောင့်ထိန်းအပ်တဲ့ စည်းမျဉ်းတွေနဲ့ အသားကျသွားမှာဖြစ်လို့ သိပ်ပြီးပူပင်စရာမလိုတဲ့နေရာတစ်နေရာ လည်းဖြစ်ပါတယ်။ ငွေကြေးဆိုင်ရာအထောက်အပံ့တွေ၊ ပညာသင်ဆုတွေ၊ ဂုဏ်သတင်းကျော်စောမှုတွေ ကြောင့် နိုင်ငံရေးသိပ္ပံကို စိတ်ဝင်စားတဲ့သူတွေ ဟားဗတ်ကျောင်းကိုသာ ဦးစားပေးအနေနဲ့ ရွေးချယ်လေ့ ရှိကြတယ်။

Yale University

ယေးလ်တက္ကသိုလ်ရဲ့ ဂုဏ်သတင်းကတော့ ကမ္ဘာအနှံ့ကျော်ကြားပြီးသားပါ။ နိုင်ငံရေးသိပ္ပံကို ဒဿနိကဘာသာရပ်နဲ့ တွဲဖက်ထားပြီး ခေါင်းဆောင်နိုင်သူတစ်ယောက်ရဲ့ အတွေးအမြင်တွေကို ရင့် ကျက်အောင်လေ့ကျင့်သင်ကြားပေးနေတဲ့ နေရာတစ်နေရာလည်းဖြစ်ပါတယ်။ နိုင်ငံရေးသိပ္ပံမှာ Health Policy, Globalization, Social and Policy Studies ဆိုတဲ့ဘာသာရပ်တွေကို ထပ်မံတိုးချဲ့သင်ကြား ပေးနေတဲ့အပြင် Ethics, Politics, Economics ဘာသာရပ်တွေကိုလည်း မလပ်အောင် သင်ကြားပေး နေတယ်။ ပညာသင်ထောက်ပံ့ကြေးတစ်နှစ်ကို ဒေါ်လာ ၂၅၀၀၀၀ လောက်ပေးဖို့အစီအစဉ်တွေလည်း ရှိတာကြောင့် ကျောင်းသားအများစု စိတ်ဝင်စားကြတယ်။ အမေရိကန် သမ္မတ ၅ ဦးဟာ ယေးလ် ကျောင်းထွက်တွေဖြစ်ပါတယ်။

Princeton University

အမေရိကန်ပညာရေးသမိုင်းမှာ နိုင်ငံရေးသိပ္ပံဘာသာရပ်ကို အကောင်းဆုံးသင်ကြားနိုင်တဲ့ ကျောင်း တစ်ကျောင်းအဖြစ် နာမည်ကြီးတယ်။ အစဉ်အလာကြီးတဲ့ နိုင်ငံရေးသိပ္ပံဌာနကိုလည်း ဖွင့်လှစ်ထား တယ်။ နိုင်ငံရေးသိပ္ပံဌာနမှာ ဆရာ ၆၀ လောက်ရှိတယ်။ အကြီးဆုံနိုင်ငံရေးသိပ္ပံဌာနလို့လည်း ပြောနိုင် တယ်။ နည်းပညာနဲ့သင်ကြားမှုအပိုင်းမှာလည်း ထိပ်တန်းရောက်နေတဲ့တက္ကသိုလ်ပါ။ Seminar တွေ၊ ဆွေးနွေးပွဲတွေ၊ သုတေသနတွေအများကြီးလုပ်ပေးနေတဲ့အတွက် ကျောင်းသားတွေအတွက် အခွင့် အလမ်းကောင်းတွေ အများကြီးရနိုင်တဲ့ နေရာတစ်နေရာလို့ပြောနိုင်တယ်။

Stanford University

စတန်းဖို့ဒ်တက္ကသိုလ်က ကျောင်းသားတွေကို ပါရဂူဘွဲ့လောက်ယူနိုင်သူတွေဖြစ်အောင် လေ့ကျင့် သင်ကြားပေးနေပါတယ်။ နှစ်စဉ် ပါရဂူဘွဲ့အတွက် ၁၂ ယောက်ကနေ ၁၅ ယောက်လောက်အထိ ပါရဂူဘွဲ့တန်းကို တက်ရောက်ဖို့ ရွေးချယ်ကြတယ်။ ဒီကျောင်းရဲ့ ထူးခြားချက်က ဆရာနဲ့ကျောင်းသား သင်ကြားမှုအချိုး အရမ်းနည်းတယ်။ ငွေကြေးဆိုင်ရာ အထောက်အပံ့တွေကိုလည်း ရွေးချယ်ခွင့်ရှိ တယ်။ American Politics, Comparative Politics, International Relations, Political Methodology, Political Institutions, Political Theory တွေကို ရွေးချယ်သင်ကြားခွင့်ရှိတယ်။

University of California, Berkeley

နိုင်ငံရေးသိပ္ပံဘာသာရပ်သင်ကြားနေတဲ့ကျောင်းတွေထဲမှာ အကောင်းဆုံးစာရင်းဝင်ပါတယ်။ နိုင်ငံရေး သိပ္ပံဌာနမှာ ဆရာ ၅၂ ယောက်ရှိတယ်။ ခေါင်းဆောင်ကောင်း၊ စည်းကမ်းဥပဒေ၊ နိုင်ငံရေးဘာသာရပ် တွေကို သင်ကြားပို့ချပေးနေပါတယ်။ ဒီဌာနကဆရာတွေက အခြား လူမှုဗေဒ၊ ဘောဂဗေဒ၊ ဥပဒေ၊ စီးပွားရေးစတဲ့ဌာနတွေမှာလည်း နိုင်ငံရေးသိပ္ပံနဲ့ ပတ်သက်ပြီးသွားသင်ပေးရတယ်။ ဝေဖန်ဆန်းစစ်တဲ့ အတွေးအမြင်ဆိုင်ရာစာပေတွေလေ့လာဖတ်ရှုစေခြင်း၊ ပိုင်းခြားစိတ်ဖြာတဲ့အမြင်နဲ့ ရေးသားပြုစုစေခြင်း တွေကိုလေ့ကျင့်ပေးလို့ ကျောင်းသားတွေအတွက် အကျိုးများစေတယ်။ ဆရာကျောင်းသားအချိုးက 18:450 နှုန်းသတ်မှတ်ပြီး သင်ကြားပေးနေတယ်။ ဆရာတစ်ယောက် ကျောင်းသား ၂၅ ယောက်နှုန်း လောက်ရှိမယ်။

University of Michigan, Ann Arbor

နိုင်ငံရေးသိပ္ပံဘာသာရပ် သင်ကြားမှုမှာ အစဉ်အလာကြီးတဲ့ ကျောင်းတစ်ကျောင်းဖြစ်ပါတယ်။ ပထမဦး ဆုံး နိုင်ငံရေးသိပ္ပံကျောင်းတော်သားတွေကို ပညာရှင်ပုံစံမျိုးဖြစ်အောင် ရိုက်သွင်းတယ်။ နောက်ပိုင်း ဒီကျောင်းထွက်တွေဟာ သင်ကြားရေးပိုင်းတွေ၊ သုတေသနအပိုင်းတွေမှာ ထူးချွန်သူတွေဖြစ်လာတယ်။ ကျောင်းသားတွေအတွက် ဘာသာရပ်ဆိုင်ရာ အခွင့်အလမ်းတွေနဲ့ ရွေးချယ်သင်ယူနိုင်ခွင့်တွေ အများ ကြီး စီစဉ်ပေးထားတယ်။ ကိုယ်စိတ်ဝင်စားတဲ့ဘာသာရပ်၊ လိုအပ်တဲ့ဘာသာရပ်ကို လေ့လာသင်ကြား နိုင်တယ်။

University of Chicago

ပထမဦးဆုံး နိုဗယ်ဆုရ နိုင်ငံရေးသိပ္ပံပညာရှင်ထွက်ပေါ်ခဲ့တဲ့ ကျောင်းဖြစ်ပါတယ်။ ဟားဗတ် ဆိုင်မွန်ဆိုသူဟာ ဒေါက်တာဘွဲ့ကို ဒီကျောင်းကရပြီး နိုဗယ်ဆုကိုလည်း ရရှိခဲ့တယ်။ ဒီကျောင်းရဲ့ထူး ခြားချက်က အစဉ်အလာပညာသင်ကြားရေးစနစ်တွေကို ရိုက်ချိုးဖျက်ပြီး ခေတ်သစ် စနစ်သစ်နဲ့ ကိုက်ညီအောင် သင်ကြားတယ်ဆိုတာကို ဂုဏ်ယူနေတယ်။ စည်းကမ်းအကောင်းဆုံး၊ တီထွင်သင်ကြား မှုအကောင်းဆုံးပညာရေးစနစ်ကိုပိုင်ဆိုင်ထားတဲ့ ကျောင်းတစ်ကျောင်းအနေနဲ့ နာမည်ကျော်ပါတယ်။

Duke University

အမေရိကန်နိုင်ငံရဲ့ ထိပ်တန်းနိုင်ငံရေးသိပံ္ပဌာနကြီးတစ်ခုရှိတယ်။ ဘွဲ့ရကျောင်းသားတွေရဲ့ သင်ကြားမှု ပရိုဂရမ်အမှတ်ပေးခြင်းမှာ နံပါတ် ၂ အကောင်းဆုံးကျောင်းတစ်ကျောင်းဖြစ်တယ်။ ဘာသာခွဲတွေ အနေနဲ့ American Politics, Comparative Politics, International Relations, Political Theory and Methods ဘာသာရပ်တွေကိုပါ သင်ကြားပေးတယ်။ Race, Ethnicity, Politics ဘာသာရပ်တွေ ကိုလည်း သီးခြားဘာသာရပ်အနေနဲ့ ထပ်မံလေ့လာနိုင်တယ်။ ဘွဲ့ရပြီး ဘွဲ့လွန်တန်းတက်နေသူတွေက ကျောင်းသားတစ်ယောက် ဆရာနှစ်ယောက်နှုန်းလောက်နဲ့ သင်ကြားပေးတယ်။

University of California, Los Angeles

နိုင်ငံရေးသိပ္ပံဘာသာရပ်မှာ ဘာသာခွဲတွေအနေနဲ့ Political Theory, International Relations, American Politics, Comparative Politics, Methodology, Race, Ethnicity and Politics ဘာသာ ရပ်တွေကို သင်ကြားရတယ်။ နိုင်ငံရေးဘောဂဗေဒ၊ နိုင်ငံရေးများကို နှိုင်းယှဉ်လေ့လာခြင်း၊ နိုင်ငံရေး သဘောတရားနှင့်လက်တွေ့ပညာရပ်တွေကိုသင်ကြားရာမှာ အထူးနာမည်ကြီးတယ်။

Massachusetts Institute of Technology

MIT ဆိုတာကတော့ သုတေသနပြုလုပ်ရာမှာ နာမည်ကျော်တဲ့ ကျောင်းကြီးတစ်ကျောင်းဖြစ်ပါတယ်။ ဒီကျောင်းရဲ့ နိုင်ငံရေးသိပံ္ပဌာနမှာ American Politics, Comparative Politics, International Relations, Models and Methods, Political Economy, Security Studies ဘာသာရပ်တွေကို သင်ကြားပေးနေပါတယ်။ ကျောင်းသားကို အနည်းငယ်ပဲလက်ခံတယ်။ ဘွဲ့ကြိုတန်းရောက်ရင် seminar ပုံစံတွေနဲ့ပဲ သွားတော့တယ်။ နည်းပညာရှင်တွေအများကြီးထွက်တဲ့ကျောင်းမှာ နိုင်ငံရေးသိပ္ပံကျောင်း တစ်ကျောင်းအနေနဲ့ ထိပ်ဆုံး ၁၀ ကျောင်းထဲစာရင်းဝင်တာကတော့ သာမန်မဟုတ်ဘူးလို့ဆိုရမယ်။

ကိုးကား.... အမေရိကန်ပြည်ထောင်စု၏ အကောင်းဆုံး နိုင်ငံရေးသိပ္ပံကျောင်း ၁၀ ကျောင်း - Myanmar Network http://www.myanmar-network.net/forum/topic/show?id=3423487%3ATopic%3A529468&xgs=1&xg_source=msg_share_topic#ixzz1jEeoWOxu

KIA တပ်မဟာ(၄) ၊တပ်မဟာ(၅)နယ်မြေ တိုက်ပွဲများဆက်တိုက်ဖြစ်ပွား

2012-01-12T16:26:00.002+07:00

ဇန်န၀ါရီ (၁၂)ရက် ၂၀၁၂

ကချင်လွတ်မြောက်ရေး တပ်မတော် ရှမ်းပြည်အခြေစိုက် တပ်မဟာ(၄)နယ်မြေ ဆွန်လုံ(ခလွမ်ပါ) ဒေသဘက်မှ ဆင်းလာသော မြန်မာစစ်ကြောင်း ခမရ (၅၆၇)တပ်ဖွဲ့ အား ကေအိုင်အေ တပ်ရင်း(၉)တပ်ဖွဲ့ ဝင် တို့ မှ ဇန်န၀ါရီ (၁၁)ရက် မနက်(၃း၀၀)နာရီအချိန်ခန့် က ဟူမုန်းကျေးရွာ(Hu Mung)အနီးတွင် စောင့်ကြိုတိုက်ခိုက်ကာ တိုက်ပွဲဖြစ်ပွားခဲ့သည်။ တိုက်ပွဲတွင် မြန်မာစစ်တပ်ဘက်မှ (၂)ဦးသေဆုံးပြီး (၂)ဦး ဒဏ်ရာရရှိသွားကြောင်းသိရသည်။

ကချင်လွတ်မြောက်ရေးတပ်မတော် ကေအိုင်အေ တပ်မဟာ(၅)နယ်မြေ ဆမား(Sa Ma) လမ်းပိုင်းရှိ ဆမားလမ်းဆုံနေရာတွင်ရောက်ရှိတပ်စွဲကာ နေရာဝင်ယူထားသော မြန်မာစစ်တပ် ခမရ (၃၈၉)(၃၉၀)တပ်ဖွဲ့ ဝင်များဟုယူဆရသော အစိုးရစစ်တပ် နှင့် ကေအိုင်အေ တပ်ပေါင်းစုတပ်ဖွဲ့ ဝင်တို့  ဇန်န၀ါရီ(၁၁)ရက် နေ့ လည်ခင်း(၁း၀၀)နာရီ အချိန်ခန့် က အဆိုပါဒေသ တွင် တိုက်ပွဲပြင်းထန်စွာဖြစ်ပွားခဲ့ကြောင်းသိရှိရသည်။

ထို့ အပြင် ဇန်န၀ါရီ(၁၀)ရက်နေ့ မနက်အစောပိုင်း(၃း၃၀)နာရီ အချိန်ခန့် က ကေအိုင်အေ တပ်ရင်း(၁) မျိုးချစ်တပ်ဖွဲ့ ဝင်များမှ တပ်မဟာ(၃)နယ်မြေ လွယ်ဂျယ် တွင်တပ်စွဲထားသော မြန်မာစစ်တပ် ခလရ(၃၂၁)တပ်ဖွဲ့ များအား ၀င်ရောက်စီးနင်း တိုက်ခိုက်ခဲ့ကြောင်းသိရသည်။အသေးစိတ် သတင်းအားမသိရှိရသေးပါ။

ရှမ်းပြည်အခြေစိုက် ကေအိုင်အေ တပ်မဟာ(၄)နယ်မြေ ဖော်ဒေါ (Hpaw Daw) နှင့် လုံဂျင်း(Lung Jing)ကြားဒေသ တွင် ကွတ်ခိုင် ဘက်မှတက်လာသော မြန်မာစစ်တပ် ခလရ(၆၉)တပ်ဖွဲ့ အား ဗိုလ်ကြီး လဗျလနူး ဦးစီးသော ကေအိုင်အေ တပ်ဖွဲ့ ဝင်တို့ မှ ဇန်န၀ါရီ(၁၀)ရက်နေ့ က ပြောက်ကျားနည်းဖြင့် ခြုံခိုတိုက်ခိုက်ခဲ့ရာ မြန်မာစစ်တပ်ဘက်မှ (၂)ဦး သေဆုံးကြောင်းသိရသည်။

Source ( Kachinnet)

ပြည်ပန်းညို ချိုပါလျက် ဆားဖျက်တဲ့ မိုဘိုင်းကဒ်

2012-01-12T07:54:00.006+07:00

ယနေ့ ပြည်သူတွေ စိတ်အဝင်စားဆုံးသတင်းမှာ ဗြိတိန် နိုင်ငံခြားရေးဝန်ကြီး ဘာတွေပြောသွားလဲဆိုသည့် သတင်းလည်းမဟုတ်၊ မာစီးဒီးလို တန်ဖိုးကြီးကားတွေ သွင်းခွင့်ပြုလိုက်ပြီဆိုသည့် သတင်းကလည်း သာမန်လက်လုပ်လက်စား တွေအတွက် စိတ်ဝင်စားစရာ သတင်းမဟုတ်ပေ။ သို့သော် ပြည်သူလူထု အများစု သိချင်နေကြသည့် သတင်းတစ်ခု အရပ်တကာထဲတွင် ဟိုးဟိုးကျော်နေပြီ။
ငါးထောင်တန် ဖုန်းကဒ်များ ရောင်းချတော့မည့်သတင်းမှာ အင်တာနက်စာမျက်နှာများမှ ပုံနှိပ်ဂျာနယ်များပေါ် အထိ ရောက်ရှိလာသည်။ ရွှေပြည်တံခွန် ကုမ္ပဏီမှ မိုဘိုင်ဆင်းကဒ် တစ်ကဒ်လျှင် ငါးထောင်ကျပ်နှင့် ရောင်းချပေးနိုင်မည့် Proposal ကို နိုင်ငံတော်သမ္မတကြီးထံ တင်ပြထားသည်ဟု အဆိုပါကုမ္ပဏီ၏ ထိပ်တန်းအရာရှိကြီးတစ်ဦးက မီဒီယာများကို ဖိတ်ခေါ်၍ အသိပေးလိုက်သည်။ သမ္မတကြီးမှ ခွင့်ပြုသည်နှင့်တပြိုင်နက် စတင်ဖြန့်ချိတော့မည်ဟုလည်း အသိ ပေးလိုက်သည်။ ဈေးနှုန်းနှင့် ခေါ်ဆိုခမှာ မြန်မာ့ဆက်သွယ်ရေးမှ GSM, CDMA, ကမ်းရိုးတမ်းတွေထက် အံသြဖွယ်ကောင်းလောက်အောင် နည်းပါးသော်လည်း စီးပွားရေးအရ တွက်ခြေကိုက်သည့်အပြင် အရှိန်ရလာလျှင် ဆင်းကဒ်ဖိုး ငါးထောင်ကိုပင် ယူတော့မည်မဟုတ်ဘဲ ခေါ်ဆိုခကိုသာ ကောက်ခံတော့မည်ဟုလည်း ၎င်းအရာရှိကြီးက ဆက်လက်ပြောကြားလိုက်သေးသည်။ ခေါ်ဆိုခပင်လျှင် ဒေသတွင်း နိုင်ငံများနှင့် ယှဉ်လျှင်များပြားနေသေးကြောင်းလည်း ဝန်ခံသွားခဲ့သည်။

ပြည်သူတွေအနေဖြင့် ထိုကိစ္စ အမှန်တကယ် အကောင်အထည်ဖော်လာရန် ဆုတောင်းနေကြရပါသည်။ မည်သည့်နိုင်ငံတွင်မှ မပေးရသည့် ဖုန်းဈေးနှုန်းနှင့် ကြီးမြင့်လှသော ခေါ်ဆိုခတွေကို ဆင်းရဲသောပြည်သူတွေ ပေးဆောင်နေကြရသည်။ စီးပွားရေးလုပ်ငန်းတွေမှာလည်း မလိုလားအပ်သည့် အပိုကုန်ကျစရိတ်( Transaction Cost) တွေကြောင့် ဒေသတွင်းနိုင်ငံတွေနှင့် ယှဉ်ပြိုင်ရောင်းချနိုင်စွမ်းမရှိ ဖြစ်နေရသည်။ Transaction Cost တွေ လျော့ချရမည့် ကိစ္စကို တိုင်းပြည်အခြေပြုမိန့်ခွန်းတွင် ထည့်သွင်းပြောကြားသွားခဲ့သည့် သမ္မတကြီးအနေဖြင့်လည်း ယခုကိစ္စကို သဘောတွေ့လိမ့်မည် ထင်ပါသည်။

ယနေ့ ပြည်သူတွေ စိတ်အဝင်စားဆုံးသတင်းမှာ ဒေါ်အောင်ဆန်းစုကြည် ဘယ်ကဝင်ပြိုင်မှာလဲဆိုသည့် သတင်းမဟုတ်၊ ဗြိတိန် နိုင်ငံခြားရေးဝန်ကြီး ဘာတွေပြောသွားလဲဆိုသည့် သတင်းလည်းမဟုတ်၊ မာစီးဒီးလို တန်ဖိုးကြီးကားတွေ သွင်းခွင့်ပြုလိုက်ပြီဆိုသည့် သတင်းကလည်း သာမန်လက်လုပ်လက်စား တွေအတွက် စိတ်ဝင်စားစရာ သတင်းမဟုတ်ပေ။ သို့သော် ပြည်သူလူထု အများစု သိချင်နေကြသည့် သတင်းတစ်ခု အရပ်တကာထဲတွင် ဟိုးဟိုးကျော်နေပြီ။
ငါးထောင်တန် ဖုန်းကဒ်များ ရောင်းချတော့မည့်သတင်းမှာ အင်တာနက်စာမျက်နှာများမှ ပုံနှိပ်ဂျာနယ်များပေါ် အထိ ရောက်ရှိလာသည်။ ရွှေပြည်တံခွန် ကုမ္ပဏီမှ မိုဘိုင်ဆင်းကဒ် တစ်ကဒ်လျှင် ငါးထောင်ကျပ်နှင့် ရောင်းချပေးနိုင်မည့် Proposal ကို နိုင်ငံတော်သမ္မတကြီးထံ တင်ပြထားသည်ဟု အဆိုပါကုမ္ပဏီ၏ ထိပ်တန်းအရာရှိကြီးတစ်ဦးက မီဒီယာများကို ဖိတ်ခေါ်၍ အသိပေးလိုက်သည်။ သမ္မတကြီးမှ ခွင့်ပြုသည်နှင့်တပြိုင်နက် စတင်ဖြန့်ချိတော့မည်ဟုလည်း အသိ ပေးလိုက်သည်။ ဈေးနှုန်းနှင့် ခေါ်ဆိုခမှာ မြန်မာ့ဆက်သွယ်ရေးမှ GSM, CDMA, ကမ်းရိုးတမ်းတွေထက် အံသြဖွယ်ကောင်းလောက်အောင် နည်းပါးသော်လည်း စီးပွားရေးအရ တွက်ခြေကိုက်သည့်အပြင် အရှိန်ရလာလျှင် ဆင်းကဒ်ဖိုး ငါးထောင်ကိုပင် ယူတော့မည်မဟုတ်ဘဲ ခေါ်ဆိုခကိုသာ ကောက်ခံတော့မည်ဟုလည်း ၎င်းအရာရှိကြီးက ဆက်လက်ပြောကြားလိုက်သေးသည်။ ခေါ်ဆိုခပင်လျှင် ဒေသတွင်း နိုင်ငံများနှင့် ယှဉ်လျှင်များပြားနေသေးကြောင်းလည်း ဝန်ခံသွားခဲ့သည်။

ပြည်သူတွေအနေဖြင့် ထိုကိစ္စ အမှန်တကယ် အကောင်အထည်ဖော်လာရန် ဆုတောင်းနေကြရပါသည်။ မည်သည့်နိုင်ငံတွင်မှ မပေးရသည့် ဖုန်းဈေးနှုန်းနှင့် ကြီးမြင့်လှသော ခေါ်ဆိုခတွေကို ဆင်းရဲသောပြည်သူတွေ ပေးဆောင်နေကြရသည်။ စီးပွားရေးလုပ်ငန်းတွေမှာလည်း မလိုလားအပ်သည့် အပိုကုန်ကျစရိတ်( Transaction Cost) တွေကြောင့် ဒေသတွင်းနိုင်ငံတွေနှင့် ယှဉ်ပြိုင်ရောင်းချနိုင်စွမ်းမရှိ ဖြစ်နေရသည်။ Transaction Cost တွေ လျော့ချရမည့် ကိစ္စကို တိုင်းပြည်အခြေပြုမိန့်ခွန်းတွင် ထည့်သွင်းပြောကြားသွားခဲ့သည့် သမ္မတကြီးအနေဖြင့်လည်း ယခုကိစ္စကို သဘောတွေ့လိမ့်မည် ထင်ပါသည်။

ပြည်ပန်းညိုချိုပါလျှက် ဆားကဖျက်ဆိုသကဲ့သို့ မြန်မာ့ဆက်သွယ်ရေးလုပ်ငန်းမှ ထိုကိစ္စကို အနှုတ်လက္ခဏာဆောင်သည့်အမြင်ဖြင့် ရှုမြင်သည်။ ဆက်သွယ်ရေးမပါဘဲ လုပ်၍မရကြောင်း မီဒီယာများကို အသိပေးသည်။ ဆက်သွယ်ရေးကဏ္ဍမှာ နိုင်ငံတော်ကသာ လုပ်ခွင့်ရှိသည့် ကိစ္စဟူ၍လည်း ဖွဲ့စည်းပုံ အခြေခံဥပဒေနှင့် ကိုးကားပြောဆိုပြန်သည်။ မြန်မာ့ဆက်သွယ်ရေး၏ ကွန်ယက်ပေါ် ဖြတ်သန်းခြင်းမရှိဘဲ မြန်မာ့ဆက်သွယ်ရေးမှ ဖုန်းများနှင့် ချိတ်ဆက်၍မရ၊ နိုင်ငံတကာ ဖုန်းများနှင့် ချိတ်ဆက်၍မရဟူ၍လည်း နည်းပညာပိုင်းအရ မဖြစ်နိုင်ပါဟူ၍လည်း ငြင်းဆိုလိုက်သေးသည်။ အကယ်၍ ပုဂ္ဂလိက လုပ်ငန်းက ကိုယ်ပိုင် ဆက်သွယ်ရေး ပစ္စည်များ၊ တိုင်များ၊ ဂြိုလ်တုများနှင့် လုပ်ကိုင်မည်ဆိုလျှင် မြန်မာ့ဆက်သွယ်ရေးမှ ဖုန်းများကို မည်သူမျှ သုံးကြတော့မည်မဟုတ်ပေ။ အစိုးရမှာ တပ်မတော် အစိုးရကို ဆက်ခံသော အစိုးရဖြစ်၍ လုံခြုံရေးအမြင်အရဆိုလျှင်လည်း ထိုပုဂ္ဂလိကကုမ္ပဏီများမှာ နိုင်ငံတော်လုံခြုံရေးကို ထိခိုက်စေမည့် ကိစ္စရပ်များ အတွက် အစိုးရနှင့် ပူးပေါင်းဆောင်ရွက်ရန် သဘောတူညီပြီးဖြစ်ပါလိမ့်မည်။ အမေရိကန် ပြည်ထောင်စုကဲ့သို့ နိုင်ငံကြီးများပင်လျှင် ၉/၁၁ အရေးအခင်းအပြီးတွင် တယ်လီဖုန်းများ ကြားဖြတ်နားထောင်သည့်ကိစ္စကို ပြုလုပ်ခဲ့ရသည်ဖြစ်ရာ လုံခြုံရေးအမြင်ဖြင့် ကြည့်လွန်းသော အစိုးရအနေဖြင့် ထိုကိစ္စကို ပူပန်စရာမလိုပါဟုသာ ဆိုရပေလိမ့်မည်။

သို့ရာတွင် အစိုးရဘက်မှ တစ်စုံတစ်ရာ သဘောထားထုတ်ပြန်ချက်မရှိသေးဘဲ မြန်မာ့ဆက်သွယ်ရေးကသာ ထိုကိစ္စကို ငြင်းဆိုနေခြင်းဖြစ်ရာ မည်သို့ ဆက်ဖြစ်မည်ဆိုသည်မှာ စိတ်ဝင်စားစရာကောင်းနေပေသည်။ ခြစားမှုများလွန်းသော ကဏ္ဍများကို ပြုပြင်ပြောင်းလဲရေးလုပ်ရန်မှာ လွယ်ကူသည့် ကိစ္စ မဟုတ်ပေ။ ဆိုရလျှင် မြန်မာ့ဆက်သွယ်ရေးသာ မဟုတ်၊ အစိုးရ၏ လုပ်ငန်းတော်တော်များများတွင် ခြစားမှုတွေမှာ သူ့နည်းသူ့ဟန်နှင့် ရှိနေကြပြီး ဖြစ်ပါသည်။ မြန်မာ့ဆက်သွယ်ရေးကို ဥပမာပေးရလျှင်ပင် မြန်မာစာ၊ ရုက္ခဗေဒ စသည်ဖြင့် လုပ်ငန်းသဘောသဘာဝနှင့် မည်သို့မျှဆက်စပ်ခြင်းမရှိသည့် ဝန်ထမ်းတွေ အမြောက်အများရှိနေသည်။ သို့ရာတွင် ပြန်တမ်းဝင်ဝန်ထမ်းအဖြစ်မဟုတ်ဘဲ အကူ၊ နေ့စား ဝန်ထမ်းအဖြစ်၊ အချို့ဆိုလျှင် လခမရဘဲ လုပ်အားပေးအဖြစ် ဝင်ရောက်လုပ်ကိုင်နေကြခြင်းဖြစ်သည်။ သက်ဆိုင်ရာအရာရှိကြီးများ၏ နီးစပ်မှုဖြင့် ထိုသို့ ဝင်ရောက်နေကြသည့် ဝန်ထမ်းတွေ မနည်းမနောရှိပါသည်။ သူတို့၏ ရည်ရွယ်ချက်မှာလည်း ဖုန်းပွဲစားလုပ်ခြင်း၊ ဖုန်းဘီလ်ဆောင်ခြင်း၊ ပီစီအို တည်ထောင်ခြင်း၊ လိုင်းပြင်ခြင်း စသည်ဖြင့် ကြားပေါက်ရမည့် ကိစ္စတွေ အတွက်သာ ထိုကဲ့သို့ လစာကို မက်မောခြင်းမရှိဘဲ ဝင်ရောက်လုပ်ကိုင်နေကြခြင်းဖြစ်သည်။ ထိုသို့ဆိုလျှင် မြန်မာ့ဆက်သွယ်ရေး၏ ခြစားမှု မည်မျှကြီးမားနေသည်ကို ခန့်မှန်း နိုင်ကြပါလိမ့်မည်။ ထို့ကြောင့် မြန်မာ့ဆက်သွယ်ရေး ရှုထောင့်မှကြည့်လျှင် လုပ်ငန်းအတွကသာမက၊ ဝန်ကြီးအစ၊ အရာရှိအလယ် အောက်ခြေဝန်ထမ်းအဆုံး ကိုယ်ကျိုးစီးပွား ထိခိုက်နိုင်ကြသည်ဖြစ်၍ ယခုကိစ္စကို လက်မခံနိုင်ကြသေးခြင်း ဖြစ်ပါလိမ့်မည်။

ဥပမာပေးရလျှင် ကြေးနန်းပို့သည့် ခေတ်ကုန်သွားပြီဖြစ်၍ ကြေးနန်းကဏ္ဍမှာ နှစ်စဉ်အရှုံးပေါ်လျှက်ရှိသည်။ ထို့ကြောင့် ကြေးနန်းဝန်ထမ်းတွေ အလုပ်ပြုတ်မည့်အရေးမှ အကာအကွယ်ပေးနိုင်ရန် ကြေးနန်းဝန်ထမ်းများကို အင်တာနက်၊ အီးမေးလ်သင်တန်းများပေး၍ မြန်မာ့ဆက်သွယ်ရေး၏ အများပြည်သူ သုံး အင်တာနက်စခန်းများ၊ အင်တာနက်ကြေးနန်း ဝန်ဆောင်မှုလုပ်ငန်းများကို ပြုလုပ်ကြရသည်။ အစိုးရရှုထောင့်မှကြည့်လျှင် အစိုးရဝန်ထမ်းများ အစုလိုက် အပြုံလိုက် အလုပ်ပြုတ်မည့်အရေးကို ထည့်သွင်းစဉ်းစားရခြင်းလည်း ရှိနိုင်ပါသည်။ သို့ရာတွင် ပုဂ္ဂလိကဆက်သွယ်ရေး ကုမ္ပဏီများ အပြိုင်အဆိုင် ပေါ်လာသည် နှင့်အမျှ အလုပ်အကိုင် အခွင့်အလမ်းများလည်း ပေါ်ပေါက်လာမည်ဖြစ်ရာ ထိုကိစ္စမှာ စိုးရိမ်ပူပန်ဖွယ်မရှိနိုင်ပါ။ သို့ရာတွင် ထိုက်တန်သော လုပ်ခလစာနှင့် လုပ်ရမည်ဖြစ်၍ လိုအပ်သည်ထက် အခွင့်အရေးပိုယူလွန်းသော ဝန်ထမ်းများအတွက်မူ ဆက်သွယ်ရေးကုမ္ပဏီများထက် မြန်မာ့ဆက်သွယ်ရေးကို ပို၍ ဖက်တွယ် လိုကြပါလိမ့်မည်။ အထူးသဖြင့် အကျိုးအမြတ်များစွာရရှိနေသာ ထိပ်တန်းအရာရှိများက ပိုပါလိမ့်မည်။ စီမံကိန်း ဒါရိုက်တာရာထူး၊ ညွှန်ကြားရေးမှူးရာထူး စသူတို့မှာ အများအားဖြင့် တပ်မတော်မှ အငြိမ်းစားများဖြစ်လေ့ရှိပြီး နည်းပညာအကြောင်း နကန်းတစ်လုံးမျှ နားမလည်သူတွေလည်း မြန်မာ့ဆက်သွယ်ရေး လုပ်ငန်းတွင် ရှိနေပါသေးသည်။ ထိုကဲ့သို့ ပုဂ္ဂိုလ်မျိုးတွေကို ငဲ့ညာနေလျှင် ကျန်သန်းခြောက်ဆယ်သော ပြည်သူတို့၏ ဘဝကို မညှာတာရာ ရောက်ပေလိမ့်မည်။ ယနေ့ခေတ်မှာ မိမိကိုယ်ကို တာဝန်ခံရသောခေတ်ဖြစ်ရာ လုပ်ငန်းအမှန်တကယ် တတ်ကျွမ်းခြင်းမရှိလျှင်၊ ခေတ်နှင့်အညီ လိုက်ပါနိုင်ခြင်းမရှိလျှင် ကျန်ရစ်ခဲ့မည်မှာ လည်း ဓမ္မတာပင်ဖြစ်ပါသည်။

စာရေးသူတို့ နိုင်ငံအနေဖြင့် ထိုကိစ္စအပေါ် အသစ်အဆန်းဖြစ်နေသော်လည်း ဂလိုဘယ်လိုက်ဇေးရှင်းခေတ်တွင် ဆက်သွယ်ရေးနှင့် သတင်းပျံ့နှံ့ စီးဆင်းမှုတို့မှာ အဓိကမောင်းနှင်အားဟုဆိုရမည်ဖြစ်ရာ ဆက်သွယ်ရေးအတွက် တယ်လီဖုန်းနှင့် အင်တာနက်တို့ကို ကောင်းနိုင်သမျှ ကောင်းအောင် လုပ်နေကြ ရသည်။ ဆရာကျော်ဝင်း၏ စာအုပ်များထဲက စကားနှင့်ဆိုရလျှင် ယခင်က တစ်နိုင်ငံနှင့် တစ်နိုင်ငံ မည်သည့်နိုင်ငံ၏ ဒုံးပျံက ပိုမြန်သလဲ ပြိုင်ကြရင်းမှ ယခုအခါတွင် ကွန်ပျူတာချိပ်စ်တွေ ဘယ်လောက်မြန်သလဲ၊ ထိုနိုင်ငံ၏ အင်တာနက်ဒေါင်းလုပ် ဘယ်လောက်မြန်သလဲဆိုတာတွေနှင့် ပြိုင်လာကြရပြီဖြစ်သည်။ မြန်မာနိုင်ငံ အနေဖြင့်လည်း ခေတ်မှီဖွံ့ဖြိုးတိုးတက်သော နိုင်ငံတော်သစ်ဟု တလျှောက်လုံး ကြွေးကြော်ကြုံးဝါးနေခဲ့စေကာမူ လျှပ်စစ်မီး၊ အင်တာနက်၊ တယ်လီဖုန်းတို့ကို ယနေ့တိုင် အဆင်ပြေပြေလုပ်ဆောင်ပေးနိုင်ခြင်း မရှိသေးသည်ကို တွေ့ရသည်။ ထိုကဏ္ဍကြီးသုံးခုမှာ နိုင်ငံဖွံ့ဖြိုးရေးအတွက် အဓိကအကျဆုံးသော လုပ်ငန်းကြီး သုံးရပ်လည်း ဖြစ်ပါသည်။ ပြုပြင်ပြောင်းလဲရေးများသည် ကနဦးပိုင်းတွင် အခက်အခဲများနှင့် ရင်ဆိုင်ရလေ့ရှိသော်လည်း ရေရှည်တွက် အကျိုးများ သည့် ကိစ္စရပ်များဖြစ်ကြောင်းကို မော်တော်ကားအသစ်များ လဲလှယ်ခွင့်ပြုခဲ့သည့် ဖြစ်ရပ်က သက်သေပြခဲ့ပြီးဖြစ်ပါသည်။ ထို့ကြောင့် ယခုကဲ့သို့ ဈေးနှုန်း သက်သာသော ဖုန်းများကိစ္စလည်း မကြာမီ အကောင်အထည်ပေါ်လာဖွယ် ရှိပါသည်။ လက်ဝါးကြီးအုပ်ရုံမျှမက အမြတ်ကြီးပါစားလိုသော ခရိုနီများနှင့် ကိုယ်ကျိုးစီးပွား ကြည့် လွန်းသော အုပ်စုများမှလွဲ၍ လူတိုင်းနှစ်သက်လက်ခံသောကိစ္စပင် ဖြစ်ပါသည်။ ဖွဲ့စည်းပုံအခြေခံဥပဒေကို လေးစားရမည် မှန်သော်လည်း မြစ်ဆုံကဲ့သို့ သော ကိစ္စ၊ ဝန်ကြီးများရုံးကိစ္စ၊ မော်တော်ယာဉ်တင်သွင်းခွင့် စသည့် ကိစ္စရပ်များသည် နိုင်ငံတိုးတက်ရေးကို လိုလားသော သမ္မတကြီးနှင့် အစိုးရထိပ်တန်း ပုဂ္ဂိုလ်ကြီး များထံမှ တိုက်ရိုက်လာသည်ကို မမေ့မလျော့ရှိကြရန်လည်း လိုအပ်သည်ဟု ဆိုရပေလိမ့်မည်။
yangon chronicle

မြန်မာအစိုးရစစ်တပ် ပစ်ခတ်မှုကြောင့် ခရီးသွား ကချင်လူငယ်နှစ်ဦးသေဆုံး

2012-01-12T07:26:00.001+07:00

ဇန်န၀ါရီ (၁၁)ရက် ၂၀၁၂

ကချင်ပြည်နယ် ဥရုဆိုင်းမှော်ဒေသ ဖားကန့် ကားလမ်းပိုင်း ဆိုင်းဖရာကျေုးရွာ(Seng Hpra) နေ မောင်လဂွီ ယိန်းဝမ်( ၁၇)နှစ် နှင့် မ ဆိုင်းခေါန် ( ၁၈)နှစ် တို့ သည် ယနေ့ ဇန်န၀ါရီ(၁၁)ရက် မနက်(၉း၀၀)နာရီခန့် တွင် ဆိုင်းဖရာကျေးရွာ မှ နန့် ယားကျေုးရွာသို့ ဆိုင်ကယ်ဖြင့် ဆင်းလာရာ နန့် ယားကျေုးရွာ နှင့် ကပ်မှော်ကျေးရွာကြားအရောက်တွင် အဆိုပါလမ်းပိုင်းတွင်ရောက်ရှိနေသော မြန်မာစစ်တပ် ခလရ (၅၈)တပ်ရင်းမှစစ်သားများက အကြောင်းမဲ့ ပစ်ခတ်သတ်ဖြတ်လိုက်ကြောင်းသိရသည်။ မောင်လဂွီယိန်းဝမ် မှာ နောက်ကျောဘက်ခြမ်းတည့်တည့် ထိမှန်သေဆုံးပြီး မဆိုင်းခေါန်သည် ၀မ်းဗိုက်အောက် ပေါင်ရင်းတွင်ထိမှန်သေဆုံးသွားကြောင်း ဒေသခံများမျက်မြင်များမှသတင်းပေးပို့ လာပါသည်။
Source ( Jinghpaw kasa)

2012-01-12T07:07:00.001+07:00

အမေ မျှော်နေမှာ

2012-01-09T19:06:00.003+07:00

အရှင်ပညာနန္ဒ

အသားခပ်ညိုညို မျက်ခုံးမွှေးပါးပါးဖြင့် အသက် ၆၅ နှစ်ကျော်ခန့်ရှိ အညာသူ အဘွားဒေါ်အေးစိန်ကို တွေ့သူတိုင်းက သနားကြတယ်။ အိပ်ချိန် စားချိန်က လွဲပြီး ဘုရားရှိခိုးလိုက် ပုတီးစိပ်လိုက် မေတ္တာပို့လိုက်နဲ့ နေ့စဉ်အချိန်ကို ကုန်လွန်စေတာပါ။ အဘွားက ဘုရားရှိခိုးပြီးတိုင်း ငါးမိနစ်ခန့် တစုံတခုကို လေးလေးနက်နက် အာရုံပြုပြီး ဆုတောင်းနေတာ မြင်ရတိုင်း သမီးတွေ မြေးတွေက အဘွားအတွက် စိတ်မကောင်း ဖြစ်ကြရတယ်။

အဘွားက သူ့သား ဦးပဉ္ဇင်းအတွက် နေ့စဉ် ဝတ်မပျက် ဆုတောင်း မေတ္တာပို့နေကြလေ။ သားဦးပဉ္ဇင်းက ရွှေဝါရောင်ဘုန်းကြီးတွေ မေတ္တာပို့ လမ်းလျှောက်တုန်းက အခြား ဦးပဉ္ဇင်းတွေနဲ့ အတူ ပါဝင်ခဲ့တာကြောင့် ၂၀၀၇ ခုနှစ်မှာ စစ်သားတွေက ဘုန်းကြီးကျောင်းကို ၀ိုင်းပြီး ဖမ်းလို့ အဖမ်းခံခဲ့ရပြီး ထောင် ၈ နှစ် ကျသွားတယ်။

အဲဒါ အဘွားကို အမှန်အတိုင်း မပြောရဲဘူး။ ဦးပဉ္ဇင်း ခရီးလွန်နေလို့ မကြာခင် ပြန်လာမှာ ပြောပြီး အဘွားကို လိမ်ထားရတာ စိတ်မကောင်းဘူးလို့ ၀မ်းနည်းစွာဖြင့် အဘွားရဲ့သမီးဖြစ်သူ ဒေါ်စိန်မေက ပြောပြပါတယ်။

အဘွားဖြစ်သူ၏ ခင်ပွန်းကတော့ လွန်ခဲ့တဲ့ ၂ နှစ်လောက်က ကွယ်လွန်သွားပါပြီ။ မကွယ်လွန်ခင်ကတော့ အဘိုးနဲ့ အဘွားက တယောက်ကို တယောက် အားပေးရင်း ဦးပဉ္ဇင်း ပြန်အလာကို စောင့်မျှော်နေခဲ့ကြတာပေါ့။ ခုတော့ အဘွားတယောက်ထဲ အဖော်မဲ့စွာ သားရဟန်းကို မျှော်လင့်ခြင်းကြီးစွာ စောင့်စားနေဆဲ။

ဦးပဉ္ဇင်း ထောင်ကျပြီး တနှစ်လောက် အကြာမှာတော့ ကော့သောင်းထောင်မှာလိုလို မြင်းခြံထောင်မှာ လိုလို သတင်း သဲ့သဲ့ ကြားတယ်။ အဲဒါ အမေ့ရဲ့ သားအကြီးကောင် ကျော်ကျော်ကို လိုက်စုံစမ်းခိုင်းတာ မတွေ့ပါဘူး။ ဟိုထောင်မှာ ရှိတယ် ကြားရင် သွားလိုက် ဒီထောင်မှာ ရှိတယ်ကြား သွားလိုက်နဲ့ နောက်ဆုံး မြစ်ကြီးနားထောင်မှာ ရှိကြောင်း သိရလို့ လိုက်သွားတော့မှ ဦးပဉ္ဇင်းနဲ့ တွေ့ရတယ်။ အမေတို့လည်း စီးပွားရေးက သိပ် အဆင်မပြေတော့ ခဏခဏလည်း သွားမတွေ့နိုင်ဘူးလေ။ တနှစ်ကို ၃ ခါလောက်ပဲ ထောင်ဝင်စာ တွေ့နိုင်တာလို့ ဒေါ်စိန်မေက ယူကြုံးမရ ပြောပြသလို ထောင်ဝင်စာ မှန်မှန် မတွေ့လိုက်ရတာကို တာဝန် မကျေသလို ခံစားရပြီး စိတ်မကောင်း ဖြစ်နေရှာပုံလည်း ရပါတယ်။

အဘွားကတော့ ညက အိပ်မက်မက်ကြောင်း သားရဟန်းက သူ့ကို တရားတွေ ဟောကြောင်း အမေ နေကောင်းအောင် နေဖို့ မှာကြောင်းနဲ့ မကြာခင် ဦးပဉ္ဇင်း ပြန်လာတော့မှာ ဖြစ်ကြောင်း တက်တက် ကြွကြွနဲ့ သမီးနဲ့ မြေးတွေကို ပြောနေပါတယ်။

ရွာက ဦးပဉ္ဇင်းရဲ့သူငယ်ချင်း ဦးပဉ္ဇင်းတွေ ပြန်လာတာ ကြားတိုင်း သူ့သားရဟန်းလည်း ပြန်လာတယ် ထင်လို့ ကိုယ်တိုင် ဘုန်းကြီးကျောင်းသွားပြီး သူ့သား ဦးပဉ္ဇင်းကို သွားရှာကြောင်း၊ ဦးပဉ္ဇင်းတွေကလည်း အဆင်ပြေသလို မယ်တော်ကြီးကို စိတ်ချမ်းသာအောင် စိတ်မပူဖို့နဲ့ မကြာခင် ပြန်လာတော့မှာ ဖြစ်ကြောင်း စိတ်မကောင်းစွာ အားပေးစကား ပြောပေးရှာပါတယ်။ အဘွားကို ကြည့်ပြီး ဦးပဉ္ဇင်းတွေလည်း စိတ်မကောင်းကြဘူး ဟု မြေးဖြစ်သူကလည်း ပြောပါတယ်။

နွေရာသီ စာဝါတွေ ပိတ်တိုင်း ဦးပဉ္ဇင်းက မယ်တော်ကြီးရှိတဲ့ ရွာကို ပြန်ကြွလာနေကြပါ။ ဦးပဉ္ဇင်းကလည်း မယ်တော်ကြီးကို ချစ်ရှာပါတယ်။ ပညာရေးအတွက် တမြို့တရွာမှာ ပရိယတ္တိစာပေတွေ သင်ကြားနေရပေမယ့် ရွာပြန်ရောက်တိုင်း မယ်တော်ကြီးကို သီလပေး တရား ဟောနေကျပါ။ မယ်တော်ကြီးကလည်း သားရဟန်း ဟောတဲ့ တရားတွေကို ပျော်တပြုံးပြုံးနဲ့ နှစ်ခြိုက်စွာ နာယူလေ့ရှိပြီး တနှစ်မှာ တခါသာ ပြန်ကြွလာတတ်တဲ့ သူ့သားရဟန်း ကြိုက်တတ်တဲ့ ဆွမ်းဟင်းတွေကို မမောနိုင် မပန်းနိုင် ရှာဖွေ ချက်ပြုတ်ပြီး ဆက်ကပ်နေကြပါ။

တကယ်တော့ သူတွေ့ချင် မြင်ချင်လွန်းလှတဲ့ သား ရဟန်းဟာ လွန်ခဲ့တဲ့ တနှစ်လောက်က ရဲဘက် အလုပ်ကြမ်း စခန်း တခုမှာ ပျံလွန်တော်မူ သွားခဲ့ပါပြီ။ ဦးပဉ္ဇင်း ပျံလွန်တော်မူတာကို မိသားစုတွေ ဘယ်သူမျှ မသိကြ။ မည်သည့် အာဏာပိုင် အဖွဲ့အစည်းကမှလည်း သူတို့မိသားစုကို အကြောင်းကြားခြင်း မရှိခဲ့။

အမေတို့လည်း ဦးပဉ္ဇင်း ပျံလွန်တော်မူတာကို မသိဘူး၊ တနေ့မှာ ဦးပဉ္ဇင်းနဲ့ အတူ ထောင်ကျခဲ့တဲ့ ဦးပဉ္ဇင်းတပါး ထောင်က လွတ်လာမှ အိမ်တိုင် ယာရောက် ကြွလာပြီး ပြန်ပြောပြလို့ အကြောင်းစုံ သိရတာပါဟု ဒေါ်စိန်မေက သူတို့မိသားစု ဘယ်ပုံဘယ်နည်း သိရတယ် ဆိုတာကို ရှင်းပြပါတယ်။

ဒီလို တကာမကြီးရဲ့ ဦးဉ္ဇင်းတို့ကို ပထမတုန်းကတော့ မန္တလေးထောင်မှာထိမ်းသိမ်းထားတာပါ။ အဲဒီကနေ ဦးဇင်းတို့ကို မြင်းခြံထောင်ပို့ လိုက်တယ်။ မြင်းခြံကနေ သာယာဝတီထောင် ရောက်သွားတယ်။ အဲဒီမှာ တနှစ်ကျော်လောက်နေတော့ ဦးဇင်း (၁၅) ပါးနဲ့ လူ ၅၀ ကျော် လောက် ချင်းပြည်နယ် လင်တန် ရဲဘက်စခန်းကို ပို့လိုက်တယ်။ နေ့စဉ် အလုပ်ကြမ်းတွေ လုပ်ရတယ်။ အစားအသောက်ကလည်း မ၀ရေစာ ကျွေးတာလေ။ သတ်မှတ်တဲ့ အတိုင်း အလုပ် မပြီးရင် ထောင်ဝန်ထမ်းတွေရဲ့ အရိုက်အနှက်ကလည်း ခံရသေးတယ်။ ငှက်ဖျားကလည်း အရမ်း ကြမ်းတယ် ဆေးဝါးကုသမှုကလည်း မရဘူး။ ငှက်ဖျားရောဂါနဲ့ပဲ အကျဉ်းသား အတော်များများ သေကုန်ကြတယ်။ အဲဒီအထဲ ဒကာမကြီးတို့ ဦးဇင်း ပါသွားတာ။ ဦးဇ္ဇင်း စိတ်မကောင်းဘူးဟု ငိုသံပါဖြင့် ဦးဉ္ဇင်းလေး က ပြောပြပါတယ်။

ဦးဇင်းလေး စကား ဆုံးတော့ ဒေါ်စိန်မေတယောက် ဘာပြန်လျှောက်ထားရမှန်း မသိ။ သူ့မောင် ဦးပဉ္ဇင်း အလုပ်ကြမ်း စခန်းမှာ အစာရေစာ ငတ်ပြတ်ပြီး အလုပ်ကြမ်း လုပ်နေပုံနဲ့ ရောဂါ ဝေဒနာတွေ ခံစားနေရပုံတွေကို မျက်စိထဲ မှန်းဆ မြင်ယောင်လာပြီး၊ စိတ်မထိန်းနိုင်ဘဲ ရှိုက်ကြီး တငင် ငိုကြွေးနေမိပါတယ်။

အမေ သတိထားဦးလေ။ အဘွား ကြားသွားရင် ပိုဆိုးကုန်မယ်ဟု သားဖြစ်သူက သတိပေးမှ အသံကိုထိန်း မျက်ရည်ကို သုတ်ပြီး ဦးပဉ္ဇင်းလေးကို ပြန်လျှောက်ထားလိုက်ပါတယ်။ ဦးပဉ္ဇင်းဘုရား ခုလို တပည့်တော်မတို့ မိသားစုကို တကူးတက လာရောက်ပြီး ပြောပေးတာ ကျေးဇူးတင်ပါတယ် ဘုရား။ တပည့်တော်မတို့ လိပ်စာကရော ဘယ်ကရလဲ ဘုရားဟု သိချင်စိတ်ဖြင့် မေးလျှောက်မိ၏။

ဦးပဉ္ဇင်းတို့ ရဲဘက်စခန်း ရောက်ပြီ ဆိုတာနဲ့ ပြန်လမ်း မရှိဘူး ဆိုတာ အားလုံး သဘောပေါက်ထားကြတယ်လေ။ အဲဒီတော့ တယောက်နဲ့ တယောက် နေရပ် လိပ်စာတွေ ပေးပြီး အရင်လွတ်တဲ့သူက ကျန်ခဲ့သူတွေရဲ့ မိသားစုတွေကို အကြောင်းကြားပေးဖို့ ကတိ ပေးထားကြတာ အဲဒါ ကြောင့် ခုလို လာရောက် သတင်းပေးနိုင်တာပေါ့။

ဦးဇင်းလည်း ထောင်က လွတ်လွတ်ခြင်း လာပြောချင်ပေမယ့် ထောင်ထဲက ရခဲ့တဲ့ ရောဂါတွေကိုကုနေရတာရယ်၊ ဦးဇင်းနောက်ကို ထောက်လှမ်းရေးတွေ တကောက်ကောက် လိုက်နေတာတွေကြောင့် ချက်ချင်း လာမပြောနိုင်ဘူး။ သူတို့ အလစ်မှာ ထွက်လာပြီး ခုမှ လာပြောနိုင်တာပါ။ ကဲ အချိန်လည်း မရှိတော့ဘူး။ ဦးပဇင်း လိုင်းကားအမှီ ပြန်ရမယ် ဟု ပြောရင်း မလုံမလဲဖြင့် ပတ်ဝန်းကျင်ကို အကဲခတ်ပြီး လေးလံသော ခြေလှမ်းများဖြင့် ပြန်ကြွသွားပါတယ်။

ဒေါ်စိန်မေတို့ မိသားစုအနေဖြင့် ဘယ်သူ့ကို အပြစ်တင်ရမှန်းမသိ။ ခေတ်စနစ်ကြီးကိုပဲ အပြစ် တင်ရမလား သို့မဟုတ် ခေတ်ဆိုး ခေတ်ညစ်ကြီး အတွင်းမှာ လူဖြစ်လာရတဲ့ မိမိကိုယ်ပဲ အပြစ်တင်ရမလား မဝေခွဲတတ်။

ပျံလွန်တော်မူသွားပြီဖြစ်တဲ့ ဦးပဉ္ဇင်းရဲ့ ညှုိးငယ်နေတဲ့ မျက်နှာလေးကို မြင်ယောင်နေမိတယ်။ သားဦးပဉ္ဇင်း ပြန်အလာကို စောင့်မျှော်နေရှာတဲ့ သားကို သိပ်ချစ် သိပ် သံယောဇဉ်ကြီးရှာတဲ့ အမေ့ကို ဘယ်လိုပြောရပါ့။ စဉ်းစား ရင်း စဉ်းစားရင်း အမေ့အတွက် ဒေါ်စိန်မေ စိတ်မကောင်းဖြစ် နေမိပါတော့တယ် ။ ။

အရှင်ပညာနန္ဒ
(Burma VJ မှ ကူးယူဖော်ပြသည်။ ဓါတ်ပုံ The Voice Weekly )

့မြန်မာအစိုးရ စစ်အင်အားတိုးချဲ့၊ KIA နယ်မြေများတွင် တိုက်ပွဲများ နေ့စဉ်ဖြစ်ပွား

2012-01-09T12:52:00.004+07:00

ဇန်န၀ါရီလ ၉ ရက် ၂၀၁၂

ကချင်ပြည်နယ် မြစ်ကြီးနား - ဗန်းမော် လမ်းပိုင်း ဒေါ့ဖုန်းယန်ဒေသ ဟန်ကိုင်းဘွမ်( HangKai Bum)သို့ ဇန်န၀ါရီ (၉)ရက် ယနေ့ မနက်စောစော( ၃း၃၀)နာရီ အချိန်ခန့် က စစ်သားအပြည့်နှင့် လက်နက်ခဲယမ်းရိက္ခာများ တင်ဆောင်ထားသော စစ်ကားကြီး အစီး (၂၀) ရောက်ရှိလာကြောင်း သတင်းရရှိသည်။ လက်နက်ကြီးများပါ တင်ဆောင်လာကြောင်း ထပ်မံသိရသည်။ ယခုအခါ မြန်မာအစိုးရ စစ်တပ်များမှ ကေအိုင်အေ အစိုးရ နယ်မြေများသို့ ထိုးစစ်ဆင်တိုက်ခိုက်မှု အရှိန် ပိုမိုတိုးမြှင့် လုပ်ဆောင်လာနေကြောင်း သိရသည်။

ရှမ်းပြည်အခြေစိုက် ကေအိုင်အေ တပ်မဟာ(၄)နယ်မြေ ခိုင်အော်,ဂလာမန်ဒပ်( Hkai-aw Gala Mandat) ဒေသတွင် ဇန်န၀ါရီ(၈)ရက် ညနေပိုင်း ( ၂း၀၀)နာရီခန့် အချိန်တွင် ကေအိုင်အေ တပ်ရင်း(၈)တပ်ဖွဲ့ ဝင်များနှင့် ကွတ်ခိုင် ဗျုဟာလက်အောက်ခံ မြန်မာစစ်တပ် တို့ တိုက်ပွဲဖြစ်ပွားခဲ့ကြောင်းသိရသည်။

အလားတူ ဇန်န၀ါရီ (၈)ရက် ကေအိုင်အေ တပ်မဟာ(၃)နယ်မြေ တွင် ကေအိုင်အေ တပ်ရင်း (၁၆)တပ်ဖွဲ့ ဝင်များနှင့် မြန်မာအစိုးရ တပ်မ(၈၈)လက်အောက်ခံတပ်ဖွဲ့ တို့ မနက်အစောပိုင်း (၃း၀၀am )နာရီ ခန့် မှ မွန်းလွဲ (၁း၃၀pm )နာရီ အချိန်ထိတိုင်အောင် တိုက်ပွဲပြင်းထန်စွာဖြစ်ပွားခဲ့ကြောင်းသိရသည်။

ထို့ အတူ ဇန်န၀ါရီ(၇)ရက်နေ့ က ရှမ်းပြည်အခြေစိုက် ကေအိုင်အေ တပ်မဟာ(၄)နယ်မြေ နမ်ဆွမ်ကျေးရွာ (Nam Sung) အောက်ဘက် နမ်လီပါ ( Nam Li Pa ) တွင် ကေအိုင်အေ တပ်ရင်း(၈)မျိုးချစ် တပ်ဖွဲ့ ဝင်များနှင့် ကွတ်ခိုင်အခြေစိုက်ဗျုဟာ လက်အောက်ခံတပ်ဖွဲ့တို့ တိုက်ပွဲဖြစ်ပွားခဲ့ကြောင်းသိရသည်။

Source (Kachinnet)

ပညာရေးမှာ ဘာတွေမှားခဲ့သလဲ

2012-01-09T08:59:00.003+07:00

မောင်ဝံသ
ယခုအပတ်ထုတ် True News သစ္စာ ဂျာနယ်ပါ မှန်တာပြော သစ္စာ / မောင်ဝံသ ဆောင်းပါး။

ပညာရေးမှာ ဘာတွေမှားခဲ့သလဲ

၂၀၁၂ ခုနှစ်ဟာ နှစ်ပေါင်းငါးဆယ်ကြာကာလအတွင်း ကျွန်တော်တို့ မြန်မာပြည်သူတွေအတွက် လွတ်လပ်ရေး၊ ဒီမိုကရေစီရေး၊ လူ့အခွင့်အရေး၊ ငြိမ်းချမ်းရေး၊ ဖွံ့ဖြိုးတိုးတက်ရေး စတဲ့ ကမ္ဘာ့လူသားအားလုံး ရရှိခံစား ပိုင်ဆိုင်နိုင်ခွင့်ရှိတဲ့ ကောင်းမြတ်ခြင်းတရားတွေနဲ့ ပတ်သက်တဲ့ မျှော်လင့်ချက် ရောင်ခြည်တွေ အပြိုးပြက်ဆုံး လင်းလက်တောက်ပမယ့် နှစ်တစ်နှစ်ဖြစ်ဖွယ် ရှိနေတာကြောင့် ဒီနှစ်အတွက် ကျွန်တော့်ရဲ့ ပထမဆုံးဆောင်းပါးကို လောကမှာ အမြင့်မြတ်ဆုံးဖြစ်တဲ့ ပညာအကြောင်းနဲ့ ဖွင့်လိုက်ချင်တယ်ဗျာ။

ပညာသည်တန်ခိုးအာနိသင်

]]ပညာသည် တန်ခိုးအာနိသင်}} (Knowledge is power) ) လို့ အလယ် ခေတ် ဗြိတိသျှလူမှုဗေဒပညာရှင်ကြီး ဆာဖရန်စစ်ဘေကွန်က ဆိုခဲ့ဖူးတယ်ဗျ။

ပညာဟာ ကမ္ဘာမှာ လူသားရယ်လို့ ပီပီပြင်ပြင်ဖြစ်ထွန်းပေါ်ပေါက်လာ ချိန်ကစလို့ ဒီကနေ့ တတိယထောင်စုနှစ်ထဲ ၀င်လာခဲ့တဲ့အချိန် အထိ လူသားရဲ့ အရေးအရာတွေမှာ ဘယ်တုန်းကမှ အောက်တန်းနောက်တန်း တစ်နေရာမှာ အထားခံခဲ့ရဖူးတာ မဟုတ်ဘူးဆိုပေမယ့် ဒီကနေ့ခေတ်လောက် ပညာကို လူ့အရေးကိစ္စအားလုံးရဲ့ ထိပ်ဆုံးမှာ အထူးဦးစားပေး အလေးထား အာရုံစိုက်နေကြတာမျိုးကတော့ လူ့ သမိုင်း တစ်ခုလုံးအနေနဲ့ ပြောရရင် ဒါပထမဆုံးဖြစ်တယ်လို့ဆိုရလိမ့်မယ် ထင်တယ်ဗျ။

၂၀၁၁ခုမှာ အထူးခြားဆုံး အာရပ်နွေဦး

နှစ်ဟောင်းအကုန် နှစ်သစ်အကူးကာလထုတ်ဝေတဲ့ ပြည်တွင်းပြည်ပဟာ စာနယ်ဇင်းအားလုံးလိုလိုမှာ ကုန်လွန်သွားခဲ့ပြီဖြစ်တဲ့ ၂၀၁၁ ခုနှစ်ရဲ့ အထူးခြား ဆုံး အခြင်းအရာတစ်ခုကို ဆန်းစစ်သုံးသပ်ခဲ့ကြရာမှာ အားလုံးဟာ အာရပ် ကမ္ဘာမှာ ရာစုနှစ်နဲ့ချီ အိပ်ပျော်နေခဲ့ကြတဲ့ ပြည်သူတွေ နိုးထလာကြပြီး ပြည်သူ့စွမ်းပကား (people's power) နဲ့ အာဏာရှင် အစိုးရတွေကို တွန်းလှဲဖြိုချ ဖယ်ရှားပစ်ခဲ့ကြမှုကို တင်စား သုံးနှုန်းတဲ့ ]အာရပ်နွေဦး} ကို တစ်ညီ တစ်ညွှတ် တည်း ရွေးချယ်ခဲ့ကြတယ်ဗျ။ တစ်ဆက်တည်းမှာ အဲဒီအာရပ်ကမ္ဘာက လူထုလှုပ်ရှားမှုတွေရဲ့ ၀င်ရိုးဟာ တွစ်တာ၊ ဖေ့စ်ဘွတ်၊ ဂူဂဲလ်၊ ယူကျု၊ အိုင်ပက်၊ အိုင်ဖုန်း စတဲ့ ခေတ်မီဆက်သွယ်ရေးနည်းပညာနဲ့ နည်းပညာပစ္စည်းတွေ ဖြစ်တယ်။ တစ်နည်းပြောရရင် ပညာပဲ ဖြစ်တယ်လို့ ခွဲခြမ်းစိတ်ဖြာသုံးသပ်သူ အားလုံးက မီးမောင်းထိုးပြခဲ့ကြတယ်ဗျာ။

ဗုဒ္ဓသည် ပညာအဓိကဘုရား

ကျွန်တော်တို့နိုင်ငံမှာ လူများစုကြီး ကိုးကွယ်ရာ ဗုဒ္ဓသာသနာကို ထူထောင်ခဲ့တဲ့ ဂေါတမမြတ်စွာဗုဒ္ဓဟာလည်း သဒ္ဓါအဓိက၊ ၀ိရိယအဓိက၊ ပညာအဓိကဆိုတဲ့ ဘုရားတွေအနက် ပညာအဓိက ဘုရားဖြစ်တယ်ဆိုတာ ဗုဒ္ဓ ဘာသာဝင်တိုင်း အသိဖြစ်တယ်ဗျ။ အဲဒါရဲ့ အကျိုးဆက်အဖြစ် ကျွန်တော်တို့ နိုင်ငံဟာလည်း ပညာကို အထူးအလေးအမြတ်ထားဦးစားပေးတဲ့ နိုင်ငံတစ်ခု ဖြစ်ခဲ့တယ်ဆိုတာ ကျွန်တော်တို့ နိုင်ငံရဲ့ နိုင်ငံရေးသမိုင်း၊ လူမှုရေးသမိုင်း၊ ယဉ်ကျေးမှုသမိုင်းတွေကို လေ့လာကြည့်ရင် အထင်အရှားမြင်တွေ့နိုင်တယ်ဗျ။ ပြည်သူတွေရဲ့ အသက်အိုးအိမ်စည်းစိမ်အားလုံးကို လူတစ်ဦးတည်းက ပိုင်ဆိုင်တဲ့ သက်ဦးဆံပိုင်ဘုရင်စနစ်မှာတောင် ပညာရှင်တွေ လူ့အဖွဲ့အစည်းရဲ့ ရှေ့ဆုံးတန်း ထိပ်ဆုံးတန်းမှာ နေရာပေးခြင်းခံခဲ့ကြရတဲ့ အဖြစ်အပျက်တွေ ကျွန်တော်တို့ နိုင်ငံသမိုင်းမှာ အများအပြားရှိခဲ့တာ သမိုင်း လေ့လာသူအားလုံး အသိဖြစ်တယ် ဗျ။

ပညာရဲ့နေရာ လျှောကျခဲ့ရ

ဒါပေမယ့် လွန်ခဲ့တဲ့နှစ်ပေါင်းငါးဆယ်ကာလအတွင်း အဲဒီအခြေအနေဟာ ယိုယွင်းယိမ်းယိုင်ခဲ့ရတယ်ဗျာ။ ]ပညာအခြေခံ လူ့အဖွဲ့အစည်း} ဆိုတဲ့ သဘော တရား အဲဒီကာလအတွင်း တရားဝင် ဖျက်သိမ်းခြင်းခံခဲ့ရတာ မဟုတ်ပေမယ့် လက်တွေ့အနှစ်သာရအရတော့ ပညာဟာ ဦးစားပေး အဆင့်ကနေ လျှောကျ ခဲ့ရ (ဒါထက် ပိုပြီး ပီပီပြင်ပြင်ရှင်းရှင်းလင်းလင်းဖြစ်သွားအောင် ပြောရရင်) ပညာဟာ သစ္စာခံမှုရဲ့ နောက်ကို ပို့ပစ်လိုက်ခြင်းခဲ့ရတာ ဖြစ်တယ်ဗျ။ အကျိုးဆက်ကတော့ အားလုံးသိကြတဲ့အတိုင်းပါပဲ။ အဲဒီခေတ်ရဲ့ ပထမ မျိုးဆက်ကာလမှာ နိုင်ငံဟာ ]ဖွံ့ဖြိုးတိုးတက်မှု အနည်းဆုံးနိုင်ငံ} (LDC) ဖြစ်သွားခဲ့ပြီ၊ ဒုတိယမျိုးဆက်ကာလမှာ ]ရှုံးနိမ့်သောနိုင်ငံ}( Failed State) တစ်ခုအဖြစ်ဆီသို့ တရွေ့ရွေ့လျှောကျနေတဲ့ နိုင်ငံတစ်ခုအဖြစ် ကျရောက်သွား ခဲ့တာပဲ ဖြစ်တယ်ဗျ။

သင်္ဘောကြီး ပြန်ပေါ်လာသလို

အခုတော့ တဖြည်းဖြည်းချင်း နစ်နေတဲ့ သင်္ဘောကြီးဟာ တစ်ချိန်က အတိုက်အခံဖြစ်သူတွေ အပါအ၀င် ပြည်သူတစ်ရပ်လုံး အားကြိုးမာန်တက် ခပ်ထုတ်နေတဲ့ရေတွေကြောင့် တဖြည်းဖြည်းချင်း ရေပေါ်ကို ပြန်ပေါ်စပြုနေ ပြီဗျာ။ အဲဒီဖြစ်စဉ်ရဲ့ အစမှတ်တစ်ခုကတော့ ]စတုတ္ထမဏ္ဍိုင်ကို အလေးထား ကြရမယ်}ဆိုတဲ့ နိုင်ငံတော်သမ္မတကြီး ဦးသိန်းစိန်ရဲ့စကား ဖြစ်တယ် လို့ ကျွန်တော်ကတော့ ယူဆတယ်ဗျ။ သမ္မတကြီးရဲ့ အဲဒီစကားက လက်တွေ့ အနှစ်သာရအရ ပြောရရင် ရာစုတစ်ဝက်လောက် အမှိုက်ပုံးထဲရောက် နေခဲ့တဲ့ ]ပညာ}ကို ဆွဲထုတ်ဆေးကြောသန့်စင်တိုက်ချွတ်ပြီး သူ့ရဲ့နေရာမှန်ဖြစ်တဲ့ န၀ရတ်ကိုးပါး စီခြယ်ထားတဲ့ ကလပ်ပေါ် ပြန်တင်ပေးလိုက်တာဖြစ်တယ်ဗျာ။ ပညာလောကသားတစ်စုရဲ့ အခန်းကဏ္ဍကို လေးစားအသိအမှတ်ပြုကြဖို့ အုပ်ချုပ်ရေးယန္တရားအဆင့်ဆင့်ကို ညွှန်ကြားလိုက်တာဖြစ်တယ်ဗျ။

ပုဂ္ဂလိကကျောင်းများထူထောင်ခွင့်

အဲဒီနောက်ပိုင်း ပညာရေးနဲ့ ပတ်သက်ပြီး နောက်ထပ်ပြုပြင် ပြောင်းလဲမှု တွေ အစိုးရက ဦးဆောင်ပြုလုပ်လာတာကို မြင်တွေ့ခဲ့ကြရတယ်ဗျ။ အဲဒီထဲမှာ အထင်ရှားဆုံးကတော့ ပုဂ္ဂလိကကျောင်းများ တည်ထောင်ခွင့် ဥပဒေ ထွက်ပေါ်လာခြင်းနဲ့ ၂၀၁၂ ပညာသစ်နှစ်က စပြီး တက္ကသိုလ်ပညာသင်နှစ်ကို တစ်နှစ်တိုးလိုက်တဲ့ အစီအစဉ်တို့ပဲ ဖြစ်တယ်ဗျ။

ကျွန်တော်က လွတ်လပ်ငြိမ်းချမ်းဖွံ့ဖြိုးတိုးတက်တဲ့ နိုင်ငံတစ်နိုင်ငံဖြစ်ရေး အတွက် ပညာရေးဟာ အခရာဖြစ်တယ်ဆိုတဲ့ သဘောတရားကို နက်နက် ရှိုင်းရှိုင်း နှစ်နှစ်ကာကာ ယုံကြည်ထားသူဖြစ်တာမို့ ပညာရေးတိုးတက်ဖို့ အမှန်တကယ် ရည်ရွယ်တဲ့ ဘယ်လိုကြိုးပမ်းမှုမျိုးကို မဆို ယေဘုယျအားဖြင့် ကြိုဆိုချင်ပါတယ်ဗျ။ ဒါကြောင့် နိုင်ငံတော်အစိုးရရဲ့ အဲဒီကြိုးပမ်းမှုတွေကိုလည်း ကြိုဆိုတယ်ဗျာ။

ဘာတွေမှားခဲ့သလဲ

ဒါပေမယ့် နှစ်ပေါင်းငါးဆယ်လောက် ယိုယွင်းယိုင်နဲ့နေခဲ့တဲ့ ပညာရေး ယန္တရားကြီး တစ်ခုလုံး အားကောင်းမောင်းသန် ဖြစ်လာဖို့ ဆိုရင် အဲဒီကာလမှာ ဘာတွေမှားခဲ့တာလဲဆိုတာတွေကို အစွဲကင်းကင်းနဲ့ ဆန်းစစ်လေ့လာ ဖော်ထုတ်ပြီး အမှန်ရောက်အောင် အမှားပြင် ပြောင်းလဲလာတဲ့ခေတ်စနစ်နဲ့အညီ အသစ်ထပ်မံဖြည့်စွက်တာမျိုးတွေ မလုပ်ဘဲနဲ့ကတော့ မဖြစ်နိုင်ဘူးလို့ ကျွန်တော် ယူဆတယ်ဗျ။

ဥပမာ ဒီမိုကရေစီပညာရေးစနစ်မှာ အဓိကအခန်းကဏ္ဍက ပါဝင်သူ (ှStake holder) တစ်ဦးဖြစ်တဲ့ ကျောင်းသားတွေရဲ့ တကယ့်ရင်ထဲက အသံတွေ ကြားနိုင်ဖို့အရေးမှာ ပင်မအခြေခံဖြစ်တဲ့ စစ်မှန်တဲ့ ကျောင်းသား ကိုယ်စား လှယ်တွေ ထွက်ပေါ်လာအောင် ဘယ်လိုလုပ်မလဲ။ ဆရာက သင်၊ ကျောင်းသားက ထိုင်နားထောင်ပြီးတော့ တကယ် ဘာမှနားမလည်ဘဲ အလွတ်ကျက် ပြန်ဖြေတဲ့ တစ်လမ်းသွား ပညာရေး စနစ်ကို ဘယ်လိုပြုပြင် ပြောင်းလဲမလဲ။ အရွယ်မတိုင်ခင် စီးပွားရေးလုပ်ငန်းထဲ ရောက်နေကြတဲ့ ကလေးသူငယ်အားလုံး မဟုတ်တောင် အများစုကြီး စာသင်ခန်းထဲ ရောက်လာအောင် ဘယ်လိုလုပ်မလဲ။ တစ်နေ့ကို သုံးလေးနာရီလောက် ဘတ်စ်ကားပေါ်မှာ အလဟဿ အချိန်ဖြုန်းပြီးမှရောက်နိုင်တဲ့ မြို့စွန်မြို့ဖျားက နေရာတွေမှာ တက္ကသိုလ်တွေ ရောက်နေတာ ဘာကြောင့်လဲ။ အဲဒီလိုဖြစ်နေ တာ သဘာဝ ကျရဲ့လား။ နိုင်ငံအတွက် အကျိုးဖြစ်ထွန်းရဲ့လား။ အကျိုးထက် အပြစ်က ပိုများနေသလား။ တက္ကသိုလ်ကြီးတွေဟာ ခမ်းနားကြီးကျယ် သလောက် ပညာရေးအနှစ်သာရ မယ်မယ်ရရမရှိတဲ့ ]အဆင်းလှဆန်း လူ့ပေါက်ပန်း}တွေလို ဖြစ်နေသလား။ ]တက္ကသိုလ်ရဲ့ အသက်ဟာ သုတေသန} ဆိုတဲ့စကားနဲ့ မြန်မာနိုင်ငံက တက္ကသိုလ်တွေ ကိုက်ညီရဲ့လား စတဲ့ စတဲ့ မေးခွန်းပေါင်းများစွာအတွက် အမြန်ဆုံး အဖြေရှာ လုပ်ဆောင်ခြင်းမရှိဘဲနဲ့တော့ ကျွန်တော်တို့နိုင်ငံ ကမ္ဘာကြီး မဆိုထားနဲ့ အိမ်နီးချင်းနိုင်ငံတချို့ကိုတောင် အမီလိုက်နိုင်ဖို့ မလွယ်သေးဘူးလို့ ကျွန်တော် ထင်တယ်ဗျာ။

၀၃ ၀၁ ၂၀၁၂t

ပြည်ထဲရေးဝန်ကြီးဌာန လက်အောက်ခံတပ်ဖွဲ့များ အာဏာပြိုင်

2012-01-09T08:41:00.002+07:00

ဇန်န၀ါရီလ ၉ ရက် ၂၀၁၂

ပြည်ထဲရေးဝန်ကြီးဌာန ကွပ်ကဲမှုအောက်ရှိ တပ်ဖွဲ့များဖြစ်ကြသည့် အင်းစိန်မှုခင်းတပ်ဖွဲ့နှင့် ကြိုးမဲ့ကြေးနန်းနှင့် ယာဉ်ထိန်းတပ်ဖွဲ့တို့သည် ယင်းတို့၏ လုပ်ပိုင်ခွင့်များနှင့် ပတ်သက်၍ အာဏာပြိုင်ဆိုင်မှု အပြင်းအထန် ဖြစ်ပွားနေကြောင်း သိရသည်။

ယင်း ဖြစ်ရပ်တို့၏အစမှာ ပြီးခဲ့သည့် ၂၀၁၁ ခုနှစ်၊ ဒီဇင်ဘာလက ရန်ကုန်တိုင်းဒေသကြီး၊ ဗဟန်းမြို့နယ်တွင် ဦးသန်းရွှေ၏ မြေးဖြစ်သူ နေရွှေသွေးအောင် (ခ) ဖိုးလပြည့်မောင်းနှင်လာသေ မော်တော်ယာဉ်နှင့် အင်းစိန်မှုခင်းတပ်ဖွဲ့ (အောက်မြန်မာပြည်)၏ ဒုတိယမှုခင်းတပ်ဖွဲ့မှူးတို့ စီးနင်းလာသည့် မော်တော်ယာဉ်တို့ တိုက်မိရာမှ ဖြစ်ကြောင်း သိရသည်။

“တပ်ချုပ်ကြီးရဲ့မြေးကားနဲ့ တိုက်မိတယ်ဆိုပေမယ့် ကျွန်တော်တို့က ရဲမှူးကြီးကို ယာဉ်တိုက်မှုနဲ့ အရေးမယူပါဘူး။ ကားမှန်မှာ စတစ်ကာ ကပ်မှုနဲ့ပဲ အရေးယူလိုက်ပါတယ်။ ဒါပေမယ့် ဒီလိုအရေးယူလိုက်တဲ့ ဖြစ်ရပ်ရဲ့ နောက်ဆက်တွဲကတော့ ဆိုးလွန်းပါတယ်”ဟု ရန်ကုန်တိုင်း ဒေသကြီး၊ ယာဉ်ထိန်းတပ်ဖွဲ့မှ ရဲအရာရှိတစ်ဦးက ဆိုသည်။

အင်းစိန်မှုခင်းတပ်ဖွဲ့မှ ရဲမှူးကြီးအား ယင်းသို့ အရေးယူခြင်းကြောင့် မှုခင်းတပ်ဖွဲ့မှ ယာဉ်ထိန်းရဲများအား ပြစ်ချက်ရှာဖွေ၍ ဖမ်းဆီးခြင်းများကို လုပ်ဆောင်ခဲ့ခြင်းကြောင့် ယာဉ်ထ်ိန်းနယ်မြေ(၁)မှ တပ်ဖွဲ့ဝင်လေးဦးနှင့် အခြားယာဉ်ထိန်းနယ်မြေမှ တပ်ဖွဲ့ဝင်သုံးဦးတို့မှာ တိုင်ကြားစာရောက်ရှိသည် ဆိုသည့် တိုင်တန်းချက်ဖြင့် ဒီဇင်ဘာ တတိယရက်သတ္တပတ်က ဖမ်းဆီးခံခဲ့ရကြာင်း သိရသည်။

“အင်းစိန်မှုခင်းတပ်ဖွဲ့က ယာဉ်ထိန်းကိုဖမ်းတယ်။ ယာဉ်ထိန်းတပ်ဖွဲ့က သူ့လူတွေထိလို့ဆိုပြီး မြို့နယ်ရဲတွေ၊ တိုင်းရဲတွေ၊ ရဲထောက်လှမ်းရေးတွေ ဆိုင်ကယ်ရှိရင် ဖမ်းတယ်။ ဖြစ်ပုံက ဂျာအေးသူ့အမေရိုက်နေသလိုပဲ”ဟု ပန်းဘဲတန်းမြို့နယ်မှ ရဲအရာရှိတစ်ဦးက ဆိုသည်။
ကိုးကား Transparency Myanmar

ဖားကန့်လမ်းပိုင်း တိုက်ပွဲများကြောင့် ဒေသခံများ ထွက်ပြေးတိမ်းရှောင်

2012-01-08T12:34:00.003+07:00

ဇန်န၀ါရီ (၈)ရက် ၂၀၁၂ ခုနှစ်

ဖားကန့်ဒေသ လမ်းပိုင်းသို့ မြန်မာအစိုးရ စစ်တပ်များ အင်အား အလုံးအရင်း ထပ်မံ ဖြည့်တင်းနေသည့်အပြင် နေ့စဉ်ရက်ဆက် တိုက်ပွဲများ ဖြစ်ပွားနေသောကြောင့် တိုက်ပွဲများ ပိုမိုပြင်းထန်လာမည်ကို စိုးရိမ် ကြောက်လန့်ကာ ဒေသခံများ ဘေးလွတ်ရာသို့  ထွက်ပြေးတိမ်းရှောင် နေကြရပါသည်။

နှစ်ဖက်တိုက်ပွဲဖြစ်ပွားနေရာ ဖားကန့်ကားလမ်းပိုင်း နန့်ယားကျေးရွာ နှင့် လုံးခင်ကျေးရွာ ကြားရှိ ပျားအုံ ၊ ကျောက်ဖျာ ၊ ၅ မိုင်ကုန်း စသည့် ကျေးရွာများမှ ရွာသူရွာသားများသည် ယခုအခါ လုံးခင်းကျေးရွာ ပါတ်ဝန်းကျင်ရှိ ဘုရားရှိခိုးကျောင်းများတွင် ၀င်ရောက်တိမ်းရှောင် ခိုလှုံလျက်ရှိကြောင်း သိရသည်။ ယင်းကဲ့သို့ နေရပ်စွန့် ထွက်ပြေးတိမ်းရှောင်ခိုလှုံလျက်ရှိရာတွင်-

(၁) မော်စီဇာ အသင်းတော် ဘုရားရှိခိုးကျောင်းတွင် ခိုလှုံရောက်ရှိနေသူပေါင်း ( ၁၂၈)ယောက်
(၂) မော်စီဇာ ဘုန်းကြီးကျောင်းတွင် ရောက်ရှိခိုလှုံနေသူပေါင်း အယောက် ( ၃၀၁) ဦး
(၃) လုံးခင်းအသင်းတော် ဘုရားကျောင်းတွင် ရောက်ရှိခိုလှုံနေသူ ( ၂၈၁)ဦး
(၄) ရှအစ်ယန်ကျေးရွာတွင် ရောက်ရှိခိုလှုံနေသူပေါင်း (၁၇၀)ဦး

လက်ရှိ အားလုံးစုစုပေါင်း အယောက်(၈၈၀)ဦး ခန့် ရှိနေပြီဖြစ်ပြီး နေ့ စဉ်ထပ်မံထွက်ပြေးတိမ်းရှောင်သူများ ရှိနေဆဲဖြစ်ကြောင်း သိရသည်။ တိုက်ပွဲများကြောင့် ကချင်စစ်ပြေးဒုက္ခသည် စုစုပေါင်း ၅သောင်းကျော် အိုးအိမ်စွန့်ခွာကာ ထွက်ပြေးတိမ်းရှောင်နေကြရသည်။

Source (Jinghpaw Kasa)၊ Photo: RANIR, Jade's Facebook

ကေအိုင်အေ တပ်မဟာ(၂) (၃)နယ်မြေများတွင် တိုက်ပွဲဆက်တိုက်ဖြစ်ပွား

2012-01-08T12:19:00.002+07:00

ဇန်န၀ါရီ (၈) ရက်၊ ၂၀၁၂

ဇန်န၀ါရီ(ရ)ရက် ညနေပိုင်း ( ၃း၄၅)နာရီ အချိန်ခန့်  ကေအိုင်အေ တပ်မဟာ (၃)နယ်မြေ နာရူဘွမ် ( Na Ru Bum ) ကလယ်ခက် ( Kale Hkyet ) ဒေသ ဘက်သို့ စစ်ကြောင်းထိုးချီတက်လာသော မြန်မာအစိုးရတပ် တပ်မ (၈၈) လက်အောက်ခံတပ်ဖွဲ့ ဝင်များ နှင့် ကေအိုင်အေ တပ်ရင်း (၁၆)တပ်ဖွဲ့ ဝင် တို့  မရူကျေုးရွာ နှင့် ခယားကျေးရွာ ကြားတွင် တိုက်ပွဲပြင်းထန်စွာဖြစ်ပွားခဲ့ပြီး မြန်မာစစ်တပ်ဘက်မှ (၄)ဦးကျဆုံးကြောင်းသိရသည်။

ကေအိုင်အေ တပ်မဟာ (၂)နယ်မြေ မိုးကောင်း (၈)မိုင်ဒေသ နှင့် က၀ါးယန်( Kawa Yang) ကြား ရောက်ရှိနေသော မြန်မာစစ်တပ် နှင့် ကေအိုင်အေ တပ်ရင်း (၁၁)တပ်ဖွဲ့ ဝင်တို့  ဇန်န၀ါရီ (၇)ရက် မနေ့ က ညနေ (၃း၀၀)နာရီခန့် တွင် တိုက်ပွဲဖြစ်ပွားခဲ့ကြောင်းသိရသည်။

ဇန်န၀ါရီ(၆)ရက် မွန်းတည့် (၁၂း၀၀)နာရီအချိန် ခန့် က ကေအိုင်အေ တပ်မဟာ(၃)နယ်မြေ ဘန်ယောင် (Bang Yau ) ဒေသတွင် ကေအိုင်အေ တပ်ရင်း (၁၆)တပ်ဖွဲ့ ဝင်များ နှင့် မြန်မာစစ်တပ် ခလရ (၈၃)တပ်ဖွဲ့  တို့ တိုက်ပွဲပြင်းထန်စွာဖြစ်ပွားခဲ့ကြောင်းသိရသည်။ တိုက်ပွဲ အတွင်းသတင်းများကို ထပ်မံစုံစမ်းနေဆဲဖြစ်ပါသည်။

Source ( Kachinnet )၊ ဓါတ်ပုံ Jade's Facebook

BLACKJACK

2012-01-08T02:22:00.001+07:00

The cards we hold is a given
The cards we'll pick is a hidden
The game we are in is a written

Do the best of the originality
Bet the belongings of the individuality
Dream for hopes of current possibility
Hope for the chance of constant stability
Cease whatever the available opportunities

Will we really achieve our needs
Will we really receive our greed
Could we really lead our belief
This entire game is full of deceits

Will the banker break the laws
Will the winner take it all
No players allowed to withdraw

The card we apply for is never there
The luck we rely on is never fair
But no one can back off or be a spare

We bet up all our lifelines
God set up all organized crimes
Days are cards, Life is a game
We can neither win nor change

Play Blackjack till death!!!

A'karikz Yannaing
THE SECOND SECOND

အမေ့ဒိုင်ယာရီ (သို့မဟုတ်) မြေစာပင်တို့ရဲ့ နှလုံးသားပုံရိပ်

2012-01-07T11:34:00.006+07:00

ရဲဘော်မြတ်

၁၉၉၀ ခုနှစ်ရွေးကောက်ပွဲအပြီးနောက်တစ်လ၊ ကျနော့အသက် ၂၂ နှစ်အရွယ်မှာ တောခိုခဲ့ပါတယ်။ မိသားစုထဲမှာ အကြီးဆုံးသားဖြစ်တဲ့အပြင် အဲဒီအချိန်က ၁၀ တန်းအောင်ပြီး၊ ကောလိပ်ကျောင်းမှာ ဒုတိယနှစ်တက်နေတဲ့ အဆင့်မြင့် ကျောင်းသားဆိုလို့လည်း အိမ်မှာ ကျွန်တော်တစ်ယောက်ထဲပဲရှိတယ်လို့ဆိုရမှာပါ။ အဲဒီတော့ ကျနော်ဟာ မိသားစုရဲ့ အားအထားဆုံးသား ဖြစ်ခဲ့တယ်ဆိုရင်လည်း မမှားဘူး။

ရှစ်လေးလုံးလူထုအရေးတော်ပုံလို့ထင်ရှားတဲ့ ၁၉၈၈ ခုနှစ်က သြဂုတ်လ (၈) ရက်နေ့မှာ ကျနော်နဲ့ကျနော့ညီတို့လည်း ကိုယ့်မြို့မှာ လူထုလှုပ်ရှားမှုပေါ်ပေါက်ရေးအတွက် တခြားလူငယ်ကျောင်းသားတစ်ချို့နဲ့အတူ ပါဝင်ခဲ့ကြတယ်။ အဲဒီညက လူတွေထောင်ချီလောက်အောင်များလာပြီး အရင်ကျောင်းတော်က ရန်စရှိခဲ့သူဆန္ဒပြသမားတစ်ချို့က ရဲစခန်းရှေ့ကိုအရောက် လူအုပ်ထဲကနေ ရဲစခန်းကို အပြင်ကနေ တုတ်၊ ခဲ၊ လက်နက်တွေနဲ့ ပစ်ခတ်တိုက်ခိုက်တဲ့အတွက် ရဲစခန်းတွင်းကလည်း သေနတ်တွေနဲ့ ခြောက်လှန့်ပစ်ခတ်ခဲ့တယ်။ အဲဒီ သေနတ်သံတွေကို ကျနော်တို့ မြို့ထဲကလူတွေက ကောင်းကောင်းကြားရတယ်။ ကျနော် မနက် ၁ နာရီလောက် အိမ်ပြန်ရောက်တော့ ညီလေးက ရောက်နှင့်နေပြီ။ အမေက "မင်းတို့ကွယ်… သေနတ်သံတွေကြားတော့ ငါ့သားတွေဘာဖြစ်ကုန်ပြီလဲလို့ အမေစိတ်ပူလိုက်ရတာ" ဆိုပြီးမျက်ရည်စမ်းစမ်းနဲ့ အသံတုန်တုန်ရီရီ ပြောတယ်။

စက်တင်ဘာ (၁၈) ရက်နေ့၊ စစ်တပ်အာဏာသိမ်းတဲ့ညကလည်း ကျနော်တို့အပြင်မှာ…။ မနက် အိမ်ရောက်တော့ မျက်တွင်းတွေချိုင့်နေတဲ့အမေက သူတစ်ညလုံး သေနတ်သံ၊ ဗုံးသံတွေကြားမှာ သားတွေကို စိတ်မချလို့ အိပ်မပျော်တဲ့အကြောင်းနဲ့ အခု နောက်ဆုံး သားကြီးအိမ်ရောက်မှ စိတ်အေးရတော့တယ်ဆိုပြီး ကျနော့လက်တွေကို တင်းတင်းကြပ်ကြပ်ဆွဲထားရင်း ပြောခဲ့တယ်။

၁၉၈၉ ခုနှစ်အစပိုင်းလောက်က ညအချိန်မတော် အဖွဲ့စုံလက်နက်အပြည့်အစုံနဲ့ လူ ၃၀ လောက် အိမ်တံခါးလာခေါက်၊ အိမ်အနှံ့မွှေနှောက်ရှာပြီး စစ်ထောက်လှမ်းရေးရုံးမှာ တစ်ညအစစ်ဆေးခံခဲ့ ရသေးတယ်။ အဲဒီအချိန်က လုပ်ဖော်ကိုင်ဖက် တခြား ကျောင်းသား ရဲဘော် ၂ ယောက်လည်းပါတယ်။ ကျနော်အဲဒီအချိန်က စဉ်းစားမိတာက ငါ့အတွက် ထိပ်တိုက်စိန်ခေါ်မှုဖြစ်နေပြီ စကားမှားရင်တောင် ထောင်ကျအနှိပ်စက်ခံရနှိုင်တယ်၊ ထောင်ကျရင် သူတို့လက်ထဲမှာ သေလူလို ဘာမှ လွတ်လွတ်လပ်လပ် လုပ်လို့ရမှာမဟုတ်တော့ဘူးဆိုပြီးတော့ အဓိကအတိုက်အခံပါတီဖြစ်တဲ့ မြို့နယ် NLD ပါတီက လူတွေမကောင်းကြောင်းလျှောက်ပြောလိုက်တယ်။ စစ်မေးကြတဲ့ စစ်ထောက်လှမ်းရေးအရာရှိတွေနဲ့ အာဏာပိုင်တွေက မယုံချင့်ယုံချင်နဲ့ နောက်နေ့ကြတော့ ကျနော်နဲ့ ကျနော့သူငယ်ချင်းကျောင်းသားတွေကို ရဲစခန်းကတစ်ဆင့် ပြန်လွှတ်ပေးလိုက်တယ်။ အဲ… ရှစ်ဆယ့်ရှစ်ဆန္ဒပြပွဲကာလက သတင်းစာ ဟောင်းတွေ အိမ်မှာတွေ့သွားလို့ အစိုးရအကြည်ညိုပျက်စေသောစာရွက်စာတမ်းထားရှိမှုဆိုပြီး နှစ်လအတွင်း မြို့ကနေဘယ်မှမသွားရဘူးဆိုပြီး ရဲစခန်းမှာ အပတ်စဉ် လက်မှတ်ထိုးလိုက်ရသေးတယ်။ အဲဒီတုန်းက ရဲစခန်းကအပြန် အိမ်ကိုအ၀င် အမေက ကျွန်တော့ကို သားကြီးပြန်လာပြီဆိုပြီး မျက်ရည်စတွေနဲ့ပြေးထွက်ကြိုခဲ့တယ်။

နောက်ပိုင်း ၁၉၈၉ မှာ အန်တီစု (ဒေါ်အောင်ဆန်းစုကြည်) က သူ့အစီအစဉ်နဲ့သူ အာဇာနည်နေ့ ရန်ကုန်မှာချီတက်အလေးပြုမယ်လို့ကြေငြာခဲ့တယ်။ အဲဒါနဲ့ ကျနော်တို့ဟင်္သာတမှာလည်း ဖြစ်အောင်လုပ်မယ်ဆိုပြီး ပန်းခွေနှစ်ခုရှာပြီးထလုပ်ထည့်လိုက်တော့ မထင်မှတ်ပဲ လူ ၆၀ ကျော်ဖြစ်သွားပြီး ချီတက်လာတဲ့ ဈေးကြီးကိုဖြတ်ဝင်ရမယ့်လမ်းကြောင်းကိုလည်း ရဲကပိတ်ထားလို့ မြို့ထဲကနေပတ်ချီတက်ကြရတော့ တမြို့လုံးဟိုးလေးတကျော်ဖြစ်သွားတယ်။ အဲဒီချီတက်မှုမှာလည်း အများတောင်းဆိုချက်အရ ကျနော်ဦးဆောင်ရပြန်ပါတယ်။ ကံကောင်းတယ်လို့ ဆိုမလား အာဏာပိုင်တွေက အာဇာနည်ကုန်းကို ၀င်ခွင့်ပေးခဲ့ပြီး အဖမ်းအဆီးလည်းမရှိခဲ့ပါ။ အရင်တစ်လောက ဗိုလ်ချုပ်သာအေးလို့ ကြားလိုက်တဲ့ ဗိုလ်မှူးသာအေးက အဲဒီအချိန်က မ၀တဥက္ကဌပေါ့။ ရ၀တ ရပ်ကွက်လူကြီးအဖြစ် အရွေးခံထားရတဲ့အဖေက မြို့နယ်ငြိပ်ပိ (မ၀တ) ရုံးမှာ အဲဒီလှုပ်ရှားမှုဗွီဒီယိုခေါ်ပြတာကြည့်ပြီး ပြန်လာတဲ့အခါ "ဟေ့ကောင်… အကြီးကောင်… မင်းအိမ်ဦးခန်းမှာပဲသွားနေပါကွာ၊ နိုင်ငံရေးမလုပ်ပါနဲ့တော့။ ငါတစ်သက်လုံးရှာကြွေးပါ့မယ်၊ မင်းလုပ်တာနဲ့ တစ်မိသားစုလုံးဒုက္ခရောက်ကုန်လိမ့်မယ်" ဆိုတာမျိုးပြောခဲ့သေးတယ်။ အမေကတော့ မျက်ရည်ဝိုင်းပြီး ခပ်လှမ်းလှမ်းကနေ ကျနော့ကို လှမ်းကြည့်နေခဲ့တာပေါ့်။

အဲ… ၁၉၉၀ ရွေးကောက်ပွဲနေ့ရောက်တော့ ကိုယ့်ပါတီမနိုင်မှာစိုးတဲ့ နိုင်ငံရေးပိုးက ထလာပြန်တော့ လူစု အချိန်းအချက်လုပ်ပြီး စက်ဘီးတွေရှေ့မှာ NLD ပါတီအလံလေးတွေစိုက်၊ ခမောက်တွေဆောင်းပြီး လူငယ်ကျောင်းသား တစ်ရာ တစ်ရာ့ငါးဆယ်လောက်နဲ့ တမြို့လုံးလိုက်လှည့်ပြီးရွေးကောက်ပွဲ အောင်နိုင်ရေးလုပ်တော့လည်း ၀င်ပြီး ပါရပြန်ပါလေရော။ ရလဒ်အဖြစ်လည်း မဲဆန္ဒနယ် ၂ ခုစလုံးအပြတ်အသတ်အနိုင်ရခဲ့ပါတယ်။ ဒါပေမယ့် ဂန္ဓီကြေညာချက်ကြောင့် ဆိုပြီး ကျနော့မိတ်ဆွေ ပူပူနွေးနွေး NLD လွှတ်တော်အမတ် ဒေါက်တာဇော်မြင့်ကိုဖမ်းသွားတာကြောင့် ကျနော်တို့လည်း ဘေးလွတ်ရာကို အမြန်ရှောင်ကြဖို့ ဖြစ်လာတာက တစ်ကြောင်း၊ စစ်အစိုးရအပေါ် လုံးလုံးအယုံအကြည် မရှိတော့တာက တစ်ကြောင်းဖြစ်လို့ နောက်ဆုံး လက်နက်ကိုင်တော်လှန်ရေးနဲ့ အဖြေရှာဖို့အတွက် ကျနော်နဲ့ တခြားကျောင်းသားလူငယ်နှစ်ဦး အားလုံးသုံးဦးတောခိုဖို့ ဖြစ်လာတယ်။

ကျနော်အိမ်မှာ အိပ်တဲ့ကုတင်က အဖေနဲ့အမေတို့ အခန်းဝမှာ။ ကျနော်မနက် အိမ်ကထွက်တော့မှာမို့ အဲဒီညက တော်တော်နဲ့ အိပ်မပျော်ပါ။ ကျနော် မိဘတွေကိုလည်း ခရီးစဉ်ကို အသိမပေးရဲတော့ ကျနော်အဲဒီညက သန်းခေါင်ကျော်လောက် ဖေဖေမေမေတို့အိပ်မောကျတဲ့အချိန်မှာ ကုတင်ပေါ်ကဆင်း မိဘတွေရဲ့ အခန်းဝက ဒူးထောက်ပြီး စိတ်ထဲကရည်ရွယ်ရင်း တိတ်ဆိတ်စွာနှုတ်ဆက်ကန်တော့ခဲ့တယ်။ ဒါဟာ အမေ့ကို နောက်ဆုံးနှုတ်ဆက်ခြင်းဖြစ်မယ်လို့ မတွေးမိခဲ့ဘူး။

ကျန်တဲ့နေရာတွေက မော်တော်စီး၊ ရထားစီးလာလို့ရပေမယ့် မော်လမြိုင်ကနေပြီး လမိုင်းရွာကို အရောက် ဆက်သွားရမယ့်လမ်းက လမ်းလျှောက်မှဖြစ်မှာမို့ ကျနော်တို့ ပထမဆုံး ရွာတွေ၊ တောင်တွေ၊ တောတွေဖြတ်ပြီး ၁၃ ရက်လမ်းလျှောက်ခဲ့ကြတယ်။ တစ်သက်လုံး ဒီလောက်အဝေးကြီး လမ်းမလျှောက်ဖူးတော့ ကျနော်တို့ ခြေထောက်တွေ ပြဲလန်ဖူးရောင်ကုန်ပြီး တစ်ညနားတိုင်း တစ်ကိုယ်လုံးကိုက်ခဲနေတဲ့ ဒဏ်ကို ပထမဆုံး ခံကြရတော့တာပါဘဲ။ တောင်တွေကလည်း အတက်အတိုင်း ခြေထောက်တွေကို ထိမ်းပြီး ဆင်းကြတဲ့အခါ ဒူးတွေဆတ်ဆတ်တုန်လာတဲ့အထိ မိုးလင်းမိုးချုပ် အဝေးကြီး လျှောက်ကြရတယ်။ တပ်မတော်စစ်ကြောင်းသတင်းကိုလည်း ရွာဆက်သားတွေကတစ်ဆင့် နားထောင်ရင်း သူတို့နဲ့လမ်းမှာ မဆုံဖြစ်အောင် ရှောင်ကွင်း သွားခဲ့ကြရတာတွေလည်းရှိတယ်။ ဘုရားသုံးဆူရထားလမ်းဟောင်း အပိုင်းအပြတ်တွေကို ဟိုနေရာတွေ့လိုက် ဒီနေရာတွေ့လိုက် မွန်ရွာတစ်ချို့ဖြတ်လိုက်၊ ကရင်ရွာတစ်ချို့ ဖြတ်လိုက်နဲ့ နောက်ဆုံး KNU ဒူးပလာယာခရိုင်အခြေစိုက်ရုံး (အဇင်းရွာအနီး) ရောက်တော့မှ လုံခြုံတဲ့နေရာရောက်ပြီဆိုပြီး ခရီးစဉ်တစ်ဖြတ်ပြီးဆုံးခဲ့ပါတယ်။

နောက်ပိုင်း ကျောင်းသားတပ်မတော် ဗဟိုဌာနချုပ်အခြေစိုက်တဲ့ မာနယ်ပလောဒေသက လောကွားလူ စခန်းကိုရောက်ခဲ့ကြတယ်။ ကျနော် ကျောင်းသားတပ်မတော်မှာ တပ်ဖွဲ့ဝင်အနေနဲ့ ၁၉၉၀ ကနေပြီး ၂၀၀၁ အထိ တောတွင်းတာဝန်တွေအပြင် ပြင်ပဆက်ဆံရေးတာဝန်တွေပါ တာဝန်ထမ်းဆောင်ခဲ့ပါတယ်။ ကျနော်တို့တောထဲမှာ ဗမာ့တပ်မတော်နဲ့မတိုက်ရခင် အရင်ဆုံးတိုက်ရတဲ့ ရန်သူက ငှက်ဖျားပါ။ ကျနော် ABSDF မှာ တပ်ဖွဲ့ဝင်အဖြစ်ရှိစဉ်က ဦးဏှောက်ထဲငှက်ဖျားပိုးဝင်တဲ့ရောဂါနဲ့ နှစ်ခါတိတိ ၃ ရက်လုံးလုံး သတိလစ်နေခဲ့တာရှိပါတယ်။ ပြန်ပြီးသတိရတဲ့အချိန်မှာ ခေါင်းက ဟိုတွေးဒီတွေး ရူးချင်သလိုလိုဖြစ်နေတာမျိုးကို အဲဒီနှစ်ခါစလုံး ကြုံရတယ်။ တကယ်တော့ ဒီလိုငှက်ဖျားမျိုးကြောင့် သေဆုံးခဲ့ကြရတဲ့၊ ရူးသွတ်သွားကြတဲ့ ရဲဘော်တွေ ဒုနဲ့ဒေးပါ။ တစ်ခါဆို ရှေ့တန်းစစ်စခန်းကို ရောက်ခါနီး ငှက်ဖျားတက်လာပြီး ရှေ့က စစ်ကြောင်းနောက်ကို ဆက်မလိုက်နှိုင်တော့လို့ အဖျားကျတဲ့အချိန်အထိ လမ်းဘေးခြုံစပ်မှာ ပုဆိုးခြုံ သေနတ်ပိုက်ပြီး တစ်နာရီလောက် ၀င်ကွေးနေခဲ့ရတာမျိုးအပြင် ငှက်ဖျားတက်နေတာတောင် စစ်ပူတဲ့အချိန်မို့ မိုးရွာကြီးထဲ ညကင်း ထစောင့်ခဲ့ရတာတွေလည်း မနည်း ကြုံခဲ့ရပါသေးတယ်။

နောက်ပြီး ကျွန်တော့ရဲ့ လက်နက်ကိုင်တော်လှန်ရေးဖြတ်သန်းမှုမှာ အန္တရာယ်များတဲ့ တိုက်ပွဲတွေကြားထဲ ရောက်ခဲ့တာတွေလည်းရှိတယ်။ ၁၉၉၂ လောက်က ကျွန်းပင်ဝင်း ရွာကြီးပတ်ဝန်းကျင်မှာ တိုက်ပွဲဖြစ်နေတုန်း လက်နက်ကြီး ကိုယ့်ဘေးမှာလာကျတော့ ကျနော့ တစ်ကိုယ်လုံးထုံကျင်ပြီး ရုတ်တရက် လှုပ်မရဖြစ်နေတယ်။ လေပူကြီးကလည်း ကိုယ့်ကိုလွှမ်းခြုံထားပြီး နားတွေကလည်း ဘာမှမကြားရတော့ဘဲ "စီ" ကနဲဖြစ်နေတယ်။ အဲ … နောက်မှ ခြေထောက်တွေ လက်တွေ တစ်ချောင်းချင်း အသာလှုပ်ပြီး ရှိသေးရဲ့လားလို့ မရဲတရဲ ဖြေးဖြေးပြန်ကြည့်၊ အိုကေနေသေးတယ်ဆိုမှ တစ်ခါ သေနတ်ပြန်ကောက်ပြီး ထပစ်ခဲ့ရတာမှတ်မိနေသေးပါတယ်။ နောက်ပြီး ကျနော့လို တိုက်ပွဲအတွေ့အကြုံသိပ်မများတဲ့ ရဲဘော်တောင် တစ်ခါတလေ တကယ်ပြင်းထန်တဲ့ တိုက်ပွဲတွေထဲမှာရောက်နေခဲ့တာလည်း ရှိခဲ့ပါတယ်။ ၁၉၉၃ ခုနှစ်မှာ ABSDF တပ်ဖွဲ့ဝင်သက်သက်ချည့် ကျနော်တို့ ၃၆ ယောက်လောက်နဲ့ စောထတောင်ကုန်းတစ်ခုမှာ မည်းနေအောင် တက်လာတဲ့ ရန်သူ ၅၀၀ လောက်ကို ခံချရတဲ့ တိုက်ပွဲမျိုး၊ ကျနော်တို့ အားမတန်လို့ ဆုတ်ခဲ့တာတောင် နောက်ကနေ ပွိုင့်ဖိုက်လို လေယဉ်ပစ် သေနတ်မျိုးနဲ့ အောက်ကိုလိုက်ပစ်လို့ ကျောက်တောင်တွေတွယ်ဖက်ဆုတ်ကြရင်း လှမ်းဆွဲတဲ့ ကျောက်တုံးပဲ့ပြီး သံလွင်မြစ်ထဲ Equipment အပြည့်အစုံနဲ့ ပြုတ်ကျပြီး ရေနစ်နေတာမျိုးလည်း ကြုံရတယ်။ ရဲဘော်တစ်ယောက် လှမ်းလိုက်တဲ့ သေနတ်ဒင်ကို ဆွဲမိပေလို့။

ဒါပေမယ့် တောထဲမှာ ငှက်ဖျားတက်နေတဲ့အချိန်လောက် အထီးကျန်ဆန်တဲ့ အချိန် ကျနော့ဘ၀မှာ မရှိဘူးလို့ပြောရမလိုပါဘဲ။ အဲဒီအချိန်တိုင်းဟာ ကျနော့အမေနဲ့အိမ်ကို သတိရဆုံးအချိန်တွေပါ။ အိမ်မှာဆိုရင် ကျနော် ဖျားနာတဲ့အချိန်၊ အမေဟာ ရေဖလားတစ်လုံး ယူလာတတ်ပြီး ကျနော့ နဖူးပေါ်ကို ရေဆွတ်ထားတဲ့ လက်ကိုင်ပုဝါ တင်ပေးပြီး အပူကျသွားအောင် လုပ်ပေးလေ့ရှိသလို၊ ကျနော့နဖူးကို ကိုယ်ပူရှိမရှိ သူ့လက်နဲ့လည်း မကြာခဏ စမ်းကြည့်တတ်ပါသေးတယ်။ တောထဲမှာ စောင့်ရှောက်ပေးမယ့် တခြားရဲဘော်တွေရှိတယ်ဆိုပေမယ့်လည်း ငှက်ဖျားက တုန်ချမ်းလိုက်၊ တကိုယ်လုံးပူလာလိုက်နဲ့ အမျိုးမျိုးတက်လာတဲ့အခါ အားကုန်ပြီး မစားချင်မသောက်ချင်ဖြစ်လာတယ်။ မကြာခဏဆိုသလို အန်ပြီး အိပ်ယာထဲ လှဲနေရတာ။ အရမ်းပင်ပန်းနွမ်းနယ်ပြီး တခြားသူတွေလို မလုပ်နှိုင် မကိုင်နှိုင်ဖြစ်တော့ အားငယ်တဲ့စိတ်လည်း တခါတလေ ၀င်လာတယ်။ ငှက်ဖျားကာကွယ်ဆေး ကွီနင်း Quinine ဆေးလို ဆေးခါးခါးအပါအ၀င် တခြားဆေးတွေကို ပဲလှော်စားသလို တနေ့ သုံးလေးခါ မသောက်ချင်ပဲ သောက်ရသေးတယ်။ အဲဒီအချိန်တွေမှာ အမေနဲ့ မိသားစုအကြောင်းကို ပိုတွေးဖြစ်သလို ပိုလည်းသတိရတယ်။ အိမ်ကိုလွမ်းတဲ့စိတ်၊ အိမ်ပြန်ချင်တဲ့စိတ်တွေ အဖြစ်ဆုံးအချိန်တွေပါပဲ။

၁၉၉၅ ခုနှစ်က ကျနော့ကိုလိုက်ရှာလို့ နယ်စပ်မှာတွေ့ခဲ့ရတဲ့ ညီမတစ်ယောက် ပြောပြတော့မှ အမေဟာ ၁၉၉၂ မှာ နှလုံးရောဂါနဲ့ဆုံးပြီလို့သိရတယ်။ ဒါလည်း ကျနော့စိတ်ကြောင့်ပါဘဲ။ "မေမေက ကိုကြီးထွက်သွားကတည်းက ကိုကြီးရဲ့ အင်္ကျီစုတ် ဖိနပ်စုတ်ကအစ သူ့သားကြီးနဲ့ပတ်သက်တာတွေကို သံသေတ္တာလေးတစ်ခုထဲမှာ ထည့်ပြီး သိမ်းထားခဲ့တာ" လို့ ညီမလေးကပြောတယ်။ ဒါတောင် ကျွန်တော်သိပ်မခံစားရပါ။ လွန်ခဲ့တဲ့ သုံးနှစ်ကတည်းက အမေဆုံးပါးခဲ့တာကို အခုမှသိရတာကြောင့် အမေဆုံးတာကို သြော်.. အမေဆုံးပြီလား၊ ဘယ်တတ်နှိုင်မလဲကွာ သူဒီလောက်ပဲ နေရမယ့်ကံ ပါလာကိုးလို့ ညီမလေးကို ပြောဖြစ်လိုက်တယ်။

ကျနော်အိမ်က ထွက်လာပြီးနောက်ပိုင်း အိမ်နဲ့အဆက်အသွယ် လုံးဝမလုပ်ဖို့ ကြိုးစားခဲ့ပါတယ်။ တကယ်တော့ မိသားစုကို ကျနော့ကြောင့် ဒုက္ခမရောက်စေချင်တာပါ။ ဒါပေမယ့် အာဏာပိုင်တွေကတော့ ကျနော့အိမ်ကို ကျနော်နဲ့အဆက်အသွယ်ရှိမရှိ တစ်လကို အနဲဆုံး သုံးလေးခါ သွားရှာကြတယ်တဲ့။ ကျွန်တော် အိမ်ကထွက်လာပြီးနောက်ပိုင်း အဲဒီလိုအနှောက်အယှက် ပေးမှုတွေကြောင့် ညီညီမတွေလည်း ခဏခဏ အလုပ်ပြုတ်ကုန်တယ်။ အမေဆုံးပြီးနောက်ပိုင်း အိမ်ထောင်စုစာရင်းထဲက ကျနော့နာမည်ကိုဖျက်ပြီး တစ်မိသားစုလုံး တခြားမြို့ကိုပြောင်းနေကြတော့မှ ရှာဖွေရေးဒါဏ်ကင်းကင်း လုပ်ကိုင်စားနှိုင်တော့တယ် ဆိုပဲ။

ညီမလေးပြန်သွားပြီး လအနည်းငယ်အကြာမှာ အိမ်က ညီညီမတွေက အမေ မသေခင် ရိုးရိုးဗလာစာအုပ်ကလေးထဲမှာ ကျနော့ကို သတိရတိုင်း ရေးလိုက်၊ ဘယ်သူမှမမြင်အောင် ဖွက်ထားလိုက်နဲ့ အမေ့အလောင်းမြေကျမှ အမေ့အိပ်ယာရှင်းရင်းနဲ့ ဖျာအောက်မှာတွေ့ခဲ့ကြတဲ့ ဘယ်သူမှမသိခဲ့တဲ့ ဒိုင်ယာရီစာအုပ်လေးကို ကျနော့ဆီကို ပို့ပေးလိုက်ကြတယ်။ စာအုပ်မျက်နှာဖုံးမှာ ကျနော့ကို ကိုလိပ်မူထားတယ်။ တကယ်တော့ အဲဒီအရောင်လွင့်နေပြီဖြစ်တဲ့ ဗလာစာအုပ်လေးဟာ ကျနော်အများအတွက် စွန့်လွှတ်ပြီး လုပ်ခဲ့ရတဲ့ ရလဒ်အဖြစ် အမေ့ဆီက ရတဲ့ အမွေအနှစ်ပါဘဲ။ ဟိုခေတ်က ကိုးတန်းလောက်အထိ ပညာသင်ခဲ့ဖူးတဲ့ အမေလက်ရေးလေးတွေဟာ အရင်လိုရှင်းပြီး လှနေတာပါဘဲ။ စာမျက်နှာ နှစ်မျက်နှာလောက် ဖတ်ရင်း အမေ ကျနော့အပေါ်ထားတဲ့မေတ္တာတရားကို တစိမ့်စိမ့်စဉ်းစားပြီး မျက်ရည်ကျရတယ်။ ကျနော် ဆက်မဖတ်ရက်တော့သလို ဆက်လည်း မဖတ်ရဲတော့ဘူး…။ နောက်မှ ကျနော် တဖြည်းဖြည်းချင်းဖတ်ယူရတယ်။ အမေ့လက်ရေးနဲ့ စာကြောင်းတိုင်းက အမေကျနော့အပေါ်မှာ ဘယ်လောက်အထိ ချစ်တယ်၊ တန်ဖိုးထားတယ်ဆိုတာကို ပြောပြနေတယ်။ ကျနော့ဘ၀အတွက် အစားထိုးမရတဲ့ ဆုံးရှုံးမှုဖြစ်လို့ ရင်ထဲကလှိုက်ပြီး ယူကျုံးမရလည်းဖြစ်ရတယ်။

တစ်ရက် အိပ်မက်ထဲမှာ အမေက ကျနော့ အိပ်ယာဘေးမှာ စိုးရိမ်စိတ်နဲ့ငုံ့ကြည့်နေတာတွေ့ရပြီး လန့်နိုးလာတော့ ကျနော့ကိုမျှော်နေခဲ့တဲ့ အမေ့အကြောင်းတွေးရင်း ကျနော် ရှိုက်ကြီးတငင် ငိုချပစ်လိုက်မိတယ်။ ကျနော်ချစ်တဲ့ ကျွန်တော့နိုင်ငံနဲ့ မိသားစုရဲ့အဝေးမှာ အနှစ် ၂၀ ကျော် (ကျနော့ရဲ့အသက်ထက်ဝက်လောက်) နေနေရတဲ့ အချိန်တွေအတွင်းမှာ ကျနော့ရဲ့ ရဲဘော်မိတ်ဆွေတွေ၊ ကျနော့ညီမတွေ မိခင်တွေဖြစ်လာကြတယ်။ ကျနော်ကိုယ်တိုင် သမီးလေးတစ်ယောက်အဖေ၊ ကလေးအဖေဖြစ်လာတယ်။ အဲဒီအခါမှာ မိဘမေတ္တာကို ပိုပြီးစဉ်းစားကြည့်မိတယ်။ ကျနော်လို အဖေ တစ်ယောက်တောင် သမီးကို သဲသဲလှုပ်ဖြစ်နေတာ၊ အိမ်ကထွက်သွားပြီး သေသလားရှင်သလားမသိရတဲ့သားတစ်ယောက်ရှိနေတဲ့ ကျနော့အမေ ဘယ်လိုခံစားနေခဲ့ရမလဲ။ ကျနော့လို အိမ်ကထွက်သွားတဲ့သားရှိတဲ့အမေတွေ၊ ထောင်ကျတဲ့ သားသမီးရှိတဲ့ အမေတွေ ဒါမှမဟုတ် အခြားတစ်နည်းနည်းနဲ့ သားသမီးဆုံးရှုံးရတဲ့မိခင်တွေ ရဲ့ရင်ထဲမှာဘာတွေရှိမလဲ။ ကျနော် ပိုပြီးကိုယ်ချင်းစာတတ်လာတယ်။ အမေဟာ ကျွန်တော်တို့ သားသမီးတွေရဲ့ လက်ဦးဆရာပါ။ အမေ့ရဲ့သွန်သင်လမ်းပြပေးခဲ့မှုတွေသာမပါရင် ကျနော်တို့ ဘ၀ကို သတ္တိရှိရှိ ရင်ဆိုင်ဖြတ်သန်းဖို့ မလွယ်ကူနှိုင်ပါ။ အမေ့ဒိုင်ယာယီလေးထဲမှာ အဖေ့ကိုတောင် ကျနော့ဘက်က မခံနှိုင်တဲ့ဒေါသနဲ့ ရေးထားတာတွေ ရှိပါတယ်။ ကျနော် အမေ့ဒိုင်ယာယီကို စကားလုံးလေးတစ်လုံးလောက်တောင် တည်းဖြတ်တာမျိုး မလုပ်ရက်ပါ။

မြန်မာနိုင်ငံရဲ့ အတ္တတွေလွှမ်းနေတဲ့ နိုင်ငံရေးပဋိပက္ခနဲ့ ပြည်တွင်းစစ်ကြီးက ကျွန်တော်တို့ နိုင်ငံနဲ့ လူမျိုးကို ဘာကောင်းကျိုးတွေပေးနေလဲ။ မြန်မာနိုင်ငံသားတွေဟာ ကမ္ဘာ့အဆင့်မပြောနဲ့ ကိုယ့်ဒေသတွင်းမှာတောင် မျက်နှာငယ်ငယ်နဲ့ အနိမ့်ကျဆုံး အဆင့်ကိုရောက်နေရပြီ။ နှစ်ပေါင်းများစွာ မြန်မာပြည်သူတရပ်လုံးခံစားနေရတဲ့ တိုင်းရင်းသားအချင်းချင်းတိုက်နေတဲ့ ပြည်တွင်းစစ်ပွဲတွေ၊ မတရားမှုတွေ၊ မိတကွဲဖတကွဲဖြစ်ကြတဲ့အဖြစ်ဆိုးတွေ အခုလိုအချိန်မျိုးမှာ ချုပ်ငြိမ်းသင့်ပြီထင်ပါတယ်။ ကျနော်တို့ သားအမိထက်ဆိုးရွားတဲ့အဖြစ်ပျက်တွေအများကြီး အရင်က ရှိခဲ့သလို အခုအထိ မြန်မာပြည်နေရာအနှံ့မှာ ပုံစံမျိုးစုံနဲ့ ဆက်ရှိနေဆဲပါ။ အမေ့လိုအမေများနဲ့ ကျနော့လိုသားတွေကို ဖန်တည်းဖြစ်ပေါ်စေခဲ့တဲ့ အဖြစ်မျိုးတွေက မျိုးဆက်အားလုံး အမြန်ဆုံး ကင်းဝေးကြပါစေ၊ လွတ်လပ်ကြပါစေလို့ ဆုတောင်းရင်း စနစ်ရဲ့သားကောင် မြေစာပင်တို့ရဲ့ နှလုံးသားပုံရိပ်ကို ထင်ဟပ်စေတဲ့.. အမေ့ရဲ့ လက်ရေးမူအတိုင်း အမေ့ဒိုင်ယာယီလေးကို ဝေမျှပေးလိုက်ပါတယ်။ သားကြီးရဲ့ ဘ၀မှာ ပြုခဲ့သမျှကောင်းမှုကုသိုလ်တွေအားလုံး အမေ့ကို အမျှပေးဝေပါတယ်။ အမေကောင်းရာသုဂတိလားပါစေ။

Memo All

(ကျနော့ရဲ့ ဖြတ်သန်းမှုကို ကနေဒါနိုင်ငံက သတင်းနဲ့ စာနယ်ဇင်းအတွေ့အကြုံပြည့်ဝတဲ့ မိတ်ဆွေတစ်ဦးဖြစ်တဲ့ ပေါလ် ရဲ့အကူအညီနဲ့လွန်ခဲ့တဲ့ တစ်နှစ်ကျော်လောက်ကတည်းက အင်္ဂလိပ်လို ကြိုးစားပြီးရေးနေတာ အတော်လေးတော့ ခရီးရောက်နေပြီပြောရမှာပါ။ အဲဒါကို ဒီထက်ပြည့်စုံအောင် မြန်မာဘာသာနဲ့လည်း ပြန်ရေးဖို့လည်း ဆန္ဒရှိပါတယ်။ ကျနော့ကို ဒီစာလေးရေးဖြစ်အောင် တိုက်တွန်းခဲ့ကြတဲ့ ရဲဘော်ညီအကိုမောင်နှမမိတ်ဆွေများအပါအ၀င် ကျနော့ကိုလက်တွေ့ ၀ိုင်းဝန်း အကြံပေးကူညီခဲ့ကြတဲ့ ရဲဘော်ကြီးမောင်မောင်တိတ်၊ ရဲမေ မငယ် (ငယ်နိုင်) နဲ့၊ ရဲဘော် သက်ဦးတို့ကို အထူးကျေးဇူးတင်ရှိပါကြောင်း။)

လွတ်လပ်ခြင်း အနုပညာရုပ်ရှင်ပွဲတော် အကောင်းဆုံး ဇာတ်ကားငါးကား

2012-01-06T21:24:00.006+07:00

ဇန်န၀ါရီလ ၄ ရက်နေ့က လွတ်လပ်ခြင်း အနုပညာရုပ်ရှင်ပွဲတော် ကျင်းပပြုလုပ်ခဲ့ပါတယ်။ လွတ်လပ်ခြင်း အနုပညာရုပ်ရှင်ပွဲတော်မှာ ဆုရရှိခဲ့တဲ့ အကောင်းဆုံး ဇာတ်ကား ငါးကားကို ဆုံဆည်းရာမှ စုစည်းဖော်ပြလိုက်ပါတယ်။

မှတ်တမ်းရုပ်ရှင်ကား
ပြည်ပရောက် ဒါရိုက်တာ စိုင်းကျော်ခိုင်၏ "Click In Fear"

အကောင်းဆုံးဇာတ်ကားတိုဆု
ဒါရိုက်တာ မင်းသိုက် ရိုက်ကူးသည့် “ကြိုး”

အကောင်းဆုံး Animation ဆု
ဒါရိုက်တာ ဇော်ဗိုဗိုဟိန်းရိုက်ကူးသည့် “Unity & Freedom"၊

လူငယ်ပါရမီရှင်ဆု
အသက်အငယ်ဆုံး ၁၉နှစ်သား ဒါရိုက်တာ အောင်ဇော်မိုးရိုက်ကူးသည့် "Still In Dark"

ပရိသတ် အကြိုက်ဆုံးဇာတ်ကားဆု
ဒါရိုက်တာဝိုင်း၏ “အဲဒီအခန်းဖြတ်”

ရေနှစ် နေတဲ့ နတ်

2012-01-06T21:09:00.002+07:00

ဘုရင့်ကို မုန်းလို့သာ
ပန်းပဲမောင်တင့်တယ် နတ် ဘုန်းကြီးခဲ့ရ..
တကယ်သာ မောင်တင့်တယ် 'မင်း' ဖြစ်ခဲ့တယ်ဆိုပါစို့။
သူတို့ပဲ ပြန်ဆွဲချကြမှာ...
အဲဒီ ကိုးကွယ်နေတဲ့ လူတွေပဲပေါ့။

ရပ်နိုင်ပေ့... ရပ်နိုင်ပေ့နဲ့
ကြီးခဲ့တဲ့ကောင်လေး
မြှောက်ပေးရင် ကြိုက်တဲ့သူ
ကြီးတော့လည်း သူတို့အကြိုက်တွေချည်း လုပ်ပြပါ
ချီးယားလီဒါတွေနဲ့ပဲ တွေ့ခဲ့ရ။

သူတို့က လက်ဖက်ရည်ဆိုင်မှာ
လေထန်နေတုန်း
ငါက တောင်ကုန်းတွေပေါ်
ခြေထန် ချွေးထန်ခဲ့ရ
မောလွန်းလို့ ခဏနားပါတယ်
ဓါးအိမ်ထဲ ဓါးထည့်မိရုံ ရှိသေး
ထွက်ပြေးတော့မယ့်ကောင်..
အတွေးအခေါ်အရ ခပ်ကြောင်ကြောင်
လက်နက်ချတော့မယ့်မောင် ပြောလို့နေ။

သူတို့က ငွေရှာ အိမ်ပြန်ပို့
သံရုံးကိုဖို့ အခွန်ဆောင်နေချိန်မှာ
ငါတို့ကိုတော့ ပရောဂျက်စား
တိုင်းတပါးမှာ ဇိမ်ကျ
စားခွက်လုနေကြပြီး
ဖောက်ပြန်ဝဖီး နေသတဲ့။

ငါတို့က ကိုယ်မလုပ်နိုင်တဲ့ ကိစ္စတွေအတွက်
နတ်တွေ မွေးကြစို့ရဲ့
သူများ ရင်ပတ်တွေငှား ကြစို့ရဲ့
ငကြောက်တွေက လူတချို့ကို သူရဲကောင်းတင်ပြီး ရေထဲကန်ချ
ငါတို့က အနူကုဆရာဝန်ကို နူခိုင်းကြစို့။

"ဒါလေး ပြောလိုက်ပါလားကွာ
ဒီလို လုပ်လိုက်ပါလား၊
ဒီကောင်တွေက လူ့အန္ဓတွေ၊
ဟိုဖက်နဲ့ ဘာမှမထူးဘူး
ငမူး ငရူး
လောက်တွင်း လူးလူးလိမ့်လိမ့်ကောင်တွေ..."

သူတို့က အာသာပြေ 'စစ်' တွေတိုက်တယ်
လေတွေနဲ့ ဒုံးပျံတွေလွှတ်တယ်
ရဲရဲတောက် အီး-မေးလ်တွေရေးတယ်
ဖေ့ဘုတ်ထဲ ဗုံးတွေခွဲတယ်။

အဲသည်လူတွေကပဲ
မပြောမဆို ..
ငါ့သမိုင်းကိုလှောင်ပြောင် ငါ့ဖောင်ကို ၀ိုင်းဖျက်လိုက်ကြတယ်။
အဲဒီလိုနဲ့
ရေနစ်နေတဲ့သူဟာ
အဲသည်ရေကိုပဲ 'ဂလု' 'ဂလု' နဲ့ ထပ်သောက်နေရတယ်
အနှစ် ၂၀...။

ယောဟန်အောင်
၈ မေ၊ ၂၀၀၈ ခုနှစ်။

KIA ပစ်ခတ်မှုကြောင့် စစ်တပ်ရဟတ်ယာဉ်တစင်းပျက်ကျ၊ မြန်မာစစ်တပ် အင်အားထပ်မံတိုးချဲ့ နေ

2012-01-06T19:17:00.004+07:00

ဇန်န၀ါရီ ၆ ရက် ၂၀၁၂

ဗန်းမော်မှတဆင့် ကေအိုင်အေ တပ်မဟာ(၃) နယ်မြေဘက်သို့ ပျံသန်းဝင်ရောက်လာသော စစ်ဘက်သုံး ရုရှားလုပ် ရဟတ်ယာဉ်တစ်စီးအား ဇန်န၀ါရီ (၄)ရက်နေ့ က ကေအိုင်အေ တပ်ဖွဲ့ ဝင်များမှ ပစ်ခတ်ခဲ့ရာ ထိမှန်သွားပြီး ပျက်ကျသွားကြောင်း သိရသည်။ အဆိုပါ ပျက်ကျ ပျက်စီးသွားသော ရဟတ်ယာဉ်အား ဗန်းမော်-လွယ်ဂျယ် လမ်းပိုင်း စိန်လုံကျေးရွာ အောက်ဘက်ရှိ လယ်ကွင်းပြင်ထဲတွင် ဇန်န၀ါရီ (၅)ရက် မနေ့က ပြန်လည် ရှာဖွေတွေ့ရှိရကြောင်း သိရသည်။

မြစ်ကြီးနား ဖားကန့်လမ်းပိုင်း နန့်ယားကျေုးရွာ နှင့် ပျားအုံကျေုးရွာကြား တို့တွင် ကေအိုင်အေ တပ်မဟာ(၂) လက်အောက်ခံ တပ်ဖွဲ့များနှင့် မြန်မာစစ်တပ်တို့ တိုက်ပွဲများ ဆက်တိုက်ဖြစ်ပွားနေရာ နှစ်ရက်ခန့် ကြာမြင့်နေပြီဖြစ်သည်။ တိုက်ပွဲများ ဆက်လက်ဖြစ်ပွားနေပြီး ယခုအခါ ကေအိုင်အေ တပ်ဖွဲ့ဝင်များမှ နန့်ယားကျေးရွာတွင် ၀င်ရောက်နေရာယူ တပ်စွဲထားပြီ ဖြစ်ကြောင်းသိရသည်။

မြစ်ကြီးနား-ဗန်းမော် ကားလမ်းပိုင်းမှ တက်လာသော မြန်မာစစ်တပ် ယာဉ်တန်းတစ်ခုအား ဇန်န၀ါရီ (၅)ရက်နေ့ က ဂျာပူကျေးရွာ အနီးတွင် ကေအိုင်အေ တပ်ဖွဲ့ ဝင်များမှ ခြုံခိုတိုက်ခိုက်ခဲ့ရာ စစ်ကားနှစ်စီး ပေါက်ကွဲပျက်စီးသွားပြီး သေဆုံးဒဏ်ရာရသူ များပြားကြောင်းသိရသည်။

ဗန်းမော်ခရိုင် ကေအိုင်အေ တပ်မဟာ (၅)လက်အောက်ခံ တပ်ရင်း (၁၉)(၂၅) တပ်ဖွဲ့ များ လှုပ်ရှားရာ နယ်မြေ ဒေါ့ဖုန်းယန်ကျေုးရွာ ဘက်သို့ မြန်မာအစိုးရ စစ်အင်အား (၆၀၀)ခန့် ထပ်မံရောက်ရှိလာကြောင်းသိရသည်။ ဇန်န၀ါရီ (၅)ရက်နေ့က ဒေါ့ဖုန်းယန်ကျေးရွာ အောက်ဘက် နွမ်လန်(Num Lang)ဘက်မှ စစ်တပ်အင်အား (၃၀၀)ခန့် တက်လာပြီး ရှဒန်ပါ (Shadan Pa)ဘက်မှ အင်အား( ၃၀၀) ခန့် တက်လာကြောင်း သိရသည်။

Source ( Jinghpaw Kasa )

နှစ်သစ်ကူးတွင် ကရင်နီပြည်၌ တိုက်ပွဲ ဆက်တိုက်ဖြစ်ပွား၊ ၄ ဦး ကျဆုံး ၈ ဦး ဒဏ်ရာ

2012-01-06T10:29:00.000+07:00

၆ ရက် ဇန်န၀ါရီလ ၂၀၁၂ ကန္တရ၀တီတိုင်း(မ်)

ယခုနှစ်သစ်တွင် ကရင်နီပြည်တပ်မတော်နှင့် အစိုးရတပ်တို့ တိုက်ပွဲ ၂ ကြိမ် ဆက်တိုက ဖြစ်ပွားခဲ့၍ အစိုးရတပ်မှ ဗိုလ်တဦး၊ ဒုအရံခံဗိုလ်တဦး၊ တပ်ကြပ်ကြီးတဦးနှင့် တပ်သားတဦး ကျဆုံးသွားခဲ့ပြီး၊ တပ်သား ၈ ဦး ဒဏ်ရာရရှိခဲ့သည်ဟု သိရသည်။

၂၀၁၂ ခုနှစ် ဇန်န၀ါရီလ ၁ ရက်နေ့က ဖာဆောင်းမြို့နယ် မော်ချီးနှင့် တောင်ငူ ကားလမ်း အကြားတွင် နယ်မြေ ရှင်းလင်းသော အစိုးရတပ် ခြေလျင်တပ်ရင်း (ခလရ) ၇၂ မှ ဗိုလ်မှူး သက်အောင် ဦးစီးသည့် တပ်ဖွဲ့နှင့် ကရင်နီပြည် တပ်မတော်မှ စစ်ဦးစီးတပ် တပ်ဖွဲ့တို့ တွေ့ဆုံတိုက်ပွဲ ဖြစ်ပွားခဲ့ရာ အစိုးရတပ်မှ တပ်ခွဲ တပ်ကြပ်ကြီး ခင်ထွန်း ကျဆုံးခဲ့ပြီး အခြားအရာရှိနှင့် တပ်သား ၇ ဦး ဒဏ်ရာရရှိခဲ့သည်ဟု ကရင်နီပြည်တပ်မတော်မှ စစ်ဦးစီးချုပ် ဗိုလ်ချုပ် ဘီထူးက ပြောသည်။

“တဖက်က နယ်မြေ ရှင်းလင်းပြီးတော့မှ ကျနော်တို့ လှုပ်ရှားတဲ့ တပ်ဖွဲ့နဲ့ သွားတိုးတော့ တိုက်ပွဲ ဖြစ်တယ်” ဟု ဗိုလ်ချုပ် ဘီထူးက ပြောသည်။

ထို့နောက် ဇန်န၀ါရီလ ၂ ရက်နေ့က ဖာဆောင်းမြို့နယ် မော်ချီးဒေသတွင် နယ်မြေ ရှင်းလင်းနေသည့် ခလရ ၁၃၅ စစ်ကြောင်းကို ကရင်နီတပ်ဖွဲ့မှ တိုက်ခိုက်ခဲ့ရာ အစိုးရတပ်မှ ဒု-အရံခံဗိုလ်တင်အောင်၊ ဗိုလ်နေဇာထွန်း၊ တပ်သားအောင်အောင်တို့ ကျဆုံးခဲ့ပြီး ဒု-တပ်ကြပ် တဦး ဒဏ်ရာရရှိခဲ့သည်ဟု ကရင်နီအမျိုးသား တိုးတက်ရေးပါတီ (ကေအဲန်ပီပီ)၏ သတင်းနှင့် ပြန်ကြားရေး အဖွဲ့မှ ခူဒယ်နီယာက ပြောသည်။

“တိုက်ပွဲကတော့ တိုက်နေရမှာပဲပေါ့။ ပြည်သူတွေရဲ့ အခွင့်အရေး၊ ကိုယ်လိုချင်တဲ့ အခွင့်အရေးတွေ ရဖို့ တိုက်နေတာပဲ” ဟု ခူဒယ်နီယာက ပြောသည်။

ယခု ဖြစ်ပွားခဲ့သည့် တိုက်ပွဲများအတွင်း ကရင်နီတပ်မှ ထိခိုက်ဒဏ်ရာ ရရှိခြင်း မရှိခဲ့ကြောင်း ကရင်နီပြည်တပ်မတော်က ဆိုသည်။

ပြီးခဲ့သည့် ဒီဇင်ဘာလ ၂၁ ရက်နေ့ကလည်း ဖာဆောင်းမြို့နယ် မော်ချီးဒေသရှိ လိုခါးလိုရွာ၌ ဘောလုံးပွဲ ၀င်ရောက်ကြည့်ရှုသော အစိုးရတပ်တို့ကို ကရင်နီတပ်မှ ၀င်ရောက်ပစ်ခတ်ခဲ့၍ အစိုးရ စစ်သားနှစ်ဦး ကျဆုံးခဲ့သည်ဟု ဆိုသည်။

အပစ်ခတ်ရပ်စဲရေး ဆွေးနွေးပွဲများ ဖြစ်မြောက်လာရေးအတွက် ကေအဲန်ပီပီနှင့် မြန်မာအစိုးရသစ် ကိုယ်စားလှယ် အဖွဲ့တို့သည် ပြီးခဲ့သည့် နိုဝင်ဘာလ ၁၉ ရက်နေ့က ထိုင်းနိုင်ငံ မယ်ဆိုင်မြို့တွင် မဏာမအဆင့် အနေဖြင့် ပထမဆုံးအကြိမ် တွေ့ဆုံခဲ့ကြသည်။

ပထမရက်
၁။ ခွဲတကက ခင်ထွန်း (သေဆုံး)
၂။ ဒု-ဗိုလ်ကျော်မျိုးထွန်း (ပြင်းထန်ဒဏ်ရာရ)
၃။တပ်ကြပ် ကျော်ကျော်ဦး (ဒါဏ်ရာရ)
၎။တပ်သား ခင်မောင်စိုး ( ။ )
၅။တပ်သားမောင်မောင် ( ။ )
၆။တပ်သားလှပြည့်အောင် (ပြင်းထန်ဒဏ်ရာရ)
၇။တပ်သား ၁ ယောက် ( ။ )
၈။ ဒုတက တင်စိုး (ဘယ်ခြေပြတ်)

ဒုတိယရက်
၁။ ဒု-အရံခံဗိုလ်တင်အောင် (သေဆုံး)
၂။ တသ အောင်အောင် (သေဆုံး)
၃။ ဒု-တကကျော်အေး (ဒဏ်ရာ)
၎။ ဗိုလ်နေဇာထွန်း (သေဆုံး)

တရုန်းရုန်း တ၀ုန်းဝုန်းလူတွေ များနေလို့ကတော့

2012-01-05T11:11:00.002+07:00

(ယခုအပတ်ထုတ် ပြည်သူ့ခေတ်ဂျာနယ်မှာ ဖော်ပြခဲ့တဲ့ မောင်ဝံသ ပြောချင်လွန်းလို့ ဆောင်းပါး။)

မောင်ဝံသ

အခုရက်ပိုင်းအတွင်း နိုင်ငံတကာ သတင်းမီဒီယာတွေအားလုံးလိုလိုကို လွှမ်းမိုးထားတဲ့ သတင်းကတော့ မြောက်ကိုရီးယားခေါင်းဆောင် ကင်ဂျုံအီကွယ်လွန်အနိစ္စရောက်သွားတဲ့ သတင်း ဖြစ်တယ်ဗျ။

ဒီမိုကရေစီသူရဲ့ကောင်းဟာဗဲလ်

ဒီနေရာမှာ ထူးခြားတဲ့တိုက်ဆိုင်မှုလို့ ဆိုနိုင်တဲ့ အဖြစ်အပျက်နှစ်ခုကို ကျွန်တော် သတိပြုမိခဲ့တယ်ဗျ။ အဲဒါကတော့ ကမ္ဘာပေါ်မှာ အလျှို့ဝှက်ဆုံး အာဏာရှင်လို့ အများကသိထားကြတဲ့ မြောက်ကိုရီးယားခေါင်းဆောင် ကင်ဂျုံအီနဲ့ သူ့နိုင်ငံမှာ ဒီမိုကရေစီစနစ် ထွန်းကား လာအောင် ဒုက္ခအမျိုးမျိုးခံပြီး ကြိုးပမ်းဆောင်ရွက်ခဲ့တဲ့အပြင် ကမ္ဘာတစ်လွှားမှာ ဒီမိုကရေစီထွန်းကားရေးအတွက်လည်း ရှေ့တန်းကနေ ပြီး စွမ်းစွမ်းတမံကူညီဆောင်ရွက်ခဲ့တဲ့ ချက်သမ္မတနိုင်ငံရဲ့ သမ္မတဟောင်း ဒီမိုကရေစီသူရဲ့ကောင်း ဗက်ကလပ်ဟာဗဲလ်တို့ဟာ တစ်ဦးနဲ့တစ်ဦး ရက်သိပ်မခြားဘဲ ရှေ့ဆင့်နောက်ဆင့်ဆိုသလို ကွယ်လွန်သွားခဲ့ကြတဲ့ အချက် ဖြစ်တယ်ဗျ။

အဲသလို တစ်ဦးနဲ့တစ်ဦး အခြေခံသဘာဝချင်း ဖြောင့်ဖြောင့်ကြီး ဆန့်ကျင်နေကြပုံရတဲ့ ခေါင်းဆောင်နှစ်ဦး တစ်ချိန်တည်း တစ်ပြိုင်တည်း နီးပါး ကွယ်လွန်အနိစ္စရောက်သွားခဲ့ကြတာ ဖြစ်တဲ့အတွက် ကမ္ဘာတစ်လွှားက ပြည်သူတွေဟာ နိုင်ငံတကာရုပ်သံဌာနတွေက ထုတ်လွှင့် ပြသနေတဲ့ ခေါင်းဆောင်နှစ်ဦး ကွယ်လွန်အနိစ္စရောက်သွားတဲ့ သတင်းကို ရှေ့ဆင့်နောက်ဆင့် ကြည့်ရှုနားထောင်ခဲ့ကြရတယ်။

ဟာဗဲလ်ကွယ်လွန်သွားခြင်းအတွက် ချက်နိုင်ငံက ပြည်သူတွေသာမက ဒီမိုကရေစီဘက်တော်သား ကမ္ဘာ ပြည်သူအားလုံးက ၀မ်းနည်းပူဆွေး နေကြတာ မဆန်းဘူးဗျ။

အဏုမြူစီမံကိန်းနဲ့ ငွေညှစ်ဖို့ ကြိုးစားသူ

ဒါပေမယ့် မြောက်ကိုရီးယားခေါင်းဆောင် ကင်ဂျုံးအီနဲ့ ပတ်သက်ပြီး ကမ္ဘာပြည်သူတွေသိထားကြတာကတော့ တစ်မျိုးဗျ။ ရှေးဟောင်း ပဒေသရာဇ်ခေတ်က ပုံစံမျိုး ဖခင်ဖြစ်သူဆီက အာဏာဆက်ခံရယူခဲ့သူဖြစ်တဲ့ ကင်ဂျုံအီဟာ ဂျော့အော်ဝဲလ်ရေးတဲ့ ၁၉၈၄ ၀တ္ထုထဲက Big Brother အစ်ကိုကြီးလို သူ့ပြည်သူတွေအပေါ် ကျင့်သုံးခဲ့သူလို့ အဆိုရှိတယ်။ နိုင်ငံရဲ့ ထိပ်တန်း ရာထူးကြီးတွေမှာ သူ့ရဲ့ ဆွေမျိုးသားချင်းတွေနဲ့ သူ့လူယုံတော်တွေကိုသာ တွေ့ရမှာ ဖြစ်တယ်။ ပြည်သူ သန်းပေါင်းများစွာ အငတ်ဘေး ဆိုက်စေခဲ့တဲ့ စီးပွားရေးမူဝါဒတွေကို ချမှတ်ကျင့်သုံးခဲ့သူဖြစ်တယ်။ အဲဒီအမှားကို ထေမိစေဖို့အတွက် အဏုမြူစီမံကိန်းကို လီဗာအဖြစ် အသုံးပြုပြီး ဖအေတူ မအေကွဲ ညီအစ်ကို တောင်ကိုရီးယားနိုင်ငံနဲ့ အမေရိကန်နိုင်ငံတို့ဆီက ငွေညှစ်ဖို့ အမြဲကြိုးစားနေတဲ့သူဖြစ်တယ် စတဲ့ ရစရာမရှိလောက်တဲ့ သတင်းဆိုးတွေနဲ့သာ ပြည့်နှက်နေခဲ့သူဖြစ်တယ်ဗျ။

ရှိုက်ကြီးတငင် ငိုနေကြသူတွေ

ဒါပေမယ့် ကျွန်တော်တို့ မျက်စိလည်စရာဖြစ်ရတာက ကင်ဂျုံအီ သေဆုံးသွားတာကို မြောက်ကိုရီးယားပြည်သူတွေက ယူကျုံးမရ အပူလုံးကြွနေကြတဲ့အဖြစ်ပဲဗျ။ သိကြတဲ့အတိုင်း မြောက်ကိုရီးယားနိုင်ငံဆိုတာ နိုင်ငံတကာ စံနှုန်းအရ ပြောရင် သတင်းလွတ်လပ်ခွင့် လုံးဝ မရှိတဲ့နိုင်ငံဆိုတော့လည်း အစိုးရရုပ်/သံက ထုတ်လွှင့်သမျှပဲ ကြည့်ရ မြင်ရတာပဲလားတော့ မသိဘူးပေါ့ဗျာ။ ကင်ဂျုံအီ ကွယ်လွန် သွားမှုနဲ့ ပတ်သက်ပြီး မြောက်ကိုရီးယားနိုင်ငံထဲက လာတဲ့သတင်းမှန်သမျှမှာတော့ ရှိုက်ကြီးတငင် ၀မ်းပန်းတနည်း ငိုကြွေးနေတဲ့ မြောက် ကိုရီးယားနိုင်ငံသားတွေရဲ့ပုံတွေချည်းပဲဗျ။ အဲဒီတော့ ပြင်ပကမ္ဘာက ကျွန်တော်တို့အနေနဲ့ ကင်ဂျုံအီနဲ့ ပတ်သက်ပြီး ကျွန်တော်တို့ အရင် တုန်းကသိထားတဲ့ သတင်းတွေဟာ အမှားတွေချည်းပဲလား။ ဒါမှမဟုတ် မြောက်ကိုရီးယား အစိုးရရုပ်/သံက ငိုနေတဲ့ သူ့နိုင်ငံသားတွေ ရဲ့ ပုံတွေကိုချည်း ရွေးပြီးထုတ်လွှင့်ပေးနေတာတာလား။ ဒါမှမဟုတ် မြောက်ကိုရီးယားနိုင်ငံသား အများစုကြီးက သူတို့ ကြုံတွေ့ရင်ဆိုင်နေ ကြရတဲ့ လူမှုဒုက္ခအ၀၀ဟာ သူတို့ခေါင်းဆောင်ကြောင့် မဟုတ်ဘူး။ အမေရိကန်နဲ့ တောင်ကိုရီးယားဦးဆောင်တဲ့ သူကို နိုင်ငံကိုရန်လိုတဲ့ နိုင်ငံတွေကြောင့်သာ ဖြစ်တယ်လို့ တကယ်ပဲ ရိုးရိုးသားသား ယုံကြည်နေကြတာလား စသဖြင့် သို့လော သို့လော တွေးတောစဉ်းစားစရာ တွေ ဖြစ်လာခဲ့တယ်ဗျ။

ပူဆွေးငိုကြွေးကြတာ အမှန်ပါတဲ့

ကျွန်တော့်စိတ်ထဲ အဲဒီကိစ္စကို သိချင်လွန်းလို့ ဘေဂျင်းမှာ အခြေစိုက်တဲ့ မိတ်ဆွေ ပြင်သစ်အမျိုးသမီး သတင်းထောက်တစ်ယောက်ကို အီးမေးလ်နဲ့ လှမ်းမေးကြည့်တော့ သူက ပြန်ဖြေပါတယ်။ မြောက်ကိုရီးယားကို သူ အကြိမ်ကြိမ်ရောက်ဖူးတယ်။ သေချာလေ့လာဖူးတယ်။ မြောက်ကိုရီးယားပြည်သူအများစုကြီးဟာ သူတို့ဆီက ၀ါဒဖြန့် ရေဒီယို၊ ရုပ်သံနဲ့ စာနယ်ဇင်းတွေကလွဲလို့ ပြည်ပ သတင်းတွေကို ဘာမှ နားမထောင်ရ၊ မကြည့်ရ၊ မဖတ်ရပါဘူးတဲ့။ အဲဒါကြောင့် သူတို့တိုင်းပြည်ဆင်းရဲငတ်မွတ်နေတာဟာ အမေရိကန်နဲ့ တောင်ကိုရီးယား မျိုးမစစ်တွေအပါအ၀င် ခေတ်သစ်နယ်ချဲ့ နိုင်ငံတွေကြောင့် ဖြစ်တယ်လို့ပဲ သေချာစွဲမြဲ ယုံကြည်နေကြတာ အမှန်ပါလို့ ဖြေပါတယ်။ (ကျွန်တော် အဲဒီစကားလုံးမျိုးတွေနဲ့ ဆင်တူယိုးမှား မြန်မာလို ပြောသံဆိုသံတွေကို လွန်ခဲ့တဲ့ နှစ်နှစ်ဆယ် အတွင်း အကြိမ်ကြိမ် ကြားဖူးသလိုလိုပဲဗျ။)

ဒါဆိုရင် ပညာတတ်တွေ၊ နိုင်ငံခြားမှာ ပညာသင်ဖူးသူတွေ မရှိတော့ဘူးလား၊ သူတို့ကကော အမှန်အတိုင်း မသိမမြင်ဘူးလားလို့ ကျွန်တော်က ထပ်မေးတော့]မြောက်ကိုရီးယားမှာ ပညာတတ်တွေရှိပါတယ်။ အခြေအနေကို အမှန်အတိုင်း သိသူ မြင်သူတွေ ရှိပါတယ်။ သို့ပေမယ့် နည်းနည်းလေးမှ ပါးစပ်မဟရဲကြပါဘူး}}တဲ့။ တရုတ်ပြည်မှာတောင် အစိုးရနဲ့ ပါတီကို ဆန့်ကျင်ကြောင်း ဝေဖန် ပြောဆိုသူတွေ အတော်များများ ရှိတယ်၊ မြောက်ကိုရီးယားမှာတော့ ဆောရီးပါပဲတဲ့။

သဘာဝတရားကတောင် ၀မ်းနည်းသတဲ့

ဤအတောအတွင်း အင်တာနက်က သတင်းတစ်ပုဒ် ဖတ်လိုက်ရတယ်ဗျ။ မြောက်ကိုရီးယားအစိုးရပိုင်KCNA သတင်းအေဂျင်စီက ထုတ်ပြန်တဲ့သတင်းပါ။ ကင်ဂျုံအီကွယ်လွန်သွားချိန်မှာ နှင်းမုန်တိုင်းတစ်ခု ရုတ်တရက် ကျရောက်လာပြီး သူ့မွေးရပ်မြေအနီး ]ပိတ်တူး}လို့ခေါ်တဲ့ တောင်က မီးတောင်ဟောင်း ရေကန်တစ်ခုထဲက ရေခဲတွေကို မိုးကြိုးထိမှန်ခဲ့ကြောင်း၊ ရေခဲကွဲတဲ့ အသံဟာ ကျယ်လောင်လွန်းလို့ ကမ္ဘာကြီးရော ကောင်းကင်ဘုံပါ တုန်ခါသွားတယ်လို့ ထင်ရကြောင်း၊ နှင်းမုန်တိုင်း ရုတ်တရက် စဲသွားပြီးတဲ့နောက် အဲဒီတောင်ပေါ်က ကျောက်တုံးတစ်တုံးပေါ်မှာ ရေးထွင်းထားတဲ့ ]မြင့်မြတ်သောတော်လှန်ရေးတောင် ... ပိတ်တူး ... ကင်ဂျုံအီ} ဆိုတဲ့စာသားတွေဟာ တစ်နေ့လုံး လင်းလက်တောက်ပနေခဲ့ကြောင်း၊ ဒီအခြေအနေတွေကိုကြည့်ရင် ]ချစ်စွာသော ခေါင်းဆောင်ကြီး} ကွယ်လွန်သွားတဲ့ အပေါ် သဘာဝတရားကတောင် ကြေကွဲဝမ်းနည်းနေပုံရကြောင်း အဲဒီသတင်းမှာ ဖော်ပြထားတယ်ဗျ။

အံ့ဖွယ်သရဲဖြစ်ရပ်တွေ

ကင်ဂျုံအီနိုင်ငံကို အုပ်စိုးနေစဉ်အတွင်း မြောက်ကိုရီးယားနိုင်ငံမှာ သူရဲ့ပုံရိပ်ကို ၀င်းလက်ပြိုးပြက်စေခဲ့တဲ့ အံ့ဖွယ်သရဲဖြစ်ရပ်တွေ သို့မဟုတ် အံ့အားသင့်စရာလုပ်ရပ်တွေ ပေါ်ပေါက်ခဲ့ဖူးတယ်လို့ အဲဒီသတင်းကို ပေးပို့တဲ့ ဘီဘီစီသတင်းထောက်က ရေးထားတယ်ဗျ။ ဒါတွေဟာ အမှန်တကယ်လည်း ဖြစ်နိုင်သလို ခေါင်းဆောင်ကြီးအပေါ် ပြည်သူတွေအကြား ပုဂ္ဂိုလ်ရေးကိုးကွယ်မှုပေါ်ထွန်းလာအောင် သူ့ဘေးနားက လူတွေရဲ့ ကြိုးပမ်းမှုလည်းဖြစ်ကောင်း ဖြစ်နိုင်တယ်လို့ သူက သုံးသပ်ထားတယ်ဗျ။

အဲဒီတော့ တစ်ဖက်က လှည့်တွေးကြည့်တဲ့အခါ မြောက်ကိုရီးယားအာဏာရအသိုင်းအ၀ိုင်းဟာ သူတို့ရဲ့ ၀င်ရိုးဗဟိုချက်ဖြစ်တဲ့ ခေါင်းဆောင်ကြီးအပေါ် ]ဂမ္ဘီရ}နည်းလမ်းတွေ သုံးပြီး ကြိုးစားခဲ့ကြလေသလားလို့ တွေးစရာတစ်ခု ရှိလာတယ်ဗျ။ ကျွန်တော် အတွေးလွန် တာလည်း ဖြစ်ချင်ဖြစ်လိမ့်မယ်ပေါ့ဗျာ။

လွှမ်းမိုးမခံသင့်ပါ

ဘာပဲဖြစ်ဖြစ် အဲဒီ ထူးဆန်းအံ့ဖွယ်ဆိုတဲ့ကိစ္စတွေနဲ့ ပတ်သက်ပြီး ကျွန်တော့်အမြင်ကတော့ ရှင်းပါတယ်။ ကျွန်တော်တို့ သာမန်ပုထုဇဉ် လူသားတွေ မမြင်နိုင်၊ မကြားနိုင်၊ မသိနိုင်ပေမယ့် အဲဒီထူးဆန်းအံ့ဖွယ်ကိစ္စတွေဟာ ရှိချင်လည်းရှိနေနိုင်တယ်။ ဒါပေမယ့် ဒါတွေဟာ ရှိတယ်ဆိုရင်တောင် လူတစ်သိန်းတစ်ယောက် တစ်သန်းတစ်ယောက်တောင် ကြုံလေ့ရှိတဲ့အဖြစ်မျိုး မဟုတ်ဘူး။ ဒါကြောင့် အဲသလိုကိစ္စမျိုးတွေက ကျွန်တော်တို့ရဲ့ ]နေ့စဉ်လူမှုဘ၀ဖြတ်သန်းမှုတွေ} ကျွန်တော်တို့ရဲ့ တွေးခေါ်ကြံစည် လုပ်ကိုင်မှုတွေအပေါ် မလွှမ်းမိုးသင့်ဘူး။ အဲဒါတွေရဲ့ လွှမ်းမိုးမှုကို ခံနေတဲ့လူတစ်ယောက် မိသားစုတစ်စုဟာ ဘယ်တော့မှ အထက်တန်းကျတဲ့ဘ၀ကို ရောက်မှာမဟုတ်တာ သေချာတဲ့အပြင် အဲသလိုလူမျိုးတွေ များပြားနေတဲ့ တိုင်းပြည်တစ်ခုဟာလည်း အမြဲအောက်တန်းနောက်တန်း ကျနေမှာပဲ ဖြစ်တယ်ဗျာ။

ဖြစ်ရပ်အမှန်တွေကို သိရှိနိုင်ဖို့

အားလုံးသိကြတဲ့အတိုင်း ကျွန်တော်တို့လူမျိုးကလည်း အဲသလို ထူးထူးဆန်းဆန်း သတင်းတစ်ခု ထွက်လာပြီဆိုရင် ဟုတ်နိုင်၏ မဟုတ် နိုင်၏ စဉ်းစားတာကနောက်၊ ပြေးပြီး ကိုးကွယ်ဆည်းကပ်ပူဇော်ပသလိုက်ကြတာက အရင်ဖြစ်တယ်ဗျ။ တောက်တဲ့တစ်ကောင် သိန်းပေါင်း တစ်သောင်း ငါးထောင်ဆိုလည်း ယုံလိုက်ချင်ကြတာပဲ။ ဆင်ဖြူတော်ဆိုရင်လည်း ပြေးပြီး ကန်တော့လိုက်ကြပြန်ရော။ ကွယ်လွန်သူ သမိုင်းဆရာကြီး ဒေါက်တာသန်းထွန်းဆိုရင် အဲဒီကိစ္စကို ယူကျုံးမရ မကြာခန ပြောလေ့ရှိတယ်။ လူတွေကကွာ၊ တိရစ္ဆာန်ကို ဘာကြောင့် ကန်တော့ကြရတာလဲကွာတဲ့၊ အထူးအဆန်းမို့ သွားကြည့်တာတော့ ကြည့်ပါ။ ဘာကြောင့် ထိုင်ကန်တော့ နေကြတာလဲကွာ။ လုပ်ကြပါဦး၊ ပြောကြပါဦး တဲ့။ မကြာသေးခင်ကတောင် ဗုဒ္ဓမြတ်စွယ်တော်ပုံ ဟိုမှာပေါ်တယ် ဒီမှာပေါ်တယ် ဆိုပြီး အတော်ကလေး တရုန်းရုန်းဖြစ်သွားခဲ့ကြသေးတယ် မဟုတ်လားဗျ။

ထူးဆန်းအံ့ဖွယ်ကိစ္စတစ်ခု တစ်ခုပေါ်လာတိုင်း ဣနြေ္ဒမရလောက်အောင် တရုန်းရုန်း တ၀ုန်းဝုန်း ပြေးလွှားနေကြတဲ့ လူတွေများနေလို့ ကတော့ ကျွန်တော်တို့နိုင်ငံတော် ဖွံ့ဖြိုးတိုးတက်တဲ့ နိုင်ငံတစ်ခုဖြစ်လာဖို့ ဝေးနေဦးမှာပဲဗျ။ အဲဒီလိုနိုင်ငံမျိုးကို ဆင်ခြင်Óဏ်ရင့်သန်ပြီး အရာရာကို ယထာဘူတကျကျ တွေးနိုင်စွမ်းရှိတဲ့ ပြည်သူများကသာ တည်ဆောက်နိုင်မှာဖြစ်တယ်ဗျ။ အဲသလိုဖြစ်ဖို့အတွက် ဖြစ်ရပ်မှန် လုပ်ရပ်မှန်တွေကို ပြည်သူအများ သိရှိ လေ့လာနိုင်အောင် ကျွန်တော်တို့ သတင်းမီဒီယာသမားတွေက အခက်အခဲ အမျိုးမျိုးကြားက ရှာဖွေစုဆောင်း တင်ဆက်နေခြင်း ဖြစ်ကြောင်းပါ။ အမြင်မတော်တာ အကြားမတော်တာတွေ ရှိလာရင်လည်း လူမိုက်လုပ်၍ ဖော်ထုတ်နေခြင်းဖြစ်ကြောင်းပါဗျာ။

၂၇ ၁၂ ၂၀၁၁

maungwuntha@gmail.comt

စစ်တပ် ဘာကြောင့် သမ္မတအပေါ် ရောက်နေလဲ

2012-01-05T10:30:00.005+07:00

ဒိန်ဖန်ခူး ရေးသည်။

အမျိုးသားကာကွယ်ရေးနဲ့လုံခြုံရေးကောင်စီ (ကာလုံ)အဖွဲ့ဟာ တိုင်းပြည်ရဲ့ တခြားလုံခြုံရေးရာ ကိစ္စတွေကို ဘယ်လိုဆုံးဖြတ်မယ် မသိရသေးပေမဲ့ နိုင်ငံရေးအကျဉ်းသားကိစ္စမှာ တော်တော် အရေးပါလာတာ တွေ့ရပါတယ်။

သာမန်အားဖြင့် လွတ်ငြိမ်းချမ်းသာခွင့်ပေးတဲ့ကိစ္စ (power to grant amnesty) မှာသာ နိုင်ငံတော်သမ္မတဟာ ကာလုံအဖွဲ့ရဲ့ထောက်ခံချက်နဲ့အညီ လွတ်ငြိမ်းချမ်းသာခွင့် ပေးနိုင်တယ်လို့ အခြေခံဥပဒေ ပုဒ်မ ၂၀၄(ခ)မှာ ဆိုထားတဲ့အတွက် ကာလုံရဲ့ အခန်းကဏ္ဍဟာ ပုဒ်မ ၂၀၄(ခ)နဲ့သာ အကျုံးဝင်တယ်လို့ နားလည်ထားကြပါတယ်။

ပုဒ်မ ၂၀၄(က) ကတော့ သမ္မတဟာ ပြစ်ဒဏ်လွတ်ငြိမ်းခွင့်ပေးခွင့်ရှိတယ်လို့ ဆိုထားပါတယ်။ ဆိုလိုတာက ပြစ်ဒဏ်လွတ်ငြိမ်းခွင့်လိုကိစ္စမှာ ကာလုံထောက်ခံချက်မလိုဘဲ သမ္မတက လုပ်ပိုင်ခွင့်ရှိသလို ဖြစ်နေပါတယ်။

ကာလုံက သမ္မတအထက်ရောက်နေ

လက်တွေ့မှာ ၂၀၁၂ ခု ဇန္န၀ါရီ ၂ ရက်နေ့ထုတ်ပြန်တဲ့ လွတ်ငြိမ်းချမ်းသာခွင့်မှာ ခေါင်းစဉ်သာ လွှတ်ငြိမ်းချမ်းသာခွင့်အမည်တပ်ထားပေမဲ့ ပြစ်ဒဏ် သက်သာအောင် လျှော့ပေါ့တာတွေ ဖြစ်နေလို့ ပုဒ်အ ၂၀၄(က)နဲ့သာ အကျုံးဝင်တယ်လို့ ရှေ့နေအတော်များများက မှတ်ယူကြပါတယ်။

သတင်းစာမှာ အမိန့်အပြည့်အစုံထွက်လာတော့မှ ခေါင်းစဉ်က ပုဒ်မ ၂၀၄(ခ) ဖြစ်နေပီး အမိန့်စာသားက ပုဒ်မ ၂၀၄(က) ဖြစ်နေတာတွေ့ရပါတယ်။

ဒါကြောင့် ကာလုံအဖွဲ့ဟာ အခြေခံဥပဒေ ပုဒ်မ ၂၀၄(က)(ခ) ၂မျိုးလုံးကို စွက်ဘက် ကျင့်သုံးနေတဲ့အတွက် သမ္မတဥိးသိန်းစိန်ထက် ပိုပီး လက်စောင်းထက်နေတယ်လို့ ယူဆနိုင်ပါတယ်။

တည့်တည့်ပြောရရင် ကာလုံအဖွဲ့ဟာ သမ္မတ ဦးသိန်းစိန်အထက်မှာ ရှိနေတာ ထင်ရှားလာပါတယ်။ တနည်းပြောရရင် ကာလုံအဖွဲ့ဝင် ၁၁ ဦးမှာ စစ်ဗိုလ်က ၆ ဦးပါနေတာမို့ ဦးသိန်းစိန်ရဲ့အထက်မှာ အခြခံဥပဒေအရ စစ်တပ်ရှိနေတယ်လို့ ပြောနိုင်ပါတယ်။

ကာလုံမှာ စစ်တပ်က ဘာကြောင့် ၆ မဲအသာရနေလဲ

အမျိုးသားကာကွယ်ရေးနဲ့ လုံခြုံရေးကောင်စီအဖွဲ့ဝင် ၁၁ ဦးမှာ စစ်တပ်က ဘယ်နှစ်ဦးပါသလဲပြန်ကြည့်ရင် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်-ဒု ကာကွယ်ရေး ဦးစီးချုပ် ဒုဗိုလ်ချုပ်ကြီးစိုးဝင်း ကာကွယ်ရေးဝန်ကြီး ဗိုလ်ချုပ်လှမင်း၊ ပြည်ထဲရေးဝန်ကြီး ဒု ဗိုလ်ချုပ်ကြီး ကိုကိုနဲ့ နယ်စပ်ရေးရာဝန်ကြီး ဒုဗိုလ်ချုပ်ကြီးသိန်းဌေးတို့ ၅ ဦးဟာ စစ်ယူနီဖောင်းဝတ် စစ်အရာရှိတွေဖြစ်ပါတယ်။

ဒါပေမဲ့ ဒုသမ္မတ သီဟသူရ ဦးတင်အောင်မြင်ဦးကလဲ ကြံ့ဖွံအမတ်တွေက တင်မြှောက်တဲ့ ဒုသမ္မတမဟုတ်ဘဲ ကာကွယ်ရေးဦးစိးချုပ် ဗိုလ်ချုပ်ကြီး မင်းအောင်လှိုင် ထိန်းချုပ်ထားတဲ့ ၂၅ ရာနှုန်း စစ်ဗိုလ်အုပ်စုက တင်မြှောက်တဲ့ ဒုသမ္မတမို့ အဖွဲ့ဝင် ၁၁ ဦးမှာ စစ်တပ်က ၆ မဲ အသာစီး ရထားတဲ့သဘော ဖြစ်ပါတယ်။ တွက်ကြည့်ရင် ကာလုံရဲ့ ၅၅%က စစ်တပ်က စစ်ဗိုလ်တွေသာ ဖြစ်နေပါတယ်။

လက်ရှိ ဖွဲ့စည်းပုံအခြေခံဥပဒေ ၂၀၀၈ သာ ဆက်ပီး အတည်ဖြစ်နေမယ်ဆိုရင် နောင်လာမဲ့ ဒုတိယ ၅ နှစ်သက်တမ်းလွှတ်တော် တတိယ ၅ နှစ်သက်တမ်းလွှတ်တော်စတဲ့ လွှတ်တော်သက်တမ်း အသီးသီးမှာလဲ အမျိုးသားကာကွယ်ရေးနဲ့ လုံခြုံရေးကောင်စီအဖွဲ့ဝင် ၁၁ ဦးမှာ စစ်တပ်က အမြဲတန်း ၆မဲ အသာစီးရနေအုံးမယ်ဆိုတဲ့ အဓိပ္ပါယ် ဖြစ်ပါတယ်။ ကျန်အဖွဲ့ဝင် ၅ ဦးမှာ ဒုသမတ စိုင်းမောက်ခမ်းကလွဲရင် ကျန်လေးဦးက အရပ်ဝတ်လဲထားတဲ့ စစ်ဗိုလ်လူထွက်တွေဖြစ်နေလို့ ဒီ ၅ ဦးလုံးကို အရပ်သားလို့ ထားတွက်ကြတာဖြစ်ပါတယ်။

တနည်းပြောရရင် အမျိုးသားကာကွယ်ရေးနဲ့ လုံခြုံရေးကောင်စီအဖွဲ့ဝင် ၁၁ ဦးမှာ သမ္မတက ဥက္ကဌလို့ဆိုပေမဲ့ လက်တွေ့မှာ စစ်တပ်က ၆မဲအသာစီးရထားတဲ့အတွက် တကဲ့ဆုံးဖြတ်ခွင့် အာဏာက သမ္မတ ဦးသိန်းစိန်လက်မှာမရှိဘဲ ကာကွယ်ရေးဦးစီးချုပ်ဖြစ်တဲ့ ဗိုလ်ချုပ်ကြီး မင်းအောင်လှိုင် လက်ထဲမှာသာ ရှိပါတယ်။ ဒါကြောင့် အမျိုးသားကာကွယ်ရေးနဲ့ လုံခြုံရေးကောင်စီကို ကာကွယ်ရေးဦးစီးချုပ် ထိန်းချုပ်ထားတဲ့အဖွဲ့အစည်းလို့ နိုင်ငံတကာ အဖွဲ့အစည်းတချိုံက ယူဆတာ ဖြစ်ပါတယ်။

ဒါကြောင့် နိုင်ငံရေးအကျဉ်းသားတွေ လွတ်ငြိမ်းချမ်းသာခွင့်ပေးရေးနဲ့ ပတ်သက်ပီး ဗိုလ်ချုပ်ကြီး မင်းအောင်လှိုင်ရဲ့သဘောထားဘာလဲ- သူ့သဘောနဲ့သူ ဆုံးဖြတ်နိုင်စွမ်းရှိသလား-နောက်ကွယ်မှာ ဦးသန်းရွှေရဲ့ သြဇာလွှမ်းမိုးမှု ရှိနိုင်သလားဆိုတဲ့ အချက်တွေလဲ စဉ်းစားစရာ ဖြစ်ပါတယ်။

ကာကွယ်ရေးဦးစီးချုပ်က အာဏာသိမ်ဘို့ လိုသလား

အထူးသဖြင့် ကာကွယ်ရေးဦးစိးချုပ် ဗိုလ်ချုပ်ကြီး မင်းအောင်လှိုင်နဲ့ အမျိုးသားကာကွယ်ရေးနဲ့ လုံခြုံရေးကောင်စီရဲ့ အရေးပါမှုဟာ တိုင်းပြည်မှာ အရေးပေါ်အခြေအနေ ကြေငြာတဲ့အပိုင်းမှာ ပိုပီး ပေါ်လွင်လာပါတယ်။

အရေးပေါ် အခြေအနေတောင်မှ ၂ မျိုးရှိပါတယ်။

ပြည်သူတွေရဲ့ အသက်အိုးအိမ် စည်းစိမ်ထိပါးစေမဲ့ အရေးပေါ်အခြေအနေမျိုးဆိုရင် သမတ ဦးသိန်းစိန်က အမျိုးသားကာကွယ်ရေးနဲ့ လုံခြုံရေးကောင်စီအဖွဲ့ဝင် ၁၁ ဦးလုံးနဲ့ ညှိနေစရာမလိုဘဲ ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်၊ ဒု ကာကွယ်ရေး ဦးစီးချုပ် ဒုဗိုလ်ချုပ်ကြီးစိုးဝင်း၊ ကာကွယ်ရေးဝန်ကြီး ဗိုလ်ချုပ်လှမင်းနဲ့ ပြည်ထဲရေးဝန်ကြီး ဒု ဗိုလ်ချုပ်ကြီးကိုကို ၄ ဦးနဲ့ညှိပီး အရေးပေါ်အခြေအနေ ထုတ်ပြန်နိုင်တယ်လို့ အခြေခံဥပဒေမှာ ပြဌာန်းထားပါတယ်။

တနည်းပြောရရင် ကာကွယ်ရေးဝန်ကြီး ဗိုလ်ချုပ်လှမင်းနဲ့ ပြည်ထဲရေးဝန်ကြီး ဒု ဗိုလ်ချုပ်ကြီးကိုကိုတို့ ၂ ဦးဟာ အရေးပေါ်အခြေအနေ ကြေငြာနိုင်တဲ့ ၀န်ကြီးတွေမို့ ၀န်ကြီးအဖွဲ့မှာတောင် တခြားဝန်ကြီးတွေထက် အာဏာပိုကြီးမားတဲ့ ၀န်ကြီးတွေ ဖြစ်လာမဲ့အဓိပ္ပါယ် ဖြစ်ပါတယ်။

နောက်အရေးပေါ်အခြေအနေကတော့ ပြည်ထောင်စုပြိုကွဲမဲ့အန္တရယ်၊ တိုင်းရင်းသားစည်းလုံးမှုပြိုကွဲမဲ့အန္တရယ်နဲ့ အချုပ်အချာအာဏာ လက်လွှတ်ရမဲ့အခြေအနေမျိုးရောက်အောင် ဆူပူသောင်းကျန်းမှုတွေဖြစ်ပီဆိုရင် သမ္မတ ဦးသိန်းစိန်က အချိန်၁ နှစ်ကြာမဲ့ အရေးပေါ်အခြေအနေ ကြေငြာပီး ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်ကို အာဏာကြီး ၃ ရပ် လွှဲအပ်ပေးရမယ်လို့ အခြေခံဥပဒေနဲ့ ပြဌာန်းထားပါတယ်။ (အများထင်သလို ကာကွယ်ရေး ဦးစီးချုပ်က အာဏာသိမ်းစရာမလိုဘဲ အခြေခံဥပဒေအရ သမ္မတကလွှဲပြောင်း အပ်နှင်းပေးမဲ့ အာဏာကြီး ၃ ရပ်ကို လက်ခံယူဘို့ ထိုင်နေရုံသာ လိုပါတယ်)။ တနှစ်ပြည့်ပီးလို့ နောက်ထပ် အချိန်တိုးပေးဘို့ ဗိုလ်ချုပ်ကြီး မင်းအောင်လှိုင်က တောင်းခံလာရင် ၆ လ သက်တမ်း ၂ ကြိမ်ထိ သမ္မတ ဦးသိန်းစိန်က တိုးပေးရမှာဖြစ်ပါတယ်။

သဘောကတော့ တိုင်းပြည်မှာ အရေးပေါ်အခြေအနေဖြစ်လာရင် ကာကွယ်ရေး ဦးစီးချုပ် ဗိုလ်ချုပ်ကြီး မင်းအောင်လှိုင်က ၂ နှစ်ထိ အခြေခံဥပဒေအရ တရားဝင် အာဏာသိမ်းထားခွင့်ရှိအောင် အခြေခံဥပဒေနဲ့ ကျားကန်ပေးထားတဲ့ အဓိပ္ပါယ် ဖြစ်ပါတယ်။

အမျိုးသားကာကွယ်ရေးနဲ့ လုံခြုံရေးကောင်စီတဖွဲ့လုံးကို ထိန်းချုပ်ထားတဲ့ပြင် တိုင်းပြည်အာဏာကို တရားဝင် ၂ နှစ် အာဏာသိမ်းခွင့်ရှိတဲ့ ကာကွယ်ရေး ဦးစီးချုပ် ဗိုလ်ချုပ်ကြီးမင်းအောင်လှိုင်အနေနဲ့ ဦးသန်းရွှေရဲ့သြဇာကလွတ်အောင် ဦးနေ၀င်းအပေါ် ဦးသန်းရွှေ လုပ်ခဲ့သလို ဦးသန်းရွှေနဲ့ မိသားစုကို အကျယ်ချုပ်ချတဲ့ထိ အာဏာစက်ပြဘို့ကြိုးစားမလားဆိုတာကတော့ စောင့်ကြည့်ရမှာ ဖြစ်ပါတယ်။

သမတနဲ့ ကာလုံ

ဖွဲ့စည်းပုံအခြေခံဥပဒေသစ်မှာ သမတရဲ့ လုပ်ပိုင်ခွင့်နဲ့ ကာကွယ်ရေး ဦးစီးချုပ်ရဲ့ လုပ်ပိုင်ခွင့်ကို အပြန်အလှန်ထိန်းကျောင်းပေးထားတယ်လို့ နယ်သာလန်နိုင်ငံအခြေစိုက် Transnational Institute (TNI) က ယူဆပါတယ်။ ဥပမာအားဖြင့် အရေးပါတဲ့ ဆုံးဖြတ်ချက်တွေ ချတော့မယ်ဆိုရင် သမတဟာ ကာကွယ်ရေး ဦးစီးချုပ် ထိန်းချုပ်ထားတဲ့ အမျိုးသားကာကွယ်ရေးနဲ့ လုံခြုံရေးကောင်စီကို တိုင်ပင်ရမှာ ဖြစ်ပါတယ်။

ဒါပေမဲ့ (တိုင်းပြည်ရဲ့ သတ်မှတ်နေရာတွေမှာ သတ်မှတ်ကာလအတွင်း) ကာကွယ်ရေး ဦးစီးချုပ်ကို အုပ်ချုပ်ရေး အာဏာ တရားစီရင်ရေး အာဏာပေးထားမဲ့ အရေးပေါ် အခြေအနေ ကြေငြာမဲ့ ဆုံးဖြတ်ချက်မျိုးဆိုရင်လဲ သမတကသာ ဆုံးဖြတ်နိုင်ပါတယ်။

ခုလို အပြန်အလှန် ထိန်းကျောင်းပေးထားတဲ့အတွက် သမတနဲ့ ကာကွယ်ရေး ဦးစီးချုပ် ၂ ဦးအနက် တဦးဦးက အာဏာကို အလွန်အကျွံ သုံးတာမျိုးမဖြစ်ဘို့အပြင် နောက်ထပ် ဗိုလ်ချုပ်မှူးကြီး သန်းရွှေလို အာဏာရှင်မျိုး မပေါ်အောင် တားမြစ်ထားတဲ့သဘောလို့ TNI က ယုံကြည်ပါတယ်။ ဒါမှလဲ ဗိုလ်ချုပ်မှူးကြီးသန်းရွှေအနေနဲ့ ခြိမ်းခြောက်မှု ကင်းပြီး စိတ်ချလက်ချ တပ်က အနားယူနိုင်မှာဖြစ်တယ်လို့ပါ TNI က ယူဆပါတယ်။

စစ်အစိုးရ အခြေခံဥပဒေကိုကြည့်ရင် အုပ်ချုပ်ရေးအာဏာကို သမတ ခေါင်းဆောင်တဲ့ အစိုးရနဲ့ ကာကွယ်ရေး ဦးစီးချုပ်ထိန်းချုပ်တဲ့ အမျိုးသားကာကွယ်ရေးနဲ့ လုံခြုံရေးကောင်စီကြား ခွဲဝေထားပါတယ်။ ဥပဒေပြုရေး အာဏာကိုတော့ ရွေးကောက်ခံ အမတ်တွေနဲ့ စစ်ဗိုလ်အမတ်တွေကြား ခွဲဝေထားပါတယ်။

(ခင်ရတနာ ဖေ့ဘုတ်စာမျက်နှာမှ ကူးယူဖြော်ပသည်။)

အန္တိမ ... လွတ်မြောက်ရေး

2012-01-04T11:56:00.001+07:00

ကမာပုလဲ

သံမဏိ အကျဉ်းအိမ်ထဲ
အိပ်မက်တွေ အတူတူ မက်ခဲ့ကြတဲ့အခါ
တောင်ပံခတ်သံတွေ ... ငါကြားတယ်။

လွတ်မြောက်မှုဟာ
ရန်သူရဲ့
အပေါစား ကရုဏာသက်မှုကို ငြင်းတယ်
တည်ကြည် ခိုင်မြဲစွာ ခုခံတယ်
တိုက်ပွဲကို ယုံကြည်တယ် ...။

တကယ်တော့
အညံ့ခံတယ်ဆိုတာ လွယ်လွယ်လေး
အကြောင်းပြချက်တွေ များများပေးနေဖို့ မလို
သူရဲကောင်းတယောက်လို
ဟန်ဆောင်လိုက်လို့ ရသေးတယ် ...

တခုပဲ
ကိုယ့်ကိုယ်ကိုယ် လိမ်လို့မရတဲ့ အဖြစ်။

လျှို့ဝှက် သိပ်သည်းစွာ ခမ်းနားခြင်း
ဒဏ်ရာ အနာတရာတွေနဲ့ ချစ်သူ့တောင်ပံများ
မလွတ်မြောက်မှုမှ လွတ်မြောက်မှုဆီသို့
တိုက်ပွဲဝင် ပျံသန်းနေဆဲကို ...။ ။

(ဗမာပြည် စစ်အကျဉ်းထောင် အသီးသီးရှိ နိုင်ငံရေး အကျဉ်းသားများသို့ ...)

ကမာပုလဲ
လွတ်လပ်ရေးနေ့
၂၀၁၂။

သာယာဝတီအကျဉ်းထောင် အကျဉ်းကျခံနေရဆဲ နိုင်ငံရေးအကျဉ်းသားများ စာရင်း

2012-01-04T11:43:00.001+07:00

ဆုံဆည်းရာ၊ ၄ ရက် ဇန်န၀ါရီလ ၂၀၁၂

သာယာဝတီ အကျဉ်းထောင်တွင် အကျဉ်းကျခံနေရဆဲ နိုင်ငံရေးအကျဉ်းသားများ၏ အမည်စာရင်းနှင့် ကနဦး ချမှတ်ထားသည့် ထောင်ဒဏ်များကို ဖော်ပြလိုက်ပါသည်။

အမည် ထောင်ဒဏ် အဖွဲ့အစည်း

၁။ အောင်သန်း ၂၆ နှစ် NLD
၂။ အေးမင်းနိုင် ၆၅ နှစ် ABSDF
၃။ ဘိုမင်းယုကို ၁၀၄ နှစ် ABSFU
၎။ ခင်လှိုင် ၁၄ နှစ်+ သေဒဏ် ကျောင်းဆရာ
၅။ ဒေါ်ခင်ရီ ၆၅ နှစ် ABSDF
၆။ အိုက်သန်း ၂၂ နှစ် +သေဒဏ်(နှစ်အကန့်မရှိ) SSA
၇။ မြသောင်း ၂၂ နှစ်+ သေဒဏ်(နှစ်အကန့်မရှိ) SSA
၈။ သံချောင်း ၂၅ နှစ်+သေဒဏ်(နှစ်အကန့်မရှိ) SSA
၉။ စိုင်းပန် ၂၂ နှစ်+ (နှစ်အကန့်မရှိ) SSA
၁၀။ နိုင်စိန် ၂၂ နှစ်+သေဒဏ်(နှစ်အကန့်မရှိ) SSA
၁၁။ စိုင်းကျင်နိုင် ၂၅ နှစ်+သေဒဏ်(နှစ်အကန့်မရှိ) SSA
၁၂။ ဝေယံမင်း ၅ နှစ်+သေဒဏ် (နှစ်အကန့်မရှိ) SSA
၁၃။ ကျော်အောင် ၂၉ နှစ် ကျောင်းသား
၁၄။ ကျော်ဇင်ဦး ၆၅ နှစ် ABSDF
၁၅။ ကျော်စွာလင်း ၆၈ နှစ် ABSDF
၁၆။ ကြည်ကြည်ဝါ ၁၁ နှစ် NLD, JDBLGF
၁၇။ လင်္ကျာထွန်း တစ်ကျွန်း (နှစ်အကန့်မရှိ) ABSDF
၁၈။ လွင်မိုးမြင့် ၃၅ နှစ် ကျောင်းသား
၁၉။ မြင့်ဟန် ၁၄ နှစ်+သေဒဏ် ABSDF
၂၀။ နီလာသိန်း ၆၅ နှစ် ၈၈ မျိုးဆက်ကျောင်းသား
၂၁။ ညဏ်ထွန်း ၁၄ နှစ် နာဂစ်ကိစ္စ
၂၂။ နိုင်အောင် ၁၄ နှစ်+သေဒဏ် ABSDF
၂၃။ နိုင်မျိုးသွေး တစ်ကျွန်း LMSP
၂၄။ စန်းစန်းမော် ၃၅ နှစ် ABSDF
၂၅။ တိုက်ရင် သေဒဏ် မရှိ
၂၆။ သန်းဦး ၂၀ နှစ် NLD
၂၇။ မောင်မောင်သန်းရွှေ မသိ မသိ
၂၈။ သန်းဇော်ဆွေ ၁၄ နှစ် ABSDF
၂၉။ သိန်းထွန်း ၁၄ နှစ် ABSDF
၃၀။ ထက်ကိုလွင် ၆၅ နှစ် ABSDF
၃၁။ ထွန်းထွန်း(ခ)နိုင်လင်းအောင် သေဒဏ် ASSDF
၃၂။ ၀င်းထိုက် (ခ) ဦးရာဇဓမ္မ ၁၉ နှစ် သံဃာတော်
၃၃။ ၀င်းမြင့်မြင့် ၁၇ နှစ် သံဃာ
၃၄။ ဇော်လွင် ၆၅ နှစ် ABSDF
၃၅။ ဇာနိုင်ထွန်း တစ်ကျွန်း မရှိ

(ကိုးကား Messenger)

လွတ်မြောက်လာသည့် နိုင်ငံရေးအကျဉ်းသား စာရင်း

2012-01-03T12:07:00.051+07:00

ဆုံဆည်းရာ၊ ၃ ရက် ဇန်န၀ါရီ ၂၀၁၂ (ပို့စ်တင်ချိန် မြန်မာစံတော်ချိန် ၁၁ နာရီ မိနစ် ၃၀)

ဇန်န၀ါရီလ ၂ ရက် ညနေ မြန်မာစံတော်ချိန် ၆ နာရီ အချိန်အထိ နိုင်ငံရေး အကျဉ်းသား စာရင်းကို စုစည်းတင်ပြထားပါတယ်။

အင်းစိန်ထောင်မှ
(၁) ဦးကြည်သန်း(၈၈)
(၂) စောဆေးကလယ်၊
(၃) ဂျေသန့်၊
(၄) ကိုသန်းနိုင်ဦး (ခ) အစစ်(NLD)

ပုသိမ်ထောင်မှ
(၁) ဦးအောင်တိုးဝေ
(၂) ကိုအောင်ထွန်း
(၃) ဇော်မျိုးထိုက်

စစ်တွေထောင်
(၁) ဦးနေမိုးအောင်

ပူတာအိုထောင်မှ
(၁) ဦးရဲမြင့် (ခ) ဆရာရဲ

မြိတ်ထောင်
(၁) ဦးရဲညွန့်

ပြည်ထောင်
(၁) ကိုအောင်ကျော် (သင်္ဃန်းကျွန်း NLD)

တောင်ကြီးထောင်
(၁) မောင်ဘိ
(၂) အိုက်အွန် (ပလောင်)
(၃) မောင်လှ (ရှမ်း)
(၄) ဦးဝိစိန္တာ

ကသာထောင်
(၁) ဇော်မင်းဦး (ခ) ကျော်ကွန့်

မန္တလေး အိုးဘိုထောင်
(၁) ကိုမြတ်ဆွေ
(၂) ဦးဌေးအောင် (ခ) စောဝင်း (ကယန်းပြည်သစ်ပါတီ)
(၃) ကိုကျော်လွင် (ကယန်းပြည်သစ်ပါတီ)
(၄) ကိုအောင်မင်း (ကယန်းပြည်သစ်ပါတီ)
(၅) ကိုမြင့်လွင် (ကယန်းပြည်သစ်ပါတီ)
(၆) ကိုအီဆာကို (ကယန်းပြည်သစ်ပါတီ)
(၇) ကိုစောအယ်ကလယ်ထူး (ကယန်းပြည်သစ်ပါတီ)
(၈) ဦးဘိုဖျင်း (ကယန်းပြည်သစ်ပါတီ)
(၉) ခွန်ပေါလု (ခ) မောင်ထွေး (ကယန်းပြည်သစ်ပါတီ)
(၁၀) ဇွဲပိုင်စိုး (ကယန်းပြည်သစ်ပါတီ)
(၁၁) ခွန်ပေါလု (ကယန်းပြည်သစ်ပါတီ)
(၁၂) ဦးရဲအောင် (ကွယ်လွန်-၂၀၀၈) (ကယန်းပြည်သစ်ပါတီ)

သရက်ထောင်မှ
(၁) ဦးသန့်ရှင်း
(၂) ကိုစောတွတ်ကီ

တောင်ငူထောင်
(၁) ဦးခင်မောင်ညွန့် (ခ) အကြီးကောင်
(၂) ကိုတူး
(၃) ကိုတင်ဝင်း
(၄) ကိုအောင်ဌေး
(၅) စောသာမနာစီး
(၆) စောအယ်လီးယား

မော်လမြိုင်ထောင်
(၁) ကျော်အေးနိုင်

ယခုအချိန်အထိ နိုင်ငံရေးအကျဉ်းသား လွတ်မြောက်မှု မရှိသေးသော ထောင်များ

- မြစ်ကြီးနားထောင်
- ဟင်္သတထောင်
- ကျောက်ဖြူထောင်
- သာယာဝတီထောင်
- ဘူးသီးတောင်ထောင်
- ကလေးထောင်
- ဘားအံထောင်

(ယနေ့နံနက် ၁၀ နာရီခွဲအချိန်က ရန်ကုန် အင်းစိန်ထောင်ရှေ့တွင် အကျဉ်းသားမိသားစုများ စောင့်ဆိုင်းနေစဉ်..... ဓါတ်ပုံ - Messenger)

NLD မှ နိုင်ငံရေးအကျဉ်းသားတချို့ လွတ်မြောက်

2012-01-03T11:40:00.009+07:00

ဆုံဆည်းရာ၊ ဇန်န၀ါရီလ ၃ ရက် ၂၀၁၂

(ဓါတ်ပုံ - Messenger (ဦးကြည်သန်း- NLD)

အင်းစိန်အကျဉ်းထောင်မှ ၂၀၀၇ ခုနှစ်တွင် အသင်းအဖွဲ့ဥပဒေဖြင့် ထောင်ဒဏ် (၉)နှစ်ကျခံခဲ့ရသူ နိုင်ငံရေးအကျဉ်းသား ဦးကြည်သန်း(NLD) နှင့် ၂၀၁၀ ပြည့်နှစ်တွင် ပုံနှိပ်စက္ကူဥပဒေဖြင့် ထောင်ဒဏ်သုံးနှစ် ကျခံရသော နိုင်ငံရေးအကျဉ်းသား ကိုသန်းနိုင်ဦး (NLD မန္တလေးတိုင်း တာဝန်ခံ)တို့ လွတ်မြောက်လာကြောင်း သိရပါတယ်။ ကိုသန်းနိုင်ဦး မှာ ထောင်ထဲတွင် ၁ နှစ်နှင့် ၃ လနေခဲ့ရပြီး ဦးကြည်သန်းမှာ ထောင်ထဲတွင် ၄ နှစ် ၄ လ နေခဲ့ရပါတယ်။

ကေအိုင်အေ တပ်မဟာ(၃)နယ်မြေတွင် တိုက်ပွဲပြင်းထန်စွာဖြစ်ပွား

2012-01-03T11:04:00.005+07:00

ဆုံဆည်းရာ၊ ဇန်န၀ါရီ ၃ ရက် ၂၀၁၂

ကချင်လွတ်မြောက်ရေးတပ်မတော် ကေအိုင်အေ တပ်မဟာ(၃)နယ်မြေ လဂါတ်ဘွမ် ( Lagat Bum ) နှင့် ခရိန်မူးဒန် (Hkring MuDan )ဒေသတို့တွင် မြန်မာစစ်တပ် ခလရ (၇၇) ခလရ(၈၃) ခမရ ( ၆၀၁) တပ်ရင်းတပ်ဖွဲ့များ နှင့် ကေအိုင်အေ တပ်ရင်း(၁၆) (၂၁) များမှ တပ်ဖွဲ့ဝင်တို့ ဇန်န၀ါရီ (၂)ရက်နေ့ မနက်ပိုင်း (၈း၀၀)နာရီ ခန့်မှ ညနေ(၃း၀၀)နာရီအချိန်ခန့်ထိ တိုက်ပွဲပြင်းထန်စွာဖြစ်ပွားခဲ့ပြီး မြန်မာစစ်တပ်မှ (၁၀၅)မမ (၁၂၀)မမ လက်နက်ကြီးများ အသုံးပြုကာ တိုက်ခိုက်နေကြောင်း သိရှိရသည်။ နှစ်ဖက်ထိခိုက်ကျဆုံးမှုအား မသိရသေးပါ။

ဇန်န၀ါရီ (၃)ရက် ယနေ့ မနက်စောစောပိုင်း က ရှမ်းပြည်မြောက်ပိုင်း မူဆယ်မြို့ မှ နမ့်ခမ်းမြို့ ဘက်သို့ မြန်မာအစိုးရ စစ်ကား (၂၅)စီး ပါဝင်သော စစ်ယာဉ်တန်းထွက်ခွာသွားကြောင်း ဒေသခံမျက်မြင်တွေ့ ရှိသူများမှ ပြောကြားသည်။ စစ်ယာဉ်တန်းတွင် စစ်သားများအပါအ၀င် မြင်း ၊ လားများ လက်နက် ရိက္ခာများအပြည့် တင်ဆောင်ထားကြောင်းသိရသည်။ (ကိုးကား kachinnet)

ရန်ကုန်တိုင်း ဒေသကြီးတွင် အကျဉ်းသား ၈၀၄ ဦး နှင့် မ ၁၃၀ ဦး လွှတ်မည်

2012-01-03T10:24:00.005+07:00

ဆုံဆည်းရာ၊ ၃ ရက် ဇန်န၀ါရီလ ၂၀၁၂

ရန်ကုန်တိုင်းဒေသကြီးအတွင်း လွတ်ငြိမ်းချမ်းသာခွင့်ရ အကျဉ်းသား ၈၀၄ ဦး နှင့် မ ၁၃၀ ဦး ပါဝင်ဟု အကျဉ်းဦးစီးဌာန၏တာဝန်ရှိသူတစ်ဦးမှ သိရသည်။ အင်းစိန်အကျဉ်းထောင်ရှေ့ တွင် လွတ်ငြိမ်းချမ်းသာခွင့်အတွက် လာရောက်စောင့်ဆိုင်းသူအ ယောက်(၂၀၀)ခန့်ရှိပြီဖြစ်သည်။

ယနေ့နံနက် ၉ နာရီခွဲအချိန်တွင် အင်းစိန်အကျဉ်းထောင်မှ အကျဉ်းသား ၅၀ ဦးနှင့် အကျဉ်းသူ ၅၀ ဦး အပြင် သီးသန့် အကျဉ်းသား ၃ ဦး ကို စတင်လွှတ်ပေးနေကြောင်း သိရပါတယ်။ ပထမဆုံးအသုတ်အနေဖြင့် လွတ်ပေးခဲ့သော အကျဉ်းသားများထဲတွင် နိုင်ငံရေး ယုံကြည်ချက်ကြောင့် အကျဉ်းကျခံနေရသူ သုံးဦပါဝင်(၁) စောဆေးကလယ် ပုဒ်မ ၁၇/၁ ၊ ဂျေသန့် ပုဒ်မ ၅/ည၊ သန်းနိုင်ဦး (ခ) အစစ် ပုဒ်မ ၁၇/၁ လွတ်ပေးကြောင်း သိရပါတယ်။

သာယာဝတီအကျဉ်းထောင်တွင် အကျဉ်းသား ၈၉ ယောက် လွှတ်ပေးမှာဖြစ်ကြောင်း သိရှိရပြီး နိုင်ငံရေးအကျဉ်းသားတစ်ဦးမျှမပါဝင်ကြောင်း သိရပါတယ်။

ကိုးကား မက်ဆင်ဂျာ ဖေ့ဘုတ်စာမျက်နှာ