ဓမ္မဆွဲအားနဲ့
အစလွဲသွားတဲ့ အပ္ပါယ်ဘာသာ
ကမ္ဘာ့ဆွဲအားနဲ့
ကပ်လွဲသွားတဲ့ ကြယ်တာရာ
ဘ၀ဆွဲအားနဲ့
ထပ်လွဲသွားတဲ့ အမုန်းများ
အလှဆွဲအားနဲ့
ပြတ်စဲသွားတဲ့ နှလုံးသား
မနုဿလူ့ရဲ့ဘောင်သို့
ဒုက္ခဆုလက်ဆောင်ပို့လိုက်တယ်။ ။
သုအိုင်စံ
Thursday, September 29, 2011
အမှောင် ၆၆၆
Wednesday, September 28, 2011
ဧရာဝတီ၊ မြေနုကျွန်းပေါ်က စိန်ခေါ်သံလို့ ပြောရင်ရတယ်
ဒေါင်းကို လည်ဖြတ်
မြစ်ကို သတ်လည်း
သွေးမကွဲကြေး၊ အရေးကြုံပြီ
နဒီဧရာ၊ ကဗျာအော်သံ
မြစ်ယံ စိန်ခေါ်သံတွေပဲ။
ရေကိုသား၍
အကြားမထင်ငြား
ဓားသွားပေါ်က သွေးမြစ်တွေ။
ရေကိုခြား၍
တံတား တမံ စစ်ရန်တံတိုင်း
“ကိုင်း ... ထထကြွကြွနဲ့ ၀ိုင်းကြပေရော့” တဲ့
မှိုင်းပြောချင်တဲ့
သမိုင်းတင်စကား၊ ကြားယောင်ပဲ့တင်။
ရေသာများ၍
ငါးမတွေ့ပြီ၊ မန်ဒါလီလား
ယန်စီမြစ်သေ၊ သံဝေဂယူ။
ဒင်းတို့က၊ ဓား ဓားချင်း
ငဖျင်းတို့က၊ လှံ လှံချင်း
ငနုံတို့က တုတ် တုတ်ချင်း
လေပြင်းဒေါသ
လောဘလှိုင်းတွေ ထကြွချိန်။
ချင်းတွင်းရေစီး
မပြီးသေးတဲ့
ရေးဆေးပန်းချီကားတွေအကြောင်း ...။
သံလွင်ချောင်းခြား မျက်ရည်များ
သံလွင်ရေတွေ ကုန်ကာမှ တွေ့ရမှာလား။
စစ်တောင်းမြစ်ဆိပ်၊ စစ်ရိပ်မဲမှောင်
လောင်စာရန်ငြှိုး၊ မီးဆက်၍ ပျိုးမည်လား။
နောင်မျိုးဆက်များ၊ လှိုင်းလေကြားမှာ
ဧရာဝတီ၊ နဒီသွေးသား
တရားတဘက်၊ ဓားတလက်နဲ့
ကမ်းဆက် ကာကွယ်ကြပေတော့ ...။ ။
မောင်လွမ်းဏီ
၂၄.၀၉.၂၀၁၁
Tuesday, September 27, 2011
ငါ့အတွက် သင်မငိုပါနဲ့ ဗမာပြည်
ငါ့အတွက် သင်မငိုပါနဲ့ ဗမာပြည်
(ဧရာဝတီကိုယ်စား)
စံညိမ်းဦး
အဲဒီမှာ ...
ဧရာဝတီတဲ့
မြစ်တစင်းတဲ့
မြစ်တစင်းဆိုတာထက်
ငါဟာ ...
အချစ်သီချင်းတွေကိုသာ နားစွင့်
အချစ်သီချင်းတွေကိုသာ နာယူလိုခဲ့သူ
ဒါပေမယ့် ...
စစ်တလင်းတွေကိုသာ ဖြတ်ခဲ့ရ
စစ်သတင်းတွေကိုသာ နားဆင်ခဲ့ရသူဖြစ်လို့ ...။
အဲဒီမှာ ...
ဧရာဝတီတဲ့
မြစ်တစင်းတဲ့
မြစ်တစင်းဆိုတာထက်
ငါဟာ ...
ဓမ္မတရားကိုလည်း ငတ်
အလှတရားကိုလည်း ငတ်
ငြိမ်းချမ်းရေးကိုလည်း ငတ်
စိမ်းလန်းရေးကိုလည်း ငတ်သနဲ့
အဲဒီလို ဒုဗ္ဗိကန္တရကပ်တည့်တည့်မှာ တွင်းဆုံးကျလို့
ငါဟာ အငတ်ဘေးကျရောက်နေသူ။
တကယ်တော့
သင်နဲ့ ငါဟာ
‘အလံ’ နဲ့ ‘လေ’ ဆိုလည်းဟုတ်ခဲ့ရဲ့ ဗမာပြည်
‘ထီး’ နဲ့ ‘ဖိနပ်’ ဆိုလည်းဟုတ်ခဲ့ရဲ့ ဗမာပြည်
သင်ပြုံးရင် ငါပျော်
သင်မော်ရင် ငါမြူး
သင်လဲတော့ ငါထူ
သင်ပူတော့ ငါကျွမ်း
သင်က ဓားရေး လှံရေးဆိုရင်
ငါက တော်လှန်တေးတွေကို တံပိုးခရာမှုတ်လို့။
အဲဒီ ၀ါကျင့်ကျင့် သမိုင်းခေတ် ဇာတ်ဝင်ခန်းများထဲ
စီးဆင်းခဲ့အတူ
နေ့စွဲတွေကို လွမ်းလို့။
ဗမာပြည်တဲ့
သင်က
တိုင်းပြည်တပြည်တဲ့
သင်က
တိုင်းပြည်တပြည်ဆိုတာထက်
သင်ဟာ
အာရှတိုက်ရဲ့နေရောင်ခြည်ထဲ
ရွှေရည်တဖျပ်ဖျပ်နဲ့ တန်ဖိုးအနဂ္ဃကြီးမြတ်
သင်ဟာ အားလုံးရဲ့ အလေးမြတ်ပြုခံခဲ့ရဖူးတဲ့ ကဒေါင်း
သင်ဟာ အားလုံးရဲ့ အမော်အဖူးကို ခံခဲ့ရဖူးတဲ့ ရွှေထီးတလက်
အခုတော့ ...
နှစ်ပရိစ္ဆေဒရဲ့ချောက်ကမ်းပါးထဲ
ရွှေရောင်ဒဏ္ဍာရီဟာ ပျော်ကျ
အရာရာဟာ မှုန်ဝါးလို့။
တကယ်ဆို
ဘာပဲဖြစ်ဖြစ်
ငါဟာ သင့်ကို ချစ်ခဲ့ရဲ့ ဗမာပြည်
ငါဟာ သင့်ကို ချစ်နေသေးရဲ့ ဗမာပြည်
သင့်ကို ချစ်ခဲ့သမျှ
ငါပြန်ရခဲ့တာကတော့
သင့်ရဲ့ ကြင်နာမှုဟာ ရက်စက်ခြင်း
သင့်ရဲ့ သစ္စာမဲ့မှုဟာ မိုက်မဲခြင်း
အို ...
အခုတော့
သင့်ရဲ့အမြော်မြင်မဲ့မှုမှာ
ငါဟာ အသက်ကို တမျှင်းမျှင်းရှူလို့။
ငါဟာ သင်ပစ်ချလိုက်တဲ့
သူစိမ်းတစ်ရံဆံတွေရဲ့ သံဖနောင့်အောက်မှာ
သောင်ထွန်းနေသော ငါ့နှလုံးသားကိုငါဖွဖွကိုင်ရင်း
သင့်ကိုငေးရီလို့။
ငါ … ဘာများပြောရမလဲ ဗမာပြည်။
ဟောဟိုမှာ
ဧရာဝတီကို ကယ်တင်ကြတဲ့
ငါ့အပေါ်ထားတဲ့ လီစ္ဆ၀ီတွေထက်လှတဲ့
ငါ့ပြည်သူတွေရဲ့တေးသံမှာ
ငါ့သွေးခုန်သံဟာ ပူနွေးခဲ့ရ။
ငါ့ပြည်သူတွေရဲ့ မေတ္တာပန်းများမှာ
ငါ့သွေးခုန်သံဟာ မွှေးမြခဲ့ရ။
သင်ကတော့
ငါ့အဝေးမှာ
ငါ့မှာတော့
ဖွတ်မိချောင်းဖြစ်
မြစ်မချမ်းသာ နေ့ရက်များကို
ကျောပေါ်တင်ပြီးစီးရ။
အခုတော့ ...
ငါ့အတွက် သင်ငိုလည်း အပိုပဲဖြစ်လို့နေမလား ဗမာပြည်
သင်ရဲ့ ရက်စက်သော မျက်ဝန်းဆီမှ
ကျလာမယ့်အရာဟာ ကမ္ဘာဖျက်မိုးများ (သို့မဟုတ်) မျက်ရည်တဲ့လား
အခုတော့ ...
‘လေ’ ဟာလည်း ‘အလံ’ ကို မလွင့်စေတော့ဘူးလေ။ ။
စံညိမ်းဦး
၂၆-၉-၂၀၀၁
Saturday, September 24, 2011
Friday, September 23, 2011
လွန်ခဲ့တဲ့ ၁၂ နှစ် လောက်က ငြိမ်းချမ်းရေးဆွေးနွေးပွဲတွေအပေါ် (ဗကပ) က ဒီလိုမြင်ခဲ့ထားတယ်
အမျိုးသားဒီမိုကရေစီအဖွဲ့ချုပ်နှင့် စစ်အစိုးရကြားတွင်ရှိသည့်
အာဃာတသည် သက်တမ်းနုပါသေးသည်။ မေ့ပျောက်ပစ်ဖို့ လွယ်ပါလိမ့်မည်။ အမျိုးသားဒီမိုကရေစီအဖွဲ့ချုပ်၏
ခေါင်းဆောင်များအားလုံးလောက်သည်။ တကြိမ်တခါက လက်ရှိ စစ်အစိုးရ ခေါင်းဆောင်တို့၏ အကြီးအကဲများပင်ဖြစ်ခဲ့ပါသည်။
သူတို့ အချင်းချင်း သူသေ ကိုယ်သေ ဘယ်တုန်းကမှ မတိုက်ခဲ့ကြဘူးပါ။ ထို့ကြောင့် အမျိုးသားဒီမိုကရေစီအဖွဲ့ချုပ်နှင့်
စစ်အစိုးရကြားမှ ပြဿနာကို ပထမဆုံး ကိုင်တွယ် သင့်ပါသည်။
ဗမာပြည်ကွန်မြူနစ်ပါတီ မှ ၁၉၉၉ ခုနှစ် ဒီဇင်ဘာ
၁ ရက်နေ့ နေ့စွဲဖြင့် ထုတ်ခဲ့သည့် “ငြိမ်းချမ်းရေးတမာန်တော် ကြခတ်ဝိုင်းဆရာတော်သို့
လျှောက်ထားချက်” မှ ကောက်နှုတ်ဖေါ်ပြပါသည်။
Thursday, September 22, 2011
ဧရာဝတီမြစ်ကို အခြေခံ၍ ပြည်ထောင်စု ညီညွတ်ရေးဆောင်ရွက်ရန် ဒေါ်အောင်ဆန်းစုကြည်ပြော ရန်ပိုင်
ရန်ပိုင်
Thursday, 22 September 2011 17:45
“ဧရာဝတီကို ကယ်တင်ပါ” အမည်ရှိ အနုပညာရှင်များ၏ ပြပွဲ ဖွင့်ပွဲသို့
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် သွားရောက်ကြည့်ရှုခဲ့စဉ်
ဧရာဝတီမြစ်ကို အခြေခံ၍
ပြည်ထောင်စု ညီညွတ်ရေးဆောင်ရွက်နိုင်ရန် ဆုတောင်းပေးခဲ့ကြောင်း သိရသည်။
ရန်ကုန်တိုင်း ဒဂုံမြို့နယ် ယောမင်းကြီးလမ်း ရှိ Gallery 65 တွင်
ယနေ့နံနက်က ဖွင့်လှစ်ခဲ့သည့် အဆိုပါပြပွဲ၌ ဒေါ်အောင်ဆန်းစုကြည်က “ဧရာဝတီ
မြစ်ကြီး တည်တံ့ရေးကို အားလုံးက စုစုစည်းစည်း လုပ်မယ်ဆိုရင် ညီညွတ်ရေး
အတွက်လည်း ဖြစ်တယ်။ အားလုံး ယုံကြည်တဲ့ ကိစ္စတခုကို အခြေခံပြီး
ညီညွတ်မှုယူနိုင်ရင် တဖြည်းဖြည်းနဲ့ ညီညွတ်ရေး ပိုဖြစ်လာနိုင်တယ်” ဟု
ဒေါ်အောင်ဆန်းစုကြည်က ပြောဆိုကြောင်း အဆိုပါ ပြပွဲသို့ သွားရောက်ခဲ့သည့်
စာနယ်ဇင်း သမားတဦးက ဆိုသည်။
ယခုပြပွဲတွင် အနုပညာရှင် ၅၄ ဦး၏ ဧရာဝတီနှင့် ပတ်သက်သည့် ဓာတ်ပုံ၊ ပန်းချီ၊ ကာတွန်း၊ ကဗျာ ၁၄၂ ခုကို ပြသထားသည်ဟု သိရသည်။
ပြပွဲစီစဉ်သူ
တဦးဖြစ်သည့် ဦးရဲနိုင်မိုးက ပြပွဲတင်ဓာတ်ပုံများသည် ၂၀၀၉ – ၂၀၁၀
ခုနှစ်များ၌ သတင်းစာဆရာ၊ စာရေးဆရာ၊ ကဗျာဆရာ၊ ဓာတ်ပုံဆရာများ စုပေါင်းကာ
မန္တလေးမြို့မှနေ၍ မေခ၊ မေလိခ ပေါင်းဆုံသည့် ကချင်ပြည်နယ် မြစ်ဆုံအထိ ဧရာ
ဝတီမြစ်အတွင်း အထက်အောက် သွားလာ ရိုက်ကူးထားသည့် ဓာတ်ပုံများ ဖြစ်သည်ဟု
ရှင်းပြသည်။
“ဧရာဝတီမြစ်ဖျားမှာ မြစ်ဆုံဆည် ယခု ပြပွဲမှ ဓာတ်ပုံ ပညာရှင်များ ဖြစ်ကြသည့် မျိုးမြင့်ဆွေ၊
စိုးဝင်းငြိမ်း၊ ထွန်းဝင်းငြိမ်း၊ ညီပုလေး၊ ဦးဖေမောင်သိန်းတို့၏ လက်ရာများ
ပါဝင်သော “မြစ်တစင်း၏ ပုံရိပ်” အမည်ရှိ ဓာတ်ပုံစာအုပ်ကိုလည်း ယနေ့
စတင်ဖြန့်ချိလိုက်ကြောင်း ဦးရဲနိုင်မိုးက ဆက်လက် ရှင်းပြသည်။တည်ဆောက်ပြီးရင်
ဒီလိုမြင်ကွင်းမျိုးတွေ မြင်ရမှာမဟုတ်တော့ဘူး။ ဒါကြောင့် အမှတ်ရ ပြပွဲလုပ်
တာပါ” ဟု ၎င်းက ဆိုသည်။
ပြပွဲတွင် ကာတွန်း စိုးသော်တာ၏ “တရားခံများတွင် သမိုင်းတရားခံမှာ
အဆိုးဆုံးဖြစ်သည်” ဆိုသည့် ကာတွန်းကို စာပေစိ စစ်ရေးက တားမြစ်သည့် အတွက်
ဖြုတ်ပေးခဲ့ရကြောင်း သိရသည်။
အဆိုပါ ပြပွဲ ဖွင့်ပွဲကို ပရိသတ် ၁၀၀၀
နီးပါး တက်ရောက်ခဲ့ပြီး နိုင်ငံရေး ပါတီများ၊ နာမည်ကြီး စာရေးဆရာ၊
ရုပ်ရှင်၊ ဂီတ အနုပညာ ရှင်များ၊ စာပေနှင့် စာနယ်ဇင်း အသိုင်းအ၀န်းအပြင်၊
သဘာဝ ပတ်ဝန်းကျင် ထိန်းသိမ်းရေး လုပ်ကိုင်နေသည့် အဖွဲ့အစည်းများမှ
ပုဂ္ဂိုလ်များ လာရောက်ကြောင်း သိရသည်။
ဧရာဝတီ မြစ်အတွင်း
ကိုယ်တိုင်သွားရောက် ဓာတ်ပုံရိုက်ကူး တင်ပြခဲ့သည့် မန္တလေးသား စာရေးဆရာ
ညီပုလေးကလည်း “ဧရာဝ တီက အရင်လို မဟုတ်တော့ဘူး။ ကမ်းတလျှောက်
ရေပိုက်တွေနဲ့ထိုးပြီး ရွှေတွေကျင်နေတာ အရမ်းပျက်စီးပြီး အကျည်းတန်နေပြီ။
စိတ်မချမ်းသာဘူး” ဟု ဆိုသည်။
ဧရာဝတီမြစ်အတွင်း တရုတ်နိုင်ငံမှ
လာရောက် ရွှေကျင်ခြင်း၊ သတ္တုတူးဖော်ခြင်း ပြုလုပ်နေသည့် ဖောင်များ၊
သင်္ဘောများကိုလည်း အထက်ပိုင်း မြစ်ကြောင်းတလျောက် တွေ့မြင်ရပြီး
သစ်လုံးတင်သင်္ဘော အများအပြား သွားလာနေသည်ကို တွေ့ရကြောင်း
သောင်များ အလွန်အကျွံ ထွန်းနေသည့်အတွက် မြစ်ကြောင်းမှာ ကျဉ်းမြောင်းသွားသည်ကို သတိထားမိကြောင်း စာရေးဆရာညီပု လေးက ဆက်လက်ပြောပြသည်။
ကချင်ပြည်နယ်မြောက်ပိုင်း ရေခဲတောင်တန်းများမှ မြစ်ဖျားခံလာသည့် မေခနှင့်
မေလိခ မြစ်နှစ်သွယ်သည် မြစ်ကြီးနားမြို့ တန်ဖဲ ရွာ အနီးတွင် ပေါင်းဆုံ၍
ဧရာဝတီမြစ်အဖြစ် ကချင်ပြည်နယ်၊ မန္တလေးတိုင်း၊ မကွေးတိုင်း၊ ပဲခူးတိုင်း
နှင့် ဧရာဝတီတိုင်းတို့ကို ဖြတ် သန်းစီးဆင်းသည်။
၁၉၈၈
ခုနှစ်နောက်ပိုင်း စစ်တပ်အာဏာ ရယူခဲ့ချိန်မှစ၍ ဧရာဝတီမြစ်အတွင်းသို့
စီးဝင်နေသည့် မြစ်နှင့် ချောင်းလက်တက်များတွင် ဆည်များ တည်ဆောက်ခဲ့ခြင်း၊
မြစ်ကူးတံတားများ တည်ဆောက်ခြင်းတို့ကြောင့် မြစ်ကြောင်းများ ပြောင်းလဲကာ
ရေနည်းပါးမှု ဖြစ်ပေါ်ခဲ့သည်။
ယခုအစိုးရက ထပ်မံ၍ ဧရာဝတီမြစ်ဖျား
မေခနှင့် မေလိခဆုံရာ မြစ်ဆုံဒေသ၌ တရုတ်အစိုးရပိုင် (CPI) ကုမ္ပဏီဖြင့်
ပူးပေါင်းကာ ရေကာတာ တည်ဆောက်ပြီး လျှပ်စစ်ဓာတ်အား ထုတ်လုပ်၍
တရုတ်နိုင်ငံသို့ လျှပ်စစ်ဓာတ်အား ရောင်းချရန် ပြုလုပ် နေသည့် အတွက်
ပြည်သူများက အတိအလင်း ဆန့်ကျင်ကန့်ကွက် ပြောဆိုမှုများ ပြုလုပ်နေသည်။
လီလီပန်းလေးများရဲ့ နောက်ကွယ်မှာ… (ဂဠုန်ဦးစောမိသားစု၏ ဘ၀ဖြတ်သန်းမှု)
"ကိုယ်မလုပ်ခဲ့တဲ့ ကိစ္စအတွက် ဒီလိုခံစားရတာကို စိတ်မကောင်းဘူး။ ကလေးတွေက ဘာမှ လုပ်ခဲ့တာမှ မဟုတ်တာ။ သူတို့ အဘိုးကလည်း သူ့အပြစ်အတွက် ဥပဒေအရ ခံသွားပြီပဲ။ ကျန်တဲ့လူမှာ ဘာအပြစ်မှမရှိဘူး။ ဒီကလေးတွေကို အေးအေးချမ်းချမ်းနဲ့ နေစေချင်တယ်။ သူတို့ကိုယ်သူတို့လည်း အပြစ်ရှိတဲ့လူတွေရယ်လို့ မသတ်မှတ်သင့်ဘူး"
(ဒေါ်အောင်ဆန်းစုကြည်)
လီလီပန်း
အဖြူရောင်လေးများက ကနုတ်ပန်းကြွ မင်္ဂလာဘိသိက် ငွေဖလားကြီးထဲ၌ လှလှပပ လန်းလန်းဆန်းဆန်း။
လွန်ခဲ့ပြီးသော ဆယ်စုနှစ်သုံးခုကျော်မှကြီးကျယ် ခမ်းနားလှသည့် မင်္ဂလာအခမ်းအနားပွဲ တစ်ခု၏
မြင်ကွင်းဖြစ်သည်။
ဘိသိက်ခံမင်္ဂလာမောင်နှံမှ
သတို့သမီးမှာ အမျိုးသားခေါင်းဆောင်ကြီး ဗိုလ်ချုပ်အောင်ဆန်းနှင့် အာဇာနည် ခေါင်းဆောင်ကြီးများကို
လုပ်ကြံမှုတွင် မြန်မာ့သမိုင်း တရားခံတစ်ဦးအဖြစ် ပြည်သူများအကြား ယနေ့တိုင် နာမည်ဆိုးနှင့်
ရှိနေခဲ့သော ဂဠုန်ဦးစော၏ မြေးဖြစ်၏။ ဦးစော၊ ဒေါ်သန်းခင်တို့၏ သမီးဒေါ်ဘေဘီစောမှ မွေးဖွား
သော ဒုတိယသမီး ဒေါ်မွန်မွန်ရင်ဖြစ်သည်။
ဒေါ်မွန်မွန်ရင်၏
မင်္ဂလာပွဲ ဘိသိက်ပန်း ငွေဖလားတွင် လီလီပန်းကိုသာ ထိုးရမည်ဆိုသည့် အဘွားဒေါ်သန်းခင်၏
တစ်ချက်လွှတ် ဆန္ဒဖြင့် ထိုလီလီပန်းဖြူဖြူ ဖွေးဖွေးများကို ရန်ကုန်တစ်မြို့လုံးတွင် မရမက
ရှာဖွေခဲ့ရသည်ဆို၏။
ထိုပန်းများကို
တစ်မြို့လုံးတွင် မရမက လိုက်လံရှာဖွေခဲ့ရာ နောက်ဆုံးတွင်မှ တိုက်တိုက်ဆိုင်ဆိုင်ပင်
အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ ဇနီးဖြစ်သူ ဒေါ်ခင်ကြည်ခြံထဲ၌ စိုက်ပျိုးထားသော
လီလီပန်းများရှိကြောင်း သတင်းရသဖြင့် ထိုလီလီပန်း အဖြူရောင်များကို မင်္ဂလာဘိသိက်ပန်းအဖြစ်
ထိုးနိုင်ခဲ့ခြင်းဖြစ်သည်။
ထိုအဖြစ်အပျက်မှာ
လွန်ခဲ့သော နှစ်ပေါင်းသုံးဆယ်ကျော်က ဖြစ်ပြီး သမိုင်းဝင် မှတ်တမ်းတွင် မိသားစုနှစ်ခုကြား
တစ်ကြိမ်တည်းသော အမှတ်မထင်ဆုံစည်းခဲ့သည့် ဆက်စပ်မှုတစ်ခု ဖြစ်ခဲ့လေသည်။
“ပန်းတွေ
သွားခူးတဲ့နေ့က လာခူးတဲ့ လူတွေကို အန်တီဒေါ်ခင်ကြည်က အိမ်ပေါ်ကနေသော့ ပစ်ချပေးရင်း ဘယ်သူ့မင်္ဂလာဆောင်လဲလို့
မေးတယ်တဲ့။ ဦးစော၊ ဒေါ်သန်းခင်မြေး မင်္ဂလာဆောင်ပါလို့ ပြောတော့ သြော် ဒေါ်သန်းခင်က မြေးတွေဘာတွေနဲ့
ဆိုတော့ ကျွန်မထက် သူကတောင် ပိုကံကောင်းတာပေါ့လို့ ပြောတယ်တဲ့။ အဲဒီစကားလေးနဲ့
ပန်းလေးတွေက မှတ်မှတ်ရရပါပဲ” ဟု ဒေါ်မွန်မွန်ရင်က သူ့မင်္ဂလာဆောင် အမှတ်တရ ဘိသိက်ပန်းအဖြစ်
ဒေါ်ခင်ကြည် စိုက်ပျိုးထားသော အဖြူရောင် လီလီပန်းလေးများကို မင်္ဂလာငွေဖလားထဲတွင် ထိုးစိုက်နိုင်ခဲ့ပုံကို
ဂုဏ်ယူဝင့်ကြွား ပီတိဖြစ်စွာ ပြန်ပြောင်းပြောပြသည်။
ယခုအခါ
ဦးစော၏ ဇနီး ဒေါ်သန်းခင်လည်း မရှိတော့၊ ဦးစော၏ သမီးဒေါ်ဘေဘီစောလည်း ကွယ်လွန်သွားပြီ
ဖြစ်သည်။ အချိန်ကာလ ဆယ်စုနှစ်တွေလည်း တစ်စုပြီးတစ်စု ဖြတ်ကျော်ခဲ့ပြီ ဖြစ်သကဲ့သို့
ဦးစောမိသားစုဝင်တွေလည်း သမိုင်းမှအရိပ်မည်းတစ်ခု၏ ခြောက်လှန့်မှု အောက်မှ တဖြည်းဖြည်း
ရုန်းထွက်လာနိုင်ပြီ ဖြစ်သည်။ သမိုင်းတရားခံ မိသားစုအဖြစ် အပြစ်ရှိသူများကဲ့သို့ ဖြတ်သန်းလာခဲ့ရသည့်
ကာလများမှာ အချိန်တွေ ကြာလာသည်နှင့်အမျှ ဒေါ်မွန်မွန်ရင်၏ သား၊သမီးမြေးများ လက်ထက် ယခုအခါတွင်မူ
တဖြည်းဖြည်း လွတ်မြောက်လာခဲ့ပြီဟု ဒေါ်မွန်မွန် ရင်ကယူဆလေသည်။
“အန်တီ့မေမေနဲ့
အဘွားတုန်းကတော့ တော်တော်လေး ရပ်တည် ရုန်းကန်ခဲ့ကြရတယ်။ အန်တီတို့ကျတော့ ကံကောင်းပါတယ်။
တော်တော်ကို အခြေအနေ ကောင်းလာပါတယ်။ ဒါပေမဲ့ အန်တီ့သမီးကြီးတုန်းကတော့ နည်းနည်းလေး
ဂယက်ရှိခဲ့သေးတယ်။ ဆိုးဆိုးဝါးဝါးကြီးတော့ မဟုတ်ပါဘူး”
“ဦးစောမြစ်တဲ့”၊
“ဦးစောမြစ်တဲ့” ဆိုသည့် တစ်ကျောင်းတည်းနေ ကျောင်းသူ၊ ကျောင်းသားများထံမှ ကြားရသည့်
မလိုလားသော အသံဟန်နှင့် ပြောဆိုမှုကိုကြုံတွေ့ခဲ့ရသည့် သမီးကြီးအတွက် ဒေါ်မွန်မွန်ရင်
စိတ်ပူကာ နောက်ကျောင်းတစ်ကျောင်းသို့ ပြောင်းထားခဲ့ရသည်။
“ကလေးတွေမှာ
ခံစားချက်ရှိ တယ်။ ကလေးချင်းဘာမှ ဆိုးဆိုးဝါးဝါးမရှိပေမယ့် ကျောင်းမှာ သူတို့အဘိုးနာမည်ကိုတပ်ပြောလာတော့
ကြောက်တာပေါ့လေ။ ကလေးစိတ်အနှောင့် အယှက်ဖြစ်မှာစိုးတာနဲ့ ကျောင်းပြောင်းလိုက်ရတာပေါ့”ဟု
အဘိုးဖြစ် သူ၏ ဂယက်ရိုက်ခတ်မှုက မြစ်ဖြစ် သူအထိပင်ရှိခဲ့ကြောင်းကို ဒေါ်မွန်မွန်ရင်က
ဥပမာပေး၍ ပြောပြသည်။
ဒေါ်မွန်မွန်ရင်မှာ
ငယ်စဉ်က ပင် မိခင်နှင့်အဘွားဖြစ်သူသင်ကြား ပေးသည့်အတိုင်း နေထိုင်ခဲ့ရသလို ယခုသူ့သားသမီးမြေးများကိုလည်း
ထိုကဲ့သို့ပင် ဆက်လက်သင်ကြားပေး သည့်အတွက် လူမှုပတ်ဝန်းကျင်တွင် ကောင်းမွန်စွာ နေထိုင်နိုင်ခဲ့ကြခြင်း
ဖြစ်သည်ဟု ဆိုသည်။
“အန်တီ့ကိုငယ်ငယ်ကတည်း
က မေမေကပြောတယ်။ ကိုယ့်မှာအပြစ်ရှိခဲ့တယ်။ အဲဒါကြောင့်သူများ တွေက အဘိုးနဲ့ပတ်သက်လို့ပြော
လာရင် ပြန်ရန်ဖြစ်တာတို့ ပြန်ပြောတာတို့မလုပ်ရဘူးတဲ့ ဦးနှောက်ထဲကို အဲဒီအတိုင်းသွင်းပေးထားတာ။
အဲဒီတော့ ဘာမှ ပြန်မပြောရဲဘူး”ဟု ဒေါ်မွန်မွန်ရင်ကဆိုသည်။
ဒေါ်မွန်မွန်ရင်သည်
မိသားစုနှင့်အတူ ဦးစော နေထိုင်ခဲ့ရာ အေဒီလမ်းရှိ အိမ်ခြံဝင်းနှင့် တစ်ခြံကျော်၌ လက်ရှိနေထိုင်လျက်ရှိသည်။
သူတို့အိမ်ဧည့်ခန်းဆောင်တွင် ၀င်ဝင်ချင်း တွေ့မြင်ရသည်က ဦးစောနှင့် ဇနီးဒေါ်သန်းရင်တို့ ဇနီးမောင်နှံပုံတူ
ကျောက်စီပန်းချီကားကြီးဖြစ်၏။ ထိုပန်းချီကားခြေရင်းတွင် စားပွဲတစ်လုံးချကာ ရေပူရေအေး
ဆက်ကပ်ထားသည်ကိုလည်း တွေ့ရသည်။
သမိုင်းတရားခံတစ်ဦး
ဖြစ်သော်ငြား မိသားစုဝင်များကမူ ဦးစော ကြိုးစင်မတက်ခင် ထောင်အတွင်းမှ
ရေးသားထားသောစာများကိုဖတ် ရှုသိမ်းဆည်းထားကာ ထိုစာများအရ အဘိုးဖြစ်သူ ဦးစောသည်
မသေဆုံးမီ အမှန်တရားကို သိမြင်လက်ခံသွားခဲ့သည်ဟု ယုံကြည်လျက်ရှိကြ သည်။ ဦးစောက သူတို့အတွက်
သူရဲကောင်း တစ်ယောက်မဖြစ်ခဲ့သော်လည်း သမိုင်းသင်ခန်းစာများ ပေးသွားခဲ့သူ
တစ်ယောက်ဖြစ်သည့်အပြင် တိုင်းပြည်ကို ချစ်မြတ်နိုးခဲ့သူ တစ်ယောက်အဖြစ်လည်း လက်ခံထားကြသည်။
“သူမသေခင်ရေးခဲ့တဲ့
စာကိုကြည့်ရင်သူအမှန်တရားကို သိသွားခဲ့လို့ပေ့ါ။ တကယ်တော့အထင်လွဲမှု တွေကနေ ဖြစ်လာတဲ့
သူ့ပင်ကို စိတ်ပေါ်လာတာပေါ့။ ဒေါသစိတ်ကြောင့် ဖြစ်ခဲ့ရတာလေ။ အဲဒီလိုသာ မဟုတ်ခဲ့ရင် တိုင်းပြည်လည်း
ဒီလို ဘယ်ဖြစ်မလဲ။ သူလည်း တိုင်းပြည်ကို ချစ်တဲ့သူတစ်ယောက်ပဲ ဆိုတာ အန်တီတို့အိမ်မှာ
ကျန်ခဲ့တဲ့ စာရွက်စာတမ်း၊ စာအုပ်တွေကို ကြည့်ရင်သိ နိုင်ပါတယ်””ဟု အဘိုးဖြစ်သူအပေါ်
မိသားစုဝင်တစ်ဦးအဖြစ် နားလည်မှု ပြည့်ဝစွာဖြင့် ပြောပြသည်။
မည်သို့ပင်အဘိုးဖြစ်သူကို
နားလည်မှုရှိသည်ဆိုဦးတော့ အဘိုး၏ တိုင်းပြည်အပေါ် ကျူးလွန်ခဲ့မှုအတွက်
ယနေ့အချိန်ထိ ပေးဆပ်ရလျက်ရှိဆဲ ဖြစ်သည်ဟုဆိုသည်။
“လူတွေအမြင်မှာ
သြော်.. ဒီမိသားစု သူတို့အပြစ်တော့သူတို့ သိသားပဲဆိုတာမျိုး ဖြစ်အောင် နေရပါတယ်။
အန်တီ့မေမေနဲ့ အဘွားတုန်းကဆိုရင် သူတို့တွေက ရှိတဲ့ပစ္စည်း ထုတ်ရောင်းတာ။
အပြင်လူနဲ့ ကူးလူးရတဲ့ စီးပွားရေးတွေ ဘာတွေလုပ်လို့ အဆင်မပြေဖူးလေ။ အဘိုးထားခဲ့တဲ့
ခြံပတ်ပတ်လည်က မြေတွေရောင်းစားပြီး နေလာခဲ့ကြတာ။ အန်တီ့အမေ လက်ထပ်ပြီး နောက်ပိုင်း
အဖေက ၀န်ထမ်းဆိုတော့ အန်တီတို့လည်း ၀န်ထမ်းမိသားစုဝင်တွေ ဖြစ်လာတာပေါ့။ တဖြည်းဖြည်းနဲ့”
ဟု ဦးစောမိသားစုဝင်များအဖြစ် ဖြတ်သန်းခဲ့ရသည့် အတိတ်ပုံရိပ်တို့ကို ပြန်ပြောင်းပြောပြသည်။
ယခုတော့
တဖြည်းဖြည်းနဲ့ လူမှုဝန်းကျင် ကျယ်ပြန့်လာခဲ့သည် မှာ သားကြီးက ပြည်သူတွေနဲ့
ထိ တွေ့ဆက်ဆံရသည့် အနုပညာရှင်တစ်ဦးအဖြစ် ဆယ်နှစ်ကျော်ဖြတ်သန်းခဲ့ပြီ ဖြစ်သည်။ သားကြီးက
သရုပ်ဆောင် မင်းခဖြစ်သည်။
သားကြီးသရုပ်ဆောင်လုပ်
လိုသည်ဟုပြောသည့်နေ့က ဒေါ်မွန်မွန်ရင်အော်လိုက်သည့်အသံမှာ တစ်အိမ်လုံးပင်
လန့်သွားရသည်ဟုဆိုသည်။
“သရုပ်ဆောင်ပဲ
ဝါသနာပါတယ်။ သရုပ်ဆောင်ပဲ လုပ်မယ်ဆိုတော့ အဲဒီနေ့က အန်တီအော်လိုက်တာ အိမ်ကလူတွေတောင်
လန့်သွား တယ်။ အမလေး၊ အမလေး ဘယ့်နှယ့် တစ်မိသားစုလုံး လူမသိသူမသိ နေလာရပါတယ်ဆိုမှ မင်းကျမှ
သရုပ်ဆောင်လုပ်မယ် ဆိုပြီးတော့လေ။ ဘယ်လို စဉ်းစားလို့မှ မရတာ။ ဒါပေမဲ့ သူတို့ အဖေက
ဝါသနာပါတာ လုပ်ပါစေ ဆိုပြီး ကြည့်နေလိုက်တာ အခု ၁၀ နှစ် တောင်ရှိခဲ့ပြီ” ဟု ဆိုလေသည်။
မင်းခသရုပ်ဆောင်လုပ်နေ
စဉ်မှာလည်း အချို့က ဦးစောမြစ် အဖြစ်သိကြသူများရှိသလို အများစု ကတော့မသိကြ။
သို့သော်လည်း သူ့အနုပညာ လုပ်ငန်းတွင်တော့ အဘိုးကြောင့် တစ်စုံတစ်ရာ အရိပ် မထင်ခဲ့ဟု
ဒေါ်မွန်မွန်ရင်ကဆိုသည်။
ထိုကဲ့သို့
ဦးစောမိသားစုကို သိရှိဆက်ဆံ ရင်းနှီးကြသူများဖြင့် တဖြည်းဖြည်း ပြောင်းလဲမှုများ ရှိလာခြင်းတို့က
ဒေါ်မွန်မွန်ရင် လက်ထက်ကပင် စခဲ့သည်ဆိုကလည်း မမှားပေ။ အာဇာနည်နေ့ နီးတိုင်း ပြုလုပ်လေ့ရှိသည့်
ဟောပြောပွဲများ၊ ကျောင်း တွင်းလှုပ်ရှားမှုများလုပ်သည့် ရက်များဆိုလျှင်
ဒေါ်မွန်မွန်ရင် မိဘများက သူမကို ကျောင်းသို့မလွှတ်တော့။ ဖခင်တာဝန်ကျရာ မော်လမြိုင်မြို့ရှိ
မော်ဒလိန်းကျောင်းတွင် ၄ တန်းမှ ၇ တန်းအထိတက်ခဲ့စဉ်က အမှတ်တရ တစ်ခုရှိခဲ့ဖူးသည်။
ဦးစော၏
မြေးမှန်း မြို့ကလူများရော ကျောင်းကပါ သိကြသည့်မို့ မိဘများက အာဇာနည်နေ့
အကြိုနေ့မျိုးတွင် ကျောင်းလွှတ်ရန် စိတ်ပူပန်ခဲ့သည့်အတွက် ကျောင်းမတက်ခဲ့ရ။
ထိုအကြောင်းကို ကျောင်းမှ အကြီးတန်း ကျောင်းသားများက သိကြသည့်အခါ သူ့ထံလာရောက်၍
အားပေးနှစ်သိမ့်စကား ပြောခဲ့ဖူးသည်ကို ဒေါ်မွန်မွန်ရင်မမေ့ခဲ့။ ကျောင်းသားကြီးများ၏
ထိုသို့ အားပေးနှစ်သိမ့်မှုများက ဒေါ်မွန်မွန်ရင်ကို အတော်ပင် အားတက်စေခဲ့သည်။
“ကျောင်းဟောပြောပွဲတွေမှာဆို
အတန်းကြီးတွေက ပြောတာကိုး။ အဲဒီရက်မှာ ကျောင်းမတက်တာ သိတော့ သူတို့က နောက်နေ့ အတန်းထဲကို
လာပြောတယ်။ ဒါက သမိုင်းကို ပြောတာပေါ့နော်။ နင်တို့နဲ့ မဆိုင်ဘူးပေါ့။ ကျောင်းမတက်ဘဲ
မနေနဲ့။ နောက်ဆိုရင် လာတက်။ နားထောင်ပေါ့ ဆိုတာနဲ့ နောက်နှစ်တွေက စပြီး အဲလိုပွဲတွေ
သွားတက်ဖြစ်တယ်” ဟု မိဘများက စိတ်ပူသော်လည်း ကလေးအချင်းချင်း ပြဿနာ မရှိခဲ့ဘဲ နားလည်မှုရခဲ့ပုံကို
ဒေါ်မွန်မွန်ရင်က ရှင်းပြသည်။
နောက်ပိုင်းမော်လမြိုင်မှ
ရန်ကုန်သို့ ပြန်ပြောင်းလာကာ အထက ၂ စမ်းချောင်း(စိန်ဖလိုး)သို့ ကျောင်းပြောင်းခဲ့သည်။
၈ တန်းမှ ၁၀ တန်းအထိ တက်ခဲ့ခြင်းဖြစ်ကာ ကျောင်းပြောင်းစတွင် သူ့ကို
အတန်းကြီးများက ဦးစောမြေးအဖြစ် လာရောက်ကြည့်ရှုကြသည်မှအပ အခြားပြဿနာ တစ်စုံတစ်ရာမရှိခဲ့။
“မိန်းကလေးကျောင်းဆိုတော့
အစ်မကြီးတွေပေါ့။ လာကြည့်ကြတယ်။ အုပ်စုလိုက် လာကြည့်ပြီးမှ အားနာသွားပြီး သြော် အသစ်ဆိုလို့
လာကြည့်တာပါ။ ဘာညာနဲ့ လျှောချသွားတယ်။ သူငယ်ချင်းတွေက ကိုယ်နဲ့ ပေါင်းကြည့်တယ်။ အဆင်ပြေတော့လည်း
ခင်မင်ရင်းနှီးသွားတာပါပဲ” ဟု ဒေါ်မွန်မွန်ရင်က ပြောသည်။
သေနတ်ဒဏ်ရာ
တစ်ဆယ့်သုံးချက် ထိမှန်ကျဆုံးခဲ့ရသည့် အမျိုးသားခေါင်းဆောင် ဗိုလ်ချုပ်အောင်ဆန်း၏ မိသားစုနှင့်
ထိုလုပ်ကြံ သတ်ဖြတ်မှု၏ ဦးဆောင်တရားခံ ဦးစောမိသားစု ကြားတွင်လည်း သည်ဆယ်စုနှစ်များစွာအတွင်း
တွေ့ဆုံဆက်ဆံမှု တစ်စုံတစ်ရာ မရှိခဲ့သော်လည်း ထိုသမိုင်းဝင်ဖြစ်ရပ်အတွက် နာကြည်းမုန်းတီးမှုတို့ကို
မတွေ့ရသည်က ဒေါ်ခင်ကြည် စိုက်ပျိုးထားသည့် လီလီပန်းများကို ဦးစောမြေး မင်္ဂလာဆောင်တွင်
အသုံးပြုရန် ငြင်းပယ်ခြင်းမရှိခဲ့သည့် အဖြစ်အပျက်တစ်ခုကသာ ပြသနေသည်မဟုတ်။
ဦးစောမိသားစုအတွက် အမြဲကျေးဇူးတင် နွေးထွေးနေခဲ့ရသည်ဆိုသော ဒေါ်ခင်ကြည်၏ အမှတ်တရ
စကားတစ်ခွန်းလည်း ရှိပါသေးသည်။
လွတ်လပ်ရေးရပြီး
နိုင်ငံတော် လုပ်ကြံမှုနှင့်ပတ်သက်၍ ဒေါ်ခင်ကြည်အား နစ်နာကြေး တောင်းခံနိုင်ရန်
တရားစွဲဆိုနိုင်သေးကြောင်း အကြံပြုသူရှိခဲ့သော်လည်း ထိုအချိန်က ဒေါ်ခင်ကြည်
ပြောခဲ့သည့်စကားကို ဒေါ်မွန်မွန်ရင် အဘွားမှသည် မိသားစုအားလုံးက မမေ့နိုင်ခဲ့ကြ…။
“အန်တီဒေါ်ခင်ကြည်က
ဘာပြောခဲ့လဲဆိုတော့ ဒေါ်သန်းခင်က မျက်နှာမရှိဘဲ ဖြစ်ရတဲ့ မုဆိုးမ။ ကျွန်မက ဂုဏ်ရှိပြီး
ကျန်ခဲ့ရတဲ့ မုဆိုးမပါ။ ဒါကြောင့် ဒေါ်သန်းခင်ဆီက ကျွန်မ ဘာမှ မယူလိုတော့ပါဘူးတဲ့။
အဘွားက အဲဒီစကားကို အခုထက် ထိမမေ့ပါဘူး” ဟုဆိုလေသည်။
ထိုအမှတ်တရများနှင့်အမှတ်တရ
မင်္ဂလာဘိသိက်အဖြူရောင် လီလီပန်းလေးများကပင် မိသားစုနှစ်စုကြား အဃာတတရား
မရှိခဲ့ခြင်းကို သက်သေပြနေသည်။
ဒေါ်မွန်မွန်ရင်က
ဗိုလ်ချုပ်အောင်ဆန်း၏သမီး ဒေါ်အောင်ဆန်းစုကြည်ကို အပြင်တွင် မတွေ့မမြင်ဖူးဘဲ အခြေအနေပေးခဲ့၍ တွေ့ခွင့်ရခဲ့ရပါက တွေ့လိုစိတ် ပြင်းပြင်းပြပြ ဖြစ်မိသော်လည်း တကယ်တမ်း
တွေ့ရမည်ဆိုခဲ့လျှင်လည်း တွေ့ဖို့ မ၀ံ့ရဲကြောင်း ဖွင့်ဟသည်။
“ကိုယ်က
ဒီမှာတောင် ငုံ့နေရတဲ့သူလေ။ ဒေါ်စုကတော့ Image အရမ်းကြီးတယ်။ ကမ္ဘာကတောင် အသိအမှတ်ပြုခံရတဲ့သူ
ဆိုတော့လေ။ ဘာနဲ့မှ နှိုင်းယှဉ်လို့ မရပါဘူး။ မိသားစု သမိုင်းကြောင်းတွေကြောင့် တွေ့ဖူးချင်ပေမယ့်လည်း
မတွေ့ရဲပါဘူး။ မေမေတို့တုန်းက ဆိုရင်တော့ တစ်မျိုးပေါ့လေ” ဟု ဒေါ်အောင်ဆန်းစုကြည်ကို
လေးစားကြောင်းနှင့် ပြောစရာ မရှိအောင်ပင် ကွာခြားမှုများပါကြောင်း ဒေါ်မွန်မွန်ရင်က
ဆိုသည်။
ဒေါ်မွန်မွန်ရင်တို့
ဦးစောမျိုးဆက် မိသားစုဝင်များနှင့် ပတ်သက်ပြီး ဒေါ်အောင်ဆန်းစုကြည်ကမူ အပြစ်မရှိသူ
မိသားစုဝင်များ အပြစ်ရှိသလို ခံစားနေရခြင်းကို စိတ်မကောင်းဖြစ်မိကြောင်း ကရုဏာစကား
ဆိုပါသည်။
“ကိုယ်မလုပ်ခဲ့တဲ့
ကိစ္စအတွက် ဒီလိုခံစားရတာကို စိတ်မကောင်းဘူး။ ကလေးတွေက ဘာမှ လုပ်ခဲ့တာမှ
မဟုတ်တာ။ သူတို့အဘိုးကလည်း သူ့အပြစ်အတွက် ဥပဒေအရခံသွားပြီပဲ။
ကျန်တဲ့လူမှာ ဘာအပြစ်မှမရှိဘူး။ ဒီကလေးတွေကို အေးအေးချမ်းချမ်းနဲ့ နေစေချင်တယ်။ သူတို့ကိုယ်သူတို့လည်း
အပြစ်ရှိတဲ့လူတွေရယ်လို့ မသတ်မှတ်သင့်ဘူး” ဟု ဒေါ်အောင်ဆန်းစုကြည်က ပြောပါသည်။
မိသားစုဝင်များနှင့်သာမဟုတ်
ဦးစောအပေါ်ကိုပင် မည်သို့မျှ သဘောမထားကြောင်းကို ဒေါ်အောင်ဆန်းစုကြည်က ဆက်လက်၍ “ဖေဖေနဲ့
ပတ်သက်ပြီး တွေးရင် ဦးစောကြောင့် ဖေဖေ ဆုံးသွားတယ်လို့ ဘယ်တုန်းကမှ မမြင်ဘူး။ ပြီးတော့လည်း
နိုင်ငံရေးမှာ ဒီလိုပဲ ဖြစ်တတ်ပါတယ်””ဟု ဆိုလေသည်။
ဒေါ်မွန်မွန်ရင်ကတော့
သမိုင်းမှတ်တမ်းများမှာ မိသားစုနှစ်ခုကြား၌ ဖြစ်တည်ကွာခြားချက်များစွာ ရှိသော်လည်း
ထိုကွာခြားမှုကြား တူညီမှုတစ်ခု ရှိမည်ဆိုသည်ကို ယခုလိုယုံကြည်မှု ပြည့်ဝစွာဖြင့် ပြောပြသည်။
“တကယ်တော့
တိုင်းပြည်ကို ချစ်ကြတာချင်းတော့ အတူတူပဲနေမှာပါ” ဟူ၍ ဖြစ်လေသည်။
စက်တင်ဘာ
၂၁ ရက်၊ ၂၀၁၁ ခုနှစ်ထုတ် 7 Days Journal တွင် ဖော်ပြသော စာရေးသူ ငြိမ်းငြိမ်းနိုင်၏
ဆောင်းပါးတစ်ပုဒ်ဖြစ်ပါသည်။
ဒီရက်ပိုင်း ကြားနေရတဲ့ တရုပ်နဲ့ပတ်သက်တဲ့ သတင်းတွေ ရေးသားချက်တွေကို ချုပ်ကြည့်လိုက်တော့
ဒီရက်ပိုင်း ကြားနေရတဲ့ တရုပ်နဲ့ပတ်သက်တဲ့ သတင်းတွေ ရေးသားချက်တွေကို ချုပ်ကြည့်လိုက်တော့
-ဧရာဝတီ မြစ်ဆုံနဲ့ ပတ်သက်ပြီး ဆန့်ကျင်တဲ့အနေနဲ့ တရုပ်သံရုံးမှာ ပြည်သူတွေက ဆန္ဒပြမယ်ဆိုတာ ကြားရတယ်
- တရုပ်သံရုံးမှာ မြန်မာပြည်သူတွေဆန္ဒပြမှာကို ရန်ကုန်က ရဲတွေ၊ ထောက်လှမ်းရေးတွေက အကာအကွယ်ပေးတယ်
- အင်္ဂလန်မှာ နေထိုင်သူ သူရိန်ကျော်ဇောလို့ ထင်ကြေးပေးခံနေရသူ ၀တုတ် က “ကြိးဒေါ်စုသို့ ပေးစာ” မှာ တရုပ်ကို အတွေးအခေါ်အရ အကာအကွယ်ပေးထားတာတွေ့ရတယ်
“တရုတ်ကို ဆဲ တယ်၊
ခြေလေးချောင်း ကောင်းတယ်၊ ခြေနှစ်ချောင်း မကောင်းဘူး၊ အမေရိကန် ဘာလုပ်လုပ်
ကောင်းတယ်၊ တရုတ် ဘာလုပ်လုပ် မကောင်းဘူးလို့ လှေနံဓားထစ်မှတ်ပြီး အမေစု၊
အမေစုနဲ့ အော်နေရရင်ကို ကိုယ့်နိုင်ငံ ရေးတာဝန်ကျေပြီလို့ ခံယူထားသူတွေ
အများကြီးပါ။”
- အမျိုးသားနိုင်ငံရေးအဖြစ်တင်စားခံနေရတဲ့ ဧရာဝတီ ကို ဖျက်ဆီးလိုသူ တရုပ်ကို အတွေးအခေါ်အရ အကာအကွယ်ပေးနေသူ ၀တုတ် ရဲ့ ဆောင်းပါးကို မဲဆောက်က လူထုတိုက်ပွဲ ကော်မတီဝင် (အခုနှစ်စပိုင်းက ဒေါ်အောင်ဆန်းစုကြည်ကို ထိုးနှက်တဲ့ ဆောင်းပါးတွေကို ဒေါက်တာလွဏ်းဆွေ တင်ခဲ့ဖူးပါတယ်။ အဲဒီတော့ အသံတွေထွက်ပါတယ်။ အသံတွေထွက်တော့ ဒေါက်တာလွဏ်းဆွေ ကာကွယ်ရေးသမားများက ဒေါက်တာလွဏ်းဆွေက စာနယ်ဇင်းသမားမို့ ဖွတာပါလို့ တုန့်ပြန်ခဲ့တာ သတိရသွားလို့ ဒေါက်တာလွဏ်းဆွေဟာ နိုင်ငံရေးအဖွဲ့အစည်း နောက်ခံမရှိတဲ့ စာနယ်ဇင်းသမား မဟုတ်ဘူး။ လွတ်လပ်တဲ့ စာနယ်ဇင်းသမား မဟုတ်ဘူးဆိုတာ ထင်ရှားစေချင်လို့ ဒါကို ထည့်သွင်းဖေါ်ပြတာပါ) ဒေါက်တာလွဏ်းဆွေဆိုသူက အလေးအနက်ထားပြီး တင်ပြပေးနေတယ်
ဆိုတဲ့ အချက်တွေကို တွေ့မြင်နေရပါတယ်။
nyo htet
လာပြီဟေ့
လာပြန်ပြီဟ
နောက်တတုတ်။ သင်းက တုတ်ရုံမဟုတ် ကြီးလဲကြီးသေး။ နေတော့ တာဝတိံသာ။ ဟံမယ်မင်း..ဟုသာ
သွားလေသူ ဆရာကြီး တက္ကသိုလ် ဘုန်းနိုင် ညည်းသလို ညည်းလိုက်ချင်တော့။ အမယ် သူတို့ ဂေါဏေန
တွေကလည်း မဖြစ်ညစ်ကျယ် ညီညွတ်ရေးတွေ အထွေးသားကလား ကွယ်ရို့။ သူတို့ ဇာတိပြ၍ ရွှေဉာဏ်တော်စူးရောက်စွာ
ဥပစာ ပြုခဲ့သော ဖဲဥပမာနှင့် ပြောရသော် နှပ်သူနှပ်၊ ချိုးသူချိုး၊ ဒလံလုပ်၍ ထိုးသူထိုး
တဆင့်တက်ပြီး ဒါနှင့်မှ မလုံလောက်သေးထင်လျှင် ဓါးထောက်လုရန် ဝန်မလေးသူများဟု သုံးသပ်လျှင်
(မကြိုက်မှာ သေချာသော်လည်း) မှားအံ့မထင်။
အနှီ အေဘီစီက ဝ၊တုတ်၊ပေါ တို့ ဝနေက စနေတို့ ၏ အာဘော်ကို (ဘုရားစူးရစေ့)
လေးစားစွာ လေ့လာခဲ့ပြီး တွေ့ရှိသမျှမှာ..
၁) လူထုခေါင်းဆောင် ပြီသလိုလျှင် (အမျိုးသမီးမှန်က) နံ့သာလိမ်းကျံ ပန်းမပန်ရ။ လူထူထူမှာ စကားမပြောရ၊ ဘယ်သူ့ကိုမှပြုံးမပြရ၊ ပြီးတော့ (ဘာအကြောင်းကြောင့်ဖြစ်ဖြစ်)
ဘောလုံးပွဲမကြည့်ရ၊ ပြီးတော့ ငြိမ်းချမ်းရေးစကား ယောင်လို့တောင် မပြောရ။ ရန်သူနှင့် တစားပွဲတည်းမထိုင်ရ၊ ရန်သူနှင့် မစေ့စပ်ရ၊ ပြီးတော့..ပြီးတော့
၂) လူထုခေါင်းဆောင် (အမျိုးသား) မှန်က (အစ ဘယ်ညာ အချမှားမည်စိုး၍) ခေါင်းပေါင်း မပေါင်းရ၊ ရန်ငါမျဉ်းမကျူးရ၊ ပန်းနံ့သာ ကိစ္စမှအပ အမှတ်စဉ်(၁) က အတိုင်း။ (လူထုခါင်းဆောင် အလောင်းလျာများ ဖြစ်ကြကုန်သော ကိုမင်းကိုနိုင်တို့ ကိုကိုကြီးတို့ ကိုဌေးကြွယ် ကိုမင်းဇေယျာတို့ မမီးမီး မနီလာသိမ်းတို့၊ မစုစုနွေး တို့နှင့်တကွ အကျဉ်းစံ အကျဉ်းလွတ် ရွက်ပုံးသီးများ အပါအဝင် အားလုံးသတိပြု ကြပါစေကုန်)
၃) လွတ်မြောက်ရေးဆိုသည် လက်ဝေခံ၍ မရ၊ တိုက်ယူမှရသည်။ လက်နက်ချင်းမမျှလည်း ကိစ္စမရှိ၊ မဝင်းမော်ဦးလို သမီးရတနာလေးတွေ နောက်ထပ် ရာဂဏန်းမျှ ရှေ့ကထားလိုက်ရုံနှင့် ပွဲပြီးပြီ။ ဘုရား..ဘုရား။(သူတို့ဝေါဟာရ အချောင်သမား ပညာတတ်ညဉ်နှင့်) သူခိုးလူဟစ်သလို ပြော (လှုံ့ဆော်) ရက်သည်က “ဒီအဖွားကြီး မဝင်းမော်ဦး ကိုမှ အားမနာ သစ္စာမစောင့်” တဲ့။ မဝင်းမော်ဦးတို့ လို အနာဂါတ် တောက်ပြောင် သင့်သည့် နိုင်ငံ့သည်းပွတ် လေးများ (နူရာဝဲစွဲ လဲရာ သူခိုးထောင်း ဆိုသလို) ဘာအကြောင်းပြနှင့်မှ ထပ်မံ (ထပ်မံ) အစတေး မခံစေလို၍ သူ့ကိုယ်သူ (တကယ့်သေနပ်နှင့် လေသေနပ်တွေ) အကြားမှာ စတေးခံကာ ကျဉ်းကျဉ်းကျပ်ကျပ် လှုပ်ရှားနေသူ (မရိုသေ့စကား) စူပါစတား၊ ဇာတ်ပျက်၊ အဖွားကြီး အခေါ်ခံ (နေလိုက သင်းတို့ထက် နေသာသော) အမေအရွယ် အဖွားအရွယ် တခေတ်တယောက် မိန်းမသား တဦး၏ စေတနာ ကို အသိအမှတ်ပြုရန် ငြင်းဆန်နေကြသည့် သူတို့ အတ္တ မှာ စော်ကားသည် ဟူသော စကားကပင် (သူတို့စကားနှင့်ပင် သူတို့ကိုပြန်ပြောရလျှင်) အလေးနီပြုလောက် ပါပေသည်။
၎) နိပါတ်တော်လာ လူဆိုးသူခိုးတို့၏ အမွေးမြူခံ (စင်စစ်သူတို့ကို မြွေပွေးသဘွယ် ခါးပိုက်ပိုက်ထား ကြကုန်သော တိုင်းပြည်နိုင်ငံများသည် လူဆိုးသူခိုး မဟုတ်ရုံမက သူတို့ဖျက်ဆီးရန် မဆုတ်မနစ် ကြံနေကြသော သူတို့မွေးဖွားခဲ့ရာ သူတို့ဇာတိမြေမှ ပြည်သူတွေအပေါ် သူတို့ထက်ပို၍ပင် မေတ္တာထားကြသည်ကို စိုးစဉ်းမျှ သံသယဖြစ်ဘွယ် မရှိ၊ သူတို့၏အဇ္ဈတ္တ ကိုက သားရေပေါ်အိပ် သားရေနားစား ခြင်း၌ ဝါသနာထုံခြင်း ဖြစ်ပေမည်။ ဤကားစကားချပ်။)
ကျေးမိုက်သို့ ဟေ့..ဝိုင်းကြပါ တော့လား၊ ချကြပါတော့လား၊ အာရပ်နွေဦးမှာ
မြူးကြပါတော့လား (စင်စစ် အာရပ်လို အရပ်မျိုးမှာ နွေဦးရှိနိုင်မရှိနိုင် ကျွနုပ်မသိ သူတို့လည်း သိပုံမပေါ်) လစ်ဗျားကလှိုင်းကြီး စီးကြပါတော့လား ဟု ခပ်မိုက်မိုက် ခပ်ဖိုက်ဖိုက် (တချိန်က ငါးသိုင်းချောင်းမြို့သား ကဗျာနီဆရာသမား ရေးဖွဲ့ဘူးသလို) ပြည့်တံဆာခန်းမှာ အိပ်မောကျနေဆဲ ဆိုက်ကားဘီးပေါက်သံကြောင့် လန့်နိုးသည့် လေသံမျိုးဖြင့် အော်နေကြ သည်မှာ ယိုသူမရှက် မြင်သူရှက် ကွက်တိဖြစ်နေ လေ၏။ လုပ်စားခံရဖန်များ လွန်း၍ နောကျေနေသော၊ သင်းရို့ အာဏာရှင်တွေ နှင့် အာဏာတည်ဆောက် ချင်ခြင်းကြီးသူတွေ အကြားမှာ ချိနဲ့နေပြီလည်းဖြစ်သော ပြည်သူတွေ တုတ်တုတ် (သူတို့နာမည်မဟုတ်) မျှ မလှုပ်သော အခါတွင်မူ ဒီအဖွားကြီးကြောင့်၊ ဒင်းရှုပ်နေလို့ဟု ယိုးစွပ်ကြပြန်သည်။ တဦးကဆိုလျှင် လွန်ခဲ့တဲ့ ၂၃ နှစ်လုံး ဒင်းဘာမှမလုပ်ခဲ့ဘူး ဟု အရူးချေးပန်း သံယောင်ဟစ်လိုက်သေး၏။ ၂၃ နှစ်လုံးလုံး အဖွားကြီး၏ ခြေ၊လက်၊ပါးစပ် တွေတုပ်နှောင် ပိတ်ဆို့ ခံနေခဲ့ရစဉ် သူတို့ရဲ့တန်ဘိုးရှိတဲ့ အချိန်တွေ (ဘီယာဆိုင်၊ ဖဲဝိုင်း၊ ကာရာအိုကေ နဲ့စိုပြေချိန် အပါအဝင်) ဘယ်လောက် ပြည်သူအတွက် လုပ်ခဲ့ပါသလဲ ဟု သူတို့ကိုယ်သူတို့တော့
မေးဖြစ်ကြပုံ မပေါ်။
ကဲ ဘယ်လိုလုပ်ကြမလဲ
အရပ်ကတို့ရေ လို့သာ အော်လိုက်ချင်တော့။ မဖြစ်ညစ်ကျယ်ဟု စိတ်ရှိသလောက် ပြောခဲ့သော်လည်း
သည်အရေးက လွယ်သည်လို့မထင်။ ဘာလေးခုန်လို့ဖုံမထ ဟုလည်း သူငယ်နှပ်စားသဘော မပြောချင်။
နိုင်ငံ့အရေး၊ အတ္တအိုးကွဲတွေနှင့် ပိဋကတ်အိုးကွဲတွေကြားမှ အသက်ငင်နေသော ပြည်သူတွေ၏
အရေး။ တာဝတိံသာရောက် ဘုန်းကြီးတစ္ဆေများ၏
ယပ်လှဲ ပရိတ်တရားအရေး။
ပစ္စည်းမဲ့သောမမဲ့သော ခေတ်အဆက်ဆက် အရပ်တကာ လူတကာ တို့၏ အကော်ရော် ခံရသူ စာရေးဆရာကြီး ဂေါ်ကီ ရေးသားပြီး စာရေးဆရာကြီး မြသန်းတင့် ဘာသာပြန်ဆို ခဲ့ဘူးသည့် “ဖိုးမာဂေါ်ဒီယက်” အမည်ရှိ ဝတ္တုစာအုပ် မှ ကြံကြံဖန်ဖန် မှတ်မိနေသေးသော စကားတခွန်း ကိုးကားခွင့်ပြုပါ။ “ ဒီလူ (တွေ) ဟာ ခြင် လိုဘဲ။ တဝီဝီနဲ့ နားညီးအောင်လုပ်တယ်၊ လစ်ရင်လစ်သလို ဝင်လဲကိုက် တတ် (ကြ) သေးတယ်” ဟူသတတ်။ ဘာမှမဟုတ်ဘူး ဆိုရင်တောင်မှ ကျီးလန့်စာ စားနေကြရတဲ့ ပြည်သူတွေ အလကားနေရင်း အိပ်ရေးမပျက်ရအောင် သုံးဆယ့်တစ်ဘုံ ခြင်ရန်ကာကွယ်ရေး အသိလေးတွေ ပေးထားကြရင် ကောင်းမလားတွေးမိကြောင်းပါခင်ဗျား။
ယပ်လှဲ ပရိတ်တရားအရေး။
ပစ္စည်းမဲ့သောမမဲ့သော ခေတ်အဆက်ဆက် အရပ်တကာ လူတကာ တို့၏ အကော်ရော် ခံရသူ စာရေးဆရာကြီး ဂေါ်ကီ ရေးသားပြီး စာရေးဆရာကြီး မြသန်းတင့် ဘာသာပြန်ဆို ခဲ့ဘူးသည့် “ဖိုးမာဂေါ်ဒီယက်” အမည်ရှိ ဝတ္တုစာအုပ် မှ ကြံကြံဖန်ဖန် မှတ်မိနေသေးသော စကားတခွန်း ကိုးကားခွင့်ပြုပါ။ “ ဒီလူ (တွေ) ဟာ ခြင် လိုဘဲ။ တဝီဝီနဲ့ နားညီးအောင်လုပ်တယ်၊ လစ်ရင်လစ်သလို ဝင်လဲကိုက် တတ် (ကြ) သေးတယ်” ဟူသတတ်။ ဘာမှမဟုတ်ဘူး ဆိုရင်တောင်မှ ကျီးလန့်စာ စားနေကြရတဲ့ ပြည်သူတွေ အလကားနေရင်း အိပ်ရေးမပျက်ရအောင် သုံးဆယ့်တစ်ဘုံ ခြင်ရန်ကာကွယ်ရေး အသိလေးတွေ ပေးထားကြရင် ကောင်းမလားတွေးမိကြောင်းပါခင်ဗျား။
မှတ်ချက်။ အရင့်အရင် ဒီဘလော့မှာ ဒေါက်တာလွှတ်ဆွ လို့ချစ်စနိုး ကျီစယ်တာတွေ တွေ့တိုင်း ဒီလူတွေတော်တော်ဆိုး ဟု ကြားက အမနာပရ ဘူးပါတယ်။ ခုတော့ (စိတ်မဆိုးဘူး ဆိုရင်) အို့ ဟိုး ဒါ့ကြောင့်ကိုး လို့ ပြောကြည့်ချင် ပါတယ်။ လေးစားရပါသော မြှားနတ်မောင်တို့ ၏ အရှင်သခင် အယ်ဒီတာဂိုဏ်းဝင် ဒေါက်တာကြီးခင်ဗျား၊ ထိုစကားကြောင့်ဖြင့် ရွှေစိတ်တော်ညို အလိုမကျဖြစ်မည် မထင်ပါ၊ ဖြစ်မိသည့်တိုင် ဤဝေဖန်ချက်ကို ပြည်သူ့သဘောထား ခံယူနိုင်ရန် အလို့ငှါ(နောက်ဆုံးစာပိုဒ်အားဖြုတ်၍ဖြစ်စေ)
ဖေါ်ပြပေးပါရန် မေတ္တာရပ်ခံ အပ်ပါသည်။
September
21, 2011 3:22 PM
Wednesday, September 21, 2011
အစိုးရသစ် အနေနဲ့ အကျိုးစီးပွားကြောင့် သဘာဝ ပတ်ဝန်းကျင်ထိန်းသိမ်းရေး လျစ်လျှူရှု
ဆုံဆည်းရာ၊ ၂၁ ရက် စက်တင်ဘာလ ၂၀၁၁
(၆.၉.၂၀၁၁) တွင် သမ္မတ ဆီသို့လိပ်မူကာ သက်ဆိုင်ရာ တိုင်းဝန်ကြီးချုပ်၊ ခရိုင်အုပ်ချုပ်ရေးမှူး၊ မြို့နယ်အုပ်ချုပ်ရေးမှူး၊ စစ်ဗျူဟာနှင့် သက်ဆိုင်ရာ ဌာန အသီးသီးသို့ စင်္ဂပူနိုင်ငံမှ ဧရာမ သဲစုပ်သင်္ဘောကြီးများ မြို့နှင့် အလွန်နီးကပ်စွာ သဲစုပ်နေမှုကြောင့် တနင်္သာရီတိုင်း၊ ကော့သောင်းမြို့နယ်ရှိ ရပ်ကွက်အချို့တွင် ကမ်းပါပြိုမှုများ ငါးနှင့်၊ပုဇွန်များ ရှားပါးနေသည့် အပေါ် အရေးယူဆောင်ရွက်ပေးပါရန် တိုက်တွန်းနိုးဆော်ထားသော်လည်း ယုခုထက်ထိ အရေးယူဆောင်ရွက်ပေးခြင်း မရှိသည့် အပြင် နောက်ထပ် သဲတင်ဘောကြီး (၂) စီးပင်ထပ်တိုး စုပ်ယူ လာသည်ဟုသိရှိရ။
အာစီယမ်နိုင်ငံတွေရဲ့သဲတွေကို စလုံးတို့ ဂျပန်တို့က၀ယ်လို့ ကျွန်းငယ်တွေ ပျောက်
ရေဝေတောပျက်စီးလို့ သဘာဝဘေးအန္တရာယ်ကာကွယ်စောင့်ရှောက်ရေးအဖွဲ့တွေက ပါလီမန်တွေမှာကန့်ကွက်လို့ ဥပဒေပြုပြီး တားမြစ်ခဲ့ပါတယ်။
ဧရာဝတီမြစ်ဆုံဆည် အရေးကိစ္စလိုဘဲ အရေးကြီးပြီး သန္တာကျောက်တန်းတွေနဲ့ သဘာဝကျွန်းငယ်တွေပျက်စီးဖို့ အန္တရာယ်တွေ အလွန်များကြောင်း သိရပါတယ်။ ယခုလို သဘာဝပတ်ဝန်းကျင် ထိခိုက်တဲ့ ကိစ္စတွေကို အစိုးရသစ် အနေနဲ့ လျစ်လျှူရှုမှုတွေ ရှိတဲ့အတွက် အနာဂတ်မှာ သဘာဝပတ်ဝန်းကျင်ဆိုင်ရာ ဆိုးကျိုးတွေကို ပိုမိုရရှိမှာဖြစ်ကြောင်း သဘာဝ ပတ်ဝန်းကျင်ဆိုင်ရာ ပညာရှင်များက သုံးသပ် ပြောဆိုနေကြပါတယ်။
Tuesday, September 20, 2011
မိသားစု သစ်တပင်
မောင်လွမ်းဏီ
လွန်လေပြီးသော
နှစ်ချို့ တောက၊ မိတ်ဆွေတယောက်
မဲဆောက်အိမ်သို့ ၊ ပို့ လာဝေငှ
ပိတောက်တပင်၊ ရင်တွင်ထွေးပိုက်
စိုက်ပျိုးယုယခဲ့ပါသည်။
လူတရပ်က
ဓာတ်မီးတိုင်လောက်၊ ကြီးကောင်ပေါက်လည်း။
တနှစ်မဟုတ်
နှစ်နှစ်မဟုတ်၊ ဆယ်နှစ်မဟုတ်
တဖြုတ်ဖြုတ်ကြွေ၊ ရက်တွေကောက်ရင်း
အခေါက်ရင့်လာ၊ အပွေးမာလည်း။
စည်ပင်သာယာ
မကြာခန၊ လာကြ ခုတ်ဖြတ်
ဓာတ်မီးကြိုးထိ၊ ငြိလေလေတိုင်း
ဆဲရေးတိုင်းထွာ၊ ထိုင်းစာမတပ်ငြား
အိုင်စပ်တခွန်း အော်မိတယ်။
ပိတောက်မထိနဲ့ 
ဓားကြည့်ဆိုတဲ့၊ သူအိုနှပ်စား
မိတ်ဆွေများကိုလည်း၊ လေးစားမိတယ်။
အိမ်ကိုလာကြ
ပိတောက်ချစ်သူ၊ ခလေးသူငယ်
ပျိုရွယ်လုံမ
ပိတောက်ပွင့်လား၊ မွှေးရီလား အဘ
ငေးမျော်ကြတယ်၊ မေးကြတယ်။
သင်္ကြန်နီးရင်
အိမ်ရှင်မက၊ ဖွဖွဆုတောင်း
မိုးလေကောင်းသစ်၊ ဒီတနှစ်တော့
သူချစ်တဲ့ပန်း ပွင့်ပါစေ။
ကျနော်တယောက်လည်း
ပိတောက်ပင်အောက်၊
လောက်ခေါင်သောက်ရင်း
ရှေ့ နှစ်လောက်များ
ပွင့်မလားနဲ့  ချစ်အားငယ်ငယ်။
ဆယ်နှစ်လည်း မဖူး
ဆယ်နှစ်ကျော်လည်း မပွင့်
သက်ရင့်ပိတောက်၊ ပင်စည်အောက်ခြေ
ထမီပတ်လေ၊ ယတြာချေတဲ့
တချို့ တွေက အကြံပြုတယ်။
တချို့ ကလည်း
အပင်ခြေရင်း၊ မြေတလင်းမှာ
ထင်းမီးမြှိုက်ပေး၊ တဖြေးဖြေးနဲ့  ပွင့်လိမ့်မယ်တဲ့။
ကျနော်တို့ မိသားစု
အခု
ထုံထောင်းက ဘုံပြောင်းခဲ့ကြရပေမဲ့။
ထိုအိမ်လေးက
ပိတောက်ပွင့်ရက်
ဆက်ဆက်စောင့်ကြိုနေဆဲပဲ။
မောင်လွမ်းဏီ
၁၈ - ၉ - ၂၀၁၁
အိုင်စပ် = ထိုင်းဘာသာ၊ တိရိစ္ဆာန်
ဘောလက်ချာ၊ ဘောစည်းကမ်း … စသည်အားဖြင့် ဘောစကားပြောလာသူဟာ ဗိုလ်မှူးချုပ်ဟောင်းကျော်ဇော၏ မြေးဖြစ်သူ သူရိန်ကျော်ဇောဖြစ်ကြောင်း တဦးတယောက်မှ ပြောကြားလာ
လတ်တလောဆောင်ရွက်နေသည့် နိုင်ငံရေးပြဿနာကို နိုင်ငံရေးနည်းဖြင့် တွေ့ဆုံဆွေးနွေးအဖြေရှာရေး လုပ်ငန်းစဉ်များအား သဘောမတူကြောင်း ရေးသားထားပြီး
“ဒေါ်အောင်ဆန်းစုကြည်ကို ထောက်ခံတယ်၊ တရုတ်ကို ဆဲ တယ်၊ ခြေလေးချောင်း ကောင်းတယ်၊ ခြေနှစ်ချောင်း မကောင်းဘူး၊ အမေရိကန် ဘာလုပ်လုပ် ကောင်းတယ်၊ တရုတ် ဘာလုပ်လုပ် မကောင်းဘူးလို့ လှေနံဓားထစ်မှတ်ပြီး အမေစု၊ အမေစုနဲ့ အော်နေရရင်ကို ကိုယ့်နိုင်ငံ ရေးတာဝန်ကျေပြီလို့ ခံယူထားသူတွေ အများကြီးပါ။”
ဟုဆိုကာ လတ်တလောဖြစ်ပျက်နေသည့် ဧရာဝတီဖြစ်ဆုံတွင် ရေကာတာဆောက်နေသည့် တရုပ်နိုင်ငံအား အမြင် သဘောထား တမျိုးတမည်ပေးလာသူ။
ဒေါ်အောင်ဆန်းစုကြည်အား ပြည်သူလူထု၏ အားကိုတကယ်တမ်းမယုံ ယမ်းကီး (အမေရိကန်) ၏ ဖိအားကိုသာ အားကိုးသူ
“ခု ဇော်ဇော့်ဆီက ဘောလက်ချာ လာယူတော့မှပဲ ဒေါ်စုနှယ် ဘောစည်းကမ်း နားလည်ဖို့ ဘာ့ကြောင့် နှစ်နှစ်ဆယ် စောင့်ရသလဲဆိုပြီး မေးခွန်းထုတ်မိတယ်။”
ဘောလက်ချာ၊ ဘောစည်းကမ်း … စသည်အားဖြင့် ဘောစကားပြောလာသူ ဘောစာရေးဆရာ၏ ဘောစာ (ယောင်လို့) “ကြီးဒေါ်စုသို့ ပေးစာ” အား ဘောဘလော့ဂါ ဒေါက်တာလွဏ်းဆွေမှ (အဲလေ) ဒေါက်တာလွဏ်းဆွေ၏ ဘလော့ခ်တွင် တင်ပြထားရာ ၎င်းစာအား ရေးသားသူ “၀တုတ်” မှာ ရဲဘော် သုံးကျိပ်ဝင် ဗိုလ်မှူးချုပ်ဟောင်းကျော်ဇော်၏ မြေးဖြစ်သူ ဖြစ်ပြီး အင်္ဂလန်တွင်နေထိုင်ကာ ယခင်က BBC တွင် လုပ်ကိုင်ခဲ့ဖူးသူ “ကိုသူရိန်ကျော်ဇော” ဖြစ်ကြောင်း ironheel မှ ဒေါက်တာလွဏ်းဆွေ၏ ဘလော့ခ်ကွန်မင့်တွင် အောက်ပါအတိုင်း ရေးသားထားသည်ကို တွေ့ရသည်။
“ဝတုတ်ရေ မင်း အဘိုးမျက်နှာတောင် မထောက် မရှက်ဘူးလား။ ဝတုတ်ဆိုတာ ဗိုလ်ချုပ်ကျော်ဇော် မြေးပါ။ အရင် ဘီဘီစီမှာ လုပ်ခဲ့တဲ့ သူရိန်ကျော်ဇော ဆိုတဲ့ ပုဂ္ဂိုလ်ပါ။ မင်းအဖိုး မသေသေးပါဘူး။ မင်းဖာသာမင်း နေချင်သလိုနေလို့ရပေမယ့် သူ့မျက်နှာတော့ ထောက်သင့်ပါတယ်။ မောင်ရင် အင်္ဂလန်မှာ အေးအေးနေပါ။ တိုင်းပြည် အတွက် အခုလို မိုက်မိုက်ရိုင်းရိုင်း စာတွေရေးတာက လွဲလို့ မောင်ရင် ဘာတွေ လုပ်ခဲ့လဲ။ ဟိုတကောင် ဘိုဘိုလန်းစင် "သူမသည် ဘောသို့သွားသည်တဲ့" မင်း ပို့စ်မှာ ရေးထားတယ်။ သူ့အဖိုး၊ အဖွား (လူထု ဒေါ်အမာ၊ လူထု ဦးလှ) တို့ မျက်နှာမှ မထောက်၊ ဟိုလူ့ဆဲ ဒီလူ့ဆဲနဲ့ မပြည့်အိုးတွေ။ မင်းတို့ ကိုယ့်ဖာသာ မေးကြ ဘာလုပ်ခဲ့သလဲဆိုတာ။”
သတင်းပေးပို့သူ - ညိုထက် (လမ်းသစ်ဦး)
၁၉ - ၀၉ - ၂၀၁၁
Monday, September 19, 2011
“ရွှေဝါရောင်” ဟာ “တော်လှန်ရေး”
ညိုထက် (လမ်းသစ်ဦး)
ဗုဒ္ဓဘာသာဝင်တိုင်းဟာ
“ကုသိုလ်” နဲ့ “အကုသိုလ်” ကိုသိတယ်
ဘာလို့လည်းဆိုတော့
ရှင်ကြီးဂေါတမက
“အကြောင်းကြောင့်သာလျင် အကျိုးဖြစ်ကုန်၏” လို့
အခိုင်အမာ ယုံကြည် ညွှန်ပြခဲ့လုိ့ဖြစ်တယ်
တကယ်တော့
“ကံ - ကံ၏ အကျိုး” ဆိုတာ
ကံ အကျိုးပေးမှုဆိုတာ
ချွန်းချက်မရှိဘူး
ကျောသား - ရင်သား မခွဲခြားဘူး
တိုက်ဆိုင်တယ်ဆိုတာ မရှိဘူး
ဒါ့ကြောင့်ပဲ
ရွှေဝါရောင် ဟာ တော်လှန်ရေးဖြစ်တာ ဖြစ်တယ်။
ညိုထက် (လမ်းသစ်ဦး)
၁၂ - ၀၉ - ၂၀၁၁
Subscribe to:
Posts (Atom)
